رواية طلع الغالي ولد خالي -20
عبدالودود بتوتر : بيع وسكي خلاص وقف
ريمو طفت الفديو بوناسه
ريمو : ايوه كذا انتا نفر كوويس مره
اسول طفت جوالها وهي فاقعه ضحك
*****************
عنـــــــــــد ربى وهدووووول
هدول : رووني جربي دقي عليها
ربى : مم طيب يارب ترد
ترن ترن
ردت ريمو
ربى : الوو وينك ليه ماتردين شسصار عسى الكلام صدق ولالا مالت عليك طولتي صار فيك شي ؟
ريمو : حبه حبه على قلبي حبه حبه
ربى : وش ذا الروقان بصرعه اسالك
ريمو : تسالني الناس عني كيف احوالي اقول بخير وماني بخير يالغالي
ربى : وش بلاك الطرب خليه بعديين
ريمو : فيييكم طررب فييكم ونااسسه
ربى : ريمو وجع قوول ليه ماتردين على اتصالاتي
ريمو : شفت اتصالك شفت اتصالك كلمتني مرتين شفت اتصالك
ربى : مالت علييييييييك
ريمو : هههههههههههههههههههههههههههههههههههههههههههه شبلااك ؟؟؟
ربى : اخيرا اقولك وينكم
ريمو : جبت لكم الخبر الصحيح من لسانه
ربى بتبقيق عيون : كيييف ؟؟؟؟
ريمو : انا جايه لاجيت بقولكم
ربى : عجلي العشى على وصوول
ريمو : اووتسيه
سكرت ربى
هدوول : شبلااهاا ؟؟؟؟
ربى : ههه انجنت
هدول : شتقول ؟؟
ربى : تقوول جابته من لسانه
هدول : كييف ؟؟
ربى : تقول لاجت قالت لنا
هدول : وش يصبرنا امشي نهذر مع مريوومه
ربى : يالله
عنــد ريموو بعد ماسكرت
ريمو : منتهيه
اسول : اقوول ريمووه امششي نرووح للبيت تاخرنا
ريمو : اكييد
عبدالودود : ماما فكي انا
ريمو : ماما في خششمك ياحماار قل آنسه
عبدالودود : انا مافي معلوم كلام انتا بس فك انا
ريمو : مالت عليك
اسول : خلنا نفكه حرام
ريمو : طيب اسوول روحي اركبي السياره
راحت ريمو تشغل السياره وركبت اسول
اسول : شبتسوين
ريمو : بعدين بس خلي بابي مفتوح
اسول : لايكون بتفتحين له وتركضين
ريمو : هههههههه ليه الدعوه حبشه
اسول : والله خايفه
ريمو : انثبري
رجعت ريمو لداخل
لقته يدور شي يفتح يدينه فيه
ريمو : لالا ياحلو هذا سكين بتفتح يدينك فيه ولو بغت افتح مخك مافي مششكله
عبدالودود : لا مافي مخ
ريمو : طيب السكين بحطه هنا -حطته بمكان بعييد عنه عشان عبال مايزحف للسكين ويفتح يدينه ورجوله هم يكونوا رايحين - بس باخذ الفلوس يعني مو متهني فيها
عبدالودود : لا هزا فلوس ماما
ريمو : فلوس حرام مو ماخذها
طلعت ريموو واخذت الفلوس وابعدت المفتاح وقامت تركض
ركبت السياره بحماس ورعصت ابو البنزين حتى الدواسه بغت تقول ارحميني شوي خخخ
مرر وقت شوي ثم وصلوا كان باستقبالهم ربى وهدول بعد مادقوا عليهم
هدول : حمسسسسسستوونا شالسالفه
ريمو باقي بالسياره : اصبروا ببعد السياره
راحت بالسياره لمكان بعيد شوي عشان مايثير الشبهات ورجعت
وريمو تعطي روون العلبه
ربى : وش ذا
ريمو : افتحيه
ربى : طيب -فتحته- ابن اللذييييييين
هدول : آآآخ ودي اخذهاا
ريمو : شلون بنقول لخالوو
اسول : لايكون بتقوولون له كذا عشان يذبحنا
ربى : صادقه
ريمو : بلا غباء لو سمحتم
هدول : قولي شلون خليته يقول بلسانه
ريمو : قابلناه
هدول وروون : شلووون ؟
ريمو قالت السالفه كلها
ربى : ريموو يقطع ابليسك شلون تجيك الجراه
ريمو : ههههه مادري كذا مولوده معي
هدول : يقطع ابو شرك
اسول : طيب شلون بتقوولون لخالي
ريمو : انا اقولكم بحط المقطع بلاب بدر بكتب مهم عبدالودود
هدول : ههههههههههه اهم شي عبدالودود
ريمو : يب عشان يشده
ربى : شلون نعطيهم الفلوس
اسول : صح بيشكون فينا
ريمو : هاذي خلوها علي
راحت ريمو لغرفتهم
عنـــــــــــــد طلآآآآآآآآآل ورنـــــــآ
وصلوا المستشفى
طلال يهروول بسررعه ورنا تلحقه خاايفه
مر يدور عليه قالوله انه بالعنايه المركزه
طلال بصدمه : لالا مستحيل ماجد توني كنت معاك .. ليه يصير كذا تووه كان ماكان في شي
رنا : ماجد لايصير فيك شي الا انت لالا الا انت
الدكتور : لو سمحت في رجال يبييك
طلال : مين
الدكتور : مادري تفضل رح اساله
طلال مستغرب مين راح يشوف
: انت اخ اللي هنا -ياشر على الغرفه-
طلال التفت يشوف الغرفه سرح باله ونسى اللي قدامه
داخل هذي الغرفه نايم صديقه ترن باذنه معاني الصداقه اللي عاشها مع ماجد
مرت على عينه كل اللي صار معهم كانو مع بعض بالحلوه والمره
بس بفجاه اللحين مايعرف حال صديقه بين حياه وموت
: اخووي
طلال التفت باسى : ايوه انا -بصوت مبحوح - اخوه
رنا تطالع من بعيد حال اخوها كيف رحمت حاله رحمت حالها ماتدري شتسوي قلبها يدق بقوه
تبي تبكي بس بيسالها ليه تبي تعبر عن كل اللي داخلها بالدموع بس ماتقدر
في حدوود انرسمت ماتقدر تتعداها
طلال : ليه مين انت ؟
: انا اللي صدمته
وقام يقول له السالفه
طلال : كيف يعني صدم ثم وانصدم
: هذا اللي صار
طلال رجع يطالع بالغرفه بحسره
: اسمع انا بروح اللحين بس كنت ابي اتطمن ان احد اقاربه يكون موجود عنده
طلال وهو يطالع بالغرفه : مشكور من طيب اصلك
طلع كرته : اي شي تبيه دق عليه لاتتردد
التفت واخذه
طلال يقرى الاسم فيصل الــ .. وباين عليه كبير عمره
رفع راسه : ان شااء الله ياعم
فيصل : يالله عن اذنك
طلال : اذنك معك
طلع فيصل وهو يمشي دق جواله
فيصل : الوو
: الوو
فيصل : ياهلا هلا بابو ريان
اكيد عرفتوا ان فيصل هذا هو ابو اثار الي هو ابو بندر
ابو ريان : هلاابك كيف حالك
ابو بندر : بخير الحمدلله وانت
ابوريان : بخير لعلك بخير
ابو بندر : وين ديرتك
ابوريان : ابد بالديره اجيب عيالي الا اقول متى رحلتك ؟؟
ابو بندر : بكره
ابو ريان : حلوو معانا
ابو بندر : اييه
ابوريان : خلاص اجل اشووفك قرريب
ابو بندر : على خيير
سكر ابو بندر متووجه لبيته
طلول قعد على احد الكراسي
يحس كل هموم الدنيا براسه
مو قادر يشيل عمره
وناسي رنا اللي بعيده شوي عنه
حس بيد على كتفه
التفت لقى رنا ماسكه كتفه
تطالع فيه بنظره اخويه
رنا : طلال مابيصير الا كل خير - تحس بغصه - بس انت ادعي له
طلال يطالع رنا وده يبكي على اخو دنياه
يطالعها بنظرات خوف يخاف يفقد اغلى واحد
يخاف يقوم بكره مايلقاه
يخاف اذا احتاج يفضفض مايلقى احد يساعد مايلقى ماجد
رنا رحمه شكل اخوها يكسر الخاطر باين عليه الخوف
تبي تشجعه ماتدري كيف
رنا : طلوول انشاء الله بيقوم بالسلامه بس ادعي -خنقتها العبره- الله يخلييك
طلال يحس مايقدر يقوم
يبي يرجع اخته للبيت بس مايقدر يبعد دقيقه عن غرفه ماجد
اخذ جواله ودق
ترن ترن
**********************
عنـــــــــد فــــــــــآرس
توه لابس بجامته خلاص جسمه منهك
وابتسامته شاكه الحلق مايدري ليه اليوم يحسه حلو
انسدح على السرير وهو يفكر
بس قطع تفكيره نغمه جواله
شاف الجوال بملل لقى ( طلوول )
رد مستغرب : الو
طلال بعد سرحان شوي وبصوت مبحوح : الو فارس
فارس قلق : طلوول شفيك وينك ؟
طلال : فارس ماجد
فارس : اششفيه
طلال : فارس تقدر تجي مستشفى الــ ..
فارس : مستشفى شستوووي هناك ؟؟؟
طلال بصوت تعبان : تعال ابيك
فارس سكر من طلوول
وراح يلبس ثوبه اي كلام اهم شي يلحق على طلال يشوف شفيه
سحر كانت قاعده برى غرفتها لان هيدو نايمه
طلع فارس بسسرعه شوي ويطير
وقفت سحر باستغراب : فااارس على وين
طالع فيها فارس واخذ المفتاح اللي حاطه فوق الطاوله جنب سحر
سحر نزلت الاب عنها وقامت تلحقه
سحر : فاارس تكلم شفيك قلقتني
فارس بسرعه : مادري شفيه طلال بالمستشفى بشوف شفيه
وراح تركها وهي وقفت مصدووومه
سحر : طلال شفييه لايكون صار فيه شي لا مو طلوول لايمكن مافي شي بس وش مافي شيء طلال لايصير فيك شي امانه
راح فارس وهو تارك سحر محتاره وقلقانه على طلول
************************************************** ********
عنــــــــــــــــــد خـــــــآلـــــــد
قام من فراشه موو قاادر خلاص
خالد : يلعن ابو الحب اللي زي كذا
قام يغسل وجهه وراح يلبس
خلاص قرر قراره الاخيرر مايقدر اكثر من كذا راسه المه من كثر مايفكر
اخذ جواله وطلع برى الشقه
ركب السياره ومشى
مسك الجوال يحوس بالاسماء وقف عند اسم
( ضحكه دنياي )
تردد بس قرر يدق
اول دقه مارد
دق مره ثانيه وكل شوي حماسه يقل
على نهايه الدقه الثانيه كان بيسكر بس جاء صوت من الجهه الثانيه
صوت تعب من البكي
صوت يحس مارتاح بحياته كلها ويوم شاف سعادته خربت عليه السعاده وكل الامال اللي رسمها تحطمت
ردت بصوت مرتجف : الوو
خالد : الوو رغد
رغد تمسح دموعها : هلا
خالد سرح فيها يسمع شهقاتها قرر يهون بس مابيرتاح لحد يقدم اللي قرر ينفذه
رغد : خالد
خالد : امري
رغد : شبغت ؟
خالد : اقدر اقابلك ؟
رغد درت ان وراه سالفه ومو اي سالفه : اللحين ؟
خالد : ايوه -بسرعه- اذا ماكان يناسبك عادي ناجل ماوراي شي
كان يبيها تقول خلها يوم ثااني بس تفاجا يوم قالت
رغد : خلاص اللحين اكون عندك بس وين انت
خالد ( لالا ياخالد ليه الحظ زي خشتي ) : انا توني بالسياره بس شرايك نروح لــ ..
رغد : طيب دقايق اكون عندك
سكرت رغد
رغد : شيبي خالد ؟؟؟ معقول ماقدر ينسى السالفه ؟؟ مالومه بس اخاف ضن فيني .. لا خالد مابيفكر .. وش يخليني اثق فيه اللحين ؟ هذا خالد اقول عنه كذا مو هو حبيبي .. حبيبي ؟؟ آآخ بس شسويت فيني خالد .. يالله خلني اشوف شعنده
قامت رغد تبدل ملابسها
تعدلت وحاولت تبين انها عاديه كاي يوم
طلعت من الغرفه
لقت امها بنفس محلها ونايمه
رغد : ليه كذا يايمه ليه
طلعت برى الشقه على المكان المحدد وقلبها يدق بسرعه تخاف تكون لحظه فراق
خايفه تخسر الشخص الوحيد اللي اسعدها او نقول قدر يسعدها
خالد اللي صارت تتنفس هواه تعشقه كيف له بيوم يفكر يبعد عنها
تفكر تقدر بترده لابغا يروح
قامت خايفه من هاللحظه مقرره ترجع
جاها صوت ادمنته
خالد : اسف تاخرت عليك
رغد التفتت جت اللحظه
خالد : شفيك واقفه اقعدي
قعد وقعدت وراه
قام يطالعها يبي يتاملها زين شاف جمال ركز على العيون يمكن يكون في كلام على وجهها ماتقدر تقوله
مالقى بالعيون غير الحب والشوق
ودي بحضنك في الهوى دون تفريــق ..!!
وأشفــي عــذابي بريح وردك وأشمــك..
وأحيــا بقــربك..دون كــل المخــاليق ..
وابعــد وكلــي شوق وارجــع واضــمك..
وأبحــر بحبك وأغرق القلب تــغريــق ..
حتى تذوووب أشواااق قلبــي بدمـــك..!!
رغد تطالع بعيونه في نظره جديده حاولت تفهمها ماقدرت نظره مو مثل ماتعودت
نظره ماقدرت تفسرها
بعد سكوت دام دقايق الكل عاجز يتكلم
خالد : رغد
رغد تطالع فيه تبيه يكمل
خالد : شوفي اذا كان يضايقك انسي الكلام وكان ماصار شي بس والله مو قادر
رغد : تبي تعرف انا -ببحه- بنت حرام ولالا
خالد : شوفي رغد معزتك دايم فوق بس ريحيني وقوليلي
رغد : طيب لو قلتلك كلام امل صدق -خنقتها العبره- بتتركني ؟؟
خالد طالع بعيونها : بس جاوبي
رغد تخاف يقول ايه ويجرحها فقررت تقوله قبل يقول مع السلامه
قالت رغد لخالد كل السالفه
خالد بعصبيه : وامل تطلع كلام باي حق
رغد ببكي : مادري
خالد بحنان : حبيبي رغد مايهمك هي بتاخذ اكله بعمرها ماذاقت طعمها
رغد : ..
خالد بابتسامه : امشي
رغد تطالعه بنظرات يعني وين
خالد : مادري بس امشي
رغد رجعت الابتسامه لها
وقامت ورى خالد وماتدري شتخبي لها الايام
*************************************************
عنــــــــــــــــد البنـآآآآآآآآآآآآآآآآآآآت بالديرره
ريمو : ربى بالله حطي المقطع بلاب بدور
ربى : ماعرف الباس
هدول : يووه نسينا سالفه الباس
ريمو : انا مانسيته
اسيل : يوومه منك
ريمو : ههههههههه اسمعي الباس هذا هو 87868
ربى : يومه من وين لك
ريمو : خااصه بس يالله روحي
ربى : طيب
اسيل : شسوي انا
ريمو : شوفي في احد ولالا وروحي مع ربى
اسيل : ليه بس اشتغل مراقبه
هدول : يصلحلك
رراحت اسول ويا ربى
هدول : شلون بتعطينهم الفلوس ؟؟
ريمو تمسك دفتر من دفاتر حتوم
ريمو : هاللحين تشووفين
وقامت تشخبط وهدول تنتضرها تخلص
ريمو بابتسامه عبط : انتهييييت
هدول : وش تسوين ؟
ريمو : ارسم خريطه
هدول : هاه
ريمو : ارررسسسم خرييييطه عشان يلقون الفلوس
هدول : هاتي اشوف
قامت تتفجر ضحك
ريمو : ووجع ان شاء الله خليت خطي خايس عشان مايعرفوني
هدول : ابتس خليتيه بلغه ثانيه
ريمو : على تراب امشي نروح لربى واسول
هدول : قدام
ريمو : يلعن ابو صدام
راحوا للبناات هناك
ربى : خلصته
ريمو : هاتي االاب
ربى : شبتسوين
هدول : ههههههههههه خريطه كنز
اسول : اللله ونااسه
هدول بطرف عين : اهجدي
فتحت ريمو على الرسام وقامت تكتب وتخربط
بعدين حفظتها وحطتها على سطح المكتب عشان يشوفها
اسول : ههههههههههههههههههههههههههههههههههههههههههههههههه خطتك غبيه زي وجهك
كان مكتوب ( هلا بدران اسمع افتح مهم عبدالودود وتبي تعرف وين الفلوس تلقاها بعد ماتبحث عنها بالورقه اللي بدرج الصيدليه : فاعل خير )
هدول : ريمووه
ريمو : ها
هدول : شبلاك ماسكه على فعل الخير
ربى : من جد
ريمو : هههههههههه لان كل اللي اسويه خير
اسول : هههههههههههه بااااااين
سكروا الاب وراحو يقعدون بالصاله
اخذتهم السوالف
ريان : ربى ريم تعآآآآآآآآآلو
ريمو : هااااااا شتبي ؟؟؟
ريان : شميناا
ربى : اشتقت للرياض
ريمو : اشمي بس اشمي
قامو يتوادعون
ركبوا في السياره متوجهين للرياض لان بعد يومين طيارتهم للكندا
ريمو نامت بعد يووم شاق عليها
اما ربى قعدت تسولف مع ابوها وامها
************************************************** ****
عنــــــــــــــد فــــــــــآرس
وصل للمستشفى وهو حده متوتر
لقى طلال قاعد على الكراسي جمبه رنا استغرب خاف خالته يكون فيها شي
فارس : طلال شفييك ؟؟
طلال بغت تخونه دمعته بس مسحها : فارس تقدر تاخذ رنا للبيت
رنا تطالع فيهم وساكته
فارس : طيب شفيه
طلال : تعال بعدين اقولك
التفت على رنا : امشي رنا
طلال انحنى وحط يدينه على رجوله يدعي ربي انه يطلع الدكتور اللحين يقول ماجد قام
بس بتتوقعون بيصير ؟
في السياره
فارس : ممم رنا ايش فيه ماجد
رنا : ....
فارس استغرب شفيها رنا يمكن عشان اخوها : رنوون فيك شي
انتبهت رنا انه لازم ماتبين : لا مافيني شي بس مصدعه
فارس : طيب
ساد الصمت
وصل لبيت ابوطلال
فارس : رنا
رنا التفت عليه
فارس : لاتقلقين خالتي طيب
رنا وهي طالعه : طيبب
دخلت رنا للبيت
فارس واقف بالشارع ماتحرك ولاشي
فارس : شفيني انا آخ بس الله يستر
حرك للمستشفى يقعد عند طلول
طلال رفع جواله يدور بالاسماء دق قعد شوي عبال مايرد
************************************************** *********
عنــــــــــــد عـــــــآيلــه مـــــآجد
جالسين في الصاله قلقاانين مايرد على اتصالاتهم ولا شي ومو بالعاده يطول كذا
طيف : وين ماجد لايكوون في شي
اسماء : مافي شي
ابو ماجد : طيف يبه شرايك تروحين تنامين
طيف : مابي انام لحد اشوووف مااجد وينه ليييه تااخر
اسما : يبه دق عليه
ابو ماجد : مايرد مادري شفيه ان شاء الله خير
رفع جواله بيدق على ماجد بس دق جواله باسم ( طلال الـ .. )
رفع حاجبه وقلبه يدق خايف صار لماجد شي : هذا طلال
طيف خافت : يبه شف اساله عن ماجد
رد : الوو
طلال : الو عمي
خاف من صوت طلال : هلا طلال ويين ماجد تاخر ولايرد على تلفوناتي
طلال ساكت
ابوماجد : طلال وينك تكلم
طلال : ياعم لاتقول لاهلك طيب
ابوماجد :شفييه اقلقتني
طلال : ماجد -بتردد- بالعنايه
ابو ماجد سكت يحس كل الدم بجسمه وقف
طلال : بغت اقولك وبس .. فمان الله
سكر من طلال وهو شوي يفقد الوعي
طيف : يبه يبه شفيه مااجد شقالك طلال
ابوماجد يمثل اعصبيه : ماجد نايم عند طلال ومادق علينا ولاشي مادري من وين جاي ذا الاستهتار
اسما قلبها ناغزها بس قاعده تقول لطيف : شفتي قلتلك مافي الا العافيه ومسويه ضجه امشي ننام
طيف : الحمدلله يالله
راحو طيف واسما لغرفهم بعد ماتطمنو باخبار كاذبه
ام سلطان : مو مصدقتك شفيه ماجد تكلم يابو ماجد
ابو ماجد : ماجد بالعنايه
ام سلطان : اييييييييش
ابو ماجد : الحمدلله على كل حال الحمدلله
لبس ثوبه وطلع رايح للمستشفى
وتارك بيته يمشي على كذبه يتمنى انها تنتهي من طلوع فجر اليوم
******************************************
عنــــــــــد سحـــــــــــر
سحر ركضت للعهد بخووف
سحر : عهد عهد بالله قووومي عهد قوومي بصررعه
عهد قامت مفجوعه : سحر شفيييه ؟؟
سحر : طلال مادري شفيه طلال -بصوت خفيف- حبيبي
عهد : وش فيه تكلمي
سحر قالت لعهد السالفه
عهد : يمكن مافيه شي وانتي الله يهداك
سحر : بس هو قال طلال بالمستشفى
عهد : يمكن موو هو
سحر : بس اذا كان هو شبسوي ؟؟ قوليلي شبسوي ؟
عهد : لكل حادث حديث
سحر : عهد احبه
عهد كسرت خاطرها سحر : خلاص حبيبتي نامي بكره بتعرفين
سحر كانت متعبه غمضت عينها وراحت بنومه طوالي
************************************************** *****
خلص البارت العشروون
ماجد شبيصير عليه ؟؟ ممكن يموت ؟؟
ابو ماجد هو وزوجته الوحيدين اللي يعرفون من عايله ماجد في ممكن احد غيرهم عارف ؟؟؟ وكيف ؟؟
ريمو والبنات ؟؟ بتمشي خطتها اللي خططت لها ؟؟ وش بيصير بالسفره ؟؟
سحر ياقلبي عليها شبيصير ؟؟ وببتاجل الرحله ولالا ؟؟
خالد ورغد ؟؟ خالد عرف سر رغد بيساعدها تعرف ابوها ؟؟ رجعوا بدون شك وخرابيط في شي بيفرقهم ؟؟؟
تابعو في البارت القادم
في البــــــــــــــآرت القــــــــــآآآآدمــ :
: من ذا التعبان
: واحدن صادمه عمك
: يؤ طيب حنا بنمره
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
: انت تعبان
: ادري بس عقب 3 ايام 5
: لا
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
الجـــــــــــــــــــــزء الوآآآآآآآآآحــــــــــد والعشروووووووون
عند طلال جالس في المستشفى
جاء فارس وقعد جنبه وهو مستغرب حال طلال
ماتوقع بيصير كذا
يشوف دموعه تطيح ويشوفه كيف يمسحها
ماتخيل يوم طلال يضعف بهالشكل
بس مو سهله عليه ماجد
يبي يهديه مايدري كيف فقرر يسكت ويسانده بجلوسه معه
طلال على امل يطلع الدكتور يقول قام بالسلامه
يطالع الباب وينتضر الدكتور
عيونه متعلقه بالباب
من جهه ثانيه
يركض يدور على ولده اللي تركه لسنين
اللي تحمل مسؤليه منهو صغير في ناس اكبر منه ماقدروا يتحملونها
هذا ابو ماجد يدور على طلال اي احد يدله على غرفه ماجد
لقى طلال قاعد معاه واحد ماعرفه
قرب لهم وهو قلقان
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك