رواية شقائق النعمان -30
بيت ابو محمد
ام احمد: وشهو عسى الله يشيلها و يريحنا منها محنا ما خذين منها الا الاذيه الله يشغلها بنفسها ويكفينا شرها
ابومحمد: انا ما خبرتك عشان تعصبين خلاص شوفي وش تبين و خلينا نجهزه من الحين وخليني اكلم محمد عشان اعرف متي احجز القصر وانتى لا رحنا هناك جهزيلها وهي تكمل بعدين الي ناقصها
ام احمد: أي وقت اجهزلها فستان عرسها متى تسويه يباله شهر على الاقل
ابو محمد: ام احمد ما نبي نجيب للبنت المشاكل وكلام الناس اذا عمتها تكلمت عليها وش تنتظرين من الناس الي ما يعرفونها واذا على فستانها شوفي أي شي جاهز
ام احمد: العرس نفسه متى يمديني اجهزله...وبنتي مهي ناقصه الي اخذ لها جاهز
ابومحمد : يقطع كلامها : شوفي وش تبين ونحجزلك هو انتي بس اطلبي وتحصلينه عندك و ان شاءالله يكون احسن عرس وتفرحين بعيالك وتنبسطين
ام احمد: زين ليه ما قلت له الحين عندنا ملكه مي ما خلصنا منها
ابومحمد: ام احمد خلاص ترا عطيت كلمه ماراح اتراجع فيها مفهوم دبري امورك مع اعيالك ويطالع في الساعه (ثمنيه ونص في الليل) خليني اكلم محمد
ام احمد: ياربي حرام عليكم والله بنتي تعبانه وكل المصايب تجيها ورا بعض حتي ما تبونها تفرح بعرسها
ابو محمد: يا مره خلاص قلتلك ما راح ينقص عليك شي وبتفرحين فيهم ويروح ويدخل المكتب
= * = * =
بيت يزيد
هند: جاسه في الصاله عند التلفزيون يوم شافته اخذت الرموت و خفت الصوت : وش فيك اتاخرت
يزيد: اول ردي السلام
هند:وعليكم السلام يالله جاوب
يزيد:يجلس عندها ليه ياحلوه خايفه علي
هند: سوت مثل حركته بعيونه : لا ابد سلامتك من قال انا اخاف عليك
يزيد: هههههههههههه يا حبي لك
هند: بحنان وخوف : زيود حرام عليك تضحك بعد وش اخباره ؟....قلت له اني ابي ازوره؟!
يزيد: يمسك يدها حبيبتي هو بخير ويسلم عليك(اول زياره ليوسف من دخوله المستشفي)
هند: دمعت عيونها : اتعذب صح
يزيد: حبيبتي هو احسن عن اول بكثير و الدكتور بعد طمني عليه ان شاء الله اذا استمر كذا فتره بسيطه ويخرج ويكمل علاجه بالبيت و الحين الزياره كل اسبوع(للمعلوميه يوسف بدايه الامر كان رافض العلاج والمكان ككل ..و مع العلاج المسكن رجع شوي شوي ومع الدكتور النفسي ..والمشايخ المتواجدين هناك و المحاضرات بدا يتقبل الوضع الي هو فيه )
هند: الزياره الجايه ابي اروح معك اشوفه
يزيد: حياتي هو ما يبيك تشوفينه وهو بهـ الوضع
هند: ليه حرام عليه انا اخته ليه ما يبي يشوفني ابي اتطمن عليه وبكيت
يزيد: هنو حياتي هو ندمان على الي كان يسويه فيك والي متعبه انه السبب بوفاة امك واول ما يطلب يشوفك حبيبتي باخذك معي
هند: و انت كيف قابلك
يزيد: كان خجلان مني و طلب مني انك تسامحينه وتدعين له
هند: انا مسامحته بس يرجع مثل قبل هذا كل الي ابيه.... ودق جوالها وهو عندها على الكنب ..
يزيد: مين
هند: ام شهد تبيني اروح اتقهوي معها ..الو
نوره : السلام عليكم
هند: وعليكم السلام
نوره : وش فيك تاخرتي
هند: يزيد توه جاي
نوره : لا تقولين منتي بجايه
هند: خوفتيني الحين اشوفه واجيك
نوره : ايه حسبت بعد يالله لا تطولين انطرك سلام
هند: سلام
يزيد: بتروحين لها
هند:ايه اليوم ما شفتها وشهودى تعبانه بروح اشوفها
يزيد: ياسلام وانا من بيجلس معي
هند: روح اجلس مع ابو شهد ...وتوقف ...يالله حبيبي وصلني
يزيد: يمسك يدها تعالي
هند: وش فيك
يزيد: يحط يده على بطنها هنيالك مع امك طول الوقت
هند: هههههه
يزيد: حس بحركه الجنين رفع عينه لها : يتحرك
هند: ميته ضحك على شكله وهو منصدم : ايه وش فيك انا بديت في الخامس شكلك خايف
يزيد: و هو مازال تحت تاثير الصدمه : ما يوجعك
هند: احياناً
يزيد: يضمها ويحط راسه على بطنها : حبيبي بشويش على ماما يا ويلك لو تعبتها سامع ازعل منك بعدين
هند: حطت يدها على شعره وبمشاعر تنبع حب متدفق و فايض له و لولده : لا حبيبي ما يتعبني صح
يزيد: حس بالحركه و رفع راسه : يرد عليك وانا لا
هند:هههههههههههه وش فيك بتغار بعد
يزيد: ايه اغار اخاف تحبينه اكثر مني
هند: هههههههههه لا تخاف انت روحي و ما عتقد فيه اهم منها
يزيد: تنهد وبعياره :اشوى ضمنت مكاني .. ويوقف ويسلم عليها ....يالله اوصلك و بعدين بروح عند العيال
الفصل التــــــــــ 19 ـــــــاسع عشر
بيت ابو محمد
ابو محمد : ويتصل عليه
محمد: مع العيال في المطعم ..الو
ابومحمد: السلام عليكم
محمد: وعليكم السلام هلا يبه وش اخباركم ويطالع بخالد
ابومحمد: الحمد لله كلنا بخير انت وش علومك
محمد: الحمدلله يسرك الحال
ابومحمد: بلوم : بس الي اعرفه ان حالك ما يسر
محمد: وش تقصد يبه ويحط يده على السماعه مع السلامه
خالد: وش فيك اجلس
محمد: بعدين اكلمك ويروح
ابومحمد:محمد كيف تخلف وصيتي لك
محمد: وش وصيته يبه
ابومحمد: بعد ناسي الي وصيتك عليه انا ما وصيتك دير بالك على البنت ولا تمسها
محمد: يبه انت وش تقول ؟؟؟؟
ابومحمد: هذا الي وصلني عنك ما هقيت تفشلني مع الناس
محمد: يبه انت وش تقول والله العظيم اقسملك بالله اني ما لمستها من الي وصلك هـ الكلام
ابومحمد: هذا الي وصلنا وعمها يبي العرس بعد اسبوعين انت متى اختبارك عشان اعرف متي احجز القصر
محمد: الكلام صار مثل الطنين باذنه : بس يبه
ابومحمد: وبحزم : لا بس ولا غيره عطني الموعد لانه عمها اذا كذا بيجي ياخذها فاهم
محمد: كيف!! يبه انت مهو بتجي بعد كم يوم ولا شلون
ابومحمد: ايه بنجي ومنها خالتك تكمل الي تبيه بس انت قلي متى احط الموعد
محمد: عندي باول اسبوع الي انتم راح تكنون فيه هنا
ابومحمد: خلاص زين انا راح ظل هنا اجهز الي يبون وانت استقبلهم وشوف وش ينقصهم وجيبه وحجز لك انت ومرتك على نفس الرحله معهم
محمد: وبضيق وقهر كبته بداخله : زين توصى بشي ثاني يبه
ابومحمد: سلامتك
محمد: الله يسلمك مع السلامه
ابومحمد: مع السلامه
محمد: يجلس في السياره ويسند راسه على الدركسون آآآآآآه ياربي رحمتك وشلون بقلها
هـ الخبر بتروح فيها ...وحس بضيقه الي محد قادر يفهمهم ليه يتصرفون من راسهم الشياب في هذى الامور ....ويرفع راسه ويشغل السياره ويروح البيت وباين الهم بوجه بدل الفرح أي عرس وهي تخاف من ظله اذا شافته في الليل ....دخل وشافها جالسه بوجهه ...السلام عليكم
ملاك: لابسه بنطلون جينز رمادي باهت و تشيرت ازرق مخضر بكم طويل و رقبه من بعد الفستان رجعت لبسها الساتر تخاف من ردت فعله ... وعليكم السلام
محمد: بخنقه بصوته من الضيق الي فيه : وش فيك الوحدك وين شذى عنك...وينزل الجكت الي لابسه ويفتح زرا القميص الي عليه ويسحب الاسكارف ويرميه على الجكت
ملاك: هلآ راحت وصلها السواق
محمد:يجلس وويرجع على ورى و يسند راسه على الكرسى ويرفع يدينه ويسندها على راسه و يتاملها
ملاك : تجاهلت عيونه الي ما شالها من عليها وقامت
محمد: وين رايحه تعالى جلسي ابيك بموضوع
ملاك: خير شو فيه
محمد: يتعدل بجلسته كل خير تعالي ...هنا وياشر جنبه
ملاك : جلست مكانها وبدن ما تناظره : شو بدك
محمد:سكت ويناظر فيها..وهي عينها على يدها..وسكت ثواني
ملاك:رفعت راسها تشوفه وش فيه ساكت وبرنه خوف بصوتها : وبعدين معك شو بدك احكي خوفتني
محمد: وده انها تعترف بالي يدور بداخلها ومخوفها لهذى الدرجه مهو معقول السبب الي قالته خالته يسوي فيها كذا : انتى ليه متبين نسوى العرس
ملاك: توقف وبتروح
محمد: يروح ويوقف قدامها: فين رايحه ردي علي اعطيني سبب واحد...وش سبب خوفك مني ؟؟
ملاك: تحاول تبعد..كانت خايفه من سؤله الي مهما طال الزمن راح يسئله ..و بلعت ريقها بصعوبه : قلت لك ما بدي انت ليه ما تفهم
محمد: يكلمها بهدوء ..وياحاول يحصل اجابات من رد فعلها : وبعدين معك يعني ماتبين تقولين يكون بعلمك العرس تحدد
ملاك: ناظرته وعيونها تبرق من خوفها : شو مهو بكيفكم انا ما بدي
محمد: يمسكها مع كتوفها..و بصوت هادي : البركه بعمتك مدري وش راحت تقول عنا عمك في البدايه وافق على التاجيل لكن الحين لا وتوه ابوي مكلمني ومعصب و العرس راح يكون خلال هالاسبوعين
ملاك: كان احد ضربها على اذنها وصار الكلام بصوت صرير مدوي بداخلها ويتردد كلمة اسبوعين براسها : لا بعد عني ما بدي ما راح روح مهو بكيفكم تسون الي تبون
محمد: وهو ما زال ماسكها و شايف كيف وجها قلب الوان وعيونها ترمش بسرعه .. : لو ما رحتي ....وقالها بهدوء قاتل ...عمك راح يجي ياخذك .....و قفت عيونها وشاف اتساع البوبو بداخلها من شدة رعبها ...وحاول يهديها ...حبيبتي اهدى خالتي راح تكون هنا معك
ملاك: تتنفس بصعوبه و نزلت دموعها : ما بدى ما بدى روح هناك ...وتسحب يدها وتروح تجري وتطلع غرفتها وتقفل الباب
محمد: يجلس وهو فيه ضيقه وافكار مشوشه بتقتله كل هذا الخوف بس عشان ضاعت وهي صغيره ونقفل عليها بالمصعد مستحيل هذى تخاف مني انا ومن أي احد تكون معه لوحدها و منضرها الي شفته اكبر دليل يومها الخوف وصعوبة تنفسها و يده بشعره يشدها بقوه وماتبي الباب ينقفل علي معها مستحيل لو مهي تكلمت لازم اوجها بس اخاف انها تزيد صدمتها ونفورها وهو على وضعه مايدري كم مر عليه من وقت ... ويدق جواله ..الو
خالد : السلام عليكم
محمد: وعليكم السلام
خالد: محمد وينك فيه
محمد:بالبيت
خالد : وش فيك وجهك تغير وانت تكلم ابوك صاير شي
محمد: خالد انت وين
خالد: بالسياره رايح الشقه
محمد: زين تعال ابيك... فيصل راح بيته؟
خالد : ايه راح و انت وش عندك ليه صوتك متغير فيه شي مضيق خلقك
محمد: لا جيت اقول لك
خالد : اوكي مسافه الطريق وكون عندك
= * = * =
بيت ابو محمد
ام احمد: تدخل المكتب هاه وش قالك
ابومحمد: وش عنده يقوله خلاص انتى بتروحين معك العيال ودبري اموركم هناك مع محمد وانا بظل هنا اشوف وش تحتاجونه الحين أي قاعه تبين احجزلكم فيها
ام احمد: يوم ايش تبي تحجز
ابومحمد: رابع او خامس يوم بالعيد بيكفيكم ترحون تجهزون وتردون قبل العرس
ام احمد: الله يكون بعونا والله انا تعبت من الملكه والتجهيز لها وهي بالبيت وشلون العرس
ابومحمد: انتي سجلي كل الي تبينه ما عليك الا يكون عندك يومها وراح افتح حساب باسم ملاك واودعلها مهرها فيه خذيلها منه ما تشتريلها من حلالها
ام احمد: خير ان شاءالله خلني اروح ابلغ البنات يجهون شنطهم و شوفلنا موعد رحله قبل اذا لقيت بعد الملكه على طول يكون احسن
ابومحمد: خلاص ابشرى انتي توكلي على ربك وكل شي بيتيسر ان شاءالله
= * = * =
محمد جالس في الحديقه
خالد: السلام عليكم وسحب الكرسي وجلس
محمد: وعليكم السلام و يقلب في ميدليه المفاتيح الي بيده
خالد: خير محمد وش فيك هـ الكثر متضايق...وليه جلسه كذا وانت منت لابس شي يدفيك
محمد:ياليت البروده تدخل لداخلي وتهدي قلبي الملتاع و الافكار الي ذبحتني ناظره وبدون ما يتكلم
خالد : وش فيك وش الي متعبك الأهل فيهم شي لا سمح الله
محمد: لا ...... وسكت
خالد: يا اخي وش فيك
محمد: ابوي كلمني حدد العرس بعد اسبوعين
خالد : كيف متى يمديكم
محمد: مهو بهنا المشكله...وسكت و غمض عيونه بتعب
خالد: مسك يده وضغط عليها : محمد لا تزعل من تدخلى بس انتو بينكم مشاكل انت تغيرت كثير عن اول وش صاير فيك
محمد: صعب انها تعرس وهي بعدها تعبانه و مهي متقبله انها تسافر
خالد: محمد انت ما فكرت انها يمكن بعد الي صار لـ ابوها هناك كرهت المكان
محمد: ايه هذا السبب ومابيها تتعب انت ما شفت حالتها وشلون في البدايه الحين على الاقل صارت تتكلم معنا شوي اول بس ساكته
خالد: اهلك على كذا ما راح يجون
محمد: الا جاين
خالد: خلاص لا تشيل هم امها راح تكون معها هي راح تكلمها
محمد: بس ما ابي احد يضغط عليها انا لو مكانها ما راح افرح ولا تنسى ابوها حتى ما كمله ثلاث اشهر على وفاته
خالد: و ابوك وش عنده مصمم على العرس هو رضي بالتاجيل قبل
محمد: كله بسبه عمتها مدري وش قايله لعمها حلف انه العرس بعد اسبوعين او بيجي يشيلها
خالد: اعوذ بالله انا من شفتها ما رتحت لها
= * = * =
الكل تفأجى من موعد العرس الي تحدد فجأه وبعد ملكه مي سافرت ام احمد ومعها البنات
ام عامر جن جنانها انعكست كل مخططها ما كانت تبي العرس يصير و توقعت ان اخوها يسافر يجيبها و تصير مشاكل و توصل لطلاق بينهم بس ما تخيلت ان العرس بيكون خلال هذى الفتره
= * = * =
بيت ابو ملاك :
محمد: دق الباب : حبيبتي فتحي الباب
ملاك: قربت من الباب و بتعب : خير شو بدك
محمد: زين فتحي الباب اول
ملاك: تفتح الباب : خير
محمد: وش فيك تكلميني بهـ الاسلوب
ملاك : بتعب واضح برنة صوتها بشكل كبير : بليز انا مصدعه قول الي بدك وخلصني
محمد: ذبحته رنه صوتها والتعب الواضح على وجها : حبيبتي انتي من خبرتك و انتى قافله على نفسك وش تبيني اسوي اذا عمك هو الي مهو براضي
ملاك: رجاء خلص معد بدي اسمع شي
محمد: زين قومي لبسي وروحي معي المطار نجيب خالتي
ملاك : لا تعبانه روح لوحدك
محمد: وش فيك اوديك المستشفي
ملاك: لا شويه صداع وبيروح ...وهي حاسه خفق قلبها ضعيف من التعب وقل الاكل
محمد: اكلتي شي اليوم
ملاك:ايه بعد اذنك بدي نام شوى
محمد: ويقرب منها ويبوس جبينها : اوكي حبيبتي روحي ارتاحي انا بروح المطار ماراح طول مع السلامه
ملاك: ودها تقتل الافكار الي براسها بس تهجم عليها وتنهش كيانها و ترجع لبرودها : مع السلامه وتسكر الباب وتستند عليه وتبكي محمد سامحني مو بيدي راح جن
= * = * =
في المطار
بعد ما سلموا عليه
منى: محمد فين ملاك مهي معك
محمد: مشتاق لهم بشكل كبير وفرحان بجتهم : بالبيت الحين تروحين وتشوفينها
ام احمد: وش اخبارها
محمد : الحمد لله بخير
وهم ما شين في المواقف بيطلعون في السياره
ام احمد: محمد وش فيك ضعفان كذا
محمد: خالتي ماني بضعفان ولا شي انتي يتهيالك
مي : بلا محمد انت ناقص عن اول
محمد: من هم الاختبارات الي على راسي
ام احمد: الله يعينك ويسهلك
محمد: امين..
وطول الطريق وهم سواليف و يخبرونه وش يخططون بيسون في العرس ...ويحس هم يخف عنه ان خالته معها ...وبعد ما وصل
ام احمد: وهي بصدمه تشوف البيت الكبير قدامها : انت وين جايبنا
محمد: البيت
ام احمد: وشهو جايبها هني بيت ابوها هذا الي وصيتك عليه
محمد: يلف يناظرها : خالتي الله يرضي عليك لا تزعلين على بعدين افهمك كل السالفه
ام احمد: وش سالفته ...وليه مخبي عني
محمد: خالتي سمى بالرحمن ونزلي الحين متبين تشوفينها
ام احمد: امرى لله خليني اشوف اخرتها معكم ودخلوا البيت : وينها فيه
محمد: جلسوا الحين تجي
منى: الله البيت حلو مغيرين ديكوره عن اول... هي وين انا بطلع لها
محمد: لا خليك... روز ...روز
روز: نعم استاذ
محمد: اطلعي نادي الست قليلها ماما وصلت
روز: حاضر اهلين مدام حمدالله على السلامه
ام احمد: الله يسلمك
احمد: محمد من الست الي تناديها
الكل: ههههههههههههههههههههههه
محمد: اشتقتلك يا عبيط
احمد: انا ماني عبيط
مني : غبي بعد
احمد : سكتي انتي الغبيه ماما شوفيها
ام احمد: منى سكتي عنه لا تصدعوني...وراسها يوجعها وهم عرس بنتها بهذى السرعه بيذبحها
مي : خالتي وش فيك تعبانه
ام احمد: مصدعه هو احنا لحقنا نرتاح
محمد: الله يعينكم (ويجلس جنب مي) تعالي يا حلوه احكيلي وش سويتي البارح
مي : ستحت وحمر وجها : عادي وش تبيني اقول
منى: ههههههههههه فاتك تموت عليها من الضحك طول الوقت وهي خايفه وترتعش حتي لما دخل ولبسها الشبكه هههههههه.... وتفصخ البالطو الي عليها والايشارب وتحطها على يد الكنب
مي: وجع سكتي
محمد: ههههههه وش سوت
منى : متبي امي تبعد عنها هههههههه وجت تكب العصير عليه
محمد: ههههههههههههههههههههههههههههه..اكيد سعد ستخف
مي : وجها احمر: وجع انتي وهو خلاص
محمد: ويسلم على راسها : مبروك والله وكبرتي وصرتي حرم سعد
مي : وهي خجلانه : الله يبارك فيك
ام احمد : وقفت لما شافتها نازله
ملاك: صرخت : مــــــــامـــــــــا وتنزل تجرى وترتمي بحضنها وهي تبكي
الكل سكت ويناظر فيها
ام احمد: حوطتها بقوه : هلا يمه شتقت لك بس حبيبتي لا تبكين شوفينا كلنا معك
ملاك : تبكي وما ترد عليها..كنها كانت تركض بصحراء على رمال ساخنه تشوي اقدامها العاريه و فجاء صارت على ثلج بارد ..
ام احمد: بسم الله عليك وش فيك حبيبتي
محمد: خالتي هي مشتاقه لك... يقوم عندها ...ملاك لا ترعبين خالتي عليك شوفيها هي معك خلاص
مي:ملاك منتي مسلمه علينا
منى: لالا خلاص يالله محمد رجعنا المطار هي ما تبينا تبي امي بس
احمد: يروح عندها ويحضنها و هي بحضن امه ملاك : شتقت لك
ام احمد: تمسح دمعتها سكتوا عنها خلوها بحضني شوى لين ما تهدى تعالى حبيبتي اجلسي حماده حبيبي بعد عنها شوي تجلس وهي بحضنها راسها ما رفعته عن صدر امها
منى : تجي وتجلس جنبها وتحط يدها على ظهرها :ملاك حبيبتي خلاص احنا عندك كلنا نحبك
ام احمد: خلاص ياعيون امك اهدى
ملاك : تشبع روحها و رتجافها بريحت الغاليه الي فقدتها
ام احمد : ترفع وجهها وتمسح دموعها وتسلم عليها ..بكل لهفة الام لظنها
ملاك: تبكي وتشهق تلف يدينها على رقبه امها وتحضنها ماتبي تبعد عن ريحتها الي شتاقت لها
منى: تبوسها على وجها : تعرفين انك حلوه وانتي تبكين يا حماره وترجع تبوسها على خدها قومي تبين تقلبينها فلم هندي ..داريه عنك يالدب
مي : تجي جنبها وهي واقفها من خلف الكنب وتسلم عليها : يالله بلا دلع لا نزعل منك كلنا مشتاقين نشوفك
منى: تدقدقها بوسطها يا حماره يكفي بكتينا معك
ملاك: تبعد عن امها وتمسك يد منى : انتي الحماره يادبا
منى: تبوس خدها انتي الدبا شتقتلك يام عيون زرق اشوف عنونك (عيونك) الحلوه وين راحت مع الدموع
ملاك: تحضنها وتبوسها على خدها و تسلم على مي وتمسك احمد وتبوسه
ملاك: احبك واموت فيك وتمسك خدوده ياحلو وترجع جنب امها وتمسك بيدها وتبوسها ماما احبك..وتحط راسها على صدرها و تحس بنتعاش يهديها وهي تتنفس وتعبي رئتها بعطر امها
ام احمد: يا بعد عمري وش فيك صايره كذا ليش ما تاكلين محمد هذا الي موصيتك عليه تنتبه لها
محمد: طول الوقت وهو قلبه واجعه عليها يتمنا يقوم وياخذها بحضنه : خالتي والله تعبت معاها الشي الي تاكله ما يشبع عصفور
ام احمد: كيف تبيها تاكل و انت شوف كيف صاير مثلها وبعدين معكم انتو الثنين بتذبحوني ما يكفيني بعدكم عني كمان ما تاكلون زين
محمد: خالتي عندنا اختبارات هي تضعفنا شوفي حتي مي ومنى وهم عندك يضعفون
ملاك: ترفع راسها : ماما ..وتبوسها... لا تزعلى خلص
ام احمد: لو ما تبيني ازعل كان ما سويتي بعمرك كذا
ملاك: تبوس كف امها وجه وقفها
محمد: خالتي خلاص هذا الاسبوع انتي عندنا راح نعوض الي نقصناها
مي : خالتي استلميهم كل يوم خليهم يزيدون كيلو
ام احمد: سكتي انتي مثلهم ما صارت ملكه لو يوم عرسك وش بيصير فيك
منى: تضحك : لا امي من جد معصبه من السفر حطت على الكل
ملاك: اوه مبروك ميمو تقوم وتروح تبوسها
مي : الله يبارك فيك
ملاك :شفتها نازله: روز
روز: ايوه ياستي
ملاك: جيبي القهوه
روز: حاضر وتروح
احمد: هوه انتي الست ليه غيرتي اسمك
الكل:ههههههههههههههههههههههه
منى: ما قلت لك انت غبي
ام احمد: حرام عليك سكتي عن اخوك
ملاك: تتلفت فيهم مهي داريه على ايه الضحك : منشان شو تضحكوا حماده شو قصدك
محمد: حس بنتعاش وهم كلهم حوله وهي معه : ههههههه حبيبتي قلت لروز اطلع نادي الست قال من الست ما فهم انه انتي حياتي
منى:بصراخ : ياعيني ياعيني على الحب حبيبتي وحياتي كمان تتغزل فيها قدامنا...لااااا هزلت ام احمد قومي عليهم
ملاك : خجلت وحمر وجها
محمد: وجع و انتي ردار تلقطين كل كلمه اقولها ويرمي عليها المخده
منى: ترجع ترميها عليه : امي شوفي يخربنا ..لأيف
محمد: يقوم ويروح يخنقها: انا اخربك الحين اناديلك خالد ارويك كيف اخربك
منى: تصرخ : امي لحقي علي ذبحني....و تناظره وبضحك ...روح بسرررررعه جيبه ابي اشوفه
الكل:هههههههههههههههههههههههه
ام احمد: ههههههههه قوم عنها...واستحي على وجهك يابنت
منى : بعد مابعد عنها توقف وتمسك ملاك : تضحكين هااااااه وتدفها على الكنب انا اراويك ما نسيتها لك فاكره التلفون وتدقدقها
ملاك: ههههههههههههههههههههه وجع منى ههههههههههههههههههههههههه بعدى هههههههههه
محمد: ههههههههههه بعدى عنها ياخبله
منى: وهي هاجمه عليها : انا ماني بخبله باخذ حقي منك فيها وشتقت لضحكها الوحشه
ملاك: بتموت من الضحك ومهي قادره تفك عمرها منها وعيونها تدمع : ههههههههههههههههههه حرام عليك خلص ههههههههههه مااااما ههههههههههههههه محمد ههههههههههههههههههههههههههههههه محمد الحقني هههههههههههههههه
منى: محمد هاااااه محد بيفكك مني
محمد: عاجبته ضحكتها الي اول مره يسمعها تغدق مشاعره ناحيتها يقوم ويشيل منى عنها : بعدي يالخبله عنها ذبحتيها
ملاك: تمسح عيونها و نفسها ضاع من كثر الضحك و توقف : يا مجرمه محمد امسكها
محمد: وهو ماسكها: وش بتسوين فيها
منى: محمد حرام عليك فكني
ملاك: تقرب منها ورجعوا كنهم صغار كل وحده تاخذ حقها من الثانيه قبل تنام : قولي اسفه معد بعيدها
منى: بعندها من صغرها : ما راح اعتذر محمد حرام عليك فك يدي
محمد: عاجبته حركاتهم مخبل الثنتين : هههههههههههه اعتذى منها
منى: تصرخ : لااااااااا
ملاك : تدقدقها :قولي اسفه
منى: ههههههههههههههه لاااااا ههههههههه
ملاك : تشوف كاسه المويه الي جابتها روز تروح تاخذها
منى: عارفه وش بتسوي وتصرخ : محمــــــــد حرام عليك فكني انت متعرفها هذى مجرمه
ملاك : شوووو انا مجرمه هاااااااه .....و تحط شويه مويه بيدها وترشها على وجها.... قولي اسفه اول
منى: لا يا حماره انا اراويك انتي وهو امي لحقيني
ام احمد تضحك واصداعها يزيد مع ضحكها ...و احمد مستانس من لعبهم
ملاك : ترش عليها اكثر: يالله اعتذرى
منى: محمد فكني
ام احمد: هههههههههههههههههه فكها خلاص و انتي تعالي جلس وبطلوا خبال
احمد: اخذ كاسه ثانيه : محمد فكها ولا رشيتك بها
محمد: ههههههههههههههه هو انت قدها
احمد: رشه بها على كل ملابسه
محمد: هههههههههههه انا راويك ويفلت منى ويروح وراه
احمد: راح يركض ودخل بحضن امه
الكل:ههههههههههههههههههههه
منى: تعالي وتركض خلفها
ملاك: لااااااااا وتروح تلف ورى محمد
محمد:ههههههههههههههههههههه
منى: تعالي محد بيفكك برشك مثل ما رشتيني ..
ملاك : هههههههههه ما بتقدري.... ويلفون حولين محمد
محمد:هههههههههههههههه دوختوني اهجدوا..
ام احمد: ههههههههههههههههههههههه وش جاكم تعالوا جلسوا بطلوا خبال
منى : باصرار: ما راح اتركها ....وترش الكاسه الي بيدها على محمد وملاك..وجات بوجه محمد كلها
محمد: بــــــــس ...ويلف لملاك الي ما سكه فيه بظهره .. كله منك وانا الي رحت فيها
ملاك: ههههههههه
محمد: انخرس و نهوس على ضحكتها وده يبوسها على فمها لو محد عنده
مي : إشكالكم تحفه ههههههههههههههههههههههههههههههه تعالو شوفو
محمد: يتنفس بعمق مشاعره الي تجتاحه وساعدته الي تغيرت بس بشوفتهم : وش نشوف
مي : هههههههههه صورتكم فديو
ام احمد: وانا اقول وش فيها يمكن العرس عقلها اثريك ساكته على مصيبه
احمد: اعطيني اشوف
محمد: هاتي اشبكها على التلفزيون ويشغلها
والكل جلس ومحمد اخذ مناديل ومسح وجهه بعد ما شبكها جلس جنب ملاك
مي : هههههه ملاك شكلك يجنن
محمد: يناظر فيها لما كانت تصرخ وتستنجد فيه
ملاك: قامت تصب القهوه وتشغل نفسها ولما وصلت عنده صبتله وعطته هو
محمد: و يهمس ويحرك شفايفه احبك
منى: كانت جنبهم تكلمه بصوت واطي: بطل غزل احنا معكم منتو لحالكم
ملاك: تجلس جنبها..ومشتاقه لها و تحب تشوف رد فعلها : منو خالد يسلم عليك
محمد: هههههههه
منى : اسكت انت وهي متفقين على
احمد: ههههههههه محمد شوف
محمد: فرحان بردها لك مي ترى ابي هـ الشريط
مني : لا مهو بكيفك عشان تضحك علي
محمد: لا و انتي الصادقه عشان القمر فيه
مي: حلال عليك
احمد: من القمر كلنا حلوين
محمد: يالمغرور انا ما عندي الا قمر واحد
ملاك : بدت ترجع لطبيعتها : ولك اذا بده يطلع مغرور بيطلع عليك منت اخوه
محمد: ههههههههه انا مغرور
منى : هههههههههههه انت وهي كلكم مغرورين وهو اخوكم طالع عليكم...وحسره علي
احمد: ههههههههههههههههههه... واقف قدام التلفزيون ...شوفوا ملاك
منى: جبانه مستخبيه خلفه
ام احمد: بعد فتره من جلستهم : محمد قوم وصلنا الفندق بنروح نرتاح
ملاك: بصدمه ابد ما حسبت حسابها : ماما لشو الفندق
ام احمد: ليه تبينا نجلس هنا وش بيقولون علينا الناس
ملاك: ماما شو عم تحكي هاي بيتك
ام احمد: لا يا بنتي اهل ابوك وش بيقلون علينا احنا ظروفنا غير ....محمد زعلانه عليه الي جالس هنا مخذلكم شقه
ملاك:وقفت وبرعب : ماما شو عم تحكي ...وبكيت ...انا مش بنتك وهيدى البيت الي معناته الكم انا معد عندي حدا غيركم انتوا ......(دوماً وابداً كل ضحك بعدهو حزن كبير وعميق )
ام احمد: يابنتي ترضين كلام اناس علينا
ملاك: تبكي : خلص ماما بدك تروحي روحي مش مهم انا ياليتني اموت ورتاح.... وتطلع تجري مع الدرج
محمد: خالتي وش سويتي هي تعبانه تزيدينها
ام احمد: تنهدت وبحسره والم بس هذا الناس مستحيل ترحمها اذ بتجلس في بيت طليقها مهما كان : وش تبوني اسوى دق على ابوك وشوف وش يقول لك اذا وافق جلسنا
محمد: اتصلوا عليه انتم بطلع اشوفها ويروح
منى : خذني معك
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك