رواية شقائق النعمان -42

! Fares AL MoHra !

رواية شقائق النعمان -42

شوف كم طفل(ن) بقى فكره معاق

منهجه تفكير خالي من حمايه

صاده الشيطان في وقت اختناق

ضمهم بالحضن من تحت العبايه

كم من ارهابي كفلهم بشتياق

يزرع الارهاب فيهم فكر غايه

ما يفيد الندم

بعد ما تم الطلاق صحصح وقام

وش يفيدك يالندم ويّا الشكايه

الندم ابشع من النار احتراق

للأسف مال للندم اية وقايه

كاس علقم ويل من فمه وذاق

كاشف المستور ما يلقى غطايه

الطلاق ابغظ حلال(ن) به يراق

عند ربك و اسنده في حكم آيه

صح بعض اسباب توجب للطلاق

بس صار الناس تلبسهم غشايه

عشاق الطلاق...(محمد المطري)

~ . < * > . ~

بيت يزيد

يزيد : رجع من الزواج بدري شايل هم ماشي عنها لوحدها من بدري ..حصلها بغرفتها وعجبه شكلها كانت ترتب مجموعه من ملابس الطفل وتمسح عليها بنعومه وحنان بيدها ..كل ما دخل سوق يشتري له شي وهي تعترض :السلام عليكم ..ونزل شماغه ودخلها بالعقال وعلقها بالشماعه

هند : وعليكم السلام ..وجمعت الملابس بسرعه كلها على بعض

يزيد :فتح زرار القلاب وقف عندها ومسك يدها : هند لين متى بتظلين كذا ما تبين تكلميني

هند : بصوت هادي بس واضح فيه نبرت الزعل : لين تجيب لي براءتي .. اذا كنت مصدقها ..وقامت بتمشي ..

يزيد : التعب باين بعيونه و مقهور من نفسه ومن كل الي صار عليهم كان مرتاح وبسعاده ودمر بيته بيده مسك يدها : ياعمري مصدقك بس لحظه شيطان عمتني وصار الي صار هند خلاص يكفي زعل

هند : ناظرت فيه : الحين يكفي زعل وجرحك لي واهانتك اعتبرها سحابة صيف ..لا كله الا اهلي الي ماتوا وهم رافعين راسهم انت هنتهم بفقرهم صحيح احنا اقل منكم بكثير بس عمره ابوي ما مد يده لأحد عشت غنيه وطول عمري بعيش غنيه لان غناي غني نفسي مهو من مال ..وخلت الملابس من يدها على السرير و راحت من عنده و فتحت درج التسريحه وحطت البطاقه بيده

~ . < * > . ~

بيت ابو ملاك

محمد : يركض برعب وهو يسمعها تصرخ و يوم شافها وقف معد هو قادر يحرك رجله كان شي يسحبه ويثبته على الارض وهي تمد يدينها له وتصرخ تنادي عليه ..و حد يسحبها بملابسها ورمها داخل المصعد بقوه و تقفل عليهم الباب راح يركض وقدر يلحق يوقفه قبل ما يتحرك وتفتح شافها منكمشه على نفسها بركن مهي قادره تتنفس وملابسها مقطعه والمصعد خالي هم الاثنين فيه بس قرب منها صارت تضرب فيه بيديها بشكل هستيري و اغمي عليها بين ايدينه ..وهو يهزها ويصرخ ينادي عليها ..صحي من نومه مرعوب و جسمه كله عرق يتصبب بشكل فضيع رغم البرد الي من حوله قام وتعوذ من حلمه ...و شاف هو كيف نايم على كنبة الصاله طلع غرفته ..

~ . < * > . ~

بيت ابو محمد

منى : رحت مع امها زواج حمد ومن يوم رجعت البيت وهي بعدها بفستانها دخلت غرفة مي و عباتها بيدها و شيلتها على كتفها وتجلس عندها على السرير وهي تذاكر : يووه فاتك يهبل العرس ..تعرفين من قابلت هناك

مي : ترفع راسها عن اوراقها : مين ؟

منى : بنات المدرسه كانوا فيه منهم ...سكتي طلعت اخت العروسه معنا بنفس المدرسه سنه ثانيه ..و ناسه طلعت تقرب لملاك من جهة عيال عمها ..

مي : زين اهم شي انك غيرتي جو عشان ما تقولي مليت طفش

منى: وهي تفك بشعرها وتسحب البنس : ايه ستانست بس امي ما خلتني اجلس معهم

مي : وترجع تفتح اوراقها شايله هم الماده الي عندها تبي تنهيها عشان تلحق تراجعها مره ثانيه قبل يوم اختبارها : ليه وش صاير

منى : وهي توقف : ما تعرفي امي تقول ناس ما عرفهم وش دراني عن بناتهم ...وعشان حضرتك منتى معي ما خلتني اجلس بس كم وحده جو جلسوا معنا على الطاوله ..والباقين كلهم فوق

مي : ابتسمت وناظرتها : احمدي ربك على النعمه الي انتي فيها بعض الأمهات مهم عارفين شي عن بناتهم وصديقاتهم على الأقل خالتي ما ترفض لنا طلب وتروح معنا اذا احد عزمنا وتشوف الناس ..وتعرفهم

منى: يووه انا ما قلت شي الله يخلي امي لنا و تتثاوب سلام خلني اروح انام امي متوعدتني ما عد تاخذني معها مكان اذا ما قمت بدري

~ . < * > . ~

شقة حمد

حمد : بصوت حازم وجاد : لا حلفت عليكم غير تجون الحين ...لا ابد ماني براضي غير عشاكم علي ..لا تخليني احلف عليك ..ابد ما تحلف علي بالطلاق اذ ما جيتهم ساعه وعشاكم عندي انتظرك مع السلامه ..ناظرها بطرف عينه ..ما عليك امر يا بنت هزاع الله لا يهينك ابيك تسوين عشاء لربعي جاين من الديره وتعطلت سيارتهم ومثل ما سمعتي مستحيل اخليهم يروحون وهم ما تعشوا .. فيه كم كيلوا لحمه اطبخيها لهم عساها تجملنا معهم

اصايل : ناظرته تبي تستوعب الي انقال وانقهرت منه مستحيل يتغير طول عمره بس يحب الاوامر بس على مين ..ردت عليه وهي خجلانه من شكلها وهي قدام رجال اول مره تكون قدامه بدون حجابها ..اخذت نفس بهدوء وقفت : مهو بنت هزاع الي ترد اضيوفها وش ما كان

حمد : ناظرها وقلبه طبول ياويلي من نبرت صوتها بتذبحني وتخلص علي ..وتكلم بصوت رجولي هادى : هذا العشم فيك يا بنت الخال ..

اصايل : مشت عند شنطتها الي على الارض و نحنت اخذت منها لبس ودخلت الحمام وغيرت الي عليها وهي ودها تكسر كل شي بداخل الحمام من قهرها ..لبست بجامه عودي ستان ساتره قميص كم طويل وبنطلون طويل وخرجت وشافته جالس مكانها على السرير

حمد: يوم راحت تاخذ اشيائها ابتسم وشوي يضحك صايره طيبه البنيه وماترادد بالكلام عكس ما سمع عنها ويعرفها مستحسل تسوي شي ما يعجبها ..جلس ينتظرها يشوف وش بتسوي ..وهو منزل راسه : اصايل مهو قصدي اخدمك من اول يوم بس هذا ظرف

اصايل : رجعت قميصها بداخل الشنطه بعدها ما رتبت اغراضها ..ولمت شعرها الي يوصل لين نص الظهر بكلبس على فوق وعدت من قدامه وهي تتكلم بصوت منخفض من حياها : عادي ياولد عمتي ..وخرجت على المطبخ وهو يتابعها بنظره ..خرجت اللحمه من الثلاجه و اخذت تفتح في الدواليب تبي قدر مناسب و الاغراض الي تحتاجها ..وجها محمر من عصبيتها باين في فتحها وقفلها لدولاب وضعها للأشياء ..وطول وقتها تردد بدخلها شوف كان ما ربيتك يا حميدان وراويتك السنع ..اخذت حبتين بصل كبار و لوح التقطيع وسكين ..وخرجت حطتها قدامه وهو جالس بالصاله

~ . < * > . ~

بيت يزيد

يزيد: ليه وش ابي فيها هذى بطاقتك

هند : هذى فلوسك خذها انا صدمت يوم رحت البنك من مبلغها احنا أغلى مهر عندنا 35 الف مهو انت حاط 200 الف وبتحصل عليها زياده انا شغلتها بالأسهم

يزيد : الأسهم ...؟!!!

هند : ايه و ربحت بمبلغ حلو ربي بارك فيها و دين يوسف ما ضنيت انه بيزيد عن 50 الف احنا عيال الفقر على قولتك نشوف هذا المبلغ كبير علينا ناخذه سلف ..

يزيد : حضنها وده يبكي حس بكبر جرحها بلع ريقه : هند والله اسف ..

هند : بعدته عنها ودمعتها على خدها : انت اتهمتني بشرفي وامك بعد و تهمة الشرف غاليه واذا متعرف حدها ثمانين جلده

يزيد : يعني تبين تجلديني ؟!

هند : بعدت عنه وهي تمسح دموعها وانفها رغم جرحها ما ترضي عليه : ما عاش من يجلدك يا ابو ولدي بس حقي ابيه لو بعد حين ولين هذاك الوقت كل واحد بغرفته وخرجت عنه خلت واقف بذهول وصدمه ما كان يتوقعها منها وين اختفت الحنونه الي ما تتحمل عليه خدش الابره ..

~ . < * > . ~

شقة حمد

حمد : ناظرها وهو مبتسم شوي ويفرط من الضحك على شكلها المعصب ..ورجع سند ظهره على الكنب : ليش جايبته هنا تراني ما طيق اشم البصل

اصايل :وهي ماشيه عنه ومعطيته ظهرها : الله لا يهينك يا ولد عمتى ما عليك امر قطع البصل

حمد : عدل جلسته : وشهووو

اصايل: لفت تواجهه وبدها وذكائها المعروف : الي اعرفه انت ما تحب الحناء مهو معقول ربعك يا كلون اكل خايس بطعمها

حمد : ويناظر يدها بقهر : وانتى تعرفين زين اني ما حب الحناء ليه حطتها

اصايل : هي بيديني مهو بيديك وانا احبها ..ودخلت المطبخ

حمد : قام لحقها وهو عند باب المطبخ يشوفها وهي تسخن الغلايه و اللحمه على المغسله و قرب منها ولفها له و باس راسها

اصايل حركته اربكتها وكش جسمها ورجعت على الخلف

حمد : معاش من يخليك تطبخين يالغاليه كنت امزح معك ..وضحك

اصايل :ناظرته بقهر بهدوء وصوت ثابت : أي مزحه وانت حالف بالطلاق ..لو مهو سمعة ابوي كان رديت بيته الحين

حمد: انخطف لونه : لا يا بنت خالي من قال احلف عليك ما حلفت وكنت امزح معك ما كلمت احد وعندك جوالي شوفيه ..

اصايل : بقهر اكثر منه و نسيت حياها : على كيفك هو تتامر حالف علي من اول يوم بعد كم يوم وش بتقول ..وترمي الي بيدها على الطاوله و تدخل غرفتها وتسكر الباب

حمد : وقف مكانه لا هذى من جدها ماتنعطي وجه هذا وانا معتذر منها ومادحها صدق انهم حريم ..

~ . < * > . ~

وبعد ثلاث أسابيع

الكل انشغل بالاختبارات

الكل انشغل في هذى الفتره بدراسته ويزيد كل يوم جرحه يزيد من جفي هند له ويحس بعظم خطاه

مها عرفت من الي نشر الصور وطلعت شغالتهم وهددتها و خلتها تعترف كيف قدرت تنشرها وعرفت انها ما خذه مبلغ من امها وهي الي طلبت منها تسوي كذا و ما قدرت تخبر احد وتكتمت على الامر بعد ما قدرت تحذف كل شي من النت ..

بعد ما انتهوا اختبار بيوم

الظهر بيت ملاك

ملاك: ليه ما تجلسوا هنا

شذى: لا حبيبتي نبي نسافر احنا شهر عسل ما تهنينا وسافرنا جينا هنا و انشغلنا بالدراسه وبعدين انتي وش عندك ما تبين تسافرين انتى ومحمد اخص مننا عرسكم كان بفترة اختبارات

ملاك: لا ما فيه وقت عندي شغل بالمكتب بيكفي اهملته بفترة الاختبار

شذى: حرام عليك روحي تهني الشغل لاحقه عليه وشوفي وجهك و شلون صاير و انتي وش قصتك

ملاك: شوبيك ما فيني شي

شذى: نجوي حبيبتي لا يكون حامل كل ما ادق على جوالك ما تردين و ادق على تيلفون البيت يخبروني انك نايمه وشوفي وجهك و شلون مصفر وما تكلين زين

ملاك: وهي مرعوبه: شووووووووو لا حبيبتي ما في شي

شذى: ههههههههههههههههه وش فيك ترعبتي روحي حللي ما فيها شي

ملاك: لا ما فيني شي والحين خليكي مني انتي متي بدك ترجعي

شذى: يمكن بعد اسبوع او اكثر

ملاك: شو

شذى: ليه فيصل كذا مخطط

ملاك: لا دخيلك ارجعي بدري بمل كذا بدونك

شذى: وش تملين و انتي عندك رجالك ودق جوالها ..هذا فيصل يالله مع السلامه وتبوسها

ملاك: طمنيني عليك اذا وصلتي اوكي وتنزل معها اسفل بالصاله وتبوسها وهي عند الباب باي حبيبتي

بعد ما خرجت شذى

محمد: انجي تعالي المكتب ابيك

القسم الاول

تجميع ورد الجوري

منتدى غرام اقلام لا تتوقف عن الابداع

رواية شقائق النعمان

الكاتبة ساعة بلا عقارب

((2))

الفصل و الثــــــــــــــ 32 ــــــلاثــــــون

بيت ابو ملاك

محمد: انجي تعالي المكتب ابيك

ملاك: كانت بتطلع مع الدرج رجعت نزلت : خير شو فيه

محمد: تعالي ويفتح باب المكتب

ملاك: عدت من عنده ودخلت حست قلبها راح يوقف من زمان ما كانت قريبه منه عهدها به اليومين الاولى يوم اخذ مفتاح سيارتها وصار يوصلها معه وبعدها خلى السواق يوصلها ومعه الشغاله وينتظرونها لين تنهي اختبارها وخبرت البنات إلي سألوها عن الأمر انه ما يبيها تسوق يخاف عليها

محمد : سكر الباب : جلسي ليه واقفه

ملاك: تحاول تتماسك ما يبين توترها بصوتها : خير شو فيه

محمد : ولا شي وش عندك الحين شكلك مستعجله على الخرجه

ملاك : وهي منزله راسها تلعب بظفرها الطويل شوي : ولا شي بس بدي اطلع انام

محمد:مصدع و نفسيته تعبانه قرب منها ويصرخ وقهرته بجلستها لوحدها طول الوقت : انتي وش قصتك عشان سكت عنك زاد حالك وقالبه نومتك عكس الكل

ملاك: حاسه بالذل منه من غير ما يتكلم من نظراته لها فقدت احترامه من يوم عرف تكلمت وعينها على الارض : محمد بليز خلص

محمد: يمسكها مع كتوفها : لا ما راح اسكت هـ المره لين متي راح ظل ساكت عنك قلت فترت اختبارات ما عليه طنشها يمكن ترجع من نفسها لكن اشوف حالك كل مره يزيد ..ونقهر منها الي شايفها خايفه منه ومنزله راسها ومسك راسها وقربها من المرايه تشوف صورتها وهو ماسك راسها بين يديه من الخلف و بصوت مرتفع ..شوفي وجهك وشلون صاير وتبيني اسكت شوفي كأنك مدمنه ..و يقرب وجها من المرايه اكثر

ملاك: صارت دموعها على خدها تبكي بصوت وتشوف صورتها و الصوره المنعكسه من خلفها لعمتها وتصرخ : بكرهك... بعدي خليني كذب... كذب ..وغطت وجها بيدها ما تبي تشوف الصوره الي قدامها

محمد: نقهر منها ليه تكرهه و ويلفها تواجهه ويسحب يدينها من على وجها ويصرخ : سكتي لا ترفعين صوتك فاهمه.... ويهزها مع كتفها ......و اصحي من اوهامك........ على بالك بسامحك على خديعتك ما راح سامحك ..انتي ذبحتيني ..

ملاك: تبكي وتصرخ و تضرب بصدره : اطلع برا معد بدي شوفك... اكرهك ....اكرهك

محمد: يمسك يدينها بقوه مقهور مهو قادر ينسي ويتقبل الي هو فيه و يصرخ بأعلى صوته ويهزها مع اكتوفها : لا تصرخين ما هو انا الي ترفعين صوتك علي فاهمه و انا طالع ومعد بتشوفين وجهي مره ثانيه لاني تعبت منك ... ودي ارتاح من همك جننتيني معك ....و يدفها عنه ويخرج

ملاك: جلست على الارض وغطت وجها بيدها وتبكي وتصرخ : اكرهكم ....اكرهكم....اكرهكم

محمد: خرج وركب سيارته وراح

ملاك: بعد فتره قامت وطلعت غرفتها وفضلت تبكي وهي حاضنه جلال الصلاه وقدام دولابها والصندوق الصغير منثور كل محتوياته وهي نايمه على جنبها وضامه رجلينها لصدرها وجها مغطى بالجلال وبكائها مكتوم ما يتسمع الا بشكل صوت انين و كل الصور تمر عليها كانها شريط فديو..جدها عمتها ابوها وخالتها وهم بالكفن ..

(ام ملاك رفضت كل الي تقدموا لها بعد طلاقها و ابوها كان من النوع الحنون وخايف عليها وفيه شوية شده في بعض الامور بسبب طريقه تفكيره المرأه المطلقه عار على اهلها اذا ما زوجوها ..يوم تقدم لها ابو محمد كانت رافضته مثل الي قبله وابوها عصب منها وزعل و حلف عليها غير تأخذه وقتها كان رجع ابو ملاك من السفر وجا يشوف بنته وكان فيه مشاده بين جدها وامها الظهر وجدها حصلها فرصه ويعرف شلون يكسر راس بنته طلب من ابو ملاك يأخذ بنته وش طبيعي أي اب مكان ابو ملاك ما راح يرضي يخليها عند جدها وهو ما يبيها ..وملاك وقتها مهي متعوده على ابوها بسبب سفره .. يوم جا يخذها ابوها معه قامت تبكي و دخلت تركض ومسكت بأمها وهي توها مخلصه صلاتها ..وامها مهي داريه ..وحضنتها وتحاول تفهم منها ليه تبكي الا جدها يدخل و يطلب منها تجمع اغراض بنتها ابوها يبي ياخذها معه وصارت الام تبكي هي والجده ويترجونه و انوار وافقت على الزواج بس يخلي بنتها عندها لكن جدها كان بلحظة جنون وسحبها بقوه من بين يدين امها وهي تصرخ و سحبت الجلال معها ...ابوها حن عليها وعوضها كل لحظه غاب عنها فيها بسفره و يخليها تكلم امها باستمرار وتشوفها بس كان مأخذ على خاطره من جدها الي سبب حالة ذعر لبنته لدرجت معد تحبه وتشرد اذا شافته و أخذت كذا شهر على حالها و ما كان يعرف عن المؤامره الي دور من خلف ظهره في بيت ابوه من اخته ام عامر كل ما جاتهم من يوم عرفت انه جدها رماها عليهم وهي تستغل الفرص وتمسكها مع شعرها وهي ما كملت سبع سنوات وتخليها تشوف صورتها في المرايه وتقول لها هم رموك لانك منتي بنتهم شوفي صورتك ما تشبهين احد منا لا ابوك ولا امك ويكذبون عليك يوم قالوا انك تشبهين جدتك وينها جدة امك شفتيها شوفي لون عيونك انتي اجنبيه اجنبيه .. ومن يومها وهي تخاف ابوها يبعد عنها مثل امها و تنحرم منه..وما حست بالراحه غير يوم سافرت مع ابوها وبعدت عن عمتها ..بس دوم دوام الحال من المحال وكل ضحكه ترافقها دمعات .. )

وا أسفاه على مسلمين اعتنقوا الإسلام وبداخلهم هذه القسوة أين انتم من معاملة الرسول صلوات ربي عليه في معاملة الطفل ..أنظروا الى الغرب كيف هم يطبقونها من أسلوب نبينا ويخدعوننا بأنها اتكيت التعامل و نحن بعيدون عن سيرته صلى الله عليه وسلم انظروا كيف كان يعامل الحسن والحسين و غيرهم من الصبية الذين عاشوا حوله ..

~ . < * > . ~

في السياره

فيصل: يحط يده على كتفها وش فيك حبيبتي اكلمك و انتي سرحانه ما تردين

شذى: حبيبي ما فيني شي

فيصل: كيف ما فيك شي و انتي منتي معي

شذى: فصولي انجي فيها شي تعبانه حالها كل مره يسئ ذكرتني بحالها اول ما جات لما توفى ابوها وصايره اخص

فيصل: والله مدري يمكن عندهم مشاكل حتي محمد معد هو مثل اول و بس معصب

شذى: هو ما شكالك من شي

فيصل: لا عمره ما تكلم حبيبتي انتي ادعيلهم ان الله يوفقهم ويسعدهم مثلنا يا عمري ويبوس يدها

شذى : تلف يدها على يده الله يخليك لي ولا يحرمني منك بيوم وتبوس خده

فيصل: ولا منك ياعمري الله يقدرني اسعدك طول عمرك حبيبتي

~ . < * > . ~

شقة الشباب

خالد: الف مبروك ياقلبي ايه كذا ارفعي راسي بالنسبه الحلوه

منى: الله يبارك فيك اعجبك انا منى والاجر على الله

خالد: هههههههههههههههه انتي تقوين

منى: خالد

خالد: ماتتخيلين وش كثر مشتاق لصوتك و شوفتك

منى: انت متي تطلع نتيجه اخر ماده عندك

خاد: ههههههههههههههه صرفيني هاه

منى: بزعل : خالد

خالد: عيونه

منى: خالد بعدين بكلمك على المسنجر مي تدق الباب

خالد: ليه انتي ما خبرتيها

منى: لا بعدين خبرها ..اوكي باي

خالد: لا تطولين انطرك باي

~ . < * > . ~

شقة حمد

حمد دخل الشقه وهو ناوي عليها بهذلته بالأسابيع الي قبل وحتى السفر رافضته ..وصار يجاريها لأنه حس فعلا بغلطته كيف يحلف بالطلاق وهو كان يعيب على ربعه الي يسمعهم يسونها وينهاهم عنها ..(فهذا حال الكثير من الرجال بهذا الزمن أصبح أمر الطلاق بأفواههم كانه شربة ماء..يحلفون على أشياء كثيره لا يعلمون ان له كفاره وفي بعض الأحيان اذا حلف على امر مثل على بالطلاق لو فعلتي كذا و كذا وتفعله زوجته يعتبر طلقه ..وهناك قصص كثيره على هذه الأمور في صحيح البخاري ومسلم والترمذي ومنها ان رجل حلف على زوجته اذا نزلت من على السلم او صعدت درجه فهي طالق..فاحتار في أمرها بعد قوله فضلت زوجته على السلم معلقه وبإفتاء ألفقها أمر بحمل السلم وإنزاله وهي عليه ووضعه على الارض ومنها ينتهي قسمه عليها فلذلك على الجميع الحذر من التلاعب بأمور الدين ).....شاف الصاله فاضيه سمع الصوت في المطبخ راح يشوفها : السلام عليكم ..وش عندك و قرف من الريحه

اصايل : وهي تضحك وترفع راسها وشايفته كيف مهو عاجبه : وعليكم السلام ..ولا شي شوفت عينك احني يدي ..وجالسه على الارض متربعه بترنق وردي ورابطه على مقدمة شعرها بندانه و زبدية الحناء جايبتها من عند امها قدامها وتحني يدها قبضه ..

حمد : قرب منها ومسكها مع يدينها الي محنيتها وبعدها الثانيه ما تحنت : الحين بتقومين تغسلينها انا رويك العند الي انتي فيه ..و يوقفها و يسحبها للمغسله وبيفتح حنفية المويه( الصنبور )

اصايل : ارعبها قربه منها وصارت تحاول تفلت من بين يدينه وهو يضحك و قربت يدها الي منتهيه منها عند وجهه وهو ماسكها : حمد فك يدي لا حطها بوجهك وعدمك مهو شغلي انت ما تحبه ..

حمد : انتي مهو حب فيه يا جدتي ما خذتها عند بس على مين ما خلصنا من نقش تجين لقبضه قلت لك ما حب ريحته

اصايل : مهو شغلي بعد عني انا احبه وفيه احد ما يحب شي من الجنه

حمد : يحط يدها تحت المويه

اصايل رشت عليه المويه بيدها الثانيه ..وصار كل واحد يرش على الثاني و حمد مسك يدها بالحناء وحطها بوجها وهي ردتها له بنفس الطريقه .. وعصب منها الي فركت يدها عند انفه وهي ميته ضحك على شكله كتف يدينها الثنتين للخلف وقرب منها وباسها ..

~ . < * > . ~

بيت يزيد

ابو عامر يوم جاء من السفر وعرف بالي صار مع هند راح يزورها ومها طلبت انها تروح معه ..وجلس مع هند وكلمها و طلب منها ما تزعل ولا تخرج من بيتها وهو بيجيب حقها ..لحد عندها

مها اخذت لها رقم بدون اسم وارسلت على جوال يزيد وهي جالسه معه مسج (زوجتك بريئه برئت الذئب من دم يوسف ..و شوف من اهلك من معاديها ويكرها ..)

~ . < * > . ~

محمد: معصب اخذ يلف في الشوارع بدون ما يحس بالوقت وكان الجو بارد و ثلج يتساقط .......وبعد فتره وقف على جنب واسند راسه على الدركسون............... آآآآآآآه انا وش سويت راسي راح ينفجر.. والله احبها ومهو بيدي ........وبعد نص ساعه من وقفته حرك ............وراح الصيدليه اخذ مسكن للصداع وهو ماشي بالسياره ................دق جواله وشاف بالشاشه ملك روحي يتصل حط الجوال على جنب الحين تفتكريني وينك ما خبرتيني قبل عن الي صار معك .. وبعد ما نتهى الاتصال رجع دق مره ثانيه وتكرر يدق اربع مرات وبعدها اخذ جواله وقفله

ملاك: رجعت تدق ولما حصلته مقفل وهي تبكي: لا محمد دخيلك رد علي..لا تروح عني ورمت جوالها على جنب ومسكت بمخدتها وتبكي

خالد: هلا والله عاش من شافك غريبه جاينا بهـ الوقت (الساعه سبعه)

محمد: ليه وين العيال ما تبيني ارد عادي

خالد: لا يا معود تعال انت محد يمزح معك

محمد: يجلس وين العيال

خالد: جاسم وعبدالله توهم خارجين راحوا يجيبون العشاء وعبد العزيز بعده ما رد ..محمد وش فيك

محمد:لف نظره عنه : ما فيني شي

خالد: لحظه شوي بروح الغرفه وارد

محمد: وش عندك

خالد: وهو ماشي : الحين اجيك ودخل الغرفه وجلس على السرير وجهازه مفتوح