رواية ياخاطفي وين القي عزتي في زمان المذلة -48
رغد قفلت منها الخط ورآحت عند خوآتهآ ورجعتهآ هذي المكالمه الى أيآم تتمنى رجعتهآ لو تدفع بآقي عمرهآ ثمن لهآ .. لكن مآتدري ليش قلبهآ رآوده شعور غريب لمآ سمعت عبدالرحمن ينآديهآ
{رغــد }
ويش صآر فيني ؟!.. عبدالله لسى بقلبي وبآلي مآرآح منه كيف أفكر بغيره .. آآه بس تلخبطت موآزيني ... أخوه يطلع بحيآتي كيف مآكآن وأستحل كل آمآكن وجوده .. مآترك لي أي ذكرى اتذكره فيهآ بس مهمآ صار مستحيل افكر بغير عبدالله ولايمكن أخونه حتى في غيبته
بآلصآله الكبيره اللي مجتمعين فيهآ
مشآري : نوني ابي مآمآ
هنآدي تنزل رآسهآ لمستوآه : مآمآ الحين تجي روح جيب جوآلي من المطبخ
مشآري : زوآلك >> جوآلك
هنآدي تضحك : ايه زوآلي روح جيبه .. ركض للمطبخ وجآب جوآلهآ وأول مآرجع كآن يغني
<جآتك رسآآله.. يآهووه جآتك رسآآآآآلــــه >
سمر ميته ضحك : علامه ذآ انخبل يرقص ويقول جآتك رسآله
سحر : الظآهر روحته مع شهد غسلت عقله كآن نآعم وحسآس وعلى طول يبكي رجع لنا مفتري وشقي
هنآدي تسحب جوالهآ وتجلسه قدآمه : تعال ياخالتو مين علمك الأغنيه ؟
مشآري يمسك بلوزتهآ ويشدهآ : عمو مآآجد.. يغني كذآ
ضحكوآ كلهم عدآ هنآدي اللي تجعدت ملامحهآ وأحتدت وقفلت ازارير بلوزتهآ .. لكن تمالكت نفسهآ وقآلت بهدوء : لا عاد تغني كذآ خلاص حبيبي
مشاري كشر : لآ .. أبي مآمآ
سمر : الله يرجك امك الحين تجي
سحر ضربتهآ على يدهآ وبحده : بنت لاتعصبي عليه بعدين يتعقد نفسيآ
سمر ميلت فمهآ : بدت تطلع نفسيآت الطب علينآ اسكتي بالله
سحر انقهرت منهآ : اذا خآطبكم السفهآء فقولوآ سلآمآ
هنآدي تهدي الوضع اللي حست انه بينقلب حرب شرسه : اقول انتي وهي هجدونآ بعدين غيروآ ذي القنآه كئبتني حطوآ لنا شي سبورت نفصفص عليه زين
سمر لفت على هنآدي : على فكره شريت مكسرآت ويش رآيك نتآبع الدوري الأيطآلي
هنآدي بحمآس : لالا الدوري الأسباني احسن واكشن اكثر فرقهم أحترافيه ونآس لعبهم نظيف
سمر : طيب بس على اي قنآه
هنآدي بخبث : مآتصدقون ويش سويت
سحر و سمر بصوت وآحد : شنو ؟!
هنآدي تحط رجل على رجل : اشترك بأي آرت تي عشآن المباريآت
سحر عصبت : الله يخلف على عقلك ... ابصم بالعشره انك انجنيتي عشآن مباريات تشتركين !
هنآدي : شوفي سحير انا عشقي كرة قدم لا تزعجيني
سمر ابتسمت : بس اكيد نتفرج على البرآمج الثانيه صح هنو
هنآدي تلعب ميشو : على حسب والله
سحر وقفت متنرفزه من هنآدي وتفكيرهآ : مآ قول غير الله يشفيك .. حآلتك كل مآلهآ تتدهور اكثر
بغرفه أخرى
شهد بشهقه : من جد صآر معك كذآ ؟
ريم تبكي : اي تصوري كل يوم يخآصمني على اتفه سبب ويختلق أعذآر عشان ينآم بمكآن غير غرفتنا
شهد عقدت حوآجبهآ بأستغراب : ريم حبي انتي متآكده انك مازعلتيه بشي او ضآيقتيه
ريم بصوت مبحوح من كثرت البكآء : اقسم لك بالله مآعمري قلت شي زعله .. بآلأخير يقولي قومي اوديك بيت اهلك
شهد عصبت : وماعرفتي ايش السبب ؟
ريم تمسح دموعهآ : حآولت معآه لكنه ينهي الموضوع بسرعه وادق عليه مايرد .. ابوي كل يوم يسألني زوجك وينه وليه انتي هنآ .. مدري شلون ارد عليه او ايش اقوله
شهد تضمهآ : يآقلبي عليك ياريومه كل هذآ بقلبك وماقلتيه لأحد
ريم تتمسك بشهد وتشد نفسهآ لحضنهآ اكثر : نفسي اعرف ليش ابتعد عني فجأه ليش مايحب وجودي معه كل كلامه لي طلع كذب من ثاني اسبوع بزوآجنآ شفت اللي ماتوقعت اني اشوفه منه
شهد تهديهآ وتمسح عليهآ : هدي نفسك لآتنسين " أن الله مع الصابرين " ومابعد الصبر الآ الفرج وسيف يحبك وما اتوقع يتركك زي ماتفكرين وقريب بيكلمك صدقيني
ريم بصوت عالي : متى ؟؟!.. متى ؟!
شهد : ماتدرين يمكن عنده ظروف خآصه فيه اعذريه حبيبتي وبيوم بتعرفين أسبابه
ريم تبعد عنهآ : ويش هذي الأسباب اللي تخليه يجرحني ويجيبني هنآ بدون ماعرف ليش ؟
شهد توقف وتمسك يدهآ : اقولك قومي غسلي وجهك وتعالي نطلع عند البنات نسولف ونغير جو تنسي همك شوي وصدقيني بيكلمك بس اصبري ويش بتخسرين انتي ؟
ريم توقف وتتجه للحمآم وأنتم بكرآمه : اوكي انا بلحقك بعد شوي
:::
:::
بآلريآض
بعد مآسكنوآ بقصره الجديد وسط مزرعته خآرج حدود الرياض على بعد 30 كيلو بعيدآ عن ضوضآء المدينه والحركه التي لا تكل او تمل .. رتبوآ أوضآعهم وبدوآ يتأقلمون مع وضعهم الجديد ... نقل كل أشغاله ورئآسته العامه لجميع شركآته للريآض ونظم كل شي ومآتغير عليه شي سوآ أستجدآد بعض الأحوآل اللي كآنت من ضمن مخططه الكبير لهذه الأنتقآله .. لم يكُن رآضي عنهآ وأُجبر عليهآ لكن سلطته وجبروته سيتبدد كغيمه مطر على من جعله وسط دآئرة مخططه واتعب تفكيره في التخطيط الدقيق له
كآنوآ على طاولة العشآء فقط هو وهي التي لم تفآرقه ابد وتبقى ملآزمه لهذه المكآن لحين وقت عودته الذي تجهله دآئمآ
فهد وبيده كآسة عصير : مشاء الله رزآن ماصآرت تتعشى معنآ
شوق تميل فمهآ على جنب : ويش تبي فيهآ خلهآ فرحآنه برجعتهآ للرياض وكل يوم بعزيمه
فهد يطالع بسآعته : من كثر صدآقاتهآ كل يوم عآزمتهآ وحده
شوق لفت على جهته : الحين ليش تسأل عنهآ .. أنآ مو مكفيتك والا اشتقت لهآ يابعدي ؟
فهد يطالع بصحن السلطه : لاتفسرين كل شي على كيفك ... بعدين اذا انتي بتطلعين اطلعي انا مآ أمنعك
شوق بعد فتره : لوكنآ بالمدينه كآن ماجلست لكن هنآ مآ أعرف احد غير ام رياض وبنآتهآ
فهد سكت شوي حس فيهآ وفي غربتهآ عن أهلهآ : طيب الوقت اللي تبين تطلعين فيه كلميني نطلع مع بعض
شوق رفعت حآجبهآ : وتطنش رزآن والا بتقول مقولتك لازم اعدل بينكم
فهد : شي طبيعي اعدل بينكم بس هذآ مايمنع اننا نطلع مع بعض
شوق تحط يدهآ تحت دقنهآ وتركز عينهآ بعينه : اجل بعد العشآء خلنآ نتمشي طفشت من الجلسه هنآ
فهد ابتسم : دآيم متهوره ياشوق ..ودآيم تبآغتيني بقرآرتك السريعه
شوق ببرود جآمح : لاتلف وتدور قول مافيك حيل وريحني
فهد ضحك بصوت عالي : شفتي انك متهوره حتى بأحكآمك ماخليتيني اعطيك ردي
شوق : سبحآن مغير الأحوال ... شوفوآ مين يتكلم عن الاحكآم
فهد كشر : انتي ويش فيك صايره جآفه بكلامك ؟!.. وصايره نكديه وأخلاقك مزفته
شوق رفعت عينهآ له : ماني مضطره اجآوبك ... لان الأجآبه انت عارفهآ زين
فهد بحده : قولي شنو فيك .. واتركي عنك هالأسلوب
شوق رفعت حآجبهآ وميلت فمهآ على جنب : أحآول ابين لك حبي لكن انت دآيم تصد عني .. ولا تشوفني بعيونك بس ياليتك تشوفني بقلبك ... رغم كل اللي تسويه اظل أحن لك ومآ أقدر ابعد عنك واحساس قوي بدآخلي يشدني لك كل مازدت ببعدك عني .. وانت للأسف لآهي بنفسك واخر محطآتك أنآ .." وقفت ولمعة عيونهآ لمآ تلآقت مع عيونه الحآده " .. بس كل ذآ مايهمني ابد لأن نهآيتك لي أنآ وبأنتظر للوقت اللي تعرف فيه قيمتي وحتى آن فآت الأوآن لأني انآ قدرك وانت قدري
تركته لحآله وطلعت للغرفتهآ تصلي وتبدل ملآبسهآ قبل تنآم .. حست انهآ ثقلت عليه بالكلام شوي لكن الرآحه اللي سكنت صدرهآ كآنت كآفيه بأنهآ تنسيهآ ويش اللي قالته له ولا تهتم له وتبين له انهآ تُتقن فن تبلد المشآعر الذي أكتسبته منه لو بشي قليل .. أخذت مصحفهآ وجلست في مصلهآ وبدأت تقرأ وردهآ اليومي وتنسى دنيآهآ وكل مآفيهآ ...
قلبت كل موآزينه بكلمآتهآ شتت تفكيره المحصور بشغله واهتماماته الاخرى
{فهد }
انت دآيم تصد عني
اخر محطآتك أنآ
انآ قدرك وانت قدري
جد انت مهمشهآ بحياتك يافهد ؟!.. والا وين تلاقي قلب يحبك زيهآ .. قلبهآ مافي زيه ابد وانت تاركهآ تعاني معك ... اذا ماتبيهآ ليش ماتطلقهآ وتريحهآ منك ومن جروحك لهآ .. يكفي روحهآ وأيمآنهآ وغرفتهآ اللي لهآ جو ثاني ...ليش تنفر منهآ ليش ؟!
رد صوت قلبه: انا اكره كل جنس حوآء ولا اقدر اعيش مع حرمه ... بس غلطت يوم تزوجتهآ عشان انتقم منهآ لكن ماقدرت .. دمرتهآ بمآ فيه الكفايه ونفسي مآتحب النساء ماتحبهم !!
مآتحبهم ؟!!
بس انت متزوج ثنتين ؟!!
ضغط على راسه بيديه وصوته يصرخ بأعمآآقه .. بـــــس كآآفي يافهد كآفي لازم تنهي المهزله هذي لآزم تشوف حياتك اللي ماتهنيت فيهآ يوم
وقف ومشى لمكتبه بسرعه وقفل على نفسه الباب حتى ينسجم في عالمه المظلم المتاهي
بعد سآعتين غيرت ملابسه ولبست روب بيج قصير ورفعت شعرهآ كآمل ونزلت للمطبخ تسوي لهآ كابتشينو وتتسلى على التلفزيون .. جلست لحآلهآ بالصاله الكبيره والقصر شبه مظلم أخذت الريموت كنترول وقلبت بالقنوآت علآ وعسى تلاقي شي يعجبهآ ... سمعت صوت صهيل الفرس وارتسمت على شفايفهآ ابتسآمه خفيفه .. مشت لجهة الباب الزجآجي اللي يطلع على المزرعه وبعدت الستآره وهي تتأمل المكآن الهادي فتحت الباب وطلعت أخذت لهآ نفس طويل وتجددت روحهآ معه مشت للأسطبل ودخلت عند الخيول وأخذت فرشة وبدت تنظفهآ نست نفسهآ وهي تسترجع ذكريآتهآ مع ابوهآ وفرسهآ اللي مستحيل تنسآهآ
:::
:::
:::
بآلمدينه
سحر : والله مدري يا ليونه
لينا : بالله تكفيت تعالي بكره والله طفشآنه مره اطلبي ابوك
سحر : اوكي بكلمه واعطيك خبر ان شاء الله يوافق
لينا بفرح : زين عشآن كمآن تشوفي فستآني وتجهيزآت الزوآج
سحر : مو كانك مستعجله شوي لينا بدري على زوآجك
لينا : لا مو بدري زوآجي بعد رمضان يادوب اخلص ثلاث شهور ماتسوي شي
سحر : اجل اوكي انا اشوف عمي واكلمك بروح اشوف ريم وخوآتي
لينا : سلمي عليهآ اشتقت لها
سحر : يوصل يالله بايو
لينا : بآآيو
أخذت لاب توبهآ وطلعت بالصاله عند خوآتهآ المجتمعين على سوآلف وونآسه
ريم : مين كنتِ تكلمين ؟
سحر تجلس جنبهآ : اكلم ليونه تسلم عليك
ريم ابتسمت : الله يسلمهآ من زمآن عنهآ ايش اخبارها
سحر : بخير .. بكره بروح لهآ بس بشوف ابوي
سمر بتملل : شوفوا انا طفشانه ومكتئبه دوروآ لنا مكان نروح له
شهد : زوروني بالبيت من زمان ماجيتوآ عندي
هنادي كشرت : لالا اسمحي لي انتي ساكنه تحت اهل زوجك واذا جت معهآ بتجي ام يوسف وتصير لمه وانا ماحب هالشي
رغد فتحت عيونهآ على الاخير : ياسبحان الله هنآدي ماتحب الجمعآت الكثيره ايش صار بالدنيا
هنادي رفعت حآجبهآ وميلت فمهآ : انتم بتروحون روحوآ
شهد : اقول بلا تنكيد وتعالوآ عندي وانتي غصب عنك تجين فآهمه
هنادي بعنآد : لا ماني جايه
سمر تدقهآ : بلا نكد " لفت لشهد " خلاص بنجيك وانتي سحر اجلي روحتك للينا
سحر : طيب اجل بكلم مهآوي اقولهآ على اتفاقكم
شهد : وبعدين هنوده انتي تحبين غدير بناديهآ اذا جيتي
هنادي تغيرت ملامحهآ ( غبيه .. اووف ايش هالورطه انا ماحب عمارة اهل زوجها تغثني دآم فيهآ ذاك الغبي والمتخلف ماجدوه الله يعين بس على هالروحه ماني مرتآحه لهآ احس بتصير فيهآ مصيبه )
بآلرياض
جت وجلست جنبه والتعب بآين عليهآ
ليآن : فيصل وديني المستشفى
فيصل طل فيهآ : ويش تحسين فيه ؟
ليان تحط يدهآ ورآ ظهرهآ اللي بارز مره : ظهري يألمني مره
فيصل يوقف : طيب البسي عبايتك بروح البس ثوبي واوديك للعياده
ليان : زين اجل بنمر امي تروحي معي
فيصل : طيب بس كلميه تتجهز
ليان ( وي مره متغير معي يارب يديم هالحال بيننآ ولا تغير علينآ )
أمآ عنده طل بساعته وانصدم لمآ ماحس بمرور الوقت كآنت الساعه 2:40 صبآحآ طلع من مكتبه ومشى لجهة الدرج طالع لغرفتهآ لكن استوقفه صوت صهيل الخيل وصوت التصفير اللي يسمعه .. رجع نزل من الدرج بسرعه وانتبه للباب الزجآجي مفتوح قرب منه وهو يسمع صوت الصهيل يزيد طلع ووقف عند الطآوله الخشبيه وعيونه عليهآ من بعيد متفاجئ من اللي يشوفه ... استغرب تعود الفرس عليهآ بهذي السهوله وكأنهآ مربيتهآ من زمآن فرسه اللي يصعب ترويضهآ قدرت تروضهآ بدقايق وتخليهآ ترضخ لهآ ... شآف الأنسجآم بينهم وضحكتهآ الصافيه ولمعة عيونهآ اللي ماقدر يتجآهلهآ ...جلس يتفرج عليهآ وهي تدرب الفرس وتلآطفهآ
لفت بتجري ورآهآ لكنهآ وقفت مكآنهآ مصدومه من الشخص اللي ماتوقعته يكون يرآقبهآ لو من بعيد رجعت الفرس لأسطبلهآ ومشت متجهه لغرفتهآ وعيونهآ مبتعده عنه كل البُعد مرت من جنبه ومسك يدهآ
فهد : مآتخيلتك خيآلــه
ماردت عليه وبعد فتره من الصمت بينهم : لو سمحت اترك يدي بروح انام
فهد يمشي قبلهآ : من حظك ان رزآن بتنآم عند اهلهآ
شوق انقهرت من كلمته لكن طنشته وماردت عليه ومشت ورآه وهم متجهين للغرفه
بعد مآدخلت الغرفه وسكرت الباب مشت للسرير واتلحفت حست جسمهآ مكسر وتعبانه حيل غمضت عيونهآ .. حست بخطوآته تقرب اكثر وأنسدح جنبهآ فتحت عيونهآ وشآفت وشمه اللي على ذراعه رجعت غمضت عيونهآ بقوه وضغطت على الشرشف وهي تجمعه بكفهآ لفت على الجهه الثانيه ودخلت حرب عصيبه مع قذآئف الذكريات ...سمعت صوته يوصلهآ ويصحيهآ من دوآمآتهآ
فهد بهدوء : شوق
شوق ضغطت على نفسهآ وردت : نعم
فهد : قبل انسى ترى ابوي كلمني اليوم وقال بنطلع كلنا للشرقيه
شوق لفت على جهته وبأستغراب : الشرقيه !!
فهد : أيه عازم العايله كلهآ بشاليه اللي بالخبر
شوق :شالطاري ؟
فهد غمض عيونه : والله مدري عنه ابوي مسوي بيجمع العايله على اخر عمره
شوق فتحت عينها على الأخير : كيف تقول عن ابوك كذا
فهد بتأفف : ماقلت غير الصدق .. وجهزي نفسك الأربعاء بنمشي للخبر
شوق شدت الشرشف اكثر وغمضت عيونهآ : يصير خير .. ونآمت
::
::
بآلمدينه .. وتحديدآ ببيت يوسف
يوسف : ليش ماجبتي مشآري معك
شهد جلست على الكنبه جنبه وحطت يدهآ على خصرهآ : أشوفه أخذ الغلا كله ..ترآني أغآآر يوسف كتم ضحكته وقآل بمكر : بس هالمشاري يجنن يأخذ العقل بالله خلينآ نرجع نجيبه
شهد فتحت عيونهآ : من جدك نروح الحين
يوسف : ايه من جدي احس البيت فاضي بغيابه
شهد كشرت : يعني انا ماني مالية عينك ..
يوسف يقرب منهآ ويلف يده على كتفهآ : ماليتهآ ونص ويش ابي بالناس دآمك معي
شهد قربت من خده وبآسته : اساساً وآثقه أني اكفيك عن الدنيآ كلهآ
يوسف ابتسم وضمهآ لصدره : فديت ابو الثقه كلهآ
شهد رفعت رآسهآ : اقول يوسف بكلمك بموضوع بس اوعدني يكون بيننآ
يوسف عقد حوآجبه بأستغراب : خير حبيبتي شنو الموضوع
شهد بعدت عنه ومسكت يده وعيونهآ مركزه بكفه بتردد وبعد فتره قآلت: ســيــف ..
يوسف خآف من نبرتهآ وتعابير وجههآ : ويش فيه ؟!
:::
:::
بآلريآض
.. كآن توه جآي من السهره اللي عزموه عليهآ عيال أعمآمه دخل القسم الخآص فيه بقصر أخوه وقف يتأمل المكآن بهدوئه وظلمته اللي تنورهآ انآرآت خآفته
بآسل ( آآخ يالقهر بس انا كيف سكت عنه ومآرديت معقول انا باسل اسكت عن محمد وسخريته مني ومن فهد ... آآه بس اصبر علي يامحمد انا اوريك تعآيرني بأخوي من أمي "استوقفته هذه المحطه وعصفت به الأفكآر " لــــيش؟ ايش معنى فهد وامي .. آآآه بس ياراسي بينفجر من الأفكار
<<~ بآسل يصير أخو فهد من امه لكن من وزير معروف بالمملكه تزوجته سنه وحملت ببآسل وتطلقت منه على طول .. وعآش عند جده ابو امه واخوه فهد بعد زوآجآت امهم المتكرره الفاشله .. وبعدهآ اخذه ابوه لما كآن بالثآنوي وخلآه يكمل تعليمه عنده وبعدهآ سآفر لكندآ يكمل تعليمه الجآمعي في هندسه الحآسب ... كآن منفرد بحيآته وبأعمآله كون نفسه وأسس له شركه كآنت صغيره في ذآك الوقت بمسآعدة جده وقت حيآته .. ستآيله كول جدآ جسمه ريآضي عضلي بسبب عشقه للريآضه طوله فآرع وشعره طويل لحد أكتآفه بشرته برونزيه مثل بشرة اخوه فهد .. ملامحه جدآ حآده عيونه وآسعه عسليه وشخمه طويل متنآسق مع وجهه الدآئري
دخل غرفته بسرعه ونزع بلوزته ورمآهآ على الأرض جلس على السرير وفتح لاب توبه وهو يحآول يلهي نفسه بأي شي حتى مآيفكر بأشياء تتعبه وماتفيده ... وبدآخله الف سؤال يدور على أجآبه له لكن كل شي حوله مبهم
ويش هي شخصيه باسل ؟ وكيف رآح نتعرف عليه أكثر ؟ واي مفاجأت ستنتظرنآ ؟
بالخبر .. كيف بيكون أجتمآع العايله ؟ ومعقوله شوق تتأذى من أهل فهد ؟
رزآن وغيبتهآ عن الاحدآث على غير العاده .. كيف بترجع لنآ ؟
ريم وسيف ويش قصتهم ؟
واي احدآث ستكون بأنتظآرنآ ..!!
البآرت الثلاثون
أصعبْ صعبْ ~
إنتِكاس الحُبْ ?ِله لـِ [ِ العدمْ ]ِ . . !
لملِمْ أش‘ـََواقِكْ و هَاتْ
و إلا تِدري لـِ الجِهات
إنتِثرْ كِلكْ , [ِ شِ‘ـَتاتْ ]ِ . . !
. . {ِ و لملمّ جِ‘ـَراحِكْ
. . {ِ و لملمّ جِ‘ـَراحِكْ
. . {ِ و لملمّ جِ‘ـَراحِكْ
بآلمدينه
ببيت ابو مهآ
رغد : انا طفشت من جلسة البيت الأجآزة ذي كئيبه
سحر : طيب خلونآ نروح السوق نغير جو شوي
هنآدي : في احد يغير جو بالسوق
سمر : انآ عن نفسي موآفقه
سحر كشرت : بس ميشو وين نخليه صعب نأخذه معنآ للسوق
رغد تأخذ جوالها : بكلم شهد اقولهآ نجيبه عندهآ
هنادي : بس نمره بالرجعه مستحيل نرجع بدونه اطفش اذا ماهو في بالبيت
رغد تدق على شهد : على حسب شهد نشوف ايش تقول
سمعت صوت شهد : هلآ والله رغوده
رغد : هلابك زود شخبارك اليوم
شهد : تمآم
رغد : اقولك شهوده بنروح السوق ونجيب ميشو عندك
شهد بحب : وه وه ينور البيت بجيته .. انا عزمتني خالتي ام يوسف
رغد : كويس انك قلتي لي عشان نكشخ العريس
شهد : ههههههههههه ايه يمكن نلقى له عروس
رغد : اجل بعد المغرب نجيبه لك ونرجع بالليل نأخذه
شهد استغربت : ليش بتتأخرون انتم
رغد : لا بس يمكن امر على فاتن أخذهآ معنآ بدآل ماتجلس لحالهآ
شهد : اوك استنآكم بعد المغرب
رغد : ياالله سلام
شهد : مع السلآمــه
:::
:::
:::
بآلريآض
دخلت القصر بعد ما سولفت مع باسل شوي ولقت فهد جآلس مع شوق يتغدون
رزآن : السلام عليكم
الكل : وعليكم السلام
نزلت عبايتهآ ونآدت ليزا توديهآ لغرفتهآ وجلست بالكرسي اللي على يمين فهد : كيفك حبيبي
فهد بثقل : بخير
رزآن : عسآد دوم يارب
فهد بحده : خلصتي زياراتك الصباحيه والمسائيه
رزآن عقدت حواجبها باستغراب : ايش فيك عليا .. هذآ بدل ماتقول مشتاق لك
فهد : مشاء الله طالعه داخله على راحتك وناسيه انك متزوجه
رزان كشرت : مانسيت بس حرام اشوف امي وخوالي وبعدين كل خوالي عزموني فرحانين برجعتي وبعد صديقاتي فيها شي ذي واضن انا اتصل عليك واقولك
فهد : شوفي من اليوم قللي طلعاتك .. شوفي شوق جالسه بالبيت ومهتمه فيه
رزان رفعت صوتها : هذي شوق مو انا .. بعدين ناسي ان شوق مالها احد هنا يعني غصب عنها تجلس بالبيت لاصديقات ولا قرايب ايش تبيها تسوي
فهد رفع حاجبه : اسمعيني يا رزان .. اللي يبيك يجيك هنا ومن اليوم ورايح تستأذنين مني قبل اي مشوار تطلعينه وانا اللي اقرر تروحين او ماتروحين
رزان عصبت : بس انا متعوده اطلع واجي براحتي ابوي ماعمره تحكم بطلعاتي
فهد صرخ عليها بصوت عالي سكتها : هذاك ابوكِ وأنا زوجك سآآمعــه زوجك
رزآن وقفت وصرخت بقهر وغيض وبعيونهآ نظرات ناريه لشوق : ايه مليتي راسه علي ولا بعد يقارني بوحده حثآله من الشارع
وقفت شوق وضربت الطاوله بيدهآ وردت عليهآ بنفس النبره واعلى وبكل قوتهآ قالت : لاتجين ترمين اغلاطك على غيرك روحي شوفي انتي مقصره مع زوجك بأيش ولا تلوميني وحدك لهنآ وبس انا اشرف من مليون مثلك والزمي حدودك احسن ما اعلمك الأدب من اول جديد لأن اشكالك مايعرفونه ولا يدلون طريقه
رزان طلعت عيونهآ قدآمهآ من الغيض والعصبيه وهي تسمع رد شوق عليهآ : شنو قلتي انا ما اعرف الأدب يابنت الشوآرع
شوق عصبت وبدت تفقد اعصابها وصرخت : رزآآآآآن احترمي نفسك واتقي شري ترآك ماعرفتيني زين
رزآن تتخصر : ويش بتسوين فيني مثلآ ؟!
شوق رفعت حآجبهآ واعطتهآ نظره قويه والشر بعيونهآ : مابرد على ناس حقيره ووآطيه بس صدقيني بعلمك قدرك
رزآن رفعت صوتهآ : تخسين ... ماهو انتي اللي تعلميني
شوق ضحكة بسخريه : فعلآ انتي انسانه نآقصه وعقلك مثل الاطفال
رزآن ولعت من كلامهآ وانجنت من سخريتهآ عليهآ وزآد نار قهرها وغضبهآ برود فهد وعدم تدخله بينهم وكأنه عاجبته المسرحيه اللي يأدوون ادوآرهآ شوق ورزآن قدآمه
رزآن بعدت خصله بعصبيه : شآيف ايش تقول .. رد رد عليهآ وهي تسبني قدآمك
فهد وقف وبكل برود اعطآهم ظهره ومشى بأتجآه الباب وقآل بنبره هآديه : حلوآ مشاكلكم بنفسكم بس اتمنى ارجع بالليل وتكون الأوضآع هآديه عشآن ما اخرب ليلتكم انتي وهي
شوق تمشي بسرعه وتطلع الدرج وهي تردد بينهآ وبين نفسهآ بصوت مسموع : استغفرك اللهم اني كُنت من الظالمين .. استغفر الله واتوب أليه ..
ودخلت غرفتهآ وانفردت بنفسهآ عشان تبعد عن رزآن وتصرفاتها اللي تدري انها رآح توترهآ وتزيد غضبهآ وكرههآ لهآ
بآلصآله بعد ماتركوهآ لحالهآ وكآنت دمآئهآ تفور دآخل اوردتهآ من العصبيه التي تملكتهآ
رزآن ( أنا تربيني ياشوق .. طيب نشوف مين يربي الثاني والله لآخليك تندمين على كلمه نطقتي فيهآ ... حتى لو وصلت اني اخلي فهد يطلقك .. رآح انتقم لكرامتي منك ) اخذت جوالهآ وبدون اي شعور منهآ اتصلت عليه جآهآ صوت على طول
..: هلآ رزآن كيفك
رزآن بصوت حآد : ماني بخير دآم هالعقرب معي
احمد عقد حوآجبه : من تقصدين ؟
رزآن تتريق عليه : حبيبة القلب اللي تتمنى قربهآ ياحظي
احمد : آهـــآ قصدك شوق .. ويش اخبارهآ
رزآن : زفت .. شوف احمد ابيك تساعديني لازم اخليها تذلف من حياتي كلهآ ماني طايقتهآ ولا طايقه اشوفهآ معي بنفس البيت دبر لي اي مصيبه اللزقهآ فيهآ
احمد بروآقه وهدوء : ماعليه يارزآن اهدي انتي الحين ناسيه انك حامل .. والتوتر ماهو زين لك
رزآن : انا دآم اني اشوف شوق قدآم اموت الف مره مدري ايش يحببهم فيهآ وع القرويه تلوع الكبد
احمد : شكلهآ مسويه لك شي ماهو هين ابد
رزآن : شوف ياحمد انا عندي وعدي لك وانت بعد لازم تساعديني اني انفذ وعدي لك ونكسب انا وانت انا اكسب قلعتهآ عن وجهي وانت تكسب اللي تبيه
احمد ابتسم بخبث ولئم : ياسلآم عليك يعجبني الشر اللي فيك .. وانا عند اتفاقنآ بس امريني انتي
رزآن جلست على الكنبه وركزت نظرهآ على مكآن بعيد وهي تبتسم وترفع حآجبهآ بحده وبرآسهآ مليون فكره وفكره
بالملحق الأرضي الثاني الخاص بباسل ... مشى عند اخوه اللي سمع خطوآته بالصاله وشآفه جالس على الأريكه ومنزل رآسه بين كفوفه .. استغرب منظر اخوه اللي يوحي بالتعب والألم .. حس بنغزه في قلبه .. وكأنه متأكد من احساسه اللي يقول ان اخوه يحتآجه قرب من اخوه وحط يده على كتفه وبنبره رقيقه
بآسل : سلآمآآت
فهد رفع رآسه وابتسم رغم الألم اللي بدآخله : الله يسلمك بس على ويش ؟
بآسل يتفقد وجه اخوه اللي ماتطمن له ضم كف فهد لكفه : فهد ويش فيك كانك تعبان ؟
فهد : ابد ولا شي بس ارهآق الشغل وشوي مشآكل فيه تعرف التجاره انت مشاكلهآ كثيره
باسل مو غبي لدرجه انه يقتنع بهذآ العذر اللي اعتبره سخيف بالنسبه له : بس عيونك تقول غير كذآ .. قلي ياخوك ويش تحس فيه
فهد زآد ضغطته على يد باسل : مافيني الا كل خير بس انت لاتشيل هم ... تعال هنآ توك صاحي هآه .. اجل طولت بالسهره البارح
باسل ضحك : اي والله طولت عند الشباب وناسه ولعب وسوالف غير عن الملل اللي هنآ
فهد بجديه : باسل انت عندك شركه ليش تاركهآ بدون اداره ترى المال السايب يعلم السرقه .. شوف مستقبلك لا تضيع تعب السنين اللي رآحت
باسل كشر وتكى ظهره على الاريكه ورجع يده ورى راسه : مليت من حياة العز والفلوس كل اللي ابيه موجود من كنت صغير كل شي حولي بس رغم هذا كله ماكنآ سعيدين ... نفسي اذوق طعم السعاده يافهد اللي انحرمنا منها من صغرنا
فهد : الحمدلله حنا بخير وصحه وعافيه ويش نبي اكثر هذي السعاده .. كثير يتمنون حياتنا لا تبطر على النعمه ياباسل
باسل رفع عيونه للسقف وصار يتكلم عنهم الأثنين : فهد لاتحسبني ما احس فيك انت اخوي الوحيد والكبير انت تعذبت كثير بحياتك ولازلت تتعذب حتى مع زوجآتك انا فاهمك زين حتى لو ماتكلمت قلبي يحس فيك رغم اننا عشنا فتره بعيد عن بعض ... نفسي اعرف ليش ماتبي تتكلم وترتاح انت تعبان بس ماتبي تعترف
فهد ضربه على راسه : ويش ذا الأفكار اللي براسك انا مافيني شي وهذآ انا قدآمك مثل الجبل مايهزني شي .. والحمدلله اموري كلها تمام بس الظاهر انت عقلك صاير به اختلال شوي
باسل ابتسم له : يمكن ليش لا
فهد يوقف : قوم روح معي الشركه منها تأخذ لك فكره عن شغلي واعمالي
باسل يوقف : زين انا باخذ شور والحقك
فهد بتهديد : ياويلك ماتجي استنآك .. سمعت
باسل يخنق نفسه بتأفف : سمعت والله سمعت ارحمني ياشيخ
طلع من عنده وهو يضحك بصوت عالي وركب سيآرته ومشى لشركته واشغاله
:::
:::
بالمدينه بعد المغرب ببيت يوسف
نزلت هنآدي توصل مشاري لشهد .. عند باب الشقه
شهد تشيل مشاري : طيب انزلوآ عندي
هنآدي : لالا كلنا بالسياره حتى فاتن معنآ
شهد تتحسر : يااربي بتحسرون فيني اووف بس قهر
هنآدي تغمز لها : احد قالك تزوجي
شهد تدفها : يالله وريني عرض اكتافك وتأخروآ لا أوصيكم
هنادي تضحك : اهب عليك .. انتبهي له مو تنسينه
شهد تتخصر : لا تعالي علميني احسن طسي بس يالله
هنادي تمد لسانها : سخيفه .. باااي " غطت وجههآ وطلعت من العماره وقبل تدخل السياره سمعت صوت فرآمل ولفت ورآهآ وشآفت اكره انسان عندهآ بالوجود انسآن ماتطيقه وصار يلآحقهآ كشبح مخيف لهآ ويسنزف قوآه ويشعرهآ بضعفهآ وخوفهآ منه
نزل من سيآرته بسرعه وقف عند باب وعينه على سيارتهم اللي مشت بطريقهآ رآقبهآ الى ان غابت عن عيونه
بآلسياره
سحر بتعجب : غريب اخو يوسف ذآ كل ماشافنا هنآ مايتحرك الين نمشي
رغد بضحكه ومزح قالت : يمكن عاشق وحده بيننا
هنادي انصدمت من كلمه رغد اللي وقعت عليهآ كالرصاص القاتل عصبت وصرخت : هيه انتي يالبقره ويش تقولين .. لآعـــآآد اسمعك تقولين كذآ
رغد كشرت : ويش فيك تصارخين علي .. امزح انا
هنادي بنفس نبرة العصبيه : مزحك زي وجهك
فاتن استغربت : ويش فيك عصبتي هنوده؟.. رغد تمزح ماله دآعي التعصيب
هنادي ارتبكت وماعرفت بايش ترد وبنفس النبره : لالا ويش تقصدك عاشق وحده فينا على بالها نرمي نفسنا على الناس
رغد انقهرت منهآ : هيه لاتجلسين تفسرين على كيفك ... قلنا نمزح اوووف
سمر تهدي الوضع : بليزز لاتخربون طلعتنا بالهوشآت خلاص رغوده
هنادي تلف على القزاز وتطالع السيارت وهي ميته قهر من رغد وكلامهآ ( قال عاشق وحدنآ فينا قال... مايدرون عنه وعنه )
رغد تدق فاتن : ماقلتي ايش صار مع تركي
فاتن حمر وجههآآ : والله مستعجل يبي نتزوج وانا مدري ايش اقوله
سمر بلقافه : يالخبله وآفقي وعيشي حياتك مع زوجك
رغد لفت عليهآ وبنص عين وصوت حاد : ويش قلتي ؟
سمر بخوف : ولا شي انتي حره فاتن
الكل : ههههههههههههههههههههههههه
سحر : والله رغد صايره شخصيه علينآ
رغد ترجع لفاتن : اقول انتي يالخبله وآفقي وخلصينا نبي نفرح
فاتن بحياء : اقولكم شي زوآجي الأسبوع الجاي
كلهم صرخوآ : ويـــــــــــــش
هنادي بحماس مخلوط بعصبيه : من جد فاتن والا تمزحين ترى مالي خلق المزح الثقيل
فاتن ترفع سبابتهآ : وقسم بالله ان زواجي بعد اسبوع تركي يقول مو لازم نسوي زوآج كبير ويقول كمآن لاتشترين شي خلينا نتزوج بسرعه واعطاني المهر بعد
رغد تخنقهآ : يادوبه توك تتكلمين
فاتن : قلت بمزح عليكم بس ماقدرت وقلت الحقيقه .. المهم بشتري من اليوم اغراض وانتم ساعدوني
هنادي : يرحم اهلك يا فاتن انا بشتري لك التيشرتات
سحر : اجل تحرمي على الكشخه من الحين بتجيب لك كلها سبورتآت
فاتن : هههههههههههه خلاص هنوده لك اللي طلبتي
رغد تفكر : طيب نبدأ بايش
فاتن بحياء : العطور والبجايم
سمر تضحك : ياحوووول هذا اللي يهمك
رغد : اقول اهجدي بس .. بدآيه حلوه فتونه بس لازم نمر ريماس اجل حتى تساعدنا
فاتن : كلمتهآ تقول هي الحين بالسوق مع اختها
رغد : اجل خلونا نروح ونسآعدك حتى تخلصي لو شي بسيط وبكره نروح لمشغل نحجز لك مافي وقت
فاتن تمسك يد رغد : الله يخليكم وربي لولاكم اضيع
:::
:::
:::
كآن واقف وشآيل مشاري معه وينادي : شهودتي انا بسبقك فوق اوكي
شهد : طيب انا البس عبايتي واجيكم .. بس انتبه لميشو
يوسف يطالعه ويبوسه : لا توصيني .. مشينا ميشو
مشاري يضحك : أيــه
يوسف يفتح الباب : طيب وين تبينا نروح
مشاري : عمو مآزد << عمو ماجد
يوسف : نروح عند ماجد ليش لآ
بعد ماتكحلت وتعطرت لبست عبايتهآ وطلعت للدور الثاني ودخلت شقة اهل يوسف
غدير : يآهلآ والله بشهد حياك تفضلي
شهد : الله يحيك الا وين خوآتك ما اشوفهم
غدير تجلس : مريم بالمطبخ مع امي والبقيه اللي على النت واللي تكلم بالجوال
شهد تنزل عبايتهآ وتزبط شعرهآ وتنورتهآ الطويله :وين يوسف ومشاري ما اشوفهم
غدير ابتسمت : اشتقتي له هآآه
شهد عقدت حوآجبهآ : قصدك ميشو ؟!
غدير انطلقت ضحكآتهآ : ميشو ... هآآه اقصد اخوي يوسف اشوف الشوق بعيونك
شهد حمرت خدودهآ واستحت : ههههههههه لا وربي بس استغربت ماشفتهم
غدير تتربع : وي الله يعينك عاد يوسف غثيث بالله مايثقل دمه معك بمزحه اللي زي وجهه
شهد تسحب شعر غدير : عاد الا زوجي حبيبي .. ما اسمح لك تتكلمين عليه هذآ روحي .. فديته أنآ وفديت مزحه على قلبي زي العسل
غدير ميته ضحك :كل ذآ حب ... هنياله والله يوم كان عندنا مالقى غير التكسيح اشوفه ذآيب لشوشته اثاريك تتغزلين به هو وجهه
شهد كشرت ونبره غريبه : ويش فيك حاقده على يوسف وربي انه طيب وحنون وكل الزين فيه مايستاهل تقولين عنه كذآ
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك