رواية طلع الغالي ولد خالي -13
فجر : ولو مارحنا وش بتسوين
هديل : اخووص طلع لهاا اسناان اقصد لسان
الكل : ههههههههههه
اسيل : برووح للحماام
ربى : طسسسسسي لازم تقوولين وبديير وريان وزياادووه انقلعووا للمسجد
بدر : وش تبين تراني خالك تخلخلت ضلووعك
ربى : وانا اكبر منك يالبزر
ريمو : احلاا يالشخصيه يااربى
قامت ربى وكفخت البزراان وطردتهم بالحووش والعيال راحوا المسججد
هدول : اسمعوا خطتنا
( وتربعوا كل البنات بالارض وقامت تقول لهم السالفه كلها )
ربى : حرام عليكم وش تبون بطاوله
ريمو : هذي الخطه اللي هي بعد مانسرق بتخليكم برااحه دائمه
اسيل : اخوص يالدائمه بس وشهي
هديل : عيت تقوول بعد مانسررق ( عيت = رفضت لم تقل هع )
اسيل : يحوووول حمستيني
ربى : نرووح ونطق مشوار بعز الظهر عشان نسرق طاوله
ريمو : هييه شكلك مضيعه ترا بجنب بيتنا
ربى : ايه بس بعز الظهر صدق
اسيل : ههه منتهيه
ريمو : طيب يالله خلنا نرووح
البنات : يالله
*******************************************
خلص الجزء الثالث عششر
ريمو ومغاامرتهم الجديده .؟؟ بيسرقون .؟؟!! وش بيصير عليهم .؟؟
امل مين هاذي .؟؟ وخالد يعرفها ولا شلون .؟؟؟ ورغد وخجلها اللي ماتقدر ترد خلوود من زوده .؟؟
والسفره ايش بيصير .؟؟
في البـــــــــآآآرت القـــــــــآآآدم :
: كح كحكحكح قااسم كح قاسم
: نعم وش فيه اوديك المستشفى
: لالا مابي ودني للغرفه وجيب عل.. كح علاجي
: حااضر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
:وعع وش ذا البيت خاايس
:مين هناااا
البنات تجبصوا من الخرعه
: مييييين هناا
الجــــــــــــــــــــزء الـــــــــرآآآآآآآآآآبــــــــع عشـــــــــــر
بالاسترااحه
ابتهاج : متى يرجعوون
اثار : والله مادري بس هم بيساافروون معنا عموو قال
منى : يااااااااااحظكم لو ابوي يقول بنسافر معكم
ميعاد : سوال يتسدح ويحط رجل على رجل بتلبسين عبايه هناك
ابتهال : ههههههههه ارحمك ميدو
اثار : اكييد لا تخيلي شكلي
وهلا : اجل ريمو بتاخذ رااحتها
سميرا جايه : كني سامعه طاري سفره
ميعاد : بدررري صراحه
اثار : ايوه بنسافر عند اخووي بكندا
سميرا : يااحظكم وحنا ماعزمتونا
اثار: ههه لا
ميعاد : لاتصكينهم عين ههه
ابتهال : وريمو بتروح
ابتهاج : والله من النحاسه بنزن على راس ابووي لحد نرووح
سميرا : تتووقعوون تدري عن الرووحه
ابتهاج : اصلا لو درت اننا بالاستراحه من امس كان صارت علووم
ابتهال : بدق عليهاا
ميعاد : بس اللحين الساعه 12 الظهر
منى : كرهت الساعه .. وراحت
وراحوا البنات ومابقى غير ميدو
ميعاد : وش فيهم ذولا -بصوت عالي- انتضرووووووووووووووووووا
************************************************** ***********
عند الجد ( ابو سحر )
: كح كحكحكح قااسم كح قاسم
قاسم : نعم وش فيه اوديك المستشفى
الجد : لالا مابي ودني للغرفه وجيب عل.. كح علاجي
قاسم : حااضر
وساعد الجد يرووح للغرفته
قاسم : الوو
فارس : هلا قاسم وش تبي
قاسم : جدك طال عمره تعبان
فارس : جدي تعبان .؟؟!!
قاسم : ايووه ورفض يروح للمستشفى
فارس : جاي جاي
الكل ببيت الجد بس كبار البزران بالبيووت اعرفوا اني اقصد ( سيف ومحمد القلق هع )
سعود : بعد عمر(ن) طوويل ان شااء الله
الجد : انتم وش فيكم لامرضت تجمعتوا بس اخ لو قاعد بيبيتي محد فكر يجي لمي ماعدا فارس
عزوز : افاا ياجدي بس اشغال والله
سعود : ايوالله الشركه ماخذه عقوولنا
الجد : ههه خلاص خلاص بس اخباركم
طلال : احنا المفروض نسال بس عساك بخير
الجد : الحمدلله بس انتم
الكل : بخير .. الحمدلله .. طيبين
الجد : عسااه دايم وتجتمعوون عندي
سهام : اكيد ما اكلت علاجك
فيصل : اتووقع ماتاكله الا اذا تعبت
مشعل : ايوالله شف شلون حالك
فارس سارح طول الوقت
الجد : ايه خلاص بس سكروا الهرجه فارس علامك ساكت
فارس ابتسم : لا ابد بس لازم تنتبه لنفسك
فيصل ومشعل : بدررررري
فارس : ههه لا بس حقتي لها طعم
عهد : ليه ذاايقها
طلال : هههههههههههههههههه منتهيه
سحر : هههه انا بنت عمتها وخالها
عزوز : جبتي جديد
سحر : مالت عليك
مشعل : وانا عمها وخالها
فارس : ياسمجكم بس
سعود : ههه خلاص انا عني استاذن بعد ماتطمنت بس انتبه لنفسك
سحر : باابي بقعد عند جدوو
سعود : لاحبيبتي تتعبينه
الجد : لاماعليك منه اقعدي
سحر : هههه هو يبيني حرام ارفض طلبه
الجد : تعقبين
الكل : ههههههههههههههه
سعود : خلاص بس لاتزعجين جدك
سحر : طيييب
فيصل : يحوووول
عزوز : وش فيك
فيصل : كنت ناوي اقعد بس مادام هذي بتقعد -واشر على سحر- هوونت
طلال : ههههههههه انت وش فيك عليها
مشعل : صادق هي قلق
عهد : طالعه عليييييك
سحر : انتي سبيتي سبه مشتركه
عهد : بس تمشي
واستااذنوا وراحوا واللي بقى ( فارس وطلال وسحر وعهد وسهام )
************************************************** ********
عنـــــــــــد خــــــآلــد
خالد جالس قبال رغد ويطالع فيهاا بفهياان وهي مدنقه من الحيا اللي ذابحها << حيا مريخه هع
خالد سكت شوي ثم قال : رغوودي << يموون
رغد ( يالبيه يازين اسمي على لسانه ) : هلا
خالد : هلابك بس بغت اسالك عن البنت اللي معك
رغد بستغراب : مين .؟؟ امل .؟؟
خالد : اييه امل - ثم كشر- هي تكلم شبباب
رغد : هلاا .؟؟
خالد : ادري ان سوالي غريب بس ابي جواب
رغد : لا اموول ماتسوي ذا الحركات
خالد تنهد : مابيك تمشين معها
رغد : سلاااماات
خالد ضحك ثم ابتسم : الله يسلمك بس ليش
رغد تفشلت بس كملت : اسمع خالد ادري انك حبيــ.. - تداركت نفسها - تحبني بس مو عشان كذا - اخذت نفس - تختار صديقاتي بمزاجك
خالد ساكت ويطالع برغد ورغد تحس انها سوت انجاز بهذا الكلام البسيط
خالد ابتسم وهي استغربت انه ماعصب ولا شي : رغودي اسمعي اكيد مالي حق اختار صديقاتك مثل ماقلتي عشاني حبيبك ( قال كذا لانه انتبه لكلمتها ) بس انا امل مابيك تصاحبينها فيه فرق اكيد بين شهد وامل انا موب جايك من الباب لطاقه واقول لك لاتصادقين امل ولاتمشين معها بس لانها تكلم عيال وتحتك معهم والخافي اعظم
رغد ساكته ماتدري وش تقول منصدمه من الكلام الي يقوله وعاجبتها طريقه كلامه واقناعه بس اكتفت بالسوال : ايش
خالد : امل صديقتك على قولتها اني عاجبها وتبيني اصير صديقها فهمتي ليه مابيك تمشيين معها وتحتكين فيها واكيد انك تبيني لك - ثم غمز وابتسم - مثل مانا ابيك لي
رغد انحررجت بقوه بس وقفها كلام خالد وقالت : يعني انا نفس امل .؟؟؟
خالد استغرب : لا وتخسى امل تووصل لربعك
رغد ابتسمت بحزن : ايه مو كلنا نشترك بشي واحد كلنا نكلم شباب
خالد تو ينتبه : بس فيه فرق
رغد : لا ماافيه كلنـ
خالد قاطعها : رغودي هي تكلم شبااب للتسليه بس وانتي ماتكلمين انا اللي اكلمك ورغد انا احبك - ابتسم بستهبال - مافيه فكه مني
رغد ابتسمت وهي تشووف اللي سارق قلبها قدامها
************************************************** **********
عنــــــــــد مـــــــآجــد
وطيف واسماء وغدير << خوات ماجد .. قاعدين بالصاله مع مرت ابووهم واختهم رزان واخوهم سلطان
اسماء تلعب رزان وطيف سرحانه وغدير تتفرج على التلفزيوون وام سلطان تاطالع ببنات زوجها وهي راحمه حالهم ابتسمت وهي تطالع اسماء وه تلعب بنتها وغدير وحماسها للتلفزيوون وهي تطالع بس تلاشت ابتسامتها يوم شافت طيف قد ايش هي سرحانه حزنت عليها يوم اكتشفت مرضها وحاولت قد ماتقدر انها تكون مثل اومهاا بس بتقدر ماندري .؟؟
ام سلطان : طيووفه وين سارح البال
طيف تكره اوم سلطان بعتقادها انها سبب ترك ابوهم لهم ردت بدون نفس : مالك خص
ام سلطان تفاجئت من ردها بس ابتسمت وقالت : طيب وكيفك اللحين تحسين بالام شي
طيف ببتسامه استهزاء : ليه تبين تنبسطين على تعبي بس خساره ماحس بشي لاحسيت جيتك .. وقامت من الصاله لغرفتها
اسماء متفاجئه من طيف وحركاتها اللي صارت تنرفز وقالت لام سلطان : ماعليك هي مرحله وان شاء الله بتعدي
ابتسمت ام سلطان وهي مستغربه حاله طيف اللي كلمالها تسووء
اسماء لحقت طيف وهي معصبه منها : خير انتي وش تحسين فيه المره تعاملك احسن معامله تردين لها بذا الاسلوب ( مره = حرمه انثى انسه اللي تبون هع )
طيف : ليه لاتكون سحرتك
اسماء : الحمدلله والشكر خلاص درينا انك مريضه بس المريض مايسوي نص اللي تسوينه تدرين اللي اثر مو مرضك السرطان مررض العقل
طيف خانقتها العبره : ليه انتي معها ليه
اسماء : من حركاتك اللي ترفع الضغط خلاص تراك زوديهاا ماتعريفين تتعاملين باسلووب انتي اصلا ماعندك اسلوب شلون تبينها تعاملك هاه تكلمي تضربك ولـ ..
طرااااااااااااخ كف قووي جدا جدا جدا من ماجد اللي معصب وهو يسمع كلام اسماء ويشووف شلون طيف تبكي
اسماء : تضرربني يااماجد تضربني .؟؟
طيف ركضت لحضن ماجد وهي تبكي م
ماجد : انتي ايش تبين ليه تقوولين لاختك كذا هذا اللي علمتك اومي تزاعقين خواتك ( تزاعقين = تصارخين )
اسماء ودموعها على خدها : طيب عرفت السالفه -مسحت دموعها - قبل
ماجد ودها يتاسف منها بس بجد عصبته : مابي اعرفها ولو عرفتها ماتوقع تستاهل ذا الكلام الجارح اللي تقوولينه
اسماء تشاهق من البكي وراحت لغرفتها
راح ماجد لغرفه طيف وهو يقول : وش سوويتي وش اللي خلى سومي تعصب تكلمي
طيف : ماسوييت شي بس -سكتت -
ماجد : يعني سومي من الباب للطاقه بتهااوشك -بحنيه- يالله تكلمي واعووعدك مابيصير الا الخير
طيف : اناماحب دلال ( مره ابووهم ) دلال هي اللي فرقت بين اومي وابوي وكل ماسويت شي لها جت سومي تتدافع عنها - قالت بصوت انبح من كثر الصياح وهادي- بس انا اختها ليه توقف معها اكيد انها ماتحبني ماحد يبيني الا انت مجوود لاتخليني تكفى مابقى الا انت تكفى ماجد لاتخليني
ماجد تقطع قلبه على اخته بس قال وهو ضامها لصدره : اسمعي حبيتي دلال مالها دخل بسالفه اومي وابوي وسومي اكيد عشان حالتك معصبه سومي تحبك وكلنا نبيك حتى دلال اللي تتوقعين انها تكرهك تدرين انها دافعه نص تكاليف علاجك ابوي رفض بس هي اقنعته تبي تسوي شي زين لنا وتتوقعين في شي ازين من كذا حبيبي اسمعي قد سوت شي لك .؟؟
طيف وهي منصدمه من كلام ماجد وكانها اقتنعت : لاا
ماجد : خلاص طيب كلنا نحبك طيووفي لاتزعلينا عليك يالله ارقدي شكلك تعبانه
طيف : طيب بس روح لسومي اكيد انها تبكي اللحين وقلها اني اسفه
ماجد : طيب -اشر على عيونه - من عيووني ياعيووني
ماجد هو الوحيد اللي يقدر يقنع طيف باسلووبه يعرفلهاا ويعرف لكل خواته لكل اخت طريقه خاصه لهاا وربي رحمهم وعطااهم اخ غالي مثل ماجد
************************************************** **************
عنــــــــــــــــد البنـــــــــــــآت
ريمو : اووش مابي ازعاج الله يفظحكم
هديل : وين جبنااهم حنا
ربى: انطموا لاعلم عليكم
اسيل : والله يالله اسرعوا
دخلوا البيت من الطاقه المنكسره ( الشباك او الدريشه )
ربى :وعع وش ذا البيت خاايس
:مين هناااا
البنات تجبصوا من الخرعه
البنت : مييييين هناا
والبنت تتقدم وتسال والبنات مستغربين انها ماشافتهم وهم واقفين قدامها
اسيل : ايييييييييييييييه
على طول ريمو سكرت فمها لاتفضحهم وتقول بهمس : فضحتينا الله يفضحك
اسيل : هذي احلام العمياء
البنات اخذوا نفس وارتاحوا نفسيا وجسديا ولقوا الطاوله اللي طاقين مشوار عشانها
طاوله فيه سحاابين ( يعني درجين تحت بعض كومادينه بختصار هع هع )
ريمو : يالله شيلووها
ربى: حرام عليكم ليه كذا
اسيل : ايوالله تخيلي ماعندهم غيرها
ريمو: اقوول انطرمووا بس
هديل : يمكن داخله شي
البنت باقيه تسال والبنات ساحبين عليها ومو معبرينها كانها موموجوده
دق جوال ربى جت ريمو من الخرعه لاينفضحون طشته بالارض وشهقت ربى بكل ماتاها من قووه
ربى:جوااااااااااااااااااااااااااااالي الله يشيلك يالملعوونه وخططك الغبيه يالحقيره يالكلبه
هديل حطت يدها على فم ربى واسيل تحاول بالجوال لحد ماشتغل وارتاحت ربى بس اتوقع الجوال حرم يوصل مكاالماات هههه
ريمو راحت للعمياء واسالتها من زود الغباء : فيه احد بالبيت غيرك
هديل ودهاا تتووطى بريما والبنات يلعنونها والبنت من الغباء ردت : ايه بس مين انتي
ريمو قالت مع ابتسامه عبط : فااعله خير
اسيل : ههههههههههههههههههههههههههههههههه قال فاعله خير قال
ريمو : على تراب بس وين الناس
احلام : كلهم نايمين والرجال بالمسجد
بعدين شالو الطاوله البناات ثم مروا على المطبخ لانهم بيطلعون مع الباب << يموونون
وصلوا لللبيت بعد ماتفكك يدينه وحطوالطاوله بالمستوودع
ربى: اخ تفككت يديني
هديل :مالت عليك وشفيه داخل الكومادينه حشى حصى
ريمو: ايه صح بنفتشها لا بدت الخطه الثانيه
اسيل : ذبحتيناا وش هي
ريمو : تبوون نسوويها اللحين ولا بكره
ربى: لا والله
هديل :كولي تراب اكيد الحين
ريمو : مممم طيب بس اصبروا
الكل: طيب
راحت ريمو ورجعت بعد ماجابت مطررقه كبيره حقت جدتها
الكل مستغرب عليهم علامه ؟؟!!
وريمو بباتسامه : يالله امشوو
ترررررن ترررررررن
ريمو : اصبروا شوي - ردت - الوووو
: هلاا
ريمو : هلا بيوونه اخباارك وحشتيني
بيان :لوو وحشتك كان اتصلتي مالت عليك
ريمو : ههه تحجيره موب صاحيه بس انا ذا الايام كلها مشغوله بالمخططات
بيان بضحكه : اخووص وشهي مخطااطته
ريمو : والله فاتك كل شي سويته ركبه الموتر وكسرت قزاازه وسررقت كومادينه وكل شي
بدر بشهقه : انتي اللي كسررررررتي القزاازه
ريمو لفه بررعب وهي تطالع بدر وتطالع شي بجنبه طوويل التفتت لقته مصعب يؤؤ الله يعينهاا بس
مصعب وهو مسكر على اسنانه : انتي اللي كسرتي القزااز
ريمو: ايووه بيان تراى شسمه اللي قلته نصب وشسمه بس حبيت احمسك
بيان بستغراب : تلعبين علي والله اعرف حركاتك
ريمو: هه الله يرجك بس بغت اقلد ذيك وماقدرت
بيان :وش تحسين به
ريمو : اهاا مشغوله طيب باي
بيان مبققه عيونها : باي
ريمو سكرت : والله بياان منتهيه خبله البنت
مصعب : اساالك انا
ريمو : هلاا خال وين الناس
بدر خايف على ريمو لانه خالها بقوه عصبي حتى لو اتفه الاشيااء
مصعب : انتي كسرتي القزاازه ايه او لا
ريمو بمزح : هههه وش فيك الله يهداك قمت تخربط
مصعب : اخربط هااه - رفع عقاله من راسه وقرب يبي يضرب ريمو والبنات يدينهم على قلوبهم بس ريمو انحاشت -
بدر : مصعب خلاص مايسوى عشان قزازه انا بدفع قيمتها لا تخاف
مصعب :هذي مو اول مره تسووي بلاااوي لازم اوقفها عند حدها
بدر : مصعب خلاص عاد ماراح تسوي
مصعب : انت اسكت فااهم وانا اعرف اتصرف ماباقي الا البزران يتكلمون
مصعب مسك ريمو مع بلوزتها وعطاها محطتين بالعقال الييمه ( محطه = ضربه )
البنات محزنين على ريمو ويشاهقوون مع كل ضربه وربى تبكي تتخيل لو المحط جاها
وطلع مصعب من البيت وريمو ماسكه مكان الضربه ووتتالم بقووه
بدر قرب من ريمو :ريمو يعوورك
ريمو عيونها تدمع غصب عنها بس ابتسمت ابتسامه وسيعه : لااااا جت سليمه
بدر بشك : طيب ليه تبكين
ريمو : ههههه وش ابكي مدري عقاله فيه غبار هههههه
بدر عرف انها عورتها والبنات مصنمات مايدرون وش يسون
ريمو : بطلع شووي ..وطلعت الحووش
ريمو بالحوش تكلم نفسها : هين هين اللحين قاعدين يضربوني ليه باابي ماعمره ضربني يجي مصيعب يضربني -ابتسمه ابتسامه وااسعه - خلني اهررب واذا سالوني بقول زعلانه - قالت بخوف - بس اخاف يصير فيني شي - قامت تششجع نفسها - ريموووه ماعمرها خافت من شي يالله بتووكل على الله واوررريهم
وطلعت مع البااب اللي ورى وراحت للمزرعه حقت خالهاا البعيده غير هذيك اللي بها الموتر
************************************************** ****************
((تكملةالجزء))
عنـــــــــــــــد خــــــــآلــــد و رغــــــــــــــد
خالد بس يتكلم ويحش بالرايح والجاي ورغد مبتسمه وتضحك على تعليقااته
خالد : وععع شووفي هذي كل مامشيت من عندهاا تجيني حاله صررع
رغد : ههههههههه ليه
خالد ابتسم : ياخي احسهاا ماتعرف الموويه والصاابوون
رغد : ههههه حلووه
خالد : عيوونك الحلوووه
حمد :خلوووووود
خالد التفت عليه : بسم الله الرحمن الرحيم
حمد : شايف يني ( جني )
خالد : وش تبي ماتشوفني قاعد مع البنت
حمد : مالت عليك انا شو اللي يابني هنا ايوه نسسيت ترى البنيه صجتني تبا رقمك
رغد : مين .؟؟
خالد : ذي امل
: ايووه امل
رغد : امل .؟؟ وش تبين من خالد .؟؟
امل بسخريه : عشتوو والله انتي اللي وش تبين بخلوودي
خالد ساكت ومتكي على الكرسي ويطالعهم ببرود وحمد سحب نفسه وراح
رغد تنتضر خالد يتكلم
امل : بالله وش عاجبك فيها لا جمال ولا شي لا وبعد جايه بالحرااام
خالد عليه ؟؟ و !! وعدل جلسته بيفهم السالفه
رغد بعصبيه : انا مووووو بنت حراام احترمي نفسك لايصير شي موو من صالحك ياا امل
امل ببتسامه تنرفز : اجل وين ابووك طال عمره
رغد دموعها متحجره بعينها : مالك دخل ابعدي عني ايش تبين انتي
امل بلا مبلاه بدمووع رغد ومشاعرها : اهاا فهمت تبين تسلكين نفس طريق اوومك ماشاء الله عليكم يالعاايله المحترمـ..
طراااااااااااااااخ كف على خد امل خلااهاا تطيح على الارض
امل : انا انا تعطيني كف يااخالد
خالد : اعطيك واعطي عشره من اشكاالك فااهمه - التفت على رغد - تعالي رغوودي .. ومشوو
امل بصووت عالي : والله لا اخليييك تندم على الكف يااخااااالد والله لاااااخليييييييييك تندم
خالد وهو يمشي وماسك رغد
خالد : ماعليك منها فاقده عقل
رغد سااكته وعيوونها تدمع غصب عنها
راح خالد وودها لدوره المياه عشاان تغسل وجههاا
************************************************** *********************
عنــــــــد الجـــــــــد
عهد : ههههههههه الله يررجك
سحر : ههههههههههههه
الجد : اقوول فارس
فارس : سم
الجد : سم الله عدووك بس متى مساافرين للكندا
فارس : والله ماادري بس الاكيد بعد 3 اياام
طلال : ماشاء الله مساافرين عند خالد
فارس : ايه من زمان عنه
عهد : قهرر موب راايحين
سحر : غبيه
فارس : هههه وش دخل
سحر : لو اني منها كان حنيت وزنيت على راس ابووي لحد يوافق
الجد : ههه خبله
فارس : الا يااطلال ليه ماترووحون معنا
طلال : والله مانقدر اشغال واوومي تعبانه ذا اليوومين مانقدر نساافر
سحر بزله : قهر
الجد : ليه وش فيه قهر بعد
سحر : آآ يعني - بحماس - ايووه صح لا عهد ولا رنا يحوول اقعد مع مين
عهد : طيب وش بلااك متحمسه
طلال : ههههههههه من جد
سحر بفشله : آآآ كذا ابين وجه نظري
سهاام : يالله هيدوو حبيتي تركي جاء
: تركي من زمان جاي وله ساعه واقف برى ينتضركم
الجد :هه طيب ليه مادخلت
تركي : والله قالوولي دقيقه صاارت ساعه
طلال : هههه نفس الحال اجل ابعرف مامعهم ساعه ولا وش قصتهم يعطون وقت غلط
ورااحوا تركي وعهد واومهم سهام
تررررررررن تررررررن
ردت سحر : الووووو
: هلاابش حي من عكس اتجاه الريح وجاابش
سحر : ههههه ياهلاا والله بريموو
طلال من سمع اسمهاا سررح بعالم اخر
ريمو : اخباارك وكيف الحال
سحر : بخيير الحمدلله انتي كيفك
ريمو : بخيراات نشكره ونحمده
سحر : وش اخر المغاامراات
ريمو :ههههههههههههههه فااتك والله
سحر : وشش .؟؟ تكلمي بسررعه
فارس : وهذي ماترتااح الا بمشكله
ريمو : مين اللي عندك
سحر : ماشااء الله سمعتيه يازرقااء اليماامه
ريمو : وش دخل زرقاء اليماامه اخبرهاا تطالع مو تسمع ( اخبرها = اتذكرها )
سحر تفجررت ضحك
ريمو : ماجاوبتي منوو عندك
سحر : ههه فارس وطلال وجدوو اصلا انا ببيت جدي
ريمو : وش الطااري ببيت جدك
سحر : ههههههه وش تحسين به والله جدي تعب وتجمعناا عنده
ريمو : ايوه يالشبااب الفااسد ماتعرفون جدكم الا اذا تعب
سحر ماتقدر تتكلم بس تضحك
ريمو : عطيني جدك بتحمد له على السلامه
سحر : ههههههه صاحيه ولا انهبلتي
ريمو : لا صاحيه بصرعه الشمس احرقتني
سحر : وش دخل الشمس
ريمو : اخلصي علي
سحر: جدوووو
الجد : هلاا
سحر : صديقتي تبي تكلمك
فارس : تستهبلين
الجد : ياهلا فيهاا عطيني اكلمها
طلال مستغرب وش تحس فيه ريمو بس ابتسم على هبالها
ريمو : السلاام عليكووم
الجد : ياهلا وعليكم السلام
ريمو : اخباارك يااجد
الجد : بخيير الحمدلله
ريمو : الحمدلله على سلاامتك
الجد : الله يسلمك
ريمو : شف شف اهلك مايعرفوون جدهم الا بذي الاوقاات
الجد استاانس : ايوالله صدقتي ياابنيتي
ريمو : يحصلهم جد ومايجتمعوون عنده
الجد : ههه ايوالله
ريمو : يحصلهم جد ومايوونسوونه ويعرفوونه ولا يسمعوون هرجه
الجد : صح لسانك
سحر متفقعه ضحك مع انها ماتدري وش تقول ريمو وفارس يضحك على خبال صديقه بنت اخووه وطلال ساارح مو معهم
ريمو بستهبال : اخ لوو اني عندك ابصير خدامه بدوون راتب
الجد : ههههههههههههههههههه
ريمو : هههه اهلي لايقدرون المعرووف اللذي اقووم به
الجد : علاامك قلبتي فصحى
ريمو : ههههههه مادري يالله طال عمرك ان شااء الله وماتشووف اي شي يعكر مزاجك ولا بزران يغثوونك ولا خال يضربك بالعقال ولا تتعب ولا سحر تزعجك قل امين
الجد : ههه امين
ريمو : طيب ممكن تعطيني سحر
الجد: ههههه طيب خذيهاا
سحر : هههههههههههههههههههه وش قلتي لجدي هبلتي فيه
ريمو : هههههه يااحليله يا حظك عندك جد
سحر : ههه ايوه وش قلتيلي - بحماس - صح وش مغااامرااتك
ريمو : ايه تخيلي .. وقالت السالفه كلهاا
سحر : هههههههههههههههههههههههههههههههههههههههههههه موب صااحيه
ريمو : ههه بس المحطه بالعقال تعوور الله لايووريك
سحر : ايوالله احس يااعمري عليك
ريمو : بس ماعليك عندك رجاله
سحر : ههههههههههههههه شلون تركب رجاله
ريمو : ههههه مادري بس اللحين رايحه لمزرعه خالي ابندس فيها عشان يعرفوون من هي ريمووه
سحر : احلا يالقويه
ريمو : اعجبك
سحر : هههه لا
ريمو : مالت بس مين باقي عندك اكلمه
سحر : ههههههه لا اللي عندي كلهم رجال
ريمو : طيب ليه قاطه نفسك بينهم
سحر : هههه مادري
ريمو : طيب سلميلي على اللي عندك بس ذكريني فيهم
سحر : هههههه هبلا الي عندي فارس وطلال وجدي
ريمو بشك: طلال اللي كلمني ذا المره
سحر : ههه ايووه
ريمو : اهاا طيب سلميلي عليهم ويالله بااي
سحر : باي وانتبهي لنفسك لايصير فيك شي
ريمو : طيب وقفلت
طلال بسرعه : هذي اللي كلمتها ذاك المره
سحر : ايووه وترااهاا تسلم عليكم
فارس : احسهاا خبله
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك