رواية ياخاطفي وين القي عزتي في زمان المذلة -113
باسل مشى لهآ ولف يديه حول خصرها:ياعيون حبيبك
هنادي:بسول بطلبك طلب ممكن ؟
باسل باسهآ : تأمرين أمر ..ويش تبين ؟
هنادي: شهد عآزمتني انا وخواتي ودي اروح
باسل: خلآص جهزي نفسك على بال أدخن وأكل لي شي
هنادي بفرح :تسلم لي ياحياتي
باسل يطالع الساعه: معك نص ساعه وتكونين جآهزه
هنادي كشرت: بسول مابي اروح ويدي فاضيه لازم اخذ معي شي
باسل: أوكِ نمر محل حلويات وتأخذين اللي تبين
فتحت الدولاب ونقت لهآ تنوره قصيره سكري وبدي ليلكي جعدت شعرهآ ورفعته من قدآم بف وحطت روج وردي وبلاشر وكحلت عيونها
هنآدي دمعة عيونهآ"لله يرحمك يبه .. سآمحني الحزن بالقلب صحيح حيآتنآ بدونك أليمه لكن هذآ أمر الله مايجوز نحزن أكثر .. انت بقلبي يبه بقلبي وماراح أفرط ببآسل مثل مآوصيتني " طلعت لباسل وشآفته يقلب بالقنوآت
هنادي تلف:ويش رايك فيني ؟
باسل يصفر: الله الله كل الكشخه هذي عشآن أخوآتك ؟
هنادي تضحك: ايه عشآنهم
باسل كشر: وانا مآ تتكشخين لي مثلهم
هنآدي قربت منه وبغنج: أنت الكل في الكل .. وأبو البوبو
باسل مآت ضحك على كلامهآ : عشآن هالكلمه بوديك والا كنت نآوي ما اوديك
هنادي بأستعجال:يالله عاد مابقى شي على المغرب يادوب نلحق المحلات
لبست عبايتهآ ومشوآ لأقرب محل حلويآت
جيت لگ رآيق ,
. . . رحت ( متضآيق )
گني على صدة مشاعرگ ’’ أدمنت . .
. . . . بردآآآن. .
أبدفآ من شعورگ دقآيق . .
ولو أحترق عادي مآدآم السبب [ أنت ]
نآظرته بعيون الأنتظآر ساعه مرت عليها وهي تنتظره يصحى من عالم أحلامه ... تركت كل امورها واهتمت له نام متضايق وزعلان ..وهي تلوم نفسها وتطفلها على خصوصياته
شوق ( يارب متى يفهمني متى ؟!.. فوق هذي السنين ومافهمني ؟..ليش مو راضي يعترف علي وبعد زعلان عشان قريت اللي كتبه ..آآه بس منك يافهد آآه )
قآمت بشويش وطلعت من جنآحهم ونزلت عند راكآن حست بدوخه خفيفه تمسكت بعآمود قريب منها وغمضت عيونهآ .. نست تأخذ علاجهآ والضيق اللي فيهآ يدهورهآ بدون شعور منهآ .. طلعت لبرى وجلست على الجلسات الخشبيه في الحديقه وقت الغروب تحبه لها مده مآ راقبته بعيونهآ سرحت بعيد .. سرحآنهآ أوصلهآ لأهلهآ ومدينتهآ التي تدمن أنفآسهآ وتعشقهآ عادت بهآ الذكرى لأيام كآنت تتمنى انهآ تفارقهآ ايام مراهقتهآ وسلب فهد لعالمهآ .. الأن تتمنى أن تبتعد هذي الأيام بوحشيتهآ وغربتهآ وهي في بيتهآ ودآخل حدود ممتلكآتهآ ... تطمع بحياه هانئه وتسودهآ الراحه ...حست بيد على كتفهآ ولفت بسرعه
أم فهد: حبيبتي فيك شي؟
شوق أبتسمت ابتسآمه صفرآء ميته: لآ خالتي مافيني الآ كل خير
ام فهد بتفحص: بس وجهك مصفر أكيد تعبانه
شوق :لا الحمدلله طيبه مافيني شي
ام فهد جلست بالكرسي جنبهآ وبدآخلهآ تناقض وتردد"أقولهآ يمكن أخفف الحمل عن فهد شوي هو متضآيق يمكن لو تكلمت وقلت لهآ يرتآح ..بس يمكن تتدهور صحتهآ وهي مو ناقصه ...آآآآه ايش هذي الحيره الله يكون بعونك ياحبيبي أثاريك صابر على المُر قلبي معآك ياقلب أمك "
شوق ابتسمت: خالتي وين وصلتي ؟
ام فهد ضحكت: معآكِ حبيبتي
شوق: لالا أكيد مشتآقه لأبو مرآد
ام فهد حمرت خدودهآ: أمدآني عليه بكره بيكون هنآ وأشوفه
شوق: باركي لصفاء عني ...نفسي أحضر فرحهآ بس ربي مو كآتب
ام فهد: يكفي سلآمك لهآ .. صحتك أهم ياعيوني
شوق تنهدت: الحمدلله على كل حال
ام فهد تطالع الساعه: أنا شوي وخارجه مع صفاء نآقص كم شي لآزم نجيبه
شوق: يعني بتتأخرين ؟
ام فهد: والله مآ ادري ياحبيبتي اذا كنت بتأخر حتصل عليك وأعطيك خبر
شوق : اوك
ام فهد: كأنو فهد تأخر بنومته ؟
شوق : تعبان خليه ينآم ويشبع نوم
ام فهد وقفت: طيب انا رايحه اتجهز وأخرج
شوق: الله معك
عند بيت أهل يوسف
قبل تنزل مسك يدهآ:رآح أشتآق لك
هنآدي استحت : بسوول مو وقته
بآسل كشر: ألا وقته ونص .. متى أجيك ؟
هنآدي: مدري انا اتصل عليك
بآسل تنهد بوله: الله يصبرني بس
هنادي ضحكت: خلني ارتاح منك شوي
باسل بمزح: أسكتي لا ارميك الحين مع الباب
هنآدي فتحت الباب: يالله نزل الأغراض وألا تبيني أنا أنزلهآ
باسل فتح عيونه على الأخير: الحين أنا باسل ولد الوزير أشيل أغراضك
هنادي: ولد وزير على نفسك بس مو على زوجتك "مسكت بطنهآ" ولدك
باسل ضحك: تعرفين تمسكيني مع اليد اللي توجعني
هنادي نزلت: يالله عآد نزل الأكياس
باسل: فتح الباب: طيب جاي ورآك
دخلت للمدخل وطلعت الدرجآت الأولى ووقفت عند باب شقة شهد وهي تسمع رجة اخوتهآ سمعت صوت خطوآت نآزله ولفت بأتجآه الدرج
كآن نآزل بسرعه يبي يلحق المباراه اللي مسوينهآ بملعب الحي وقف أول مآشف طيفهآ .. يحسب نفسه بحلم لكن عيونهآ تثبت له أنه يعيش بوآقعه لازآلت عيونهم ملتقيه
{مــآجد }
مآني مصدق اللي أشوفه قدآمي ..هذي هنآدي اللي أشوفهآ متغيره كثير بعد الزواج كل شي فيهآ متغير حتى نظرتهآ لي مآعرفت أفسرهآ ... هذي فرصتي دآم زوجهآ ماهو معهآ ..لازم أكلمهآ وعسى تكون فيه نتيجه
صدت عنه ودقت الجرس بتوتر "الله يستر يارب مايجي باسل ويشوفه وتصير حكآيه "
مآجد همس :هنآدي ممـ.."انقطع كلآمه بعد دخول بآسل وبيده ثلاث أكياس "
باسل طلعت عيونه لشوفته جن جنونه وهو يشوفه على مقربه من زوجته وسمآعه له ينطق بأسمهآ
هنادي دقت الجرس بتوتر أكثر " افتحي ياشهد بسرعه ..مو وقته تتأخرين "
باسل بصوت حآزم: سلآم
مآجد ترآجع لورى: وعليكم السلام
باسل يطالع بهنآدي اللي منزله راسها وتنتظر فتح الباب :بغيت منآ شي؟
مآجد: لآ أبد كنت ماشي
باسل رفع حآجبه بحده: مآ أظنك مآشي وألا انا غلطآن
ماجد أنقهر: ايه غلطآن ياباشا
باسل حط الأكياس عند هنادي: والله اللي سمعته يأكد لي " بنبرة تهديد" أبعد عن طريقي أحسن لك فآهم
مآجد ضحك بسخريه: مآخذ مقلب بنفسك يآهوو ..ترى لاقمت ولاقعدت عندي
بآسل بصوت ساخر:وآضح مايحتآج تقول ..احب اقولك اللي تفكر فيه لآيمكن يصير
مآجد بعصبيه: أقلب وجهك ...أنا اللي احب اقولك اللي أنت فيه ماراح يدوم زي ماقدرت اجمعك فيهآ أقدر أبعدهآ
باسل بعصبيه قرب منه بيخنقه لكن يد هنآدي كآنت اقرب له: باسل عشآني طنشه عشآآني
باسل يفلت يده منهآ بقوه ويبعدهآ عنه:بعدي عني هذآ يبي له درس مآينسآه
مآجد بقوه: شكل أنت اللي تبي درس
باسل يأشر بسبآبته:شلينآ من رآسك لآ أدوس على رقبتك
مآجد بينرفزه: مآتقدر صدقني مآتقدر ...انا السبب باللي أنت فيه
هنآدي بحده: ويش تبي أنت ... أنقلع عنآ وخلنآ في حالنا
مآجد أنصدم من ردة فعلهآ:أنتِ تقولين هالكلام ؟
هنادي مسكت ذرآع باسل: ايه أقوله ونصه أنت وآحد حقير وسافل ومنحط مايشرفنآ حتى الكلام معه
مآجد انقهر:السافل والحقير هو اللي جنبك وألا تبين أذكرك باللي كآن
مآحس ألا بكف منه وخنقه على طول: ألزم حدودك لآ أربيك
هنادي تبعد يديه عن مآجد: باسل أنتبه لرجلك ..وهذا خله يولي لآ تلوث يدك فيه
بآسل بعد عنه بقهر: مايشرفني تتلوث يدي بوآحد زيه "مشى لباب العماره وسمع صوت الباب انفتح ودخلت وسحبت الأكياس وهو يطالعهآ متسمر بمكآنه من كلامهآ والكف اللي جآه "
شهد تسلم عليهآ:هلا وغلا هنوده نور البيت
هنادي تنزل غطآيتهآ:هلآ فيك
شهد: كأن في صوت برى
هنادي ابتسمت حتى ماتشككهآ:باسل كآن منزل الأكياس
شهد:ياحياتي تعبتي نفسك ماله دآعي
هنادي تغمز لهآ: ولو اصلا هذي حلآوة خبر بقوله لكم
شهد عقدت حوآجبهآ:ويش الخبر ؟
هنادي تنزل عبايتهآ: مو عند الباب عاد لمآ ندخل جوآ اقولك
شهد تهز كتوفهآ: ياخبر الحين بفلوس بعد شوي ببلاش
هنادي:هههههه يالله طيب خلينا ندخل الاكياس للمطبخ ونروح عند البقيه
بعد مادخلوآ المجلس
رغد: هلا هلا
هنادي جلست :هلافيك
ريم تغمز لسحر :ويش عندها الاخت كاشخه
سحر بهمس: ادري عنها ما كأن عمي توه متوفي
ريم كشرت: لاتنكدين علينا انتي الثانيه "رفعت صوتها" ويش عندك كاشخه هنو
هنادي ترمش بعيونها: طول عمري كشخه بس انتم ماتشوفون
شهد دخلت ومعها صينية القهوه وسمر معهآ حلى: قلتي لهم الخبر وألا لسى ؟
رغد شهقت : أي خبر
هنآدي حمرت خدودهآ: أحم أحم .. ويش تعطوني عشان اقولكم
ريم: بلا تنآحه قولي يالله
هنآدي : بصير أم عمآ قريب
رغد تنحت: ويش قلتي
سحر صرخت: مبروك يالدووووبه
ريم ضمتهآ: الف مبرووك الله يسهل عليك
هنآدي بحياء:اميين
شهد تقرصهآ: يالنذله بتجآكريني
هنآدي عبست: يعني حلال عليك وحرام علي
الكل :هههههههههههههههههآآآآآآي
رغد ماسكه بطنهآ:قويه ياهنادي قووويه
بالرياض
نزل بعد مآ أخذ شور دافي ولقآه مع مراد يسولفون ويضحكون
مرآد: أسمعي دي النكته في محشش قال لـ..
فهد: ما شاء الله سوالف ونكت
مرآد عدل جلسته وبعد عن شوق وقال: كنآ طفشآنين
شوق تطالعه بنظرات بارده: صح النوم مرره بدري
فهد : يازين النوم ..بس خليتيني اطول بنومتي
شوق صدت عنه: كمل مراد النكته
فهد حط رجل على رجل: ايه كمل النكت هابي اضحك
مرآد من الخوف: نسيتهآ لمآ أتزكر اقولهآ
شوق لفت: اقول فهد ابي اسافر المدينه
فهد عدل جلسته زي المقروص: لييش ؟
شوق عقدت حوآجبهآ :مشتاقه لأخوآتي من زمآن عنهم
فهد ارتاح: طيب يصير خير
مرآد:دحين اهلك في المدينه ؟
شوق ابتسمت: ايوه في المدينه
فهد يبي يخرب عليهم سوالفهم : وين أمي ؟
مرآد:راحت مع صفاء
فهد يطالعه بابتسامة خبث : أهآ ... روح نآد ليزا ابيها
شوق انقهرت من تصرفه: نادهآ أنت مو لازم مراد ينآديها
فهد بحده: تكلميني ؟
شوق: اجل مين ؟
مراد وقف :خلاص خلاص بروح اندهلهآ
شوق بحده: مرآد أجلس
فهد رفع حاجبه:اجلس يامرآد ..انتي روحي نآديهآ
شوق بعنآد: نآدهآ بتجي
فهد بحده : شووووق
دخلت ام فهد على صوته:خير ايش فيك؟
فهد يطالعها بنظرآت تهديد:اهلين أمي حياك
ام فهد: اهلين حبيبي ..جايبه لك اليوم الهديه أن شاء الله تعجبك
فهد جلس جنبهآ وعيونه على شوق وتطلق النظرات الناريه: ويش جايبه لي
ام فهد طلعت علبه فيهآ سآعه فخمه وكبكآت ومدتهآ له: أيش رايك ؟
فهد اخذ الساعه وحطهآ على يده: حلووه " باس خدهآ" تسلمين لي
ام فهد: هو عندي أغلى منك انت واخوانك
مراد: رآح سوقي اجل
ام فهد ابتسمت: لا حبيبي ترى مانسيتك .. تعال شوف ايش جبت لك لبكره
شوق وقفت: عن أذنكم تعبت اليوم لازم ارتاح
ام فهد: براحتك حبيبتي
طلعت غرفتهآ ودموعهآ على تسيل بهدوء على خدهآ .. سكرت الباب ورمت نفسهآ على السرير وأزدآدت حدة بكآهآ ... سمعت صوت الباب ينقفل بقوه رفعت راسهآ وشافت الغضب بعيونه وثورآن بركآن مجنون قرب منهآ وهو في قمة غضبه مسكهآ مع كتفهآ بقوه وصرخ فيهآ
فهد بحده: طآلت وشمخت ياشوق ... تتحديني وقدآم مين .. قدآم أخوي الصغير
شوق تتألم :آآآه يدي
فهد: مو عشآن ارحمك واتعآطف معك لأنك مريضه تروحين تتطآولين علي .. لو تفكرين ترفعين صوت علي أذبحك فهمتي
شوق سحبت يدهآ ودفته عنهآ بقوه وبكت: تعآيرني أني مريضه يافهد ؟
فهد جلس على طرف السريروبنفس الحده:اعتبريهآ زي ماتبين لكن افهمي ان في حدود مآتتعدينهآ ..كلامي تنفذينه بدون أي اعتراض
شوق تبكي: أنت مستحيل تتغير مستحيل
فهد قرب منها: انتي تمردي علي وهالتمرد ماهو بصالحك ..عديت لك اشياء كثيره لكن الحين ماعاد بعدي بتمشين على كيفي
شوق تمسح دموعها : انا مو اله تمشيها على كيفك
فهد بحده:انتي زوجتي وتمشين على كيفي انا موب على كيفك
شوق صرخت عليه:لا مو على كيفك
فهد وقف وبتهديد: تبين ولدك وسعادتك ماترآدديني
شوق طالعته بصدمه: ويـــش ؟!.. هذي أخرتهآ يافهد
فهد بقسوه: هذا اللي عندي تبين الله يحيك مآتبين براحتك
مشى وعيونها الدامعه تراقبه ألى ان اختفى عن نظرها .. مصدومه من كلامه لها مستحيل يكون فهد اللي حبته وعاشت معه ايامها الحلوه ووقف معهآ بشدتهآ
أنتهى الدمع
انتهى الألم
بموت قلبا كآن ينبض ويتألم ويعآني قسوة ايامه وزمآنه وأيضا أُنآس كانوا هم السعاده بحد ذاتها له
نهآية البارت السآدس والخمسون
لقآئنآ في البارت القادم بأذن الله
كل الحب لكم متآبعيني
البارت السابع والخمسون
لاتنتظر من فاقد الشيّ يعطي !
عمر [ العزا ] ماشالته صالة أفراح!
في بيت يوسف
كلهم مجتمعين ويضحكون ومندمجين مع بعضهم بالسوالف
هنادي سندت راسهآ لورى: من زمآن عن هذي الجلسه
رغد ابتسمت: أي من بعد ما تزوجتوا صرتوا تحنون لهذي الأيام
شهد تضحك: عن نفسي لا والله ماحنيت لسى
هنادي طالعتها بنص عين: باين الكذب بعيونك
ريم : قولوا حنيتوا للمهاوشات وقلة التفاهم بينكم
رغد:يوووه شحطي مره
هنادي تغمض عيونها: ريم عن المثاليه الزايده انتي كنتِ تعصبين على طول وغصب نتهاوش معك انتي وسحر
سحر شهقت: يالنذله مين اللي كانت تنرفزنا بحركاتها وثقالة دمها
هنادي ابتسمت بخبث: اكيد مو انا وحده فيكم
سمر تقلب عيونها: تقصدوني هاه
ريم ماتت ضحك: شوفوا الثانيه ...سبحان الله اللي على راسه بطحه يحسس عليها
سمر تمد لسانها: تدرون الحين مرتاحه بس لو تفارقنا سحر يصير البيت وآآآآآو
سحر تقرصهآ: تبين الفكه بس عناد فيك بقعد على قلبك
سمر تتخصر: اصلا بتزوج قبلك عـمـ.."سكتت"
شهد بنظرات مستغربه: ويش فيك سكتي كملي
سمر ارتبكت وتغيرت ملامحها:ويش اكمل مافي شي اقوله
رغد ركزت نظراتها لسحر اللي بان عليها الضيق ...فهمت نظرات سحر لسمر وتألمت :سمور كملي احساسي يقول وراك مصيبه
سمر كشرت:اما مصيبه بس قصدي يعني ان شاء الله بتزوج واخلص لما قالت بجلس على قلبك
هنادي بسخريه:عيب والله عيب تقولين اتزوج لو احد يسمعك يقول طاقه على العرس بدري عليك اصلا نبي نحط لك شرط انك تخلصين دراستك انتي الدلوعه واخر العنقود
سمر فتحت عيونها على الأخير: وييييش؟ اكمل دراستي ومن قال؟ يعني على حظي تحطون ذا الشرط لا والله ظلم ظلم
هنادي تأشر عليها:شفتوا قليلة الحياء اللي ماتستحي
الكل:ههههههههههههههههههههههه
سمر ميلت فمها:انتي يالبويه انطمي
هنادي ضيقت عيونها: تكلميني ؟
سمر رفعت حاجبها: الله نسينا اللي كان سبحان مغير الأحوال
هنادي بعدم مبالاه: اي والله سبحانوه
رغد تضحك: تدرين هنادي ماتوقعتك تعقلين عن حركاتك
هنادي كشرت: ويش شايفيني انتم يارربي منكم
ريم : ماعليك منهم والله انك ازين واعدل وحده فينا
هنادي تبوسها: يالبى ام سيف والله
ريم تضحك:ههههههههههههه سيف عاد
هنادي: ماعندك بزر نسميك على رجلك
سحر وقفت بضيق والزعل باين عليها وطلعت من الغرفه .. وقفت شهد: بروح للمطبخ وراجعه
رغد: لاتتاخرين وصحي ميشو بطريقك ماصار كل ذا نوم
شهد ابتسمت:روحي صحيه بنفسك ...مشت للمطبخ بسرعه وشافت سحر تمسح دموعها
شهد:سحر ويش فيك تبكين
سحر ابتسمت وبأنكار:بالعكس ما ابكي شكلك بديتي تتوحمين علي
قربت منها ولمست خدهآ الساخن المحمر: مهما انكرتي باين عليك البكاء..قوليلي ويش اللي يبكيك
سحر نزلت راسها بحزن تحاول تراوغها: تذكرت عمي
شهد حطت كفها على خدها ورفعته:الله يرحمه ويسكنه الجنه تتوقعين اننا نسينآه بالعكس صح نضحك ونسولف ومكملين حياتنا بس هو عايش هنا " اشرت على قلبها" هو الاب اللي ربانا ومن باب البر له اننا ندعي له مو نذكره ونبكي " ابتسمت" صح ؟
سحر ردت لها الأبتسامه: صح
شهد رفعت حاجبها: بس برضوا مو هذا اللي يبكيك مدري ليه تخبين عني وانا شقيقتك
سحرحطت يدها على يد شهد اللي على خدها وهمست ودمعتهآ على خدها بهدوء: تعبانه
ضمت شهد بقوه ولفت يديها على رقبتها وصارت تبكي بحده ... تجمدت من حركتها ماهي مستوعبه حركة سحر السريعه ضمتها لنفسها بقوه ومررت يدها على ظهرها
شهد: اوووش خلاص لا تبكين
سحر: تعبانه ياشهد حاسه اني بنفجر ماعدت أتحمل
شهد كابته دموعهآ : ويش تاعبك حبيبتي قوليلي صدقيني ماراح اقول لأحد
سحر غمضت عيونها الحاره الشبيهه بجمرة حارقه ... أخذت نفس طويل استنشقت معه عطر شهد اللي يحسسها بالامآن بحضنها الدافي
عند البنات بالغرفه الثانيه
تفاجئت لما شافت الوقت مر بسرعه بدون ماتحس : اووف الساعه 12
رغد بصدمه طالعت الساعه: أي والله .. ماحسينا بالوقت
ريم تبوس ميشو: أخذتنا السوالف وماحسينا بالوقت
رغد بحياء: يووه تتوقعون يوسف يستنانا نروح والله عيب علينا
سمر شهقت: بيت اختنا نجي ونروح مثل مانبي
ريم تضحك على دفاشة سمر: بس هذا بيته تخيلي لو عنده عمل بكره من جد عيب
هنادي طلعت جوالها:انا بتصل على باسل عشان يجي تاخرت عليه
رغد: وانا بتصل على جلالي
ريم :رغد تراني بروح معكم زوجي عنده عمل
سمر بفرحه: وناسه يعني في سهره اليوم
ريم تقلب عيونها بغرور: كل هذا عشان بنام عندكم
رغد تضحك: يمكن مو اكيد
هنادي عقدت حواجبها باستغراب: مهاوي وين
ريم : بدررري يوم بتروحين فقدتيها
هنادي تلم شعرها: وانا اقول ياربي في شي ناقص اثاري مهاووي ماهي معنا
سمر تغمز لهنادي: الليله عندهم الأسره السعيده ههههههههه
رغد انفجرت ضحك:هههههههه روقينا ترى شبعانه مافيني اضحك
دخلت سحر معها شهد
شهد: الله يديم الضحك عليكم
رغد: تعالي اسمعي اخر نكته على مهاوي
:::
:::
:::
بهذا الوقت بالرياض
الساعه 12 ونص بعد منتصف الليل
رجع للبيت بعد ماسمعها كلام جرح احساسها وقلبها اللي كان متأمل فيه جدآ ... فتح الباب الخشبي الكبير وتأمل المساحات الواسعه المظلمه ... مايقدر يميز أي شي البروده قشعرت جسمه مشى للدرج وطلع بخطوات هاديه وقف عند باب جناحهم تردد قبل يدخل خايف يلقاها صاحيه ويتفنن بتجريحها .. قوى نفسه ودخل لمح ضوء الابجوره مفتوح حتى يبعد الظلام عن الغرفه نزل شماغه وثوبه وفتح الدولاب بشويش وطلع له بجامه ولبسها قرب من السرير وشاف أجمل ثنآئي يحرك مشاعره الدفينه كانت نايمه وملامحها ساكنه لا يعكر صفو أحلامهآ أي شي ..حاطه يدها على راكان اللي نايم بجنبها وملامحه الطفوليه تشبهها كثير
تنهد وعيونه تتاملهم قرب منها وبعد شعرها القليل عن وجهها وستر اكتافها البارده باللحاف بعد راكان عنها شوي وباسه بخفه وضحك بهمس وهو يشوف تجاعيد الزعل على جبينه من لمسته الخفيفه .... ابتعد عنهم ومشى بخطوات شبه مسموعه طلع من جناحهم ونزل لمكتبه
سكر الباب على نفسه وجلس على الكرسي فتح الدفتر وقرأ كلآمهآ للمره المليوون
{ فهد }
بدل ماتفرح يافهد أنهآ تبادلك نفس الشعور تعاملها كذا ؟.. المفروض تفرح أنها قرأت كلامك اللي ماقدرت تقول لها حتى وانت على وشك انك تفقدها للأبد ... جرحتها بدل ما تقول لها كلمه تسعدها وتفرح قلبها ... آآآخ مني آآآخ ما اعرف اتصرف ليش ماحب احد يعرف ضعفي ...آآآه ياشوق انتي اكبر نقطه ضعف بحياتي احب دموعك احب ضحكتك احب وضوحك وحتى غرابتك ..لآزم اعدل غلطتي قبل يضيع الوقت
نزل راسه بين يديه وهو يفكر بأمه ونفسه وشوق اللي مادرت الى الأن عن وفاة عمهآ وهو متردد لآخر لحظة بأخبارها
خلاص لازم انهي كل شي بكره بعد زواج صفاء ...لآزم
طلع الغرفه ودخل بهدوء لكن تفاجئ لما شافها جالس على الكنبه وتقرأ قرأن
فهد: سلام
شوق بدون نفس : وعليكم السلام
فهد: ويش اللي صحاك
شوق بدون ماترفع راسها: شي مايخصك
انقهر كان بيرد عليها بعصبيه لكن تمالك نفسه عند أخر لحظة "طبيعي تكون هذي ردة فعلها متوقع تستقبلك بالأحضان ": تصبحين على خير
ماردت عليه وكملت قراءة القران .. انسدح وعيونه على راكان اللي نايم جنبه لمس طرف انفه ولف على شوق اللي سمعها تردد: صدق الله العظيم
حطت المصحف على الطاوله ورجعت لفراشهآ انسدحت وحطت يدها على صدر راكان وباسته على خده حست بيده الدافيه لمسها ورفعت عيونها له
فهد: زعلانه ؟
شوق سحبت يدها بسرعه واعطته ظهرها: بالعكس فرحانه كلامك بين لي قدري عندك وعرفني حقيقتك
فهد:كنت معصب وماني داري ويش اقول
شوق بتنهي الموضوع: تصبح على خير
فهد عقد حواجبه من حركتها:أفهم انك ماتبين تكلميني ؟
شوق:افهم اللي تفهمه مايهمني قلبي ماعاد يتحمل أي جرح كافي اللي جاني منك
فهد غض شفايفه بقوه وقال: فضفضي بعد بشوف ويش شايله علي
شوق نزلت دموعها بصمت وبنفس النبره:انت اللي تجبرني اشيل عليك والآ ..."سكتت"
فهد لف عليها : وألآ أيش ؟
شوق : ابي انام ممكن ؟
فهد جلس :لا ماهو ممكن الا بعد ماتقولين الا ايش؟
شوق تقرب اللحاف من وجهها حتى مايشوف دموعها:مابي اتكلم بشي صار ماضي
فهد بعصبيه: يعني بكل مشكله تصير لازم نرجع للبدايه وتذكريني
شوق بتافف:قلت لك مايهمني اللي تفهمه
فهد بحده: قومي كلميني زين
شوق عدلت نفسها وتفرك يديها ببعض:نعم
فهد يرفع حاجبه بحده :طلعي اللي بقلبك
شوق طالعته بنظرات الم لابد تقول الحقيقه وماتنكر فضله من بعد الله في حياتها:أنت ماقصرت معي ساعدتني ووقفت معي بس بخيل بمشاعرك وانا ابي مشاعرك يافهد .. اليوم زعلت عشان شي تافه كان المفروض تنبسط اني شفت كلامك وعرفت بحبك لي لكن انت دايم افعالك عكس اللي بداخلك مادري ليييه ...انا بعد ماقصرت معك شوف كم سنه من تزوجنا وانا اللي تبيه اسويه حتى لو كان بالغصب ..لحد ما صار بيننا طفل والمفروض تكون علاقتنا افضل وأقوى لآننا صرنا أبوين لكن انت هالفتره بعيد عني ما ادري هو تهرب والا ويش بالضبط انا مقدر اكمل حياتي بدونك انت اساس حياتي بس تقهرني بتصرفاتك معي
فهد بهدوء: باقي شي ماقلتيه ؟
نزلت دمعه من عينها: لا خلصت كلامي وانتظر جوابك
فهد عض شفايفه وطاحت عيونه على راكان اللي صحى من النوم وبدأ يبكي:يمكن اللي صار اليوم طلع بدون قصد مني لأن مضغوط من الشغل ومشاكله
شوق شالت راكان وحطته على رجولها ثواني ورجع نام وهي تسمع فهد بأصغاء تام:انت تقدر تفصل بين حياتك وبين شغلك وماتخلي أي واحد يأثر على الثاني
فهد تنهد: أول كنت اقدر بس مع الايام بديت اضعف الظروف اللي مريت فيها غيرت فيني كثير "مد يده لكتفها ولفها عليها"شوق سامحيني اذا اخطيت بحقك مافي احد معصوم من الخطاء صدقيني لو عرفتي بأسبابي راح تعذريني كل اللي ابيه انك ماتزعلين وتكدرين خاطرك عشان لا تتعبين
شوق رفعت عيونها الدامعه:ما يهمك زعلي لو يهمك صحيح ماتزعلني
فهد قرب منها وشدها له بقوه:أنا اعترفت بخطاي المفروض تسامحيني وتصفحين عني
شوق بزعل:مابي انت جرحتني
فهد :واذا قلت لك عشان ولدنا اللي ضحيتي بحياتك عشانه
شوق مسحت على وجهه: الحمدلله انك باقي تذكر هالشي
فهد بحزن:شووووق لا تعذبيني اكثر خلاص عاد
شوق بتهديد:هالمره بسامحك بس يكون بمعلومك انها اخر مره بعدها بصير شي مايرضيك
فهد يرفع حاجبه ويميل فمه: بدينا بالتهديد
شوق كشرت: هذا تنبيه ماهو تهديد
فهد باسها على خدها:طيب اوعدك بس يالله عاد فكي هالتعبيسه وابعدي عنك هذي الدموع
شوق ابتسمت برضا: طيب
طلعوآ من بيت شهد وقبل يوصلون البيت
سمر: خلونا نمر السوبر ماركت جوعانه
سحر شهقت :بعد الاكل اللي اكلتيه جوعانه جد انك مثل الخزان
رغد بدت تحس بالجوع: تصدقون عاد حتى انا جوعانه
ريم: حالتكم صعبه والله اشوف اوزانكم زادت مو من شي من الاكل كل ساعه
سمر رفعت صوتها: بسم الله علينا اذكري الله لا تضرينا
ريم بسخريه: ياربي لك الحمد الحين انتم اصككم عين على ويش ياحظي
رغد تضحك:جلالي بالله عليك ودينا اقرب سوبر ماركت
جلالي يشوف الساعه: بس هدا ساعه وحده نص
رغد: مو مشكله نلاقي السوبر ماركت مفتوح الجوع كافر
ريم تضحك: لو هنادي معنا وناسسه
سحر تهمس لها: ماهي يمنا مع حبيب القلب
ريم ماسكه ضحكتها: من شفتها اليوم كاشخه وانا شاكه بوضعها
رغد بلقافه :ويش تقولون نبي نسمع
ريم: ابد سلامتك ..متى نوصل الماركت بوصيك بشي
رغد: شوفي انا ماراح الف ابد انزلي بنفسك واشتري
جلالي وقف السياره: خلاص وصل جلدي جلدي
رغد تفتح الباب:كل وحده تروح تجيب اللي تبي ونتقابل عند الكاشير
ريم بكسل: والله مافيني خلاص سمر بقولك ويش ابي
رغد نزلت: بسبقها عشان يمدينا
سحر: طيب روحي انتي وهي تلحقك
دخلت السوبر ماركت وأخت سله جمعت فيهآ أنوآع من الشوكلاته والشيبسآت والمشروبات الغازيه ووقفت تنتظر سمر بأحد الممرآت تأخرت عليهآ ولمحتهآ بعيده مشت لها
شافتها من بعيد وأشرت لها:رغد تعالي شوفي هذا اخذه
ألتفت على مصدر الصوت وعيونه عليهآ وهي ماشيه بأتجآههم بسرعه ومو مركزه بطريقه مآ أنتبهت لبقعه المويه وتزحلقت وطآحت وصوت صرختهآ .. كآنت تراقبهآ بعيونها وبيدهآ علبه كوكيز رمته وركضت لها
سمر مسكت يدها:رغد تعورتي
رغد بتألم: آآآآي ظهري
سمر جلست لمستوآهآ ولمست مكآن الطيحه وصرخت بشويش :آآآآآآآي
قرب منهم وبصوت رجولي خشن:أقدر أساعدكم ؟
رفعت عيونها بنظرات متفاجئه وبصدمه: أنـــت ؟!
د وليد اقترانت حواجبه وهمس: رغد .." جلس وبعد السله عنه وسالها" لاتتحركين لايكون في كسر
رغد بحركه سريعه كانت بتبعده لكن يده كانت اقرب وثبتهآ وبحده: لا تتحركين " طالع عيونها اللي تعذبه وتأسره لعالم ثاني تدارك الوضع حتى لاتحس بشروده بنظرتها " وين اللي يوجعك ؟
رغد بأحراج: مايحتآج دكتور انا كويسه
د وليد:قلت وين المكان اللي يوجعك
سمر بتدخل حطت يدها على أسفل ظهرها وبحسن نيه:هنآ
حط يده الدافيه على المكان تقشعر جسمها من لمسته اللي ألمتها سمع همسها المتألم :آآآح بشويش
د وليد: إن شاء الله أخر فقره مآ تأذت ..وقف وساعدهآ توقف حطت يدها على ظهرها وهي حاسه بألم فظيع
رغد :مشكور د وليد
د وليد يطالعها بتفحص: روحي للمستشفى
رغد: ماله داعي
د وليد ابتسم :على راحتك
سمر لمت الاغراض ومشت مع رغد اللي كانت تمشي بعرجه بسيطه والالم يزيد عليها
رغد مدت لها المحفظه: حاسبي وتعالي السياره انا بروح مقدر اوقف
سمر: طيب خليني اوصلك وارجع اشوف الحساب
رغد: مايحتاج اقدر امشي ..لاتتاخرين " طلعت وشافته بيدخل سيارته تعدت من جنبه وركبت سيارتهم "
رغد تكت على الكرسي بألم وبصوت عالي: آآآآآآآآآآآآآه
ريم بخوف: سلامتك من الأه
رغد ضيقة عيونها: طحت طيحه آآه بس بغيت اروح ضحيه لها
ريم وسحر انطلقت ضحكاتهم:ههههههههههههههههه
سحر بقهر: اجل فاتني مشهد كوميدي
رغد بنبره متحسره:ما انتبهت للمويه وتزحلقت حسيت ظهري طلع صوت من قوة الطيحه
ريم:هههههههههه وين عيونك
رغد بتكشيره: قلت لك ما انتبهت
دخلت سمر ومعها الاكياس:هاه رغد ظهرك يوجعك
رغد:شوي
سمر :والله طيحتك قويه
ريم: غريبه ما تسطحتي ضحك
سمر :اقولكم قويه مافي مجال اضحك ..الا مين د وليد ذا ؟
رغد: الدكتور اللي كان معنا في المستشفى
سمر:الله يوفقه على طول جاء ساعدنا
سحر: فيه الخير والله
رغد غيرت الموضوع بضيق:يالله جلالي روح البيت
ريم: ماتبين نمر المستشفى يكشفون عليك
رغد: لا بسيطه لما ارتاح يروح الوجع
سمر تتذكر شكل رغد وتضحك بهستريا شاركتها الضحك ريم
سحر: توها تتسوعب وتضحك
سمر:لو شفتوا شكلها كيف جايه تمشي بسرعه وماحسيت الا بالصوت ربكم ستر ماطاح السقف علينا
رغد بتخصر: شايفتني دوبيه زي بعض الناس ؟
سمر بقوة عين: واحد قالك اني دوبه
ريم: يووه روقونا عاد
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك