رواية حقوق العشق محفوظة -41
رفعت صوتها سمر _ انا اطلقت
ريم رفعت حواجبها مستهزئة _ هاذي هي النتيجة المعروفة ياانك شفتيه مع وحدة وطلبتي الطلاق او انه طفش منك ويبغى يغير استايل البنت وطلقك
سمر ودموعها على خدها _ لهدرجة صرتي قاسية ياريم
ريم _ من اللي شفته بحياتي ماصار عندي قلب حبيبك يطلع زبالة وحقير وخاين وصحبتك وهي تدري عنك كل مآسيك تتزوج حبيبك كيف تبغيني اكون اصلا يلا لو سمحتي ماابغى اشوفك يلا روحي انتي وتمثليتك اللي مالها معنى وروحي باتي بحضن زوجك اللي نام بحضن عشرين وحدة غيرك
سمر بصراخ _ كااااافي رررييم ارجوكي يكفي
ريم _ اشبك مو عاجبك ولا تحاولي تتناسي حقيقة وساخة زوجك ولا صرتي وسخة زيه
سمر _ ريييم مو لهدرجة مو معقول اسمع هذا منك ياريم انا سمر
ريم _ ايه انتي سمر صحبتي اللي كانت اعز الناس على قلبي اللي خانتني ونست العشرة وتركتني وانا بامس الحاجة لها
سمر _ انتي بس لو تدري الموضوع الله يخليك اسمعيني ربي غفور رحيم معقولة ماتغفري لي
ريم _ ياسمر روحي عني يكفي لاتزوديها عليا خلقة انا مو ناقصة
سمر _ بس اسمعي
جات ريهام تزور بيت اهلها ودخلت عليهم بالمجلس
ريهام _ ايش السالفة اصواتكم طالعة برة لاتكونو تتضاربو بس
ريهام _ سمرر فيك شي
كانت سمر تمسح دموعها
وريم واقفة ومعصبة اللي يشوفها يخاف منها
شالت سمر شنطتها وصلحت عبايتها وبتخرج بسرعة
ريهام _ سـ ـمر
وهي خارجة _ معلييش ريهام اشوفك تاني ان شاء الله بس تخاصمنا انا واختك زي زمان ماعليك
وخرجت وهي تلملم جروحها ودموعها اكبر شاهد على جرح كبير هز الاعماق من اعز الناس اللي مااعطتها فرصة تتكلم
&&&&&&&&&&&&&&&&&&&&&&&&&&&&&
في بيت ابو عمار
في غرفة عما ر
روان _ عمار خالد تحت يبغاك
عمار _ طيب دحين نازل
راحت روان طيران تلبس عبايتها
في مجلس الرجال
خالد _ كيفك عمار ايش اخبارك
عمار _ الحمد لله كيفك وكيف ............ ( وسكت شوية ) الاهل
خالد _ كلنا طيبين
عمار ساكت ينتظر خالد يهرج وخالد ساكت ينتظر روان تجي
دخلت روان السلام عليكم
عمار طالع في روان واستغرب _ ايش جايبك هنا
خالد _ انا وهيا جاين عشانك انت ودنيا
روان _ ايوا عمار
عمار _ روان خالد لاتفتحوا الموضوع معايا مرة ثانية
روان _ ماراح نفتحوا ثاني بس انت اسمعنا
عمار _ .............................
خالد وروان حكوا عمار القصة كلها وشرحوا له ايش هما سوا وكيف عرفوا
عمار متفاجئ _ انتم تتكلموا من جد
خالد _ شوف بعينك شوف الصور التركيب وشوف الحقيقية
عمار ماسك الصور ويطالع ومو مصدق عينوا
عمار _ دنيااااااا دنيااا عرفت
روان _ لا ماقلنا لها دنيا حالتها حالة ياعمار
عمار _ انا ظلمتها وعذبتها كثير وصار يخبط يدوا في رجله بقووووة
خالد _ صلي على النبي في يدكم ترجعوا كل شي
عمار بحزن _ راح توافق ترجع لي بعد كل اللي سويتها فيه
روان _ راح تسامحك اللي يحب يسامح
رن جوال عمار
عمار _ ايوا متعب
متعب _ عمار الحق علينا
عمار _ خير
متعب _ الشركة رافضين يتمموا العقد الا بتوقيعك
عمار _ الله يلعنهم عيال الكلب يعني لازم اروح الشرقية ثاني
متعب _ وش نسوي
عمار _ اقلك متعب انا شويه اكلمك
متعب _ عمار لازم تروح خليني احجز لك اليوم توقيع العقود بكرة ماراح تلحق
عمار _ استنا لا انا عندي مشوار ضروري بعدين ارد عليك
متعب _ بسرعة ياعمار لاتتاخر
قفل عمار السماعة ووقف
خالد _ خير عمار ايش فيه
عمار _ هذا متعب يقول طالبين توقيعي يعني بكرة لازم اكون في الشرقية
روان _ يعني انت دحين مسافر
عمار _ لا انا بروح لدنيا
خالد _ دحييييييييييييين
عمار _ ماعندي وقت اقلك بكرة لازم اسافر
روان _ لا عمار ماينفع لازم تعتذ من عمي ومنها الموضوع طويل وبكرة وراك سفر خليها لمن ترجع احسن
خالد _ وانا اشوف كمان كذا انت ارتاح وروح سافر ولمن تجي نحل الموضوع يكون قد رتبت للسالفة انت وبعدين انت راح تطول بالسفر
عمار _ لا كلها ثلاث ايام ان كثرت يعني رايكم كذا
خالد + روان _ ايوا احسن
عمار _ طيب خلاص
حنان _ لالا تعب حاسة كاني ارفع اثقال بنتك ثقيلة يافيصل
فيصل _ ههههههه طالعة كلبوزة لاخوها الا وين اخوها
حنان _ ااااخ نايم دوبه اكل وتروش ونام
فيصل _ يالله حتى وانتي تعبانة تهتمين فينا يازينك ياحنونة تهبلي اسم على مسمى اقول
قاطعته رنة جواله طالع الرقم وخرج برة يرد
وبعد فترة رجع
فيصل _ هاذي هدية مني اتمنى تعجبك خذي كلمي
حنان استغربت واخذت الجوال _ اللوو
ام حنان _ اللوو حنان
حنان لمن سمعت صوت امها حست بان هموم الدنيا انزاحت عن صدرها حست بحنان ودفء امها من كلمة وحدة تجمعت الدموع بعيونها مثل الطفل الصغير وصارت تبكي
حنان _ يمى هاذي انتي يمى حبيبتي
ام حنان _ ايوا حنان كيفك يابنتي
حنان _يمى انا الحين اسعد انسانة في الوجود انااحبك اشتقتلك كثييير بشكل ماينوصف يمى حسيت بتعبك لمن كنتي حامل فيني انا اسفة يمى سوى فيني اللي تبغيه بس ارضي عني انا مااسوى شعرة منك فديتك يمى والله احبك امانة لاتبعدين عني الله يخليك
ام حنان ماقدرت تمسك دموعها بعد كلام بنتها المؤثر واللي كان طالع من القلب لو أي احد سمعها كان تقطع قلبه عليها كانت تتكلم وتشهق وصوتها مخنوق بكا وفيه ترجي
ام حنان _ حنان يمة انتي مرتاحة بحياتك راضية عنها مبسوطة
حنان _ الله يخليك لي ياغالية والله الحمدلله مرتاحة راضية عن حياتي لولا وجود فيصل وفهد جنبي وانتي زعلانة مني كنت رحت فيها والله
ام حنان _ بسم الله عليك يابعد عمري طيب كيفك كيف صحتك مع الحمل تعبانة من شي
حنان _ لا الحمدلله ربي ميسرها يمة اتي كيفك والله شوقي لك ماينوصف وفرحتي ماتنوصف اخيييرررا يمة سمعت صوتك والله الحين لو مت راح اموت مرتاحة
ام حنان _ بعيد الشر عنك انا الحين صرت طيبة بعد ماعرفت حالك
حنان _ يمة انا احبك انتي راضية عني والله بالقوة كنت قادرة اعيش الفترة اللي فاتت كل ماتذكر انك منتي راضية عني احس حياتي مالها معنى
ام حنان _ يابعد عمري يايمى والله راضية عنك دنيا وآخرة الله يرضى عليك ويخليك ويعطيك الساعة الطيبة المباركة والخلقة التامة ياااااارب
حنان _ فديتك يااغلى الغوالي اميين محتاجة دعاك انا
ام حنان _ اسمعي يمى كلي زين كلي خضروات وبروتين كثير ولا تشيلين ثقيل ولاتلبسين ضيق ولاتشتغلي في البيت خلي فيصل يجيب لك شغالة انتبهي على حالك ولا تاكلي شي مضر
حنان ابتسمت وسط دموعها هي تعرف كل هاذي النصايح بس لها طعم تاني من امها
حنان _ حاضر يمى ابشري من عيوني
ام حنان _ ها حبيبتي متى بترجعي وحشتينا والله
حنان _ قريب يمى قريب
بندر قابل بسام في الدور اللي تحت بسام طالع في بندر لكن كمل في طريقه ولا كانه شايفه
قرب بندر منه _ لهدرجة تتلاشاني
بسام طالع في بندر بنظرة غضب تخووف وهو ساكت
بندر _ رب العالمين يغفر ويسامح انت لا بساام انت اكثر واحد تعرفني يعني المفروض تصدقني وتتفهم الموقف
بسام _ شوف بندر طلعت غلطان ماتدري فقدت الذاكرة هذا مو موضوعي انا اللي يهمني انه معرفتي بك ماجابتلي الا المشاكل واذا كسبت واحد فيكم ( يقصد غرام ) لازم اخسر التاني ( يقصد بندر ) فخلاص يابن الناس خلينا بعيدين عن بعض يكفي المشاكل اللي صارت
بندر _ طيب يااخي اعطيني فرصة اصلح ذي المشاكل لاتقفل كل الابواب في وجهي بعدين تهون عليك العشرة تبيعها كذا بسهولة
بسام _ تهون اذا كنت اصلا ماقدرتها وتهون في مقابل ان اختي تكون طيبة
بندر _ طيب لاتقول انا ماقدرتها انت عارف الظروف ماكنت ادري وكانت نيتي حسنة وانت اكثر واحد عارف نيتي والحمدلله غرام صارت احسن
لمن سمع اسم غرام منه طالع له بنظرة وده يعطيه بوكس
بندر _ شوف يااخوي انا اسف وانا كنت اعزك وللحين معزتك باقية عندي وودي نتصالح بس يمكن ماهو في نيتك واخر شي حمدلله على سلامة غرام
ومشى بندر وخرج من المستشفى
بندر كان بشكل يومي يتواجد بالمستشفى ويحاول يكلم بسام بس بسام مايعطيه وجه ابد
&&&&&&&&&&&&&&&&&&&&&&&&&&&&&&&
حجز عمار طيارة الساعة 12 في الليل وجهز اغراضوا كلها
في بيت ابو عبد العزيز
دخل خالد البيت ولقى صوت صراخ وبكى من الدور اللي فوق طلع بسرعة واتجه لغرفة دنيا كانت دنيا تصرخ وتبكي وام عبد العزيز حاضنتها وابو عبد العزيز واقف عند الباب هو واحمد
خالد _ خير خير ايش فيه
دنيا كانت تصرخ _ مااابغى مابغى والله لااذبح نفسي وتبكي بصوت عالي
خالد _ يبا احمد ايش فيها دنيا
احمد _ لاحول ولاقوة الابالله
ابو عبد العزيز _ يادنيا انا قلتها كلمة وحده يوم الاثنين ملكتك انا ماعندي بنات مطلقات ولاعندي بنات يعصون امري
خالد انصدم ملكة دنيا
دنيا _ والله لااذبح نفسي انا ماابغى اتزوج الله ياخذني ويريحكم مني
خرج ابو عبد العزيز من الغرفة وهو معصب من دنيا
خالد _ يمه ايش السالفة مو فاهم شي
ام عبد العزيز _ يايمه يادنيا اهدي لاتسوي في نفسك كذا
دنيا تبكي _ يمه حرام عليكم يممممممه انا بنتك ماابي هشام ولا ابي غيره انا ماابغى اتزوج الله يخليك يمه
&&&&&&&&&&&&&&&&&&&&&&&&&&&&&&&&&
فيصل _ ها بس كيف المفاجاة
حنان _ تجنن وحلوة زيك فديتك والله تسلم ماكنت متخيلة حتى
فيصل _ الله يسلمك اهم شي انك الحين مبسوطة
حنان وهي ماسكة جوالها بتدق _ الحمدلله
حنان _ يااحسسسن اخو في الدنيا
محمد _ ههههههه ها كيف دحين
حنان _ ياشيخ الله لايحرمني منك مبسوووطة
محمد _ دووم يارب بس ترا الشكر مو لي لوحدي حتى فيصل ترا حاول يكلمها كذا مرة ترضى عنك وانا كملتها
حنان انبسطت زيادة ان فيصل يهتم لسعادتها وانحرجت قدام اخوها _ والله
محمد _ طبعا مو هاين عليه تكوني زعلانة
حمرت خدود حنان
فيصل ضحك لمن شافها مستحية عرف
محمد _ يلا نبغى نشوفك عندنا
حنان _ ان شاء الله قريب
&&&&&&&&&&
في غرفة دنيا
اعطى احمد لدنيا حبوب مهدئة لان حالتها صارت صعبة كسرت كل شي ومنهارة مره
خرجوا من الغرفة وخالد مازال مصدوم
في الصالة
احمد _ يمه حرام ابوي يسوي فيها كذا هذي حياتها وهيا حرة فيها
ام عبد العزيز _ اااااه ياحسرة قلبي على شبابك اللي راح يادنيا والله يايمه حاولت في ابوك رافض يقول الملكة يوم الاثنين
احمد بعصبية _ يمه ابوي ليش يسوي كذا مو من حقه وبعدين كيف بتملك وهيا على ذمة عمار لسه
ام عبد العزيز _ بكرة عدتها تنتهي
احمد _ يمه هذا جنون بكرة تخلص العدة وبعد بكرة بتملكوا لها
ام عبد العزيز _ وش نسوي تعرف ابوك لاقال كلمة مانقدر نقول لا
خالد _ كان يستمع للكلام ومو مصدق اللي يسمعوا اخذ جواله وطلع غرفتوا
خالد _ ياالله ياعمار ليش جوالك مقفل رد ياعمار رد
خالد _ الو روان اعطيني عمار بسرعة
روان _ خالد ايش فيك عمار في المطار
خالد _ لا راح يالله
روان _ خالد ايش فيه خوفتني
خالد _ مصيبة ياروان مصيبة
روان _ خير
خالد _ دنيا ملكتها يوم الاثنين
روان شهقت _ هااااااااااااااااااااااااااااااااااا ايش كيف كذا يالله
خالد _ بعدين بعدين اكلمك انا بروح المطار الحق عمار
قفل من روان ودعس على خط المطار
&&&&&&&&&&&&&&&&&&&&&&&&&&&&&&&&&
سمر قاعدة بغرفتها وتبكي
دخلت امها
ام سمر _ يابنتي والله حرام اللي تسوينه في نفسك الحمدلله اننا كشفناه وكشفنا وساخته والله مايستاهل دمعة من عينك
سمر في نفسها _ لو تدري يمة انا ابكي على ايش راكان الله ياخذه مو فارق معاي انا ابكي على صديقة عمري اللي ماني قادرة اوصلها اني اللي سويته عشانها ماني متحملة اشوفها حاطة في بالها فكرة اني خاينة وتقول عني ذاك الكلام
حضنت ام سمر بنتها
سمر في نفسهها _ انا لازم اصلح الوضع ماينفع كذا ولو طردتني مليون مرة
&&&&&&&&&&&&&&&&&&&&&&&&&&&&&&&&&&
في المطار
عمار _ يالله يلا هانت يادنيا كلها كم يوم ونرجع لبعض ان شاء الله والله وحشتيني
على الساده الركاب التوجه للبوابة رقم ...........
دخل عمار الطيارة واقلعت الطيارة في الجو وهو اقلع في احلامه مع دنيا
راح خالد وسال قالوا له الرحلة اقلعت من ربع ساعة رجع البيت وهو خايب الامل
سمع صوت بكاء دنيا فتح الباب ودخل
دنيا تبكي _ خالد الحقني ياخالد بيزوجوني
خالد وملامحوا زعل _ الله يعين يادنيا
دنيا تبكي _ خالد كلم ابوي انا ماابغى اتزوج انا ماابغى
خالد _ والله يادنيا مافي يدي شي
دنيا _ ااااااااااااااااه ياربي يارب موتني وريحني يارب
خالد _ لاتدعي على نفسك مو كويس
دنيا تبكي وتشهق _ وش فايدة حياتي ياخالد وش فايدتها انحرمت من اغلى الناس ودحين بيزوجوني واحد غيره والله لو اعرف اموت نفسي ولا اتزوج غير عمار
خالد _ دنيا انتي تحبي عمار
دنيا ارتمت في حضن اخوها وصارت تبكي
عرف خالد الجواب بدون لاتتكلم كان نفسوا يقلها ان عمار بيرجعك لكن خاف على مشاعر اختوا لو صار غير هالشي وفضل انه يسكت
خالد _ دنيا خلاص اهدي الله يعين
دنيا _ خالد ممكن اطلب منك طلب
خالد _ امري يادنيا
دنيا _ ابغى اكلم عمار
خالد _ ايييييييييييش
دنيا _ خالد الله يخليك انا حياتي بتنتهي خليني اكلمواالله يخليك
خالد ماكان عارف ايش يقول لها يقول لها عمار سافر ويحكي القصة ولا يسكت
خالد _ اسمعي دنيا بقول لك شي بس يبقى سر
دنيا _ اممممممممم
خالد _ شوفي عمار سافر الشرقية قبل شوية عشان عندوا شغل وجاي يوم الثلاثاء
دنيا _ مسااااااااااااافر وصارت تبكي اكثر يعني خلاص عمار راح من حياتي خالد مقدر اعيش مع واحد غير عمار مقدر
خالد _ ادري بس خليني اكمل عمار كان ناوي اليوم يرجعك بس جاتو السفرة مستعجلة يعني اول مايرجع راح يرجعك
دنيا _ بيرجعني عماااااااااار ياليتوا ماسافر طيب كيف ياخالد ايش اسوي انا مستحيل اتزوج غيره والملكة يوم الاثنين وهو يجي الثلاثاء
خالد _ والله مدري يادنيا كيف نتصرف
دنيا _ اروح اقول لبابا ان عمار بيرجعني
خالد _ لا لاتسويها ابوي مقهور من عمار واللي سواها لو عرف راح يعجل الموضوع اكثر
دنيا _ ياربي طيب ايش اسوي
اخذها خالد في حضنوا وصار حتى هو يبكي معاها
حاولوا كذا مرة يتصلوا على عمار جواله مقفل واتصلوا على روان وهيا كمان تتصل عليه جواله مقفل جلسوا يحاولوا لين الساعة 8 الصبح
&&&&&&&&&&&&&&&&&&&&&&&&&&&&&&&&&
بعد مرور 3 اسابيع
بسام في الصالة يهرج في التلفون
بسام _والله كلنا بخير انت علومك
_ الحمدلله
بسام _ يامصلحجي ايش تبغى
_ افاااا انا مصلحجي
بسام _ ايه طبعا في اليوم 5 مرات تكلمني مو معقولة عشاني
_ طبعا في احد بيطالع في خشتك
بسام _ اقول احترم نفسك والا ترا مافي مساعدة
_ لا لا بس قولي ايش اخر شي وصل معاك
بسام _ والله يابندر انا مااقدر اغصبها على شي خليها وحدة وحدة بترضى
بندر _ طيب بس ترا انا معتمد عليك الله يخليك بسوم من قلبك اهرج معاها
بسام _ لا لو سمحت انا اهرج من اذني اشبك يابندر
بندر _ هههههه يااخي والله احبها
بسام _ والله انك ماتستحي طيب راعي اني اخوها والله لو انت الحين قدامي كان عطيتك بوكس على عيونك الزرقا اخليها بمبة
بندر _ اشوفك حاقد على عيوني عشان دايم تطيح المزز وانت خشتك مو راعية مزز ياضفدع
بسام _هههههههه طيب طيب هيا مافي محاولات مع غرام
بندر _ لا دخيلك خلاص بجبلك عدسات زرقا
بسام _ هههههههه
بندر _ يلا موعد المستشفى مابتروحو
بسام _ لا انت متابع مزبوط ايوا بس استنى غرام تخلص لبس
بندر _ اها فديتها
غرام _ انا جاهزة بسام
بندر _ فديت الصوت
بسام _ ياللي ماتستحي انت منت ناوي تعديها على خير لاتخليني اجي ادوسك الحين
بندر _ طيب زوجنا وارتاح
بسام _ طيب اذلف الحين
بندر _ ايه صح لاتتاخر عليها يلا سلام طمني
بسام _ طيب يلا سلام
غرام _ مين هذا اللي تبغى تدوسه
بسام _ هاا هذا طارق
&&&&&&&&&&&&&&&&&&&&&&&&&&
نرجع بزمن لورا نشوف عمار ودنيا
الساعة 9 الصباح في الدمام
عمار اول ماجا من السفر نام لانه مره تعبان ونسي يفتح الجوال وقام بسرعة يلبس الوقت تاخر الساعة 9 وهو لسه ماراح الاجتماع خرج وراح الاجتماع ووقع واتفقوا على كل شي رجع البيت بعد الظهر وكمل نوم وبرضوا نسي يفتح الجوال
الاجواء كانت عند دنيا ووخالد وروان متوترة من امس في اللي يتصلوا لين الساعة 5 العصر والجوال مقفل
دنيا تبكي _ يارب يرد رد ياعمار والله تعبنا
خالد _ برضوا مقفل
دنيا _ لايكون فيه شي
خالد _ الله يستر
دنيا صارت تبكي بصوت عالي _ ياويلي لو صار له شي
نروح الشرقية ونشوف عمار اشبه مايرد
في الشرقية الساعة 9 الليل
عمار _ يالله هذا كله نوم خليني انزل اكل شي من المطعم طالع في الجوال لقاه مقفل
عمار _ يوووه شكله هذا شحن مخلص يلا انزل اكل بعدين اجي اشحنوا
عمار مروق ولا همه نرجع نشوف حالة دنيا
في جده
دنيا كانت شوية وتموت من البكى وخالد مو قادر يهديها
دنيا _ ياخالد احنا من امس الليل نتصل مايرد ايش نسوي
خالد _ دنيا انتي لازم ترتاحي نامي لك شويه وانا اشوف الموضوع
دنيا _ ماابغى انام ولا شي اول اعرف عمار فين
&&&&&&&&&&&&&&&&&&&&&&&&&&&&&&&&
بكذا انتهى البارت كيف بسام وبندر يهرجو بعض عادي كيييف بعد ماكان بسام راافض غير ايش بيصير مع عماار وودنيا
البارت التاسع والعشرون الفصل الاول
اكيد الكل مستغرب من اللي صار مع بسام وبندر
قبل المشهد اللي صار بفترة ...
اسيل _ بسام سامحه بالله عليك شوفه كيف كل يوم يجي ويسلم ويطمن ويعتذر كمان حررااام عليك يكفي
بسام _ اسيل انتي تعرفي غرام غلاتها عندي اكثر من أي احد وهو كان السبب في دمارها
اسيل _ لاااااااا والله مو هو السبب هو ماكان يدري حرام عليك وكان بيخطبها ولا هي المسكينة تدري بعدين انت سامحتها ليش ماتسامح بندر يابسام هذا صديق العمر الوفي
بسام _ خلاص يااسيل
اسيل _ ايوا كل مااقولك الحق تقولي خلاص لا بسام مو خلاص صدقني لمن تتصالحو راح تتصلح الامور كلها بعدين اعرفك انت منت من النوع الحاقد انت متفهم ومتسامح جات على بندر سامحه
بسام _ طيب اتركيني انا اتصرف
اسيل _ يازينه حبيبي المتفهم
وباسته على خده
بسام _ كمان وحدة هنا واروح ابوس اللي جابه بندر
اسيل _ لا مافي
بسام _ ياقاسية
في الفترة هاذي كانت اسيل بس تزن على راس بسام بهذا الموضوع
بعده بيوم
كان بسام في محل يشتري ويتكلم في الجوال وبعدين قفل من المكالمة وخرج المحفظة يدفع حط الجوال على الطاولة وحاسب وخرج ونساه وركب سيارته وحرك وبعد فترة تذكر ورجع للمحل وسألهم وقالو له ماشافه جوال
خرج من المحل وكان معصب وحاط يده على راسه يفكر الا سمع صوت من وراه
__ _ جوالك يالغالي
قلب بسام مستغرب لقي بندر ماد يده بالجوال
بندر _ انتي ماتترك هالعادة فاكر في بريطانيا لمن المحلات كانت تشتكي من نسيانك للجوال والله انا شاكك تكون عجزت من ورانا
بسام كان واقف مستغرب لثواني يطالع في بندر وبعدها استوعب ومد يده اخذ جواله
بسام _ شكرا
بندر _ العفو تصدق يابسام لي صاحب غالي علي الا هو اعز اصحابي زعلان مني وانا مالي ذنب ومو راضي نتصالح
بسام _ اووه مشكلتك عويصة
بندر _ اووف عويصة مرة وحدة على كذا يبغالها استشاري
بسام _ في دكتور اسنان طيب اعرفه
ملاحظة : بندر يخااف مرة ويكره دكاترة الاسنان عنده فوبيا منهم
بندر _ لعيونك اروح واخلع ضروسي كلها
بسام _ هيا روح
بندر _ اهب تبغاني اصير عجيز مثلك
بندر _ طيب نظرا لمشكلتي العويصة لو مكاني ايش تسوي
بسام _ والله كنت حقرته وقت مايصالحني يصالحني
رفع بندر حواجبه مستنكر الكلام _ ياسلام بس وجهة نظر تنصحني فيه يعني
بسام _ افضل الطرق
ضحكو بعدها الاتنين
بندر _ خلاص ترا وحشتني
بسام _ خلاص بس ترا ماوحشتني
ضحكو وخذو بعض بالاحضان ومن يومها رجعو زي زمان واحسن كان بسبب محاولات اسيل وكمان بندر اللي كان بشكل يومي يحاول يكلم بسام باي طريقة واتفقو مايقولو لغرام عشان نفسيتها الين ماتفك الشاش
&&&&&&&&&&&&&&&&&&&&&&&&&&&&
في الشرقية
نزل عمار ياكل وراح على عدنان اخو متعب سلم عليه وتقهوى معه ولاهو مهتم في الجوال لمن وصل الفندق قرر الاخ يشحن الجوال >> مايدري ايش المصايب اللي وراه
الساعة 2 في الليل
دنيا جالسة بس تبكي وروان وخالد متواصلين بالجوالات وكل واحد متوتر وخايف على عمار
خالد _ دنيا الجوال يرن يرن
دنيا نست نفسها ونست التعب والنوم وكل شي _ واخذت الجوال من اذن خالد
عمار _ الووووووووو
دنيا تبكي _ ..............
عمار _ الو خالد انت سامعني خالد
دنيا _ كيفك عمار
عمار سكت شوية _ دنياااااا
دنيا _ ايوا كيفك عمار
عمار _ الحمد لله كيفك انتي
دنيا _ تبكي ...........
عار بصوت فيه حب وحنان _ دندونتي انتي تبكي
دنيا _ .............
عمار _ دنددونتي وش فيك ليش تبكي
دنيا من بين دموعها _ عماااار الحقني الله يخليك
عمار بخوف واضح _ ايش فيك دنيا اتكلمي
دنيا تبكي _ عمار ملكتي يوم الاثنين الحقني
عمار انصدم _ ايييييييييييش ملكة مين انتيييييييي
دنيا _ ................. مو واضح غير صوت بكاها
عمار بعصبية _ دنيا ردي عليا اتكلمي
خالد شاف دنيا مرة منهارة من البكى اخذ الجوال منها
خالد _ الو
عمار _ خالد ملكة مييييييين هذي اللي اليوم
خالد _ ملكة دنيا
عمار _ دنيا راح تتزوج ميين
خالد _ هشام ال.......
عمار بصراخ _ لالا مو معقول مو معقول انا مو مصدق متى صار هذا الكلام
خالد _من امس في الليل ابوي قال الخبر واحنا نتصل عليك جوالك مقفل
عمار _ لالالا ياللله انا مستحيل اخلي دنيا تروح مني
خالد _ عمار الحق ترى الملكة اليوم جاين الرجال بعد المغرب شوف اقرب حجز وتعال
عمار _ انا حتصرف بس اعطيني دنيا
عمار _ الو دندونتي
دنيا تبكي _ ................
عمار _ دندونتي لاتخافي محد يقدر ياخذك مني انا راح اجي مافي شي راح يفرقنا اهدي انتي ولاتبكي طيب حبيبتي
دنيا _ طيب عمار الله يخليك تعال انا محتاجتك عمار انا مقدر اعيش من دونك
عمار _ وانا كمان خلاص لاتخافي انتي انا جاي
قفل عمار من دنيا واتصل على المطار يشوف رحلات مالقى غير يوم الثلاثاء او يوم الاثنين في الليل
عمار _ صار يخبط راسوا في الجدار ياربي ايش اسوي مافي وقت الفجر قرب انا لازم اتصرف مستحيل دنيا تروح مني
اتصل خالد عليه
عمار _ ايوا خالد
خالد _ ها عمار ايش سويت ترى الوقت مو في صالحنا
عمار _ مالقيت رحلات ياخالد مالقيت
خالد _ يووووووووووووه وش الحل طيب كيف راح تجي عمار لازم تجي ترى ابوي جابر دنيا غصب على الزواج
عمار _ ماعاش اللي ياخذ دنيا مني اقلك انا دحين نازل جده
خالد _ مو تقول مافي رحلات
عمار _ خلاص انا نازل بر
خالد _ لاعمار الطريق طويل 14 ساعة
عمار يزعق _ طويل طويل اجل تبغاني اجلس اكتف يدي هنا واشوف دنيا تضيع من يدي بكل سهولة
خالد _ يالله ياعمار والله مو عارف ايش اسوي
عمار _ اسمع انت بس انتبه لدنيا لاتبكي ماابغاها تزعل وماعليك مني انا دحين خلاص انزل
خالد _ طيب ياعمار بس انتبه على نفسك لاتسرع ترى الطريق طويل ويخوف
لم عمار اغراضوا وحاسب الفندق واخذ سيارة عدنان ونزل
&&&&&&&&&&&&&&&&&&&&&&&&&&&&&&&&&&&
موعد مستشفى غراام
في غرفة بيضاء فيه مراية كبيرة وسرير ترقد عليه بنت ناعمة وغامضة نفسيتها مدمرة والى الان متماسكة ومتهورة لابعد الحدود بنت تحب كل الي حوليها بس تعبت طاحت في وسط الطريق بعد ماكانت طايرة باحلامها مع فارس احلامها واكتشفت في النهاية انه مايستاهلها بس للاسف هي للان تحبه
على الكنبة كانت اسيل قاعدة وعلى الكرسي ام غرام وعلى طرف السرير بسام اللي كان هو واسيل محلين الجو بمزحهم وهروجهم اللي كانت تمحي التوتر شوي
دق الباب ودخل الدكتور والسستر
الدكتور _ غرام ال ... كيفك
غرام _ الحمدلله
الدكتور _ جاهزة
هزت غرام راسها بالايجاب
قامت غرام قعدت بكرسي قدام المراية بالضبط وبدا الدكتور يفك الشاش اللي على وجهها
غرام غمضت عينها وسبحت في افكارها _ يالله حاسة مشاعري متناقضة مبسوطة حرجع زي زمان وحزينة اني حارجع زي زمان بس من غير بندر طيب يمكن الحروق ماتختفي مزبوط يارب انا تعبانة وحاسة اني متعبة كل اللي حولية
كان كل ماتروح طبقة من الشاش تحس بتوتر وخوف من الحياة الجاية التشوهات كانت موقفتها في مرحلة وحدة من حياتها لكن الحين غيييير
فك لها كل الشاش حتى اللي على رقبتها ويدها
اسيل ماستحملت ودمعت كانت غرام تسمع اللي حوليها يقولو الحمدلله
فتحت عينها ببطء
شافت غرام اللي كانت تدور عنها غرام شافت نفسها اللي كانت ضايعة منها شافت حياتها زمان ويا بندر ويا صحباتها
غرام صارت تمسك اماكن الحرق وتطالع في يدها
الدكتور _ لا العملية نجحت مية بالمية حمدلله على السلامة
بسام _ الله يسلمك يادكتور يعطيك العافية
خرج الدكتور والسستر
قامت غرام وقربت من المراية مرة وصارت تمسك وجهها مهي مستوعبة
اسيل قامت على طول وحضنت غرام من الجنب وهي تبكي
اسيل _ اللف حمدلله على السلامة رجعتي ياغرام رجعتي
بسام قرب منهم وماسك كتف غرام _ حمدلله على السلامة يااحلى بنوتة بالدنيا
قامت ام غرام من كرسيها وقربت من بنتها بعدت اسيل منها باستها وحضنتها وقالت لها _ مبروووك يابنتي الصغيرة يااحلا البنات
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك