رواية شقائق النعمان -6
فيصل : ليه ناوى تعنس
خالد : الشاب ما يعنس يالفالح يمكن يطري علي الزواج على35او 40
محمد : اوف يالظالم اربعين مرة وحدة
فيصل : خلك منه ماوراه سالفة على باله عمي راح يخليه حدة سبعة وعشرين ثلاثين ويزوجه غصب عنه
،،،
شقة يزيد :
يزيد : دخل المطبخ و شافها واقفه تطبخ العشاء شاف انها ما حست فيه وراح عندها وقف خلفها وحضنها
هند: تروعت وتصرخ: يمـــــــه
يزيد :هههههههه وش فيك متروعه
هند: يزيد حرام عليك روعتني
يزيد : يبوسها على راسها شتقتلك يا عمري وش فيك سارحانة
هند: تلف تواجه : فينك ليه تاخرت
يزيد : يابعد كل هلي انتي ويبوس خدها كنت عند ابوى بالبيت ويفك شعرها انا كم مرة قلتلك لا تلفينه
هند: يزيد حرام عليك الحين يصير ريحة طبخ
يزيد : انتي السبب اقول لك اجيب شغالة تقولين لا وش تبيني اسوي احب اشوفك كذا
هند: زين روح بدل الحين احط العشاء
يزيد: وش مسويه على العشاء
هند: انت مهو قلت ماتبي تجي على الغداء قلت اطبخلك شي تحبه
يزيد: وشو اشوف آآآآآه منك بتذبحيني انتي
هند: ليه وش سويت عشان اذبحك عشان بتاكل اكله تحبها
يزيد:آآآآه يا حبي لك وش زين ريحة طباخك ياقلبي ويبوسها على خدها
هند: تسلم بالعافيه عليك
يزيد : يابعد عمري وزني زاد وشوفي وشلون صرت حتي تمرين بالنادي صرت اتكاسل اروح و اتركك لوحدك
هند: الله يخليك لي ولا يحرمني منك
يزيد: ولا منك يا قلبي عندي لك مفاجئه بتعجبك
هند: انا اقول فرحان اليوم جعله دوم الفرح على وجهك يارب وشهي المفاجئه
يزيد : امين وانتي معي اخذت اجازة اسبوعين ونبي نسافر هاه وش قلتي
هند: من جد
يزيد : ايه حبيبتي وحددى المكان الي تبين تروحين له
هند : ابي اروح مكة
يزيد: مكة !!
هند: ايه وش فيك
يزيد: انا قلت نسافر أي دوله مكة قريبه بعدين نروح الها
هند: لا ولي يعافيك ابي اروح الحرم عمري بحياتي ما دخلته
يزيد: نعم !..عمرك ما رحتي الحرم و انتي بالسعوديه؟!!
هند: ايه عمري ما رحت مكة ابوي الله يرحمه كان يبي يوديني قبل ما يموت بس مرض وبعدها توفي ومحد وداني الله يخليك خلنا نروح ومنها نصوم اول رمضان هناك
يزيد : من عيوني جهزي عشان نمشي خلال هـ اليومين
هند: تسلم عيونك الله لا يحرمني منك يالغالي وتبوسه على خده
يزيد: لف يدينه عليها وحضنها احبك والله احبك ويبوسها شكلك ما تبين تعشينا اليوم
هند: الحين خمس دقايق ويكون العشاء جاهز
بعد ما تعشو
يزيد: الحمد لله
هند: وش فيك ما اكلت زين هذا الي يقول جوعان
يزيد: راسي مصدع
هند: سلامة راسك ليه ما خذت علاجك
يزيد: لا نسيت اروح للدكتور اليوم
هند: ليه انا كلمتك قلت الحين تبي تروح
يزيد: بكره اروح له كان عندي اجتماع ونسيت بعدها
هند: حبيبي ولي ايعافيك كلة الا اعلاجك لا تهملة
يزيد : يوقف قدامها وش قلتي ماني مصدق
هند: وش فيك اقول الا علاجك لاتهملة
يزيد : يمسك يدها آآآآه ما تتخيلين وش كثر مشتاق اني اسمع منك هـ الكلمه ويغمض عيونه انا حبيبك
هند: ايه ياقلبي حبيبي ونور عيوني بعد
يزيد: يفتح عيونه لا ماني مصدق هنودتي تقول لي هـ الكلام
هند: نزلت راسها وعينها بالارض وخجلت منة: ايه
يزيد: يرفع راسها حبيبتي يعني سامحتيني على الي سويته فيك
هند: حبيبي انا قلتلك مسامحتك ليه منت مصدق
يزيد: يبوسها على راسها لاني اول مره اسمعك تقولين انك تحبيني هنودتي صحيح تحبيني ؟
هند: توقف وترتمي بحضنه ايه احبك انت بطيبتك وحنانك خليتني احبك
فشقة الشباب
جاسم : عبود شفيك انت وعزوز مانشوفكم
محمد : عبود انا ما احب ادخل فخصوصياتك اليوم واحد قلى كلام عنك ما صدقته
عبدالله : ليه خير وش سامع عني
محمد : عبود انت تكلم بنات وتجلس معهم قلنا ماشي كل الشباب كذا بس
عبدالله : بس وشو يا محمد ؟
محمد : اليوم واحد شافك وانت خارج من الفندق ومعك وحدة انا ما صدقته عبود لا يغويك الشيطان
عبدالله : انا ماغلطت وهذي زوجتي
محمد : وشو متزوج ؟؟!!
خالد : متى؟
عبدالله : من شهرين
فيصل : واهلك يدرون ؟
عبدالله : لا
محمد : وين ساكنه وانت عايش معنا
عبدالله : مع اهلها انا متزوج عرفي
فيصل : وشهو... عرفي ليش تسوي كذا كان قلت لأهلك يزوجونك وجبتها عندك
عبدالله : اهلى غير اهلك مستحيل يزوجوني وأنا ما اشتغل
خالد : ياخي كان قلت لهم ودورت شغل هنا
عبدالله : صعبة هذا جاسم عندك ما جابها
جاسم : انا غير هي تدرس
عبدالعزيز : وش فيكم اكلتوه مافيه شي الزواج العرفي ولا يروح للحرام
محمد : ليكون انت بعد متزوج
عبد العزيز : ايه فيها شي
جاسم : لا جنيتم انتم الاثنين وبعد يقولون وش فيها واهلكم لو يعرفون وش يسوون؟
عبد العزيز : ماراح يدرون واذا جيت اسافر طلقتها
محمد : حرام عليك انت ما خذ ها الزواج متعه او مشروط بوقت محدد وهذا محرم في الاسلام
عبدالله : ايه انا قايلها انه اذا جيت اسافر بطلقها ويا اخي الكل مزوج كذا ولا الحرام تبيني ازني يعني
خالد : معصب حنا مقلنا روح ازني بس الزواج اساسه الاستمرار
فيصل : يا اخي حرام عليكم الي يتزوجون كذا شوف عيالهم مرمين في كل الدول وبعضهم اشكالهم واضحة انهم خليجين وما يعترفون فيهم
محمد : وش مفكرين الدين لعبه حتي الشياب لاخرج من دولة وسافر لعمل لو لمدة اسبوع اتزوج والمشكله مهو بس هنا حتي في الدول العربيه يستغلون حاجة البنات للمال وبعض البنات صارت تجارة عندهم تتزوج لمدة اسبوع بمبلغ محدد
جاسم : انا ودي اعرف اهلهم وينهم عنهم
فيصل : بعضهم اهلهم يشجعونهم او تكون عايشه لحالها محد يدري عنها او من وراهم انت ماشفت الاحصائيه الى جبوها عن شباب(بنات واولاد) الجامعة الي متزوجين عرفي من ورا اهلهم
محمد : ايه والله قهر اخرتها فضايح في المحاكم
عبدالله : خلاص المهم عرفتم لا تسون لي محاضرة عن الاخلاق
خالد : انت عارف حنا نبي مصلحتك
محمد: انت كبير وادرى بتصرفاتك حنا الي علينا قلناه
عبد العزيز : شدعوه مشكورين وماقصرتم يالله انا بروح
جاسم: على وين شوف الساعة جم(كم)
عبد العزيز : مواعد حرمتي بقابلها سلام
محمد : الله يهديك
وقامو الشباب كل واحد على غرفته
،،،،
ريم : بنات شو رأيكم نشعبن بكرة في الجامعة
جود : حلو ونقول للشباب يجون بعد(عشان تشوف محمد)
شذى : والله وناسه
ملاك : بس بكير باقي اربع ايام
ريم : لا ناسيه عندنا اختبار
دليدا : السلام عليكم
البنات : وعليكم السلام
ملاك : تقوم تبوسها هاي خالتو شو بيكي تاخرتي اليوم
دليدا : شو بيكي نسيتي حكيتك انه عندي جرد المحل
ملاك :اووووه سوري نسيت
دليدا : شذو كيف الجلسات معك ان شاء الله عجبتك
شذى : كثير حلوه خالتي باقي جلستين
جود : خالتي وحنا مالنا جلسات
داليدا : تكرم عينك بس هاي خاصة للعرايس شاملة كل اشي ولمدة ثلاث اشهر
شذى : ايه بشرتي كثير تحسنت
امل : خالتي تعالي اقعدي ارتاحي ليش واقفه
دليدا : سمحولي بدي روح بدل ملابسي وشوف شو عملوا عشاء
ملاك : ارتاحي خالتو انا حروح بنات بدكم شي
البنات : لا مشكوره
،،،
في الحديقة عند المسبح
شذى : هههههههههه خلاص حبيبي اشوفك بكر لا تنسي قل للشباب
فيصل : من عيوني وأنا كم شذو عندي بس مني عارف وش اجيب معي
شذى : حبيبي جيتك الوحدها تكفي
فيصل : آآآآآآآآه شكلي مراح انام اليوم لالا خلاص انا بدق على عمي واخذك بيتنا ويش يصبرني ليوم الزواج
شذى : تتكلم بدلع :هههههه فصولى عيوني قلبي اهون عليك ترضا الناس تاكل وجه هلي بالكلام
فيصل : آآآآآآه ياقلبي وانا وش مصبرني غير هالشي ما ارضاه عليك
شذى : فيصل والله احبك
فيصل : وانا اموت فيك وبتراب رجولك الي تمشين عليه ياحياتي
تدخل عليها ملاك : شو بتعملى هون
شذى : تنزل التلفون اكلم فصولى
ملاك : ههههههه أكيد هو فيه حدا شاغلك غيره شو قلتيله على الشعبنة
شذى : ايه
ملاك : اووووه نسيتيني العشاء يالله لا تتاخري
شذى : اوكي جايه
فيصل : حبيبتي وش عندك ؟
شذى : هذى انجي تناديني للعشاء
فيصل : اوكي حياتي روحي تعشي انتي متى راجعه الشقة ؟
شذى : بعد العشاء
فيصل : اوكي حبيبتي اول ما توصلين كلميني
شذى : اوكي حياتي بااااي
فيصل : حبيبتي انتبهي على نفسك باااي
،،،،
هند : تجلس جنبه على السرير : زيزو حياتي قوم ؟
يزيد : حبيبتي خليني انام شوي
هند: حبيبي قوم الحين بيأذن العصر خلنا ننزل الحرم
يزيد: يجلس :خلاص قمت روحي البسي عباتك
هند: لا والله يا عيوني تبيني اروح عنك وترجع تنام وتسحبه مع يده يالله قدامي على الحمام توضأ وبعدين البس عباتي
يزيد: آآآه منك مزعجه هذا كله عشان تنزلين الحرم
هند: ايه
يزيد: الله يعيني عليك ما تخليني انام طول وقتك تبين تجلسين بالحرم
هند: ايه فرصه وانا هنا اكون فيه طول الوقت ما تتخيل وش كثر كنت اتمنى هـ الفرصه وتحققت و انت السبب وتبوسه على خده مايحس فيها الا الي انحرم من زيارته لبيت الله مثلي
يزيد : الله لا يحرمنا زيارة بيته ويقدرني اجيبك له على طول
هند: امين
،،،،
في الجامعة على الساعة وحدة البنات جالسين على الارض
الشباب : السلام عليكم
البنات : وعليكم السلام
شذى : شفيكم اتاخرتم
فيصل : رحنا نصلي
شذى : قلت لك سو مثلنا نشوف أي قاعة فاضية ندخل نصلى فيها
فيصل : يجلس جنبها كيف حبيبتي اليوم؟
شذى : منيحة الي يسمعك مايقول مصحيتك الصبح وقايل كيفك
فيصل : ليه فيها شي كل دقيقه بقلك
شذى : هههه طيب خلاص شوف يناظرونا الحين
فيصل : خليهم ماهمني وين المفاجأه الي بتجيبيها ؟
شذى : شوفة قدامك
خالد : اقول بنات وش جايبين معكم؟
يفتح فيصل حافظة الاكل
فيصل : لالالالالالا ما صدق مطازيز والله احبك ياااااااااه من زمان ما اكلتها
خالد : قول والله عطني اشوف تسلمين يا احلى مرت ولد عم
محمد : ياسلام احلى غدا اليوم
ويدق جوال ملاك وتكلم السواق وجابلها السله الي طالبتها من البيت
فيصل : انجي وش جايبه معك انتي ؟
ملاك : شو بتتوقع يكون ؟
خالد : اعطيني اشوف ما فيني افكر
ملاك : اليوم بدنا نقلبها جلسه خليجية هذى قهوه عربيه وتمر وجايبه معي جريش وحنيني (اكله قصيميه ) شو قلت
فيصل : لا ذبحتوني انتم اليوم كل هذا وفيها وش قلت
محمد : صدق معك قهوه عطيني هي يازين قهوتنا وريحتها
خالد : ههههههههه احلى جلسه وجلس ياكل تمر
اخذ محمد القهوة وصب للكل ودق جواله
محمد :الو
جاسم : السلام عليكم
محمد : وعليكم السلام
جاسم : وينكم انتم ما فيه احد في الكوفي
محمد : هههههه تعال لا تفوتك احلى جلسه خليجيه
جاسم : ههههه وش جلسه خليجيه بعد ؟
محمد : ههههه تعال وشوف .....وحدد له المكان
فيصل : من جاسم
محمد : ايه
خالد : ههههههههه راح يروح فيها جسوم عند القهوه
جود: ليه انتم ماتسونها
خالد : يعني نادر
فيصل : بس ما تضبط وهوه يقول آآآه وين قهوتك يمه
محمد : آآآآآه تسلم اليد الي سوتها غريبه انتم تسونها انجي ومضبوطه بعد
ملاك : شو انا تعودت بابا كل يوم يشربها
وصل جاسم : السلام عليكم
الكل : وعليكم السلام
جاسم : آآآه يالخاينين قهوه ويجلس جنب محمد من وين هالقهوة ولا ريحتها تجنن
محمد : هههههههههه بشويش على عمرك
خالد :ههههههههههههه قلتلكم راح يروح فيها
جاسم : اسكت انت وقهوتك مثل وجهك ويشرب قهوه آآآآه هذي القهوه ولا بلاش
خالد : ههههههه وجهي حلو لا تتعب عمرك
وجلسو سواليف وضحك و ملاك كان جوالها على الارض وقريب من محمد الي جالس على بعد مسافة بسيطه عنها ودق وطلع على الشاشه " نبض قلبي" يتصل محمد طالع في الجوال وشاف الاسم وطالع ملاك وهي ما عبرته وخذت جوالها
ملاك : ونسيت الي حوليها : هااااي حبيبي لاااااا لا تحكي زعلت منك خلص
ابو ملاك : هههههههههههه حبيبة بابا
ملاك : لا تحاول كيف مابشوفك اليوم ؟
ابو ملاك : اهون عليك.. وعد ارجع بدري اليوم حبيبتي كان عندي موعد مهم وانتي كنتي نايمه
ملاك : اوكيه حبيبي الساعة كم
ابو ملاك : يعني الساعة اربعة او خمسه
ملاك : شو خمسه لا مابدي اربعه تكون عندي
ابو ملاك : ههههههه ولا يهمك اربعه او قبل اكون عندك ها راضيه
ملاك :هههههه أكيد نبض قلبي هو انا اقدر ازعل عليك
ابو ملاك : هههههه خلاص حبيبي انتبهي لنفسك عندى شغل مع السلامه
ملاك : مع السلامه حبيبي
البنات كانو عرفين اسلوبها لما تكلم ابوها والعيال مصدومين هذي تكلم من كذا
فيصل : يكلم شذى بصوت واطي : انجي مخطوبه
شذى : هههههه لا
فيصل : تكلم من بهالشكل؟
شذى : هههه ابوها
فيصل متعجب : من صدقك تكلم ابوها كذا!!!
محمد مقهور مهو عارف وش السبب وقاحة هذي تكلم من كذا ولا عليها بالموجودين
جود : انجي متى بتسافرين هالسنه ؟
ملاك : مثل كل مرة العشر الاواخر بابا بده يكون بمكة
خالد : والجامعه ؟
ملاك : بابا يجيب لي اجازة بس هالسنه راح اروح 25 رمضان بعد الاختبار
جاسم : هنيالك بتكوني بمكة ادعي لنا .. مشكورين بنات على الجلسه الحلوه يالله سلام
محمد : خذني معك مشكور على الاكل الحلو مع السلامه ومشى بدون ماينتظر ردهم
سأل خالد : انجي انتي مخطوبه ؟
ملاك : شو بتقول لا طبعا ولا افكر
فيصل : ههههههههههه فهم خالد وش يقصد: ماتوقعتك تكلمين ابوك كذا
خالد : وش ابوها توقعته خطيبها !!
شذى : هههههههه كلنا اول مرة توقعنا خطيبها
ملاك : ههههههه شو بيكم مصدومين ايه اكلم خلودي حبيبي
خالد : احم احم ويحرك قميصة
ملاك : احم احم انت وجهك ولا بتوصله حتى
فيصل : ههههه لقط وجهك
خالد : اقلب وجهك
فيصل : على أي صفحة
خالد : ههههههههه ما تضحك على الغلاف
ريم : بصراحة انا مقدر اكلم ابوي كذا
ملاك : ليه عادي
ريم : لا ابوي كبير فالسن وماعنده هذا الدلع
جود : وانا مستحيل اتغزل فيه اصلا فين اذا شفته
،،،،
بيت ابو محمد:
في الصاله
منى : يبه ابي اشتري لاب توب
ابومحمد: وجهازك وش فيه
منى:ما بيه شي يبه الله يخليك ابي واحد شوف مي عندها ليه ما يكون عندي بعد
احمد: يبه انا ابي واحد بعد
منى: يسلام اسكت انت غيره زايده
احمد: ايه انا ابي يبه الله يخليك اذا اخذتلها انا ابي بعد
منى: لا والله اكبر اول وبعدين خذ واحد
ام احمد: لا انتي ولا هو عيونكم طلعت من كثر منتم جالسين على النت
منى : امي الله يخليك اذا كان عندي بجلس عندك بالصاله وانتي تستخدمينه معي
ابو محمد: امك اذا تبي اخذ لها واحد
ام احمد : وش ابيبه اذا حتجت شي وش كثر الاجهزه بالبيت
منى : ياسلام الحين انا اطلب منك وانت تاخذ لأمي الي ماتبي
احمد: ماما الله يخليك كل ربعي عندهم الا انا
منى: انت خلهم ياخذون لي وبعدين تكلم يبه ...امي الله يخليكم ابي واحد مثل مي
مي : وش فيها مي
احمد: نبي لاب توب ليه انتي عندك واحنا لا
مي : ياحبيبي الي عندي محمد ماخذه ألي هديه مهو انا شريته وتجلس
منى: يبه هاه وش قلت وتروح عنده وتسلم على راسه الله يخليك يبه وافق
ابو محمد: زين شوفي امك اذا تبيكم تاخذون هي تروح معكم وتشترون
احمد: هييييييييه ماما أكيد موافقه صح
ام احمد: من قال اني موافقه هاه
منى: امي والي يعافيك ابوي وافق وتبوس فيها على خدها الله يخليك لي ياقمر وافقي يالله يا حلوه ويجي احمد ويبوسها بعد
ام احمد: بس غثتوني انتوا الاثنين بحنتكم اذا تبون شي هذا ابوكم عندكم هو يجيبلكم
منى: تبوسها ممممممممممممموح ياقمر انتي عرفت انك بتوافقين خلاص يبه بكره نروح ناخذه معك
ابومحمد: زين اليوم انا فاضي نروح بعد اذان العشاء وش قلتوا
منى واحمد:هيييييييييييييييييييييييييييه تسلم يا احلي أب بهدنيه
،،،،
فشقه فيصل وشذى
شذى : شو رايك الكنبه هنا ولا هنا احلى
ملاك : خلى الكبيرة هنا مقابل التلفزيون احلى
شذى : انا قلت كذا بعد
ملاك : شذو يالله الشغالات خلصوا ترتيب اغراضك والسواق راح يوصلهم البيت وانا انتهيت من التسريحة
شذى : مشكوره ياقلبي تعبتك معي
ملاك : شو تعبتك وتروح تبوسها كم اخت عندي غريبة جود ما جات معنا ريم وتعبانه وامل عندها موعد
شذى : ما اعرف هي الفتره الاخيره متغيره تعرفي اهي متعلقة فمحمد وهو موب معطيها وجه ونادر اذا جلس معنا
ملاك : بدي اعرف شو حبت فيه شايف حاله
شذى : حرام عليك والله طيب ما تشوفين فيصل شلون يتكلم عنه
ملاك : مبعرف مبيعجبني شايف حاله منشان وسيم
شذى : خلاص روحي شغلي السيارة على بال ملبس عباتي
ملاك : اوكيه لا تتاخري
وهي نازله قابلت فيصل طالع
فيصل : سلام
ملاك : وعليكم السلام
فيصل : على وين .. وين شذى ؟
ملاك : فوق وهلا حتنزل
فيصل : اوكيه باي خليني اشوفها قبل لا تنزل
ملاك : بليز فيصل لا تتاخر عندنا موعد مع الصالون
فيصل: وهو معطيها ظهرة اوكي
ملاك : دق جوالها هلا حبيبي
ابو ملاك: هلا حبيبتي السلام عليكم
ملاك : وعليكم السلام ياعيوني
ابو ملاك: هاه حبيبي ماغيرتي رأيك مابتجين معنا الحفلة ؟
ملاك : لا حياتي ما حاروح... بدي روح الصالون مع شذو
ابو ملاك : حبيبي لا تتاخرين وخلي شذى تنام عندك انا احاول ارجع بدري ما اطول السهرة
ملاك : اوكي حبيبي مممممممممممموح احبك كثير
ابو ملاك: هههههههه وانا بعد اموت فيك ياروح بابا سلام
ملاك : انبسط حبيبي ولا تشيل هم سلام
لفت بتخرج شافت محمد عند الباب
محمد وصل مع فيصل بس كان عندة اتصال من اهله قعد بالسيارة يكمل المكالمه ومن اول مادق جوال انجي وهو واقف وسمع كل المكالمه
محمد : معصب : انتي وحدة حقيرة بوجهين
ملاك : شــو بتحكيني انا !!!!!!!
محمد : ايه انتي ليش شايفه احد غيرك هنا انتي وحدة منافقه وين ابوك عنك
ملاك : مصدومه هذا وش يقول: شو دخلك انت محد حقير غيرك
محمد : عصب ومسكها مع يدها(زنودها) : انا حقير يا قليلة الادب والله لو لي سلطه عليك لاربيك وعلمك الادب وكيف تكلمين الرياجيل
،،،
فوق عند باب الشقه
فيصل : هلا والله على وين انتظري شوي
شذى : كانت بتقفل الباب لفت :هلا حبيبي
فيصل : تعالي ادخلي وين رايحه
شذى: وجها محمر : خلصت بروح الصالون انجي تنتظر بالسياره
فيصل : ايه توني قابلتها ويفتح الباب ..ادخلي وش فيك واقفه برا
شذى : لا خلاص بعدين اكلمك
فيصل : يسحبها ويسكر الباب ويبوسها على خدها ويحضنها
شذى: تبعده عنها و هي مكسوفه : فيصل وبعدين معك جنيت انت
فيصل : زوجتي وش فيها ويرجع ويبوس خدها
شذى : فيصل خلاص اترك يدي خلني اروح
فيصل : واذا قلتلك لا مافيه خرجه اليوم
شذى : مرعوبه : وش تقول ...(وهي مرتبكه مهي عارفه تتكلم من الفجعه) ..جنيت انت والله اخبر عليك بابا
فيصل : ههههههههههههههههه ياويلي عليك شوفي وجهك وشلون صاير ...ويحط اصباعه على راسها ....افكارك رهيبه ..انا على نيتي ضعيف مافكرة مثلك بس كنت ابي نجلس نسولف بس ويغمز
شذى : تحط عينها بعينه وجها محمر: انا افكاري كذا ياحبيب الماما يابري
فيصل : هههههههه بس لا تموتين علي ويبوس راسها
شذى: باي وبتفتح الباب
فيصل : يمسك يدها : بتهربين زين شوفي كان مارويتك بعدين
شذى: فيصل
فيصل : زين حياتي روحي وكلميني اذا خلصتي اجي اخذك
شذى: مجنونه ارجع معك : لا برجع مع انجي بنام عندها اليوم
فيصل : وانا مهو حرام عليك انام لوحدي
شذى : تسحب يدها باي وتخرج عنه وتسمعه وهو يضحك عليها
،،،
ملاك : وهي ترجف عمره محد صرخ عليها :ابعد ايدك يعلها الكسر انا مربايه قبل معرفك
محمد: نفظ يده عنها و مسحها بنطلونه : الي مثلك الواحد ما يلوث نفسه معه الشرهه على فيصل الي مخلي مرته تمشي معك للحين
ملاك : حقير وتعطيه كف
محمد : رفع يده ومسكها وهي قريب من وجهها وهو معصب واصل حده: لو مهو خوفي من ربي كان كسرت عضامك بس يكفيني اني دنست يدي بلمس وحده مهي محرم لي الشرهه علي الي اكلم وحدة مثلك ولف عنها وطلع الدرج من عصبيته ما نتظر المصعد (هو عرف انها مهي مخطوبه على باله انها تغازل )
ملاك : ضربت برجولها في الارض من عصبيتها و خرجت طلعت السيارة وهي معصبه وتمسح دمعتها
شذى : هاااااااااي سورى تاخرت عليك كله من فصولى
ملاك : بعد ماهدأت شوي مش مشكله
شذى : انجي فيك شي
ملاك : ما حبت تقولها... لا مافي شي
فيصل: قفل باب الشقه ولف وشاف محمد بوجهه: تو الناس احد يطلع الدور السادس مع الدرج وقف المصعد حطيت الاغراض خلنا نمشي
محمد: دخل في المصعد قبل يقفل
فيصل :يقرب منه وش فيه وجهك كذا ؟ وش صار ؟
محمد: يتافف : ماصار شي
فيصل : كف ماصار شي وانت معصب الاهل صاير عليهم شي
محمد: لا ........
الى لقآء أخر
دمتم بود
الفصل الرابع
مرت ايام الشهر الفضيل سريعة
محمد و انجي من بعد الموقف الي صار ما تقابلوا وشذى وفيصل عايشين احلى ايام لهم ويعدون الايام لموعد عرسهم
،،،،
شقة الشباب
خالد منخرع يوقف: عبود وش فيك..؟؟!..... ويمسكه ويجلسه
محمد: عبود من مسوي فيك كذا .......؟؟!!
عبدالله : يده مكسروه ومجبرة ومضروب على عينه: الحقيره الكلبه
محمد : من مانى فاهم شي ...!؟
خالد: من زوجتك ؟
عبدالله : بإنفعال لاتقول زوجتك الكلبه الحقيرة الخاينه ياليتني ذبحتها
فيصل : سمع الصوت جاي خارج من الغرفة : وش فيكم.. وش صاير ..عبود وش فيك كذا..؟!
محمد : راح جاب كاس مويه.... خذ عبود اشرب وروق
عبدالله: وين اروق تخيل الكلبه بعد مااخذت لها غرفة تجلس فيها طلعت ..!! .وسكت ونزل وجهه على يده
محمد : اهدا وبعدين تكلم
خالد: طلعت وش خله يا محمد يفضفض يرتاح
عبدالله : ويتذكر الى صار وهو داخل الغرفة الى ماخذها لها فتح الباب ودخل : هااااااي ...وماقدر يكمل مصدوم من الي يشوفه كانت على السرير مع واحد ..ياحقيرة ..ويروح ويمسك الى معها ويضربه
الثاني كان خليجي : ياكلب انت الي مين ..وش دخلك هنا ويضربه على عينه
عبدالله : انا مين ياحقير هذا بيتي ويضرب فيه
الثاني : كيف هذا بيت زوجتي
عبدالله : ووووش هذي زوجتي انا ؟؟؟؟؟؟؟؟
الثاني : وشهو جوني زوجتي انا ويضرب فيه
عبدالله : جوني زوجتك !!!!!
الثاني : ايه زوجتي
عبدالله : رماه على الجدار ويدور عليها في الغرفه ما حصلها ...هربت ..جلس على الكنبة وحط يدينه على وجهه ويتنفس بسرعة
الثاني : وقف
عبدالله : متي تزوجتها ؟
الثاني : من اسبوعين وليش تسال
عبدالله : وهو يتنهد تنهيدة طويله ممكن اشوف عقد ازواج
الثاني : ليش و انت وش دخلك ؟
عبدالله : انا زوجها
الثاني : وشو انت صاحي ؟؟
عبدالله : ايه صاحي انا زوجها
الثاني جلس : كيف وانا متزوجها؟؟
حكي عبدالله الي صار للشباب
فيصل : معقول !!!
خالد : وشلون قدرت تسوي كذا ؟
محمد: هدي اعصابك واحمد ربك جات على كذا هذى مشكله الزواج العرفي لاانه غير مثبت قانوني كثير من الناس تتلاعب فيه
فيصل : بس هذا حرام تتزوج ثنين
خالد : اعوذ بالله يمكن ضاحكه على اكثر من واحد
عبدالله : انا استاهل الي خدعت اهلي وهي انا شكيت فيها كل همها الفلوس واحيان تقولى بروح انام عند صديقتي
محمد : ارتاح انت الحين و قول الحمدالله انها جات على كذا ومهو بس الحريم الي يخدعون هذا الزواج جاب الفساد نسيتم قصة الرجال الي متزوج 15 بوقت واحد بسبة هالزواج الغير مثبت في المحكمة قدر يتلاعب ببنات الناس وناسي الدين الي محدد له اربع زوجات شرعاً
خالد : اعوذ بالله قومو خلونا نلحق على صلاة العشاء والتراويح
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك