رواية بسمة قدر جمعتنا وحقد البشر فرقنا -5
رغد" ليش اقول لا موافقه
ام فهد" من صدقك اتكلمين
رغد " ايه ليش ما تبوني اوافق
رغد" بس بشرط
ابو فهد" مابي فترة خطوبه ابي زواج مع الملكه بنفس اليوم
ابو فهد" الله مكملك بعقلك يا بنتي
نزل ونقل لاخوه الكلام من فرحة ابو تركي لولده استاذن وراح يبارك له
رغد رجعت لغرفتها وفي داخلها احساس بالرضاء وانها سوت الصح تركي احسن من فارس الكذاب النذل بعد اللي صار امس خلاص ما ابي افكر اصلا في الموضوع من زود حقارته "
رغد" نامت نومه عميقه
فارس" مانام وهو يدق على جوال رغد يبي يفهمها السالفه وجوالها مغلق ولما مل نام من التعب
في بيت ابو تركي
ابو تركي زف خبر موافقة رغد على الخطبه والجميع يبارك لتركي
ابو تركي " بس بشرط
تركي " شنو شرط وما شرط ؟؟
ابو تركي " قالت تبي الملكه والزواج بنفس اليوم ما تبي فترة خطبه
ام تركي " والله هالرغد بنت ولا كل البنات مكمله بالعقل دام هذا كلامها
تركي " اوكيه يا ابه متى نروح نتفق مع عمي على التفاصيل ونخطب رسمي
ابو تركي" متى ما عزمت
تركي" الليله بعد صلاة العشاء
ابو تركي " الف مبروك يا ولدي والله وزين ما اخترت الله يتمم لكم على خير
بعد صلاة العشاء فارس نايم بالعسل في غرفته وكل ما تحرك رجع ودق على رغد ويلقاه مغلق يرجع وينام
في ضيافة ابو فهد"
العائلة مجتمعه واتفقوا على موعد الزواج بعد اسبوعين
فهد" الف مبروك
تركي " يبارك فيك يا ابو نسب
فهد" ابوك يالحركات اللي عندك من اولها ابو نسب
في الطابق الثاني
نوير مجرد سمعت الخبر رجعت لغرفتها وسكرت الباب عليها وفي بالها ان رغد ماخذه كل شي منها حتى اللي تحبه الله لا ايهنيهم
رغد" في غرفتها وتجمع كل دفاترها واوراقها اللي تذكرها بفارس حتى التعليقه رمتها في كرتونه كبيره وتودع ذكرياتها بقلب جامد وكلها ثقه بان الصح في اللي سوته بدون أي شك او مراعه لجروح قلبها النازف بل بكل قسوه عليه ""رغد لازم اتجاوز هالمحنه بكل قوه بدون خساير الله يعوضني بالاحسن
الباااااارت السادس
رغد في غرفتها جالسه على السرير وامها جنبها ماسكه يدها مبروك رغوده
رغد" الله يبارك فيك يا امه
ام فهد" حددوا الزواج بعد اسبوعين وتركي يقول اذا مو مناسبك حددي انت اليوم اللي يناسبك ؟؟؟
رغد" لا ايناسبني عادي"
ام فهد يدق جوالها هلا يا خالد يا ولدي
خالد" مساء الخير يا امه شلونكم ومبروك خطوبة رغد
ام فهد" مساء النور بخير يامه انت شلونك ومن قالك على الخطبه
خالد" شنو تبون تخبون علي ولا ايش
ام فهد" لا فديتك
خالد " ابي ابارك لرغد بس جوالها مغلق عطيني اياها اكلمها
ام فهد" اخوك يبي ايبارك لك
رغد" اهلين خالد
خالد" مبروك يالغاليه والله تركي ولا كل الرجال
رغد" يبارك فيك بتنزل ولا كالعاده مشغول
خالد" تعالي جهزي نفسك من هنا وراح انزل معاك
رغد" من صدقك
خالد" انتي مالك شغل مالك الا اخلي محمد يجيبك لي تجهزي انت بس
رغد" والله دام كذا اوكيه الله يعطيك العافيه
خالد " الف مبروك مره ثانيه خليني اكلم محمد
رغد" مع السلامه
ام فهد" ايش فيه جوالك ليش مقفلته
رغد" طاح مني بالحمام (الله يكرمكم ) ودخل فيه ماء
طلعت ام فهد من عند رغد وراحت لغرفة نوير دقت عليها نوير ما ردت مسويه نايمه وهي تبكي من القهر
الساعه 10 فارس يصحى من نومه وماله نفس يطلع من غرفته جلس ينتظر وعنده امل ان رغد تكون فتحت جوالها وبيفهمها السالفه كلها وتكون مشكلته انتهت
محمد انشغل مع مكالمة خالد له وانه لازم يجيب رغد له في الامارات
محمد" ماراح نلقى حجز يا اخي والله صعب
خالد" تعال سياره
محمد " والله سيارتي تعيش انت
خالد " خذ أي سياره من سيارتكم وتعال حتى انت تاخذ لك سيارة من هناء
دخلت الفكره براس محمد واعجبته وطلع بسرعه لرغد
محمد يدق غرفة رغد"
رغد" ادخل
محمد" الف مبروك
رغد" يبارك فيك
محمد" ايش رايك نسافر الحين لخالد سياره
رغد" ما عندك مشكله والله اذا معزم يالله
محمد" اوكيه اجهزي في نص ساعه
رغد" قول لنوير خليها تروح معانا
محمد" يالله
طلع محمد من عند رغد وراح لنوير دق عليها الباب وازعجه لين فتحت
محمد " معاك نص ساعه تجهزين فيها وتسافرين معانا الامارات
نوير" من صدقك اتكلم
محمد" من صدقي اتكلم بسرررعه اهه مثل الامارتين
تحمست نوير وجهزت ملابس بشنطه ونزلت لقت رغد تحت لابسه وشاياه شنطة سفر مثلها
رغد" نسافر وحنا زعلانين من بعض ولا شنو
نوير ضمت رغد" الف مبروك
رغد" يبارك فيك وعقبال ما نسافر باريس نجهزك
نوير " اما باريس عاد بعيده
نزل محمد يالله صبايا
عند السياره ام فهد وابو فهد يودعونهم
مشى محمد مع البنات في خير للامارات
فارس" في غرفته زايد الوجع عليه ورجله ورمانه وتوجعه "
وصلوا المنطقه الشرقيه وناموا فيها علشان ايكملون الطريق بعد الظهر رغد كانت تهرب من التفكير بفارس وباللي صار خاصة ان أي لحظة صمت تمر فيها كانت تسمع صوت ندى مع فارس يدوي باذونها
نوير تحاول تومن بان الزواج قسمه ونصيب
محمد" هذا ليش ما يرد ولا يتصل
نوير " من
محمد" فارس
نوير" ايش تبي تزعجه
محمد" ليش ازعجه
نوير " عريس جديد وتبيه يرد عليك
محمد" عريس من غير عروس
نوير" لا جات العروس اليوم ابشرك
محمد" اههه
وصلوا الشرقيه ارتاحوا فيها وبعدها كملوا للامارات
تركي بدا يجهز ويختار قاعة افراح مناسبة
رغد في الامارات تجهز نفسها مع نوير اختها اللي صارت علاقتها فيها احسن من قبل
فارس" لا زال نايم بالعسل يطلع من غرفته ويروح لديوانيه ولا كلم محمد الا بعد يومين من مكالمة محمد له
محمد" مرحبا واينك ابغا ارمسك
فارس" ايش ترمسني
محمد" يعني اخبرك بالاماراتي
فارس" الاماراتي وايش الطاري
محمد" الطاري اني فيها
فارس" متى رحت
محمد" من يومين
فارس" تبي لك سياره
محمد" والله جاني عرض مغري من خالد لا يحتمل تفكير ولا شافنا الا عند بابه
فارس" شافكم من معك
محمد" الاهل
فارس" من عمتي وياك
محمد" لا البنات
فارس" تغيرون جو
محمد" نوير تغير جو ورغد تجهز علشان زواجها
فارس" ايش ايش ؟؟؟؟؟؟؟؟
محمد" زواجها بعد اسبوعين او اقل
فارس" انت من صدقك اتكلم
محمد" ليش ما حد قالك ان تركي خطبها
فارس" تكذب تركي عاد
محمد" والله ما اكذب جد وحددوا الزواج والملكله بعد اسبوعين
فارس" ..........
محمد" ايش فيك واين رحت
فارس" شوي واكلمك قدامي نقطة تفتيش
سكر فارس الجوال وحط راسه على دركسون السياره وتنهد ليش يا رغد كذا ليش افهمي السالفه وبعدين تصرفي شلون اوصل لها شلون وما انفكت عقدة تركي الا على حظي؟؟؟؟
ما قدامه غير الانتظار لين ترجع لانه ما يقدر يسافر وراهم خاصة انه لا يحب خالد ولا خالد يهضمه فعلاقته به مو ذاك الزود علشان يسافر له فما قدامه الا الانتظار المر لين تنزل من الامارات ورجع يدق على جوالها
رغد تختار فستانها ونوير معاها تساعدها
نوير" شلون تبين يكون الفستان علشان اقدر اساعدك
رغد" ابغى يكون هادي وناعم بس مميز وجديد
نوير " عقدتيها كانك عروسة سالي
رغد" من سالي
نوير" سالي سالي سالي اعيش في الحنين ..... وصارت تغني اغنية فلم الكرتون سالي
رغد" ذكرتها لما كانت تدور لها دميه شافتها في احلامها
نوير " ايه انتي تشبهينها الحين
رغد ابتسمت دوري وعن اللقافه ذوقك يشبه ذوقي اللي بيعجبك راح يعجبني
واخير لقت رغد الفستان اللي يناسب شخصيتها الهاديه الجذابه
((((وانتهت السفره على خير محمد اشتر له خالد سيارة من الوكاله ونوير اشترت كل اللي طاحت عيونها عليه ورغد جهزت نفسها من الالف الى الياء ورغم ان فارس يطري على البال بس كل ما طرا ما تذكرت له الا المكالمه الاخيره اللي كرهتها في كل شي ))))
ورجعوا مع خالد لرياض قبل الزواج بخمس ايام تقريبا
فهد في المطار ينتظرهم الساعه 9 توصل رحلتهم
التقوا ورحب فيهم فهد بعد ما كان الترحيب كله في البدايه لخالد وبس
خذاهم من المطار للبيت كان ابوهم وامهم وفارس ينتظرونهم
لما دخلوا وسمعت رغد حس فارس فضلت انها تصعد غرفتها ولا تشوفه احسن لها
طلعت وسبحت وغيرت ملابسها الا وباب غرفتها يدق لما فتخت لقت بنات عمها ابو تركي
لمياء" كبسه ايش تسوين
رغد" احلى كبسه هلا والله
سلموا على رغد وباركوا لها
رغد" الله يبارك فيكم
وفتحت شنطه من شنط سفرها وعطت كل وحده كيسه
رغد" اتمنى عاد ذوقي يعجبكم
لمياء " شنو جايبه لنا هدايا ابوك يالذوق من متى لو عارفين كان من زمان مدحناك لتركي
رغد" الله يرجك يا لمياء ليش ما مدحتيني من زمان اجل
فتحوا الهدايا كانت فساتين جدا راقيه
ندوش" تسلمين بجد مذوقه
لمياء " احلى من الفستان اللي خذيته بكثير راح البسه في الزواج تسلمين يالغاليه يالذوق مو مثل نوير اللي ما جابت لنا حتى هدايا الطيارة المنديل المعطر
نوير" انا ما مدحتوني ليش اجيب لكم هدايا من حلاتكم
ندى " بنمدحك لخالي فيصل يشبهك مزوح ورهيب
نوير " كان قلتو ا لي قبل ما اجي كان تذكرتكم وجبت لكم هدايا ""
استمرت السهره في غرفة رغد لوقت العشاء نزلو الصبايا ودخلت رغد ونويروسلموا على الموجودين امها وام تركي وجمانه وساميه
وتحمد ا لهم بالسلامه عقب هالسفره
نوير" واين قرندايزر
لمياء" واين انتي عايشه سفرها فارس من اسبوع مطلقها بالثلاث
رغد" ليش
لمياء" شيفه لوعت كبده
رغدطلعت غرفتها بسرعه وطلعت جوالها وتبي تصلحه للحظه وقفت نفسها لا يا رغد خلاص انتهى"" كل شي تمشين فيه الحين هو الصح ليش ترجعين لورا وتلخبطين حياتك وكسرت الشريحه علشان ما تضعف وتفكر تفتح جوالها ورجعت اتكمل السهره تعشوا والساعه 1 راحوا عايلة ابو تركي لبيتهم ورغد نامت مع نوير بغرفتها علشان ما تفكر او تسوي أي شي يتعبها
فارس يحاول الاتصال برغد بشتى الوسائل وما قدر يوصل لها حتى على تلفون البيت دق وردت الخادمه وطلب رغد وهو منعم صوته حيل مسوي صوت بنت ردت عليه سليمه الخدامه رغد نايمه وما راح تصحى
مر ت اربع ايام من رجعوا من الامارات وفارس ما قدر يوصل لرغد مما زاد من تعبه ودخل المستشفى وتنوم من وجع ارجوله والارهاق ورغد كانت تجهز لحياة جديدة بكل ما فيها بعيدا عن تجربة الحب اللي عاشتها فكانت رغد تكمل باقي تجهيزاته وتاكيد حجوزاتها في الصالون اللي راح يزبطها وكل يوم تروح لصالون تنظيف بشره وحف جسم وغيره
اليوم الجميس الزواج الفخم لان تركي فعلا كان يبيه فخم في صالة افراح راقيه وحاجز له شعراء وفرق شيلات والحريم بعد كان زواجهم فخم
رغد طالعه اميره في الابيض مسويه تسريحه على طول شعرها الذهبي والمكياج الهادي الجذاب وطالعه مره حلوه وتنتظر في الغرفه موعد الزفه
طلعت رغد وتمشي بشويش مع الموسيقى لين وصلت للكوشه وجلست عليها طلعوا القرايب يباركون لها ويهنونا ويصورون معاها
الساعه 12 الزفه الثانيه مع العريس دخل تركي على رغد ولاول مره يشوفها واقفه وما تبكي او مغمى عليها انبهر بجمالها وحلاوتها وسم عليها
مد يه تجاه رغد وقال مساء الخير
رغد" اتمتم مساء النور
تركي " الف مبروك
رغد" يبارك فيك
وقف جنب رغد اللي كانت تحمل علامات توتر
تركي" استرخي يا رغد خذي نفس عميق
وبعدها اطلعوا انبهرت رغد في البدايه بمدا اناقته وثقته في نفسه اللي واضحه في معالم وجهه كان يمشي بشويش علشان ما يربكها وهي تمشي "على الكوشه جلسها وبعدين جلس باركوا لهم الاهل وصور معاهم
ندى" تركي تبي تتصور مع عروستك صور خاصه تدخل داخل
تركي " لا خليها تصورنا معاكم احلى
ندى " براحتك
جات بنت حمد اخو تركي عمره ثلاث سنين اسمها سلاف قربت من تركي
شالها وباسها وحطها بحضنه يصور معاها
وبعد السهره راحوا العرسان للفندق
اول ما دخلت رغد لقت سريرين منفصله استغربت
تركي" انا بنزل تحت شوي خذي راحتك بدلي ملابسك ونامي اذا تحبين اشوفك مرتبكه مره" طبيعي يا رغد الارتباك بس مو لهالدرجه " طلع من عندها غيرت ملابسه ولبست لبس مرتب وتمددت على السرير شوي الا وتركي داخل تجلست
تركي" ازعجتك
رغد" لا
تركي " جوعانه او تبين شي معين تاكلينه
رغد" لا تسلم
تركي" تسمحين لي اقولك شي
رغد" طبيعي اسمح لك
تركي" ما تحتاجين للمكياج ولا لتسريحه
رغد" ما اعجبك المكياج
تركي" لا بس انت جمالك رباني وشعرك ماشاء الله ما يبي له شي
رغد" شكر
تركي" حجزت الجناح علشان فيه سريرين حبيت تاخذين راحتك في نومتك
رغد".....
تركي" واين تحبين تسافرين انا حاجز على مكان معين وبعده بنسافر للخارج اذا ما اعجبك نغير المهم راحتك
رغد" لا عادي
تركي" لا هذي حياتنا من البدايه لازم تنشارك في اتخاذ القرارات علشان نفهم بعض ونحاول نتاقلم مع بعض
رغد".........
تركي " حجزت جده نروح مكه نا خذ فيها يومين في بيت الله ونرتاح نفسيا قد رحتي مكه قبل كذا
رغد" مره بس وانا صغيره
تركي" رغد حاولي تسترخين ايش فيك شاده اعصابك كذا ومتوتره
رغد"....
تركي" انت خريجة علم نفس
رغد" ايه
تركي" طيب حللي شخصيتي من ملامح وجهي
رغد" هذا اسمه فراسه مو علم نفس
تركي" ايش الفرق
رغد" الفراسه معرفة الخفايا من الظواهر
تركي" الحين انا صدق ما فهمت
رغد" التعرف على خفايا شخصيتك من الملامح والحركات زي مثلا حركة يدك الحين تدل على استرخاءك وحركة يدي المكفته تدل على ارتباكي حركة حاجبك الحين تدل على تصديقك لكل كلامي
وحركة حواجبي تدل على انحراجي
تركي" حلو كلامك جد راقي درستي علم النفس ليش
رغد" دراستي له عن حب في الغوص في اعماق النفس البشريه ولاني احب الخفايا
تركي" يفتخر فيك بصراحه""" تبين تنامين
رغد حمر وجها كثير
تركي " اسفه مو قصدي قصدي اذا مرهقه نامي بسريرك بس
رغد"........
راح تركي سبح ولبس بجامه وطلع تعالي رغد نطالع التلفزيون لين يجيبون لنا الروم سيرفز العشاء
قامت رغد مع تركي عن التلفزيون
تركي" تدرين ايش وظيفتي يا رغد
رغد" لا
تركي" موظف في وزارة الداخلية ما حد قالك ولا انتي ما سالتي
رغد" ما سالت
تركي" طيب انتي تبين تكملين دراستك
رغد" اذا الله كتب لي اكمل فانا اتمنى
تركي " بعد مكه في بالك مكان معين تحبين تسافرين له
رغد" لا
جاء العشاء وتعشوا وبعدها رغد راحت الحمام الله يكرمكم وغسلت المكياج وفكت التسريحه من شعرها وطلعت وتركي عينه بعينها ما شاء الله ما كان له المكياج داعي من اصله
رغد استحت ومشت ونا موا العرسان
رغد اول ما حطت راسها على المخده يالله ايش هالرقي في التعامل ولا الثقه في نفسه وطريقته في النقاش عمر فارس رغم حبي له ما كان ايناقشني كذا فارس مباشرة يبوس وكلام غزل وبس ما احس معاه با اهمية نفسي ابدا ونامت وهي تفكر في شخصية تركي والرزانه في تصرفات وكلامه
البااااااااااااااارت السابع
رغد تفتح عيونها واطالع الساعة 9 الصباح التفت لقت تركي مو في سريره راحت الحمام (الله يكرمكم ) وتسبحت ولبست لبس معدل وطلعت تناظر تركي لقته جالس بالصاله نايم على الكنبه قربت منه
رغد" تركي ..تركي..ترركي
صحى بكسل ويطرقع رقبته
تركي" هلا
رغد" ليش نايم هنا نومتك غلط رقبتك بتنشد
تركي" المهم انتي تكونين نمتي عدل
رغد" انت طول الليل نايم هنا
تركي" ايه
رغد" ليش
تركي " ما حبيت ازعجك او اربك فما تنامين كويس
رغد" طيب روح كمل نومك على سريرك
تركي" كم الساعه
رغد" تسع ونص
تركي" لا خلاص راح ابدل وننزل نفطر ونطلع المطار رحلتنا الساعه 12
رغد" لجده
تركي" ايه انتي جهزي نفسك ولا هذا انتي جاهزه بس انتظريني
دخل تركي الحمام الله يكرمكم ورغد راحت وافتحت شنطته تبي تطلع له لبس على بال ما يطلع لقت في الشنطه دفتر واضح من شكله انه قديم شالته وفتحته كل الدفتر كان رسومات لاشياء حزينه او تحمل طابع الحزن قلبت بسرعه ولقت خاطره اعجبتها حيل وقرتها مره ومرتين وثلاث من زود ما هي اعجبتها
أعلمك لغة الكلام بلا حروف او ذبذبات أو ضجيج لغة التفاهم والحوار والنقاش بلا صراخ ابتسم واعلم ان لك حياة ولهم حياة وكلنا نمضي فيها لافرق بين الصامت والمتكلم ولكن الفرق يكمن فيما قاله المتكلم وما كتمه الصامت فانا اعشق الصمت رغم كثرة كلامي واحتضن الصمت في كلامي فلا اهرب الى الصمت الامن كلامي ولا اتكلم الا من هم اعتلاني ورغم اني اتكلم من ضيقي الا ان كلامي هو سر اوجاعي وصمتي هو سببها فلو كان للكلام فائدة لما كان هو الداء الذي نبحث له عن دواء فلو هربت الى الصمت ذات نهار فلا تخبره انك هربت اليه من الكلام لانك تكون بذالك ترمي نفسك في أحضان الشيء الذي تهرب منه فتعلم كيف تصمت حتى في صمتك كيف تكون صامت وفي كلامك أيضا صااااااااااااااااااااااااااااااااااااااااااااااااا ااااااااااااااااااااااااااااااامت
حست رغد بانها قليلة ذوق لانه فتحت شي خاصه وكيف شكلها اذا شافها تركي رجعت الدفتر مكانه وسكرت الشنطه من غير ما اطلع لتركي لبس
طلع تركي لاف المنشفه على خصره فتح شنطته وطلع له ثوب وغتره
رغد" كنت ابي اطلع لك لبسك بس ما عرفت ايش تحب تلبس هالوقت
تركي" مشكوره البسي عبايتك وانا دقايق واجيك
لبست رغد وانتظرته على الكنبه
تركي" مشينا رغد"
رغد" ........
نزلوا تحت وافطروا وبعدها على المطار
تركي" لو معانا وقت كان وديتك بيت اهلك علشان تشوفينهم بس ما يساعد الوقت
رغد" لا عادي
رغد في خاطرها ما ابي اصلا اروح واشوف فارس ومن جديد اضعف او اسمع شي يخليني اتضايق
في الطياره
تركي مسترخي ورغد مو على عادتها مرتبكه
تركي" ايش فيك رغد جدا شاده اعصابك ومتوتره استرخي عادي من امس وانت كذا ايش فيك
رغد" طبيعي لازم انجرج منك الحين توني اتعرف عليك وانت بعد اتعرف علي
تركي" ما يبي لها بنتعرف على بعض من العشره مو من اول كلمه او حركه
رغد" صح بس الرجال بالعاده يحكمون من اول موقف مو من العشره
تركي" بالعكس الرجال بالعاده يحكمون من المواقف مو من اول موقف زي ما قلتي
رغد" يمكن
تركي " الا واين جوالك سكرتيه
رغد" ما جبته
تركي " ليش
رغد" طاح مني قبل يومين في الحمام ودخل فيه ماء
تركي" والشريحه
رغد ارتبكت شوي "انقرفت منه ما عاد فتحته ناديت الشغاله طلعته ورمته بالزباله
وصلوا مطار جده وراحوا فندق الشيرتون واراتحوا وتغدوا وبعدها نزلوا البحر
تركي يناظر الغروب بعين الفنان او الرسام يتامل ادق التفاصيل
رغد يالله ايش يفكر فيه الحين يا ترى هو كان يحب ولا شنو اكيد يحب كل هالرسومات والخواطر اكيد كان يحب
تركي" رغد..رغد..رررغد
رغد" هلا
تركي " بشنو تفكرين بالذمه
رغد" بالمنظر بس وانت ايش تفكر فيه
تركي" في غروب الشمس كانها تودعنا وهي حزينه
رغد" شلون شايف حزنها
تركي" من لونها ساعة غروبها
رغد" شلون يعني
تركي" ما ادري بس اللون الاحمر المحترق لون حزين
رغد"...........
تركي" عشت في جده اربع سنين لي فيها سوالف مع الغروب
رغد" ايش سوالفك
تركي " ما ادري بس اعشق الغروب اجلس اطالع بالساعت ما امله
رغد" رومانسي كثير انت
تركي" كثير
رغد" وحزين
تركي" لا
رغد" في عيونك لمحة حزن
تركي" لا مستحيل واين شفتيها وانت ما جات عينك بعيني اصلا
رغد" امزح
تركي" زين اللي تمزحين بدال تحفظك ورسميتك الزايده
ومر اليوم الثاني لهم في جده
قبل اذان الفجر بساعتين ونص تركي يصحي رغد
تركي" رغد رغد
رغد صحت بسرعه شنو
تركي " بسم الله عليك ما فيه شي بس ابيك تجهزين بنروح لمكه
رغد" الحين
تركي" ايه الحين
جهزوا ونزلو لمكه
رغد منذهله من النور في مكه من اول ما دخلت كل شوي تنادي تركي
رغد" تركي شوف النور سبحان الله
رغد" تركي شوف وشوف وشوف
لما دخلوا الساحه كانت رغد عيونها فاضحتها من البكاء وكثر ما تحاول تخبي ما قدرت
تركي" رغد خلي دموعك تنزل لا تمسحين دموعك او تستحين منها
رغد في داخلها يا ربي تغفر لي وتسامحني ومليون دعوه بس الاهم كانت المغفره
تركي " ما معاك جوال فما اقدر اخليك تدخلين لوحدك بتضيعين خليك معاي وابكي علشان ترتاحين وتحسين ان الله استجاب دعواتك
دخلها الى الكعبه
( رغد تبكي بحرقه يا ربي فارس يا رب عوضه عني وصبر قلبي وقلبه اللي كانت كاتمته رغد طوال هالفتره طلع وقدام من قدام تركي كان بكاها بشكل جنوني تركي ما حاول يهديها بالعكس كان يقول ابكي وادعي يا رغد
اذن المآذن لندا لصلاه تركي مسك رغد وراح بها لعند ماء زمزم عطاه الماء غسلي وجهك يا رغد وارتاحي
وبعدها طلع معاها بر في ساحة الحرم وصلوا و رجعوا جده كانوا ساكتين طوال الطريق رغد من البكاء متفشله من نفسها وتركي لانه بطبعه هادي فما يحب الكلام رجعوا للفندق في جده ودخلوا رغد راحت الحمام الله يكرمكم وتركي تمدد على السرير وطلب من الروم سيرفز فطور طلعت رغد لابسه روب الحمام تركي ساكت ما حتى طالعها علشان ما يحرجها خذت لها ملابس من شنطتها ورجع الحمام لبست وفك شعره وطلعت اجلست على سريرها وتركي متمدد على سريره
بعدها جاء الفطور افطروا وتمدد كل واح على سريره وهم ساكتين رغد اول ما حطت راسها تفكر ايش في باله ايش يقول عني الحين بعد ما تفشلت وبكيت كل هالبكاء قدامه ومن حقي اني اكون على ذمته وافكر بفارس يا رب ساعدني انساااااه
تركي تمدد ويفكر يا لله يا جدة ايش اتحركين في داخلي
تركي" رغد
رغد" هلا
تركي" اذا بكيتي ترتاحين
رغد" مو دايما ارتاح
تركي "تدرين اني حسدتك لما شفت شلون كنتي تبكين
رغد" ليش
تركي" قلت يا بختها طلعت في دموعها كل اللي كاتمته في داخلها
رغد" مودايما صدقني الدموع تريح احيانا تزيد الهم ما تنقصه
تركي" اخالفك الرأي إذا الواحد يبكي فروحه بخير وقلبه بخير
رغد" انت ما تشوف انها ضعف
تركي" لا مو كذا الصوره متى تكون ضعف لما تبكي من مواجهه احد او موقف بس لما تبكي من قهر ابدا مو ضعف
رغد" وجهة نظر وانا احترمها
تركي" وانا احترمك واحترم كل دمعه نزلت من عيونك
رغد".........
تركي" حاولي تنسين
رغد" ايش انسى
تركي" الشي اللي مبكيك اول مره هو نفس الشي اللي مبكيك اليوم عند الكعبه ""
رغد" متى شفتني ابكي
تركي" في الاستراحه من تقريبا ثلاث اسابيع يمكن
رغد" من واين شفتني
تركي" صدمتي فيني وانت طالعه ومخبيه وجهك لا حد يشوفك
رغد" ايه تذكرت
تركي" تبين تنامين
رغد" ما فيني نوم ......... تركي
تركي" هلا
رغد" ما همك تعرف ليش كنت ابكي
تركي" بصراحه لا
تركي" لسببين الاول حاجه خاصه فيك والثاني يمكن يزعجني هالشي وما اتقبله
رغد" لا يروح فكرك بعيد انا حابه اقولك ليش كنت ابكي
تركي " اذا بترتاحين قولي
وقالت له سالفه عن زميلتها المريضه بالسرطان الكذبه المعهوده وطورتها شوي مع تركي علشان يكون فيه مبرر لبكائها
تركي" الله يعطيها الصحه تدرين من اول ما بكيتي الى هالحظه وانتي اتكلمين بعفويه وارتياح
رغد" ..........
تركي" حلوه عيونك لا بكيتي يصير فيه لمعه جذابه وحزينه بعد
رغد" صدق واين اللمعه وراحت للمرايه تشوف
تركي راح وراها يشوفها وهي اطالع المرايه وقف وراها بعفويه وبدون قصد منه جسمه لاصق في جسم رغد
رغد " ما اشوف اللمعه واينها عيون حمراء بس
تركي" والله فيها لمعه ما تشوفين يالعمياء
لفت رغد جسمها تجاه تركي واين اللمعه اتهبل علي لمعة حزن
مع لفت رغد صار كل جسمها ملاصق لجسم تركي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك