رواية حقوق العشق محفوظة -45
بندر كان واقف وساكت ومذهول من موقف هديل
كان موقف شد اعصاب وتوتر هديل احساسها ماينوصف كيف قالت عن نفسها عاقر عشان سعادة بندر لهدرجة تحبه بس بعد عشان ماتبغى تتركه
ابو هديل مصدوم صدمة حياته كيف بنته تطلع عاقر
بندر كبرررت هديل في نظره زيادة لهدرجة تحبه وتبغى سعادته وقرر يحاول يعوضها ويعاملها احسن كزوجة على الاقل
بعد ماقالت هالكلام لابوها دخل غرفتها وسكت على نفسها الباب
ابو هديل _ ليش ماقلتو لنا
بندر مهو عارف ايش يقول _ ماحبينا نقلقكم بمشاكلنا
ابو هديل وبلهجة منكسر وضعيف بعد ماكان مو ناوي خير ابد _ ماكنت متوقع هالشي ابد معقول بنتي الله يرزقك ياولدي
&&&&&&&&&&&&&&&&&&&&&&&&&&&&&&
في بيت ابو عبد العزيز
دنيا _ يايمه مافيني شي
ام دنيا _ انتي ماتعرفي روحي سوي تحليل
دنيا _ يمه ترى عادي انام كثير لاني اسهر كثير
امدنيا _ انتي بس روحي
عدى اليوم على خير وجات دنيا بتخرج
ام دنيا _ عمار
عمار _ هلا عمه
ام دنيا _ ودي زوجتك المستشفى خليها تحلل
عمار يطالع في دنيا ماقالت له انها تعبانة _ دندون انتي تعبانة ليش ماقلتي لي
دنيا _ عمار مافيني شي
ام دنيا _ لا ان شاء الله بتطلعي زي ماقلت لك
عمار _ ايش الهرجة
ام دنيا _ بعدين هيا تفهمك
دنيا في نفسها _ الله يعين بس وش يفكني من عمار
راحوا دنيا وعمار وكان طول الطريق يسالها ايش فيها وايش الهرجة مو راضية تتكلم
دخلوا البيت
عمار _ يلا ايش فيه
دنيا _ عمور مافي شي ترى الموضوع بسيط
عمار _ ايش فيك
دنيا _ امي تقول عشان انام كثير تبغاني اروح احلل
عمار ماوصلت له المعلومة _ تحللي عن ايش
دنيا _ يووووه عمار افهم
عمار _ دندون اهرجي عادي مو الغاز
دنيا _ تبغاني اروح احلل حمل تقلي ان شكلي حامل
عمار فتح عيونوا على مصرعيها _ هاااااااا حامل انت حامل
دنيا _ ماادري ايش يدريني هذا تشخيص امي
عمار _ طيب يلا نروح المستشفى
دنيا _ عمور شوف الساعة كم 4 الفجر خلينا ننام
عمار _ لامافي نوم وفعلا نفذ كلامه واخذها المستشفى
في المستشفى
الدكتورة _ تعالو بعد ثلاث ساعات وخذوا النتيجة
ياترا حتكووون حامل ولا لا ؟؟
&&&&&&&&&&&&&&&&&&&&&&&&&&&&&&&&&
بعد ماخرج ابو هديل من بيتهم راح بندر لغرفة هديل
بندر _ انتي ليش سويتي كذا
هديل قاعدة على طرف السرير وتبكي
بندر _ ردي علي ليش كذبتي
هديل كانها حابسة شي وقالته بصرخة _ ماابغى ابعد عنك
بندر سكت وبعد فترة من سكوته قعد على الطرف التاني من السرير _ هديل انا اسف
هديل مسحت دمعها _ لا ياولد العم لاتتاسف انت ماخطيت في حقي هذا قدري ونصيبي والحين انت وراك زواج ليش منكد على نفسك
بندر _ تدرين لو منتي موجودة بحياتي ماكنت ادري وش بسوي
هديل ابتسمت من قلبها مررة فرحت بهاذي الكلمة اقل كلمة حلوة من بندر تسعدها
هديل _ يلا انا مواعدة اسيل وغرام
رجعوا البيت وعمار جالس على نار ودنيا في عينها نوم تبغى تنام مو راضي لها لمن يروحوا المستشفى وياخذوا النتيجة
مرت الثلاثة ساعات
عمار _ ها دكتورة بشري
الدكتورة _ مبروك المدام حامل
عمار _حس الدنيا ابتسمت له وحضن دنيا قدام الدكتورة ولا عليه واعطى الدكتورة فلوس للبشارة
ودنيا احساسها كان لايوصف اخيرا راح تصير ام كانت بتطير من الفرح مو مصدقة نفسها
الدكتورة _ المدام لازم لها على فيتامينات ومقويات تاخذها واهم شي الراحة ولاتزعلها ابدا لان هالشي ياثر على الجنين وتاكل كويس وماتهق نفسها في أي حاجة وماتطلع درج في الثلاثة الشهور الاولى
الدكتوره _ وانتي تنتبهى على صحتك واوعي تشيلي حاجة تقيلة مع العملية اللي حضرتك عملاها لازم تنتبهي من أي خطر
رجع عمار ودنيا البيت وهما فرحانين اتصلوا على الكل وبشروهم بالخبر
عمار _ من اليوم ورايح ماتقومي فاهمة انا من بكرة بجيب شغالة
دنيا _ طيب
عمار _ تبغي تنامي
دنيا _ ياليت مرة في عيني نوووووم
عمار طفى اللمبات وجا انسدح جنب دنيا على السرير
عمار _ الله دندونتي مو مصدق نفسي
دنيا _ ولا انا يعني بعد 8 شهور بصير ام
عمار _ ايش نفسك بنت ولا ولد
دنيا _ عادي أي شي اهم شي الخلقة الصحيحة
عمار _ طيب لو بنت ايش بتسميها
دنيا _ انا احب اسم جوان
عمار _ جوان اسم حلو ابو جوان والله حلو
دنيا _ طيب ولو جبنا ولد ايش نسميه
عمار _ عبد الرحمن على اسم ابويا
دنيا _ حلو يلا اللي يجي من الله حياه الله
&&&&&&&&&&&&&&&&&&&&&&&&&&&&&&&&&
يوم الخميس في بيت ابو عبد العزيز
استقبلت رهف عادل وكانوا خجلانين من بعض لكن بدو ياخذو شوية شوية جلس عندها حوالي الساعة اعطاها هدية جوال وسلم عليها وخرج
دنيا _ ياحركات احنا ياهدايا
رهف ابتسمت _ ............
دنيا _ تعالي حكيني
رهف _ استحي على وجهك ايش احكيكي
دنيا _ ايش قال ايش سوى
رهف _ ياسلام ليش ياختي انتي تحكيني عن عمار
دنيا _ عادي تبغيني احكيك احكي
رهف _ لامشكوره انتي وعمار حقك الجرئ هذا
دنيا _ ياعيني يعني عادل اللي مرة
رهف _ والله خجول مو زي عمور
دنيا _ في البداية بس
رهف _ وليه عمار كان في البداية خجول
دنيا _ هههههههههههه الله يقطع ابليسك
رهف _ هههههههههه
دنيا _ خلاص خلاص نفض الخلاف سيبك من زوجي وزوجك وخلينا اخوات احسن
رهف _ يكون احسن
دنيا _ اقول بت وين خلود ماعاد ينشاف
رهف _ مع اصحابه اكيد
في سيارة خالد
خالد اتصل عليها ولا لا ايش تقول عني تروح تحسبني لا ياولد عادي اتصل بس اسال
خالد _ الوووووو
روان _ الوووو
خالد _ السلام عليكم
روان _ وعليكم
خالد _ كيفك روان
روان _ الحمد لله كيفك انت وكيف عمي والبنات
خالد _ الحمد لله طيبين
روان _ .............
خالد _ .............
خالد _ معليش يعني لو ازعجتك
روان _ لاعادي مافيها شي
خالد _ طيب يلا مااطول عليك بس حبيت اشوف اخبارك واسال عنك
روان _ تسلم ياخالد
خالد _ يلا تامريني على شي
روان _ لاسلامتك
خالد _ مع السلامة
روان _ مع السلامة
روان _ الله يالبى قلبك ياخلودي والله صار يتصل يسال يازينوا ياناس ياحبني لك ياخلودي
خالد _ والله يازينها بنت عمي مرة حبوبة وطيوبة مدري احس اني صرت لازم اسال عنها واشوف علومها
&&&&&&&&&&&&&&&&&&&&&&&&&&&&&&
اتظروا تكملة هذا البارت الفصل الثاني في الليل
البارت الثلاثون الفصل الثاني
في اليوم المنتظر بنسبة لاسيل اكثر من سنتين والمنتظر بنسبة لغرام حياتها راح تبتدي في هذا اليوم غرام واسيل بيطيرو من الفرح الاتنين راح يتزوجو باللي يحبوهم كل وحدة اليوم راح ترتبط بفارس احلامها
في الليلة اللي تسبق الزواج في الليل
اسيل قضتها رومنسيات مع بسام اخيرررا راح يتزوجو بسام شعوره ماينوصف فرحة واسيل بعد
اما غرام قضتها تفكير بس وهي مبسوطة كان شعور الفرحة من زمان غايب عنها لدرجة انها نسته لكن في هاذي الليلة كان شعور غير أي شعور النوم ماجفاها من الفرحة غير الايام اللي قبلها كان النوم يجافيها بسبة الحزن والقهر كانت مستحية تكلم بندر لانه مهما كان متزوج بس هو ارسل لها رسالة وهي ردت عليه بعدها قعدت تدووور في وسط غرفتها زي الاطفال وتحضن الجوال وجا على بالها تكتب قعدت على مكتبها ومسكت الدفتر اللي دايم تكتب فيه خواطرها وكتبت
,؛,غــــــــــرام ,؛,
ياعمري اللي ضاع وانا احسب حبيبي خادع خوان
بعــــــد الحبيـــــــــــــب اللي طــــــــال انتظـــــاره
يســــــــــال القــــلب وقـــت اللقـــــــــــــا أيـّـــــــان
جــــــرح الحبيب وخـــــداعه في القلب بقى حبـــه
يجـــــــرح ويطــــــــــعن في القـــــلب احــــــــزان
دفنـــــت نفســــي بالحيــــــا بسبــــــة غلاتـــــــــــه
لكن القلب غير الايام اللي مافيها الحبيب ماهو ندمان
اليــــــــوم راح يتوج الحب يارب يحمينا من حســاده
بندر ياغلا الروح احبـــــــــــــــــــك يااعز انســـــان
بسام ياعـــــــزوة القلب مالي غيرك في الرخا والشده
اسيل يابعد عمـــــــــــــري انتي للوفــــــا عنــــــــوان
دنيا يامهجة القلب قلبـــــــك كبر هالعـــــــــــالم وكثره
فرح رحمــــــــــك ربي يااعـــــــــــز الخــــــــــــلان
هيام رسمـــــــــت حبـــــك في القلب يامبدعـــــــــــــه
اســــــــم على مســـــــــــمى هاذي هي حنـــــــــــــان
القلــــب وده مايفـــــــــارقكم طـــــــــــول عمــــــــره
انتم للابــــــــــــــــــد في القلــــب سكــــــــــــــــــــــان
&&&&&&&&&&&&&&&&&&&&&&&&&&&&&&&&&&&
كان من اسعد ايام غرام لكن من اتعس ايام هديل
كانت هديل تجهز له شنطة باغراضه وهو كان يساعدها مبسوط
بندر _ ايش رايك بالقميص هذا
هديل والدمع على خدها بس ماتبين _ حلو
بندر _ اجل حطيه اممم ايش اخذ هذا ولا هذا
هديل في نفسهها _ يالله صععععب يابندر قدر موقفي واسكت
هديل _ على كيفك
بندر مسك يد هديل _ هديل انتي تبكين
هديل مسحت دموعها باليد التانية _ لا ماعليك عادي
بندر قعد هديل وقعد جنبها _ شوفي هديل ترا لك معزة في القلب خاصة تكونت من اخلاقك ومواقفك معي أي وحدة تانية ماكانت سوت كذا انتي غير عن كل البشر هاذي الصراحة انتي الحين السبب في سعادتي ياليت ياهديل مااشوف دموعك لاني ازعل لمن اشوفها والله
هديل مسحت دموعها _ خلاص لاتنكد على نفسك عشاني
بندر _ انا جرحتك كثيررر وكلمة اسف يمكن ماتبري الجروح بس مااملك غيرها وغير اقولك شكرا لانك رجعتي لي الحياة بعد مافقدتها وكمان انتي الحين زوجتي الاولى وصاحبة معرووف علي عمري ماانساه
هديل فرحت بكلمة زوجتي الاولى لاول مررة تشوف بندر يقولها زوجتي _ مايحتاج اسف اهم شي اشوفك مبسوط
بندر _ لهدرجة تحبيني
هديل رخت راسها وابتسمت
&&&&&&&&&&&&&&&&&&&&&&&&&&&&&&&
دنيا جالسة تاكل فواكه _ عمار بطلب طلب
عمار _ امري يام عبد الحمن
دنيا _ ابغاك تسال عن هيام فينها امس حلمت فيها احس انها متضايقة احس انها زعلانة
عمار _ طيب راح ادور
دنيا _ اوعدني
عمرا _ والله وعد
دنيا _ تسلم حبيبي
دنيا _ تصدق عمار اني طفشت من البيت
عمار _ الدكتورة قال في الشهور الاولى لاتكثري خرجات
دنيا _ طيب مافي شي اتسلى فيه انت تروح الدوام وهذي تشتغل وانا يااكل ياانام
في اليوم اللي بعده
عمار جاب لدنيا بلاستيشن 3 عشان تتسلى فيه بدل ماتطفش
دنيا _ تسلم عموري الله لايحرمني منك
عمار _ هاتي بوسة عشان تكمل
دنيا _ هههههههههههه ها وهذي بوسة
عمار _ يازين البوسة ياناس ويازين صاحبة البوسة
في اليوم اللي بعده
في بيت ابو عبد العزيز
دنيا ووامها ورهف وابوها وخالد واحمد جالسين
دنيا _ عمار قلي انها في مكة ساكنه
ام دنيا _ حسبي الله عليه الكلب اخذ البنت شردها
دنيا _ انا بروح لها بكرة
ام دنيا _ لا انتي لاتروحي انتي حامل انتبهي على نفسك
دنيا _ يمه كل شي الا هيام وبعدين عمار معايا ان شاء الله مارح يصير فيني شي
ابودنيا _ والله لااوريه هالخسيس انا نازل معاكم بكرة
&&&&&&&&&&&&&&&&&&&&&&&&&&&&&&&&&&&&&&
نرجع لليوم الزواج اليوم المنتظر
تجهزو اسيل وغرام باحسن صالون بجدة وكانت معهم حنان وام اسيل وخالات اسيل
اسيل كانت متوترة مررة بعكس غرام اللي كانت مبسوطة وبس تضحك وتمزح
العرسان
راحو مع بعض لنفس الحلاق تقريبا سوو كل شي مع بعض طبعا العرسان مين قدهم كل واحد مبسوط اكثر من الثاني بسام على قولتهم عفن وهو خاطب واخيرا بيتزوج وبندر حب حياته وحلمه اخيرا تحقق مع مآسي ومعاناة
في القاعة
في غرفة العروس اسيل
اسيل _ الحين يالملقوفة روحي غرفتك
غرام _ ماابغى ابغى اقعد هنا عندك مانع غرفة مرت اخوي
اسيل _ متوتررررة
غرام _ يابت ايزي عادي اشبك ههههههههه
حنان _ اشبك يابت اتهبلتي من غير شي
ريهام _ اكييد ابو العيون الزرقا هبلها
غرام _ ههههههههههههههه
ريهام _ لا مو طبيعية البنت
غرام _ اممم خمنو بنات اول شي حاجيب بنت ولا ولد
حنان _ ايش الهبال هذا وقته
غرام _ يلا ابغى اشوف التوقعات
ريهام _ انا اقول بنت
حنان _ توأم ولد وبنت ايش رايك
غرام _ وااه حنون تكرهيني تبغيني اشد شعري ولد وبنت مررة وحدة ههههههههه اسولة وانتي
اسيل كانت متوترة وتهز رجولها واللدموع بعيونها
غرام _ اسيييل صنجة
اسيل _ هااا وجعع حتجيبي عفريت غبي زيك
غرام _ هههههههههههه يعني بنتين وولد وواحد وعفريت هاذي هي تصويتات
حنان _ بنت جد ايش فيكي مهبولة
غرام _ والله مرررررة بمووووت من الفرحة وماابغى ابكي يكفي الايام اللي ضاعت بدموعها ابغى حياة جديدة
ام اسيل طلعت لهم ودخلت
ام اسيل _ يابنات بسام وبندر بيطلعو
اسيل _ يلا ضفي وجهك على غرفتك
غرام _ لا ماني رايحة ابغى اسلم على اخويا
اسيل _ قطيعة عزول من جد
حنان _ بنت برررة قدامي
غرام _ مافي هيا مااتزوج واحرق نفسي ها
اسيل _ لا خلاص عادي انزفي معانا لو تبغي بعد
خرجو حنان وريهام ودخل بسام
بسام _ خييير في شي زوجك يستناك
غرام _ بسوي فيه مقلب خليه يستناني انا استنيته كثيرر
اسيل _ الصراحة بسوم اليوم اختك مسطولة
غرام تصفر _ ايش القمر دااا مووووز ياولد خطيرر طالع ماشاء الله كذا تخفق
بسام _ احم احم تسلمي عيونك الحلوة يلا ضفي وجهك انا اليوم هذا مستنيه تجي حضرتك تخربيه يلا طيري لزوجك
غرام _ طيب اسلم عليك
سلم عليها ولمن سلمت عليه بغت تبكي لكن مسكت دموعها لانها قررت انها ماتبكي في ذا اليوم
وهي عند الباب _ تبغون شي
بسام _ برا لا شلوت يطيرك عند حبيب القلب
غرام استحت من كلمة حبيب القلب وراحت وهي تضحك وقفلت الباب
بسام _ لزقة مابغت تروح اسيل
اسيل _ نعم
بسام _ ايش الجمال ده
اسيل سكتت مستحية
بسام _ اخيررررررررا
اسيل ضحكت _ الحمدلله
بسام _ اليوم حلم حياتي تحقق
&&&&&&&&&&&&&&&&&&&&&&&&&&&&&&&&
نتقدم لمشكلة وحدة نسينها الا الدنيا نستها لكن بيظل في اهل يحبوها
في سيارة عمار
نزل ابو عبد العزيز وام عبد العزيز ودنيا وعمار
وصلوا عند بيت ابو هيام في مكه عرفوا العنوان من صاحب عمار عسكري في مكه
نزلوا دقوا الباب فتحت لهم الشغالة ودخلوا
دنيا _ هيااااااااااااااااام هياااااااااااااااااام
دلال _ هي انتم وين رايحين وكالة من غير بواب هيا
ام عبد لعزيز _ انتي اسكتي يالكلبة
دلال _ احترمي نفسكم تراكم في بيتي ومالكم بنت عندي هنا
ابو عبد العزيز _ وين السكرجي زوجك نتفاهم معاه
دلال _ والله ماادري عنه فين
دنيا _ وخري كذا وين هيام
دلال _ اقول ابعدوا قلت لكم مافي
عمار دف دلال وسحب دنيا وطلعوا فوق جلسوا يفتحوا الغرف كلها يشوفوا فين هيام وابو عبد العزيز وام عبد العزيز جالسين يتضاربوا مع دلال تحت
دوروا الدور كله مالقو لقو غرفة صغيرة مرة فتحوها شافت هيام جالسة على الكرسي حقها تبكي
دنيا راحت جري وحضنت هيام وصارت تبكي هيومة وينك ياهيومة وحشتيني
هيام _ اطلعي برا
دنيا _ هيام انا دنيا
هيام بصراخ _ اطلعي برا
دنيا _ هيومه انا دنيا انا جاية اسال عنك واخذك من هنا
هيام تزعق _ برا برا فينك من زمان ولا نسيتي هيام خلاص دوبكم تفتكروني انا ماعاد ابغاكم انا ابغى اموت انا اكرهكم كلكم اتخليتوا عني حتى انتي اللي كنت اعدك اختي انا مالي في حياتي غير امي وشهد وهما راحوا وانا يارب اني اموت والحقهم وارتاح الدنيا ماعاد تستاهل انا تعبت خلاص ماعاد ابغى اشوف احد خصوصا انتي برااااااا
صارت هيام في حالة يرثى لها خرج عمار دنيا مايبغاها تتاثر نزلوا تحت ودنيا جلست تبكي خرجوا وهما معصبين كلهم
ابو عبد العزيز _ الله ياخذه هالرجال شفت كيف معيشالبنت
دنيا تبكي _ يبا احنا قصرنا معاها هيام مرة تعبانة
ابو عبد العزيز _ والله من يوم راحت وانا ادور عليها في جده واتاريه الكلب داسها هنا
عمار _ دندون لاتبكي هيا دحين عشان اول مرة تشوفنا راح ننزل لها ثاني ونكلمها
ام عبد العزيز _ يمه لاتزعلي نفسك انتي حامل مو كويس عليك
نزلوا جده وحكوا الكل عن اللي شافوه رهف انصدمت من الكلام وقرروا بكرة ينزلوا ثاني
&&&&&&&&&&&&&&&&&&&&&&&&&&&&&&&
نرجع لاحلا عرايس
بندر دخل الغرفة ومالقاها
رشا _ هي عند اسيل الحين تجيك
بندر _ ياسلام لاتكون اسيل العريس
رشا _ ههههههه اما غرام يابندر عسسسل مررة واليوم بذات دمها خفيف جد
بندر _ طيب روحي ناديها بس
راحت رشا وقابلتها وهي جاية على الغرفة
رشا _ ابو العيون الزرقا زعلان وبدا يغار من اسيل
غرام _ هووووه الله يعين ماعليك الحين اروح اراضيه بطرقي الخاصة
رشا _ ايش بتبوسيه
غرام _ لاتخليني اتهور
رشا _ ههههههههه روحي بس
دخلت غرام وقفلت الباب وراها ووقف بندر
وجات عليه على طول وحضنو بعض >> ياولد على الرومنسية
بندر نسي ابو العتاب كان بيعاتبها تاركته ورايحة عند اسيل
غرام _ احبك
بندر_ انا مااحبك
غرام _ اعشقك
بندر _ لا اهوااااااك
غرام ابتسمت بخجل
&&&&&&&&&&&&&&&&&&&&&&&&&&&&&
في ظل الجواء الحلوة والرومنسية هاذي كانت في اجواء تانية في قلب انسانة كانت تظهر الفرحة والارتياح لكن من جواتها كان في قلب وحزن وجرررح كبير هزها قلبها كان ينزف دم تساعد في زواج زوجها والله صعبة عليها كيف سوت كذا ليش جمعتهم بعدين ترجع لعقلها بعد التساؤلات هاذي وتقول ان سعادتها بسعادتهم جعل ربي مايفرقهم
هاذي انسانة كلمة طيبة قليلة عليها وتراها ابد مو ضعيفة يعني كل الي بيشوف شخصيتها بيعتبرها ضعيفة لكن هي يمكن تكون من اقوى الناس لانها تحملت اللي صعب تتحمله أي مرأة في سبيل سعادة زوجها اللي تحبه حب يسمى من جد حب حقيقي من كل قلبها
......
وقت الزفة
دخلت اسيل بفستانها الابيض الناااعم جدا وعلييه تطريز بالابيض والبمبة الفاتح وكانت الطرحة لونا بمبة فاتح وعليها تطريزات ابيض وطبعا الورد اللي ماسكته اسيل كان بمبة ولا بسة صندل ( الله يكرمكم ) بمبة كله فصوص بيضة يهبل وكانت رافعة شعرها كله
دخلت على انغام موسيقى روووعة رومنسية تعيشك في عالم تاني وصارت ترمي ورود على القاعة الورود كان مكتوب عليها اسم بسام واسمها
القاعة كانت عبارة زي بلكون كبير فوق وينزل منه سلم من اليسار كبير ومايل بعدين فيه مكان دائري حاطين عليه الكيكة وسلم تاني بشكل مايل يوصل للكوشة وللناس تحت
بسام كان ينتظر اسيل في المكان الدائري
ونزلت بعد مارمت الورود له باس راسها واكلو الكيكة ولبسو الدبل وبعدين بدت اغنية للزفةرووعة رومنسية وهادية نزل على انغامها اسيل وبسام وصار يطيح على الناس شي زي الثلج رقصو اسيل وبسام وقعدو
نقطع نشوف قصة معناة انسانة
&&&&&&&&&&&&&&&&&&&&&&&&&&&&
في مكة
عمار _ شوف ياعبد الهادي البنت بناخذها معانا
ابو هيام _ انا بنتي ماتخرج مع احد
ابو عبد العزيز قام يضرب ابو هيام _ والله يالخسيس لو ماخليتها تجي معانا لاانسيك اسمك
ابو هيام _ اعلى مافي خيلك اركبه بنتي ماتخرج معاك لو مينننن
طبعا ابو هيام ماخلاهم يشوفوا هيام ورجعوا خايبين الامل
في بيت ابو عبد العزيز
رهف _ لازم نشوف لها حل تجي عندنا هيام تلاقوا نفسيتها تعبت
دنيا كانت بس تبكي كان احد ميت عندها
عمار _ يادنيا لاتبكي خلاص راح نجيبها غصب عنو
دنيا تبكي _ ياعمار هذي زي اختي ماارضى عليها شوفوا كيف حالتها لازم تسوا شي هيام لازم ترجع عندنا
ابو عبد العزيز _ اسمعوا بكرة انزلي انتي وكلميها يمكن تهرج معاك
دنيا _ يارب يايبا
في غرفة هيام
هيام _ يالله ليش الدنيا كذا دوبهم يفتكروني ياليتكم جاين من زمان فينكم كل هذي المده بعد ماشفت الويل من دلال جاين انا اكرهم كلهم ومابغاهم لا ياهيام لاتظلميهم لو مايبغوك كان ماجوا حتى دحين ليش انا رفضت اقابل دنيا رغم اني اشتقت لك يادنيا وحشتني ايامك ليش يالله راح يرجعوا ثاني ولا خلاص انا مو عارفة ايش اسوي ياربي
&&&&&&&&&&&&&&&&&&&&&&&&&&&&&&
نرجع نشوووف لزفة اكثر بنت تعبت على بال ماتجمعت مع حبيبها
وجا وقت زفة غرام
فستان غرام كان لونه ابض خالص كان يهبل وعليه كريستالات كثيرة وحلوة ومو منفوش مرة من تحت وماكانت لابسة طرحة لبست تاج الماس وشعرها كاان مررة طويل لانها بالفترة اللي فاتت ماقصته رفعت شوي منه بطريقة تهبل مع التاج والباقي مفتوح كان شكلها رووعة مع مكياج اسود يناسبها وروج احمر ورود طبيعية حمرا ماسكتها بيدها
ظلمت القاعة ودخلت هي من جهة وبندر من جهة في البلكون على انغام موسيقى لكن مسجل عليها شعر كتابة بندر وصوته الكل انذهل من الشعر اللي يهبل وكلمات رومنسية مالها مثيل وعلى شكله وشكلها الرووعة
بندر كان لابس بنطلون ابيض وقميص ابيض فاتح الازارير فيه شكله مهند العرب كان
وصارت تقرب له غرام بعدين ركع قعد على ركبته قدام الناس وقدم لها الخاتم حق الزواج ( زي الاوربيين ) ولبسها اياه وهي لبسته
كانت زفة اوروبية على قولهم بشكل غرام وشكله
كانت الاغنية تزف غرام لفرحتها وحلمها وتزف هديل لالمها وحزنها
هديل كانت لابسة عبايتها ومغطية وقاعدة بعيد بس تشوفهم وقعدت تبكي وصوت بكاها مابان مع صوت الزفة حست باحاسيس متناقضة وش اللي سوته بحالها خلت زوجها يتزوج غيرها ليش ماحاولت معاه يمكن كان ينسى غرام بس كان احساسها التاني مناقض لهذا كانت تحس بفرحة لمن تشوف بندر مبتسم لكن تحس بغصة لمن تشوف مين جنبه تقلبت عليها المواجع وتذكرت يوم زواجها كيف كان وايش صار بعده لمن بندر اعترفلها انه مايبغاها ولا يحبها وطعن على قلبها بسكين جرحه ينزف للان كااانت تبكي بصوت بعيد عن الناس وماكان احد حاسس فيها ولا سامعها مع صوت الزفة تحسرت انه بندر الحين مبسوط لكن معاه عمره ماكان مبسوط كذا
هديل _ يارب خليه دووم سعيد ولاتفرقهم يارب
&&&&&&&&&&&&&&&&&&&&&&&&&&&&&&&&
جلسوا دنيا وعمار يوميا ينزلوا مكة عشان هيام لكن هيام تكلم دنيا وتسمعها كلام زي السم صارت نفسيتها محطمة كرهتهم كلهم ماعاد تبغاهم وفي نفس الوقت نفسها تعيش معاهم وترتاح من عذاب دلال لها
مر اسبوعين من المحاولات مع هيام ولكن مافي امل ان ابوها يخليها تجي معاهم وهيا هيام صارت تشكي لدنيا عن حالها لكن مافي يدها انها تمحي كل الماضي كانت تشكي معاناه مع دلال معاناه مع المرض معاناه من فقد امها واختها
في غرفة رهف
رهف _ عادل انا في بالي شي نقدر نرجع هيام بيه
عادل _ ياليت والله يارهوفه والله محزنتني بس ايش في بالك
رهف _ بما ان هيام تبغى تجي بس ابوها مانعها احنا نتفق معاها على شي وغصب عن ابوها نجيبها
عادل _ يعني نشردها ولانخطفها لو عرف وشكانا راح يجازوا عمي
رهف _ ومين قال نشردها
عادل _ اجل
رهف _ نزوجها
عادل _ نزوجها
رهف _ ايوا
عادل _ كيف
رهف _ اسمع
&&&&&&&&&&&&&&&&&&&&&&&&&&&&&&&&&&&&&
نرجع بالزمن اسبوعين في يوم كان خاص بنسبة ل4 عشاق
راحو لنفس الفندق الاتنين وكل واحد كان له جناح يهبل
عند بندر وغرام
بندر_ اخيرا تحقق حلمنا ماني مصدق
غرام _ ولا انا
بندر _ بعد كل ما مرينا فيه
غرام _ فاكر اول مررة تقابلنا
بندر _ هذا اليوم اهم يوم بحياتي لاني شفتك فيه وعرفتك واحلى صدفة انك نسيتي جوالك
غرام ضحكت لان في الحقيقة هي تعمدت تنساه بس سكتت
غرام _ ترا حبك اتعبني
بندر _ وانتي حبك جنني
وقرب منها وباسها
...........توووووووووووووت
&&&&&&&&&&&&&&&&&&&&&&&&&&&&&
بسام بصوت عالي مبسوط رمى البشت بالارض _ يانااااااااااااااس ياعااالم
انا مبسوط اخيررررررررررررا تزوجنا
اسيل _ بسام اتجننت
بسام _ ايوا جبتيها انا مجنون بيكي
بصوت عالي _ يانااس انا مجنوووون اسيل احبها احبها
اسيل _ خلاص بسام بتفضحنا
بسام _ تحبيني
اسيل _ والله ايوا بس انت اقعد
ضحك بسام وقعد
&&&&&&&&&&&&&&&&&&&&&&&&&&&&
اليوم الثاني تقابلو العرايس بالمطار وودعو بعض
غرام وبندر راحو على تركيا
اسيل وبسام راحو البرازيل
عند الوصول
بندر _ راح الفلفك البلد شبر شبر
غرام _ واااو خبير انت هنا عااد
بندر _ طبعاااااا تركياراح تسجل قصة حبنا مع نور ومهند ولميس ويحيى
غرام _هههههههههه ياسلام
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك