رواية حبي لها خلقه الله كبير -2
البارت الرابع
في جلسة عائلية
نواف:يبه تكفى الحين اجازة صيف ليه مانسافر
الاب احمد:انت رجال شيل نفسك وسافر
نواف:لاابي اسافر معكم
دلال:ايه ولدي الوحيد لازم يكون معنا
نوف:ايه يبه نبي نسافر
احمد:وملكة اختكم
رشا توها تدخل بالسالفة:ملكتي بعد يومين
احمد:طيب نسافر الاسبوع الجاي يعني
دلال:اي وعشان سلوم ورشا بيكونون مملكين نسافر مع اخوك
احمد:والله فكرة
الاب تركي:وش رايك اسوم
الام اسما:مدري اقول لسالم وسارة
تركي:طيب
اسما:بس انااقول احسن مانقول لسالم
تركي:ليش
اسما:لاني قلتله يروح يزور رشا قبل الملكة
تركي:طيب ؟
اسما:احسن هي تقوله
سارة:ريااان
ريان:نعم حبيبتي
سارة:بنسافر
ريان:طيب
سارة:يمكن نقعد شهر او شهرين
ريان:طيب
سارة:لاماابي
ريان:احسن عشان تشتاقين لي
سارة:لاااا ماابي
ريان:الا احسن لان زواجنا قرب
سارة:وش قرب بعد اربعة مدري خمسة شهور كثير
ريان:لا احسن روحي لاني بديت امل منك
سارة:نعععمم
ريان:استهبل استهبل اصلا مين يمل منك
سلم على خالته وعمه وطلع مسرع لغرفتها
سارله اسبوع وشي ماشافها
مع انه اخر مره شافها اعطته كف
وقف تفكير وقال ابي ادخل بدون ماادق الباب عشان تنقهر
دخل بس اتفاجئ لقى بنت ثانية قاعدة على التسريحة ومعطيته ظهرها
شعرها اشقر مين هذي
التفتت البنت وهو انصدم
وقفت وقالت ببرود:ماعرفتني
سالم:لابس متغيره
رشا:ايه صبغت شعري عشان الملكة
سالم:رشا انتي من جدك
رشا:ليه مو حلو
سالم:شعرك يجنن بس من جدك بتتزوجيني
رشا ببرود:قلتلك اتسلى
سالم بحقد:يتسلى فيك ابليس انشالله
رشا قربت منه وقالت بتهديد:ماكفاك الكف حق الاسبوع اللي فات
سالم تافف وطلع من غرفتها
يوم الملكة
وسط التجهيزات والحوسة كانت بينهم وحدة مايعلم بحالها الا الله
دلال:قومي يابنتي خلي الحرمة تسويلك مكياجك
رشا:انشالله
بعد نص ساعة خلصت مكياجها وشعرها ولبست فستانها
طالعت بنفسها في المراية
من جدك يارشا بتتزوجين اكثر انسان تكريهيه
لاعادي الملكة نفس الخطبة
لامونفسها غير غير مره
قاطع تفكيرها دخول نواف وابوها
ابوها احمد:وقعي يابنتي
نواف:مبروك رشا
رشا ببرود عكس اللي داخلها:الله يبارك فيك
ماتدري كيف وقعت بقدرة قادر
لما رفعت القلم من الورقة خلاص حست انها انشلت
جات امها كلووووووش والف الصلاة والسلام عليك ياحبيب الله محمد
وسط هالجو ماقدرت تفكر باي شي
دخل المجلس عمه وولده وسلموا الدفتر للملاك
هو خلاص ماقدر حس انه بينتحر
كانه موقع على موته
والكل يبارك ويهني ومنك المال ومنها العيال
بعد ربع ساعة قاله عمه يروح عند رشا
بهالحظة ماقدر حتى يحس بشي
ولاقدر يفكر واي يتخيل كيف بيكون شكلها
كيف بيكون وجهها
دخل الغرفة لقاها واقفة وجنبها امها وامه والمصورة
امه اسما:تعال صور معاها يالله
امها دلال:يالله عشان الزفة
ماقدر حتى يطالع فيها
حتى وهم يصورون كل الصور يطالع فوق ويطالع تحت
وهي حاله ثانية ماتدري هو قهر والا استسلام والاضعف
معليش اصل هي حتى في تفكيرها تحارب
صورو وخلصو والزفة
الله يستر
مست ايده وهو كل جسمه انتفض
في الزفة مشيو تمام بس كان رشا تمشي بسرعة
بس عدت على خير
جلسو في الكوشة ولبسها شبكتها وجلو ساعة على الكوشة
وكل واحد في وادي
قالولهم دلال واسما يروحو خلاص
رشا ماصدقت وراحت تجي وطلع من القاعة
وسالم مسكين ماقدر يلحقها
بس امه قالتله انها في غرفة العروسة
لان القاعة ماكان فيها طلعات ونزلات اول ماشاف غرفة مكتوب عليها جناح العروسة راحلها
دخل لقاها جالسه على كنبه بدون اي تعبير في وجهها
جلس جنبها وتنهد بصوت مسموع
رشا:قد كذا كنت شايل هم
سالم:لاعادي
رشا بغرور:بعذرك اذا بتتزوجني اكيد بتكون مبسوط
سالم:والعكس صحيح
رشا ابتسمت بمكر:احنا متزوجين صح
سالم:اي للاسف
رشا قربت منه وباسته في فمه
سالم ماحرك ساكن وقعد دقيقة على نفس الحال
رشا ابتسمت بخبث:قلتلك اتسلى
وقامت ودخلت الحمام وهو على طول هرب وراح البيت
البارت الخامس
قامت من النوم وهي مو مستوعبة ولامتذكرة ايش سار امس
وقفت قدام المراية وطالعت في نفسها
مكياج محوس والكحل سايح لانها نامت فيه
بيجامتها البلوزة غير البنطلون
جلست تمسح المكياج وشافت فستان كبير سماوي
اهاا تذكرت امس ملكتي
ملكتي !!! من سالم ؟؟!! لااا مستحيل
بسس عادي
لاموعادي سالم يارشا سالم
بعدين رح نتزوج !!
لاااا مستحيل
لا مو مستحيل احنا تزوجنا خلاص
ايييييش ؟!
لا لا بسس
سمعت صوت بطنها
يوه ماابي افكر بشي
جوعانة
من امس مااكلت شي
اصلا متى رجعت من القاعة
اييه صح مع نواف
ماعلينا خليني اروح اكل بس
في طاولة الاكل
الاب احمد:قررتوا
الام دلال:ايش اللي قررنا
احمد:وين تسافرون
نواف:انا اقول لبنان
احمد:وليه ؟
نواف:ابي اشوف اهل شيرين
شيرين استغربت بس سكتت
ونوف عرفت ايش قصده
اما احمد ودلال تغيرت ملامحهم بس سكتوا
ونواف بدت اللقافة تلعب براسه
احمد قام من الطاولة:الحمدلله
دلال وقفت معاه:انا كمان خلصت
وراحوا
وشيرين تضايقت خلاص شوي وتبكي
نوف لاحظتها بس ماعرفت السبب
نواف كان بيتكلم بس وقفه دخول رشا
دخلت رشا وجلست على الطاولة وسارت تاكل
بدون ماتتكلم ولاكلمة
نواف قام:الحمدلله
سالم قام من النوم
في الحقيقة ماقام من النوم
لانه مانام اصلا
قام من السرير زي الطفل الزعلان
معصب وهو ملامح وجهه اصلا طفولية
كان عمره 13 سنه 12 بس السكسوكة تكفي وتوفي
نزل تحت لقى اخته سارة مع ريان
ريان:هلا هلا بالعريس
سالم مارد عليه ومشى
ريان:ليه زعلان اخوك
سارة:ايش دراني
دخل الصالة لقى امه جالسه تكلم تلفون
سالم:السلام عليكم
امه اسما:وعليكم السلام
ورجعت تكلم بالتلفون:هاه...لااكلمك بعدين...هههه لازوج بنتك شرف
سالم ماسمعها ولاكان معاها
كان في عالم ثاني
اسما:مبروك
سالم بدون نفس:الله يبارك فيك
اسما:دريت ؟
سالم:لا
اسما:بنسافر مع عمك
سالم:وين؟
اسما:للان ماقررنا
سالم:اهاا
نواف طلع الدرج بشويش
وراح غرفه امه وابوه
حط اذنه عالباب يبي يسمع وش يقولون
سمع اصواتهم واضحة
من ورى الباب:
الاب احمد:انتي شفتي ولدك وش يقول
الام دلال:ايه سمعت يحسبها سارت من العيلة وانا مدري
احمد:وبعدين هي ليش تجلس معنا على الغدا
دلال:بنتك نوف ماتحب تفارقها
احمد:بس نوف اللي ماتحب تفارقها
دلال:شقصدك
احمد:الظاهر حتى ولدك مايحب يفارقها
دلال:لاتقولي
احمد:الا بقولك الظاهر انه يحبها
دلال:لا تبالغ
احمد:اساله بنفسي
دلال:وقدامي بعد
الاب احمد:نواف
نواف:هلا يبه
احمد:اجلس بقولك شي
الام دلال كانت جالسة ومسوية نفسها مو معهم بس هي قاطة اذنها مترين
احمد بجدية:نواف وش علاقتك بشيرين
نواف ارتبك:وش قصدك
احمد:انت عارف قصدي
نواف:عادي زيها زي رشا ونوف
احمد:متاكد
نواف:ايه
احمد بجدية:اتمنى ماتتعدى اكثر من كذا
نواف:ليه يبه
الام دلال تدخلت بدون ماتقصد:وش اللي ليه
احمد:دلال يرحم امك اسكتي
دلال:لاماراح اسكت
نواف باستغراب:شالسالفة
دلال:قال اختك قال
نواف:ليه تعاملينها كذا صح انها تشتغل عندنا بس
دلال قاطعته:لاماتشتغل عندنا
احمد يسكتها:دلااال
نواف بصدمة:لاخليها تكمل كملي يمه
دلال:هي ماتشتغل عندنا ولاهي محتاجة فلوسنا
نواف:انتي شتقولين
دلال:هي تدفع ثمن غلطتها
احمد بعصبة:دلال خلاص
احمد مسك يد دلال وطلعوا غرفتهم
نواف جلس على الكنب شوي يستوعب اللي سار
قام بتثاقل من الكنب وطلع برى المجلس
اول ماطلع لمحها
التفت شافها واقفة مصدومة ودموعها على خدها
نواف كان وده يضمها ويقولها ايش فيها بس في لحظة تذكر كلام امه
ليه قالت كذا وهذي الشيرين وراها سالفة
شيرين استوعبت انه قدامها ولفت نفسها وركضت على غرفتها
كان بيلحقها بس في شي وقفه
مايدري وش هو
جالسة بسريرها
وحاطة الابتوب قدامها
الظاهر تتفرج شي
بس تغيرت ملامحها
عصبت وتاففت
مسكت جوالها ودقت عليه
جاها الرد سريع
:الوو هلا رشا
رشا:سالم تعال بسرعة
سالم:ايش فيك ترى متاخر
رشا:مو متاخر الساعة 9
سالم:طيب متاخر
رشا بعصبية:لما اقولك تعال يعني تعال والا تعاند
سالم:ثواني اكون عندك
جالسة على التسريحة وحاطة الجوال على اذنها
سارة:اف ريان ليه ساير تطفش
ريان:انا قلتلك سافروا بسرعة عشان ماتملين مني
سارة:انطم طيب
ريان:انشااالله من عيوني
سارة:هههه محشش
ريان:وش اسوي زوجتي قليلة ادب
سارة:انا قليلة ادب والله اوريك
لبس ملابسه بسرعة
وطلع من البيت وركب سيارته
وربع ساعة ووصل بيت عمه
دق الجرس فتحتله مرة عمه
دلال:هلا هلا بسلوم
وضمته وسالم استغرب
سالم:بقول لعمي احمد
دلال:وشو بعد زوج بنتي
سالم ضحك بس مو من قلبه:وين رشا
دلال:بغرفتها من امس
سالم:حلوة من امس
طلع الدرج بشوييش
وصل لغرفتها
دق الباب
مره
مرتين
ثلاثة
جاه صوتها :تفضل
دخل بهدوء
لقاها جالسة على السرير وقدامها الابتوب
سالم:السلام عليكم
رشا من غير نفس:وعليكم السلام
سالم:شفيك
رشا ببرود:الابتوب معلق
سالم جلس جنبها على السرير واخذ الاب وحطه على رجله
سالم:ايش فيه
رشا:معلق
سالم:لامو معلق
رشا عصبت:الا معلق
سالم ضحك عرف انها ماعندها سالفة
دايم تسويها تطلع عذر عشان يجي عندها
دايم تسوي كذا لما تكون زعلانة او متضايقة
سالم:رشا شفيك
رشا:مافيني شي
سالم حط الاب على جنب وقرب من رشا
سالم:رشا حبيبي قوليلي فيك شي
رشا برفعة حاجب:لابالله اشوفك طقيت الموانة
سالم حس على دمه:هاه لابسس
رشا اتثاوبت بعدين انسدحت واتغطت:لا بس ولاهم يحزنون
سالم:ناديتي عشان اشوفك وانتي تنامين
رشا باستهزاء:انام؟! ومين قالك اني انام
سالم:رشا انا حاس ان فيك شي من اول
رشا جلست:فيني شي؟! ايه فيني شي
سالم:وشو قوليلي
رشا:فيني انت
سالم:نعم؟!
رشا:ايه من يوم الملكة وانا راسي مقلوب حتى مو عارفة افكر
سالم ابتسم:قد كذا تحبيني
رشا ابتسمت:والعكس صحيح
سالم:الحين وش اسويلك
رشا وسعت له مكان جنبها وقالت باسلوب طفولي:نام بجنبي
سالم فتح عيونه للاخير:نعم
رشا اعطته كف خفيف:لاتفكر غلط
سالم انسدح جنبها:ماافكر غلط لاتخافين
رشا حطت راسها على كتفه وغمضت عينها
سالم قعد شوي مصنم
بعدين استوعب
سالم:رشا
رشا
ماردت
معقول نامت
قعد شوي بعدين وخر راسها
وهي ماتحركت
مسكينة نامت بهالسرعة
باس جبهتها
وطلع
نهاية البارت الخامس
البارت السادس
في المجلس العايلة كلها جالسة
الاب احمد:بكلم احجز الفندق
الام دلال:نبي فندق زين
شيرين:استاذ احمد احنا رايحين بيروت
احمد:ايه ليه
شيرين:لو رايحين بيروت ان اقول نسكن في بيتي احسن
احمد:اممم والله ماعندي مانع
نواف تحمس:انا بجهز جنطتي
وطلع
نوف:وانا بعد
شيرين:يالله نطلع سوى
وطلعوا
احمد:انا بروح الشركة
دلال:الله معاك
وطلع
رشا:انا ماراح اروح
دلال:ليه انشالله
رشا:اول شي لان سالم فيه ثاني شي لاننا بنسكن في بيت شيرين واميد بيكون صغير
دلال:اول شي احترمي زوجك ثاني شي اضمن لك ان بيت شيرين بيكون قصر
في غرفة نوف
شيرين:يالله اختاري
نوف:اخذهم كلهم
شيرين:احنا بنقعد شهرين
نوف:طيب كثير
شيرين:لاناخذ حق شهر الملابس تتغسل ماتطير
نوف:افففف
شيرين:ماتعرفي تجهزي شنطة
نوف:انتي تجهزيلي بس في ناس محد يجهز لهم
شيرين:وش قصدك
نوف:قصدي نواف
شيرين:شفيه
نوف:اكيد حايس
شيرين:بروح اشوف
نوف ضحكت عليها
شيرين:بشوفه ماراح اساعده
وطلعت
دقت باب غرفة نواف
نواف:تفضل
دخلت وهي منزلة راسها:اهلا
نواف تفشل:اهلا اهلا
رفعت راسها وانصدمت
الدولاب فاضي والملابس مرمية وخمسة شنط سفر كبيرة والدنيا فووضة
شيرين:شو هاد
نواف ضحك عليها اول مره تتكلم لبناني
مع انها لبنانية بس تتكلم نجدي لانها عندهم من ستة سنين
نواف:شفتي كيف محد ساعدني
شيرين:انا اساعدك
نواف طار من الفرح
شيرين:اول شي تاخذ شنطتين بس
وثاني شي خذ ملابس شتوية لانه برد
نواف غير الموضوع وجلس على السري:كم سارلك مارحتي لبنان
شيرين جلست على الكنبة:من اول ماجيت هنا
نواف بصدمة:من ستة سنين ماشفتي اهلك؟!
شيرين:يمكن هما مايبغو يشوفوني
نواف:ليه؟
شيرين تغير الموضوع:ماادري اوو بروح اشوف نوف تاخرت عليها
في البيت الكبير
الدور الاول فاضيي بس ازعااااج
بعد نص ساعة تغير الحال
الكل نزل تحت
الاب احمد:يابختنا متاخرين
الام دلال:وش متاخرين الاقلاع بعد ساعتين
احمد:انتي همك الاقلاع والشحن؟
دلال:ايييه صح
نواف:شيرين هاتي الشنط اشيلها
شيرين:لامو مشلكة انا اشيلها
نواف:هاتيها
شيرين:نواف عادي مو لازم
نواف:طااايب
رشا ببرود:موكانك تشحت ؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك