رواية شقائق النعمان -31
محمد: خالتي وش سويتي هي تعبانه تزيدينها
ام احمد: تنهدت وبحسره والم بس هذا الناس مستحيل ترحمها اذ بتجلس في بيت طليقها مهما كان : وش تبوني اسوى دق على ابوك وشوف وش يقول لك اذا وافق جلسنا
محمد: اتصلوا عليه انتم بطلع اشوفها ويروح
منى : خذني معك
ام احمد: آآآه ياربي وش السواه
مي : خالتي ما فيها شي لو جلسنا
ام احمد: اتصلي على ابوك وعطيني هو اكلمه
احمد: ماما ملاك وش فيها
ام احمد: ما فيها شي زعلت الي نبي نمشي من هنا
احمد : طيب خلينا هنا
مي : خالتي خذي ابوي معك
ام احمد: بعد السلام وهي قلبها يعتصر..وصوتها متغير
ابومحمد:وش فيكم صاير شي توكم مكلمينى
ام احمد: بهداء : ابو محمد انت تدري ان محمد ساكن بيت ابو ملاك
ابومحمد: ايه خبرني
ام احمد: وش عندك ما علمتني
ابومحمد: انوار وين المشكله هو قال لي انها ما رضت وتعبت عليه وعشان كذا قلت له خلها اهم شي انها ترتاح
ام احمد: و انت يرضيك نجلس هنا
ابو محمد : انوار اعرف وش تفكرين فيه بس هـ الشي انتهى وما عليك من كلام اهلها انتي بيت بنتك الحين وعشان كذا متصله مهقيت انك تفكرين فيني كذا
ام احمد: لا يا بو محمد ما ضنيت فيك لكن شلت هم... عمتها محمد وما رحمته وشلون انا والبنات
ابومحمد: ما عليك منهم اهم شي خلصي بسرعه عشان يمديكم
ام احمد: ان شاءالله دير بالك على نفسك مع السلامه
ابومحمد: و انتم بعد ديرو بالكم مع السلامه
ام احمد:بعد ما رتاح بالها اذا زوجها موافق معد يهمها كلام احد توقف : خليني اطلع اشوفها
محمد : يدق على الباب: ملاك فتحي الباب
منى: ملاك حبيبتي فتحيه
محمد: يصرخ : مــــــــلاك ردى علي تسمعين ويدق بقوه
منى: ليه ما ترد
محمد: دقي عليها ويروح يدخل غرفته وياخذ المفتاح(قص نسخه بعد ما قفلت على نفسها اول مره) ويرجع ويدخله في الباب
منى : محمد وش تسوى
محمد: ما يفتح مخليه المفتاح في الباب... ملاك ردي علي... تسمعيني فتحي الباب ولا كسرته ...ردي علي حبيبتي ....محد بيروح بس قومي فتحيه .....ويدق بقوه
ام احمد:وش فيكم
منى: مقفله وما ترد
ام احمد: توقف جنب الباب : ملاك حبيبتي بجلس معك قومي فتحيه ملاك
محمد: يدق بقوه مـــــــــــــــــــلاك
منى: وش فيها ما ترد
ام احمد: وحسرتي على بنتي أكيد صاير فيها شي
محمد: يجرى نازل مع الدرج
ام احمد: وين تبي تروح
محمد : بدخل مع البلكونه وينزل وينادي على المزارع يجيب السلم ويطلع ويدخل الغرفه ما حصلها ..ملاك..ويفتح باب الحمام... ملاك (جالسه في البانيو بملابسها تحت المويه تصب عليها وحاطه يدينها على اذنها وتهز جسمها...و ما تسمع احد والكلام الي يتردد بعقلها انتي منتي بنتهم الاف المرات تسمع الصوت لين مافقدت احساسها بالمويه الي تصب عليها ) يقفل المويه ويخرج ياخذ المنشفه ويلفها عليها حبيبتي لا تسوين كذا ويشيلها حبيبتي ردي علي افتحي عيونك ويحطها على السرير ملاك ردي علي
ام احمد: تصرخ بهلع : محمد افتح الباب
محمد: يقوم يفتح الباب ويرجع عندها يضربها على خفيف على وجها : حبيبتي ردي علي تسمعيني
ام احمد: تجلس جنبها وتمسك يدها : وش فيها ليش كلها مويه
محمد: مني اعطيني عطر بسرعه مي قفلي البلكونه عن الهواء
منى: تاخذ اقرب واحد على التسريحه وتناولها له
محمد: يرش على يده ويقربه من انفها وما صحيت
ام احمد: تبكي : ياويللللللى يابنتي قومي ولي يعافيك محمد وش فيها
محمد: ياخذ سماعه التلفون الو روز اطلبي بسرعه أي دكتور وما نتظر ردها قفل
مي : وش صار لها
الكل :مضطرب..وخايف
محمد: يرجع يرش عطر ويضربها على خدودها يصرخ: سكتو شوى وش فيكم اغمي عليها اكيد هبوط ..ويفتكر الطريقه الصح .ويضغط على اذونها الاثنين من مكان الحلق بقوه ارمشت بعينها ورجع غمضتها (هذى الطريقه علميه لأخراج الشخص من الاغماء يضغط على شحمة الاذن من اسفل اذا كانت امرآة عليك ازالت الحلق ويتم الضغط بقوه فانها تجعل الشخص يفيق من الاغماء)
ام احمد: تبكي وتمسح على شعرها: أي هبوط يجيها وهي صغيره
محمد: خالتي الله يرضي عليك ما فيها شي بس ما نامت طول اليلل اصرت تروح معي نوصل فيصل وشذى المطار و رحلتهم اتاخرت ما رجعنا الا بعد الفجر واهي أكيد ما نامت ولا اكلت .....خالتي انا بطلع برا بدليلها ملابسها لا يجيها برد وقبل ما يجي الدكتور ويقوم يخرج عنهم
ام احمد: الله يرضي عليك ياولدي و الناس تضن فيك
مي : خالتي وش قصدك
ام احمد: ولا شي روحي جبيلها ملابس منى تعالي ساعديني
وبعد ما بدلولها وجاء الدكتور وشافها وطمنهم انه حالة ارهاق وهبوط بالضغط و ام احمد بعدها خايفه عليها
محمد:خالتي الله يطول بعمرك تعالي ارتاحي
ام احمد: لا روحوا انتو انا بجلس عندها
محمد: خالتي تعالي تغدي وبعدين نامي شوي
ام احمد: لا ما ابي غداء خذ اخوانك ونزلو تغدو
محمد: اذا مانزلتي معي ماني ماكل وياخذها معه
وبعد ما تغدو اخذهم محمد على غرفهم ونامو وهو راح نام ودق جواله وصحي من النوم ورد بدون مايشوف من الي متصل : الو
خالد: انت للحين نايم اذن المغرب
محمد: بتعب وبعده مسكر عيونه: تعبان وش عندك
خالد: قوم تعال زهقت محد معي
محمد: زين خلني اقوم اصلي وبعدين اكلمك
خالد: اوكي سلام
محمد: وعيك السلام وقفل وقام دخل الحمام و توضأ وصلي العصر والمغرب وخرج من الغرفه شاف خالته جالسه
محمد: السلام عليكم و يسلم على راسها ويجلس
ام احمد: وعيكم السلام
محمد: خالتي ملاك صحيت
ام احمد: لابعدها نايمه
محمد: و اخواني وينهم
ام احمد: بعدهم نايمين
محمد: ليه انتي ما نمتى
ام احمد: بلا يا وليدي نمت شوي اذا غيرت مكاني معرف انام زين
محمد: بكره تتعودين يوقف انا بروح عند خالد
ام احمد: تعال يمه اجلس ابيك
محمد: يجلس خير خالتي وش فيه
ام احمد: انت قلت لملاك عن موعد العرس
محمد: ايه
ام احمد: وشلون بنسوى العرس وهي تعبانه كذا
محمد: شوفي خالتي انا كنت ماجل العرس ترى عشانها ما عندي اختبار ولا شي وهي مهي براضيه انها تسافر انتى حاولي معها و اقنعيها
ام احمد: هي وشلونها معك
محمد: زينه .....خالتي لا تشلين هم هي الظروف الي اهي فيها و الله محد يرضي انه يسوي عرسه بهـ الشكل بس ابوي الله يهداه راح طاوعهم
ام احمد: حسبي الله عليها هي السبب وعمها محد يلومه خايف على سمعتها
محمد: خالتي انتي حاولي معها وشوفي وش تقول
ام احمد : يا ولدي وش تقول فيه هاذى معد فيها كلام انا باخذها معي ابوك حجز و وزع البطاقات تبيها تفضحنا وتفضح عمرها انا من بكره بخرج معها نجهز كل الي تبيه و انت جهز عمرك وشوف وش ناقصكم
محمد: زين خالتي ....بتردد كان حاب يسألها عن الي ملاحظه على ملاك رجع تراجع وحب يخليها هي تتكلم معه بنفسها ...الحين انا بروح شوي ورجع مع السلامه
ام احمد: مع السلامه
ثاني يوم الصباح الساعه تسعه الكل صاحي وجلسين في الحديقه الخلفيه للبيت و يفطرون
ام احمد: قومو خلنا ندخل ذبحني البرد...وهي لابسه جكت ولافه على راسها جلالها
ملاك : (صحيت من النوم الساعه سته وشافت امها نايمه جنبها فرحت...ومثل كل مره تحاول تعيش وتنسي الافكار الي تجيها وتنخر بقلبها ) ماما هيدى مش برد..قبل يومين كان ابرد شوي
ام احمد: هذا مهو برد قوموا لبسوا عشان نلحق نروح السوق
احمد: انا ابي اروح مع محمد
ام احمد : وين تبي تروح محمد هو الي بيوصلنا
محمد: لا انا اليوم ما يمديني الحين بروح المكتب وبعدين عندي اشياء للجامعه ابي اخلصها
ام احمد: الحين انتم بقي لكم هـ الاسبوع
محمد: ايه احنا اجازتنا مهي مثلكم
ام احمد: زين والحين من بيوصلنا
ملاك: ماما انا بوصلك اليوم اجازه وين بدك تروحي
ام احمد: زين اول شي خلينا نروح نشوف الفساتين
ملاك: ماما بدك جاهز ولا مصمم ...خبله راح عن بالها زواجها تحسبه لمي
ام احمد: نشوف الا ثنين بس قومو و توقف
راحو لفو على محلات الفساتين الي تبيع بالقطعه لا غير ومي عجبها فستان واخذته و منى الفسان الي عجبها قلها بعد يومين تجي تستلمه لانها ما حصلت مقاسها وراحوا عند مصمم فساتين اعراس
ملاك: وحست ان الخبطه جاتها قويه على راسها وقالت بصدمه : ماما مابدي فستان
ام احمد: تعالي الحين اختاري وبعدين نتفاهم بالبيت
ملاك: ماما
ام احمد: سمعي كلامي لا ازعل عليك
واخذو يشوفون الموديلات الجديده
منى: ملاك شوفي هذا كثير حلو
مي : لا هذا احلي
ام احمد: هاه وش الي عجبك
ملاك : ماما خلاص بدي ارجع البيت خليها بكره
ام احمد: ما راح تخرجين الا و انتي مفصله فستانك الحين وش عجبك
ملاك: ولا واحد
منى: حرام عليك شوفيها حلوه
ام احمد: حبيبتي شوفي وش يعجبك خلينا نخلص ورانا شغلات وش كثرها ما نتهينا منها
ملاك: بخوف يقتلها وهي تشوف الفساتين و ابتسامت الي لبستها بس هي مستحيل تكون مثلهم هي غير تختار بشكل عشوائي الي طيح عليه عينها : بدي هاي التنوره و هاي الصدر
وهاي الطرحه
ام احمد: وش فيك يمكن ما تطلع حلوه مع بعض
ملاك : ماما بدي هيك
منى: خالتي بيطلع حلو
مي : ايه فكرتها حلوه و التنوره موديلها حلو
ام احمد: زين كلميه وتفقي معه
ملاك: كلمت المصمم وتفقت معه و عجبته فكرتها ورسملها الفستان كامل مثل ماختارته و جت وحده اخذتلها المقاسات
ام احمد: قولو له بعد اسبوع نستلمه
مي: خالتي يقول بعد اسبوع راح يزود السعر
ام احمد: ياخذ الي يبي بس يسلمه لنا في الموعد
وبعد ما تفقوا معه خرجو واخذو يلفون من محل لمحل وملاك على كل شي تعترض انها تاخذه وفي محل (الانجري ) ملابس النوم جلست ورفضت تاخذ شي امها على بالها مكسوفه راحت هي ومي ومنى اخذو الاغراض وصارت تجهز لمي ومنى معها بنفس الوقت
منى: وهي لول مره تحس باحراج بس مثل عادتها صارت تستهبل عليهم و تعلق على مي الي باين احراجها و كل قميص تاخذه ماتخلي عيب ماتقوله فيه
ام احمد: فكرتها تجهزلهم ملابس البيت من الحين عشان ما تتعب بعدين يصير ما يفظل الا الفستان واشياء بسيطه
وبعد ما انتهو راحو تغدو بمطعم
ملاك : اكلت غصبن عنها شويه ونفسها مسدوده ورجعوا على البيت اذان العصر
منى: وهم بالسياره آآآآآه يا رجليني تكسرت وهذا يوم واحد بس
مي : خلاص بكره روحوا انتم تعبت
ام احمد: حسبي الله على عدوينكم هذا وانتوم صغار تقلون كذا كيف لا صرتوا بسننا
ملاك: وقفت السياره ونزلوا وهم داخلين عند الباب
ام احمد: السلام عليكم
محمد: وعيكم السلام وش هذا خالتي خمس ساعات بالسوق أكيد ما خليتو شي ما اخذتوه
منى: برعب ورجلها مهي شايلتها ترجف بعنف و تمسك بيد ملاك وتدخل خلفها ملاك لحقي هذا الي طيحته بالمسبح
الفصل الع ــــــــشــــرون
تعدد الزوجات حكمه الاهيه يغفل عنها الكثير... فالنساء تثور بمجرد سماعها لها و يفرح الرجل من سماعها حتى وان لم يفكر بالتعدد والزواج بغير واحده..
بيت هزاع
بيته كبير مكون من فلتين بسور واحد وكل وحده من زوجاته في فلتها والغداء كل يوم عند وحده أم شمايل عندها خمسه بنات و أم خوله اربع بنات اصغر بنت عنده في الابتدائي و بناته كلهم لازم يكنون موجودين على الغداء يوم يكون فيه عودهم من صغرهم قلوبهم تكون على بعض و ما يفرق بينهم والي يشوفهم يضنهم بنات حرمه وحده مهو ثنتين بس الامر ما يخلوا من بعض المشادات احيان بين الاخوان وهذا امر لابد منه
اصايل جالسه بغرفتها المشتركه مع اختها شمايل وهي متنكده من الخبر الي سمعته..و تتذكر مواقفها معه وتحكمه فيها وهي صغيره واكثر موقف اثر فيها يوم ضربها وهي سادس ابتدائي عمرها وقتها ما كمل 13 سنه حصلها بدون عبايه ولا شيله وسط العمال و طردها و رمت عليه الحجر و صدات جبهته وكونت له علامه فارقه ومن وقتها ابوها عاقبها ما تروح المزرعه لوحدها اذا ما معها وحده من أخواتها لانها ما كانت تفارقه حتى بمجالس الرجال الي يجتمعون بالبيت او المزرعه..وكان يشوفها الولد الي ما جابه فيها ..وهي عمرها ما فكرة انها تعرس ..ولا كان عندها احلام مراهقه مثل البنات كل حياتها جد بجد و تضحك على اخواتها و دلعهم ..
شمايل : دخلت عليها : قومي انتي لين الحين ضاربه الصمت ما صارت هذى ابي اعرف انتي ليه ما تبينه..وتجلس عندها على السرير ..شوفي لو أي احد ثاني كان قلت لك معليش تشلين همه لكن حمد الكل يعرفه و لاتنسين حب ابوي له من صغره
اصايل : وهي تلهي عمرها وتحرك اصابعها على رسمه في مفرشها و متوتره :بس انا عمري ما فكرت اعرس بيوم ..
شمايل : تمسك يدها الي تمشيها على الرسم : ناظريني وش فيك انتي بنت مثلك مثل غيرك اذا مهو اليوم اعرستي بيجيك يوم مهما طال بك الوقت ولا وش تبين تضلين كذا مثل بيت الوقف
اصايل: ترفع عينها وتناظرها : انا مقدر اخلي احد يتحكم فيني مقدر صدقيني وحمد من صغره اذا قال الكلمه ما يحب احد يرده فيها
شمايل : ايش الي عرفك بحمد انتي عهدك به واحنا اصغار وحنا حتى سلام ابوي ما يخلينا نقوله لحد من عيال عمنا..اذا عدينا من عندهم ..وبعدين انتي الحين تشوفين ابوي متحكم فينا ..حياتك معه بتكون عاديه ابنيها على التفاهم
اصايل : خلاص خذيه انتي انا لا..وسكتت دخلو عليها اخواتها
شيماء: عمرها 19 سنه في الجامعه : يووووه العروس وش فيها
خوله :ثانيه ثنوي : ههههههه شوفي اذا ما تبينه انا ابيه ..وتحرك حواجبها
شيماء ضربتها على ظهرها : احلفي انتي كان ذبحتك انا قبلك ما تتخطيني سامعه اصول خلاص ارفضيه انا ابيه هو الوحده طول هذا الزمن تحصل رجال يبيها ..
~~*~*~~
بيت ابو ملاك
عند الباب بالحديقه
محمد: وعيكم السلام وش هذا خالتي خمس ساعات بالسوق أكيد ما خليتو شي ما اخذتوه
منى: برعب ورجلها مهي شايلتها ترجف بعنف و تمسك بيد ملاك وتدخل خلفها ملاك لحقي هذا الي طيحته بالمسبح
ملاك: تهمس : شو
منى : شوي وتبكي واضح من صوتها : ايه متاكده هو ...ياوووويلي وش جايبه هنا .. خبيني لا يشوفني الحين يفضحني... و عينا على شعره مطوله نازل لحد الرقبه ونعومته متوسطه... وجع من حق من يعلقه بشعره امشي يمه بطني توجعني و تحاول تخبي وجها ورى ظهرها..
ملاك: كتمت ضحكها وتهمس جنب اذنها وهم ماشين : تعرفي من هو الي بدك تعليقيه مع شعره
منى: شافت محمد لف عليه حاسه خلاص دمعتها على وشك طيح و تدف ملاك من كتفها تبيها تمشي وهي جنبها عشان محد يشوفها :ياربي وش البلشه ما ابي عرف امشي ..شوفي محمد وشلون يناظرني يمه بيذبحني لو عرف
محمد: شاف منى وهي منخشه خلف ملاك ويضحك بصوت : يوووووووه نسيتك يالحبيب اليوم السعد عندك هذى فرصه وجاتك من السماء ما راح فوتها عليك معني كان ودي اعذبك و ما تشوفها
خالد :( شافها وهي نازله من السياره ونزل عينه..وقف على جنب شوي عشان يعدون وحس بمشاعر فرح عارمه بتقتله ولا ارادي عضلات وجهه تبتسم .. ونقهر من تعليق محمد عليه و عينه على محمد ويكلمه بصوت واطي ) : أكيد منت شايف غزالي بضيع العلوم
محمد: يشوف خالته الي قربت منهم : ههههههه خل عند حياء شوي ...خالتي هذا خالد
ام احمد: شبهته لأخته الكبيره قبل ما يخبرها وعرفت انه هو و هي واقفه على جنب بعيده عنهم شوي : هلا ولدي وش اخبارك
خالد : منحرج منها : حمد لله عمتي .........حمدلله على السلامه
ام احمد: الله يسلمك وش اخبار اهلك عساهم بخير
خالد : وهو ما يناظر فيها : الحمد لله كلهم بخير
محمد: يقرب يسحب منى الي بتعدي وتطلع الدرج ..و طلعوا ملاك ومي وملاك لتفتت عليها تبي تشوف رد فعلها اذا عرفت : تعالي... شوف هذى مني الي دوختنا عليها نزلي النظاره عشان يشوف عيونك خالد
منى: عينها على الارض وبلعت ريقها يوم سحبها ضنته عرف بالمصيبه الي سوتها لمن شافت خالد يكلمه و ما سمعت وش قال....ويوم سمعته الاسم رفعت و جها وعيونها جاحضه فيه و يوم تكلمت طلع صوتها فيه بحه من خوفها : انت هووو ؟؟؟
محمد: هههههههههه وش فيك وش الي انت هو ..ولا يهمك اذا معجبك نغيره لك ويضرب خالد على كتفه هههههه..شافه متنح فيها
خالد : يناظر فيها مهو مصدق انها واقفه قدامه وده يسحب نظارتها ويشوف عيونها ...يوووه لا تفضحنا الخبله و بيموت من الضحك على رد فعلها ..ولف لمحمد وده يذبحه على كلمته و ثبت صوته عشان يظهر صافي بدون توتر من شوفته لها :وش اخبارك منى
منى : ظلت متنحه مهي مستوعبه الي يصير وهي تشوفه قدامها ..
محمد: وش فيك ما تردين عليه وين راح لسانك لا تخلينه يضن انك خرساء
منى : راحت تركض مع الدرج بشكل يضحك وجات تتعثر ..ودمعتها على خدها
الكل : هههههههههههههههههههههه
ام احمد:و اقفه قريب منها وهي مبتسمه لرد فعلها وحمدت ربها انها سكتت عن خبالها : محمد وبعدين معك انت خجلتها ...وتناظر خالد ...مع السلامه يا ولدي و سلملي على اهلك
خالد :و يسمي عليها لمن شافها بطيح بداخله : يوصل ان شاء الله مع السلامه ....واول ما راحوا يضرب محمد على كتفه : خبل انت تخجلها كذا قدام الكل
محمد: هههههههههه خلها تستاهل طويلة اللسان ..
خالد : وهو مبتسم و الضحكه بعيونه: محمد لا تخليني اذبحك الحين اتركها بحالها
محمد: ههههههههه انت وش عندك حضرتك مستخف عليها يا حبيبي ويدافع عنها بعد اقول يا حبيب مهو شفتها يالله امش اشوف قدامي وحلم لو خليتك تشوفها مره ثانيه
~~*~*~~
بيت هزاع
غرفة البنات
خوله : تجلس على سرير شمايل : ايه والله انا اذا شفت البنات الي بالثانوي وش كثرهم هذول من يبي يزوجهم..مدرستنا لوحدها خمس امية طالبه
شيماء : تجلس عند خوله وتتربع : اجل لو شفتي بنات الجامعه وش تقولين هم على القلب صايرين مثل الدود يالطيف ..
اصايل : لفت عليهم وبعصبيه : مالت عليك انتي وهي وش جايبكم الحين ما عندكم دراسه واذا العرس اعرسوا محد ردكم يا قليلات الحيا
شيماء: وهي تضحك : اقول اخوي اصيل تكفى نبي نفرح فيك قبل بس وافق انت ....اخواتها دايم ينادونها اصيل لانها تامر وتنهي في كل شي ما يعجبها مثل العيال
اصايل : ودها تقوم تكفخها
خوله : بجد اصيل الحين ليه ما توفقين عليه ..شوفي بجد اذا ماتبينه انا ماراح خليه يضيع من يدي عريس وجانا فرصه هههههه
شيماء : هجمت عليها خنقتها بالمخده وتصرخ : استحي على وجهك يالمقروده على بالك بخليك تتخطيني احلمي
ناظروا في بعض شمايل واصايل
شمايل : فهمت من نظرتها : ياويلك تفكرين ترفضينه عشاني الزواج قسمه ونصيب وانا الي يشوفني اصلا يضن اصغر منكم و تلعب بشعرها
اصايل : لفت على خواتها الي يصرخون على بعض : بنت انتي وهي بطلوا حركات الخبال
شيماء : تضقط اكثر على خوله و تلف عليها : قولي انك موافقه واطلق سراحها
شمايل : تضحك عليهم ..
اصايل قامت تفك بينهم عصبوها : قومي عنها ياخبله ذبحتيها وترفع المخده عن خوله الي ميته ضحك وجها احمر ..رجعت رمتها عليها ..وجع مالت عليك انتي وهي
شمايل : سحبتها مع بلوزة بجامتها جلستها عندها :خليك منهم خلاص بنات خلونا نتكل بجد اصايل اذا رافضه عشان انا اكبر منك لا تحطين هذا الشي في بالك سامعه و بعدين تحمدين ربك انك بتكونين عند عمتي الوحده بهذا الزمن لازم مهو بس الرجال يكون طيب تشوف اهله بعد وعمتي ام ابراهيم ولا نوره حتى مرة ابراهيم مريم مثل العسل
اصايل مهي قادره تناظر فيهم وهي حاسه بحرج غير طبيعي اول مره تشعر فيه
~~*~*~~
بيت ابو ابراهيم
حمد نزل من غرفته وريحة العطر تسبقه متسبحه فيه ودخل الصاله وامه جالسه وحب راسها : وش علومك يا زين البنات
ام حمد : وهي مبتسمه : بخير عساك سالم يازين الشباب..على وين العزم
حمد : يوقف عند مراية المدخل و يلبس شماغه : وش رايك يا زين البنات تروحين معي عند بنتك الشينه
ام ابراهيم :الله معك ماني مخليه مريم لوحدها بالبيت .. واذا هي شينه وش تبي فيها تروح لها
حمد : يشوف امه من المرايه وهو يعدل العقال :وش اسوي ما جبتيلي غيرها ياليتك جبتيلنا لو نص درزن مثل خالي هزاع كان لعبت بحسبتهم الحين
ام ابراهيم : ههههههه الله يهديك ويصلحك بس انت وحده وجننتك كيف لونهم اكثر
حمد : ما نتبه امه وش قالت كان يعدل شماغه يوزنها على جبهته و مسح على الثر الضربه
وبتسم علامة الجوده سعودي اصيل وتنهد آآآه منك يا اصايل يارب توافقين
~~*~*~~
بيت ابو ملاك
منى : طلعت تجري و البنات خلفها و دخلت الغرفه ورمت نفسها على السرير وبكيت
مي: ههههههههه وش فيك كل ذا خجل
ملاك: من عند الباب وهي ميته ضحك : ههههههههههههههههههههه ما دريتي هههههههههههههه
مي : واقفه بوسط الغرفه : وش فيه
ملاك: تاخذ نفس :ههههههه خالد الي طيحته بالمسبح
مي: تلف جهة منى : لاااااا مهو معقول هههههههههههههههههه
منى: مغطيه وجها بالمفرش و تبكي وتصرخ : وجع انتي وهي طلعوا عني برا
مي:تحاول تسحب المفرش عن وجها: هههههههههههههههه وش رايك فيه الحين
منى :شدت عليه : طلعي برا
ام احمد: تدخل عليهم: وش فيكم قوموا عنها ما يكفي محمد يحرجها
ملاك: احراج ههههههههههههههههههههههه
مي : ونعم الاحراج هههههههههههههههههههههههههههه
منى: طلعوا برا امي طلعيهم
ملاك: تجلس جنبها : لا ما ابي اطلع مهو بكيفك
مي : ايه تعرفين تضحكين علي يوم الملكه وش رايك فيه الحين
ملاك: بسرعه قولي..وتحاول تسحب المفرش تبي تشوف وجها وهي تبكي
منى: امي طلعيهم
ام احمد: قوموا عنها
مي : خالتي خليها تعترف مثل ما بهذلتنا
ملاك: تميل جنب اذنها تساسرها: واثريك مخبلته وحنا ما بنعرف
منى:ترمي المفرش عنها : امي مابيه خلاص ما ابي عرس وانخرطت في بكاء بصوت
ام احمد: جلست عندها وحضنتها : بسم الله الرحمن الرحيم وش جاك ..سمي بالرحمن وتعوذي من بليس وفهمي وش ماتبينه
منى: جسمها يرجف و ترفع راسها وتتكلم و بسرعه وهي تبكي :امي يخوف عملاق ومزيون
البنات و ماتوا ضحك عليها
ام احمد وهي تضحك : ايه اشوي عملاق ومزيون ضنيتك بتقولين شي ثاني و تقوم وهي تضحك مع البنات بروح ارتاح الله يعيني عليك يوم عرسك وش بتقولين فيه اجل وتخرج
مي : وهي ميته ضحك على خبالها : منى وش شعورك
منى : الكلام ضارب من الخوف الي فيها مهي قادرة تميز هي ايه تقول : خايفه بموت يمه يخوف يهبل فديته
البنات : ههههههههه
ملاك: هههههههههه خبلتي بخالد الي الكل ستغرب كان رافض انه يعرس اتريك غرقتي قلبه يومها ...وقال شوو مايبي يشوفك؟؟
مي:ههههههههههههههههه شايفها احلي شوفه وهي متسبحه معه
منى: تمسك بيد ملاك : ملاك شكله يجنن
ملاك: ههههههههه ليه يومها ماعجبك
منى: وجع يومها من الخوف ما شفته
مي: يعني عجبك
منى: آآآآآآآآآه قلبي يوجعني ..و تقوم بسرعه من على السرير..بقوم اشوفه وتروح عند الشباك
البنات :ههههههههههههههههههههههههههههههه
~~*~*~~
بيت ابو عامر
مها جالسه بالبيت لوحدها امها خارجه مثل عوايدها وسمعة صوت طلق نار في نفس الحي وخرجت من غرفتها وهي بتموت من الخوف والجوال بيدها وشافت الشغالتين واقفين في الصاله وخايفات ..تصرخ عليه : وش فيه من فين الصوت ؟؟
الشغاله : وهي تبكي : انا مافي معلموم
مها : شوي وتبكي من خوفها وراح بالها انه امرها انفضح وجاين خلصون عليها و تصلت على عامر لان ابوها في الشرقيه وطلبت منه يجي ياخذها وطمنها انه في الحي الي بعدهم فيه مداهمه على احد الفلل بس ماراح يخليها لوحدها وطلب منها تتجهز ويجيها ياخذها هي والشغالات و بعد ما راحت عند عامر بعدها خايفه لان طلق النار مابعد وقف وكل شوي يسمعوه ودعت ربها انه يعدي الامور على خير وانها بتحرم تدخل نت وتهكر احد وجلست تراجع خططها الي سوتها قبل وانه صعب احد يعرفها في المطار وهي مبدله عباتها ثلاث مرات باشكل مختلفه اول مره عباية راس بعدها ساده والثالثه ملونه
نوره : قربت منها وشافت وجها وشلون شاحب و عطتها المويه : خذى اشربي الله يعديها على خير منهم ويسلم كل مسلم من يدهم هذول الظلمه مفكرين انه الاسلام بهذى الطريقه صح ما يعرفون انهم يرتكبون افضع اثم بقتلهم الابرياء
مها: والخواف ظاهر بصوتها وعيونها : هم وش يبون يستفدون من الي يسونه
نوره :كله غزو فكري وتدمير لعقولهم قال الله تعالى: ( وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً) ...وبحكم تخصصها شريعه ..
مها : توقف وبخوف : عامر كلم يزيد لا يخرج من بيته
نوره : ايه لا تخافين اجلسي الحين بيجي هنا فيه حمد توه جاي
مها تجلس و تمسك بالمخده بكل خوف تحضنها : يارب يشيلهم مثل ما ارعبونا الحمدلله الي بناتك نايمين ولا وش صار فيهم ..
نوره : تجلس جنبها : انتي اهدى اول مره اشوفك خايفه كذا وتمسح على شعرها
مها : بشرود ذهن وتلف عليها وعيونها زايغه : هم ليه مفكرين الي يموت منهم شهيد
نوره : تكلمها بهدوء: شوفي كل انسان قال اشهد ان لا اله الا الله وامن بها هو تحت رحمة ربي احنا ما نحكم انسان في الجنه او النار الكل تحت رحمته سبحانه و الاسلام وضح كيف التعامل مع المشركين و الكفار أربعة أنواع ..ايه لاتناظريني كذا اربعه استني و تقوم عند المكتبه الي بالصاله فيها مجموعه من الكتب وتسحب منها كتاب وتجلس عندها وتفتح على فصل معاملة اهل الكفر شوفي
مها: انتي قولي
نوره : وتقرأ لها من نصف الصفحه : لا يخلو الكافر من أن يكون أحد أربعة حربياً ، أو معاهداً ، أو مستأمناً ، أو ذمياً .
1) الذمي : هو الكافر الذي يستوطن بلاد الإسلام ، أي يتخذها وطناً ، بالتزام دفع الجزية وجريان أحكام الإسلام عليه ، فهم رعايا الدول الإسلامية من غير المسلمين .
2) المعاهد : هو الكافر الذي بين دولتنا ودولته الكافرة عهد وصلح على وضع الحرب مدة معينة أو مطلقة ، كما عاهد النبي صلى الله عليه وسلم قريشاً على وضع الحرب عشر سنين فصاروا بهذا الصلح معاهدين .
ومن صور العهد في هذه الأزمنة : الاشتراك في منظمات دولية يلتزم أعضاؤها عدم تعر بعضهم لبعض مدة عضويتهم في هذه المنظمة وتسمى دارهم دار عهد .
3) المستأمن : هو الكافر الحربي الذي يدخل بلاد الإسلام بأمان وإذن من مسلم كما في قوله تعالى : (وَإِنْ أَحَدٌ مِنَ الْمُشْرِكِينَ اسْتَجَارَكَ فَأَجِرْهُ حَتَّى يَسْمَعَ كَلامَ اللَّهِ ثُمَّ أَبْلِغْهُ مَأْمَنَهُ ذَلِكَ بِأَنَّهُمْ قَوْمٌ لا يَعْلَمُونَ) . وقوله صلى الله عليه وسلم : " قد أجرنا من أجرت يا أم هانئ " .
وترفع راسها نوره عن الكتاب و من صور الأمان في هذه الوقت يعني الإذن الرسمي بدخول الدولة ، كالفيزا ، أو كرت الزيارة ، أو ختم دخول و هذول الثلاثة معصوموا الدم والمال ، لا يحل التعرض لهم ما داموا على هذه الحال وفيه احاديث عليها قوله صلى الله عليه وسلم : " من قتل معاهداً لم يرح رائحة الجنة ، وأن ريحها ليوجد من مسيرة أربعين عاماً " رواه البخاري . وقوله صلى الله عليه وسلم : " ذمة المسلمين واحدة يسعى بها أدناهم ، فمن أخفر مسلماً فعليه لعنة الله والملائكة والناس أجمعين ، لا يقبل الله منه صرفاً ولا عدلاً " رواه الترمذي وأبو داود وصححه ابن حبان وغيره .
وقال سبحانه وتعالى في حق الكافر الذي له ذمة في حكم قتل الخطأ : (وَإِنْ كَانَ مِنْ قَوْمٍ بَيْنَكُمْ وَبَيْنَهُمْ مِيثَاقٌ فَدِيَةٌ مُسَلَّمَةٌ إِلَى أَهْلِهِ وَتَحْرِيرُ رَقَبَةٍ مُؤْمِنَةٍ فَمَنْ لَمْ يَجِدْ فَصِيَامُ شَهْرَيْنِ مُتَتَابِعَيْنِ ) .
فإذا كان الكافر الذي له أمان إذا قتل خطأ فيه الدية والكفارة ، فكيف إذا قتل عمداً ! فإن الجرم يكون أعظم ، والإثم يكون أكبر وكل آية جاءت بتحريم قتل النفس بغير حق : يدخل فيها قاتل الذمي والمعاهد والمستأمن بغير حق كقوله تعالى : ( وَلا يَقْتُلُونَ النَّفْسَ الَّتِي حَرَّمَ اللَّهُ إِلَّا بِالْحَقِّ) ...خذى الكتاب اذا تبين اقرئي فيه خليني اعطي العيال القهوه ...وراحت لهم بالمقلط ما حصلت احد منهم خارجين من البيت وجات تجن كيف يخرجون ومابعد طلق النار وقف
~~*~*~~
بيت ابو ملاك
ام احمد جالسه في الغرفه والبنات حولها وبيدها ورقه وقلم تكتب الاشياء الناقصه
منى: توقف عند راسها : امي وش تكتبين
ام احمد : اكتب الي نبي ناخذه من الدبش
منى تتربع قدامها على الارض ..يالله اساعدك ...وتعد على اصابعها 20 قميص نوم اخذنا منها سته بس وتغمز لملاك وتضحك
ملاك حذفت عليها المخده الكبيره الي على السري
منى مسكتها و جلست عليها :هههههههه شكرا..كم ساعه تبين كم طقم ذهب بس ذهب دقه قديمه عشان جدتي تشوفه وتعجبينها
ام احمد : منى سكتي خليني اعرف اركز في الي نبيه وعلى بالك الجهاز بس لبس وذهب عندكم السوق طول الوقت الوحده اذا دبشت بس تاخذ الشي الضروري وماتكثر بدبشها الملابس لانها مهي ضامنه بعد شهر جسمها كيف بيصير حتى لو ما حملة يمكن تتغير عندها الهرمونات وتسمن وش بتستفيد وقتها من الملابس الي جمعتها بالدولاب
منى: ياسلام عليك يالي كلامك درر وتاشر على البنات شوفوا بس وتعلموا منها مالت عليكم مخكم ضارب
الفصل والواحد الــــعــــــ 21ــــشـرون
بيت عامر:
نوره واقفه بوسط الصاله والخوف بدا ينهش قلبها مافي احد يرد وكل مره يطلع لها الاتصال الشبكه خارج التغطيه
مها: خلاص انهارت وصارت تبكي بصوت
نوره هي متوتره و زادتها مها الي مهي راضيه تسكت : يارب رحمتك ....بس وبعدين معك حاولي يمسك معك خط مع يزيد بدل النياحه الي ما من وراها فايده
مها : وحمر انفها وتمسحه بمنديل وتشهق : وين اختفوا ..لهم نص ساعه محد يرد..كله مني انا السبب وغطت وجها بيدينها و علي صوتها بالصياح ...وتمسح وجها ...تكفين كلمي هند خليها تكلم يزيد ..
نوره : تلف رايحه جايه : بس سكتي خبله انتي..وش تبين يمكن ما عندها خبر يكفي احنا بنموت تبينا نكلمها عشان يصير فيها شي .. و جاتها الشقاله معها شروق تبكي و مهي راضيه تسكت اخذتها منها ..بس يا قلبي ماني بناقصتك انتي بعد... وتجلس و تسمي عليها وتعطيها صدرها ترضعها ..لا تناظريني كذا و تبكين خلاص ارجعي اتصلي على أي واحد من اخوانك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك