رواية شقائق النعمان -36
ام عامر : شوفي عنه اذا ماحصلتيه روحي مع السواق وخليه يجيب معه وحده من الشغالات
مها: زين وتصلت على ابوها وكان بالبيت امي خلاص بروح مع السواق كلمته الحين يجي
ام عامر: اول ما تصلين البيت كلميني وخليه يرجع ينتظرني
مها : زين
ام راشد: جاتهم : وش اخبارك
مها: الحمد لله ياعمه
ام راشد: وش فيك واقفه بعباتك
مها : انتظر السواق يوصل
ام راشد: ام عامر كيف تبينها تروح مع السواق بالليل بروحها
ام عامر: لا معه وحده من الشغالات
ام راشد : ايه اشوي احسن الدنيه معد بيها امان
~~ ***
ام احمد: معليش يايمه تعال ادخل ابيك
محمد: وش فيك خالتي وجهك متغير
ام احمد: تحاول تخفي توترها : ملاك وينها
محمد: بالحمام وش فيه
ام احمد: زين ما ابيها تسمع الي بقوله لك
محمد: خير خالتي خوفتيني
ام احمد:عينها بالارض وحاسه بحراج كبير ما تخيلت انها بتسويه يوم بحاتها : يا يمه مدري وشلون اقول لك حتى انا صعب علي الي بقوله بس غصب عني
محمد: ساكت ويناظر فيها
ام احمد: وتطلع منديل ابيض خذ يمه
محمد: وش فيه ؟؟
ام احمد: عينها على الارض : ابيك تدخل على مرتك الحين و تجيب شرفها بهـ المنديل
محمد: كان احد اطاه كف يوقف مهو مصدق الي انقال وتكلم بحراج كبير : خالتي وش تقولين انتي
ام احمد: ياولدي لا تزعل مني انتو عيالي وما ارضئ عليكم الكلام
محمد: وشهو الكلام... خالتي ما يصير الي تقولينه
ام احمد: اجلس و اسمعنى قبل ما تطلع ملاك يا يمه هذى عمتها فضحتني قدام الناس وتبي تشوف شرفها
محمد: معصب : وينها بنحرها الحين السافله
ام احمد: تمسكه مع يده وطى صوتك اهدى هذا عندهم بعيلتهم شي عادي يشوفونه امها وامه لكن الحين هي معها حريم غرب وتنطرني اوديه لها
محمد: خالتي و انتي بطاوعينها
ام احمد: لاني اعرف ولدي وبنتى زين طاوعتها .........يا يمه لا تخرج ملاك وانا هنا بروح و انطر اتصالك ........الله يرضي عليك لا تفشلني وتردني ..ونزلت نظرها وهمست بكلامها لو تجمع الخجل الي بالعالم كان موقف وصوت ام احمد وقتها ..اول ما تخلص دق علي وتسلم على راسه عفيه عليك ياولدي
محمد: وجهه صاير الوان احراج وغضب و توتر واصل حده و عرق جسمه وهو بس يفكر بالوضع الي هو فيه الحين : خالتي الله يطولنا بعمرك انتي متعلمه وفاهمه انه غشاء البكاره انواع وش عرفنا هي من أي نوع
ام احمد: خلها على ربك والله يسترها معنا
محمد : يسلم على راسها : تامرين خالتي بس محد يلومني بلي بسويه بعمتها بعدين
ام احمد: سو الي تبي بس الحين لا تفضحوني مع الناس ...وتروح عنه تفتح الباب ...انطرك لا تطول
مي : منى خالتي وين راحت
منى: مدرى عنها امي اليوم على رغم فرحها احس فيها شي
مي: لا بس هي خايفه على ملاك ما شفتيها وشلون تبكي
منى: ياقلبي عليها بس صدق يهبلون الاثنين لايقين على بعض
مي: تعالي بروح عند شذى شوفيها شكلها تبي تخرج
منى: صدق هذى الصداقه ولا بلاش شكلي بغار منها على حب ملاك لها
مي: لا اله الا الله... تعالي وخلينا ندفع للمطربه فلوسها شوفيها رازه وجها عند الباب
منى: ياختي تستاهل بيضت الوجه الكل انبسط منها اليوم
شذى: يالله امي فيصل عند الباب
ام شذى : انتظري خليني اشوف ام احمد وعطيها الموجب (رفد – فلوس تعطي لأم العروس والمعرس )نسيت اعطيها هي
شذى: امي اعطيها هي بكره على العشاء
ام شذى : عيب يابنتي كيف تبيني اعطيها فبيتها وش بتقول عني بكره ناخذ هدية بنتها ..سكتي شوفي بناتها خليني اسألهم عنها
~~ ***
محمد: يسكر الباب آآآآآه ياعمري ما تدرين وش المصايب الي تتحذف عليك ويدخل الغرفه ويروح يدق عليها حبيبتي فتحي الباب لا تجلسين بالحمام
ملاك: جالسه على طرف البانيو بعد ماغسلت وجها وتبكي ..: روح عني هناك ما ابي اشوفك
محمد: حبيبتي اخرجي جلس بالغرفه راح اخرج عنك برا بس لا تظلين بالحمام
ملاك: روووووووووووووووح
محمد: ما بروح الا اذا خرجتي يالله حبيبتي اقسملك بالله اني ما راح سوى بيك شي بس فتحى الباب وبدلي ورتاحي يالله حياتي
ملاك: اطلع برا الغرفه
محمد:يحاول يمسك اعصابه المتوتره منها ومن الي صاير مهو مصدق كيف انقلب كل شي : اوكي افتحي الباب وانا بطلع عنك
ملاك: بعد عن الباب
محمد: يالله فتحيه بعدت وياخذ مفتاح الغرفه ويحطه بجيبه
ملاك : فتحت الباب وجها منفخ من البكاء والمكياج الي مسحته واثاره باقيه
محمد: تعالي ياعمري والله ماراح سوي لك شي تعالى جلسي ورتاحي
ملاك: تروح وتجلس على الكنب الي بالغرفه وهي تبكي ومنزله راسها
محمد: يروح عندها ويجلس عند ارجولها : يا عمري خذى اشربي شوي واهدى ويمسكها الكاسه بيدها ويمسكها معها وتشرب منها
ملاك: غطت وجها بيدها ورجعت تبكي بصوت عالي
محمد: جلس جنبها واخذها بحضنه: بسم الله عليك قولي لا اله الا الله
ملاك: مسكت بثوبه وتبكي بصوت عالى وتشهق
محمد: لف ايدينه عليها وجلس يقرأ عليها بعد ما خلص: ياعيوني وش فيك
ملاك: تبكي و تمنت انها تضل كذا بس خوفها اكبر هذا مهو ابوها الي يحن عليها وينه الحين محتاجته اكثر من أي لحضه : بدي اياه...الله يخليك .. تعبت ....
محمد: يبوس راسها ياعمري اطلبيله الرحمه لا تبكين ودعيله
ملاك: تبكي وتشهق ..شتقت له .. بدي ....بااااااااابا...... ياربي تعبت بدي روح لعنده...... باااااااابا
محمد: لا اسمعك تقولين كذا تبين تذبحيني.... دمعته متجمعه بعينه صوتها وهي تبكي الم فيه وحسره .... بس حبيبتي
محمد : حبيبتي لا تعذبين نفسك رددي معي الدعاء راح تهدين ان شاء الله.. يمسح بيده على ظهرها حبيبتي سامعتني قولي معي استشعري بكل كلمه تلفظينها ...((لا اله الا الله ...العظيم الحليم ...لا اله الا الله ...رب العرش العظيم ... لا اله الا الله ... رب السموات ...ورب الارض ... ورب العرش الكريم ((
يسلم على راسها يا عمري قلتيه
ملاك: تبكي بصوت واطي وتهز راسها
محمد: قولي (( اللهم اني امتك .....ابنة عبدك.... ابنة امتك... ناصيتي بيدك ...ماض في حكمك ...عدل في قضاؤك.... اسالك بكل اسم هو لك..... سميت به نفسك ....او انزلته في كتابك.... او علمته احدا من خلقك ...او استاثرت به.... في علم الغيب عندك..... ان تجعل القران..... ربيع قلبي ....ونور صدري .....وجلاء حزني... وذهاب همي )) رجع قرأ عليها الفاتحه و المعوذات وايه الكرسي وظل فتره بعد ما شافها هدت شوي
ياخذ الكاسه من على الطاوله الي بجنبه وقرأ فيها الفاتحه سبعه مرات ونفث فيها : حبيبتي ارفعي راسك خذي اشربي مويه
ملاك: وهي على صدره ودموعها على خدها وخايفه تبعد عنه و ماتبي تفكر بقربه منها اكثر ...صوتها ضعيف : لا راس بيوجعني
محمد: بهدوء ارتاح لهدوئها : حبيبتي أكيد بيوجعك من البكاء ارفعي راسك وشربي الحين اجيبلك حبوب
ملاك : رفعت راسها
محمد: مسح دموعها : خذى اشربي شوى ..ويشربها ...شيلي الطرحه عن راسك أكيد راح تزيدك ويفكها لها ويحطها خلفها ويبوسها على جبينها تعالى حياتي كلي شي قبل ما تخذين الحبوب
ملاك: تحرك راسها لا ونزلت دمعتها
محمد: يا عمري خلاص ويمسح دموعها قومي معي
ملاك: لا ...اطلع بدي بدل
محمد: اوكي ويبوس يدها ويوقف ويوقفها معه وراح اخذ اغراضه وخرج عنها وسكر الباب وراح الحمام اخذ شور وبعد ما خرج وهو لابس بيجامه جلس بالصاله شغل التلفزيون و يقلب بالقنوات شافها اتاخرت قام وراح دق الباب محد رد فتحه ودخل .....جالسه بمكانها ...
وش فيك ليه ما بدلتي ؟؟
ملاك: عينها بحضنها وما ردت
محمد: يقرب منها حبيبتي بك شي ردي علي ويجلس جنبها ويرفع وجها بيده ومسح دمعتها الي نزلت ليه يا عيوني تبكين
ملاك: عينها على فستانها
محمد: حبيبتي ليه ما بدلتي قومي عشان ترتاحين
ملاك: دمعت عينها وسالت على خدها
محمد: حبيبتي ناظريني ...وش فيك؟؟
ملاك: ما رفعت عينها
محمد: ملاك عيوني ردي علي بك شي ؟
ملاك: نزلت دمعتها .....وحاسه بضعف كبير ..الفستان؟؟؟
محمد: يمسح دموعها: وش بيه الفستان
ملاك: بكيت ..مهو ..قادره... افتحه
محمد:ناظر فستانها الساتر وهذا الي عجبه مهو مثل مايشوف ويسمعه عن فساتين البنات الي الحين ..وضحك غصب عنه : هههههههههههههههههه عشان كذا تبكين تعالى اساعدك
ملاك:بخوف بلعت ريقها : لا..خلي وحده من العاملات تجي
محمد: يسلااام حلوه ذي .. انا كنت ابي اساعدك من البدايه بس خفت تطقين علي هاتي اشوف افتحه لك
ملاك: كشت على ورا : لا مابدي
محمد:هههههههههههه وشلون يعني تبين تظلين بالفستان تعالي صدقيني ما راح سوى شي
ملاك: ساكته
محمد: مسك يدها ترتعش : حبيبتي من وش خايفه ويبوس يدها ويوقفها معه
ملاك: وصوت يرجف وتبلع ريقها : غمض عيونك
محمد:وهو يضحك على شكلها الي متوتره وجها احمر ماتدري انه هو بعد متوتر مثلها : وشلون افتحه اذا غمضت
ملاك: خلص مابدي
محمد: قربها منه بحزم : تعالي عندي حل... يوقف مقابل لها
ملاك:لاااخلاص بعد
محمد:خليك واقفه راح افتحه لك و انتي كذا و يقربها منه ويمرر يديه للخلف ويفتح لها ازارير الفستان بسرعه وحس برعشتها وهي قريبه منه
ملاك: جسمها كله يرتعش مهي قادره توقف على رجولها بس لازم تنزل الفستان و بعدها راح تبعده عنها بكل ما تقدر
محمد: وقف قدامها بصمت لثواني : روحي بدلي
ملاك :اربكها صمته وبعدت على الخلف : اطلع برا
محمد : خرج بصمت ويسكر الباب..
ملاك: راحت اخذت اغراضها ونزلت الفستان ودخلت الحمام تاخذ شور
محمد: يشوف الساعه اوه راح الوقت ويدخل المطبخ التحضيرى وياخذ سكين وياخذ المنديل ويجلس بالصاله ويرفع بنطلون البجامه ويجرح نفسه بساقه ويمسح الدم بالمنديل ولما شاف كميه الدم مناسبه قام للصيدليه وخذ لصق وغطا الجرح وغسل السكين ودق على خالته ..الو
ام احمد: هلا ولدي
محمد: هههههههههه وش فيك خالتي خايفه
ام احمد: مبروك يا يمه الله يسعدك ويهنيك
محمد: امين خالتي انتي وين
ام احمد : بالفندق
محمد: زين تعالي انتظرك
ام احمد: جايه انا قريبه منكم مع السلامه
محمد: مع السلامه وقفل السماعه ويفتح الباب وشافها جايه
~~ ***
شذى: بعد ما استحمت وخارجه من الحمام وقفت عند التسريحه وهي تمشط شعرها
فيصل : وش فيك
شذى : تلف وتروح عنده على السرير بكيت: خايفه على انجي بعد ما كانت فرحانه وتغني وترقص بالاخير صارت تبكي بشكل يقطع القلب أكيد تبي عمي خالد الله يرحمه معها
فيصل: يقربها منه حياتي هي الحين مع محمد وهو بيتصرف
شذى: مدرى لو مهو كلام الناس كان طلعت لها وحاولت اهديها
فيصل: ياقلبي على الحنونه
شذى: تتريق حضرتك
فيصل: لا يقلبي هي كان معها امها و صدقيني الحين لو بدقين عليها بتهزئك لانك اشغلتيها عن محمد
شذى: بتصل اتطمن عليها وش رايك
فيصل: وش فيك جنيتي انتي تبين محمد يذبحني اخليك تكلمينها الليله
شذى: وش فيها خمس دقائق
فيصل: ههههههههه من جد تخبلتي هذى ليلتهم ولا ناسيه احنا كيف كنا قافلين الجوالات ويبوسها قومي طفي النور خلينا انام ناسيه الغداء بكره عند اهلك
شذى : لا حياتي ما نسيت وتروح تطفي النور وترجع تنام
~~ ***
ام احمد: تدخل وفرحتها بنتها اكبر من الولد : مبروك يايمه
محمد: يسلم على راسها الله يخليك لنا خالتي ويبارك فيك
ام احمد: وين ملاك
محمد: بالحمام تعالي خالتي لا تجبيلها سيره هي ما تدري وتعرفينها لو درت بتقلبها علينا كلنا هي خلقه ما تواطن عمتها تعالي بسرعه قبل ما تخرج بروح معك
ام احمد: لا يمه وين تروح معي
محمد: بروح معك العن خيرها السافله الي تبي توطي راسك ولا ماني بمعطيك هو
ام احمد: بس يا يمه
محمد: لا بس ولا غيره تعالي بسرعه وخرج معها ونزل لدور الي تحت هم غرفه كم
ام احمد: غرفه(..)انتظر لاتدخل على الحريم ما يكفي انك خارج بيجامتك
محمد: زين انا عند الباب
ام احمد: عطني المنديل
محمد: لا نادي عمتها ودق الباب وقف على جنب
ام عامر: فتحت الباب و بشماته وكبره : ما ضنيتك بتجين
محمد: يرفع صوته بعصبيه : وش عندها ما تجي تحجبي زين انتي ولهمج الي معك
ام عامر : ارتبكت من وجوده : وش تبي تدخل
محمد: وش فيك الحين طاح عليك الحيا ما كنك برا شايفك وعارفك بسرعه ما ني بفاضيلك ولمثالك
ام احمد: توقف عند الباب تعال ادخل لا تفضحني بصراخك من برا
محمد: وهو عند الباب معصب ويصرخ : سمعي انتي وهي يالي ما تخافون الله ياهمج ياوطين يالي معندكم عرف بعادات العرب اذا فاكرين ان كل من سافرت ضيعت شرفها ولا كل من سكنت مع رجال ضيعت شرفها هذا الجيل الي انتي وهي وهي بتربونه (ويأشر عيهم )مهو خالتي الي تعبت وسهرت يجون حثاله مثلكم بيوطون راسها ويرفع المنديل هذا شرفها وما جبته عشان ناس جاهله مثلكم جبته عشان خاطر امي ويسلم على راسها و انتي يالنسره (وياشر على عمتها) لو سمعتك بيوم تقولين كلمه على خالتي ومرتي لا تلومين الا نفسك لا خليك تلفين حولين عمرك ما تعرفين انتي مين فاهمه تفو عليكم من امهات ويسحب خالته ويسكر الباب بقوه
<<< الرسالة التي أتمنى أن تصل.............
أولاً :
إلى رجالنا وشبابنا.......اتقوا الله في نسائكم وأعراضكم...
هل بضع نقاط من الدم هي ما يثبت شرف وعذرية الفتاة؟؟؟!!!!!....أين عقولكم؟؟؟؟... وأين الرجولة؟؟؟ عندما يذبح الرجل زوجته او ابنته او اخته دفاعاً عن عرضه الذي لم يشاهده امام عينيه ...... الفتاة بحيائها وليس بضع قطرات ..و إلا فأعلم ايها الزوج انك مخدوع اذا وقعت في الاعيب النساء والترقيع الذي انتشر في هذا الزمان والعياذ بالله
ثانياً:
إلى الآباء والأمهات......ربوا أبناءكم تربية صحيحة...من قال أن غشاء البكارة هو دليل العذرية ( ألم يدقق في أخلاقها قبل الزواج؟؟؟؟ ألم يتزوجها لأخلاقها؟؟؟؟؟ أم أنه اختار فتاة من الشارع زوجة له؟؟؟؟؟).......ومن قال أن النزيف لابد أن يملأ على الأقل نصف كوب....ومن قال أن لونه لا بد أن يكون أحمر أو أسود قاتم؟؟؟؟؟؟ ...( هذا الكلام سمعته من عدد كبير من الاشخاص) كل تلك أفكار تسيطر على عقولنا ولابد من تغييرها.......
ملاحظــــــه:
الي كل فتاه مسلمه اتقي الله في نفسك وراقبيه في خلوتك قبل ان تراقبي اعين الناس وتخشيها ..ولا تنخدعي بكلام الناس فغشاء البكاره احيان قطرات الدم منه لا ترى الا شي بسيط ومثل الصفار الغامق ..
اللهم أني أسألك العفو والعافية.....والستر والعفاف والطهر لجميع المسلمات والمسلمين في الدنيا والآخرة يا أرحم الراحمين>>>>
محمد: السموحه منك خالتي ويسلم على راسها
ام احمد: بكيت : الله يخليك لي يا ولدي وينصرك على كل من يعاديك
محمد: امين .....خالتي وش فيك تبكين وبعدين وين البنات وابوي ما سألتك عنهم
ام احمد: اسفل بالقاعه
محمد: وش يسون الحين الساعه ثلاثه ونص
ام احمد: عشان ما يشكون ويعرفون بشي خبيت طقم الالماس وقلتلهم ضاع وجالسين يدورون عليه وطلعت لك
محمد: ههههههههههههههههههههههههه ويسلم على راسها اما عندك افكار وصلها المصعد الي ينزل على القاعه خليني اطلع لا اتأخر على ملاك تفتحلي قضيه وين كنت تصبحين على خير
ام احمد: ضحكت براحه وسعاده : الله يسعدكم و انت من اهله
~~ ***
ام عامر: جلست على الكرسي و نزعت شيلتها وبصراخ : وجع عسى الله يشيله
ام راشد : ياربي فضيحه لو يدري عني ابو راشد يطلقني
ام جابر : حسيت قلبي بيوقف والله فشله قلت لكم هـ الامور بين الاهل وخلتوني اطاوعكم وهاذي اخرتها جانا الكلام
ام عامر : سكتي انتي وهي الله يشيله وش يظن بنساها له ما راح اتركه بحاله
ام فهد: انتي الحين وش عليك مهو شفتي شرفها خلاص
ام عامر : ماراح ارتاح قبل ما خليه يندم على الي قاله((وتكلم نفسها ....وافرق بينهم مثل ما فرقت بين امها و خالد))
ام راشد : ام عامر ترا احنا غلطنا ونستاهل الي جانا
ام عامر : وش قصدك اني ابي اشوف شرف بنت انواروه خطا لا مهو بخطأ عيوني
ام راشد : زين اهم شي شفتيه معن هـ الشي عيب عندنا ارتاحي الحين يالله انا بروح سواقي ينطرني مع السلامه
ام جابر : خذيني معك السواق من زمان برا
~~ ***
محمد : طلع ودخل الغرفه بعدها بالحمام جلس على السرير ينتظرها
الفصل السادس والعشــــــــ 26 ــــــرون
محمد : طلع ودخل الغرفه بعدها بالحمام جلس على السرير ينتظرها
وثني رجله وحس بوخزه الم في الجرح رجع مدها ..وبتسم على الحريم وخوفهم منه كان واضح بالذات الي ستخبت في الزاويه (ام راشد ..) بس رفعوا له ضغطه بتخلفهم ومستحيل انه هذا الشي هم يسونه بس كيد من عمتها حاقده عليها ولا ليه قالت عنها الكلام الي قالته ..ويمسح على شعره بيده اليمين ويضغط على رأسه بس وين تبي تروح مني خلها تدوس لها على طرف وتشوف وش يبي يصير فيها ..نزل راسه على المخده نعس من التعب والارهاق له كم يوم ماعرف النوم من كثر التفكير فيها وطلبات العرس و غمض جفونه وهي ما خرجت..
ملاك: ظلت وقت طويل بعد ما خلصت استحمام خايفه تخرج كيف بتضل معه لوحدها ..خرجت وعيونها تبحث عنه بكل الغرفه ولمحته وهو نايم على السرير ارتبكت وشدت على روبها الي بين ايديها تقدمت و علقته بالعلاقه (المشجب / الشماعه) ...
محمد : حس بحركتها فتح عينه ..شافها وهي مرتبكه .. الله يعيني عليك كل واحد يشوف زوجته باجمل قميص بس مهو مشكله لاحق عليها هذا كله من خوفها وخجلها اكيد ..ويتأملها ما تدري انها فتنه بافضل لون عنده ..لابسه بيجامه ستان اسود بنطلون طويل والبلوزه كم طويل واطرافها فيها تطريز بيج.. قام وهو يتقدم جهتها ويكلمها بعتب : كل هذا الوقت تستحمين ؟؟..
ملاك: خوفها صوته ضنته نايم وكانت تبي تتسحب وتخرج في الصاله وردت بخوف : شو بتعمل هنا
محمد: طنشها اليوم لو بيجلس يراددها ما راح يخلص وهو يبي يصلي وينام : بدخل اتوضأ تعالي نصلي
ملاك: توقف عند التسريحه وتسحب المنشفه من شعرها و تحاول تداري ارتباكها فيها : صلي بروحك
محمد:وهو رافع حواجبه : ليه و انتي
ملاك: وجتها فرصه انها تبعده عنها وتصده بهذى الطريقه بس كيف بتصلي فروضها اذا ما خرج عنها ..وتراجعت عن فكرتها : بصلي لوحدي
محمد: ضحك بداخله بس ما حب يظهر ضحكته ويحرجها ويقرب منها : افضل نصلي مع بعض
ملاك: رجعت للخلف : وبعدين معك خلص صلي لوحدك
محمد: يمسك يدها وهو مبتسم : عليك صلاه ولا... لا
ملاك: حطت عينها بعينه : شوووووووو
محمد:ضحك بنتعاش شكلها صار الوان من شدة الاحراج: ههههههههههههههه
ملاك: حمر وجها ضحكته نغزتها بقلبها و ادمته ولمعت عينها بدمعه ولفت وجها عنه بسرعه : بعد يدك ....وتروح تاخذ جلالها من الدولاب وتلبسه
محمد: ضحك على سرعتها ورد فعلها : هههههههههه انتظري نصلي مع بعض بطلي عصبيه ....ويمسكها ....سمي بالرحمن و انتظري بس اجدد وضوئي غفيت وانا انتظرك
ملاك:بلعت ريقها بتوتر من مسكته ..انا ليه اصلي معه وادعي وانا عارفه انه ما راح نستمر ..رجعت تعوذت من افكارها الي بدعائها راح يكون لصلاح حالها بدنيتها واخرتها وهمست بصوت خافت : طيب ..وتنفست بعمق يوم بعد عنها و جلست على طرف السرير وهي تردد بداخلها... يارب رحمتك اني كنت من الظالمين ..وعينها على الارض رفعتها وشافته واقف يناظرها بتمعن اربكتها نظرته و ظهر صوتها بخوف وعصبيه ....شو بيك ابدى صلي
محمد: خرج شافها سرحانه ما حب يوترها جلس يناظرها ويبي يعرف وش تخبي خلف عيونها الحزينه : لا اله الا الله اهدى كيف تبين تصلين كذا ..وتبدين حياتك بعصبيه
ملاك: اذا ما بدك تصلى راح صلي
محمد: اوقفي عدل وكبر وصلى
ملاك: صلت معه
محمد: سلم وجلس يدعي ولف جهتها
ملاك: تمنت ما يخلص صلاه صوته حلو وهو يقرأ القران نسيت كل شي وهي تصلي بس اول ما سلم و لف عليها وقفت وبعدت عنه
محمد: ضحكته قفزتها بسرعه تقول مخبوله احد بيمسكها : ههههههههههههه وش فيك
ملاك: تبيه يخرج عنها باي طريقه خلاص.. راسها يوجعها بشكل فضيع ما كنها اخذه مسكن قبل كم ساعه و بطنها تمغصها : خلصت صلاة اطلع برا
محمد: تعالي تعشي
ملاك: مابدي
محمد: كيف ما تبين و انتي ما كلتي شي اليوم
ملاك: وهي تبعد للخلف عنه و عينها تحاول تبعدها عن عيونه ما تبي تشوف نظرته لانها بتنهار اذا شافتها : انت شو عرفك ما بدي
محمد: يضحك على توترها شي طبيعي هو نفسه متوتر بس هي مزودتها ويحاول يخفف عنها بصوت هادي : العصفوره خبرتني بطلي عناد وتعالي تعشي
ملاك:بصوت و اطي وكله ترجي : خلص بليز اطلع برا تعبانه بدي انام
محمد: وين اطلع بنام هنا
ملاك: شوووووو مابدك تطلع انا بطلع انام في الصاله
محمد: حبيبتي بطلي خوف قلت لك ما راح المسك وش فيك
ملاك: اخذت المخده و احد من اغطية السرير ونثرت كل الورد الي عليه على الارض ورمته على الكنب الي بالغرفه..وجلست جنبها وهي بعدها ما فسخت جلالها من عليها
محمد:عصبته بحركتها وغمض عيونه بقوه وفتحها وقام اخذة منها ...ويكلمها بهدوء : قومي نامي على السرير انا بنام هنا
ملاك: ماسكه الغطاء يقوه شادته لها : اطلع نام بالصاله..
محمد: ههههههههههههههههههههه وهم حطين السرير للجلسه اذا بنام على الكنبات
ملاك: بليز اطلع و رفعت ارجولها ولفت ايدينها عليها ودمعتها على خدها
محمد: خلاص لا تبكين خذى راحتك هنا شوفي حبوب الصداع عندك وياشر لها على الطاوله الي جنبها وخرج عنها في الصاله ..وتمدد على الكنب ورفع ذراعه وغطابها وجهه و إضاءة الصاله مره ضعيفه والنور اكثر شي من الغرفه ..ومعد فيه حيل يفكر فيها ينتظرها بس تنام بيدخل يشوفها و ينام على السرير..كل الي يبيه صار الباقي لاحق عليه
ملاك: اخذت 3 حبات المسكن يمكن تهدي لها نبض راسها تظغط على جبينها بقوه و حاسه بسرعه نبظ العروق الي بالجنب تزيد سحبت الغطاء و تمددت وتغطت وبكيت بصمت و دمعها تسيل بسرعة نبضها ..
*.*.*.*.*.*.*
في سيارة ابو محمد
صمت فضيع الكل دايخ معد فيه حيل يتكلم ولا يقول شي مي ومنى كل وحده بجهه عند الباب واحمد في الوسط و راسه بدأ يميل على كتف مي ينعس ..ومنى ونزله صندلها عند رجولها وعينها على جوالها وهي محولته سايلنت ..
طول الطريق وهي تقرأ مسجات الي توصلها من خالد اصر عليها الا ياخذ رقمها و ما راح يكلمها بس مسج .. وكانت كلها عاديه جدا يسال عن احوالها وضحكها مسج ومسكت عمرها لا يظهر صوتها وجها صار احمر وهي تتخيل لو صار الموقف ..
خالد مرسل مسج (تعرفين لو فيه مملك اليوم كان صرت مثل اشعب هو ياكل عند الناس وانا ادخل منافس لأخوك بعد ما املك عليك وانزف قبله ..واكسحه واغطي عليه ..ومنها وفرنا عليك هم الفستان ..بس آآه يالقهر ما في احد لمحته من الي يكتبون العقد جاء بدفتره ولا نطيت عليه و سحبته مع ثوبه واجلسه بالقوه بين ابوي وابوك واحطهم عند الامر الواقع )
منى :ارسلت له وهي حاسه بتانيب الضمير لخيانتها ..وخصوصا بعد نظرات خالتها القويه لها اليوم بعدها ما خذه على خاطرها الي ماردت لها على المسج ومنى خبرتها انه ما وصلها وهذا الي ربي كاتبه واهلي موافقين عليه ...وضغطت ارسال
( خالد بيكفي اني حاسه بالذنب اني كلمك من دون علم اهلي واخون نفسي قبل اخونهم )
خالد: جالس في غرفته متمدد على السرير وصله المسج وهو ينتظر بكل لهفه و بعد ما قراءه تعدل بجلسته و كتب بسرعه
( حبيبتي عيوني انتي خطيبتي وهـالشي معلن عند الكل ومثل ما خبرتك ما راح كلمك بالتلفون ولا اسمع صوتك وبعدين بكره بالكثير اعطي محمد خبر خلاص حياتي لا تزعلين..وتكدرين عمرك ..لا تقولين لا تتغزل .بكيفي اكتب الي ابي خطيبتي... احبـــــــــــك ..ما يحتاج تردين بكره يصير خير .سلام ) ارسلها وحط جواله على جنب ونزل راسه على المخده ..بس وين يجيه النوم وهو وده يسمع صوتها ..
منى: بعد ما أنهت قراءته ابتسامتها ماليه كل وجها لكن نقزت من سحبت عباتها
مي : بصوت واطي وهي تشدها مع عباتها جهتها : وش عندك مسجات من اول من يرسل لك
منى : ختبصت ورمت الجوال بالشنطه : هذى اريجوه الخبله كل شوي تحكي عن موقف بالعرس ..وقف ابوها السياره فتحت الباب بسرعه و صندلها بيدها وهي تجمع ذيل فستانها وتمشي على الارض حافيه ولسعتها برودة الرخام ..ومشيت بسرعه خايف احد يعرف وش بيصير فيها ساعتها
*.*.*.*.*.*.*
غرفة مي
وهي بعدها بفستانها و صندلها مرمي على الارض عند السرير نزلت الحلق وهي تقفل علبته دق جوالها ..سحبته من جيب الشنطه و عصبت ..يوم ظهر لها الاسم ..جذر تكعيب.. صبرك على يا دب والله بذبحك وارويك شغلك حسبي الله على عدوينك ما تخلين حركاتك نذله انتظري علي بس ..واخذت نفس عميق وردت بهدوء ..هلا..(منى كل ما مسكت الجوال غيرت اسم سعد ..فرجال / جتا / منقله / ارقام زوجيه..وكل يوم تكتب مصطلح من الرياضيات )
سعد : بصوت رجولي هادي لكن خشن : يا هلا باحلى برنزي اليوم ..ابي اشوفك وصلتني الاخبار انك غطيتي على العروس ....
مي : باحراج واضح من صوتها : من قال الي نقلو لك الخبر غلطانين
سعد : اذا هم غلطوا انا ما اغلط ابد ..اذا ما شفتك اليوم بكره بجي اشوفك
مي :جلست على كرسي التسريحه وتبعد شعرها عن عيونها وجها صاير احمر من الاحراج : لا
سعد : سمع همستها بالكلمه تذوبه بخجلها يموت عليه ويتمناها تضل كذا على طول ما تتغير ...و بعياره : ليه تكسرين بخاطري حرام عليك عمرك شفتي واحد يمكلك وصباحية ملكته عروسته اطايره بالجو ولين الحين ما شافها وكحل عينه بشوفتها ..و بصوت هامس ..احــبك
*.*.*.*.*.*.*
في الفندق :
ملاك : صحت من النوم مهي قادره تفتح عيونها من شدة نور الغرفه الستار مفتوحه و راسها يالمها وجسمها متكسر من النومه على الكنب فتحت عيونها بشويش و لحظات تعودت على النور قامت وجت تتعثر في الجلال الي عليها لين الحين نزلته و حدوده على وجها محمره شافت الساعه وحده ونص و ما فيه احد في الغرفه معها اخذت راحتها و دخلت الحمام أخذت شور يخفف عنها التكسير الي بجسمها خرجت لفه روبها حول جسمها وتشوف ملابسها الي امها والبنات رتبوها لها ثلاثه فساتين ناعمه قصيره و خمسه اقمصة نوم والجلابيه و كذا بنطلون و بلوزه ..لبست بنطلون ابيض و بلوزه كت اصفر هي استر شي شافته موجود ومشطت شعرها ورفعته بشباصه ولفت جلالها و صلت و جلست مكانها و فتحت القران الي جابته جنبها على السجاده وهي تقرأ حست بغثيان وحطت قرانها وركضت الحمام ورجعت وهي بلا ساس بطنها فاضيه من امس و غسلت وجها وهو شاحب ورحت الصاله بتاخذ مويه وشافت محمد نايم و مهو متغطي وشكله تعبان ....اسفه محمد مهو قصدي اعذبك معي سامحني... وراحت اخذت كاست المويه وشربت شوي وحست انها راح ترجع مره ثانيه وشافت الاكل على الطاوله مثل ما هو محد اكل منه شي والشموع سايحه و معد لها اثر معالم لشكلها دمعت عينها إحساسها انها تذوب مثل الشمعه و تختفي عن الوجود يكون اريح للكل ..وتناظر محمد ..آآآآآه لا تعذبني اكثر من كذا معد فيني اتحمل ومسحت دمعتها وقربت منه وتكلمه بصوت واطي و مبحوح مع الصباح ..محمد ...محمد ...
محمد: فتح عيونه
ملاك : صباح الخير ...
محمد: يمسح وجه بيدينه وفرك عيونه : صباح النور
ملاك : قوم صلي ونام في الغرفه
محمد: يتمغط آآه كم الساعه
ملاك: اثنين وربع
محمد:يقوم يجلس ويحني ظهره على اسفل : آآآآآآآه..ليه ما قومتيني لصلاة
ملاك: كنت نايمه..قوم صلي وارجع كمل نومك داخل
محمد: راسي مصدع ويحط يده خلف رقبته ويحركها و طقطقت فقراتها : حبيبتي اطلبي الفطور وطلبي لي قهوه على بال ما اخذ شور يمكن يخفف الصداع والتكسير الي بجسمي ويوقف
ملاك: شوبدك تاخذ فطور
محمد: أي شي ....ويدخل الغرفه ..
ملاك : طلبت الفطور وجلست تقلب بالقنوات و استقرت على قناة العفاسي يعجبها صوته بترتيل القران وبعد شوي دق الباب قربت منه .. مين
العامل : الفطور مدام
ملاك:ناظرت جهة الغرفه محمد مهو فيه : بدي افتح الباب و انتظر لا تدخل على طول منشان اروح وشيل معك العشاء
العامل : حاضر
ملاك: فتحت الباب ودخلت الغرفه وسكرت الباب وتلف وتشوف محمد بوجها خارج من الحمام ولاف المنشفه على جسمه من اسفل وصدره عاري وشعره مبلل على وجهه ويجفف فيه بمنشفه صغيره وتصد عنه وهي مهي قادره تاخذ نفس و تغطي وجها بيدينها..و مرتبكه يشوفها انها انتبهت له ..
محمد:لمحها من يوم خرج بس سوى عمره ينشف شعره ومهو منتبه لوجودها ويقرب منها
ملاك:بلعت ريقها بخوف : و تشد بيدها على عيونها : بليز محمد روح البس لا تبرد
محمد: ويقرب منها اكثر : خايفه علي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك