رواية حقوق العشق محفوظة -44
عمار _ اهم شي انك تنبسطي ماعليك في الفلوس
دنيا _ ياحياتي انت
عمار _ بس ياحياتي مافي بوسة
دنيا تطلع لسانها _ لا مافي
عمار _ يابت احسن لك
دنيا _ ماابغى بكيفي
عمار _ راح تندمي
دنيا _ لالالالالا
قرب عمار من دنيا وشالها
دنيا _ ههههههههههههه نزلني
عمار _ لالالالالالالا
دنيا _ ههههههه يلا انت اللي بتتعب
عمار _ من ثقلك عاد زي الريشة ونزلها على السرير
دنيا _ ليش نزلتني كنت مبسوطة
عمار _ مو قلت لك راح تندمي
دنيا _ ههههههههههههههههههههه عمار بعد انت من جدك هههههههههههه
&&&&&&&&&&&&&&&&&&&&&&&&&&&&
بعد فترة
غرام _ فاكرة يااسيل لمن كنا كل سنة لازم نتجمع فيذا المكان
اسيل _ طبعا خسارة كان ودي يجو اليوم اعزمهم على زواجنا
غرام _ والله دقيت عليهم كلهم جوالاتهم خارج الخدمة
اسيل _ يالله يالقهر والله وحشووووني موووت ودي اشوف دنيا بهبالها ومزحها وفرح بانوثتها وحنان برزانتها وكاميرتها تتذكري كانت ماتروح مكان الا تشيل معها الكاميرا
غرام _ ايه والله وهيام وفلسفتها ورجتها
اسيل _ ولا كل يوم وتصميم جديد وودها تنافس ايلي صعب
غرام _ والله بمووت واشوفهم مررة اشتقت لهم ولا فهودي ولد فروحة اكيد كبر الحين
اسيل _ حركات فروحة ام تصدقي حتى لمن اسال عنهم بالجامعة دنيا سحبت ملفها وهيام منقطعة وحنان ساحبة ملفها وفرح بعد ساحبة ملفها
غرام _ الله يستر بس لازم نوصل لبعض
اسيل _ اكيييد تذكري اخر مرة رحنا فيها الكباين مع بعض يوم بسام خطبني
غرام _ اوووه هاذي كانت فيها احداث تهبل فاكرة بيومي يوم كات تتريق على فروحة وعليك ولا يوم طلعنا نشجع يوم فازت السعودية ودنيا كانت بسيارة عمار
اسيل دمعت عينها _ والله وحشوني
في نفس المطعم بس في جهة تانية
حنان _ والله يافيصل كنا دايم نتجمع هنا
فيصل _ ايه ادري فرح كانت تحكيني دايم
حنان _ والله وحشوني مررة ودي اشوفهم
فيصل _ طيب اسالي يمكن اليوم موجودين
حنان _ صح اليوم هو اليوم اللي كنا دايم فيه نتجمع
سالت الجرسون على واحد يشتغل عندهم اسمه بسيوني هو دايما كان يحجزلهم بس للاسف عرفت انه ترك الشغل ورجع بلاده
حنان _ طيب طاولة 6 اليوم محجوزة
الجرسون _ ايوا مدام
فيصل _ باسم مين
الجرسون _ ماادري اروح اتاكد لكم
ياترا حيتقابلووو ؟؟؟؟ ولا لا !!! ( نشوف بس بعد مانمر على العرسان )
دنيا وعمار مبسوطين مرة في شهر عسلهم
عمار ماكان عارف كيف يفتح لدنيا موضوع العلاج
عمار _ دندونتي تعالي ابغاك في موضوع
دنيا _ شبيك لبيك دندون بين ايدك
عمار _ ههههههههه تعالي طيب
عمار _ اسمعي دندون بقول لك شي بس ماابغاك تزعلى
دنيا عقدت حواجبها _ خير عمار احد صار له شي
عمار _ لالا هو شي يخصني ويخصك
دنيا _ عمار ايش فيه
عمار _ ............
دنيا _ عمور تكلم
عمار _ اسمعي هو شي بسيط مرة وبس عملية بسيطة وكل شي يرجع زي زمان وانا كلمتك في هذا الوقت لانه كل ماتاخر العلاج راح يصعب بعد كذا
دنيا _ عمار علاج ايش
عمار _ اسمعي دنيا انا بقول لك كل شي بس اوعديني ماتزعلي مني
دنيا _ وعد يلا اهرج
عمار _ شوفي وحكاها انه لمن ضربها اثر على الرحم واجهضت الجنين بهذا السبب وانها محتاج لعملية بسيطة مره
دنيا تبكي _ لا عمار ليش ماقلتوا لي من اول ليش ماقلتوا لي اني صرت مااجيب عيال
عمار _ هووووووووووش لاتقولي كذا ان شاء الله بنجيب عيال يملوا علينا البيت وزي ماقلت لك العملية بسيطة مره
دنيا _ ........... تبكي
عمار اخذها في حضنوا لاتبكي انا قلت لك ان الموضوع بسيط
دنيا _ عمار لو مانجحت العملية
عمار _ لا ان شاء الله راح تنجح
دنيا _ لو ايش حنسوي
عمار _ عادي نرجع السعودية ونكمل حياتنا ونحاول ماراح نيأس
دنيا تبكي _ عمار لو مانجحت العملية راح تطلقني
عمار مسح دموع دنيا بيدوا _ لاعاد اسمع هالكلام مفهوم
دنيا _ عمار انت مالك ذنب كل انسان يتمنى يشوف عياله
عمار _ ادري وان شاء الله راح نشوف عيالنا ونربيهم ويجننونا كمان
دنيا _ عمار انا خايفة لو مانجحت
عمار _ ان شاء الله بتنجح
دنيا _ طيب لو مانجحت راح تتزوج عليا
عمار _ هووووووووووش دندون ايش هالكلام ترى والله ازعل ايش اطلقك واتزوج ليش هذا كله
دنيا تبكي بصوت عالي _ لاني مااجيب عيال
عمار رفع راس دنيا وخلى عينها بعينوا وبكل حب _ انا لو يخيروني بين مليون ولد من صلبي وبينك راح اختارك مايهمني اذا جبنا عيال ولا لا اهم شي في حياتي انتي انتي كل شي في حياتي يادنيا فاهمة يادنيا يعني ماابغى اسمع الكلام اللي يزعل هذا مرة ثانية
دنيا تبكي ودفنت راسها في حضن عمار وصارت تبكي اكثر
الحد الفاصل بالبارت الجاي راح يتقابلو ولا وكمان دنيا اكتشفت حقيقة مرضها وانهارت راح تتعالج ولا وممكن ترجع تجيب عيال
البارت الثلاثون الفصل الاول
حنان _ يالله اشبه تاخر
فيصل _ صلي على النبي ماعدت خمس دقايق
حنان _ ماابغى اعرف خليني اروح اشوف الطاولة بنفسي ولو طلعو ناس غير بتاسف وخلاص
فيصل _ روحي طيب دقيقة حنان وين فهد
حنان _ ماادري دوبه كان هنا
فيصل _ الولد هذا بيطلع لي قرون
.......
في جهة تانية من المطعم
اسيل _ ايش اسمك حبيبي
الطفل _ فهوتي
غرام _ ياقلبو عليك تجنن يافهوتي وين ماما
فهد ياشر بصباعه يعني هناك
اسيل _ كم عمره ياربي
غرام _ شكله كذا سنيتن وشوية او 3 سنين
.............
حنان وفيصل قامو يدورو عليه
واثناء ماهي تدور قربت من طاولة 6 وحست باحساس غريب راحت عليها وشافت فهد
حنان _ فهد
غرام واسيل رفعو وجوههم عليها وطالعو فيها
حنان انتبهت لهم
فهد _ مااااماا
كانت في ثواني ذهول وصمت كانهم كانو يبغو يتاكدو من ملامح بعض او انهم يبغو يستوعبو انهم من جد لاقو بعض
حنان _ غررراام اسييل
اسيل _ حنااان
&&&&&&&&&&&&&&&&&&&&&&&&&&&&
نقدم الزمن شوي ونشوف دنيا وعمار وش بيسوو
راحوا دنيا وعمار وسوا الفحوصات وقرروا موعد عملية دنيا بكرة رجعت البيت وهيا خايفة من بكرة خايفة ماتنجح عمليتها خايفة انها تفقد الامومة
مع اشراقة شمس يوم جديد
عمار _ لااله الا الله
دنيا _ محمد رسول الله
دنيا _ عمار ادعيلي
عمار _ الله معاك استودعتك الله
دخلت دنيا العمليات
وبعد مرور ساعتين خرجت
عمار _ ها دكتور كيف حال المريضة دنيا
الدكتور _ بخير الان ولكن تحتاج لقسط من الراحة
عمار _ وكيف العملية هل نجحت
الدكتور _ نعم نجحت بنسبة 90 %
عمار _ افهم من كلامك اننا نستطيع الانجاب
الدكتور _ اذا اراد الرب ليس لديكم أي موانع تمنع من الانجاب ولكن لابد من الراحة اولا
عمار _ اشكرك يادكتور
دخل عمار على دنيا وهو مبسوط بشرها بنجاح العملية وبعدها خرجها على البيت
&&&&&&&&&&&&&&&&&&&&&&&&&&&&&&&&&&&&
نرجع للقاء الاحبة
قامو اسيل وغرام
مسكت اسيل حنان من كتفها
اسيل _ ماني مصدقة حنان انتي قدامي من جد
حنان _ اسيل اشتقتلكم
وطبعا اخذو بعض بالاحضان وهما يبكو
غرام _ حنان جد والله وحشتينا ماكنت متخيلة اني اشوفك
اسيل _ دوبنا كنا نهرج عنكم وعن جمعاتنا
حنان _ وانا دوبي كنت اهرج عنكم مع فيصل
غرام واسيل تفاجاو اسسم فيصل وفهد يقولها ماما جا على بالهم تشابه اسماء
غرام _ مبروووك يابت الولد العثووول هذا يجنن متى جبتيه ماشاء الله سريعة
حنان كانت تبكي عشان هما تلاقو صارت تمسح دمعها تحاول تخبي دمع لالم وحزن عمره مايتنسى _ يابنات هذا ولد فرح
اسيل وغرام يطالعو بنظرات استغراب ومهم فاهمين الوضع ابد
اسيل _ ولد فرح على طاري فرح وينها اكيد جات معك صح
حنان قعدت على الكرسي وبوجه يحمل في تعابيره حزززن عمييق _ ارسلت لكم رسايل على البريد كلكم بس شكلكم ماعرفتو
اسيل _ انا ايميلي الاول تهكر من زمااااااان
غرام _ انا ايميلي ضاع مني ايش السالفة حنان ايش ارسلتي
حنان صارت الدموع تنهمر من عيونها _ فرح ماتت
غرام صدمت بهذا الخبر ماستوعبت وسكتت
اسيل _ ايش تقولي حنان تمزحي معانا هذا شكله مقلب منكم مسوينه وتخله فهد يقولك ماما
حنان دموعها على خدها _ الله يرحمها ماتت بالخبيث ماتهنت بفهد ماتت وهو عمره شهور مايحبي حتى
اسيل _ نزلت دمعتها _ يابت هذا مقلب ياشيخة تضحكين على مين
اسيل كانت تحاول تكذب الخبر وهي تبكي
غرام في نفسهها _ في الفترات الاخيرة فرح كانت متغيرة كان باين عليها تعب وحنا ماحسينا فيها كانت كل وحدة ملهية بحياتها ولا حتى حضرنا عزاها اككيييد فرح كرهتنا ماوقفنا معاها في ازمتها فرح اللي كانت راعية فزعة وتهب تساعد أي وحدة فينا مالقتنا في وقت عوزتها معقول مااشوف فرح تاني معقول فرح راحت من الحياة اختفت معقول سابت ولدها وراحت تركت فيصل تركتنا
اسيل _ لا حنان مو معقول فرح كانت تحب الحياة وحبوبة كيف تموت لساعا صغيرة ماتت كيف تموت من غير مانشوفها نسلم عليها لا مااصدق ماراح اشوف فرح تااني لاحنان قولي غير هذا الكلام
فهد يشد في عباية حنان ووجهه حزين _ ماما اثبتم تبتو ماما لاتبتي
اسيل سمعت الكلام منه من هنا وصارت تشهق بالبكا وقعدت على ركبها عشان توصل مستواه وحضنته
وهو كان حزين على شوفتهم يبكون بس مو عارف اللي يبكون عليها امه الحقيقية
اسيل _ ياحياتي الله يرحمها يارب
غرام صارت تنزل دموعها وهي مصدومة وحنان المسكينة مهي قادرة تتكلم من البكا كانت تطالع في فهد وعينها حسرة عليه ماتهنا بامه
تركت اسيل حضن فهد ومسكت ركب حنان _ حنان واللي يعافيك والله ماني مصدقة قولي انك تمزحي مو معقول يانااس فررح ترووح ليش
حنان زاد بكاها من كلام اسيل _قبل لاتموت وصتني عليكم ووصتني اوصل سلامها لكم كانت ياقلبي زلعانة اننا تفرقنا من غير اسباب كانتوده تشوفكم قبل لاتمووت قالتلي قولي لهم اني احبهم كثير
تررد صدى كلمة تحبكم في عقل غرام واسيل وكانت تعور قلوبهم
فهد مسك عباية حنان _ ماما ايث فيه
شالته وحطته فوقها وحضنته _ ووصتني بهالوصية بعد ( تقصد فهد )
اسيل كانت ركبها على الارض قعد على الارض وضمت رجولها وصارت تبكي _ يابعد عمري الله يرحمها والله صعبة تروح وتتركنا بغمضة عين والله صعب ذكرياتنا مع بعض من حنا صغار بالابتدائي كبرنا مع بعض وماتفرقنا يارب ليش تفرقنا ويوم اننا نتجمع مانلاقي فرح ليش يارب والله انا احبها والله العظيم امموت فيها
غرام كانت تبكي وهي ساكتة مصدومة من الموقف وكان ماثر فيها مررة شكل حنان مع فهد وفهد المسكين مو فاهم شي انحرم من امه وهي انحرمت من اعز صديقاتها
غرام _ لمن قلتيلي الخبر مر في عقلي شريط ذكرياتي مع فرح من اول يوم عرفتها فيه وحنا صغار الين اخر مرة شفتها فيها وهي ام حسيت اني ماعشت معاها مايكفي كنت اظن زمان اننا مستحيل نفترق لكن تفرقنا لكن الحين تجمعنا لكن في فراق مابعده جمعة ابد الموت الموت اخذ روحها الغالية مني مااملك الحين الا دعائي لها يارب اجعل مثواها الجنة وجمعنا في الجنة ااااااااااااه يافررح اشتقت لك افتقدتك
فهد المسكين لمن شافهم كلهم يبكو بكي زيهم
حنان _ لا حبيبي لاتبكي لو دمعة نزلت منك انجرح بقلبي
اسيل _ ياعومري تاثر بينا
قربت غرام منه وصارت تمسح دموعه وابتسمت وسط دمعها _ مافي شي حبيبي
قعدو الثلاثة يبكو وقعدو اسيل وغرام يتحسرو كيف خسرو صديقتهم وهما ماشافوها
بعد فترة
فيصل _ فهود يروح نادي ماما
فهد راح لطاولة 6 كانو البنات مررة طولو قعدو 3 ساعات وتاخر الوقت ولا زم يمشو
فهد _ ماما بابا يقول يلا
في ذا الوقت فسرتلهم حنان ليش فهد يقولها ماما
غرام في نفسهها_ ياقلبي عليك يافهد ماشفت امك بس ونعم الام يا حنان
اسيل _ ماشاء الله بنوتك حلوة
غرام _ مافي حنونة اليوم تجين تباتين عندي ولا عليك من فيصل انا اقوله
حنان _ لا ياشيخة اجيك بعيالي ونسوي لك مهرجان بالبيت ماينفع الحين انا مو زي زمان أي شي اسويه
اسيل _ يالله طيب عندنا هروج كثيرررررة واولها زواجي وزواج غرام بعد اسبوعين
حنان _ بالله عليكم قولو والله
غرام _ والله
حنان _ يابت انتي مخطوبة من زمن جدتي لساعك ماتزوجتي ( قصدها اسيل )
اسيل _ شفتي كيف الزمن عاااد انتي اللي انخطبتي بعدي بكثييير تزوجتي وعندك عيال ماشاء الله
غرام _ ههههههه هرجة طويلة والله ياحنان يبغالها شرح
حنان _ خلاص انا بكرة الصبح اجيكم انا وعيالي
اسيل _ حياكم الله
غرام _ ماني مصدقة راح نتجمع زي زمان راح تنوري ياغالية
ودعتهم حنان على لقاء تشوفهم الصبح
وهما خارجين كلهم
اسيل _ مبروووك البنت فيصل
فيصل _ الله يبارك فيك
غرام _ تتربى بعزك
فيصل _ تسلمي كيفكم وكيف حال بسام
غرام _ بخير الحمدلله
فيصل _ بالله اعطيني رقم بسام
غرام _ خليها مفاجأة بكرة لمن تشوفه
اسيل _فيصل ماتتواصل مع عمار او خالد
فيصل _ لا والله ضاع جوالي الاول وضاعت فيه ارقامي
غرام _ فيصل بالله حنونة والعسولة والعسول هاذولي بكرة الصبح يكوني عندي
فيصل _ ابشري ياعمة
الكل ضحك
اسيل _ عازمينك فطور وغدا وترا بسام يستناك
فيصل _ ان شاء الله بس كملوها عشا
حنان _ يعني جات على هاذي يااسيل
غرام _ ولا يهمكم حياكم الله نستناكم
اسيل _ واااي ماقدرت اقوله عظم الله اجرك في فرح
غرام _ ولا انا ماقدرت لساني انعقد لمن جيت اقولها بعدين شكله مبسوط بلاش ننكد عليه
اسيل _ ايوا صح حنان ماشاء الله عليها
غرام _ ماادري كيف وافقت تتزوج فيصل لا وعارضت اهلها
اسيل _ كله عشان فرح الله يرحمها وفيصل طلع طيب معاها ماشاء الله
&&&&&&&&&&&&&&&&&&&&
عمار _ فديته حبيبي صباح الخير
دنيا _ صباح النور
عمار _ انا كذا تاكدت انه يومي راح يكون حلو
دنيا _ ليه
عمار _ عشان هاذي الابتسامة العذاااااااااااااااااااااب
ضحكت دنيا واستحت
عمار _ دقيقة حبيبتي اجيبلك الفطور
دنيا _ ليش انا اقوم اجيبه
عمار طالع فيها معصب
دنيا _ يمممة خلاااص طيب استاذ عمار
عمار _ ههههههههههههههه
&&&&&&&&&&&&&&&&&&&&&&&&&&
غرام _ نووووورت الفلة
حنان _ منورة بيكم
اسيل _ والله يابنات فرحتي ماتنوصف غرام مو كان ودنا صحباتنا يحضرو الزواج
حنان _ تعالو على سالفة الزواج حكوني يلا بنت اشبك انتي خللتي ماتزوجتي
اسيل _ احم احم عشان اتعرف على بسام اكثر
غرام _ مررة على زود المعرفة حفظتيه
اسيل _ ههههههههههه انتي ابتدي غرومة
وحكوها على سالفتهم
حنان _ ماني مصدقة هذا كله صار يعني انتي جد انحرقتي وكذا
غرام _ والله وكنت مشوهة بعد لو تشوفيني افجع هههههه
اسيل _ الحمدلله ماكانت راضية تسوي العملية الا بس من غير ماتدري
حنان _ واااي ياقلبي ياغرومة والله تعذبتي حمدلله على السلامة الاول
غرام _ الله يسلمك حبيبتي
حنان _ والله قصتك انتي وبندر ولا الافلام
اسيل _ شفتي كيف عذبونا الاثنين هاذولا لا وبعد مابغت توافق عليه بعد العملية
حنان _ واااه مااصدق
غرام _ والله عشان هديل ياحنان انتي ماشفتيها البنت مال وجمااال ماشاء الله تقولي اوربية واخلاااااق مافي احلا منها اقولك تزورني وواقفة معاي حتى تنزل معي انا واسيل السوق كانها اختي
حنان _ والله من جد يازينها باين عليها كاملة والكمال لله
عند الرجال
بعد سلام حار وتحيات
فيصل _ ولاتسال ولا شي
بسام _ والله ظروف الحياة الواحد تصير معاه بلاوي يتوقع انه مايقوم بعدها بس اليوم ماصدقت لمن غرام قالتلي فيصل وحرمته بيجونا
فيصل _ سبحان الله الصدفة جمعتهم
بسام _ عظم الله اجرك بالمرحومة
فيصل تاثر _ اجرنا واجرك _حب يغير الموضوع _ الحين انت ملكت بعدي باقل من شهر وللحين ماتزوجت وانا تزوجت مرتين وعندي طفلين
بسام _ ههههههههه لاتقعد تعايرني انت ماشاء الله عليك منتج
فيصل _ هههههههه
بسام _ مادريت شي عن عمار ولا خالد
فيصل _ لا والله ضاع جوالي بارقامه والله لهم وحشة فقدناهم
بسام _ ياشيخ والله انا ماادري وين ضاعت ارقامهم عني بس تصدق انا كنت حافظ رقم خالد عشان مررة ممميز وادق عليه دووم مقفل يمكن غيره
بسام _ فصول تتذكر ايام الكباين
فيصل _ ايه طبعا ايام شبابي اللي راح
بسام _ هههههههه ليش كذا بس
فيصل _ والله لمن تجرب بزر يبكي في الليل ويصحيك ولا العابه وشقاوته واي شي يسويه على باله سوبر مان وكمان زود اثنين يخلوك تنسى ابو العزوبية
بسام _ اقوول ترا انا زواجي قرب
فيصل _ انت تزوج حرام عفنت وانت خاطب
بسام _ ههههههههه
بسام _ اقول فصول انا حافظ عنوان بيت خالد وش رايك نروحلهم
فيصل _ الحين
بسام _ ايه الحين ونفاجأ البنات قوم
فيصل _ ماشي
&&&&&&&&&&&&&&&&&&&&&&&&
رشا _ والله جمانة بطير من الفرح شفتي كيف بندرمبسوط ومروق يازينه
بندر _ عن اييش تهرجون
جمانة وهي تلعب بحواجبها _ عن روميو
بندر _ ههههه احم احم قصدكم اخوكم الرومنسي
رشا _ ياجريء انت اقول ايش ناوي تجيب هدية لغرام
بندر وهو يغمز _ هديتها انا
جمانة _ مالت عليها من هدية
رشا _ هههههههههههههههه احلا هدية
بندر _ يازين الاخوات اللي يفهمو مو البزارين
جمانة _طيب مقبولة منك ياعريس
رشا _ خطير بندر مسوي زواجين
بندر _ اقول بس لاتقرون علي اعرفك جمانة عيونك مدورة يلا انا بترخص بغيته شي
جمانة _ بغيت بوكس على وجهك
بندر _ ابشري حددي المكان بس
جمانة _ على عيونك
بندر _ انتي وبسام عندكم ضغينة مع عيوني
جمانة _ طيب انا اختك ليش ماجات العيون الزرقا فيني انت ولد مو لازم تكون حلو
رشا _ هههههههههه نظرية
جمانة كانت عيونها سودا بعكس بندر الل عيونه زرقا ورشا اللي عيونها غريبة ساعات تنشاف زيتي وساعات رمادي
&&&&&&&&&&&&&&&&&&&&&&&&&&&&&&&&
راح بسام وفيصل وتركو البنات وماقالو لهم شي راحو لبيت ابو خالد
بسام _ ياخي محد يفتح
فيصل _ لا يكون نقلو
بسام _ مو معقول ايش النحس ذا
فيصل _ خلينا نسال احد من جيرانهم يمكن يدرو عنهم
سالو واحد من جيرانهم
بسام _ اسفين اخوي بس بغينا نسالك عن بيت ابو عبد العزيز ال .... هما نقلو من بيتهم
_ لا والله مانقلو موجودين بس راحو بمكة يعتمرو
فيصل _ اها يعني لو رجعنا بعد كم يوم بنلاقيهم
_ ان شاء الله
بسام _ طيب اخوي شكرا
فيصل _ ايش النحس ذا
بسام _ تدري جاتني فكرة اركب السيارة
فيصل _ ايش
بسام _ اركب بس واقلك
بعد ماركبو
بسام _ انا متذكر عنوان المكتب حق عمار
فيصل _ ايه صح يمكن ماطلع يعتمر معاهم
وراحو على عنوان مكتب عمار
فيصل _ يااخوي انا متاكد انه كان هنا في مكتب عمار ال ...
_ اها عرفت انت تقصد مين لا هذا والله نقل وحنا استاجرنا بعده
بسام _ طيب اخوي والله حنا محتاجينه وحنا معارفه يعني لو انك تعرف شي يوصلنا لمكتبه الجديد
_ ايه والله ادري وين مكتبه الجديد
فيصل _ اجل واللي يعافيك عطنا ايها
واعطاهم الرجال العنوان
راحو بسام وفيصل ووصلو
بسام _ عااد لو كمان مو هنا هذا يكون نحس على اصوله
فيصل _ الا مكتبه شوف من اللوحة فيها اسمه
فيصل _ هذا مو متعب
بسام _ ايه والله انا شفته هذا يشتغل مع عمار
فيصل _ السلام عليكم
متعب _ وعليكم السلام
بسام _ معك بسام ال .. وفيصل ال... كنا اصحاب عمار وتقابلنا قبل كذا
متعب _ اها ايوا تذكرت ياهلا والله تفضلو
بسام _ ياهلا فيك تدري الايام فرقتنا ومادرينا من فترة عن عمار شي والحين سالنا عنه بس قالو لنا نقل المكتب هذا
متعب _ ايه صحيح لنا فترة ناقلين المكتب
فيصل _ طيب هو موجود الحين
متعب _ للاسف استاذ عمار مو متواجد هاذي الايام ان شاء الله بعد كم يوم راح يكون موجود
فيصل _ طيب اخوي عطنا رقمه لا هنت
متعب _ ابشر
اخذه الرقم من متعب وخرجو وهما راجعين على البيت
بسام _ ياخي ادق مقفل وش السالفة
فيصل_ لايكون سمعت الرقم منه غلط
بسام _ مااظن
دق جوال بسام
بسام _ خلاص الحين جايين
فيصل _ يسالو عننا
بسام _ اتفجعو لمن مالقونا
&&&&&&&&&&&&&&&&&&&&&&&&&&&&
في الفندق بعد فترة
دنيا _ الله تصدق وحشتني السعودية واهلي
عمار _ خلاص هانت بعدين دندون انا ايش قلت مو قلت لاتشيلي شي
دنيا _ عمار ماشلت شي حتى الشنطة مااسحبها
عمار _ لاماتسحبي شي انا ايش شغلتي انتي بس ارتاحي لاتتعبي نفسك
دنيا _ طيب
عمار كان خايف على عملية دنيا ماكان يخليها تشيل شي ولاتخدم ابدااااااا
رجعوا دنيا وعمار السعودية وهما مبسوطين قضوا شهر عسل يجنن وسوت دنيا العملية ونجحت كانت سفرة روعة بمعنى الكلمة
&&&&&&&&&&&&&&&&&&&&&&&&&&&&&&&
عادل كان مستحي كيف ياخذ رقم رهف وقرر انه يتصل على خالد وياخه منه وفعلا سواها عادل بطبعه ماكان مره خجول لكن حياوي شوية
في الصالة
رن جوال رهف
رهف _ الوووووووووو
عادل _ السلام عليكم
رهف _ انفجعت مين معايا
عادل _ انا عادل
رهف وجها قلب مية لون وانحرجت لانها كانت جالسة وسط امها وابوها اخذت الجوال وطلعت غرفتها
رهف _ اهلين عادل
عادل _ كيفك ايش اخبارك
رهف _ الحمد لله كيفك انت
عادل _ بخير الحمد لله
عادل _ ............
رهف _ .............
عادل _ رهوفه
رهف فرحت _ هلا
عادل _ انتي مشغولة هالاسبوع ولا شي
رهف _ لاعادي ليش
عادل _ لابس كنت حاب ازورك
رهف _ ............
رهف _ الله يحيك
عادل _ خلاص ان شاء الله يوم الخميس اجي
رهف _ ان شاء الله
جلسوا يهرجوا عادل ورهف وكان عادل منحرج لانه اول مرة يكلمها وكل شوية يفتح موضوع ومو عارف كيف يعني السالفة لبخة
&&&&&&&&&&&&&&&&&&&&&&&&&&&&&&&&
اتلهى بسام عن انه يسال عن عمار بتجهيزه لزواجه اما فيصل انشغل بنقل شغله لجدة واوراقه وبيته
بعد فترة
هديل _ بندر خلاص جهزت لك الثوب
بندر _ تسلمي
دق باب بيتهم وراح بندر يفتح
ابو هديل داخل مندفع _ ياسافل ياواطي تبغى تتزوج على بنتي ومايوصلني الخبر الا وانت محدد يوم الزواج ياقليل الحيا اكيد ضربتها ولاغصبتها عشان توافق تتزوج عليها والله ثم والله ماتتزوج وانا حلفت الحين تروح تقولهم ماابغى اتزوج
بندر _ ياعمي اهدى
ابو هديل _ انت سبت فيها عم ياولد اخوي كذا تسوي في بنتي والله مايصير خير ابد اذا مارحت وتركت البنت هاذيك والله لااضرك بشغلك وتحلم تشوف ظفر هديل
هديل _ لاااا يبى لااا يبى انا راضية
ابو هديل _ يابنتي انا داري انه هو مسوي كذا غصب عنك
هديل _ لا يبى انا اللي طلبت منه كذا
ابو هديل _ ليييييش
هديل _ يبى انا عاااقر مااجيب عيال
بندر هنا طالع في هديل مستغررررب مررة من هرجها اصلا هديل لسة بنت كيف تقول كذا وايش دراها بعدين فهم انها قالت كذا عشان يرجع ابوها عن قراره
ابو هديل انصدم وقعد على الكرسي ماسك راسه
هديل والدمع علة عينها اللي صار ابد مايفارقها _ يبى بندر ماله ذنب انا طلبت منه كذا حرام مايجي له عيال بسبتي
ابو هديل _ طيب يايبى في علاج
هديل _ انا طلبت كذا خلاص لاتفتح هذا الموضوع معي تاني ابد
ابو هديل سكت
بندر كان واقف وساكت ومذهول من موقف هديل
كان موقف شد اعصاب وتوتر هديل احساسها ماينوصف كيف قالت عن نفسها عاقر عشان سعادة بندر لهدرجة تحبه بس بعد عشان ماتبغى تتركه
ابو هديل مصدوم صدمة حياته كيف بنته تطلع عاقر
بندر كبرررت هديل في نظره زيادة لهدرجة تحبه وتبغى سعادته وقرر يحاول يعوضها ويعاملها احسن كزوجة على الاقل
بعد ماقالت هالكلام لابوها دخل غرفتها وسكت على نفسها الباب
ابو هديل _ ليش ماقلتو لنا
بندر مهو عارف ايش يقول _ ماحبينا نقلقكم بمشاكلنا
ابو هديل وبلهجة منكسر وضعيف بعد ماكان مو ناوي خير ابد _ ماكنت متوقع هالشي ابد معقول بنتي الله يرزقك ياولدي
&&&&&&&&&&&&&&&&&&&&&&&&&&&&&&
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك