رواية يا اغلى ناسي -3
بدور بخوف : شفي
أستاذ محمد : حلج يابدور أغلبه أخطاء وأنا خبري فيج ممتازة ما صدقت أنه هذي ورقتج وأنا أصلح الأمتحان
بدور بخيبة أمل : أدري توقعت أنا ما كنت دارسة كانت تتكلم وعيونها بالأرض .
استاذ محمد: عسى ما شر انا ادري انج ما تهملين بالدراسة صاير شي معاج وسكت يناظر ينطر جوابها .
بدور : ما كو شي بس صار عندنا ظروف بالبيت عرس أخوي وجذي .
استاذ محمد :اها ميخالف بس هذا ما يمنع ان ننزل بمستوانا عالشان ظرف بسيط مثل هذا وكمل
ما ابي أحد يدري ان انا علمتج بالدرجة والدكتور أسامة مشغول هالأيام وانا أبيج تيني المكتب باجر أخر الدوام بعيدلج الأمتحان بس درسي عدل ولا تقولين لأحد
بدور وطايرة من الفرحة : مشكور ما قصرت باجر أنشالله احل احسن.
وكملت تمشي ورا واهم يطلعون من القاعة لين أطلعوا وبدور شافت رفيجتها قاعدة بالممر
دانه : ها شصاير؟
بدور : أأاأأوش خل يبتعد شوي فشلتينا تلاقينا سمعج .
ومسكت دانه ايدين رفيجتها وسحبتها بعيد : قوليلي شصاير
بدور وطايرة من الفرح : وقعدت تكلم رفيجتها علي صار
دانه وتضحك : شوي شوي يوقف قلبج كل هذا فرح لأن اهتم فيج شوي وحبت تستفزها وكملت عادي : أهو خايف على مستواج وممكن يسويها مع اي وحده مثلج
بدور بعصبية : يسويها شنو يعني أنا فاهمة غلط .
دانه وتضحك : لايعمري احساسج شكله مو غلط الله يهنيج من قدج اليوم يوم سعدج دعمتي في وخايف على علاماتج وقعدت تغمز لبدور.
بدور فرحانه ومنحرجة : واي والله مو مصدقة اللي صار
دانه عيل أبشري أنج باجر ساقطة ساقطة لأنج راح تظلين طول اليوم تفكرين في حبيب القلب .
بدور : فال الله ولا فالج وفالج ما قبلناه ألا بحفر الكتاب حفر وباكله أكل وبثبتله باجر أنا شكثر شاطرة وما أفشل عمري .
دانه بطرف عينها : ورينا شطارتج يا شاطرة .
.
.
.
.
.
اتمنى تعجبكم أعزائي
مرحبا
فرحت لأن البارت اعجبكم
البارت الثامن
بدور : فال الله ولا فالج وفالج ما قبلناه ألا بحفر الكتاب حفر وباكله أكل وبثبتله باجر أنا شكثر شاطرة وما أفشل عمري .
دانه بطرف عينها : ورينا شطارتج يا شاطرة .
في لندن
الوقت مايل للمغرب وحور ومشاري يتمشون بالهارودز يتشرون
حور : مشاري انا يوعانه والله يوعانه
مشاري : أنزين حياتي صبري شوي كأنج الياهل .
حور بزعل : خلاص مابي شي
مشاري : اموت بالي يزعلون خلاص خلينا نحاسب ونطلع الحين اللي يقول أغراضي أغلبهم أغراضج.
حور وتسحبه من أيده : يله بسرعة شوف بتصير زحمة على الكاشير وراحت تركض جدامه وتتخلل الناس كأنها الطفله المشاكسة بقصد تتجاوز كم واحد بالدور .وعدت اتأشر لمشاري وأيدها على حلجها وتضحك
مشاري الله يخسج شسويتي فشلتينا
حور : كيفي أنا حرة اسوي اللي ابي وقعدت تنقي حلاو من اللي يحطونه عند الكاشير وتناظر مشاري يعني اي وحده
مشاري : حبيبتي اللي تبينا كله اخذيه .
حور وتلف وتكسر رقبتها بمعنى شكراً
واهم طالعين من الهارودز متجهين لسيارتهم مشاري قابل وحده شكله يعرفها وقعد يضحك معاها واشر لحور انها تسبقه للسيارة وعطاها المفتاح.
حور اللي مالقت الا انها تمتثل لكلامه : يلعن ابو التصريفة : ياربي منو هذي الحلوة اللي مشاري متشقق واهو يكلمها حتى ما عطوني وجهه
فتحت السيارة وقعدت بمكانها تشب الأضواء وأطفيها ( الأضواء اخارجية ) خلت كل اللي يمر يطالعها ويستغرب .
مشاري اللي صافح البنت واتجه للسيارة بعد ما نبهته البنت على اللي تسوي زوجته راح واهو يركض.
مشاري : يالخبلة شتسوين جنيتي
حور وكاتمه دموعها واسئلتها : ولا تعليق
وطول الطريج ساكتين لمن وصلوا للمطعم نزل ونزلت حور ومشت واهيه صاده عنه
قعدوا على الطاولة وشكله مطعم بيتزا وبدا مشاري يطلب بدون ما يسأل حور عن شي
حور: كان قلبها يغلي غلي وحست انه مشاري يتهرب من نظراتها وبنفس الوقت كرامتها ما سمحت لها تتنزل وتسأل مين هذي .
بعد ما وصل الأكل : بدا مشاري ياكل وحط لحور شريحة بيتزا بصحنها وقال: حبيبتي ذوقي هذي راح تاكلين اصابعج وراها هذا احسن مطعم بيتزا ايطاليه بلندن .
حور قعدت تلعب بالشوكة بالأكل وحذفت
الشوكة بعصبية على الصحن انتثر
مشاري وبدون ما يرفع عينه ليش ما تاكلين
حور : ما ابي
مشاري : ليش
حور : شبعانه
مشاري واهو للحين يطالع بصحنه : ذبحتيني يوعانه يوعانه واخر شي ما تقدرين نعمة الله ورفع عينه بعصبية
حور : اللي خرت ادموعها ما ابي وديني البيت
الناس انتبهت لحور اللي اتبجي بصمت وماكان من مشاري الا ان حط فلوس على الطاوله ولف مسكها من ظهرها وسحبها تمشي بسرعة فتح السيارة وحذفها ولف يقعد
مشاري بعصبية : شفيج شصاير شلي قلب حالج توج شحليلج شفيج انقلب حالج.
حور : ولا تعليق بس جريان دموعها زاد وزاد وقامت تنتفض من البجي
مشاري لف للطريج ورجع السيارة وانطلق بالشوارع لطريق البيت.
وحور طول الطريح واهيه اتشاهق.
بعد ما صفط السيارة لف لصوبها ومسكها من ظهرها ويمشي بسرعة للبيت وساحبها وياه رقى السلم وفتح باب الغرفة وقطها على السرير وقعد ومال عليها مسك ايدينها ويصرخ : قسم بالله اذا ما قلتيلي شفيج لا تشوفين شي عمرج ما شفتي .
حور ما حست بعمرها الا تبي تنحاش منه وتحاول تفلت منه لكن شدد على قبضته على ايدينها قامت اتكفخ فيه واطق بجتوفه واترفسه
مشاري بأعصاب : أهدي شفيج ينيتي ومل واهو يحضنها عالشان يثبتها لمن دره انها فاقده اعصابها من جد
مسك ايدينها وربطها عدل بأحضانه وقعد هديها
مشاري : حبيبتي يا بعد عمري اهدي خلاص اهدي وكمل بصراخ اقولج أهدي ولاكو فايده البنت فاقده خلاص واعصابها مفورة من صجها
فكها ألا وطراااااااااااااااااخ
حور طاحت على الأرض بصدمة ومشاري طاح صوبها وحضنها بقوة : سامحيني حبيبتي بس كان لازم اسوي جذي عالشان تصحين
حور : مالقت نفسها ألا حاضنته بقوه وبجت واهيه تصيح بأسمه مشششاااري
مشاري: أوش خلاص خلاص وقعد يمسح على راسها واهو حاضنها .
وشوي ألا وفكها من بين ايدينه وكمل : حبيبتي ادري انج احتريتي لمن كلمت هذي البنيه بمواقف السوق بس هذي البنيه مجرد صديقة من ايام الدراسة وصدقيني ما بيني وبينها الا كل صداقة .
حور وبشك طفولي : عيل ليش صرفتني
مشاري : ما صرفتج بس كنت بقولها كلام وخفت لا أحرجها جدامج
حور وتقاطعه : يا سلام وشنو هالكلام المهم ؟
مشاري : يا حور البنت هذي يتيمه ومصرفة امورها بالغصب وانا اساعدها بقسط الجامعه
ها فهمتي ليش
حور وهي متفشله : ااسفة والله ما توقعت
مشاري وهو ماسك اجناب راسها ويرفعه ويقربه من وجهه : يا حور غيرتج هذي مالها داعي وعصبيتج هذي لازم اتخففينها فاهمة ولا لا وقرب وطبع بوسة صلح على احلى شفايف شافها بحياته
حور ما مانعت للأنها كانت هلكانه من البجي قعدت بحضنه لغاية ما حس انها نعست قام وداها الحمام غسل ويها وبدلت هدومها ولبست قميص حرير لفوق الركبة ومبين جتفها وايدينها وراحت لفراشها وعيونها مغمضة
مشاري انتبه لها انها لبست هالبس واهيه مو واعيه ضحك ونا م يمها يتأمل هالطفلة اللي نايمة على بطنها وحاضنه المخدات
اشرق الصبح وحور توها بتفتح عيونها الا وتشوف مشاري لاصق فيها ويبتسم لها وصدره عاري
طالعته بصدمة واهو يبست لمن باسها على خدها
حور: مشاااااااري
مشااري : اوووش يا حلوة وكمل محد قالج لبسي جذي أأأأوش
حور ما قدرت اتقاومه
في بيت ابو مشعل
ام مشعل تبخر الصالة ألا بنزلة ابو مشعل ياسلام على هالبخور ريحته حلوه تسلمين يالغالية
ام مشعل : تسلم يالغالي رايح الشركة
ابو مشعل : اي والله تبين شي ؟ طبعاً ابو مشعل قص عليها لأن كان بيروح المطار يستقبل ولده مشعل وزوجته وبنته
ام مشعل لا الوقت وايد امبجر تو الناس .
ابو مشعل: ساره
ام مشعل : نعم
ابو مشعل شفيج بوجهج حجي
ام مشعل: ما هقيتك ما تنتبهلي طول عمرك تحس فيني يالغالي والله يا بو مشعل ما خطيت من امس وانا اكلم ولدك مشعل بس محد يرد على .
ابو مشعل ( ويدري انهم بالطيارة ) : لا تخافين يا امشعل اكيد مشغولين او نايمين او خطهم ما يشبك
ام مشعل : هذا انا اقول جذي أعوذ بالله منك يا شيطان .
ابو مشعل لفت ويبتسم للمفاجأة اللي محضرها لزوجته بجيته ولدها مشعل.
وعلى الساعة 12 بدور تركض على السلم
وبلوم : يمه ليش ما قعدتيني عندي امتحان بعد ساعة يا ويلي وين السايق
ام مشعل : شوي شوي لا أطيحين وانتي ليش ما ضبطتي لساعة
بدور : راحت علي نومة يمه انا ادرس للفجر .
وكملت ركض للسيارة وانطلق فيها السايق للجامعة
شوي ألا وام مشعل منصدمة وجهها تهلل وعجزت تقوم من مكانها واهيه تشوف مشعل حبيب قلبها داش عليها
يمه مشعل حبيبي وتبي تقوم ألا ومشعل يركض لها يبوسها براسها وبأيدينها
يمه يا لغاية اشتقتلج وايد
ام مشعل واهيه تناظر ابو مشعل بلوم : ليه ما قتلي جان فرشت الأرض ورد بجيتكم وقعدت تحضن بمرت ولدها وبحفيدتها الحلوة الصغيرة .
أم مشعل : ياهلا يا هلا فيكم توا ما نور البيت
مشعل وزوجته وتوهم يقعدون : بوجودكم
ابو مشعل : هذي المفاجأة اللي خاشها عنج يا امشعل من اسبوع ورايح المطار من الفجر وادري ان طيارتهم ما توصل الا الساعة 11 من شوقي لهم
مشعل ويبوس راس ابو : تسلم يبه وانا اكثر
وقعدوا يسولفون على بعض وكل واحد فيهم متشفق على الثاني
شوي صعد مشعل وزوجته جناحهم وهدوا الصغيرة عند جدتها
مشعل : عسى ما شر يا سارة لا يكون عوار معدتج ردلج مرة ثانية.
مريم : اي والله يا مشعل ما ادري شبلاني
مشعل ويطمنها : ما كو الا العافية هذي القرحة وما تسوي وانشالله مع العلاج راح تتحسنين
مريم وتاخذ فوطة وتدخل الحمام تتسبح: تكفى يا مشاري عقب الغدا ودني لأمي مشتاقة حيل اشوفها .
مشعل : صار يا عمري بس اهم شي ترتاحين الحين .
في لندن
ومشاري يطق الرقم على غاليته امه
وشوي وله صوتها يوصله وحس في مثل المطر
أم مشعل : يا هلا بمشاري اليوم انا عيدي عيدين
مشاري: هلا فيج يمه شخبارج وشلون ابوي وبدور وشسالفة العيدين
أم مشعل : كلنا بخير يا بعد عمري انت شلونك
مشاري بخير يمه الله يسلمج
أم مشعل : اليوم تفاجأنه بخوك مشعل زايرنه يمه وكاهو يمي يسلم عليك وتعطي سمعاة التلفون.
مشعل : هلا مشاري شخبارك
مشااري: هلااااااااااااااا فيك يا خوي مشتافلك
مشعل : تشتاقلك العافية مبرووووووووووووك
مشاري : الله يبارك بعمرك ويلتفت علىحور اللي نايمة على بطنها تلعب بستارة السرير اللي جنها خيمة
ام مشعل تاخذ سماعة التلفون وتقوم بعيد عن مشعل: يمه مشاري شلونك مع زوجتك طمني عنك
مشاري : وسوا نفس حركة امه وابتعد عن حور : بخير يمه حور خوش بنيه
ام مشعل : الله يطمنك يمه ويهنيك والله قلبي مثل النار عليك عطيني حور اكلمها
حور مدت ايدها وخذت التلفون من ايد مشعل وبخجل : ألو هلا خالتي ..... بخير ... الله يسلمج وتحاول تبعد عن مشاري اللي ربكها زيادة وقعد يبوس بخدودها وبرقبتها
حور صكت التلفون بعد ما ودعت على خالتها
وبلوم: مشاري ربكتني
مشاري ما عطاها مجال وخربها مرة ثانية وحور بدون مقاومة .
وعلى الغدا نزل مشاري وماسك بأيده حور واهيه اطالعه بخجل وكانت لابسه تنورة شورت جينز ابيض لفوق الركبة وبدي ماسك من عند الصدر لونه احمر عليه مثل الكارديغان لونه ابيض مطلع جسمها روعة وشكلها كيوت مع شعرها الحرير .
تغدوا بهدوء
في الجامعة بدور قاعدة ومو عارفة تحل ومرتبكة واهيه قاعده عند الأستاذ محمد اللي كان مشغول بالكمبيوتر اللي جدامة
استاذ محمد : بدور شفيج
بدور اللي طاح القلم من ايدها ونزلت اتجيبه : ما فيني شي
أستاذ محمد : ليش مرتبكة الأمتحان صعب تبين اساعدج ولف يشوف حلولها
بدور اشرت على سؤال كان غامض بعض الشي قرب ايده وياشر على السؤال : هذا
بدور : أي
أستاذ محمد : سحب القلم من ايده وارتبكت بدور وتلامست ايدينكم وسحبتها بدور بسرعة .
أستاذ محمد اللي اشر على الأجابة الصحيحة من بين 4 اجابات يعني غششها لف لها وابتسم ابتسامة ساحرة : شكلج ما نمتي عدل لأنج مو قادرة تركزين كا أنتي حالة لأصعب منه وهذ مو عارفتله
بدور بخجل ممزوج بسعادة : ابتسمت ببراءة واهيه اطاع بعيونه صح كلامك ما نمت البارحة وقعدت ادرس لأذان الفجر .
استاذ محمد : واهو يرجع القلم : عفيه عليج هذا السهر اللي يسوى .
بدور بارتباك ردت تحل الأسئلة وهلمرة قعد الأستاذ بكرس مقابل لها خلاها تموت وترتبك زيادة .
وبعد ما خلصت مدت ايدها المرتجفة وسلمتها لورقة ولمت اغراضها بتمشي وبارتباك
ألا وتتعرجب بكرتون الأوراق اللي مرمي على الأرض واطيح على وجهها : آه
أستاذ محمد نط من مكانه واتجه لها
بدور واهيه تبجي ومو قادرة تعدل قعدتها : أه
أستاذ محمد شفيج وين تعورتي
بدور ومنحرجة : خلاص ما فيني شوي وتحاول تقوم وتوخر وتحاول تسحب نفسها بالغصب وتمشي خطوتين متسنده على الطوفة : ما فيني شي بروح
أستاذ محمد واهو منبله ما يدري شيسوي
بدور خطت خطوتين برا المكتب ودارت فيها الدنيا وطرراخ طاحت على الأرض مغمى عليها
أستاذ محمد ركض ومسكها وقلبها ويطق على وجهها
صحيح استاذ محمد ملتزم ويعرف بأمور الدين ألا انه في هالموقف وماكو احد بالقسم ونهاية الدوام ما لقى غير أنه يحاول يصحيها .
أستاذ محمد : بدور بدور دور بجنطتها على تلفون يتعرف من خلاله على رقم أهلها لكن لسوء الحظ كانت طالعة مستعجلة ونست تلفوناه على الشحن ودق على الأسعاف اللي ما قصروا جو بسرعو سالوها للمستشفى
واستاذ محمد لحقهم بسيارته
وبالمستشفى الدكتوور يسأل أستاذ محمد : انت شتقرب لها
أستاذ محمد بارتباك شرحله السالفة وكمل عسى ما شر شفيها يا دكتور
الدكتور : كسر مضاعف بساقعا واحنا جبسنا رجلها والحين تقدر تطمن عليها وتخبر اهلها يجون ياخذونها بعد ما تخلص المغذي .
أستاذ محمد دخل بأرتباك وعينه على رجلها
لكن شنو شاف ملاك نايم شوي عليها كلمة ملاك
بدور كانت نايمة وشعرها مكشوف وعيونها مدمعه من كثر ما بجت استاذ محمد اشر للمرضة تجي تلفها بحجابها خلال ما الممرضة تحجبها وعت وفتحت عيونها لوساع وشافته واقف يمها تلملمت بمكانها وحاولت تقوم من الفشلة
أستاذ محمد : سلامتج يا بدور ما تشوفين شر
بدور بدموع أستاذ ابي امي .
أستاذ محمد رق لها : انشالله ليش الدموع عطيني رقم بيتكم وانا اخبرهم يجون
بدور : كملت بجي ما تدري من العوار او من الأحراج او من الفرحة
استاذ محمد:
بدور شفيج تبجين خلاص اهدي وحاول يعرف منها الرقم .
أستاذ محمد واهو يدق على زر الأتصال : السلام عليكم
أبو مشعل ومستغرب من الصوت : وعليكم السلام منو حضرتك
أستاذ محمد قعد يشرحله السالفة وابو مشعل فار الدم براسه على اللي صار لحبيبة قلبه بدور واسكر التلفون وانطلق وهو يكلم زوجته
يا ام مشعل لبسي عباتج ولحقيني للسيارة
بالسيارة وام مشعل أتشاهق : انا أدري عمرها رحتي ما اكتملت وهذا هو طلع في بنتي بدور
ابو مشعل اللي كان ساكت طول الطريج
وصلوا للمستشفى وطلب كرسي متحرك حق زوجته اللي ماكانت تقدر تشيل رجولها من الأرض من الخوفة
نطلقوا بعد ما سألوا عن غرفتها
وعند الممر عرف ابومشعل الأستاذ اللي كان ناطرهم برا الغرفة سلم عليه ودخل لبنته يطمن عليها : بدور يا بوج شصارلج
بدور اللي تبجي وحاضنه امها : ما ادري يبه ما حسيت ألا وانا اهني ما أدري
أم مشعل : سلامتج يمه ما تشوفين شر كلها كسر واطيبين انشالله
بدور : يبه ابي اروح البيت خذني البيت ما ابي هني وقعدت تشاهق .
أبو مشعل تذكر يشكر الأنسان اللي اسعف بنتهم وطلع ولا يشوفه
أستاذ محمد : سلامة بنتك يا عمي
أبو مشعل : الله يسلمك من الشر ما قصرت يابوك عساك على القوة أنشالله .
استاذ محمد: ماسويت ألا الواجب يا عمي وانشالله تقوملكم بالسلامة وكمل تامرني على شي يا عمي انا استئذن .
أبو مشعل : تسلم يا ولدي ما قصرت
وودع أستاذ محمد ابو مشعل وصورة بدور للحين أباله .
وبعد اسبوع من السالفة أستاذ محمد كان وده يعرف اخبار بدور وشلون صارت مسك دانه بأحد ممرات الجامعة واستفسر منها بأحوال بدور وطلب رقمها النقال .
دانه واهي تدق على بدور:هااااااااااااي دانه
دانه : هلا بعمري اشتقتلك يالخايسة تصدقين امشي بالجامعة كأني هبلهمضيعة من دونج
بدور : عالشان تعرفين قدري يالخايسة
دانه : بدورو أستاذ محمد اليوم مسكني وسألني عنج
بدور : وووووووووووااااااي دانه والله متفشله فشله مو طبيعية منه تصدقين افكر اوقف قيدي لأني مالي وجه أقابله بعد اللي صار
دانه : يحظج علي صار ياليتني بدالج والله جت من الله عالشان تتقربون من بعض تدرين أنه اخذ رقم نقالج مني اليوم .
بدور : شنو ولا يكون عطينتي ؟
دانه أي عطيته يعني شتبيني اقوله ما عندي واهو يدي اني صديقتج العزيزة
بدور : الله ياخذج يا حمارة وووووواااااي منج شسوي فيج والله ودي أكسر الجبس اللي برجلي على راسج.
داانه : شدعوه توقعت تشكريني تشتريلي هديه
بدور : لا تعليق وسكروا التلفون بعد ما ودعوا بعض
بدور غاصت بفراشها وصكت الأبجورة ومع ان الساعة للحين 8 ونص بس كانت تهرب من تفكيرها المتواصل بحبيب قلبها ولا شاشة التلفون تنور بمسج تحت البطانية
بدور رمت التلفون من ايدها بربكة وشوي تاخذه وتفتح المسج وشافته رقم غريبب
وكان مكتوب
مسالخير بدور
شلونج الحين انشالله احسن
حبيت اسأل عنج
واتطمن عليج
بدور بعد تفكير مسج سوت رد
واكتفت
الحمدلله بخير مشكور مقصرت
وتوها بدز المسج ألا يرن التلفون بنفس لرقم
بدور : ألو
هلا يالغالين سامحوني سامحوني كنت مشغولة شوي
على العموم هذا هو البارت بين ايدنكم
البارت التاسع
بدور بعد تفكير مسج سوت رد
واكتفت
الحمدلله بخير مشكور مقصرت
وتوها بدز المسج ألا يرن التلفون بنفس لرقم
بدور : ألو
ن
أستاذ محمد : سلام عليكم
بدور : عليكم السلام واهيه غايصة بالفراش
أستاذمحمد : لايكون نايمة وقعدتك
بدور : لا توني كنت اردلك المسج
أستاذ محمد بهدوء :أها وشلونج الحين ؟
بدور : الحمدلله يفكون الجبس بعد اسبوعين واداوم انشالله
أستاذ محمد : واحنا بانتظارك ماتوصين على شي
بدور بدون احساس : تسلم
أستاذ محمد: مع السلامة
بدور : مع السلامة
وصكت التلفون وغاصت بالفراش أكثر من سعادتها وخجلها وفتحت الأيفون على أغنية الطير واههيه مو مصدقة من اللي يصير لها .
وانفتح الباب ولا اخوها مشعل اللي كانت دارية من امها نها وصل حضنها وباسها على راسها وقعد يسولف معاها.
لمن أنعسوا وراح نام بجناحه وزوجته كانت نيمه عند بيت عمه اللي اهم اهلها.
في بيت ابو علي
علي : يمه بمناسبة وصول اختي من السفر انا ابيج تخطبيلي
ام علي ووجها متهلل : هذي الساعة المباركة يمه
مريم : ومنو سعيدة الحظ يا خوي شكلك حاط وحده ابالك
علي بحيا : صادقة يا وخيتي انا ابكم تخطبولي بدور بنت عمي ابو مشعل انا معجب فيها من وانا صغير
ام علي : والله يا ولدي يازينه من اختيار بدور يا حليلها جمال وعلم والفوق هذا بنت عمك لحمك ودمك
مريم اللي كانت فرحانه : علي قلت حق ابوي؟
علي: هذي المهمة عاد عليكم .
ام علي :واحنا قدها وقدود وقامت للدوانية تخبر زوجها عن اللي صار وتستشيره
ابو علي ما مانع بس قاله عطيهم فرصة لأن بدور تعبانه وخلونا ننطر لين يبرا كسرها
من جهة ثانية وبعد مرور 20 يوم على بقائهم بلندن قرروا يرجعون الديرة
مشاري ها ياحور خلاص جهزتي جنطتج
حور : خلاص متى طيارتنا
مشاري بعد 3 ساعات يله نمشي يادوب نلحق الشوارع هالحزة زحمة
حور : وتعدل حجابها وتاخذ جنطة ايدها أنا جاهزة .
ابتسموا لبعض ونزلوا تحت يسلمون على مدام اميرة لجل أيرحو
في مطار هيثرو مشاري خلص الأجراءات بسرعة وراح اهو وحور السوق الحرة يتسوقون اشياء خفبفة
وبعدها سمعوا نداء الطيارة وراحوا ركبو بسرعة وطارت الطيارة وكل واحد فيهم ماسك ايد الثاني زمبتسم ان راد الديرة بعد قضاء شهر عسل شبه جميل .
وعلى المغرب ألا وباب البيت ينفتح ويدخل مشاري وبأيده حور
أم مشعل مالقوها ألا يتبب وتلولش .
أبو مشعل : ياهلا ياهلا الحمدله على السلامة
مشاري يركض لأبو وامه يسلم عليهم وحور تبوس راسهم بخجل وتقعد عند مشاري
أم مشعل اللي لاجظت السعادة والأندماج بين ولدها وزوجته : شلونج يا بنيت يحور عسى استانستي
حور بخجل : الحمدلله خالتي مشاري ماخله علي قاصر
أبو مشعل ومستانس من ولده : ولدي مشاري رجال وينشد فيه الظهر كفو يا ولدي كفو .
حور اللي ماتت من الخجل ومشاري يناظرلها : انا اشهد يا عمي
ام مشعل : يمه حور شكلج تعبانه روحي يمه غرفتج وارتاحي شوي قبل العشا.
حور : انشالله خالتي وراحت ورا الخدامة فوق عند غرفتها.
مشاري حس بأن أمه وابوه عندهم كلام قرب من امه وباس خدها : وحشتيني يالغالية
أم مشعل : وانت اكثر يا يمه بشرني شلونها وياك
مشاري : الحمدلله يمه حور طيبه واداري خاطري وراحتي .
أم مشعل وابو مشعل : تحمدوا ربهم علي اسمعوا وكانوا خايفين انه يكون العكس بما ان الزواج تم بلغصب من كلا الطرفين
مشاري وهو يصعد على السلم يروح غرفته ألا وصوت حبيب على قلبه من ورا
مشعل : مشاري
مشاري يلف واهو مو مصدق : مشعل حبيبي
وقعدوا يحضنون بعض ومشاري يبوس راس أخو العود
مشاري : شخبارك يا خوي
مشعل الله يسلمك انت شخبارك والله اشتقتلك
مشاري : والله انا اكثر
مشعل يساسر أخوه بأذنه بمزح : يقولون متزوج بنت ولا بالخيال والله انك راعي بطوله
مشاري ويطق جتفه بجتف اخوه وهو مهستر من الضحك انتبه ان مريم بنت عمه وزوجته واقفة وراه كلمها وعينه بالأرض : شلونج يا ام سارة عساج طيبه
مريم ومبتسمة: الله يسلمك انت شخبارك وشخبار زوجتك وينها شوقتوني اشوفها
مشاري : حور بجناحنه اللحين اناديها
وافترقوا كل واحد راح جناحة يرتاح
مشاري واهو يدخل على حور وشافها منسدحة بروب الحمام على القنفه وكأنها مخدرة : حور حبيبتي تعبانه
حور وتعدل قعدتها: شوي بس
مشاري قام من بين رجولها رايح للحمام يتسبح
حور : مشاري
مشاري لف لها : نعم
حور : مشكور مشكورين كلكم
مشاري واهو راد وقاعد على ركبه مقابل لها: على شنو حبيبتي
حور وعيونها مدمعه :" على كل شي مشاري انتوا رحمتوا يتمي وخلوتوني اعيش معاكم بهالبيت اللي ما تخيلت بيوم انتي اعيشه ما توقعت بعمري ان في ناس بهالحياة يملكون كل هالرحمة بقلوبهم .
وسكت لأن في دمعتين انسابوا على خدها
مشاري ورق قلبه وحضنها لصدره : انتي تستاهلين ياحور واكفى بكلامه.
وبعد ما خذا دش نزلوا لغرفة الطعام واتفاجئوا ان الكل قاعد بمكانه ومنتظرهم
مشاري وحور تفاجئوا بسارة على كرسي متحرك
مشاري واهو يصرخ ومتجه لأخته الصغيرة : بدور شفيج وكمل يناظر ابوه وامه: شصارلها
وحور اطالع الموقف بعد ما تجهت لبدور اتسلم عليها
بدور أقطعت الموقف: ماكو شي ياخوي اتصدق من طفاقتي اتعرجبت بالجامعة جدام الله وخلقه وصار اللي صار
قالتها وما توقعت ان الكل انفجر بضحكة دوت البيت وقعدوا يكملون عشاهم
ام مشعل اللي بقلبها تسمي على عيالها وتتحمد ربها ان الكل متجمع عندها بالحظة لمعت دمعة الفرح بعينها
ابو مشعل انتبه عليها وابتسم ابتسامه هزت كيانها
بعد العشا والسوالف حور وزعت الهدايا والكل شكرها راح كل واحد جناحه ونامو وهم بقمة التعب
البارت العاشر مو بعيد خليكم على اتصال
مساء الخير عليكم جميعاً
وسوري على البارت القصير اللي فات وانا انشاءالله بعوضكم بالبارت الطويل هذا بس
عالشان خاطر
عيونكم
البارت العاشر
بعد العشا والسوالف حور وزعت الهدايا والكل شكرها راح كل واحد جناحه ونامو وهم بقمة التعب
بعد مرور أسابيع قليلة مرت بهدوء وسعادة على بيت أم مشعل
مشعل رجع يستكمل شغله في أمريكا مع زوجته وبنته في أمريكا وكل العئلة حزنت لمن راحوا
الساعة 8,5 الصبح
الكل قاعد يفطر
أم مشعل : يمه بدور زهبي عمرج بعد الفطور نروح نفتح الجبس
بدور بسعادة : أي والله يمه تصدقين مو مصدقة بتخلص من هالطابوقة المعلقة بريلي
أم مشعل تبتسملها وتلف على مشاري اللي كان يتريق بهدوء : يمه مشاري وينها حور ليش ما نزلت
مشاري : ما ادري يمه انا يوم نزلت كانت بالحمام
بها الأثناء تدخل حور وتبوس راس خالتها وتقعد يم مشاري اللي لف راسه لها وابتسم وحور ردتله بمثلها
مشاري بهمس : شفيج تاخرتي؟
حور : ولا شي بس كنت بالحمام
ولف تبي تاكل شوي ولا
طرررراخ وبدور صرخت
حور طاحت من الكرسي على الجنب وفاقده الوعي
مشاري اللي نط من مكانه : حور حوور حبيبتي شفيج ولف على امه المنبلهه يمه خليهم يجيبون عباتها وقعد يصحيها بعد ما شممها شوية عطر ناولته له بدور من جنطتها
حور: افتحت عينها واهيه بأيد مشاري : نزلت دمعة من عيونها: مششاااري تعبانه
مشاااري ويناظرها بلهفة وعيونه مليانه حنان : أاووش حبيبتي لا تبجين ماكو أله الخير
حور : وديني فوق بنام ما ابي
مشاري : بس انا بوديج المستشفى يكشفون عليج
حور : ماابي الله يخليك ابي اروح غرفتي ارتاح وقعدت تصيح
مشاري اللي ما تحمل حضنها وشالها واشر لأمه تجي معاه فوق
مشاري بعد ما حطها على سريرها طلع لصالة الجناح بعد ما امه نادته
أم مشعل : يمه شفيها من متى واهيه تعبانه
مشاري : ما ادري يمه توني اشوفها طاحت
أم مشعل :يمه لا تسمع كلامها وديها سويلها تحاليل أخاف فيها شي تعال معانا الحين نودي بدور ونكشف عليها بنفس الوقت
مشاري اللي مارد على أمه لأن سمع بدور واهيه تصرخ وطايحة على الأرض وركض لها شافها زاحفة صوب الحمام بس ما قدرت تكمل ورجعت على الأرض
مشاري ويحضنها ويوديهاالحمام: حور حياتي مسكي نفسج شوي ويرفع راسها على ورا ويشممها عطر
وحور تكمل ترجيع وتخور قواها ومشاري يشيلها يوديها على أقرب قنفة يسدحها .
مشاري يمه لبسوها عباتها بسرعة ويركض ياخذ تلفونه وبوكة ويرجع يسندها للسيارة
عند المستشفى أم مشعل وبدور راحوا قسم العظام بعد ماحطوها على الكرسي وحور نفس الشي وطيران على قسم الباطنيه.
بدور واهم يفتحون الجبس : يمه تهقين حور حامل أقص أيدي لو مو حامل واو بصير عمه
أم مشعل ومبتسمه : أركدي يا بنت خل نشوف الدكتور شيقول وأنشالله مثل ما تقولين والله يابدور لج مني هديه حلوه لو كلامج طلع صح .
بدور : عيل الهديه بمخباتي وتضحك لمن شافت ريلها واخيراً والممرضة تساعدها على الوقوف .
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك