رواية ياخاطفي وين القي عزتي في زمان المذلة -31
أحبــك ..
ثم آحبك..!
وعندي لهاذي الكلمه "دلايـل"
عيـون تشفق لشوفـك,,وقربــك..
لها دمعـن على خدي,,همـايل..
عيون ماتبيعـك..ياعيــونـي..
تبيـع,, اليوم لعيـونـكقبـاآآيـل..!!
وأكررهـا,,لـك ياحيــاتـي..
أحبــك..
.. ثم..
أحبــك~
حمرت خدودها ونزلت رآسها بحياء وخجل منه .. تحبه بكل شي فيه بقربه تحس انها مالكه الكون كله وقفت وبعدت عنه وجاء ورآها وضمها
عبدالله : أحبك لأخر عمري يارغد .. لفت عليه وحطت يديها على رقبها وبكل تجرئة وباسته على خده وحطت راسها على كتفها
رغد : وانا اعشق الارض اللي تمشي عليها ياحياتي ما أتخيل دنيتي بدونك .. وضمته بقوه وجلست تبكي
عبدالله يمسح عليها : ويش دخل الدموع الحين
رغد زآد بكاها : أحس بفقدك .. تكفى لاتتركني اعاني في بعآدك
عبدالله : مستحيل يفرق بيني وبينك الآ الموت ياقلبي
رغد زآدت ضمتها له : أذا مت خذني معك .. حياتي مالها دآعي بدونك
عبدالله أبتسم على كلامها : رغد سامحيني على كل شي .. سآمحيني !! بعدت عنه والدموع مغرقه عيونها
رغد : أسامحك
عبدالله : سامحيني اني خليك تخوني اهلك وتجي معي .. انا ندمان بس الحمدلله من بكره بنكون لبعض ..
رمت نفسها بحضنه وهي تردد وتقول له : لا تطلب مني هالشي انا مسامحتك على كل شي .. كيف اسامح روحي اللي بداخلي كيف اسامح قلبي اللي ينبض وعايشه فيه ومستحيل اعيش بدونه
عبدالله : الله يخليك لي يارغد ولايحرمني من صوتك ووجودك معاي .. بعدها عنه ومسح دمعاتها اللي على خدها وباسها على خدها الناعم وأبتسم لها
عبدالله : بلاش دموع وأحزآن
رغد : دموعي غصب عني نزلت .. ضمها لصدره ورجع باسها وهو يضحك
عبدالله : دلوعه انتي .. بس يحق لك صراحه .. دق جوالها وتذكرت شهد بعدت عنه وردت عليها
رغد : اوكي جايه لاتنافخين .. وسكرت الجوال ..عبودي لازم انزل الحين شهد تستناني
عبدالله : اوكي هيا ننزل .. غطت وجها وعدلت طرحتها ومشت معه .. طلعوآ من الباب ووقفوآ على الرصيف قبا تمشي وتتركه
رغد : استناك بكره على نار
عبدالله مسك يدها بقوه : رغد
رغد : ياعيون رغد
عبدالله : ســآمحيني
رغد : عبدالله لاتبكيني كافي فوق مت بكاء
عبدالله : أحبـــــــك
رغد : وأنا بعد .. أما شهد كانت على الرصيف الثاني أول ماشافت عبدالله ولعت من العصبيه تاركتها نص ساعه تستنى عشان عبدالله
رغد : يؤؤ شهد عصبت شوف كيف تطالعني يالله مع السلامه
عبدالله : أنتبهي لنفسك وتأكدي أني أحبك
أبتسمت وهي تشوف وجه اللي أسرها وملك قلبها وكل احساسها .. ماتبي تبعد عنه لحظة وحده
ولا تبي تتركه ثانيه بدون ماتكون معها ويتقاسمون كل لحظاتهم بحلوها ومرها .. نست نفسها وهي تمشي لكن ماصحت الا على صوت شهد اللي تصرخ بأسمها وتعلقت عيونها وأيقنت انه قادم لا محال
وتَّــٍـلَـْـِكُ هٌـِـَـَّـيِ زَحِـَـَّـمُــْـ’ــٍَةْ الأقُـِـًـَـدَّاْرَ
وَدًآعًـٍــْـآ أُيُــْـهَـٍـِـَـآ القًـِـلًـَـِبْ
ومــــــآذا بـــعــــد ؟؟!!
شوق & فهد .. وحربهم بأي نتيجه ستنتهي ؟! وغموض فهد بئر هل من الممكن ان نصل الى اعماقه ؟!
رغد .. هل سنفقدها الى الابد .. أمــآ ستحدث المعجزآت ؟!
شهد وصدمتها هل تكون كفيله بأن تفقدها اغلى أنسانه ؟!
سحر وحلمها الضائع .. وقلب يعشقها متى ستطلق له العنان ؟!
هنادي & ماجد .. ماذا ستكتشف من اسرار وهل ستغفر له امــــآ ...؟!
فاتن .. وظهورها مجدداً وعلاقه تركي ودنائة نفس اخيها
هل هي اسباب كافيه لتدميرها ؟!
تردد يدخل الغرفه أو مايدخل .. لكنه استغرب انها ماطلعت وهو سهرآن ينتظرها تصحى
تركي : غريبه ما صحت خلاص بدخل وأمري لله .. دق الباب مره ومرتين لكنها ماردت عليه فتح الباب ودخل
تركي من بعيد : فاتن .. فــآتــن
تحركت شوي وأرتاح وهو يشوفها حيه قرب أكثر ونادآها : فاتن
فتحت عيونها بكسل : نـــعــم .. صحت على نفسها وتذكرت اللي صار لها من يومين
تركي : لك يومين هنا وأنتي نايمه خفت انك ميته
فاتن : أبوي .. ابوي تركته لحاله واكيد يدورون علي عشان يحكمون علي بالأعدآم
تركي بصوت حاد : ويش تخربطين انتي ؟ ماصار له شي نوآف بس رآح للمستشفى وخاطوآ له الجرح وهو حي كل الناس يموتون الا هو
فاتن : رجعني لأبوي .. رجعني
تركي : يالله بوصلك لأهلك الحين أكيد الناس بمدآرسهم
فاتن تلبس بسرعه : يالله طيب .. وطلعت معه يوصلها لأبوها وناويه على اخوها بالشر
أول ماوصلت .. دخلت تبكي لأبوها شافته على سريره نايم
فاتن باست رآسه : يبه .. انا جيت .. يـــبــه قوم انا جيت يالله بسوي لك الفطور وأنت صلي .. مارد عليها لفت ابوها وشافت وجهه أزرق صرخت بأقوى ماتملك .. يــــبـــــــه .. طلعت ونادت جيرآنهم اللي أتصلوآ على الاسعاف ..
بالمستشفى
طلع الدكتور من الغرفه وفاتن تبكي ومنهاره
الدكتور : يأسفني أخبركم أن الوالد له 36 ساعه متوفي بسكته قلبيه
فاتن أنهارت من سمعت كلام الدكتور
كآنوآ جالسين بالمطعم يفطرون كانت تأكل لأن الجوع عامل عمايله فيها .. آما هو أكتفى انه يرآقب حركاتها وأنسجامها مع الجو البارد .. يتابع خطوآت يدها ورمشات عيونها حست بعيونه ترآقبها رفعت عينها له وشافته سرحان فيها ويده تلعب بصحنه
شوق ( ويش ورى عيونك من أسراراشوف فيك بحر عميق ماله قرآر ) قطعت سرحانه : ليش تطالعني كذآ
فهد : مشتاق لك
تعلقت عيونها فيه من صدمة جملته لها أول مره تحس الجو بينهم لطيف حمرت خدودها وبان خجلها ونزلت رآسها وبصوت وآطي : تشتاق لك العافيه
فهد أبتسم على شكلها الخجول : تذكريني بوحده مستحيل أنساها
عقدت حواجبها وتحولت ملامحها الى الملامح الحاده ضغطت على شفايفها كلمته وترتها وفجرت الغيره بقلبها وقالت وهي تحاول ماتبين له شي : ومين هذي الوحده ؟!
شافت بعيونه نظره غريبه اول مره تشوفها بعينه شي غريب حست فيه من صوته اللي تغير رغم انه مايبين لها شي تركت كل شي من يده وهي تنتظره ينطق كلمته
فهد : بــأمــــي
شوق بحزن : الله يرحمها .. لف بعينه وهو يشوف أحمد ومعه زوجته وولده وأنتبه لعيون شوق اللي تطالعه بحقد حاد أكثر من حقدها عليه
شوق : خلنا نطلع انا شبعت
فهد يدفع الفاتوره : أوكي يالله .. وقفوآ ومشوآ وهو يحط عينه بعين أحمد اللي ماشالها عن شوق لكنه طنش كل شي ولا تحرك أي شي فيه وكأن شي لم يكن
أما هي كان بودها تمحيه عن الوجود زي ماحرمها من الفرحه حتى لو كانت بتسبب لها جرح دآمي لايمكن أن يبرى فكرت تقول لفهد على اللي كان لكن خافت من ردة فعله لكن زال كل شي رحوم من قلبها وماتشوف الحياه الا بعين سوداء
شوق : فهد برجع الفندق في موضوع لازم اقولك عليه
فهد يوقف سيارة أجره : يالله أركبي .. وأتجهوآ لفندقهم بعد ماوصلوآ وغيرت ملابسها قررت تطلع له وتفتح له الموضوع رفعت شعرها فتحت باب الغرفه وشافته منسدح على الكنب يقلب بالقنوآت أول ماشافها عدل جلسته وفتح أزارير بلوزته
شوق جلست جنبه وشبكت يدها ببعض وبدت تتوتر وهي تحاول تحبس دموعها
فهد : ويش الموضوع اللي بتقوليه ؟
شوق : فــهــد يمكن هالشي رآح يصدمك أو يمكن مارآح يعني لك شي لكن لي أنا يعني شي اليم وشي كبير جرحني والى هاليوم افكر فيه
فهد بردة فعل ما توقعتها : بتقولين انك كنتِ حامل وأحمد قتل ولدنا
نزلت دموعها من كلامه وبصوت خافت : أكيد قال لك
فهد يرجع على ورى ويرجع يده ورى رآسه : لا ماقال لي أنا سمعته لما كلمك تحت بالحديقه
شوق بصدمه : سمعتنا
فهد يلف عليها : ايه سمعته وسمعت تهديده لك
شوق دفنت وجهها بين كفوفها وهي تبكي : توقعت ردة فعلك غير .. مو تقولها لي بكل برود
فهد عقد حواجبه وصل الى حد مايقدر يتحمل بعده اكثر ماحد يعرف عنه شي او بالاخص هي بالذات كل شي فيه تجهله وقف بعصبيه وقال بصوت يرجف : ويش أرد وأقول اقولك اني ولدي جاء للدنيا منبوذ زي أبوه .. أو اقولك انه لو عاش كان بيعيش كل عمره حزين زي أمه ..قولي ويش ارد عليك يمكن الموت كان رحمه له
شوق تصرخ عليه : هذآ ولدي أنا .. كان جوآتي شهور عشت فيها لوحدي بين جدار مستشفى ما أعرف أنيس غيره هو." وبصوت خافت "على كثر ماكرهتك على كثر ماحبيته كنت احسه هو طوق النجاه لي عانيت كثير يافهد عانيت من شفقه عمي علي وخاينة احمد لي وموت ابوي بحسرته علي يوم شافني حامل
بكت بحسره وقهر قلبه الحجري لايمكن يحس بمدى الالم اللي تعانيه وهي تدري ان ولدها مت مقتول ومن شخص كانت تحمل له الحب
فهد ببرود : تبيني أقتل ولده يعني زي ماقتل ولدنا ؟!
شوق بشر وحقد وبصوره غير صورة الملاك اللي كانت عليها بدت تتحول الى شيطان وقد يكون اشرس من شيطان فهد : أيه تقتله .. أو انا بقتله وأخليه يذوق من الكاس المر اللي أنا ذقته
طالعه بصدمه أسابيع معدوده عاشت معه وكان يشوفها ببروآز وآحد والحين بدت تتغير صورتها وتحطم ذلك البروآز كأن شي دفين بدآخلها بدأ يستيقظ من سبات عميق بدت ترجع شوق القديمه
أبتسم لها بلئم بدت ترضي غروره وشيطانه الغاوي قال لها برضا : سوي اللي تبين مستحيل أوقف بوجهك
دخل لغرفه وتركها تبتدي تحولها وتغيرها
البارِحَہ
?ِلْ شي مُغرِي لـاللقىا
إلا: اللقىا البارِحَہ
نصفِي يبي نصفَہ وِل?ِنْ مالِقَىا إلا
?ثيرِْالأسئلَہ
تثيرِْ بعضْ الأسئلَہ
مدرِي وشْ اللّي بس بقَىا
وِ مدري وشْ اللّي لي بقَىا
غِيرِْ السؤالْ اللّي جوابہ مِنْ مُحَالْ
وِشْآخرةهذا الشقىا. . ؟
وِشْآخرةهذا الشقىا. . ؟
وِشْآخرةهذا الشقىا. . ؟
بــآلمــدرســه
لينا تجلس على الطاوله : عندي لكم خبر
سح ترمي الدفتر بالشنطه : قولي خلينا نسمع شي جديد
لينا : عمي أبوهزآع كلم البارحه أبوي وقال له ان هزاع وآآي فديته يبي يملك علي بأسرع وقت
ريم وسحر بتركيز : مــــــــتــــى ؟!
لينا : أبوي قال له يأجلها الي الخميس مو الجاي ولا اللي بعده اللي بعده
ريم : يعني بعد خميسين
لينا حمرت خدودها : يس افكورس .." تربعت ".. تصدقون امس مانمت شايله هم الملكه بنروح الرياض وهم ناس شبعانين مره خايفه من كل شي
ريم تضربها على يدها : ياخبله خليك وآثقه من نفسك الى متى عدم الثقه هذي
لينا : والله يابنات يوم حطيت رآسي على المخده ياجاتني افكار وافكار وبديت اخاف من شوفته
سحر : هذآ وباقي اسبوعين والثالث تسافرين وتقولي كذآ روقي بالله عليك بدري على الهم
لينا تميل فمها : ساعدوني اسوي حركه غريبه
سحر تغمز : اسئلي المجربه اللي جنبي
لينا بخبث : أول ماشافك ويش قال عشان لا أفتح فمي واروح فيها مع زيزو
ريم بغرور : الف من هزاع مايجون مثل سيف فديته
سحر تصفر : أموت أنا على الحب من أوله
ريم : بيجيك الدور سحور وتجربين
سحر : خليني اكمل درآستي وأدخل اللي ابي بعدها يفتح الله
لينا : سحر انا مستغربه منك احسك تصرفين
سحر بتحطم : ليش أتامل اللي يسمعك يقولي درج بيتنا أنحفر من كثرت الخطاب
لينا وريم : ههههه
سحر كشرت : هذي الحقيقه ولاتضحكون
لينا تلعب بخصلة سحر اللي على جنب : والله الناس ماتعرف تختار أحد يشوف القمر ويبعد عنه صدق قليلين ذوق
سحر تضحك : الله يجبر خاطرك ياشيخه .. خخخخ
لينا تدفها : لازم نرفع المعنويات شوي على قولة ريم خليك وآثقه من نفسك
سحر : أبو الثقه اللي كذآ
دخلت هنادي ومعها عبير
هنادي تصارخ : الـحقـــوآ
البنات بصوت وآحد : ويش في ؟!
هنادي : أبله هدى طاحت من الدرج فاتكم المسلسل الكوميدي
عبير ميته ضحك : وربي يابنات فاتكم نص عمركم .. شي ماينفوت
لينابحسره : خسارره رآحت علي
هنادي : قمة الشماته اليوم شوي وتبكي وبنت أختها تسوي نفسها ناعمه خالتو خالتو ودي مديت رجلي وتلحق خالتها
الكل : هههآآآي
عبير : لو تهورتي وخليتي الحلقه حلقتين
هنادي : الله يلعن بليس اللي ماوزني عليها
سحر ميته ضحك : أستغفر الله
ريم تشيل اغراضها : يالله ننزل عشان الصرفه حدي نعسانه
هنادي : والله من السهره مع خنجرك هذآك الغبي هههههه
ريم ترمي الكتاب عليها : انطمي .. شغلك عندي
هنادي : بطلع ويك ويك ويك برجع مع عبير للبيت بنسوي رياضه
سحر : اقول تبين شهد تذبحنا
عبير : والله بنرجع مشي اليوم انا وهنادي حتى تمر عند امي تأخذ ميشو ناسيه انه عندنا لان شهد تروح الجامعه
ريم : أيوه صح .. يالله أجل أرجعي مع عبير
هنادي : اوكي سيوو يا قرده
لينا فطست ضحك : اختكم ذي اشك ان عدادها فاصل
سحر : لا تشكين تأكدي مليون بالميه
قبل ساعتين
كآنت لوحده تستقبل المعزيات لا أقارب وأخوآت واخوها ماتعرف اي شي عنها لولا الله ثم جارهم اللي تولى العزاء بدل اخوها كان ماتدري أيش صار فيها .. صابها برود قاتل بقت وحيده لا أب ولا أم والأخ ماتستأمنه على شي بعد اللي عمله فيها وأعمامها كلهم بالشرقيه ولا تعرف عنهم أي شي من كان عمرها 15 سنه
تفاجئت بدخولها الغير متوقع .. جت هي وريماس يعزونها
شهد تسلم عليها : أحسن الله عزآك
فاتن بدموع هاديه : جزآك الله خير
ريماس تأثرت من شكل فاتن : مثوآه الجنه ان شاء الله
فاتن : أمين
أستغربوآ البيت فاضي مافيه الا فاتن وثلاث من جارآتهم الوقت مو مناسب للكلام جلسوآ عشر دقائق وأستأذنوآ
ريماس : احس قلبي حن عليها حالتها صعبه مره
شهد : حتى انا والله شفقت عليها مافي أحد حولها
ريماس : شهد خلينا ننسى كل شي ونفتح صفحه جديده
شهد : احنا الحمدلله ماصار فينا شي ربي ستر علينا صح غلطنا بس هي كانت تساعدنا وأحنا برغبتنا كلمنا عيال وطلعنا معهم
ريماس : والله صدقتي هي غلطت انها دلتنا على ذآ الشي وعلى قولتك حنا رحنا برغبتنا
شهد : عن نفسي سامحتها ولا أبي منها شي
ريماس : وانا بعد ..
شهد : بكره الصبح ماعندنا الا محاضره وحده ويش رآيك بعد مانخلص نأخذ فطور ونروح لها
ريماس : اوكي بقول لأبوي وأشوف رده علي واديك خبر
شهد : وأنا بعد بقول لعمي عشان ادبر ميشو وأحطه عند جارتنا
ريماس : الا على طاري ميشو .. شخباره معك
شهد بحب : وه بس يهبل ياريماس يجنني بضحكته وحركاته والحين صاير يطلع اصوآت ويلعب
ريماس : وي وي اموت على الاطفال تكفين صوريه فيديو وارسليه لي
شهد : ابشري بس ماترسلي صورته لأحد اخاف عليه موت
ريماس : بدأ شغل الامهات .. خايفه من العين
شهد : لو تشوفينه تنهبلين عنده ابيض يزنن وعيونه وآسعه عسليه اقول له مستقبل بالتشبيك ههههه
ريماس : من بدري حركتات .. الله يسعدك زي ماتسعديه يا شهوده
شهد : امين يارب
بعد ماوصلت ريماس ومرت على جارتهم ام عبير وأخذت ميشو .. طلعت للبيت ودخلت غرفتها ولقت رغد نايمه .. أخذت ملابسها ودخلت غرفة شوق وغيرت فيها رآحت للمطبخ وهي تفكر أيش تطبخ .. حطت مشاري بعربيته وأخذت معها للمطبخ حتى مايبكي .. وبدت تطبخ ..
دخلت عليها سحر بعبايتها
سحر : ياسلام ياشهد وربي جوعانه مره
شهد : يالله بسرعه غيري ابوي الحين يجي من الصلاه واحط الغداء
ريم تغمض عيونها وتشم الريحه : وآآآآو الريحه بس حكايه ثانيه
شهد : ههه الله يستر من الطعم .. والله خبصت على مزآجي
سمر : شكلي بمرض من الخبصه حقتك بس ويش نسوي الجوع ظالم
شهد : بلا كثرة حكي وروحوآ خلصوآ صبر وين العربجيه
ريم : بتجي مع عبير تقول بيسوون رياضه
شهد : خبله ... رآحت للغرفه
كانت جالسه لحالها تفكر بأبوها اللي مات وهي بعيده عنه وتفكر بجية شهد وريماس الغريبه لها .. دق جوالها .. وبكل كسل ردت حتى ماطالعت بالرقم
فاتن بصوت مبحوح : الـــوو
تركي : سلام
فاتن : وعليكم السلام
تركي استغرب صوتها : فاتن علام صوتك مبحوح ؟!
فاتن بصوت باكي : أبوي
تركي : ويش فيه ؟!
فاتن : مات .. ائـهههـئ
تركي : أحسن الله عزآك ِ
فاتن : جزاك الله خير
تركي : وفايز سوآ لك شي
فاتن : فايز مختفي حتى جواله مغلق ولا يدري عن موت ابوي
تركي : أستغفر الله .. فاتن امانه معك أذا احتجتي شي كلميني
فاتن : أخاف ازعجك
تركي : لا ازعاج ولاشي بأي وقت كلميني اوكي
فاتن : أوكي
تركي : مع السلامه
{شوق }
كنت على مخدتي أفكر بشي بعيد مني كثير من المستحيل اوصل له لكن كلام فهد معي الصباح خلني احس اني قطعت مسافه كبيره لهدفي وبنفس الوقت أحس فهد مخبي علي شي أو مايبي يصارحني بسر من أسراره الغامضه تفكيري مشتت بين أحمد وعمايله الوسخه وبين فهد وتغير طريقه تعامله معي حتى كلامه تغير وأحنا بأول مشوارنا .. اللي أعرفه ومتأكده منه أن فهد مو هادي لل ويمكن يكون هدوء ماقبل العاصفه خاصةً تلميحاته لي ونظرآته شكل زي ماغيرت اسلوبي معه عشان أوصل لا أهدافي يمكن هو زي يبي يوصل لشي أنا جاهلته وأنا ويش همني اهم شي اوصل للي ابيه مهما كان الثمن
دخل عليها وشافها نايمه .. ماحب يزعجها وقبل يطلع من الغرفه
شوق : ويش تبي ؟!
فهد : بس كنت بسولف معك
شوق بأستفهام : بخصوص ؟!
فهد بنظرآت قويه : بــخــصـــــــــوص .....
وأنَـِـطًــْلـُـِقًـُــتَ مِـَّـٍسُيـَـِْرةَ الَـِـشَــٍرَ وَشُـِــَيـٌـَآطُـِـيًـٍـْنَ
{ الأنــــتــــقـــآم }
سَـٍــًــًآرَتُ بِـَـرَفًـٍـْقَّــةَ مِـًــٍلاُكِـَــِنًــٍْــآ
{ الــــطــــآهـــــر }
الــبـآرت الــثـآنـي والعشرون
جاآي لك قلبي " متعشم "
وده يعرف عن غلاآه
يعني علمهـ يا حيآتي
وين أرضه وين سماآه
يعني تهتم بـوجوده
و إلا أصلا ما تبيه !
علمه تكفى ( حدوده )
و إرمي كل همك عليه
دخل عليها وشافها نايمه ماحب يزعجها وقبل يطلع من الغرفه
شوق لفت عليه : ويش تبي ؟
فهد : بس كنت بسولف معك
شوق بأستفهام : بخصوص ؟
فهد بنظرآت قويه :بخصوص قعدتك معي ؟!
جلست بأهتمام وفتحت الابجوره : قول اللي عندك
فهد : عندي شروط حتى تبقين معي
شوق تنرفزت من طريقة كلامه وبنظره حاده : ويش شروطك يابعدي
فهد يبتسم على ردها جلس على الكرسي وهو يملي عليها شروطه : اولها أي طلب اطلبك هو تنفذينه بدون أعتراض وحقوقي منك بأخذها كامله
شوق رفعت حاجبها :بس حقوقك تأخذها بالغصب قبل الطيب
فهد أبتسم على جنب : بس من هاليوم مافي شي بالغصب تجيني برضاك
شوق بنفس الابتسامه : موافقه في شي بعد
فهد يفكر : ايه في شي ثاني أي شي يصير بالبيت مايطلع سامعه حتى لو مايناسب مبادئك وقيمك الدينيه
شوق بعدم مبالاه : وبعد؟!
فهد : الى الان خلصت بس يمكن يطري علي شي ناسيه
شوق تبعد الشرشف عنها وتوقف : لا تذكرت قولي .. ومشت للحمام وأنتم بكرآمه وقبل لاتدخل لفت عليه .. وقالت بدلع يذوب : بس انت قلت اسوي اللي أبيه
فهد تعلقت عيونه فيها : وانا ماقلت غير كذآ .. ابتسمت ابتسامه شر ممزوجه بدلع وغنج طبيعي ودخلت الحمام
{ فـهـد }
ولقيت اللي توازيني بكل شي حتى بتفكيرها البعيد وموافقتها على عرضي الي عرضته مو حباً فيها أو عشق وهيام لها على العكس تماماً لاني متاكد مليون في الميه ان بدنيتها مالها غيري تتمسك فيه والدليل موافقتها بدون تفكير وعارف انها تكرهني وأني أبغض الخلق لها لكن تكره دنياها أكثر مني
هذآ هو تفكيرك ياشوق !! رمى نفسه على السرير وغمض عيونه وفجأه بعد سكوت طويل ضحك وكانت طالعه من الحمام طالعته بنظرآت غريبه فتح عينه وهو يشوفها قباله وقف وجاء ورآها وضمها وباسها على خدها بدون أي اعتراض منها
فهد ( وطلع شيطانك ياحقيرتي وأحمد هو السبب ياويلك يا أحمد من الجاي ) وضحك بصوت هادي
لفت عليه وحطت يدها على رقبته وبدلعها الراقي قالت : ويش يضحكك فهودي ؟!
فهد يقرب وجهه منها ومايفصل بينهم ولا شي الا أنفاسهم : فرحه بقدوم شوق الجديده
أخذت جوالها بعد مانومت ميشو ودقت الرقم بهدوء تام جاء صوتها الحزين من بعيد
شهد : السلام عليكم
فاتن بتعب : وعليكم السلام
شهد : كيفك اليوم ؟
فاتن : بخير أنتي اخبارك ويش مسويه
شهد : الحمدلله تمام طمنيني عنك ايش مسويه
فاتن : ولا شي جالسه لحالي
شهد : محتاجه شي ؟
فاتن : لا الحمدلله ماني محتاجه شي
شهد : حلفتك بالله اي شي تحتاجيه كلميني على طول اجيك أو ارسل لك السوآق
فاتن أبتسمت بألم على كلام شهد اللي فاجئها بدل ماترد لها بالمثل صارت أحسن منها وتعلمت من خطاها : ماتقصرين ياشهد الناس تبان وقت الشدايد " وبكت وهي تقول " سامحيني على اللي سويته فيك
شهد : الله يشهد اني مسامحتك دنيا وأخره والله يسامحك يارب
فاتن : امين وياك يارب
شهد : يالله بقفل بس زي ماقلت لك اي شي تحتاجينه كلميني
فاتن : اقولك شهد رغد ايش اخبارها
شهد : ادعي لها والله تعبانه مره ونفسيتها متدهوره
فاتن : الله يشافيها ويعافيها يارب .. سلمي لي عليها
شهد : يوصل مع السلامه
فاتن : الله معك ياقلبي .. وقفلت
وقفت ورآحت لسرير مشاري اللي نقلته من غرفتها هي ورغد الى غرفه شوق حتى ماتزعج رغد هي وميشو
باسته على جبينه ورآحت للمطبخ أخذت كأس مويه وأدويه رغد وأتجهت لغرفتها قبل تفتح الباب سمعت صوتها تبكي وتشاهق فتحت الباب والغرفه كانت ظلام × ظلام وقالت بنبره عاديه
شهد : موعد الدواء
رغد تمسح دموعها وبصوت متقطع : مأبي دواء
شهد : رغد الله يخليك بلا عناد خذي دوآك حتى تطيبي بسرعه
رغد رجعت تبكي : مابي أطيب أبي اموت والحقه وأرتاح
شهد جلست جنبها وحطت الكاس على الكمودينه : ليش تقولي هذآ الكلام لو كل وآحد يموت بموت أغلى أحببه كان متنا لما أمهاتنا ماتوآ
رغد تغطي وجهها بالبطانيه : أتركيني لحالي
شهد : طيب بس خذي الدواء واخليك لحالك
رغد تصرخ عليها بهستريا : روحي عن وجهي مــآآبــــي شــي
شهد طلعت بسرعه وسكرت الباب وجات ريم على صوت صرآخ رغد وأبوها ورآها
ريم بخوف : ويش فيها تصارخ
شهد ودمعتها بعينها : ماتبي تأخذ الدواء بس تبكي اناتعبت معها
أبو مها : الله يكون بعوننا أنا بدخل عليها وأكلمها
شهد : لا يايبه هي تعبانه الحين خلها على رآحتها من نفسها رآح تهدى وتاخد الدواء
ابو مها : والله هالبنت حيرتني مدري ويش اسوي فيها يارب كون بعوننا
ريم سمعت جوالها يدق : عن أذنكم
لحقت على أخر دقه
ريم : الوو
سيف : سلام
ريم : وعليكم السلام ورحمة الله وبركاته
سيف: كيفك حبيبتي ؟
ريم : بخير أنت كيفك
سيف : دآم سمعت صوتك انا بالف خير
ريم بخجل : الله لايحرمني من هالصوت
سيف : امين ياررب ولا منك ياروح سيف
ريم : بشرني عن اخبارك كيف شغلك وأمورك
سيف: الحمدلله عال العال انتي كيف دراستك عساكِ شاده الهمه
ريم : والله تعب مره بس ربك كريم كلها كم شهر ونخلص
سيف : الله يوفقك ويجيبك جنبي
ريم حمرت خدودها وأبتسمت بحياء قاتل وبصوت وآطي : أمين
سيف بيحرجها : ويش قلتي ياعمري
ريم : قلت أمين
سيف بصوت ولهان : مشتاق لك ياريم لازم اكلم ابوك اشوفك ماعاد فيني صبر
ريم : اللي تشوفه
سيف تهبل منها : وه ياريومتي ملكتي قلبي وعقلي وكل شي فيني
ريم : وانت بعد صرت احلم باليوم اللي نجتمع فيه
سيف : لالا حركآت وتطورآت تحلمين فيني ويش صاير بالدنيا اليوم ريومتي تقول هالكلام ما أصدق
ريم بجراءه : مو زوجي حلالي
سيف ذآآب من نبرة صوتها الممزوجه بغنج : بس بس علي يالبنت محمد ترى اخق بسرعه
ريم : اساس انت خاق معي من زمان والا ناسي يوم الملكه
سيف: آآآه بس لاتذكريني بذي الليله كنتِ أميره
ريم : وانت سلطاني
دخلت هنادي برجتها المعتاده وهي تصارخ على ريم
هنادي : ريـــــــم ووجع
ريم أنقهرت منها خربت أحلى أجوائها حمر وجهها من العصبيه وقالت : ثوآني سيف " وطالعت بهنادي بعيون حارقه وصرخت عليها ".. ويش تبين
هنادي تتخصر : ماشاء الله تكلمين روميو الغفله وناسيه غسل الموآعين اللي عليك اليوم .. سكري هالنكبه جوالك وقومي غسلي بعدها بحريقه انتي وروميو مدري اوباما حقك
ريم مسكت الابجوره اللي جنبها ورميتها لكن هنادي شردت وطاحت على الارض وأنكسرت أول مره تحقد على هنادي من دخولها اللي يسبب سكته قلبيه من الخوف والا كلامها اللي ماتحسب له الف حساب أنقهرت موت منها وأخذت اجوال وهي تهز رجلها بتوتر
ريم بصوت مرتبك : ايوه سيف .. كان ميت ضحك على كلام هنادي
سيف : هذي المرجوجه أختك
ريم شوي وتبكي من الاحراج : أيه
سيف : روحي كملي شغلك ولاخلصتي كلميني
ريم : طيب يالله مع السلامه .. رمت الجوال على السرير وركضت للصاله وهي هايجه شافتها تتفرج على التلفزيون ومسكتها مع شعرها بأقوى ماتملك وطاحت فيها ضرب .. وبدوآ حرب طاحنه ياقاتل يامقتول وسحر وسمر يحاولون يفككون بينهم
هنادي متمسكه بشعر ريم الطويل : قلت لك اتركني يابقره يادلخه
ريم شوي وتبكي من الالم : والله ياهناديووه لا اربيك ياخبله كذآ تفشليني هين .. وضربت راسها بالطاوله وأنقضت عليها هنادي ورفستها مع بطنها وهي تسب فيها ودخل ابوهم على صوت صرآخهم
ابو مها بصوت حاد : هـنــآآدي قومي عن أختك عيب عليك
هنادي تعدل شعرها القصير وتمسح وجهها الساخن من كفوف ريم لها : يبه شوف بنتك
ريم جلست تبكي وطالع ابوها فيها : ويش في بينكم
ريم : أسئل البويه ذي .. هنادي تصر على أسنانها بقوه
هنادي : لا يا انجلينا جولي .. أنقلعي بس
ابو مها صرخ على هنادي : يابنت عيب عليك
هنادي : يبه هي اللي ماتسوي شغلها وكل دقيقه تكلم المقرود زوجها مالت عليها وعليه
ابو مها مسك ضحكته وقال بصوت حاد : ويش ماسوت
ريم كملت بكاء : يبه فشلتني مع سيف وصارت تسبه
ابو مها : هنادي عقاب لك تسوين شغلها اليومين ذي والا تحلمون تروحون استراحة ابو سامر يوم الاربعاء
هنادي بقهر ولعت من تحيز ابوها لريم اللي هي اغلى وحده من بناته : طيب بسويه .. بس والله لا اردها لها
ورآآحت للمطبخ تشوف الشغل وهي معصبه وتضرب اي شي بطريقها
ابو مها ضحك على شكلها المعصب : يابوك ياريم خففي مكالمات ترى هنادي معها حق تنقهر من تسيبك بالشغل
ريم : يصير خير يبه
ابو مها يجلس مع بناته : وين مشاري جيبوه مشتاق له
سمر توقف : بروح اجيبه لك يبه ..
قبل تطلع من الغرفه دخلت شهد وهي شايله مشاري بين احضانها : اسمع انكم تبون ميشوو
ابو مها : هاتيه يايبه .. مبطي عنه
شهد تضحك : ياحركه يابو مها . صرت تعرف تشتاق
ابو مها بغرور : بلاكم ماعرفتوني والا ماتلاقون مثلي
سحر تبوس يده : والله ما نلقى مثلك يايبه
ابو مها : أقول ما كأن مها صاير لها فتره ماتجينا
شهد : كلمتها اليوم تقول بتجي بكره عشان تحضر عزومة عمي ابو سامر
سحر : على فكره ليش يايبه مسوي عزومه
ابو مها : عشان اخته وزوجها جوآ استقروآ هنا بالمدينه بدل خيبر
شهد : اها .. زين والله
يوسف : ليش يايمه تكفين وآفقي
ام يوسف : ياولدي الناس مانعرفهم
يوسف : طيب كلمي ام عبدالله أسئليها كانت بتخطب اختها بس صار اللي صار
ام يوسف : يايمه يايوسف .. بنت خالتك ساميه ويش ناقصها جمال ودلال ودلع يكفي سمعت أبوها الزينه
يوسف عصب : يمه ساميه لاتجيبين لي سيرتها تدرين اني ما أدانيها ولا اطيقها من شرها ولا تبيني اتزوجها اعوذ بالله عشان حياتي تصير جحيم
غدير : ايه يمه يوسف صادق ساميه شرانيه شوفيها ويش تسوي بسيف عشان خطيبته مطلعه له روحه بس اللي مسكتها ان سيف واقف بحلقها وجدتي
ام يوسف : الزوج يقدر يغير زوجته ويمشيها على كيفه بس الرخمه هو اللي تمشيه زوجته على هواها
يوسف : ويش تقصدين يمه إني رخمه ؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك