رواية ايام عبيد -10
يلست ثواني لين ما استحضرني الموقف : هيـــــــــــــــــه هيه
ظافر : عاد أنا ناش من الرقاد ما أفكر إلا فيها ياخي مشتهيها
عبيد : مبروووووووووووووووووووووووووووووووك
ظافر مكمل وياي ع الخط : الله يبارك فيك ... بس على شو
عبيد : تتوحم
ظافر تم يسبني وأنا أضحك وسعود إلي سمع كل المكالمة لإني حطيت التليفون ع السبيكر
بعد ما هدى ظافر
ظافر : صدق صدق عبيد مشتهيها اليوم بيي بيتكم أبيكم تسون لي إياها
عبيد : بشوف بتصل ع الأهل أبلغهم
ظافر : أوكي يالله باي
عبيد : حفظ الله
وبندت عنه
سعود : حررام عليك لعوزته
عبيد : ههههه دواه الهرم
ظهرت من عند سعود واتصلت ع عبور
عبير : مرحبا
عبيد : مرحبتين
عبير : آمر طويل العمر شو بغيت
عبيد : بيت شعبي الله لا يهينج وياليت العزبة تكون حوله وقريبه
عبير : قدم طلبك عند سكرتيرتي وأنا براجعه بعد كم من سنه
عبيد : صدقج والله .... أقول عبور
عبير : هلا
عبيد : ربيعي بيي ويبي ياكل الكيكة هذيك إلي سويتها لما نزلت أول مرة من المعسكر
عبير : متى .................. هيه هيه تذكرت
عبيد : سويها زين
عبير :مره ما طلبت
عبيد : كفو
عبير : أعجبك
عبييد : أقول زولي المطبخ بسرعة ولا تنسين تسوين الفوالة
عبير : الكيكة قلنا أوكيه محد يضبطها غيري بس عاد فواله إسمح لي حرمتك موجودة
عبيد : أمحق حرمة
عبير بصوت استغربته : عايبتنك هالحاله يعني
عبيد : شوتبيني أسوي يعني تراها بنت عمي من لحمي ودمي
عبير : الله يهديها
عبيد : انا اللحين بيي البيت تبين شي
عبير : إذا ما عليك آماره أبي حبر من المكتبة حبر الطابعة مخلص وأبي أطبع تقاريري
عبيد : ما طلبتي شي ثاني بعد
عبير : لا تسلم
بندت ومريت المكتبة وعقب رديت البيت عطيت عبور الحبر عقب سرت حجرتي لقيت الآنسه يالسة ومشتطة
ومصدقة بعد لابسه عباتها
مها : توك .... جان ما ييت
عقيت الغترة ع الكرسي وفجيت أول أزرار الكندورة و إنسدحت ع الشبرية تعبان
مها : عبيد أكلمك أنا
عبيد : شو عندج
مها : قوم ودني الصالون
عبيد : تعبان ومب متفيج أسوق
مها : هيه موب متفيج لي بس متفيج حق إختك تمر لها المكتبة وتشتري لها حبر
عبيد : افففففففففففففف لا تصدعين بي
مها : عبيد قوم ودني الصالون
يلست ع الشبرية وقلت بحزم : وإلي يقولج إنج موب رايحة الملجة
مها صخت مصدومه عقب قالت : كل هاه عسب طلبت منك تودني الصالون
عبيد : إنتي ما تطلبين .... إنتي تأمرين ..... وأنا هالإسلوب ما حبه موووووووووووووووووول تبين ألبي لج
إختاري أسلوب أفضل عن جيه وروحة للملجة ماشي
مها : شو أقول للبنية
عبيد : قولي إللي تقوليه
مها انترست عيونها دموع وأنا عسب ما أضعف يدام دموعها طلعت من الحجرة وسرت الميلس وإنسدحت ع اليلسة
وشغلت التلفيزيون
بعد فترة إندق باب الميلس عدلت اليلسة وعيني تصوبت ع الباب أترياه يدخل بس إنصدمت لما شفت مها
عقدت حياتي
مها وبتردد واضح : عبيد
ما رديت عليها بس رفعت وحدة من حياتي
مها : أنا بكشخ هني بس إنت وديني الملجة دخيلك
عبيد : كلمتي ما بثنيها وأنا قلت ماشي روحة يعني ما شي روحه
عصبت ولفت وطلعت وبعد ثواني دخل ظافر
--\\--
محال محال محال
عمر المحال ما يصير
محال محال محال
أعيش أنا حب خالي من التقدير
فكرت أنا فكرت .. قررت أنا قررت
أنسى أنا حبك هذا بعد تفكير
بعد إسبوع تقرياً
وانا راد عيمان كنت ميييييييت من اليوع
فاتصلت ع مها
عبيد : ألو
مها : هلا
عبيد : أقولج أنا يووووووووعان ميت من اليوع زهبي الغدى لين أيي
مها : ميت من اليوع إشتر لك سندويشة أنا ببيتنا اللحين ومو متفيجة أرد البيت
أمحق زوجة
عبيد : حشى جني إلا أشحت منج
مها : تبي شي ببند
عبيد : برايج ما أبي شي
بندت وإتصلت ع عبور مالي غيرها الجوع كافر
عبيد : مرحبا بخيتي
عبير : هلا عبيد
عبيد : شو مشغولة
عبير : يعني أذاكر باجر عندي فيزيا
عبيد : بديتو إمتحانات
عبير : هيه من يومين تقريباُ ...
عبيد : شو سويتي
عبير : هه تقدر تقول زين
عبيد : لا إنتي قدها وقدود
عبير : إن شاء الله خير ... شو بغيت إنته
عبيد : يوعان
عبير : كيك مو مسويه
عبيد : ههههههههههههههه لا ما أبي كيك أبيج تزهبين لي لقمة آكلها لين ما أوصل
عبير : وين الآنسه مها
عبيد : عبير إذا ما بتسوين لي موب لازم
عبير : أفا عليك يا إخوي
عبيد : كفو
بندت عنها
تتمة البارت الخامس عشر
وصلت البيت سلمت ع إمي وابوي وعبور وعمور وإكلت عقب يلست أسولف مع إمي
ام علي : يا إمي إنته متزاعل مع حرمتك
طالعت إمي : لا مو متزاعل ... ليش تسألين
أم علي : أشوف حرمتك من رحت راحت بيت أهلها ولا يت حتى تسلم علينا لا انا ولا أبوك
حسيت بوقتها كل عرج في جسمي يضرب من العصبية : أنا برويها
أم علي : لا يا إمي لا موب جيه تتفاهمون
عبيد : وهي ما لقت وقت تروح بيت أهلها إلا اللحين يوم سوما خذت إجازة وراحت
أم علي : يمكن حامل وما بغت تتعب
عبيد : أي حامل واي خرابيط .... حتى لو كانت حامل بعشرة ما تخليكم بهالظروف إنتي حرمة كبيرة وين ترومين ع
شغل البيت
أم عبيد : عبير تعاوني
عبيد : عبير ثانوية عامة المفروض نهيء لها الجو المناسب مو نكرفها
أم عبيد : هدي يا ولدي وما صار شي
سكت وبداخلي مقهور كيف تترك أمي في الوقت إلي هي محتاجه لها
سرت حجرتي واتصلت عليها
ثواني وردت
مها : نعم
عبيد : تعالي البيت أبيج
مها : ما أبي أنا يالسة مع حريم إخواني وأمي اللحين
عبيد : قلت لج تعالي البيت اللحين
بندت الخط وترييت أكثر من نص ساعه ولا يت قهرت بي
اتصلت عليها مرة ثانية
عبيد : ما بتيين
مها : لا ما بيي
عبيد : عيل تمي هناك ولا تردين
سكرت وانا صدق مغيض من تصرفاااااتها
طلعت من الحجرة و سمعت صوت مكيف عمور
دخلت عنده لقيته راقد عايش حياته الأخ
رحت بندت المكيف عنه ويلست ألعوزه لين ما قام
عمور : حشرة تراك يا أخي
عبيد : قوم بسك رقاد خست من كثر الرقاد
عمور : شو يعورك إنته برايني برقد لين أعفن
عبيد : قووووم لا أنادي لك إمي اللحين تتفاهم معاك باجر عند إمتحان
عمور : أففففففففففففففففففففففففففف لا تذكرني بالإمتحانات روحي أحلم فيها
عبيد : ياخي إقرا لك كلمة تنفعك باجر في الإمتحان
عمور لا رد لإنه كمل رقاده طلعت من حجرته وأنا مار على حجرة عبير سمعت شهقاتها
دقيت الباب ودخلت
الحجرة حوووسة والأوراق بكل مكان والإخت تشوف الكتاب وتصيح
مشيت عندها ويلست يدامها
عبيد : عبور بلاج تصيحين
عبير عقت عمرها في حظني وتمت تصييييييح
خفت أكثر : عبير إنطقي شفيج
عبير : هئ هئ هئ هئ ( وقالت بصوت راجف ) خايفة
عبيد : خايفة من شو .... حد سوا بج شي
عبير هزت راسها بلا : هئ هئ خايفة من إمتحان باجر
عبيد : وليشه الخوف كله
عبير : ولا معلومه تدخل مخي أقرى وأحفظ وما شي فاييدة
طالعتها بعتب : نمتي
عبير هزت راسها بلا
عبيد : نامي عيل
عبير : والإمتحان
عبيد : نامي وأنا بوعيج عقب وبذاكر معاج
عبير هزت راسها بزين وحطت راسها ونامت غمضتني والله
وسبحان الله شتان بينها وبين الهرم عمور هذاك نايم ولا هامه وهذي موب قادرة تنام تفكر وتذاكر وتحاتي
طلعت وقلت حق أمي لا تسوي عشى أنا بييب من المطعم يوم برد البيت رحت مريت على القهوة عند الشباب
ويلست أسولف أرفه عن نفسي شوي
عقب مريت ع مطعم لبناني وطلبت مشاوي وورحت البيت
كانت الساعة 9 ونص حطيت العشا بالصالة ورحت أوعي عبير عسب تتعشى عقب أيلس أذاكر وياها
يلست حذاها ع الشبريه وهزيتها شوي شوي وأنا أقولها : عبير عبور نشي
نشت حليلها : كم السااعة
عبيد : 9 ونص
عبير : أويه ما ذاكرت
عبيد : ما عليه في وقت تعالي تعشي أول
عبير : لا لا بصلي عقب بذاكر
عبيد : لا روحي صلي عقب تعشي يايب لكم مشاوي
عبير : احلف
عبيد : استحي ع ويهج ريال شكبري تقولين لي أحلف
عبير نشت وراحت الحمام تتوضى وانا رحت اوعي البعير الثاني
وبعد معاناة نش وصلى
رحت أزقر إميه وأبويه ع العشى ويلسنا كلنا نتعشى ونسولف
عمر : زين والله عبود طلع منك شي ...فيك خير والله
عبيد : اقول إكل وإنت صاخ
عمر : ما قلت لنا عبود شو آخر أخبار الدوام وياك
عبيد : ما يخصك إكل بس
بو علي : عساك مرتاح بس في شغلك
عبيد : كرفونا كراف .... وفي واحد ملعوز بنا تلعويز كل إسبوع يشرف عندنا
عمر : هههه خليفة
عبيد : تعرفه
عمر : ههههه لا إنت قلت لنا المرة إلي طافت شو سوا بك
عبير : هيه شو فيك نسيت
عبيد : أها
عمر : شو سوى هالمرة
أم علي : شو سوى
عبيد : مطفر بسوداني
عمر : هههههههههههه شو مسوي به
عبيد : لاعب ع السوداني أونه بنيه ويكلمه ع التليفون ويتدلع عليه ويطرش له مسجات
عبير : السوداني صدق
عبيد : السوداني شكى عوقه لربيعه وربيعه خذ رقم خليفة بالدس ويوم اتصل جان يرد خليفة عادي بصوت ريال قام
الريال وخبر ربيعه وربيعه أشتط واحتشر و يانا أونه يبي يرفع عليه قضيه وخرابيط
ويوم يبناه طلع خليفه و الأخ دخل وهو واثق إنه مو مسوي شي ويوم شافني يى صوبي يبي يتخاشم وياي أونه :
هلا بو حمود شحالك الشيخ
الكل يطالعني وأنا روحي منصدم منه من متى المعرفة : طيب طاب حالك من صوبك
خليفة : تمام ربي يعافيك ...... زاقريني أشوفكم ... آمرو شو تبون ... أوقع ع معاملات أوراق إلي تبونه الشيوخ
مسكت ضحكتي هالريال تحفه : لا زاقرينك لإن في ريال مشتكي عليك
وتمينا نحن ع السوداني لين رضى يتنازل وخليفة ما خلاه فحاله تم يربع وراه أونه عطني راسك ببوسك
عمر : يا حيه
كملنا العشى وعقب عبور يابت قشها ومعداتها للمذاكره من قلامه ودفاتر وآله وإلخ ويلسنا في الصالة و عمور بعد
ياب كتابه بيذاكر بالصالة ويانا أونه
ويلست أشرح حق عبور صحيح إني موب شاطر وايد بس اغلب الدروس كنت دارسها في الكلية لإني هندسة
إلكترونيات
وأتذكر كم من كلمة
كنا نذاكر شويه ونسولف شويه
يت الساعة ع ال1 ونص ورن تليفوني
عمر : حشى منو بيتصل بك الساعة وحدة خفاش شو
عبيد :لا دراكولا
عمر : هاها ها سخيفة
عبيد : موب أسخف عنك
رديت وكان ظافر
عبيد : نعم إخوي
ظافر :ماشي طويل العمر بغيت أقولك تصبح ع خير
عبيد : إحلف إنت بس
ظافر : صدق والله
عبيد : تعرف لو كنت يدامي بس
ظافر : أدري كنت بتفلعني بأي شي يدامك
عبيد : ههههه وينك
ظافر : اللحين
عبيد : لا قبل ساعه ... احين عيل متى
ظافر : الله يسلمك أنا حالياً في بوظبي
عبيد : شعندك
ظافر : مسكت شفت الويك إند
عبيد : شو كاظنك تاخذ شفت ريح نفسك
ظافر : آخذ شفت يومين وأريح إسبوع
عبيد : براحتك
ظافر : تصبح ع خير
عبيد : وإنت من أهله
بندت عنه وكملنا مذاكره وسوالف
عمر : عبود أنا يعت
عبير : هيه حتى أنا
عبيد : بسم الله توكم ماكللين مشاوي
عبير : عاد يعنا شونسوي
عبيد : خلاص إنتو ذاكرو وأنا بييب لكم أكل
عمر : أنا أبي 2 شاورما واحد بيبسي
عبير : أنا يسدني زنجر عربي وكولا
عبيد : منو قالك لكم إني بطلب لكم
عمر : عيل من وين بتييب الأكل
عبيد : بطبخ لكم
يلسو ثواني يستوعبون عقب إنفجرو من الضحك
عبيد : غربل الله إبليسكم وطو حسكم إمي وأبوي نايمين
عمر : هههههههههههههههه شو بتبطخ لنا يا الشيف أسامه
عبير تنكت أونها : اسامه ولا رمزي هههههههههه
عمر معاها ع الخط : لا منال العالم
عبير : ههههههههههههههههههههههههههه حلوة منك
عمر : حلوة منك حلوة منك حلوة منك (( يغني ))
عبيد : كملو سخافتكم وأنا بروح المطبخ بطبخ وبيكم
رحت المطبخ وكانت الساعة 2 إلا ربع ويوم خلصت كانت الساعة تقريباً 2 وربع
دخلت الصالة لقيتهم يذاكرون
عبيد : تعالو إكلو
رفعو عيوونهم مصدومين من إلي أنا يايبة
عبير : أويه عمور تعرف تطبخ
عبيد : الله وكيلج ما أعرف إلا هالطبخة معكرونه ملوعة جبد ظافر فيها كل يوم أطبخ له هالطبخة
عمر وهو يطعم : يعني ينفع للإستخدام الآدمي
عبيد : على حسب خبراتي وتجاربي لهذه الطبخة ... أقدر أقولك نعم
عبير وهي تاكل : يا حافظ عليك والله لذيذة المكرونه
إكلو عقب راجعو شوي وراحو يرقدون وأنا رحت الحجرة برقد تعبان من الخاطر
لمحتها راقده ع الفراش إستغربت متى يت طنشت وحطيت راسي حذاها ونمت
--\\--
تـحـملـتك بمــا فـيــه الـكفـــايــه
ولاظــنــى أبتحـمــلك ثــانــــى
أنــا اتـعـبـنى تقـصيرك مـعـــأيـــا
حـســافـه ما توقـعـتـك أنـانـــى
انــا واضــح معــاك مـن البــدايــه
أحـسـب ان الـزمـن ع الكـيف جـانـى
--\\--
إنتهى البارت الخامس عشر
منتدى غرام اقلام لا تتوقف عن الابداع
البارت السادس عشر
(( ... ))
نشيت ع صوت تليفوني قمت ورديت بصوت كله رقاد
عبيد : ألو
عمر : وينك
عبيد : شتبي
عمور : مرني المدرسة ما عندي خردة حق التاكسي
عبيد : المدرسة مو بعيدة تعال مشي
عمور : أي مشي ع هالشمس أقولك تعال شلني
عبيد : أفففففففففففف مب متفيج لك لا
عمور : ياخي جاملني حليلي واقف في الحر واليوم آخر يوم لي في المدرسة
شفت الساعة 11إلا ربع وغمضني
عبيد : ياينك
بندت عنه وقمت صديت صوب مها ما لقيتها عقب تذكرت إن عندها كلية
رحت الحمام وتغسلت عقب
فجيت الكبت طلعت لي كندورة ولبست كاب
رحت مريت عمور عقب قلت بمر عبور بالمرة
في السيارة يلست أضارب مع عمور منو ينزل يزقرها
عمور : أنا ما عندي إثبات إنزل إنته ويا ليسنك
تنهدت ونزلت بإستسلام مو متفيج ع حشرة البنات خصوصاً الزحمة عند الباب
تجاوزت الزحمة ودخلت عند المشرفة وخليتها تزقر عبور بالمكريفون وتريتها برع
دقايق وإلا أشوف منول
يت صوبي
منال : مرحبا إبن عمي
عبيد : هلا بنت عمي
منال : شعندك
عبيد : ما شي بظهر عبور بما إنه آخر يوم .... هاه شو سويتي في الإمتحان
منال : نص نص
عبيد : بالتوفيج سيري إزقري عبور بنتأخر
منال : ليش مستعيل
عبيد : بنروح مشوار
منال: وين
عبيد: بنتمشى شوي
شوي وظهرت عبير هي وعباتها المفتوحة ولا سكرت ولا فصمة من يدام تمشي والعباة تطير وراها تقولون بات مان
عبيد : يالله طوفي
عبير طافت يدامي وركبت السيارة وركبت عقبها
عبيد : شو سويتي بالإمتحان
عمور : ما ينخاف عليها هالزلمة
عبيد : قول لا إله إلا الله
عبير : قل أعوذ برب الفلق
عبيد : شو كان الإمتحان
عبير : الحمدالله عرفت أحل نصه يعني ع الأقل بييب درجة النجاح
عبيد : خير إن شاء الله
عمور : ليش ما سئلتني أنا شو سويت في الإمتحان
عبيد : أعرف سواد ويهك شحقة أسئل
عبير : أنا بجاملك وبسألك بس لعلمك أنا مش مهتمه وايد في معرفة التفاصيل
عمور : أسميني بدعت في الإمتحان والمراقب خلانا نغش ع كيفنا
عبيد : ومستانس حضرتك
عمور : هيه .....لا غير جيه صلوح يابلي ورقة الإمتحان بكبرها قبل الإمتحان
عبيد : وفرحان ويا ويهك
عمور : عيل.... كيف ما أفرح والنجاح حاطنه بمخباي
عبيد : انت قلت نفس هالكلام العام و شفنا سواد ويهك ..... بعدين انت المفروض ما تعتمد ع الغش لإنك إعتمدت ع
شي حرام تخيل يوم تشتغل بهالشهاده يعني حتى رزقك بيكون حرام
عمور : عدااال يالسديس أونك ما غشيت
عبيد : لا ما غشيت بحياتي
عبير تغير الموضوع : وين بتودينا عبود هذا مو طريج البيت
عبيد : بما إنه آخر يوم لكم بعزمكم ع مطعم عقب بنتحوط ارفه عنكم شويه
عمور : يا أخي أنا وايد أحبك
عبور : ما تحبه كثري
عبيد : أونكم يالمصلحجين
عبير : هههههههههه شو نسوي بعد .. عبود لا يكون قلت حق منال
ما فهمت عليها : شو ما فهمت
عبير : قلت لها إنك بتمشينا
عبيد : هيه ليش
عبير : اففففففففف اللحين بتقول حق مها هالبنت مشخلة من أقولها شي سيدة قالت حق إختها
إستغربت : وإنتي شو تقولين لها
عبير : الله وكيلك أتفه الأشياء تقولها حق إختها عنبو ما أقول كلمة إلا سيدة قالتها حق إختها
عمور : عبور ما يخصج
عبير : شو ما يخصني تعرف أيام أول يوم كان علي ساكن ويانا من أقولها علي يابلي جيه وإلا شرالي جيه وعلي
شرى حق أمي جيه سيدة خبرت إختها
عمور : ليش وحرمته ما تدري يعني
عبير : ساعات تعرف وساعات لا وتيلس هاذيج تتفاتن مع علي إنت تشتري حق إمك وإختك وأنا مايبتلي وإنت تسوي حق إمك وإختك وما تسوي لي جيه لين كرهت علي فينا
عمور : هاي ليش جيه
عبيد : وإنتي متى اكتشفتي هالشي
عبير : كنت عند منال من فترة ورمستها إنك بتييب لي حبر وتبي أسوي لك كيك وإني بروح البيت أقولك نزلت
وعقب تذكرت إني نسيت كتابي يوم رديت جان أسمعها ترمس مها وتقولها عبيد سار يشتري حق عبير حبر
فجيت عيوني بصدمة : خيبة ما امداج تروحين
عبير : قهرت بي تفاتنت معاها هاك اليوم عقب ما رمستها وعرفت إنها هي السبب في إن علي يودرنا
عمر : عبور ترى حتى إنتي غلطانة للبيوت اسرار
عبير : ادري ..... المشكلة انها بنت عمي مستوعب هالشي
عبيد : خلاص انسو السالفة
عبير : لا لا ما بنسى .... أخافك يا عبيد تغدي شرات علي وتودرنا
عبيد : لا ما عاشت إلي تفرقني عنكم و
عمور قاطعني : مو بعيدة تستوي شرات إخوك
عبيد : افا جيه تفكرون فيه
عمور شاف الجامة وقال : ياخي ساعات يقولون إن الأخ العود عزوة وسند وأنا عمري ما حسيت هالشعور عند
إخوك ....... تخيل مرة يوم سقت بدون ليسن ومسكتني الدورية أول انسان فكرت اتصل به كان علي قلت اخوي عزوتي وسندي بيظهرني من هالمصيبة ومو لازم اتصل بابوي اتعبه تخيلو شو قالي
عبير : شو
عمر : قالي أنا مو متفيج لك كلم إبوك وإلا عبيد
وبند الخط في ويهي ما أمداني أقوله حتى شو المشكلة أو أشرح له الموضوع كل إلي قلت له انا في مركز الشرطة واباك تييني وجيه رد علي
عبيد : معقوووولة علي جيه قالك
عمور : كرهته هاك الوقت كرهه مو طبيعي
تذكرت : هيييييه هاك اليوم الي كفلتك
عمور : هيه
عبير : تعرفون متى آخر مرة سلمت عليه ليش أنا........ تعرفون متى آخر مرة سلم ع إمي
عبيد : متى
عبير : يمكن آخر مرة شافها وسلم عليها بعد عرسك بيومين ما أدري ثلاث من هاك اليوم لا امي ولا انا شفناه
عبيد : وابوي
عبير : خلي ابوي ع صوب ابوي يشوفه بين فترة وفترة بالعزبة
عبيد : زين إنه فيه خير حق إبوي
عبير : الله يهديه
قلت بغير الموضوع : شو رايكم نسير الفجيرة
عمر : اللحين
عبيد : هيه شو ورانا
عبير : وناسة بس أنا بمريول المدرسة
عمر : يوم بتودينا الفجيرة خلنا نتم يومين
عبير : خلاص بوديكم البيت بعد الغدى تزهبوا جناطكم وبوديكم يومين
عبور : يا سلامي عليك يا أخي
عبيد : يالمصلحة
رحنا المطعم ويلسنا نسولف وناكل وحسيت بوناسه
رديتهم البيت وكلمت إمي وابوي ع اساس اطلعهم وحسيتها موب حلوة إني اروح وحرمتي مو وياي موب حلوة
بحقها ولا بحقي انا بعد
اتصلت عليها وردت عليه بنفس خايسة : نعم
خذت نفس ورديت عليها : متى بتردين
مها : نفس كل يوم
عبيد : تبين تروحين معانا الفجيرة
مها : انت ومنو
عبيد : انا وعبور وعمور
مها : لا ما ابى اسير مع إخوانك
جنهم هم اللي ميتين عليج
عبيد : برايج نحن بنتم الويك إند هناك
مها : كم يوم
عبيد : بنرد السبت العصر او المغرب
مها : اها
عبيد : ما تبين تيين .؟؟
مها : ما اريد اروح مع اخوانك اذا بروحنا يمكن ..... ابي اخذ راحتي
انقهرت منها وقلت لها : ترى انا مو ميت عشان تروحين معانا والرحلة هذي حق اخواني هب لج
مها : وانت اصلاُ متى سويت شي حقي كل شي تقولي لا لا لا ... حق إخوانك تسوي كل شي توديهم كل مكان
وتشتري لهم كل شي ...... برايك سوي لهم كل شي بس انا بعد لي حق صح وإلا لا
عبيد : اندوكم منوي رمس عن الحقوق ....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك