رواية معاناة الشباب -1
معاناة الشباب
الكاتب حمود الشمري
بسم الله
روايتي الاولى
عن الشباب
مو كثير راح نتدخل بالعيلة او كذا
من تأليفي
واي احد ينقلها يحطها بأسمي
والله لا ييسامح اي شخص ينسبها لنفسه
وينقلها بدون علمي
روايتي الاولى: معــانــأأأة الشبــاب..
للكـأأتـب: حــمــود الشـمري..
واي نقد ارحب به عادي
ـــــــــــــــ
تأخذني قدماي تهرول بي بين اوراق الخريف المتساقطه وبروده الشتااء
وحرارة الصيف وزهرة الربيع
لا اعرف لي مكاان إلى ان اخذتني إلى عالم الروايات
مع سائر البشر
اتيت لكم بروايتي الاولى((معااانااااة الشباب))
البــــــــــــــــ((1))ــــاارتــــ الاوووووول..
بسم الله نبدأ
تعريف بالشباب
سعود:23 بالجامعه انسان حبوب واجتماعي يحب يساعد الناس طبعا ـاخر بالجامعه لا كان عنده مشكله بالنطق يحب المغااازل ..
حمود؛<< مو انا هع : 21سنه بالجامعه انسان مررح ويحب المقالب ويساعد الناس منعزل شوي ومايحب شي اسمه مغازل وراح تعرفون سبب عزلته بالبارتات
معــاذ: 22 سنه بالجامعه انسان كل همه شي اسمه بليستيشن يحب المغازل..
خــالد: 22 سنه مايوثق بأحد بسرعه يوثق بحمود اكثر واحد ويحب المغاازل
مصــعـب: 22 سنه يحب يطلع ويدج وآخر همه دراسته ويحب المغااازل
زيـــد: 22 سنه يحب شي اسمه كوورة يعشقها موت ويحب المغاازل
واي شخص من العائلة راح تتعرفون عليهم بالبارتات
كان معاذ بغرفته جالس يلعب بليستيشن
الا يرن جواله يرد بدون مايشوف من
مصعب:يالخاايس وينك اكيد تلعب بليستيشن مثل عادتك
معـاذ: كل تبن مالك دخل وبعدين الواحد يسلم مو على طول محارش
مصعب: والله ما ياكله غير انت طيب وات تزعل السلام
معـاذ: لالا متأكد انك مصعب؟؟ تسمع الكلام؟؟ ههههه ولا تزعل وعليكم السلام
مصعـب: اقول الشرهه علي اللي متصل بنروح للراشد انقلع بس
معـاذ: تعال تعال مرني بس دام بها الراشد وحقك علي خخخ
مصعب: ايا المصلحجي طيب الحين بجيك تكشخ اوك لا اوصيك
معـاذ: افا عليك بس الحين اتكشخ بس شوف الشباب اول
مصعب: طيب بأكلمهم وامررك ونروح ناخذهم
معـاذ: طيب يلا اقلب خشتك
مصعب: اوريــ.....
سكر بوجهه معاذ
مصعب وهو يناظر الجوال: خلك تركب والله لا اوريك حسابك يا تبن
كلم مصعب البااقيين ووافقوا يطلعوون
بالرااشد
كانوا الشباب يتمشوون الـ6 كل واحد يقول الزود عنده
وكل ما مرت قدامهم بنت يتغزلون عدا حمود يمشي وهو ساكت ومو يمهم
خـالد: اقووول شباب شرايييكم نروح بس كوفي طفشت ومحد معطينا وجه
زيــد: انطم وكمل بس
خالد: زيوود والله لا واريك يالحيوان
حمود كان ساكت ومو يمهم يفكر
الشباب ملاحظيين عليه طبعاا انه مو معهم
يجي سعود من وراه ويخبطة على كتفه : شعنده محيميد سااكت؟؟
حمود ابتسم بالخفيف: لا ابد سلامتك
ورجع سكت
كان يمشي بشويش والشباب قدامه وراحوا وسبقوه وهو ما انتبه لهم
كان يمشي الا وتخبطه بنت على كتفه
حس بش خبطه ناظرهاا وانصدم
..........................
توقعااااتكم
ليش انصدم حمود؟؟
والشبـااب راح يصير لهم شي او لا؟؟
حمود وش سالفته؟؟
ورايكم بالباارت؟؟
اكمل او لا؟؟
هذي البدااايه
وابي عاد ارائكم
دمتم بوود
اخووكم : حمود الشمري..
اشكررركم والله من كل قلبي على الحماس والمتابعه والردود
وهذا البارت الثاني
البـــــــارت ((2)) الثـــاااني..
ناظرها وانصدم
البنت: سوري اخوي وانت ماشي طاحت منك هالورقة
وتعطيه الورقه وتبتسم وتمشي
ناظر حمود الورقه وفتحهااا والا يشوووف
الرقم
حمود مشى بسررعه وصار قدامهااا متعمد ويجي
يقطع الورقه قطع صغيره وريميها عليها ويمشي
وهي تناااظرة بقهر
عند الشـــبــــأب
كاانوا يمشووون وكل ما شافوا بنت عطوها رقم
كانت فيه بنت تمشي
الا يجيها سعود ويعطيها الرقم : اتصلي ياحلوه
البنت تنااظر سعود اللي قداامهااا وتعطيه كف
الشبـــــــــأأأأب انصدمواااااااااااااااا
وحمود اللي كان جااي من بعيييييد وشاف الموقف ما انصدم
الا ابتسم ويقول بنفسه (كويس فيه بنات كذا)
سعود: تمدين يدك علي يا حيوانه
البنت بصراااخ: ساعدوووني يبي يخطفني هذا
الا تجي الهيئه
ويشوفووون الشبااب مصعب ومعاذ وزيد وسعود وخالد ويطلعونهم برى
وسعود قااعد يتوعد بالبنت
اما حمود بعد ما طلعتهم الهيئه وهو مو معهم
قااعد يمشي ويضحك بالخفييف ولحقهم برى
ويروح يم سسعود ويخبطه على ظهره: هاااه اخبار الكف هههه
سعود: ايه اضحك والله لا اوريك انت وهي
حظك والله طلعونا الهيئة وانت طلعت لحالك خخخخخخخ
زيــد: حمود وين رحت هاااه ؛<< ويغمز له
خالد : ايوا ايوااا ويين حمود هاااه اعترف
مصعــب: هه خلووه بحاله لا يوريييكم بس الشينه عنده
معــاذ: هههههههههاااي اما حمود يورينااا
يجي حمود يوقف قداام معاذ وهو يضحك: نعم استااذ معااذ
معــاذ سكت : آآ آآآ وماتشوفون غير عجاجته للسيارة
والشباااب فااطسيين ضحك عليه
اليوم الثاني الصبااح
كان جالس بغرفته يفكر طفشان توه صااحي
يتذكر الكف اللي خذاه امس
سعود: ياربي من هذي بس والله لا اوريها انا سعود ولد الــ.....
تعطيني كف وقدام الكل والله لا اوريهاا
فجأة وهو يسرحاان قطع سرحاانه الجوال
شاف المتصل ابتسم ورد
سعود: هلا والله بالحلووو
ساره: هلا قلبي والله مشتااقه لك موووت
سعود: والله وانا اكثر ياقلبي
وضلوااا يسولفووون السوالف اللي ما لهاا دااعي
عند مصعب
كان جالس طفشان قرر يتصل على واحد منهم يمكن يرد عليه
اتصل على سعود مشغول
ومعاذ مقفل جواله
وزيــد مقفل جواله
وحمود نايم وحاطه على الصامت
وخالد نفسهم
مصعب شف عيال اللذييين بس نايمييين حشــاا فخارات نووم هذولا
قرر يطلع يتمشى
طلع وقااام يفرفر
والا يشووف واحد اتصل عليه
رقم غريب
رد
المتصل:الو السلام عليكم
مصعـب: هلا وعليكم السلام
عفوا اخوي من معي
المتصل: تبي تعرف من اللي معك هاه؟؟
مصعب: شرايك يعني؟؟
المتصل: اجل كذا تعااال عند الــ......
وتعرف من انا
سلام
ويقفل الخط بوجهه
معصب: من هذا خلني اروح واشوف من
ويحرك لمكااان اللي قاله المتصل
راح مصعب للمكاان المطلوب
اول ما شاف الشخص
انصصصصصدم وحس انه خااايف منه
مصعب بنفسه : معقووووله يووسف ما غيره يووسف
يوسف شاف مصعب من زمان ويستناه يجي عنده بس عارف انه منصدم
يوسف : مصعب تعال
مصعب صحا من سرحانه وراح ليوسف
سلموا على بعض وجلس عنده
يوسف: هاه مصعب لسى تبيني؟؟
مصعب: ياليت لو تجي معي
يوسف: خلاص يامصعب انا معك ولك
مصعب بوناسه: خلاص راح تروح معي ونسوي اللي ابيه معك
واخيرا طول هالسنييين واانا ابيك ولا نسيتك بيوم احبك يا يوسف
؛<< لا تستغربوون >>؛
يوسف بإبتسامه: خلاص متى راح اجييك؟؟
مصعب: بأي وقت حيااااك
يوسف: خلاص على خير اشوفك بعدين سلام
مصعب: سلام
راح يوسف وخلا مصعب لحاله يخطط للي يبي يسويه معه
((يوسف 21 سنه كان يدرس الثانويه مع مصعب وقت المراهقه وحبه مصعب وكان يبيه يروح معه بس يوم ينام معه لكنه كان يرفض بس الدنيا غيرته وخلته يدور مصعب))
كان جالس بغرفته منسدح بعد ما قام واخذ شور وفطر كان يفكر باللي صار معه البارح بالموول
ياربي والله تشبهاا بس الله يسامحهااا هذيك غير وهذي غير
راحت وتركتني آآآآه بس منك
نفس العيوون نفس الجسم نفس كل شي
الله يرحمك يالغااليه
نزلت دمعه حارة من عينه وحاول ينسى كل شي
قام واخذ جواله واتصل على خالد لكنه كاان نايم
نزل وطلع يفرفر بالشوارع يحاول ينسى كل شي
نرجع لسعود
بعد ما قفل من البنت
سعود: واخيرا راح تروح معي الله ونااسه
بجهز حالي واتزقرت واكشخ واسوي كل شي بس اشوفهاا
آآآه الليله آآحلى ما يكون شكلهاا
راح اقضيهااا معهاااا
معــاذ يكلم مصعب
معـاذ: من جدك مصعب يوسف ما غيره
مصعب بوناسه: اي ما غيرررة ياااه بس والله اني احبه
معـاذ: معقوله لسى ما نسيت المراهقه
مصعب: ولا راح انساها راح اسوي اللي ابيه معه واخيراا راح يتحقق حلمي
معـاذ: صدق مراهق يلا اقلب خشتك بكمل اللعب
مصعب: كل تبن بس جالس وتلعب هب ما تتحرك
معـأذ: تقلع بس مالك دخل باي
مصعب: باي
وسكروااا من بعض
بالليل الساعه 9 ونص
سعود مار الشباب وماخذهم يفرفرون
كان حاط اغنية حبيبي اللي سكن بالعين لعبد المجيد
وخالد قاعد يرقص طربان هو ومصعب
ويغنوون
سعود ويقصر للصوت: ما قلت لكم شباب اللي عندي موعد مع سارة
معـاذ: اووخص اووخص شناوي عليه
زيـد: ما تشوفه متكشخ اكييد ناوي على الــ.....
الشباب ضحكواااا
سعود: زييوود كل تبن ههههه مالك دخل
خالد: مالت عليكم بس انتم وسارة ارفع له وانت منخرس
سعود رفع للصوت على اعلى شي
وتفحييييط
بعد ساعتين
سعود يستنى سارة تجيه بالشقه
دق الجرس قاام بلهفه فتح الباب
الا وتدخل عليه ذيك البنت الدلع والعطووور والمكيااج
وسعوود ذاايب بها اهم شي يكون معها
سعود: هلا والله وغلا بحيبت قلبي
سـأرة بشويه دلع يغري: هلابك قلبي
سعود: ادخلي وش عندك برى ادخلي يا قمررر انتي
سـارة دخلت وقعدت على الكنب: تسلم يا قلبي
سعود وهو جايب العصير : اخبارك ياقلبي تو ما نورت الشقه
سـارة: منورة بأهلهاا
بعد ما شربوا العصير ويتغزل بها
وسعود كل ماله يقرب لها
سعود: امشي معي ياقلبي للغرفه ؛<< ويغمز لها
سـارة: يلاا
ودخلت الغرفه وسعود لحقهااا
دخل سعود الغرفه ومعه سارة
اول ما فتح البااب
انصدم باللي يشووفه قدااامه
كان حمود بالشقه بدون علم احد وكان يسمع كل كلام سارة وسعود
وكان يستناااهم وهو متكتف
سعود: حمود وش تسوي هنااا
حمود: شرايك؟؟ قاعد العب
سارة تناظر لحمود بطرف عينها : سعود تعرف هذا؟؟
حمود يناظرهم بصمت يستنى رد سعود
سعود: هاه ؟؟ اي اي اعرفه هذا خويي
حمود: كوويس انك متذكر اني خويك سعود اترك هذي عنك وامش الله يهدييك لا تخرب نفسك
سعود: حمود مالك دخل باللي اسويه
حمود: مالي دخل ياسعود وانا اللي احاول امنعك ان الايدز مايجيك
ساره: احترم نفسك احسن لك
حمود وهو يضحك بخفه: ههه احترم نفسي والا انتي المفروض اللي تحترمين نفسك
من بيت لبيت تمشين ومع شاب وشاب
سعوود ضاايع بينهم مايدري وش يقول ما يدري من يصدق
حمود: انا عارف انه بك الايدز وتبين تضرين سعود صح؟؟
سـاره تحاول تنكر: لا ما بي شي
حمود: الا بك ومن سنتين بعد لا تكذبيين يا سارة
سـاره: ايه معي عندك ماانع وابي اعدي سعود
سعوود انصم بزيادة مايدري وش يقول
حمود: عارف انه بك والحينم انقلعي من قداامي احسن لك يا حقيرة
سـارة: اوريك انت وياة يا حقيرين
حمود: انقــ....
سعود قاطعه وهو يمسكها مع شعرهاا: انقلعي من هنا وانتي ساكته وصوتك لا اسمعه يالحقيرة تفووو عليك
ويطشها برى الشقه ويرجع عند حمود
سعود وهو مرتبك : آآ اعذرني يا حمود مــا كــ,,..
حمود يقاطعه بإبتساامه: لا تخااف ما صار شي لكن اتمنى يكون درس لك يا سعود
ويمشي ويطلع من الشقه تارك اعز اخوياه منصدم ما يدري كيف يسوي وصار كذا
عند مصعب اللي كااان فرحاان بخروج يوسف معه
كاان يحبه من زمااان ويوسف ماكان يعطيه وجه
لكن مصعب تخرج من الثانوي وهو لسى يحبه ويبيه
مصعب: يوسف شرايك نرووح الحيين لبيتي ما فيه احد من اهلي
يوسف بإبتسامه: اوك يلا قداااام
مصعب طاير من الونااسه: يلاا بسررعه
كااان خالد هو ومعاذ ببيت مصعب يستنوون الحبايب المراهقيين
دخلوا البيت بمساعده اخو مصعب وليد بس ماقالوا له السبب
دخلوا يوسف ومصعب للبيت
وعلى طول لغرفة مصعب
خالد ومعاذ كانوا داخل الحمام (اكرمكم الله) بنفس الجنااح حق مصعب
مصعب او ما دخلوا قفل الباب وراة
قرب ليوسف ويوسف قرب له بزياده
الا بطلعت معاذ وخالد
مصعب ناظرهم بحقد مثل قولة وش تبوون
خالد: يوسف هناا هلا وغلا
يوسف برتباك لانه يخاف من خالد: آآ ه هلا خالد
خالد: حلو لسى متذكرني
يوسف يرجع بباله لورا
وقت الثانوي
يوسف ينادي خالد : خالد تعال شوي ابيك
راح خالد معه مايدري وش السالفه
ودااه لمكااان بالمدرسه مكاان واحد داشر وبقوة يحب يطلع مع الشبااب مرااهق
ويحب خاالد بس خالد ما يعرف ووكل يوسف المهمه بما انه خويه
خالد شاف متعب وهو يقرب له ويسوي حركااات وسخه وكذا
تذكر اللي صار الضرب اللي خذاه خالد وهو يمنع متعب
وبالقوة قدر لان الشباب جو وشافوه
وخالد اغمى عليه من الضرب اللي من متعب
نرجع للواقع
خالد: هاه تذكرت يا وااطي؟؟
مصعب: خالد معاذ اطلعوااا برى مالكم دخل
خالد راح لييوسف قرب له يبي يعطيك بوكس بس لف على مصعب واعطاه البوكس بدل يوسف
خالد: مصعب هذا عشااان تحس وتفهم طيب مو عشان اللي قبل صار لي بسببه
وطلع
معـاذ راح ليوسف وسحبه معه وطلعوا
معـاذ يكلم يوسف: اسمعني ياواطي ان اتصلت على مصعب ثاني مرة مايحصل لك خير
بصراخ: تسمع
يوسف منهبل منهم: اي اي اسمع
معاذ يدفه والا يوسف طايح على خشمه بالارض وكان شكله يضحك
خالد ما قدر يقاوم ومااات ضضحك علييه
ويوسف انحااااش
اليووم الثاني
مصعب يفكر باللي صار امس
معقوله معقوله خالد ضربني
لكن عذره معه اكيد بيصحيني من اللي صار لي
ابتسم بالخفيف
والله انك مو هين ياخوييلد وربي يبي لك بوسه على راسك
كان حمود جالس يلعب كيرم مع اخوه الصغير نواف
نوااف يموت على حمود لانه يسوي له اللي يبي حتى لو كان متضاايق
نواف: حموود لا تفوز علي
حمود وهو يضحك على حركات اخوه: هه طيب العب زين انت غبي
نواف: والله لا اورييك يا دب
ويقمز عليه ويحاول يضربه وحمود مييت ضحك عليه وعلى هباله
وقاعد يلعب مع اخوه اهم شي يفرح اخووه
زيـد كان يكلم ولد عمه سعد
زيـد: والله فكرة حلوووه خلااص انا بكلم الشباب ونشووف
سعد: اي شف إذا يجوون او لا وقسم بالله نستانس معهم
زيـد: طيب من يجي؟؟
سعد: انتم الـ6 وانا وطلال ونايف بس خلنا نروح نفلها ونستانس
زيـد: على خير خلاص اشوووف الشباب وارد لك
سعد: خلاص اجل سلام
زيـد: سلام
وقفل الخط
><><><<><><>
اللي يبيه سعد ان الشباب يروحون للبحر كم يوم بما انهم بعطله
والطفش ساايد وما عندهم شي اتصل على زيد وكلمهم ووافقواا
الصبــأأأأح<<الهاف مون>>؛
كانوا الشباب مستعدييين من بدري
بيروحون هناااك
ويجلسووون وماعندهم شي واكيد بيفلونهاااا
بسيارة حمود
كان حمود من الصباح صاحي يبي يغير جو
زمان ما راح للبحر
ومر الشباب ومتجهزيين
كان سعود جنب حمود ومتوتر من حمود ما يدري وين يودي وجهه منه
بس حمود ما فرقت معه عادي
خالد: اقول سعود حط لنا اغنية بي طرب
معـاذ يخبطه: وانت بس طربااان انت وخشيشتك
خالد: كل تبن وخلك بحالك مالك دخل طرباان
سعود وهو يحط اغنية غرقان: طيب هاه هذي اغنية تغني معه مو احسن لك ترى صوتك نشااز خخخخخخ
خالد: كل تبن وانثبر مالك دخل
مصعـب كان يناظر مع الشباك وسرحاان مو بيم الشباب
يجيه مسج بجواله شافه وضحك بخفيف وناظر لخالد وعطاه الجوال
خالد قرأ المكتوب وضحك
المسج: من يوسف
كان يقول
((
قل لخالد ان متعب وراه وراه مو ينحاش طيب))
المهم وصلوا للبحر وشافوا سعد وطلال ونايف
هذولي من الشباب بالجامعه معهم
سلموا على بعض
ويأخذهم سعد للشاليه
حمود: الحين وليه ما قلت لنا عن الشاليه؟؟
سعد: بس كذا مفاجأه
حمود: الحين هذي مفاجأة؟؟ امحق بس
طلال: الحين حمود يقوم يشوووي لناااا آآه بس
سعود: وليه حنا جايبين حمود طبـاخ؟؟
الشباب: ههههههههههههههه
خالد: ايواا عاش الشيف حمود
حمود ياخذ الكورة ويطشها بوجه خالد وهو مو منتبه
خالد: ووجع ماتشوفي قاعد اضحك؟؟
حمود: قم بس انت وضحكك الماصخ ولا بنت دلووعه
خالد بدلع: احبك حمودي
الشبااب: هههههههههههههههههههه
طلعوا الشباب اللي يجهز اغراض الشوي
واللي يجهز للكورة
واللي يبي يروح للبحر مستعجل
المهم حمود قاعد يشوي وسعود يساعده
اما الشباب البقيه جالسين يسولفوون
سعود وهو يقرب لحمود: احم حمود اتمنى ما تزعل مني
حمود بإبتسامه: ولو يا سعود انت مثل اخوي واكثر تهمني مصلحتك
سعود ابتسم
زيـد: حمووود ووجع وش صار على الشووي؟؟
سعود : كل تبن بس لا اتوطااك بس جيعان
زيـد: مالك دخل بسرعه يتهضم
مصعب: ووين يرووح؟؟
الشبااب : ههههههههههههااي
خلصوا شوي وكل شي وكلوا
قرروا يلعبون كورة وانقسموا فريقين
تشلسي:الكااابتن سعود ومعه خالد وزيد ونايف
مانشستر : الكاابتن سعد ومعه طلال ومصعب ومعاذ
وحمود ما يبي يلعب ماله خلق
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك