رواية ياحلمي اللي طول عمري اتبعك -10
جاء واحد من بعيد حنطي وشعره أسود ألين كتوفه خشمه طويل وحواجبه كثيفه ورموشه بعد يعني بأختصار خقق لابس تي شيرت أبيض مشخبط بأحمر وجينز باهت خصر واطي نادى:أبوسمــــــــــــره!!
ألتفت سمير:هلاااااا بدوررر
وسلمو على بعض بحراره
سمير:هذا بدر سعود الـ... زميلي بالأمارات..هذا خالي عبدالكريم
عبدالكريم:هلا والله بولد رجل الأعمال هلا والله بولد أخوي
بدر:هلا بك زود عمي أجل تعرف الوالد أنت؟
عبدالكريم:من أيام الثانوي
بدر:ههههه أنت كريم اللي دايم يسولف عنك هلا بهامور السوق
عبدالكريم:هلابك سلم على أبوك كثيــــــــــــر وقله يزورني تراني أكبر منه ههههه
بدر:ههههه زين بقول له
سمير:وش عندك هنا مسافر ولاتوك جاي؟
بدر:توي جاي بدور لنا بيت بنرجع نسكن بالشرقيه وجيت أستلم شحنه السيارات الجديده لمعرضنا
سمير:كــــــــــــووول
جاء زياد من بعيد:خالي يلا نادو على رحلة جده
سمير:هذا زياد أخوي زياد هذا بدر
بدر:هلا زياد كيفك
زياد:الحمدلله وانت شلونك
بدر:زين يلا توصلون بالسلامه
سمير:الله يسلمك..حلا يالفاغره ألحقيهم
حلا أنواع التناحه:ها؟زيين
سمير:ههههه يلا سي يااا ومدامك ساكن هنا زورنا
بدر:أن شاءالله مع السلامه
سمير:مع السلامه
*********************************************
سارة:بابا متى رحلتنا لجدة؟
أبراهيم:بعد الظهر حبيبتي
سما:زمــــــــــــان مارحنا جده أحس أشتقت لها
سيرين:يووووة آخر مره رحنا كان عمري 8سنوات
رزان:يعني كنت أنا وسوزان مبزره 4سنوات
سوزان:هههه أنا بعتبرها أول مره هذيك المره مومحسوبه
سميه:ليه ماخذيتوني؟؟؟
رزان:كنت بزر عمرك سنتين موداريه عن شي
ناديه:بس جده لها عندي معزه خاصه أحبها مــــــــــــره
ساره:أشمعنى؟؟
ناديه:من هناك أثثنا أول بيت لنا
أبراهيم:وهناك قضينا شهر العسل
سيرين:وعععع شهر عسلكم بجده الناس تروح باريس ماليزيا لندن نيس بلجيكا أماااااا جده ماصدق
سما:ياهبلا جده بزمانهم زي باريس الحين
سيرين:آهااا فهمت
سميه:أبي أروح جنغل لاند
رزان وسوزان:واحنــــــــــــا بعد
أبراهيم:بوديكم المكان اللي تبون بس عالساعه11تكونون جاهزين زين
الكل:زيــــــــــــن
******************************************
من رجعو وهي بس تفكر فيه
"عيونه رهيبه تذبح
ريحة عطره تدوخ
ياربييه يهبل فديت أبتسامته
يارب يحبنــــــــــــي ويتزوجني يــــــــــــارب"
ندى:أنتي لي ساعه أناديك ماتسمعين؟
نهى بطفش:خييير
ندى:خير بوجهك تعالي نذوق المشاوي اللي أشترت لنا غدير
نهى:جايــــــــــــه
ولحقتها للصاله
نهى:اللــــــــــــه ريحته روعه
ندى:شكله يجنن
نهى:يمه تبين أنزلك تاكلين
ماردت عليهم وأعطتهم نظرات أستحقار خلتهم يسكتون وياكلون بهدوء
أبوماجد:حي الله من جانا زارتنا البركه تومانورت جده والله
عبدالكريم:هههه عطني فرصه أرد عليك طيب
أبوماجد:خلني أرحب بأمي الغاليه
سمير:لقط خخخخخ
أم عبدالله:ههههه منور بوجودك يايمه
أبوماجد:حي الله بنت أخوي اللي ماقد شفناها
حلا بخجل متمسكه بأبوها:
الله يحييك عمي
وباست راسه
أبوماجد:تفضلو تفضلو
ودخلو الديوانيه اللي مزينه بتداخلات البني وتدرجاته والبيج والذهبي
جلس سمير جنب حلا عشان يعرفها بعيال عمهم
سمير:هذا سعود ترا مره فله ونيس
سعود:السلام عليكم حي الله من جانا
الكل:عليكم السلام والرحمه الله يحييك
سلم على الكل وجاء عند سمير:اوه ماشاءالله هذي مدامتك الأماراتيه
سمير:ههههه أيه
سعود:أماااا تخب عليك
تكلم زياد بقهر:هذي بنت عمك عبدالكريم لايلعب بمخك هالهيس
سعود:ههههه تشرفنا بنت العم
حلاوهي محترقه من الفشله:الشرف لي
سعود يستهبل:وش أسمك؟
حلا تحس أنها طاحت بدلخ:
ح حلا
سعود:وأنا القهوه خخخخخ
سمير:ههههه
زياد وصلت معه:سااامجه
دخلت رجاء وسلمت
سمير:هذي العروس رجاء زواجها بعد6 أيام هنا بجده
حلا:عارفتها قد رتبت ملكتها أول وكان السبب إني ألاقي بابا
رجاء:حي الله حلاوي
حلا:الله يحييك حياتي
دخلت هدى بكاسات العصير والكل يناظر كبرت وأحلوت نظراتهم أربكتها شوي وشكت بعمرها
منيره:ماشاءالله كبرتي وأحلويتي ياهدهود
هدى:عيونك الحلوه عمتي
وأنتهى حفل الأستقبال بجية أم ماجد وماجد وأتفقو يسوون عشى أستقبال كبير فالبيت
**********************************
في الطائف..
عبدالله:هاه جهزتو كل شي؟
الكل:أيه
عبدالله:ترا بنمشي بدري بالسياره أزين
سعاد:مو لورحنا بالطياره أحسن
ياسر:مو من بعدها جده تراها قريبه
سعاد:داريه
عبدالله:أهم شي بنمشي بعد صلاة الفجر على أربع سيارات
محمد:كم بنجلس هناك؟؟
عبدالله:ألين زواج عمر أحسن من الروحه والرده وأول أسبوع محد محاسبهم عليه
ياسر:أصلا المدارس الخاصه مايحاسبون غير على فلوسهم
الكل:هههههههههه
جت هند بالشاي وراها الخدامه بصينيه المعجنات
عبدالله:يعطيك العافيه يبه عز الله جاء بوقته سعاد حطوه بالحديقه لاهنتو
سعاد:أن شاء الله
وطلعو البنات الشاي والمعجنات بالحديقه
هند:الجو يجنن اليوم
سعاد تستنشق الهوا:صادقه أقول هنوده مافي شي بالطريق؟
هند:والله محمد مجنني يبغى بيبي بس ودي أستنى شوي
سعاد:خساره
هند:ليه
سعاد:كان ودي نحمل مع بعض
هند:ليش أنتي...
سعاد:أيه
هند:مبروك
وضمتها وجلسو يضحكون
جاء عبدالله وعياله
ياسر:ليش توكم تشوفون بعض
هند&سعاد:ههههههه
هند وسعاد صديقات من الثانوي علاقتهم متينه وزادت بعد ماتزوجت هند محمد اللي حبها من كثر ماتزورهم ومن كثر سوالف سعاد عنها
******************************************
وصلت عائله أبراهيم جده بالسلامه
الكل جالسين على طاوله ثلاث امتار مزينه بالورود الطبيعيه وأحلى الأكلات الشاميه أتفق ناصر مع مطعم شامي معروف بجده عشان ينسق العشاء لأن الكل أعترضو عالمفاطيح خلوها للزواج
فأكتفو بالمشاوي الشاميه كباب وريش وأوصال وعرايس تبوله ورق عنب بدبس الرمان وفتوش وحمص وبابا غنوج وكبه وفطاير وبيتز وسلطه فواكه
وعصيرات طبيعيه وكل مالذ وطاب>>يم يمي أنفتحت نفسي مدري أنتو زيي ولا لا؟
الجو كان روعه لأن شتاء جده ربيع
واللمه حلوة والسوالف عامره والكل مبسوط
حلا وساره جمب بعض ويسولفون بصوت واطي
حلا:كيف بندر تحسين أنك مرتاحه له؟
ساره وهي تشرب عصير:
مرتاحه له بس أحسه صارم شويه مدري ليه حتى لمن طحت ماضحك
حلا:هههههه نفسي أشوفك تصدقين
ساره تلكزها بكوعها:خايسه كله بسب تنورتك الطويله الي جبرتيني ألبسها
وعند سمير وسعود
سعود:أقولك نشبت لي ألا أوصلها عبالها تكسي
سمير:ههههه وش سويت؟
سعود:قلت لها بشرط تركبين ورا وافقت وأنا أقفل لك الأزارير وأفحط بوجهها
سمير شرق بالعصير:كح كح كح
ح سبي الله على اب ليسك
كح
سعود:هههههه صحتين
سمير:أحم أحم وش رايك فبنت خالي بذمتك مو قطعه
سعود:إلا شق صاروخ بسم الله عليها
زياد عصب:أستحو على وجيهكم ياعديمين المرؤه صدق ماعندكم نخوه
سمير وسعود أنكتمو ونزلو روسهم بأحراج وخوف من غضب زياد
منيره:أمممم بصراحه الأكل لذيذ ذكرني لمن رحنا سوريا هذيك المره
أم ماجد:أي مره؟
منيره:يوم ينحتون ضريساتنا وصارت مثل الأبر ولاقدرنا ناكل
أم ماجد:ههههههه توي ذكرت
أما عند ناصر وعبدالكريم
ناصر:كريم مافكرت تتعالج؟
عبدالكريم نزل الشوكه من يده:
كل ماشفت دكتور قال مافي أمل وبصراحه حلا ماليه حياتي
أحمد ربي وأشكره اللي رزقني فيها وأنا مقتنع بعطا ربي وراضي بقضاءه
ناصر:ونعم بالله
باقي ثلاثه كانت أرواحهم بعيده عن المكان
هدى كانت تفكر بمشكله صديقتها اللي صاحبها يهددها عشان تطلع معاه
هالمشكله ذكرتها بوئام أختها
رجاء تفكر بالحبيب اللي بيوصل بكره وخايفه من الحياة الجديده
ماجد يفكر بكلام أمه اللي تلمح له يخطب
***************************************
البـــــــ12ـــــارت
تطورت علاقه نهى وندى مع غدير وبالمقابل تطورت علاقة نهى وفارس اللي أهداها جوال وصارت تحكي معه طول الليل
وصار فيه تغيير ملحوظ بتصرفاتهم عبايات مخصره ولثمه ونمص وقصات وصبغات ومناكير وميك أب صار عندهم أهتمام كبير بالأنوثه وصار اللبس جنزات وقصير
ندى وهي تحط مناكير:تكفين خلي غدير تعرفني على واحد زي فارس عشان يجيب لي هدايا
نهى تلعب بالجوال:شدي حيلك وخل يرقمونك وبنفتح لك أبواب الرزق
ندى:أنزين متى أوووف؟
نهى:خليني أمكيجك والبسي شي قصير وبس أضحكي بدلع كذا غدير قالت
ندى:بجرب أذا رحنا السوق اليوم
نهى:ياعنز أسمه مووول
ندى:زييييين
هز جوال نهى لأنه صامت
نهى:أوصصص هذا فارس قفلي الباب
ندى :زين
ردت نهى بدلع:آلووو
فارس:يالبى هالصوت شلونج؟
نهى:زينه
فارس:وآنا نحول
نهى:ههههه
فارس:فديييت ضحكتج ياقلبي أنتي
نهى:أشتقت لي؟
فارس:واااااايد
وهذي حالتهم خرابيط ماعندهم أم السالفه
********************************************
في جده..
أتفقو البنات ينزلون السوق يكملون باقي أغراضهم لانه بقي يوم عالزواج
ركبو هدى وحلا وساره مع سعود على سيارته الدودج حمرا
وركبن سعاد وهند مع ياسر
على سيارته الموستنغ أبيض فأسود
وأتجهو للصيرفي ميجا مول
وخذو كمن حاجه وبعدها عزيز مول وجلسو الشباب بالكافيه من التعب
وبعد دقايق جلسو البنات على طاوله ثانيه وراحو حلا وساره يطلبون لهم
وجاء واحد تافه وجلس يعاكس فيهم:أروح شيشه على خط بيشه..عطونا وجه يازهور..050***** أتصل نصل
مادرى غير باللي سحبه من ياقة ثوبه وحذفه على كرسي وقرب منه:لو قربت
منهم مره ثانيه أعتبرها نهاية حياتك فاااهم
قام الشاب يرجف:ف ف فا هم
صب الكوفي على راسه وتركه ينتفض من الخوف
صحيح ياسر هادي وحبوب بس غيور وأذا أحد تعرض لأهله يدفنه بمكانه
ياسر:خلاص روحو أنا باخذ الطلب
ساره:بعدنا ماطلبنا
مسكها من يدها وتكلم من بين أسنانه :أنا بطلب لكم وبتاكلونه وتنطمون زيين
حلا سحبت يد ساره منه:زين
وراحو يجلسون وساره تحلطم وترتجف من الموقف
سعاد:بنات خلصتن أغراضكن
حلا:عن نفسي خلصت
هدى:وآنا بعد
ساره:...
هند:سارونه خلصتي؟
ساره:ها؟ أي شي
الكل:هههههههه
************************************************** ***
في الشرقيه..
سمر:صدق ياسعد!!
سعد:تعرفين أني ماحب المزح
سمر:الله يخليك لي ولايحرمني منك ياأحلى سعد
سعد:ولامنك ألاشخبار حلا؟
سمر:طيبه الحين بجده عندهم حفله بسلامه بنت ولدعمها وزواج بنت عمها موباقي له شي
سعد:ماودك نزورها؟
سمر:إذا شفت وقت مناسب زرناها لأني الحين صرت موظفه
سعد:ترا البنك الي بتشتغلين فيه أبوحلا من أكبر المساهمين فيه
سمر:صدق حركات
سعد:دوامك السبت الجاي
سمر:الحمدلله مابغينا نتوظف
سعد:ههههههههه
******************************************
في جدة..
وصلت عائلة عبدالله جده.
دخلو البنات البيت وكل وحده شايله كمن كيس
قربت حلا وسلمت وباست راس أبوها وأيده وسحبها وجلسها جمبه والبنات راحو باتجاه الدرج
أم عبدالله:أعنبو وراكم ماتسلمون على أباهتكم زي حلا
رجعو سلمو ويطالعون حلا بنظرات تهديد
عبدالكريم:هاه بابا أنبسطتي؟
حلا:كثيييير بابا جده تجنــــــــــــن حلوووه
ناصر:أحلا من الشرقيه؟
حلا:مــــــــــــره ياليت نسكن هنا
عبدالكريم:ولايهمك ماطلبتي بدور لك أحلا بيت فجده
حلا بفرح:صدق بابا..لا لأ تكلف على عمرك نجي هنا كل أجازه
عبدالكريم يداعب أنفها:
أنتي طلباتك أوامر يكفي العمر اللي فات وأنا منحرم منك أنا جمعت فلوسي عشان من؟
ضمته حلا وباست وراسه وأيديه ودمعت:الله لايحرمني منك ياأحلى بابا بالكون
أم عبدالله بمزح:لنا الله
حلا:آفااا أنتي الخير والبركه أنتي الأساس وهذي بوسة راس
عبدالله:أنتي من وين جايبه هاللسان اللي ينقط عسل؟
حلا:هههههه أكيد منكم أنتم أهلي
أم عبدالله:حلا بسم الله عليها كلها سنع وذرابه
ناظر فيها أبوها بفخر حلو هالأحساس حلا دايم رافعه راسه
فاطمة(أم محمد):حلا تعرفين تطبخين؟
حلا بحماس:أي أعرف
ناصر:ماشاء الله صدق ياكريم عوضك الله خير
فاطمه فيها لقافه شوي:
وش تعرفين تسوين؟
حلا:أمممم ورق عنب ووأيدامات سلطات ومحاشي
فاطمه منبهره:زين ماشاءالله وحده من بناتنا تعرف تطبخ تعرفين تسوين الجريش والمرقوق؟
حلا:أيه جدتي الله يرحمها علمتني
فاطمه:الله يرحمها
عبدالله:بسك أم محمد طفشتي البنت بالأسئله
فاطمه: سامحيني يايمه بس زين أنه في بنات هالأيام يدخلن المطبخ
حلا:ههههه لا شدعوه أنتي بمقام أمي أفا عليك بس خذي راحتك
فاطمه:الله يسلمك يعلم الله أنك دخلتي قلبي
حلا:تسلمين ياخاله
فاطمه:موتوي بمقام أمك؟؟
الكل:ههههههه
فاطمه:قولي لي يمه
حلا:حاضر...يمه
حست حلا بغصه طول عمرها محرومه من هالكلمه حتى أن قالتها تهزئت سالت دمعه خاينه من عينها وراحت جري لفوق
الكل يناظرون بعض بأستغراب ألا عبدالكريم عارف وش فيها
************************************************
أبو سلمان:هاه يابنتي وش قلتي ترى الولد ماينعاب؟
رنا:بصلي أستخاره يبه والله يكتب اللي فيه الخير
وراحت تمشي لغرفتها المتواضعه المشتركه مع خواتها شهد وريما وجنا
أم سلمان:ماتحس البنت بعدها صغيره؟
أبوسلمان:يابنت الحلال منا بدايمين لها أنا بعد اللي شفناه بالرياض تمنيت أعيش لودقيقه لين أظمن مستقبل بناتي
أم سلمان:وأنت الصادق ماحسبتني أعيش لليوم
أبوسلمان:البنيه بعمر زواج عسى الله يمد بعمري لين أزوجهن كلهن
أم سلمان:آمين وعساك تشوف عيالهن وعيال عيالهن
أبوسلمان:آمين..أذن بطلع للصلاه على بال ماأوصل وأتوضأ يكون أقام الصلاه
أم سلمان:أجل بحفظ الله
طلع أبوسلمان يمشي للمسجد البعيد لأن سيارته يبغالها مجهود عشان تشتغل
وهو ماشي شاف قطع خبز مرميه عالأرض
أبوسلمان:الله يصلحهم بس مايصونون النعمه وخيرهم موب لاقي
ونزل يجمع قطع الخبز عشان يرفعها عالصخره
وبسسرعه البرق جت سياره مسررعه ودعسته من قدام وطاح تحت السياره غرقان بدمه
سعود:شكلنا دعسنا شي
خالد:وش يعني حاجه من أثنين ياكرتون ياقطوه
وقف سعود السياره
خالد:وراك وقفت؟؟؟
سعود :قلبي موب متطمن أمش نشوف
خالد:يلا نشوف ولوأني عارف مايستاهل
نزلو وتركو صوت الأغاني يصدح بالسياره
شهق سعود شهقه بغت تطلع روحه معها:ر ر ر ج ااا ل دع س س ته
خالد:خل نشرد قبل أحد يشوفنا أمش
وسحبه بأيده ونفضها سعود بقوه:لازم أوديه المستشفى
خالد:أمش بس لحد يشوفنا
سعود:ماني ماشي بساعده
شاله سعود وجاس خالد نبضه:أخاف يموت علينا نبضه ضعيف
سعود:لازم نستعجل عليه
ركبو بالسياره وطيران عالمستشفى
لكن مالحقو عليه سمعو يتشهد ويرفع أصبعه وفارق الحياه أبو سلمان وقررو يحطونه عند باب المستشفى ويشردون
**************************************************
يوم زواج رجاء&عمر
غردت عصافير السعاده من بداية هذا اليوم وتوج عبير الياسمين نسمات الهوا
صحصحو البنات بدري عالساعه 6وجلسو يفطرون ويتناقشون
سعاد:لازم نقسم بعض على ثلاث كوافيرات وحده للعروس وثنتين لنا
ساره:أنا وحلا وهدى نبي ليليان
سعاد:أنا وهند وأريج إذا وصلت بالسلامه مع بعض عند هيلدا
فاطمه:وأنا ومنيره وناديه ومريم نسيتونا
سعاد:ولاتزعلون بنطلب لكم سمر
منيره:أيه نبي نرجع عشر سنين ورا يمكن يجيني عريس
الكل ضحك على خفة دمها ومرحها
أم عبدالله:أول زوجي عيالك
منيره:زياد عجزت منه وسمير أبيه يكمل دراسته بالأمارات
فاطمه:ليكون راسمه على أماراتي
الكل:هههههه
منيره بأسى:ألا خايفه يبي يدرس برا زي أخوانه أياد وسامر وينقطع قلبي على شوفته خله يمي أحسن
أم عبدالله:وأنتي الصادقه متى علمنا فيهم لنا سنين ماشفناهم
وشوي وأنفتح الباب ودخل خالد وجنبه أريج وراهم عيالهم ريما بسام ورائد
أم عبدالله:يــــاهلا ومســــهلا بأهل المغرب
خالد:الله يبقيك يالغاليه وطاح على راسها بوس وسلم على الكل وحضن أمه وخانته دموعه
مريم تبكي:ياربي لك الحمد يوم شفتك سنتين سنتين ماأشوفك يانور عيني
خالد:أنتي عارفه ظروفي يالغاليه..العروس وينها؟
مريم:فوق بدارها
أريج:تعالو ياعيال سلمو على أمكم مريم
اليوم فرحه ولمة حبايب وقلوب مشتاقه للقاء
************************************************** ****
في الشرقيه..
دخلو غدير وندى كبينه وجلسو نهى وفارس بكبينه في مطعم
فارس:وش تشربين يالغلا؟؟
نهى:فراولا
فارس:شفايفج الفراوله والله
نهى:فاااااارس
فارس:عيونه
نهى:بس عاد أستحي
فارس:فديتهم اللي يستحون
عند غدير وندى..
ندى:متى بيجي؟
غدير:صبر صبر
قامت ندى تاكل أظافرها:تهقين يحبني؟
غدير بقرف:لوشافك بهالمنظر أنسي أنه يحبك
ندى:يؤؤ خلاص ماعادني بماكله شي
دخل شاب أسمراني مملوح كاشخ بجينز فاتح وقميص كارهات أسود بأبيض وأحمر وشعره ناعم ألين رقبته
:هااااااي بنات
غدير:هايات كيفك نبيل؟
نبيل:بخير وأنتي كيفك؟
غدير:منيحه
نبيل:دوم يالغاليه
غدير:امت افراحك..أعرفك بصديقتي ندوش
نبيل:هلا ندى شلونك؟
ندى يقالها مستحيه:ززينه وأنت؟
نبيل:زين
غدير:وأنا موبايلي ههههه
نبيل:ههههه حلوة منك
دق جوال غدير بنغمة(بتفكر في أيه)وطلعت برا تكلم وقالت بترجع بعد ربع ساعه بالكثير
**********************************************
وبداخل قاعة الملكة الفخمه أنزفت رجاء على زفه بأسمها هي وعمر وكانت آيه فالجمال مكياج خليجي مبين ملامحها الحاده وفستانها الفخم تصميم زهير مراد المزين بالكريستالات الامعه وذيل الفستان طووووويل ومزين بورود طبيعيه ملونه شايلينه وراها مجد وريما ويارا ولجين ولابسين فساتين بيضاء وفجر ورهف ورنيم قدامها يرشون ورد أحمر وأبيض وأصفر
جلست عالكوشه الحمرا الفخمه
وأنطفت الأنوار وبقى بس ضوء الشموع والأنوار الي حولين الكوشه وشموع مرتبه بدقه للمدخل الي بيدخل منه العريس والكوشه وراها قلب كبير مره مكتوب فيه عمر&رجاء ألف مبروووك عارضينه عالبروجكتر مع قلوب حمرا
ودخل عمر على يمينه أبوه وعلى يساره عمه وراه ياسر وسمير وليد وخالد وماجد وزياد معاهم بسام وأحمد ورائد ومهند وماجد وباسل لابسين دقلات ومعاهم سيوف
سلم عمر على رجاء وسلمو أخوانها عليها وجلسو عالكوشه وبدء التصوير بعدها الشباب طلبو أغنية(يحق لك لرابح صقر)
وجلسو يرقصون عليها وأنواع الهبال والبنات يشجعونهم
بعد ساعه بالعله طلعو وجو البنات يسلمون على رجاء تتقدمهم سعاد بفستانها التراكواز اللي متكلفه فيه وتسريحتها المنفوخه بعدها هند بالتفاحي مع الذهبي المرصع بالكريستال تحت الصدر ومسويه شعرها كيرلي لأنه مره قصير طالعه كيوت بعدها أريج بالفستان المموج بدرجات الوردي ضيق من فوق بدون علاقات واسع من تحت وطويل
بعدها ساره بفستانها الموف الضيق على جسمها ومفتوح من قدام ألين الركبه مع ذيل طويل بعدها حلا بفستانها الخمري ضيق من فوق وطبقات ملونه من تحت بدرجات الزهري طالعه زي الأميره وحاطه عدسات زرقا ومكياج لبناني بعده هدى بفستانها الذهبي الطويل المزين بفيونكات فضيه لامعه
وتسريحه مزينه بسلاسل ذهبيه
وسما بفستانها الأحمر لتحت الركبه وشريطه سودا تحت الصدر وشرايط حرير لنص ظهرها وحاطه مكياج كلاسك وطالعه فاتنه بمعنى الكلمه بعدها سيرين لابسه فستان أزرق غامق لنص الساق وحزام كريستال عالخصر ومكياج خليجي أما سوزان ورزان وسميه لابسين فساتين ورديه فوق الركبه ولابسين معها اجنحه فراشات طالعين كيوتات
أما الحريم ناديه لبست فستان أحمر بدون علاقات طويل مفتوح من قدام وتحته دانتيل أبيض وبروش كريستال كبير على جمب
وفاطمه ومريم لابسين جلابيات نفس بعض لونها أبيض من تصاميم عواطف الحاي ومنيره لابسه جلابيه موف تصميم أنسام الخلف
والكل رقص وانبسط وتم حفل الزواج بحمدالله^_^
********************************************
دخل سلمان وعزوز وباين عليهم التعب والحزن مرسوم بوجيههم
رنا:أبوي وينه ليش ماجبتوه وينــــــــــــه تكلمو
هزت سلمان بقوه:وينه قلت لك وينه تكلم
ماقدرت أم سلمان توقف من الخوف:أبوكم وينه ردو
راح سلمان وجلس عند رجولها:
أبوي يطلبك الحل..أبومات..الغالي راااااااااح يايمه
وأنهار يبكي زي الأطفال
رنا:لأ لاتصدقينهم كذابين أبوي بيرجع ماراح يتركنا
هزها عزوز بقوه:أبوي مات مهوب راجع خلاص مات مات مات مات
أعطته رنا كف وأغمي عليه:أسكــــــــــــت أبوي بيرجع بيرجع غصب عنكم
الأم:عزوز يايمه عزوز رد علي لاتروح أنت الثاني شاله سلمان وحطه بالسرير وحط له بخاخ الربو لأن فمه قلب أزرق
وبدا لونه يرجع بالتدريج
وهذي كانت غيمه حزن مرت على بعض أبطالنا...
************************************************** **
في الشرقيه..
رجعو البنات من المول محملين أكياس كثييييره
ندى:أوووووف
ريم:وعليكم الأووووف
ندى:سسخييفه
ريم:فعلآ أنا سخيفه تدرون ليش لأني سامحه لأشكالكم القذره تعيش وسطنا
حزت الكلمه بقلب خالتها بس مابيدها شي وكلام ريم صح من طاحت محد قام فيها
أم عصام:ريم حشمي خالتك
قامت ريم وباست راس خالتها:
سامحيني ياخاله غصب عني مقدر أشوف الغلط وأسكت
فوزيه:هذي اللي زرعته وجاء وقت حصاده
نهى:أمشي خل نروح ياويييلي عالعذال
ندى:صاااااادددقه
ودخلو غرفه وقفلو الباب عليهم
نهى:ششوفي شنو أشترالي فروسي فددددييييته
ندى:الله فستانك جنان
نهى:وشوفي الأكسسوارت
ندى:ياررب أوعدني
نهى:أي صح شنو صار عليك مع نبيل؟
ندى بحالميه:يهههههبببببل
شوفي فر فيني المجمع وأشترالي كل اللي نفسي فيه يعلني فداه حتى طلب لي وجبه وقلت أطلب لأختي
شهقت نهى:يالهيلقيه من أولها طراره بيعرف أنك موشايفه خير
ندى خافت:صددددددددق يعني أحتمال يتركني؟
نهى:إلا أكيد
ندى بحسره:لاتخوفيني بسوي أي شي بس مايتركني
نهى:ياعيني عالحب من أول نظره
******************************************
البـــــــ13ـــــارت
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك