رواية شقائق النعمان -38
خالد: محمد احسلك اترك مرتي بحالها خلك بمرتك
محمد: بجديه : انت مدري وش صابك من يوم خطبت الله يعينا عليك لين تعرس
خالد: قوم لا تقهرني هات عطيني بسجل الرقم
محمد: هههههه توك مكلمها وش تبي بالرقم
خالد: محمد انا بكلم بشورك مهو من وراك
محمد: زين خذ والله يعينك على ما بلاك بتجننك
خالد: ههههههههههه راضي بجنانها اهم شي اكلمها مهو معقول ما عرفها الا قبل العرس بأسبوعين مراح يمديها تتعود علي
محمد:و يكلم نفسه ..ايه والله و انت الصادق .. شوف انا وش كثر لي معها بعدها تخجل مني : قوم خلنا ندخل عند العيال
>>>>> ملحوظه
لكثرت المشايخ و الإفتاء المنتشر اليوم علينا حسن اختيار من نسال منهم عن أمور ديننا
وبخصوص محادثة اجاب على السوال الشيخ محمد بن صالح العثيمين:
هل يجوز لي أن ألتقي وأحادث خطيبتي علماً بأنه حتى الآن لم يتم عقد القران أفيدوني مأجورين؟
الجواب
الخطيبة يعني المخطوبة أجنبيةٌ من الخاطب لا فرق بينها وبين من لم تكن خطيبة حتى يعقد عليها وعلى هذا فلا يجوز للخاطب أن يتحدث مع المخطوبة أو أن يتصل بها إلا بالقدر الذي أباحه الشرع والذي أباحه الشرع هو أنه إذا عزم على خطبة امرأة فإنه ينظر إليها إلى وجهها كفيها قدميها رأسها ولكن بدون أن يتحدث معها اللهم إلا بقدر الضرورة كما لو كان عند النظر إليها بحضور وليها يتحدث معها مثلاً بقدر الضرورة مثل أن يقول مثلاً هل تشترطين كذا أو تشترطين كذا وما أشبه ذلك أما محادثتها في التلفون حتى إن بعضهم ليحدثها الساعة والساعتين فإن هذا حرام ولا يحل يقول بعض الخاطبين إنني أحدثها من أجل أن أفهم عن حالها وأفهمها عن حالي فيقال ما دمت قد أقدمت على الخطبة فإنك لم تقدم إلا وقد عرفت الشيء الكثير من حالها ولم تقبل هي إلا وقد عرفت الشيء الكثير عن حالك فلا حاجة إلى المكالمة بالهاتف والغالب أن المكالمة بالهاتف للخطيبة لا تخلو من شهوةٍ أو تمتع شهوة يعني شهوة جنسية أو تمتع يعني تلذذ بمخاطبتها أو مكالمتها وهي لا تحل له الآن حتى يتمتع بمخاطبتها أو يتلذذ.
في السوق
ام عامر : عباتها على الراس ومن النوع القماش الناعم ولامع و متبرقعه : مها شوفي هذا المحل فيه فساتين اذا تبين
مها : يمه خليه وحنا خارجين ندخله ابي اروح محل الساعات
ام عامر: زين
ويدخلون المحل وتوقف مها عند الساعات النسائيه
مها : منيره شوفي هذى وش رايك فيها
منيره : زينه بس هذى احلا
مها : دق جوالها وهو بيدها على السايلنت و عارفه انه راشد وامها كانت بعيده عنها وبصوت واطى : الو
راشد: وينك فيه
مها : بمحل الساعات (.....)
راشد : خلاص انا قريب منه سلام
منيره : تدقها بكوعها بيدها : تكلمين مين
مها : راشد هنا الحين يبي يجي
منيره : ياسلام متفقه معه وليش خليتني اجي معك
مها: وش اسوى هو الي اصر يكون معنا
منيره : مالت عليك مستخفه الحين انا وين تبيني اروح معكم
مها : سكتي لا تسمعك امي ..وهي فرحانه ..خلاص هو هنا قريب
راشد: دخل المحل و هو واثق من عمره و لمحها وراح عند البائع : السلام عليكم
البائع : وعليكم السلام هلا امر اخوى
راشد: ابي اخر ساعه نسائيه نزلت
البائع : تفضل شوف هذى الي هنا اخر مجموعه
ام عامر: كانت واقفه قريب منه وسمعته : هلا راشد
راشد: هلا عمه ويسلم على راسها وش هـ الصدفه
ام عامر:ماحبت انه يسلم عليها قدام البائع ويبينها كبيره : انت الي وش عندك بالسوق
راشد : ابي اخذ هديه انتي لوحدك
ام عامر: لا معي مها
راشد : وينها ريحتيني اذا كذا تختار الساعه بنفسها بدل ما انا اختارها
ام عامر: مها قربت منهم مبتسمه و بصوت واطي : هلا راشد
راشد: وش اخبارك
مها : الحمد لله وش عندك هنا
راشد: بعد اذنك ياعمه ابيها تختار هي بنفسها تعالي كنت باخذ لك ساعه و انتي اختاريها
مها : ما يحتاج توني مختاره لي ساعه
راشد: لا خلاص حسابها علي ...و نظره على ام عامر ...عمه انتم لوحدكم بالسوق
ام عامر :بحد بصوتها و قهر وبصوت واطي : ايه ليه تسال
راشد:بهدوء ونبره مدروسه : ابد سلامتك اذا كذا انا بلف معكم اذا ما عندك مانع
ام عامر : لا ما عندي أي مانع يالله مها خذيتي الي تبين
مها :ايه بس احاسب
راشد : انا راح احاسب انطري شوي ويروح عنهم
ام عامر: تمسكها مع يدها : شغلي معك بعدين بالبيت متفقه معه هاه على بالكم تمشي علي حركاتكم صدفه هاااه
مها : يمه مدري عنه
ام عامر : سكتي لا تكذبين امشي قدامي
و هم يلفون بالمحلات
راشد: ميل على مها ويكلمها بصوت واطي وحاد : الحين هذي صديقتك منيره
مها : ايه ليش تسال
راشد: انتى كيف تمشين معها هذى عباه لابستها كنها فستان (عباتها كلها تطريز وملون وكانه فستان فرح ..)
مها: وش فيها عباتها ما فيها شي
راشد:نعم كيف ما فيها شي انتي تلبسين مثلها
مها : على بالها اذا خبرته عادي يعرف ويتعود : ايه عندي عبي مثلها البسها اذا خرجت لزواج عاد لا تكون معقد وبعدين انت وش يناظربك بعباتها انا ماني ماليه عينك
راشد: انقهر منها انا راويك وشلون تردين علي اصبري بس مهو الحين : هو انا اشوف احد غيرك يا قلبي ..بس لا شاوفك لابسه مثل كذا زين
ام عامر :بمكر من اول تنتظر تقرب من المحل : معليش راشد نبي ندخل هذا المحل نسائي ويمكن نطول فيه تقدر تروح
راشد: ماشي ياعمه طرده معتبره : زين مع السلامه.. مها خذى ويعطيها الكيس اول ما ترجعين البيت كلميني
مها: حبيبي لا تزعل
ام عامر:وهي يدها على باب المحل : مها يالله
مها: باي حياتي
راشد: يتكلم وهو شاد على اسنانه : سمعتي اول ماتدخلين تكلمين ..سلام
>>> تنبيه ::
كثير من النساء الان تجعل لها عبائه خاصه للمناسبات وتكون مطرزه وبالوان زاهيه و البعض اصبح يرتيها مثل الوان الفستان ..حتى يصبح متحضر بنظرهم .... التطور والحضاره ليست بحجابنا ماذا يعني زواج او مناسبه يجب عليها ان تكون عباتها حشمه اين ما ذهبت ..لا ما نع ان تكون لها اكثر من عباه لكن يجب ان تكون ساتره و متماشيه مع الشريعه وليس حجاب فتنه ..
*.*.*.*.*.*.*
بيت ابو محمد
الساعه 11 ونص
فيصل: يوقف : سلام اشوفكم على خير
محمد: وين اجلس شوي
فيصل: قوم وش فيك انت روح خذ حرمتك يادوب الواحد يرتاح ناسي ورانا سفر بكره
محمد: لا بس خلك شوي
فيصل: ياشيخ ما ني مثلك نايم لين المغرب انا صاحي بدري
محمد: الا تعال كملت الي طلبته منك
فيصل : ايه انت اعرس وانا اكمل لك دراستك
محمد : لا اله إلا الله كلها بحث عن معلومه صغيره بتمن علي فيها
خالد : حتي انا ماشي يالله سلام
محمد: تعال انت وش عندك تبي تمشي الحين
خالد: يغمز له : سلامتك بس بروح اسولف شوي مع الاهل اذا عطوني وجه
محمد: مالت عليك الاهل هاه..ياويلك ما خبرتهم
خالد: ههههههههه وبطريقه مضحكه وهو مبتسم ويعد بشماغه ..بسلم على جد عيالي قبل ما امشي سلام و يروح
فيصل : وش عنده..
محمد: يبي يروح يكلم خطيبته
فيصل: كيف وابوك يعرف
محمد: لا بس انا خله يادوب يخذون على بعض
فيصل: الله يعين سبحان من غير فكرتك اول ذابحني حنه ما تبيني اكلمها .. خلني ادق عليهم يطلعون ...الو
شذى: هلا حبيبي
فيصل: يالله حياتي مشينا
شذى: اوكي الحين البس عباتي
فيصل: عجلي انتظرك عند الباب
شذى: زين حبيبي باي
ملاك: على وين جلسي بدري
شذى: وين بدري وحنا صاحين من الصباح وبعدين تعالي وتقرب من اذنها محمد أكيد ينتظر الكل يروح عشان ياخذك معه وش فيك انتي دقي عليه و روحوا
ملاك: وجها قلب الوان : شذى قومي روحي عني
شذى: ههههههههههههه الله يعينه عليك
وبعد ما خرجت شذى و الكل راح دخل ابو محمد مع محمد
ابومحمد: السلام عليكم
...وعيكم السلام
ملاك: سلمت على راسه ويده
ابومحمد : مبروك يابنتي وش علومك
ملاك: الحمد لله بخير وجلست
محمد: جلس جنبها وما كلمها ولا ناظر فيها
ملاك: ودها تشوف ملامه كيف الحين بعده زعلان
مي : محمد اجيبلك شريط الزفه تشوفه
محمد:بنبره هاديه : لا خليه بعدين باخذه معي
ام احمد : جايه تمشي : كيف كان عشاكم جوكم رجاجيل كثير
ابومحمد:ايه الحمد لله انتو ان شاء الله ما نقص عليكم شي
ام احمد: لا بوجودك ما ينقص شي بأذن الله
منى: ياعيني يا امي غزل على أوصوله بطريقه محنكه وقدامنا ...وتكمل بخبال .. وش راكم بلغتي العربيه محنكه مدري من وين ظهرت عندي
ام احمد: انتي وبعدين معك لا ويبوني املك لك عشان تخبلين بالرجال
محمد:ضحك بصوت خله يستاهل خالد الي بيجيه منها : هههههههههه
منى: امي وتوقف
محمد: هههههههههههه جلسي وين رايحه
ابو محمد: يالله انا بطلع انام تصبحون على خير
محمد: خلك يبه معنا شوي
ابومحمد: تعبان وانا ابوك صاحي من الصبح ما نمت
محمد: الله يعطيك العافيه ويطول لنا بعمرك يارب
ابومحمد: الله يعافيك تصبحون على خير ويروح
ام احمد: وهي واقفه : محمد وش فيكم يمه حتى انتم روحوا ارتاحوا بكره وراكم قومه من بدري
محمد: لا خالتي احنا نبي نام هنا الليله
ام احمد: وليش وش فيكم ؟؟
محمد:ضحكه شكلها جلست وبعدين وقفت من ردة فعلها : ههههههه وش فيك معد تبينا عندك
ام احمد: هاو وش هـ الكلام الي تقوله ..
محمد: لف عليها شافها ساكته و تلعب في الحجار الي بجلبيتها : ملاك قولي لشغاله تدخل الشنطه
منى: يااااااااي السهره صباحي اليوم
ام احمد: قومي روحي خليهم يرتاحون بكره رحلتهم
مي : يالله انا تعبانه بطلع انام
منى: ياحلوه ترا شوي بجيك اذا دخلت ملاك تنام
مي: اقلك بنام تقلين بجيك
منى: علي بتنامين ولا...
مي: وجع مالت عليك و تخبطها على راسها وتروح
الكل: ههههههههههههههههههه
منى :تصرخ : ايييييي مالت عليك انتي حرم جتا لو صابني تخلف اليوم منك
ام احمد : حلال فيك ما جاك عشان تعقلين
ملاك:تحركت بتوقف
محمد: وين رايحه
ملاك: شو بدي قول لشغاله تدخل الشنطه..وناظرت عيونه و سرحت
محمد: نادي عليها وهي تروح و مسك انفها خبله عيونها فاضحتها
ملاك : ارتبكت و نزلت عينها
ام احمد: يالله تصبحون على خير
..و انتي من اهله
ملاك: سلمت عليها هي ومنى وراحت عنهم
محمد: مسكها مع يدها جلسي
ملاك: صدت عنه و عينها على منى الي تبتسم
محمد: منى فين جوالك
منى: برتباك تبي تشرد من اول عشان الكل فيه ما تكلم والين ياويلها وبصوت كله خوف : معي هنا ليه
محمد: يغمز لها : كيف الحركه الي قبل شوي
منى: وقفت : نععععععم
محمد: تعالي ابيك
منى: خير
محمد: لا تقولين لاحد خالد يبي يكلمك الحين ردي عليه
منى: تنحت فيه وعيونها تبرق خوف وعدم استيعاب: لييييه ..و طلعت جري مع الدرج
محمد: ههههههههههههههههههه
ملاك : انت عن جد تحكي
محمد: ويمسك خصله من شعرها ويلف فيها ويرجعها خلف اذنها : ايه وش فيها خطوبتهم و تم اشهارها واساس الزواج الإشهار والعلن فيه هذا الي قاله له الشيخ ولا تبينها تدخل بيتها وهي ما تعرفه.... شوفي انتي وانا معك وشلون تتصرفين
ملاك: سحرها وهو يتكلم بهدوء وخافت لا تنجرف خلف افكارها هي الي بتخسرهم كلهم وتوقف
محمد: تعالي ما صارت كلمه قلتها
ملاك : طلعت مع الدرج تجري ودخلت غرفتها وستندت على الباب بهلع كيف بتقاومه وهي يسحرها كذا
محمد: خرج اخذ الشنطه وطلع غرفته ور اح اخذ شور ولبس برموده مع فنيله علاقي و خرج ودق عليها باب غرفتها
*.*.*.*.*.*.*
خالد: هههههههههههههههه ليه وش سويت
منى:طلعت وبعصبيه دقت عليه وتلومه : سلامتك هذا كله وش سويت
خالد: ههههههههههه آآآآآآآآه يبطني والله احبك خلاص طيب باخذ اذن عمي اذا تبين بعد
منى: خالد
خالد: آآآآآآآه ذبحتيني احبك وش تبين بعد اطلبي بس
منى: سلامتك خالد ...وتحط يدها على فمها من رجتها توها تستوعب انها تكلمه وبحراج ..مع السلامه
خالد: وين رايحه هذا وانا ماخذ اذن اخوك بعد ما تبين تكلميني
منى : تسب عمرها وقفلت بوجهه
خالد: انا رويك ودق عليها وماردت هههههههه ياناس من جدها هذى الحين ولا تستهبل علي ..
منى: تبوس الجوال احبك..يمجنون ..بس ماراح تسمع صوتي .. وراحت الحمام
*.*.*.*.*.*.*
ملاك : فتحت الباب(لابسه بيجامه خمري بنطلون طويل و قميصها ربع كم )
محمد: وش فيك دخلتى غرفتك تعالى لا تشوفك خالتي و انتي هنا
ملاك: تخرج وبتعدي من عنده : ابي اروح عند منى
محمد: بحده وصوت واطي : ملاك لا تفضحينا انتي الي قلتي تبين تنامين هنا وش بيقولون علينا
ملاك : شو بك محد راح يحكي وتروح تجلس بالصاله الي فوق
منى: خرجت وشافت ملاك جالسه ومحمد وقف مكانه عند الباب زين لقيت احد اجلس معه ظنيت الكل نام وتروح تجلس
محمد: راح وجلس جنبها ..وهو معصب
مي : خرجت
منى : هذي الي تبي تنام
مي : والله فيني نوم بس اخذت شور وطار النوم وش عندكم
ملاك: ودها الكل يكون موجود عشان ينشغل عنها : تعالى اجلسي
منى: انتظروا
محمد: وش عندك
منى: الحين اجي وتدخل الغرفه وتجيب الشريط cd وتروح وتدخله بالفديو
مي:جالسه وحضنه المخده وهي لابسه بجامه بنطلونها مقلم عودي واسود و اقميص اسود وشعرها ملموم بشكل عشوائي بشباصه : ههههه امانه عليك كم مره شفتيه
منى: بس ثلاث مرات
محمد: وليه فرحانه بعمرك فيه
منى: تجلس لا و انت الصادق من الاستعراض الحلو انت شوف وحكم بنفسك يوووه شذى ما شافته ...
مي: والله خفت عليكم بعد ما شفته..وخالتي عصبت لمن شافته
محمد: ليه وش فيه ما سوينا شي
منى : خبلتو بالناس وتقول عادي
مي: ملاك فيه مقطع ظاهر فيه صورة عمتك بس مهو واضح كلامها وكنها زعلانه
ملاك : مقهوره وساكته..ماتبي تتذكر الي سوته البارح
منى: خلاص شوفوا
محمد: حط يده وراها على كتفها : شوفي باين انك خايفه
ملاك : تكلمه بصوت واطي : شيل يدك
منى : تلف عليهم: ملاك وش فيك هنا محمد وش تقول لها
محمد: ملقوفه وش دخلك ويحرك يده على ذراعها
ملاك :وترتها حركاته : بليز شيل يدك
محمد: مطنشها ما كنه سمع شي
ملاك: ولع جسمها
محمد : اما احمد عليه حركات من خطط لدخوله هههههههه شوف وش يسوي هذا من علمه كذا
منى: مي يرقص معنا وتعلم امي... لمن شافت الشريط بكيت
مي : والله لها حق تخاف من العين.. العين حق..وحماده مافي وحده مامسكته تبي تبوسه اخر شي سحبته ودخلته الغرفه عنهم الله يحميه بس من عيونهم كان ما عمرهم شافوا صغير يرقص
منى: ترفع الصوت : اسمع صوتك
محمد: ههههههه أكيد نشاز
مي: ياعيني على التواضع
منى : مندمجه: سكتو
ملاك :بتقوم مهي قادره تتحمل حركاته والبنات مهم منتبهين له
محمد: ثبتها مكانها : خليك
ملاك : عينها على التلفزيون وجاء المقطع الي هي تغني فيه
منى : ملاك عمتك وش تقول هنا شوفي الكمره لقطتها
مي : انتبهت لملاك وهي منزله راسها : منى سكريه الشريط يكفي
منى: لا خلينا نكمل ما باقي شي شوفي ملاك كيف رقصك و انتى تغنين حلو
مي :منى ما تفهمين
محمد: مي وش فيك تبينها تسكره خليه
مي : اخذت الرموت وخرجت الشريط : ملاك سوري والله ما نتبهت انها حطتها
ملاك: منزله راسها وخذت تتنفس شهيق وزفير كذا مره وبصعوبه ورفعت راسها و بصعوبه تتكلم : مي عادي لا تزعلي نفسك ما صار شي كله ماضي وتمشي
محمد: فين رايحه
ملاك: بدي اعمل كبتشينو حدا بده
مي: ملاك
ملاك: بكل برود : بدك اعملك
محمد: تعالي اجلسي مهو وقته و فهميني وش السالفه
ملاك: انا بدي وتنزل مع الدرج بسرعه وتمسح بدموعها
مي: جلست وبكيت
منى: محمد ملاك وش فيها ليه تتكلم ببرود ما كنه صار عليها شي البارح
محمد: انتم وش قصتكم
مي:هذي الاغنيه من اول ما نزلت تحب تغنيها ل ابوها وتقول ان كلماتها مكتوبه عشانها
محمد: ايت اغنيه
منى: اتحدا العالم الي بكيت عليها البارح
مي: محمد انزلها هي من اول ما خرجت من المستشفى ما تبكي الا اذا كانت لوحدها بس احيان ماتقدر تمسك عمرها ونادر اذا شفناها
محمد: طفش من وضعها : خلاص روحوا ناموا وينزل ودخل المطبخ ويروح عندها ويحط يده على شعرها على الرغم من قهره منها بس اذا شافها ربي يصب حنيه وصبر عليها ما يدري كيف تجيه : حبيبتي سويلي معك
ملاك: تبعد عنه : بدي اعمل كوفي ما في كبتشينو
محمد: سوي أي شي وجلس على الكرسي و سند يديه على الطاوله وعينه عليها وسكت شوى ... حبيبتي جهزتي اغراضك الي بتاخذينها معك
ملاك: وهي تصب المويه الساخنه في الأكواب ومعطيته ظهرها .....ماما جهزتها وفتحت البكت الجاهز و ضعت محتوياته وقلبتها واضافت على الوجه شويه نسكافه ساده مطحونه وحركتها بطرف سكين و صار الوجه بشكل اشعاع وحطت كوبه قدامه واخذت كوبها
محمد:شكرا و عجبه حركتها خلت شكل النسكافه يفتح النفس كانها لوحه مرسومه بالكوب ..كل مره يكتشف فيها شي جديد ..
ملاك:العفو وخرجت وراحت عند التلفزيون الي بالصاله الي اسفل فتحته وجلست على الكنب الصغير وتقلب بالقنوات
محمد: جلس : وش فيك ليه معصبه كذا
ملاك: حطت كوبها واجهته وتكلمه بهدوء :ماني معصبه ولا شي بليز ما بدي اتكلم عن البارح
محمد:شايفها كيف تقاوم دموعها : متي ما حبيتي تتكلمين تكلمي عطيني الريموت اشوف
ملاك: ارسلته له من على الطاوله واخذت كوبها ورفعت رجولها وتكت على الجنب وعينها على التلفزيون
محمد: حط على الاخبار وبعدها حطه على فلم وسكت عنها ما كلمها طول الفلم بعد ما نتهى ... ملاك روحي نامي الساعه ثلاثه
ملاك: ما فيني نوم
محمد: بظلين كذا طول الوقت
منى: نازله على بالها البيت فاضي : بسم الله الرحمن الرحيم وش تسون هنا
محمد: انتى وش مصحيك
منى: ما جاني نوم ما صحيت الا العصر وشلون بنام احد يبي اكل جوعانه بروح اكل
محمد: جيبي معك
منى: بسوي سندوتشات من الموجود مهو تتشرط
محمد: مهو بمشكله
ملاك: تقوم :تعالى بروح معك وتروح قبلها
منى: تأشرله بيدها وش صار معها
محمد: ولا شي
جهزو سندوتشات ورق العنب و عصير وسخنوا لزانيا واخذوها وراحو الصاله
منى: من حضك فيه لزانيا
ملاك: حطت الي بيدها و اخذت سندوتش وكاسه العصير ورجعت مكان مهي جالسه
محمد: بعد ما خلص اكل : منى ما بيك تخجلين مني خالد كلمك اليوم
منى: نزلت راسها
محمد: ابتسم : مني
منى: بصوت واطي: ايه..كلمته مسن وبهذلته
محمد: خالد انسان طيب ما تحصلين احسن منه وابيك اذا دق عليك تردين عليه وتكلمينه لانه مهو معقوله ان الملكه قبل العرس بأسبوعين متي راح تلحقين تتعرفين عليه وانتي اوعديني انك ما تضيعين نفسك عن دراستك خالتي ما سوت كل هذا الا خوفها على مستواك بالدراسه انه ينزل >>لا مره شاطر وش يعني تتعرف عليه اذا دخلت بيتها
منى: محمد ليه ما تقول.. ل امي
محمد: لاتشلين هم انا عندي خبر وخالتي اعرفها زين مستحيل تغير رايها عنيده وبعض الناس طلعين عليها ويبتسم ويناظر بملاك
منى: ههههه انت تقول لي..... اخص منها بعد
ملاك: منو سكتي احسن لا علم عليك فاهمتني
منى: لا دخيلك
محمد: هههههههههههههههه وش مسويه الي تخافين منها
منى: ماسويت شي و هذى حبيبتي مستحيل ازعلها
محمد: بنت وش حبيبتك بعد
منى: هههههههههه اشبعبها هي كلها لك
ملاك: عينها على التلفزيون ومسويه نفسها ماسمعت
منى: آآآآه احب الي يطنشون انا
محمد:هههههههههههههههه
ام احمد: وش فيكم جالسين لين الحين
ملاك:وفرحت انها انقذتها منهم :هلا ماما
ام احمد: قومو صلوا الفجر اذن وإنتم بعدكم ما نمتوا
محمد: وهو متفاجي : اذن !!ما سمعناه
ابو محمد:الطاقيه على راسه : السلام عليكم ...ويلبس شماغه
..وعليكم السلام
ابومحمد: محمد وش فيك جالس الصلاه الحين تقوم
محمد: الحين قايم ما سمعت الاذان ويوقف ويمشي
ام احمد : محمد وش فيها رجلك
محمد: انتبه ملاك الي التفتت بسرعه تراقبه وبتسم : جرح بسيط (ماكان مغطيه )
ام احمد : كيف انجرحت هذا كبير مهو صغير
محمد: حديده جرحتني
منى: ما شاءالله عليك امي انا جالسه معه ما نتبهت له
ام احمد: و انتم وشلون لبسين كذا والجو بارد
محمد: خالتي البيت دافي بطلع اتوضأ
ابومحمد: لا تتأخر الحين تقوم الصلاة ويخرج
ام احمد: يمه ملاك قومي روحي شوفي محمد يمكن يبي شي
ملاك: تقوم وتطلع هي ومنى
منى: ملاك وش فيك محمد بغرفته ولا بغرفتك
ملاك: يمكن هنا وتدخل غرفتها
منى: بعد ما صلت دقت عليها وفتحت الباب تبين تنامين
ملاك: جالسه على الكرسي التسريحه تمشط شعرها : لا تعالي
منى: قلت اجلس معك لين يجي محمد
ملاك: تعالي جلسي وبطلي كلام فاضي
منى: جلست على السرير : ملاك وش فيك احسك بعدك خجلانه من محمد وما تخذين وتعطين معه بالكلام
ملاك: منو شوبك هذى افكارك انتي احنا عادي
منى: ملاك انا شيفتكم وعارفه اسلوبك انتي وهو معنا ساكته ما تتكلمين وش فيك
ملاك: توقف شو رايك نخرج بالصاله يمكن ماما هناك
منى: خليك انا بروح الحين يجي محمد يمكن يبي يجلس معك بروحكم
ملاك: لا حبيبتي بدي اجلس معكم كلها كم ساعه ونسافر وتاخذ جكت خفيف وتلبسه وتخرج يالله تعالي
وجلسوا كلهم في الصاله سواليف وضحك والساعه سبعه
مي : صباح الخير وسلمت على ابوها وخالتها
..صباح النور
مي: بعدكم سهرانين ؟؟
منى: ايه
مي: ليه ما صحتيني اجلس معكم
منى: خلاص الحين صحيتي جلسي باقيلهم كم ساعه غريبه وش صحاك
مي: المصوره دقت على بتجيب الصور بعد شوي كلمتها البارح وقلتلها ابيها تكون عندي قبل تسعه
منى: ملاك لا تخذينها وعدت زميلاتي يشفون الصور
محمد: لا الصور محد بيشوفها باخذها معي
مي: محمد انا ابي منها ارويها زميلاتي
محمد: لا حبيبتي مهو بكيفكم وروهم صوركم وشلكم بصورنا هذى خاصه فينا
منى: هههه اقول وش مسوي بالصور الي ما تبينا نشوفها
محمد: وش دخلك يالملقوفه
ابومحمد: بطلع انام صحوني قبل ما تمشون
محمد: ان شاءالله يبه
احمد: نازل مع الدرج صباح الخير
..صباح النور
احمد : يسلم على امه ويجلس عندها ماما جوعان
منى: انت بس جوعان
ام احمد: حاضنته : بسم الله وش فيك على اخوك
ملاك : حماده حبيبي تعال عندي شو ما بدك تبوسني
احمد: نسيت ويقوم يبوس خدها ويجلس جنبها
ملاك : تلف ايدينها عليه وتحضنه وتبوسه على راسه
محمد : جالس قريب منها على الكنب الثاني ويشوفها كيف تمسح على شعر اخوها و مبتسمه
ام احمد: مي قومي افطري وفطري اخوك معك
مي : ليه انتم فطرتم
ام احمد : ايه من بدري
مر الوقت وبعد ما جابت المصوره الصور
*.*.*.*.*.*.*
غرفة مها :
مها:طول اليل ما نامت قلقانه : منيره وشلون اتصرف ماني بعارفه
منيره: الله يامها تبيني انا اعلمك وين مها الي اول
مها : منيره بلا كلام فاضي اذا عندك حل اعطيني
منيره : اسمعي انتي طنشيه كم يوم وبعدين شوفي اذا ما سال عنك دقي عليه وروحي معه
مها: واجلس على اعصابي مثل امس
منيره : هو وش عنده ما يبي يجيكم بالبيت
مها : عشان امي كل ما جاء تكون معنا
منيره عادي وش فيها ما يحوج الي يسويه
مها : مدري عنه والله تعبانه بنام وماني قادره من كثر ما افكر
منيره: لا تعبين عمرك ونامي وهو أكيد بيحس انه غلطان ويرجع يكلمك
مها : يقول اذا ما خرجت معك لاعد تكلميني الا يوم العرس وش يبيني اسوى يعني
منيره: روحي ارتاحي الحين وخليني اكمل نومي وبعدين اذا صحيت اجيك ونشوف وش الحل زين
مها: زين يالله باي
*.*.*.*.*.*.*
بيت ابو محمد
منى: وااااااااااااى والله انك مصيبه ومسويه نفسك مكسوفه هنا
محمد: وجع هاتي لا تشوفينها
مي: لا بجد الصور تجنن بس وشلون باخذ منها كذا
محمد: احسن
منى: دخيلك محمد خليها عندنا
محمد: لا
منى: ملاك قولي له يخليها
محمد: لا تحاولين ..ويسحبها منها ..
ملاك: منحرجه منهم هذا وهي ما شافت صورها : شو بدك فيها خليها عندها
منى : ايه عندك الاصل وش تبيبها
مي: فكرتها عجبتني بعطيها صور الشبكه تعدلها لي كذا
منى: ايه اضمن عشان ما ينقص منها شي (الصور مثبته بشكل كتاب الصفحات سميكه ومطبوع عليها الصور )
ام احمد: الله يستر عليكم ان شاءالله و انتي طلما عجبتك ليه ما جبتيها من اول
مي: خالتي دلتني عليها وحده من البنات بعد ما حجزت
منى: جوالها على الصامت حست فيه دق وشافت انه خالد بطلع الحين اجيكم
ام احمد: يمه ملاك روحوا ناموا شوي قبل ما تمشون و انتم سهرانين
ملاك: ماما خلص مافيه وقت كلها ساعه خلينا معك
محمد: يطالع فيها : عادي خالتي متعودين على السهر (آآآآه منك تتهربين مني وين بتروحين يعني بخبالك هذا )
ام احمد: الله يهديكم
*.*.*.*.*.*.*
شذى: توها صاحيه حبيبي قوم وتبوسه على خده
فيصل: يا عمري وش فيك خليني انام شوي
شذى: حبيبي قوم الساعه تسعه ابي اروح اسلم على ماما وبابا قبل ما نسافر
فيصل: آآآه تعبان ابي انام..البارح شفتيهم يكفيك
شذى: ياسلام تبيني اسافر ماشفتهم .. تبوسه ..عمري انت قوم عفيه عليك
فيصل: ياربي منك تقوميني و انتى بعدك ما لبستي (شوفو وين فيصل الي اول مايبي دقيقه تكون لوحدها)
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك