رواية غفلتي دفعتني حياتي -1
غفلتي دفعتني حياتي
الـ س ـلآم عليكم والرحمهـ
عدت إليكم بثآني روآياتي.. التي تختلف بكثير عن سآبقتها..
فقد تخلو من التشويق.. فلكل من يود قراءتها فليقراءها كاملهـ..
لأنها تحمل دروسا للحياة..
.
.
قد تخسر حياتكـ.. وقد تفارق أحبابكـ.. وقد تفقد إحترام الآخرين لكـ
والأدهى والأمر حينما يصيطر عليكـ من يكرهكـ
والسبب
.
.
.
غفلتكـ..!
أهلآ وسهلآ بكم في ثاني رواياتي
" غفلتي دفعتني حياتي "
دخلت مونيكا بيت أهل زوجها.... ما حطت أي مكياج بوجهها لأن سالم سكت لها لأنها ما تلبس حجاب بس المكياج لا.... سلمت على حماتها سلمى....
فصخت مونيكا عباتها ووقفت قدام المرايا.... حطت لها ميك أب خفيف لأنها ما تحتاجه.... فتحت شعرها البني المموج وطاح على ظهرها.... ناظرت بفستانها الأحمر اسواريه وعليه جاليه فيه شوي ترتر....
كل هذا قدام سلمى المبهورة بجمال زوجة أخوها البريطانية.... التفتوا لما دخل سالم وهو شايل ولده نواف اللي عمره سنه ونص....
سالم: السلام عليكم
الكل: وعليكم السلام
قرب سالم من زوجته وقال: خذي الأمانة
خذت مونيكا ولدها وهي ساكته.... أما نواف كان مبسوط باللعبة اللي شراها له أبوه....
دخلت أم سالم الصالة: أخيرا جيت يا سالم
راح سالم وزوجته وباسوا راسها....
سالم: شلونك يمه
أم سالم: بخير جعلك الخير... شلونك أنت وشلون زوجتك وولدك
ناظر سالم زوجته اللي فاهمه كل شي وقال: هذا هم قدامك بخير
ناظرت أم سالم بمونيكا.... ما ودها تكون زوجة ولدها أجنبية.... بس شافت الفرحة بعيون سالم وهو يناظر زوجته.... تذكرت حالة الحزن اللي جات له بعد ما ترك عبير بدون ما يعرف السبب.... ولو أنه مو مستقر مع الأجنبية كان ما جاب منها عيال....
سلمى أخت سالم اللي بثانوية.... قالت: يحليل نواف صاير نسخة من أمه
ناظر سالم بولده شعره البني وعدساته الزرقا.... تقاسيم وجهه كلها مثل أمه.... ابتسم لنواف.... باسه وقال: يا حلوه ويا حلو أمه
ابتسمت مونيكا وقالت بصوت واطي: أنتم حلوين
سالم: هههههههههههههه... - انقهرت مونيكا دوم يضحك على لغتها العربية....
أم سالم: وش فيك
سالم ما حب يحرج زوجته قال: سلامتك ولا شي
أم سالم: والله أنا ما أعرف عنقريزي... بس قل لزوجتك تدخل الحريم يبون يشوفونها
حط سالم يده على كتف مونيكا وقال: ما عليك يمه... تراها تفهم عربي بس عندها الكلام صعب
ابتسمت أم سالم لزوجة ولدها.... وقالت: تعالي يا بنتي
سالم: عموما أنا طالع مواعد الشباب... - التفت لزوجته وقال: موني إذا تبين شي دقي علي
مونيكا بعد الترجمة: حسنا انتبه لنفسك
نزلت وعد أخت سالم الصغيرة وقالت: نوااااااف تعال عندي حلاوة
نواف أغرته الحلويات اللي عند عمته.... نزل من أمه وراح وجلس عند عمته.... تقدمت مونيكا لأم زوجها ودخلت معها لعند النسوان....
....{ سالم 28 سنة جاي زيارة لأخواته من أمه.. نهلة 22 سنة.. سلمى 16 سنة.. عمر 14 سنة.. وعد 4 سنوات }....
دخلت مونيكا عند النسوان.... اللي كتموا شهقتهم لما شافوها.... سلمت عليهم وحدة وحدة وسالم معلمها تبوس رأس الحرمة الكبيرة احتراما لها.... جلست بمكانها والنسوان يناظرونها....
ناظرت مونيكا النسوان اللي حولها.... كلهم مبهورين فيها إلا نهلة كانت تناظرها باحتقار.... ما عرفت مونيكا السبب بس طنشت....
بعد نص ساعة دخل نواف وراح لأمه.... بدا يصيح عرفت مونيكا أنه جوعان.... شالته ووقفت وطلعت للصالة.... شافت سلمى تسولف بالتلفون.... عمر ووعد يتابعون التلفزيون....
قربت من سلمى.... وقالت سلمى: دقيقه غادة... - ناظرت زوجة أخوها وقالت: ايش فيه موني
مونيكا: تبغى يعطي ميلك نواف
فهمت سلمى: اوكيه... تعالي غرفتي... - رفعت السماعة وقالت: غدوه... بودي موني غرفتي وجايه لا تسكرين
راحت مع زوجة أخوها لغرفتها.... جلست مونيكا ع السرير شافت فستانها ماله ازرار من قدام.... فصخت الجاليه وفتحت جرار فستانها ونزلته لحضنها.... شالت نواف وبدت ترضعه وهي تغني له....
سلمى بعد السوالف مع صديقتها.... راحت لغرفتها حتى تأخذ لها شيبس.... فتحت باب الغرفة وشافت ظهر مونيكا.... كب على رأسها مويه باردة.... رجعت بشويش وطلعت وبدل ما تسكر الباب ظلت تناظر....
ظهر مونيكا كله طالع لكن شعرها مغطيه.... كتفها وزندها واضحين ومونيكا مو حاسه بشي لأنها تغني لولدها اللي بدا ينام....
سلمى في خاطرها" يا الله.. حسرة علي وش ذا الجمال " حست بحد يشد أذنها....
سلمى: آآي
ابتسم سالم: وش عندك تتجسسين يا قليلة الحيا
سلمى: والله مو قصدي... - تلفتت يمين وشمال وقالت: سالم... زوجتك فصخت ملابسها
سالم: هههههه تبي ترضع ولدها... وش رأيك تشق جيبها
سلمى: اوكيه تأخذ راحتها... بس ع الأقل قفلت الباب أفرض جا عمور ودخل... كان انفتن والله
سالم: وأنتي ليه تسكتين له... يللا ضفي وجهك
دخل سالم وفصخ جاكيته وقف جنب زوجته.... ابتسمت مونيكا وهي تشوف سالم يغطي ظهرها بجاكيته.... مو أول مرة يسويها ويسترها....
مونيكا بإبتسامة: متى عدت
جلس سالم: من شوي
سلمى انفجرت ضحك عند الباب.... وهي تناظر الفلم الرومانسي بغرفتها.... التفتوا الأثنين لها.... وقف سالم وراح لها....
مسكها سالم من أذنها وقال: ترا والله بقطعها لك يا سلمووه
كتمت سلمى ضحكتها وقالت: داخل غرفتي ويتحكم فيني
تركها سالم وسكر الباب بوجهها وقفله.... أما سلمى طاحت ع الأرض من كثر الضحك....
جت نهلة: الحمد لله والشكر... وش فيك الله يشفيك
سلمى مبسوطة لأخوها: هههههههه يحبها... سالم يحب زوجته... والله أنها أحلى من صديقتك عبير
احتقرتها نهلة ودخلت غرفتها.... " سالم خاين يا سلمى.. أنتي ما تعرفين وش سوا لعبير "....
لبست مونيكا فستانها بعد ما نومت ولدها.... وقالت بالفصحى المكسرة: سالم... متى يذهبون
ابتسم سالم ما فيه أمل تتعدل لغتها: الحين... يللا قومي
وقفت مونيكا وحست بلوعة.... حطت يدها بفمها وراحت الحمام.... بعد فترة طلعت ووجها أصفر وهي تمسح فمها....
ناظرها سالم وهو مصدوم وقال: أنتي حامل
هزت مونيكا راسها وبعدها نزلت دموعها.... قرب منها سالم وبدا يهديها لأنها ما تبي عيال.... بعد ما هدت نزلوا تحت، جلسوا بالصالة بعد ما طلعوا ضيوف أم سالم....
أم سالم: يمه سالم تقول أم سعود أنك قريب تسافر
سالم: إيه باقي لي سنة عشان آخذ الماجستير
أم سالم: ومتى بتمشي
سالم: الخميس إن شاء الله
سلمى: حظك يا سالم بتسافر لندن مرة وحدة... طبيعه وجو بارد... - ناظرت مونيكا وقالت: ووجيه حسنة
سالم: ههههههههههه يخرب شيطانك يا سلمووه
سلمى: هذا الصدق... آآه يا ليت أدرس بلندن
سالم: تظنين وناسه أنك عايشة في غربه
سلمى: بالعكس مكان جديد وحلو
سالم: هذا أنتي قلتيها مكان جديد... صحيح بتنسطين لأن كل شي حلو هناك... لكن وين أهلك وشلتك وين أخوانك... حتى جيرانك تولهين عليهم بسبب الغربه
أم سالم: إيه وأنت الصادق ما فيه أحسن من جمعة الأهل والجيران
سلمى: ولو أتعرف على ناس جدد
سالم: حتى لو تعرفتي على ناس جدد... بس وجود الأهل والمعارف غيييير
سلمى: ليه غير
سالم: أنا لما سافرت كنت مثلك مبهور بالمكان... لكن مرة جاتني انفلونزا من يداريني لا أمي ولا حتى أم سعود... محد حولي
التفتت مونيكا اللي فاهمه كل شي.... وقالت بعد الترجمة: لقد كنت أنا معك
ناظرها سالم: لا مرضت قبل ما أعرفك... - ناظر سلمى وقال: وجودك بين أهلك وأحبابك تسوى الدنيا وما فيها
بعد نص ساعة طلع سالم مع زوجته وركبوا السيارة....
مونيكا بعد الترجمة: سالم لماذا لم تخبرهم بأني حامل
سالم: خلينا نتأكد قبل وإن شاء الله نقول لهم
راح المستشفى وفعلا مونيكا حامل.... طلعوا وراحوا لبيت أبو سعود....
دخلوا البيت وعلى طول لغرفة سالم.... مونيكا بدلت ملابسها وحطت راسها ع المخدة واستسلمت للنوم.... ولما صحت شافت سالم مو موجود.... خذت التلفون ودقت عليه....
سالم جالس مع إخوانه من أبوه: الوو
مونيكا بعد الترجمة: أين أنت
سالم: في بيت ولد عمي... ليه تبغين شي
مونيكا: أريد بعض النقود
سالم: تلقينها ف الدرج اللي جنبي
مونيكا: حسنا إلى اللقاء
سكرت الخط ولبست الروب.... نزلت تحت وشافت أم سعود تتابع التلفزيون.... وجنبها نواف يلعب بالعابه.... طلعت للشارع وانبسطت لما شافت سيارة سالم برة....
دخلت داخل وراحت لغرفة زوجها ولبست بلوزة مع بنطلون.... جهزت أغراض لنواف في شنطة.... لبست عباتها وخذت مفتاح السيارة ونزلت تحت....
شالت نواف وغيرت له ملابسه.... شالت ولدها والشنطة وطلعت.... أم سعود ما سألتها لأنها عارفه أنا مونيكا ما راح تفهم لها....
ركبت مونيكا السيارة بعد ما حطت ولدها بالكرسي المخصص له.... مشت وراحت لأقرب مجمع... وقفت السيارة والشباب يناظرونها.... خصوصا أنها مو متحجبة.... نزلت العربية وحطت ولدها فيها ودخلت....
بعد ما تسوقت رجعت للسيارة ومشت.... راحت لأقرب حديقة ونزلت نواف معها.... ناظرت الناس اللي حولها وهي مستغربة.... كيف يستحملون العباه في ها الجو الحار.... ما اهتمت وراحت عند الألعاب وبدت تلعب ولدها.... طلعت الكاميرا وصورته وهي مبسوطة....
طلعت من الحديقة وركبت السيارة وع الشارع العام.... وقفها شرطي لأن معروف إنا السواقة ممنوعه للمرأة.... الشرطي مبتدأ ما عرف وش يسوي قالها تلحقه للمرور....
مونيكا عارفة أنه من الأمن.... بس هي متأكدة أنها ما سوت أي مخالفة.... حتى حزام الأمان رابطته.... دخلت المرور والكل يناظرها.... تفاهم الشرطي مع الضابط وطلع....
الضابط بعد الترجمة: اتصلي بزوجك
مونيكا: لماذا
الضابط: أريد أن أتحدث معه
دقت عليه مونيكا وانفجر سالم ضحك لما عرف مكانها.... راح للمرور حتى يعتذر منهم لأن مونيكا ما تدري عن القانون هنا.... كان يبغى يتفاهم مع الضابط لكن صياح نواف ازعجه....
التفت لزوجته اللي جالسه ع الكنب وتهدي ولدها.... وقال: موني
مونيكا: ماذا
سالم: أخذي نواف وأجلسي برة أبغى أتفاهم مع الرجال
وقفت مونيكا وخذت شنطتها وولدها وطلعت.... جلست ع الكرسي وهي مو مهتمه للنظرات لها.... مر جنبها سالم بثوبه الأبيض وشماغه.... وقفت ولحقته وهي تناديه....
الرجال يمشي وما يدري عن هواء دارها.... اسرعت خطواتها ومسكت ذراعه وقالت: سالم انتظروني
سكتت لما شافت الرجال اللي ابتسم لما شافها....
أحمر وجهها وتركت يده وقالت: sorry... forgive me
الرجال بعد الترجمة: لا بأس
التفتت مونيكا بترجع وشافت سالم يناظرها وهو مبتسم.... قربت منه وقال: وش فيك تلحقين الرجال
مونيكا بعد الترجمة: آسفه فأنتما تلبسان نفس الملابس
سالم: حصل خير بس لا تلحقين حد إلا لما تشوفين وجهه... عشان تعرفين إذا أنا أو واحد ثاني... لأن هذا لبس رسمي هنا
هزت مونيكا رأسها بإيوه....
سالم: وين مفتاح السيارة
مونيكا: هناك في الحقيبة
مشى سالم: كيف تتركين الشنطة هناك... أفرضي حد سرقها... وش أسوي بالسيارة بدون مفتاح
مشت مونيكا معه: المسلمون لا يسرقون
سالم: ليه... على رأسهم ريشة... يللا تعالي نروح المخازن أمي تبي أغراض للبيت
ركبوا السيارة ورحوا المخازن الكبرى.... طاحت عين سالم بعين عبير وعرفها من عيونها.... وبنتها ريم معها....
تذكر كيف زعلت وطلبت الطلاق بدون ما يعرف السبب.... حاول يراضيها لكن بدون فايدة.... جاته صدمة نفسية لأنه يحبها سافر لبريطانيا عشان ينسى.... وفعلا الحين التقى فيها ومشاعره عادية لها.... التفت لزوجته وهو يدف العربية لجهة المنظفات....
بعد سنة....
باست مونيكا بناتها أسماء وبسمة اللي عمرهم شهرين.... وهم يناظرونها بإبتسامات عفوية.... التفتت لنواف اللي عمره سنتين وشافته نايم.... حطت عليه الغطا وجلست جنب سالم....
بعد ساعة.... سالم كان جالس وهو يسمع مونيكا وهي تتكلم.... ومو قادر يمسك نفسه من الضحك.... عشان لغتها العربية....
قالت مونيكا بقهر: لماذ أنتم تضحكين عليهما... قلت سأتكلم العربية حتى يتكلمون أفضل
دمعت عيون سالم وهو يضحك: موني... كلامك فعلا يضحك لأنك مرة تقولين كلمة للبنت ومرة للجمع ومرة هههههههههههه
وقفت مونيكا بعصبية .... وقالت بعد الترجمة: حسنا يا سالم... لن أتكلم معك إلا بالإنجليزية
مسك سالم يدها وقال: أجلسي شوي... - لما جلست قال بهدوء: أنا عارف إنا اللغة صعبه عليك بس لازم تحاولين
مونيكا بعد الترجمة: أنا أحاول ولكن أنت دائما تضحك علي
سالم بعد الترجمة: ليس خطأ إن ضحكت عليك... أتعرفين لماذا
مونيكا: لا
سالم: لأنك كنت دائما تضحكين علي عندما أتكلم الإنجليزية... لقد كنت تضحكين علي مع أصدقائك عندما كنا في بريطانيا ألا تذكرين ذلك
قرب نواف من أمه وقال: ماما أنا جائع
سالم: حتى نواف صار يتكلم مثلك... لازم تتعلمين هذي لغة القرآن
مونيكا: حسنا يحاول
ضحك سالم وضربته مونيكا بخفيف على كتفه....
بعد يومين....
وصلت رسالة لسالم.... فتحها وقراها" كيف حالك يا سالم.. أنا عبير أبغى اشوفك بمطعم { .... } يوم السبت الساعه 8 ".... واستغرب" غريبه.. وش تبي فيني "....
يوم السبت تجهز سالم وطلع.... وصل للمطعم وشافته ودخلت معه لقسم العوائل....
سالم: نعم وش بغيتي
عبير: تبي شي
سالم: لا... وش بغيتي
مدت عبير الورقة: طيب خذ هذي الورقة
استغرب سالم: ايش ذا الورقة
عبير: ذي الورقة تثبت انك حصلت على 10 ملايين ريال.... بطريقة غير شرعية عن طريق الشركة اللي كنت تشتغل فيها
تفاجئ سالم: هاا... أنتي وش تخربطين
عبير: أقراها وتعرف
بدا سالم يقرا وفعلا صار كلام عبير صحيح.... ومسجل بالورقة أنه نزل بحسابه 10 ملايين ريال وهو بنفسه موقع....
رفع راسه وعلى وجهه علامة استفهام: كيف... الخط خطي وأنا موقع بنفسي... بس أنا ما أستلمت ولا ريال
عبير: عاد هذا اللي مكتوب وأنت بنفسك أعترفت انك موقع
سالم: عبير لا تظلميني... أنا عمري ما أخذت فلوس حرام
عبير: عموما أنا أبغى منك شي... أما انك تنفذه أو مالك إلا السجن
سالم مصدوم: وش تبغين
عبير: أبيك تطلق الأجنبية اللي أنت متزوجها
سالم: ايش؟؟ منيب مطلقها
عبير: لا... بتطلقها وبترجع لي ولا...
سالم: ولا ايش
عبير: ولا بوصل ذي الورقة لصاحب الشركة... وهو بيتصرف... وبيكون السجن بانتظارك
خذ سالم الورقه وشقها وقال: وريني ايش بتسوين
ضحكت باستهزاء: هههههههه تدري كنت متوقعه ذا الحركة... - وابتسمت بخبث: وأنا منيب بغبيه عشان أجيب النسخة الأصلية
الصدمه خلت سالم ساكت....
عبير بثقة: النسخة الأصلية عندي ف الحفظ والصون
سالم بتهور: مو أنا اللي أكل فلوس حرام... وأعلى ما بخليك أركبيه
رجعت عبير ظهرها وقالت: اوكيه... أشوفك بمركز الشرطة هه ودور لك حد يتبرع لك بعشرة ملايين... ومن الحين أقولك مبروك ع الشهادة الجديدة يا خريج السجون
" يا خريج السجون " ترددت هالكلمة براسه.... كيف راح تكون حياته بعد ما يطلع من السجن.... كيف بتكون حياة عياله بعد سجنه.... مين بيصدق أنه بريء وهو بنفسه موقع....
عبير ما كانت تبي سالم يدخل السجن حتى لو هو ظالم.... كانت تبيه يرجع لها حتى ترد كرامتها.... وقفت: يللا أشوفك بالمركز
انتبه سالم ووقف: وين رايحه
عبير: الظاهر أنك ناوي تدخل السجن وتنزل راس أهلك بسواد وجهك
سالم وعارف تفكير عبير.... قال بإستسلام: لا حول ولا قوة إلا بالله... عطيني فرصه أفكر
عبير: أسبوع مو أكثر... وترد علي هنا وبنفس الوقت... - مدت ورقة: خذ هذي نسخة ثانية
ناظرها سالم مستغرب: لايش
عبير: إذا فكرت تسوي شي... تتذكر السجن اللي ينتظرك
سالم: مع السلامة
طلع سالم مقهور.... أما عبير طلعت من المطعم وهي مبسوطة.... ركبت السيارة مع السواق وهي تضحك.... كانت تبي تنتقم منه خصوصا بعد حركته السخيفة.... لما شافت بنت جيرانهم تضمه وهو يضحك وفي بيت أهلها....
خذت جوالها ودقت على أخوها: مرحبا مساعد
مساعد: هـا وش صار
عبير: عطني البشارة
مساعد: أول شي قولي لي وش صار وبعدين نتفاهم ع البشارة
عبير: هههههههههههههه كل شي ممتااااز... وكلها كم أسبوع وبيجي لك يطلب الرضى عشان يرجعني ههههههههههه
مساعد مو ساعيته الفرحه: هههههههه كفو والله عبووره تربيتي ههههههههههه والله لأكسر خشمه ذا المغرور... وبخليه يبوس رجلي عشان أرضى
عبير بكره: إذا رجع لي راح أكرهه حياته... أجل أنا عبير يفضل علي وحده قروية وطايح معها غراميات... ولله لا أنسيه حليب أمه
مساعد: لا تلومينه تراه أصغر أخوانه... وأكيد دلوع الماما
عبير: دلوع الماما هذاك في بيتهم... عندي بخليه يمشي ع العجين ما يلخبطووش ههههههههههههه
مساعد: ههههههههههه قدها وقدود... عبووره أنا فاضي لك ها الأسبوع كله... وين ما تبين تروحين أنا لك
عبير: يااااي هذا أنا جايه باااي
مساعد: سلام
سالم كان يدور بسيارته وهو مقهور" يا الله جنيته بيدك يا سالم.. وش ذا المصبيه اللي طاحت برأسي.. شلون أوقع على أوراق ما أدري وش مكتوب فيها.. متى صار ذا الشي متى.. آآآف كابوس منيب قادر أصحى منه "....
فجأه تذكر شي حصل معه.... دخلوا عليه اثنين وكانوا مستعجلين.... طلبوا منه يوقع على أوراق المدير طالبهم.... وهو كان مستعجل لأنه استأذن عشان يروح يستقبل أخوه بالمطار....
ضرب الدركسون بيده" آآآف وين راح تفكيري.. هذا خالد أعلى مرتبه مني.. وش له المدير بتوقيعي.. حقير هو وصاحبه العبوها صح ".... ظل سالم يسب ويلعن لين وصل بيته.... دخل من غير ما يسلم....
جته مونيكا بعد الترجمة: متى عدت
دخل سالم وجلس وقال بعد الترجمة: منذ دقائق
جلست جنبه وقالت: لماذا أنت عابس
سالم من بين اسنانه: تكلمي عربي
استغربت مونيكا وقالت بالفصحى: لماذا أنت عابس
سالم بعصبية: ما فيني شي... قومي حطي لي عشا
قامت: حسنا أنت حر
سالم طول الأسبوع يفتعل المشاكل.... خلاص هو قرر ينفذ طلبات عبير عشان زوجته وعياله.... لازم يبعدهم عنه وعشان كذا كان يتهاوش مع مونيكا على أتفه شي....
قالت مونيكا بعصبية بالفصحى: أنا ساعود إلى لندن حتى تهدأ أعصابك... وسأترك الأطفال معك... قم أنت برعايتهم
سالم: ما راح أخليك تروحي لحالك... بروح معك وبرجع
مونيكا: والأطفال
سالم: لا تخافين... بخليهم عند أمي
انتهى الأسبوع واتصل سالم بعبير....
عبير: وينك يا سالم الأسبوع اللي راح... ليه ما جيت
سالم: زوجتي سافرت... وأنا ما أبغي أخليها تسافر لحالها... سافرت معها وجيت
عبير بنذالة: والله كان في نيتي أني أوصل الأوراق لصاحب الشركة
سالم بخوف: لا... عبير الله يخليك لا تسوينها
ابتسمت عبير كل شي ماشي تمام: طيب... الأجنبية مسافرة وعيالك معها
سالم: لا... عند أمي
عبير: أنت عندك ولد وبنتين صح
سالم: إيه صح
عبير: طلقها
سالم برجاء: حرام عليك... هي ما لها ذنب
عبير مقهوره: وأنا بعد ما لي ذنب تخوني مع وحده قروية يا..##
سالم من بين اسنانه: من هذي الـ##.. اللي تقولين عنها... من الـ##.. اللي مطلعه علي ها الكلام
عبير تتكلم وهي ترتجف لأن مر عليها شكل سالم وبنت جيرانهم تضمه وهو يضحك: أنا... أنا شفتك بعيوني... - شهقت وهي تصيح: يا ليتني مت ولا شفتك معها يا الـ##..
عصب سالم لأنه ما يعرف وش السالفة: حسني ألفاظك يا عبير... وبعدين أنا حاولت من سنين أفهم الموضوع ومنتي راضيه تقولين شي... ولا نسيتي كيف كنت أجي عندكم وأطلب أقابلك وأنتي ترفضين... حتى أخوانك طردوني من البيت لما شافوني
عبير مسحت دموعها.... لازم تكون قوية حتى تنتقم منه: ما عليك من ذا الموضوع الحين... بتطلقها يا سالم
سالم مقهور" عنيدة.. طول عمرها عنيدة " تنهد وقال: بطلقها وأمري لله
عبير: إذا طلقتها تعال لأخوي
سالم: بجي لأبوك وأتفاهم معه
عبير: لك أسبوعين مو أكثر... وتعال لأخوي وأعتذر منه وبوس رأسه... وإذا رضى ذيك الساعة كلم أبوي
سالم" لا إلا مساعد أكيد بينتقم مني مثلها.. تستاهل ما يجيك يا سالم": طيب مع السلامة
سكر سالم الخط وهو يتذكر لما كان في ثانوي.... كيف مغرور ومتكبر ومحد عاجبه.... بالذات مساعد لأن مساعد كان هادي ويمشي جنب الجدار....
سالم كان يتنرفز لما يشوف مساعد ف المدرسة.... ويعامله بحقارة بس مساعد يسكت لأنه مو قد مشاكل.... وضعف شخصيته بسبب أبوه اللي كان يضربه وهو صغير وقدام عيال عمه....
تنهد سالم وهو يناظر السقف" يا ترا وش بتسوي فيني يا مساعد "....
بعد يومين راح سالم لواحد من معارفه وقاله يبلغ مونيكا أنه طلقها.... بعد أسبوع لما عرفت مونيكا بالموضوع جت عنده....
مونيكا بالفصحى : لماذا طلقتني
سالم يدور مبرر: أنتي ما تناسبيني
تفاجاءت مونيكا: أنا لا أناسبك
سالم: إيه... أنتي أجنبية
مونيكا وهي مو مصدقه: لكن أنا مسلمة وقد غيرت أسمي كما طلبت مني... أنا منيرة
سالم: مسلمة على العين والرأس... بس حياتنا غير وحياتكم غير
منيرة بقهر: وكيف تعيش حياتك
سالم: حياتي... لحظة أنا طلقتك وانتهينا... يللا خذي أغراضك وارجعي لبلادك
منيرة: ساعود إلى لندن... وسآخذ الأطفال معي
سالم: لا... ولا واحد يرجع معك
منيرة مصدومة: لماذا
سالم يدوس على قلبه: أنتي أجنبية ما تفهمين... ايش اللي يثبت أنك بتكونين مسلمة طول عمرك... وأنا ما ابغى عيالي يختلطون بكفار ويتأثرون فيهم
انهارت منيرة عند رجله.... وقالت وهي تصيح: ارجوك أريد طفل واحد فقط... سالم بفضلك أنت الله هداني للإسلام... كيف ارتدت بعد ما عرفت الدين الصحيح
سالم ما تحمل دموعها وشكلها اللي يعور القلب.... نزل لعندها ورفع راسها....
غطت منيرة وجهها بيدينها وهي تصيح: لماذا لا تثق بي... ليس من حقك أن تأخذ أطفالي... أنا أمهم والإسلام يقول الأطفال عند أمهم
سالم كان يناظرها وما توقع أنها تحب عيالها.... لأنه حط في باله كلام ربعه اللي يدرسون معهم في بريطانيا.... أنها أجنبية ودمها بارد وراح يجي اليوم اللي ترمي عيالها عنده وما تبيهم.... وهو كان يسمع كلام أهلها أنه ممكن يكون أرهابي وخصوصا أنه سعودي....
حط سالم يده على كتفها وقال: خلاص يا منيرة لا تبكين... وأخذي معك بسمة
رفعت راسها وقالت: شكرا يا سالم... سآخذ بسمة حتى لا أنساك
قام وراح وقف عند النافذة مسح دمعته اللي خانته....
قربت منيرة منه وقالت: سالم أنت طلقتني رغما عنك... أليس كذلك
التفت لها: إيه بس بوقت ثاني أقولك كل شي... روحي أخذي أغراضك وأغراض بسمة... وما أوصيك على بنتك انتبهي لها
منيرة كانت تفكر ليه يوصيها وكأنه آخر مره بيشوفها.... انتبهت لما سمعته يناديها شافته رجع يناظر النافذة....
منيرة: ماذا هناك
قال سالم بعد تفكير: موني أنا في مشكلة وعشان كذا لازم أبعدك عني لأني خايف عليك وعلى عيالنا
منيرة: وما هي المشكلة
سالم: بعدين أقولك كل شي... - التفت لها وقال: سمعيني أنا طلقتك مرة وحدة وأقدر أرجعك بس مو الحين... فاهمه علي
منيرة: نعم فهمت لكن قل لي ما هي مشكلتك حتى أقدم المساعدة
سالم: ما أقدر أتكلم الحين... يللا روحي جهزي الأغراض
يتبع.............
....{ أخوان سالم من أبوه.... سعود و فواز }....
بعد ما سافرت منيرة مع بنتها بسمة.... راح سالم لبيت أبوه....
سالم: السلام عليكم
ـ : وعليكم السلام
أبو سعود: حيا الله سالم
حب سالم رأس أبوه: الله يحيك... كيف حالك يبه
أبو سعود: الحمد لله
سعود: أقول سالم متى بتأخذ عيالك... أنت تركتهم هنا ونسيتهم... حتى أمهم خذت بسومة وما رجعت
جلس سالم: ايش فيك يا سعود... خلهم عند أمي وأبوي يملون عليهم البيت... من بعد ما ترجع ألمانيا
جت أم سعود: وأخيرا جيت يا سالم... يللا خذ عيالك تراهم تعبوني
سعود: سمعت يا سالم ههههههههههههه... قال يملون البيت قال
ابتسم سالم: طيب نواف وأسماء وينهم فيه
أبو سعود: نايمين
دخل أخوهم فواز مع ولده: السلام عليكم
ـ : وعليكم السلام
فواز: سالم وين نويف
سالم: نايم
فواز: الحين أنا جايب معي رئودي عشان يلعب معه... وتقول نايم
سالم: أمي منومته مع أسومة
فواز: بروح أصحيه
راح فواز والتفت سالم لأمه....
سالم: يمه أنا بتزوج وبخلي أسومة عند ولد عمي
الكل استغرب....
أبو سعود: إذا بتتزوج خل زوجتك تربي عيالك
سالم: ما أبي بنتي تعيش عند مرة أبو... بخليها عند ولد عمي أنا سمعت إنا زوجته ولدت... وبطلب منه يخلي زوجته ترضعها مع ولده... عشان يكون أبوها من الرضاعه
أبو سعود: وليش كل هذا
سالم: بس كذا... بخليها عنده أحسن لها... وأنا كل فتره أزورها وبعطيه مصروفها
أم سعود: ايش فيكم على بنات البلد أنت وأخوك... سعود متزوج ألمانية وأنت.....
قاطعها سعود: يمه أنا مرتاح مع زوجتي... أنتي تبين راحتي خلاص أنا مرتاح معها... وما يهمني أنها أجنبية وإلا لا
أم سعود: كيفك... وهذا أنت يا سالم بتأخذ وحده أجنبية... أحسن واحد فيكم أخوكم فواز تزوج بنت عمه
جا فواز: ايش فيه فواز فاتحين سيرته... إن شاء الله ذكرتوني بخير
جا نواف وهو يصيح شاف أبوه وراح له: بابا... أبي ماما
ناظر سالم أخوه وقال: ارتحت الحين... - حط ولده بحضنه وقال: بعدين تجي ماما
فواز: ايش عندكم تحشون فيني
سعود: أمي تقول أنك أحسن واحد فينا... لأنك متزوج بنت عمك مو أخوانك اللي كل واحد متزوج من بره
فواز: أصلا أنا من زمان أحسن منكم
ابتسم سعود: مشكلة الغرور
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك