رواية شقائق النعمان -29
بس تجي معد ابي اشوف وجهك
محمد: هههههه استحي انا اخوها وتتغزل فيها قدامي بعد ..لكن مشره عليك بعد الي سويته يوم عرفت موافقتها
خالد: مالت عليك انت وفيصل ماتخلون الواحد يرتاح ابد ...ايه حبيبتي و اقلب وجهك روح اطلب الغداء جوعان
محمد: انا اكثر منك الحين يجبونه ويدخل يده بالجيب بتحسس الايشارب ونعومته مثل نعومتها ..ويعاتب عمره انه يتصرف مثل المراهقين
خالد : لف وجهه لتلفزيون ورفع الصوت على مباراه بالدوري الايطالي وهو مهو معها ..يفكر كيف كانت ردة فعله يومها ..مهو مستوعب لين الحين كيف سواء كذا من فرحته ..
الفصل الثـــــــــــــ 18 ـــــــــامن عشر
ملاك : عدلت شعرها ويدها ترجف وخوفها من الامور الي اتضحت لها وصارت تكتشفها فنفسها يقتلها وتروح للمطبخ تطلب منهم يحضرون الغداء وهي جالسه تتغداء اكلت شي بسيط حاسه بتوتر فضيع من كل الي يصير معها وحطت يدها على رجلها و حصلت المفتاح بجيبها اووووف حتي المفتاح نساني اعطيه هو
مها : وهي تاكل و بود : ملاك انتي الحين سنه كم
ملاك: انتبهت لها : ثالث و انتي خلصتي
مها : لا هديت الكليه وش بستفيد منها
ام عامر :بنغزه مقصوده : الوحده لاعرست وش تبيبها بيتها ورجلها اهم
ملاك: تنصدم دايم من افكارها : شو الشهاده تثبتبها كيانها ودورها في المجتمع مش مهم انها تتوظف الشهاده الها اهي
ام عامر: بلا كلام فاظي هي بتعرس وتكون بيت رجلها وهو يصرف عليها وهو شبعان
ملاك: ناظرت عمتها وتكلم نفسها وش الجهل ذا : مبروك مها نخطبتي
مها : ايه
ام عامر: ومتعمده كل حرف : جيتنا كلها عشان تاخذ فستان الملكه بتكون بالعيد..ولو اني فاضيه كان عرفت شغلي في بعض ناس ..
مها : تبيها تقوم قبل ماترجع لصراخها : يالله امي يادوب نروح نلف ندور فستان قبل تقفل المحلات
ام عامر : زين... وتنادي بصوت عالي روز
روز: ايوه يا ست
ام عامر : روحي خلي السواق إيجهز السياره الحين
روز: حاضر ياست
مها : وهي منحرجه من امها : ملاك تحتاجي السواق نبيه يوصلنا
ام عامر : تتكلم بشوفه نفس شينه :على وش تستاذنين منها مهي بحاجته ودبري عمرك
هـ الثلاث ايام راح يكون معي
ملاك: تكلم نفسها وجع بشكلك ما عندك حتي ذره من الذوق صدق ان احساسك ميت ..ولا عندك كرامه ..وتبي تحرقها بدلع : لا مش محتاجته هو موجود هون بس لطلبات البيت
مها: وانتي مع من تروحين
ام عامر : أكيد مع الي ما يتسمى
ملاك : تغلى منها وتكلمها ببرود يذبح : شو قصدك حمودى يابعد عمري لا ما بروح معه كثير عندي سيارتي الخاصه
ام عامر: بصدمه واضحه بجسمها كله وعيونها الي ظاهره :وشهوووووووووووووووو تسوقين ..؟!
ملاك: بهدوء : ايه شو فيها
ام عامر:تحط المنديل من يدها بعد مامسحت يدينها وبعصبيه : توفاء ابوك درتي على حل شعرك محد وقفك عند حدك
ملاك: توقف وتتكلم بصوت منخفض وهي تضغط على اعصابها عشان ما تفلت..وحاسه لو جلست دقيه بعد معها راح ينفجر شريان بدماغها : يكون بعلمك عمتي سيارتي هاي من قبل ما يتوفى بابا عن اذنكم وتروح تطلع مع الدرج
= * = * =
بيت اهل العنود
العنود بغرفتها تقلب في مجله بيدها ..بيتهم مكون من دور وحد فيه سته غرف باحد الاحياء المتوسطه في الرياض ..دخلت عليها بنت اخوها الصغيره وهي دموعها على خدها و رمت عمرها بحضن عمتها : وش فيك اسوله من مزعلك
اسيل : عمرها خمسه سنوات تبكي بصوت : باااابا ..مايبيني اروح لمااما
العنود : ضمتها لحضنها تحس مع اسيل تعش امومتها الي حاسه انها فاقدتها انه يكون لها طفل بيوم : يبعد عمر عمتك انتي ..وانا وين رحت عنك ..ولا يهمك بخلي ابوك يوديك لها بس اسولي الحلوه ما ابي اشوف دموعها ..
اسيل : ترفع راسها وهي تشهق : لا هو ضربني يقول مافي
العنود : تمسح دموعها ومنحرق قلبها على عيال اخوها ابوهم يصب غضبه على مرته فعياله: ولا يهمك حبيبتي الحين نكلم جد ونخليه يكلمه وتروحين لها
..وانا كمان ابي اروح
العنود : رفعت راسها شافت واقف عند الباب محد منظلم غيره نادر ما يعبر عن مشاعره : ابشر وانا كم فارس عندي ولا يهمكم حتى فراس اكيد بيروح معكم
فارس : قرب وحب راس عمته : الله يطولنا بعمرك عمتي ..فارس سنه اولي متوسط وهادي لابعد حد و يخاف من ابوه من كثر ما يضربه ..
= * = * =
بيت ابو ملاك
محمد: بعد ما تغداء وراح خالد ماشي بيدخل البيت شافهم خارجين انتظرهم راحو وبعدين دخل واخذ اغراضه وطلع و حصل الغرفه مقفله راح ودق عليها
ملاك : تحاول تهدي اعصابها و مغمضه عيونها و مشغله فواحه بعطر الخزاما عشان تهدي توترها الي بيقتلها سمعت الدق ما حبت ترد بالاول بس تراجعت وردت وهي على وضعها : مين
محمد: انا
ملاك: اوفففف وتقوم وتروح تفتح الباب وبتوتر وهي ماسكه في الباب تخاف يكرر حركته معها : خير شو فيه
محمد: حس توترها و نظره على الغرفه الي اضائتها خافته : اشوفك ياقمر ليه عيونه محمره
ملاك: نزلت عيونها على الارض و بخوف :مافي شي شفتني خلص ...وبتسكر الباب
محمد: يحط يده على الباب: ههههههههه على وين ياعمري ويمسك يدها
ملاك: خايفه ترفع صوتها احد يسمعها او عمتها تكون فيه : اووووووه ...محمد روووووح عني احسن الك
محمد: ليه معصبه ياعيوني اهدى ..وتكلمي وانتي تناظريني
ملاك: تركني وروح غرفتك
محمد: اوف بس اشوفك انسى وش ابي انتي وش مسويه فيني .. الغرفه ليه مقفله
ملاك : تنهدت دخلت يدها بجيبها و مدت يدها
محمد: مصدوم : وليش عندك و مقفلتها
ملاك: وهي بعيده عنه شوي وبهدوء : بليز اذا بدك تخروج منها قفلها حتي لوكنت بالبيت
محمد: ليه عيوني وش فيه
ملاك: قفلها عن النسره ما بتخلى شي بدون ما تنبش فيه (تعودت عليها من كثر ما تزورهم )
محمد: هههههههههههههههههه من النسره
ملاك: فيه غيرها عمتي
محمد: هههههههه تعالى هي ما تستحي هي وبنتها وش عندهم ما شين كذا...مقهور منهم ومن خروجهم بهذا الشكل
ملاك: هم هيك بيمشو شو دخلني
محمد: وين رجلها وعيالها تركين اختهم كذا
ملاك: ناظرته وبصوت مرتفع : نعم ..!! شوو دخلك انت فيها...؟!
محمد: حس ينتعاش يجتاح كيانه : ههههههه حبيبتي تغارين
ملاك:اتراجعت وتوبخ نفسها : شوووووووووو لا عيوني هو الي باقي اغار عليك
محمد: اليوم وناسته فوق ماكان يتخيل ويضحك و قلبه يرقص من الفرحه : هههههههههههههههه وعيونك بعد اليوم احلا يوم بحياتي و يبوس يدها و يهمس ... احبـــــــــــــــــــــك جننتيني
ملاك: وجها حمر وتسحب يدها يدها بخوف ..وهي تشوف عيونه حاسه راح تموت مكانها من رعبها
محمد: يناظرها وهو مبتسم وعاجبه وخجلها : ليه مجهزتي ما خبرتك تكوني جاهزه..قبل اربعه
ملاك: ليه شو فيه
محمد : وهو يستند على الباب بيد وحده و يلتهمها كل جسمها بحب : ارسلت لك مسج من زمان عندنا موعد لازم تحضري فيه
ملاك: لا مابدي روح انت
محمد: بسرعه بلا دلع الرجال معه زوجته خمسه دقايق وتكوني جاهزه
ملاك : عندي دراسه مش فاضيه
محمد: ما نبي نطول بسرعه عشر دقائق وتكوني اسفل سامعه
= * = * =
في المزرعه
العيال وصلو وفارشين فرشه على جلسه مرتفعه عن الارض كبيره من الخشب وحولينها اعمدة لمبات مثبته من كل الزوايا ..وبعد السواليف والسوال عن الاحوال والجو كان حلو دخل عامر في الموضوع ..
عامر : خالي انا جايك وطالبك اليوم ما تردني ..
هزاع : ناظره وهوعارف وش يبي : خير وانا ابوك وش عندك
عامر : خالي انت عارف بمكانتك عندنا وانت مثل الوالد الله يحفظه ...و انت تخاف الله ودين ومايرضيك الظلم وتجحف بحق احد ..صح ولا انا غلطان
يزيد وحمد عينهم عليهم الاثنين
هزاع وهو متكي بيده اليسار على المركن : لا منت بغلطان يابو شهد
عامر : زين انا بدخل بالموضوع ..انت عطيت خالي ابو ابراهيم كلمه ان البنت لحمد واذا جاء نصيب اختها بتشاورها بس الموضوع له شهر و حنا جاينك اليوم بنكلمك بهذا الشي ..شاف ملامحه تغيرت سرع بالكلام ...خالي انا ابو بنات مثلك وهذا فخر لي وانا داري انت وش كثر تفتخر فيهم ..بس انت تعرف ان هذا ماورد بالاسلام بشي انه نعطل نصيب وحده على حساب اختها يمكن يا خال اذا تيسرت الصغيره ربي يرسل نصيب الثانيه منت بعالم للغيب ..
هزاع : وهو عارف ومومن بالكلام الي يقوله و يرشف من فنجان القهوه : بس انا مابي اكسر بخاطر اختها
حمد: ياخالي انت ما شورتهم الي تشوف رد فعل اختها..وهي الفرق بينهم سنه لو شي كبير كان يكن تحس انها ممكن ياخذ بخاطرها بس هم قد بعض ماتفرق بالعمر سنه
هزاع : وهو وده اليوم قبل بكره يزوج حمد بس عنده بناته فوق كل شي : شوف وانا خالك بكره اذا جوك بنات بتحس بلي انا فيه وهم البنات للممات وانا خالك
عامر : لا ياخال لا تقول كذا انت ناسي قول الرسول صلي الله عليه وسلم ( من كان له ثلاث بنات يؤويهن ويكفيهن ويرحمهن فقد وجبت له الجنة البتة، فقال رجل: وثنتين يا رسول الله، قال: وثنتين) ....رواه أحمد والبخاري في الأدب المفرد ....ليه ياخال ضيع تعبك بكلمه ولا بفعل وانت ربي اعطاك تسعه يمكن يكونون سبب بدخولك الجنه
...وعليه الصلاة والسلام
يزيد : و الكل يشهدلك ياخال بتربيتك الاصيله لبناتك مهو معناه انهم متزوجو لين الحين انه محد يبيهم هم بعدهم صغار وتوهم مخلصين دراستهم
عامر : شاف انه لان بملامحه ..وعارف وشلون ياثر عليه من ناحيته الدين : خالي لاضيع تعب تربيتك ولا تنسى ..قول صلى الله عليه وسلم (من ابتلي من هذه البنات بشيء فأحسن إليهن كن له سترًا من النار) .. و (من عال جاريتين حتى تبلغا جاء يوم القيامة أنا وهو كهاتين وضم أصابعه)...تكفي ياخالي لاضيع تعبك بكلمه انت تضن ان فيها خير لوحده وماتدري الخير فين
هزاع : تاثر من الكلام ورفع راسه لهم وجه نظره لحمد : ابشر وانا ابو حمد ماراح ردكم خايبين بشاور البنت واعطيكم خبر
حمد: قام بسرعه وحب راس خاله : فديت راسك يابو حمد..
العيال ضحكوا ..وكملو سوليفهم وقاموا راحو للحلال يشفونه وبعد ماصلوا المغرب رجعوا لبيوتهم وسايرة هزاع قدامهم فيها البنات
في احد المطاعم المطعم في الدور الحادي عشر
ملاك وقفت مهي قادره تطلع في المصعد و تبي لو أي وحده من البنات او العاملات تطلع معها لين توصل المطعم و تفتح باب المصعد
محمد : شافها واقفه مكانها حس انها خايفه بس اول مره يلاحظها فيها كمية الخوف الي بعيونها هي كذا مره يشوفها تطلع وتنزل فيه مسكها مع يدها قبل ما يقفل : تعالي وش فيك انا معك
ملاك : المشكله انك معي ورجعت بلعت ريقها بصعوبه : طيب.. و طلعت معه وهي بتموت من الخوف و عينها على الباب ويدها ترجف وفي الدور السادس اتفتح باب المصعد ودخلوا معهم اربعه رجال ..والمصعد صغير ... هي هنا خلاص ماقدرت تتنفس وصوتها راح من الخوف ..رجعت على الخلف وهي بتموت رعب و دخلت خلف محمد ومسكت بيده و غرست اضافرها بكفه ..نصدم من حركتها لكن الي ارعبه انها مهي قادره تتنفس ..مسكها يحاول يهديها لكن هي مغمضه عيونها ..و تضغط على يده و طلب من وحد من الموجودين يوقف المصعد بسرعه باي دور ونزل معها في الدور التاسع سحبها من داخله وهي ماتتحرك ..وبيموت من الرعب عليها وما يعرف وش الي صار معها ...يحرك يده قدام وجها ويسندها على الجدار ..حبيبتي خذى نفس وينفخ عليها لفحها هواء نفسه بوجها وبرودته فتحت عيونها على مهل وهي وجها محمر ..وبصعوبه قدرت دخل الهواء برئتها ..شافته قدامها ..تجمعت الدموع بعينها ..صارت تكشف حقائق كانت متجاهلتها وتضن انها نسيتها وهي كانت تخبي خوفها بتعلقها في ابوها طول الوقت وهي ظله وماتروح مكان الا معه ..رجعت غمضت عيونها ونزلت دمعتها على خدها ..
محمد: مسح دموعها ولو مهو شايف ارجال وقفين كان اخذها بحظنه : وش صار معك..وش الضيق الي جاك
ملاك : تنهدت وتعدلت بوقفتها وبدت تستعيد صوتها : حسيت بكتمه شوي بس...فتحت عيونها وشافت ملامحه وهو قريب منها ..رجعت غمضت عيونها وتنطبع صورته بمخيلتها ..
محمد: بخوف : تبيني ارجعك البيت و اعتذر من الرجال
ملاك : تجرعت الهواء بكل قوه وفتحت عيونها وضغطت على نفسها : لا خلاص ..خلينا روح
محمد: متاكده ...و يمسك يدها الي ترجف ..
ملاك : ايه و ضغطت على زر المصعد تطلبه اول ما فتح دخلت معه و ضغطت تثبيت للباب عشان محد يدخل معها مثل ماتعودة وهذا الحركه هي الي صدمتها اكثر هي كانت تسويها من باب الحرص لكن الحين كتشفت انها توهم عمرها انها نسيت .. محمد ما فاتت عليه حركتها الي سوتها ..وطلعوا للي متواعد معه ومن حسن حضها انه من شرق اسيا ومرته ما تعرف تتكلم غير بلغتها المحليه فتركت محمد يتفاهم معه
= * = * =
بيت ابو ملاك :
الصباح على الفطور
محمد : توه نازل وحصل الكل على الفطور ورتاح لمن شافها جالسه و من مكانه وهو بعيد : السلام عليكم
ملاك : يوه انا شو خلاني اتاخر ما اخرج قبل ما ينزل.. الحين بيعلق على تصرفاتي ..و بدلع : وعليكم السلام صباح الخير حبيبي وتوقف وتقرب منه وتبوسه على خده .. تقهر عمتها اكثر ما اعصابها تنحرق من قربه منها ..تبي ترد لها حركتها الي سوتها فيها في الليل كانت تنتظرها لمن رجعت هي ومحمد على الساعه سبعه ..وسمعتهم الشتايم و كلامها المعتاد لكن محمد وقفها عند حدها اذا ماتبي تنظرد من البيت تظل بكرامتها ولا يسمع لها صوت ومن صراخه عليها خافت عمتها لكن توعدته بداخلها ..وكانت تبي تشوف تصرفاتهم مع بعض اكثر ..
محمد: صباح الخير (ويكلمها بصوت واطي )ياقلبي
ام عامر : وتردد بداخلها كنها شايف عفريت مع الصبح شوفو كان ماراويتكم شغلكم معي بعدين ماراح خليكم تتهنون
محمد: ملاك يالله اذا خلصتي بوصلك معي
ملاك: شو عنده يبي يوصلني مصدق عمره : حبيبي اجلس كل فطورك
محمد: لا ما ابي فطور صبيلي كوب قهوه وجيبيها معك على السياره لا تتاخرين انطرك برا وخرج
ام عامر: بس خرج تنفست وانطلق لسانها : وش عنده يتكلم من طرف خشمه على وش شايف عمره
ملاك: تبتسم ودها تلطشها على هـ الصباح ..هي وصوتها الي يقرفها ..بس عرفت نقطة ظعفها محمد يرعبها ..يعني مستحيل تقابلها من غيره عشان ترتاح منها وبدلع : لا ابد سلامتك عمتي هو مستعجل باي وتاخذ اغراضها وكوب القهوه و كروسان وتخرج
مها : يمه اذا خلصتي يالله بطلع اخذ شنطتي ونروح
ام عامر : هذاني خلصت كلمي معك الشغاله تخلي السواق يجهز السياره
مها : زين (الله يعيني عليك يمه اذا بسوين فيني مثل امس بس هذا وجهي اذا خليتك ترجعين بدري الا على وقت النوم عشان اريح ملاك من كلامك الي ما يرحم )
ملاك : خرجت ولفحتها نسمة الهواء البارده بداء الجو يتغير و كان فيه مطر كثيف مستمر من ساعات الليل الاخيره كانت لابسه بالطو من الجلد المطفي بالون الطوبي و مضلتها بيدها تفتح باب السياره : تفضل وتعطيه الكوب انا رايحه بسيارتي روح انت لوحدك
محمد: اطلعي وسكري الباب اليوم محاضراتك مثلي
ملاك : بهدو وهي تعدل المضله وتعطس : لا بدى اروح الصالون بعدين ..وتسحب منديل من سيارته وتمسح انفها
محمد: وده يبوسها وش هذى العطسه والله كل شي فيها دلع عطسه بدون صوت بس سمع هس ..و عارف نقطه ظعفها : حبيبتي اطلعي شوفي عمتك على الشباك تناظر فيك
ملاك: تجلس بداخل السياره وتقفل المضله : اوف منها متي تحل عني
محمد: يبتسم : قلت لك بخليها عندنا على طول ياقلبي
ملاك: بليز اسكت ولا ترفعلي ضغطي على هـ الصباح ...وفتكرت شكلها و تكلمه بدون ما تناظره عشان ماتخاف وضحكت.. بتعرف عمتي بتخاف منك
محمد: هههههههههه خلها مابعد شافت شي ...يحرك ... ويشغل الراديو على fm
ملاك: فتحت كتاب تقرأ فيه عشان تشغل وقتها عن التفكير
= * = * =
وبعد ثلاثه ايام راحت عمتها
وخلال هذى الثلاث الايام مها كانت تاخذ امها ما تبي مشاكل واغلب الوقت وهم برا بالسوق و تحاول قد ما تقدر انه ما ترجع الا على وقت النوم وعشاهم تفظل انه بعد يكون برا لان حتي بعد ما ترجع طول وقتها وهي تعلق على كل شي حتى الخدم ماسلموا منها ...بس اذا شافت محمد داخل تفظل انها تسكت ... ومحمد اغلب وقته اذا شافهم موجودين بالبيت يطلع غرفته او يجلس بالمجلس الخارجي ..وملاك صارت تصيد الفرص انها ماتشوفها ..انشغلت بختبار عندها وكانت تقضي وقتها بالمذاكره وتحاول تجنبت محمد عشان ما يعلق على حركاتها ..ورد فعلها قدام عمتها
= * = * =
فيصل : الحين من جدك ما تبي تروح تعيد عند اهلك
محمد: ايه بجلس هم يبون يجون
خالد :وشهو بيجون كلهم..؟! ..وشكله كان تحفه
فيصل: ههههههههههههههههه
محمد: هههههههههه وش فيك ايه كلهم بس احلم انك تشوفها فيصل احجزله معكم
خالد: وهو فرحان وبرزانه بصوته عكس ردة فعله : تحلم اني اسافر وهي بتجي ابي اشوفها
فيصل:هههههههههههههههههه استخف الحبيب
محمد: هههههههههههههه اقول اركد يا لحبيب لا ابطل اعطيك هي
خالد : وجع انت وهو ضحكتو بلا ضروس مالكين وجايبين حريمكم معكم وجاليسن تتغزلون فيهم وما تبوني اشوفها بعد مهو بكيفكم
العيال:ههههههههههههههههههههههههههههههههههههه
خالد: ايه اضحكو اشوف فيكم يوم
فيصل: ههههههههههههههههه الحمد لله لك يارب الي خلاني اشوف فيكم يوم عشان ما تضحكون علي
محمد: اسكت انت كله من دعوتك علينا
خالد: سكت شوي يفكر و بجديه مع ابتسامه صافيه : محمد ابوك بيجي
محمد: ايه بس يمكن ما يطول
خالد : بجد بصوته : اجل ابي املك
محمد: هههههههههه وشرق من كثر الضحك .. احلم السلطات العلياء مهي بموافقه
خالد : مقهور من ضحكهم وهو يتكلم جد : خل عمتي تجي بس واقنعها
محمد: هههههههه نشوف معرفة خالتي لا قالت لا ما تتراجع
فيصل: ميت عليه ضحك و رجع يكتم ضحكه مايبي يحرجه اكثر : من جدك الحين منت برايح..لا وتبي تملك هنا حضرتك عشان يذبحونك اهلك
خالد: بكل جديه وطيش الشباب المتهور : ايه انا قايل لـ ابوي من اول احتمال ما ني بجاي..وعلى الملكه وش فيها هم خاطبينها بنفسهم ..و بعطيهم خبر
فيصل: خويلد لا تجلط عمي وخليك عاقل بس ...و يبي يغير السالفه كلها ...وش اخبار العيال لي فتره ما جيتهم
خالد: حط بنيته انه يكلمهم ويتفق معهم : زعلانين عليك يقلون من يوم ما عرس معد يجي يجلس معنا بالشقه محمد على الاقل احسن منك يمر ويجلس معنا شوي
فيصل: انت تقول و انت نفسك معد تروح الشقه الا للنوم
خالد: يا اخي الله يخلي النسيب ومرته مسبعيني تبيني اروح لوحدي من دونكم...وهم الله يهديهم مايجون هنا ويخرجون كثير
محمد: تسلم يالنسيب وش نسوى نشغلنا وفيصل عنده بيته وش يبونه يهده ويقابلهم
= * = * =
بيت ابو ابراهيم
في الصاله الداخليه للبيت
ابو ابراهيم : هلا والله بأم عامر حمدالله على السلامه
ام عامر : الله يسلمك وش علومك (من يوم وصلت ماقدرت تجلس في بيتها اكثر لازم تنفذ مخططها )
ابو ابراهيم : الحمد لله
ام ابراهيم : وش علومك يا وخيتي عساك بخير
ام عامر : الحمد لله
مريم : امي ان شاءالله ما تعبتو
ام عامر: لا الحمد لله ما تعبنا ولا شي
مريم: مها اشرتلها فستان
ام عامر: ايه حظها زين مهو مثل بعض ناس.. انتى وش اخبار حملك عساه ثبت هـ المره
مريم: انقهرت من امها وتجمعت الدموع بعينها ..الله كريم قادر يحفظه اذا لي فيه خير
ابو ابراهيم: ام عامر وش هـ الكلام الله يعطيها من الذريه الصالحه ويبارك لها فيها ان شاءالله هو بيدها هـ الشي كله من عند الله موزع الارزاق
مريم: عن اذنكم بروح ارتاح
ام ابراهيم: منحرق قلبها عليها ماتستاهل الي يجيها من امها وبكل حنان : روحي يابنتي الله يرضي عليك ارتاحي واذا تبين شي لا تنزلين مهو بزين لك دقي علي ولا خلي الشغاله تجيبه لك
مريم: زين ياعمه وتلبس جلالها تخاف تقابل حمد وتروح (الله يخليك لي ياعمه ياليت امي بيها ربع من الحنان الي عندك )
ابو ابراهيم : ام عامر وش علوم ملاك عساها بخير
ام عامر: تتعدل بجلستها وفرحت انه هو الي بدا بالموضوع وتتصنع الزعل : ومنين تبيه يجي الخير وهي مسكنته معها
ابو ابراهيم : ايه ادري قال لي ابو محمد انها ساكنه معه
ام عامر: صدمتها اكبر انه يعرف وساكت : وشهو ساكنه معه يقص عليك هو الي ساكن معها بيتها
ابو ابراهيم : زين ما فرقت اهم شي ينتبه لها و هي لما كلمتها اخر مره حسيتها احسن من اول
ام عامر : بمكر وبدت تنفث سمها مثل الحيه : ايه أكيد احسن مهي فالتها انت معه على حل شعرها لا رقيب ولا حسيب
ابو ابراهيم: وعينه عليها وبحزم : وش تقصدين
ام عامر : هم لويش اجلو العرس
ابو ابراهيم : عشان الولد عنده اختبار
ام عامر : ايه قص عليكم وصدقتوه عشانه داخل عليها معد يهمه عرس اوغيره
ابو ابراهيم : بصدمه ابد ما توقعها ولا حسب لها حساب : وشهووووووو من صدقك انتي
ام ابراهيم :بطيبه ماتحب السيره في احد : ام عامر لا تظنين فيهم الشين
ام عامر : تضحك بداخلها تكبر وهي تشوف كل مخططها ينجح : وشو اظن فيها تسلم عليه وتتحضن فيه قدامي هذا ما يكفي حركاتها هي الي تثبت
ابو ابراهيم : يضرب كفوفه في بعض : لا حول ولا قوه الا بالله هذا الي كنت خايف منه
ام ابراهيم : تبي تمتص غضبه : وش بلاكم زوجها
ام عامر : بصوت مرتفع و عينها على اخوها : ايه زوجها يا مال الماحي ان شاءالله بس تبي تفضحنا عند الناس يدخل عليها وهي بعدها ما سوت عرسها
ابو ابراهيم :وبصراخ : لا الموضوع ما عد ينسكت عليه انا بكلم ابو محمد وشوفلي دبره معه
ام ابراهيم : ابو ابراهيم استهد بالله ولا تكلمه وانت معصب
ام عامر : وش لا يكلمه خليه يكلمه الحين وش عنده ينطر بعد..و ضحكتها بداخلها بانت من عيونها
= * = * =
قسم ابراهيم :
مريم حامل لها شهر ومن اول ما حملت اخذت اجازه وظلت بالبيت دخلت غرفة نومها وهي ضيق خانقها مافي بنت تتمنى ان تكون عندها ام تشكي لها بس هي وين امها عمرها ماحست بوجودها جنبها حتى في اشد احتياجها لها ..جلست على طرف السرير و تدعي ربي يحميه ويخليه لها من يوم كانت صغيره 16 سنه وهو الوحيد الي تشكيله كل همها و سعادتها ..حطت يدها بحنان على خده وكان بارد ..و بصوت كل رنته انوثه وحب ...حبيبي قوم يكفيك نوم بعدين ماتنام بالليل....سحب يدها من على خده وباسها ونام عليها ....وهي تبتسم على حركته الي مستحيل يسيبها بيوم ..حبيبي قوم امي فيه اسفل
ابراهيم : فتح عيونه بكسل : خليك منهم لا تنزلين الدرج ..ونامي و ارتاحي
مريم : انا توني طالعه مسلمه عليها بس انت قوم
ابرهيم: خليني كمل نومي وانتي نامي احسن لك ولصغيرون ...سمعتي وش قالت الدكتوره
مريم: تجلس عدل على السرير : حبيبي والله سمعت لا تخاف ما راح اتحرك كثير واشيل شي بس ادعيلي انت
ابراهيم : حضن يدها و يبوسها ..محد حاس بمعاناتها غيره وشوقها انه يكون عندها طفل بين ايدنها تخبي مشاعرها عن الكل بشوقها ولهفتها لهم : ياقلبي الله يعوض صبرك وتعبك خير...قام وحط راسه على رجولها
مريم : تمسح على شعره القصير وبحب وحنان : والله صرت اخاف اتحرك من كثر خوفي اني افقده
ابراهيم : مريوم حياتي انتي سوي الي عليك ولو ربي كاتب انه يعيش بتشوفينه
مريم : الله يسمع منك
ابراهيم : لاتخافين ياقلبي انا عندك طفل لك سوي الي تبين فيني ماما
مريم :وهي تضحك : قوم عاد بطل عياره زايده وش كبرك كسرت رجليني
ابراهيم : يلف يده عليها وهو ما تحرك ومسوي روحه زعلان : مابي ياخوفي تطرديني بكره اذا جاء الصغيرون عند امي
مريم : ميته ضحك : قوم زين ولا يهمك بس خليه يجي نطرد الصغيرون عند عمتي ونخليك انت
ابراهيم : رفع راسه لها وجلس : صدق احلفي خليه يسمعك وياشر بصباعه سمعت وش قالت نطردك انت
مريم : هههههههههههه انت وش فيك
ابرهيم : يبوس راسها : ايه هذى مريومي الي اعرفها ليه وش مزعلك لمن صحتيني
مريم : شافت عيونه و تنهدت بداخلها كاشفها طول عمره : بس ليه نايم ومخليني ...
ابراهيم : ايه صرفي الهرجه هاااه على مين راجع لك وبتعترفين .....ويقوم ويروح على الحمام
مريم : من قال ..ويدق جوالها
= * = * =
غرفة ابو ابراهيم :
ابو ابراهيم : يقوم عنهم ويروح غرفته ويتصل وهو واصله معه ويبي يبرد حرته وهانت ابو محمد له
وبعد السلام والسوال عن الاحوال
ابو ابرهيم: والله يابو محمد تراني شاره عليك
ابومحمد: خير ياخوي وش فيه
ابو ابراهيم : العلوم الي وصلتني عن عيالنا ما تسر وابي العرس يكون بعد اسبوعين
ابو محمد: وش تقول يابو ابراهيم وش علومه
ابو ابراهيم : يا بو محمد انا بروح اجيب البنت وابي العرس مثل ماقلت لك بعد اسبوعين
ابو محمد: زين فهمني وش السالفه
ابو ابراهيم : هذى عمتها زارتها وما عجبها حالهم هناك خلنا نسوي العرس ولا الفضايح على الاقل الناس تعرف انها معرسه مهو ما يدرون عنها ويظنون فيها هالشي ما يرضيك على بناتك
ابومحمد: وملاك وحده من بناتي ما ارضى فيها العيبه بس يا ابوابراهيم بعد اسبوعين ما يمديني انا وامها مسافرين لهم بعد ثلاث ايام
ابو ابراهيم: انا عطيتك خبر اني معد بخليها وابي العرس مثل ما قلتلك و انت اتصرف روح وجيبهم معك
ابومحمد: البنت متى يمديها تجهز
ابو برهيم : تجهز بعد ما تعرس وما راح نقصر عليها بشي تطلب كل الي تبي نسويه لها انا قلت لك الي ابيه وما راح اخر العرس اكثر من كذا واذا ما تبي تجيبها معك انا بروح بنفسي اجيبها
ابو محمد: خلاص ابشر يابو ابراهيم لك الي تبي والسموحه منك لو قصرنا معك بشي
ابو ابراهيم : تسلم يابو محمد ما يجي منك قصور ان شاءالله وهذا العشم فيكم
ابو محمد: الله يسلمك
ابو ابراهيم : ياليت نحجز القصر من الحين
ابومحمد: ابشر خلني كلم محمد و اشوف متى اختباره و احجز القصر و اطبع البطاقات(كروت) العرس قبل ما اسافر
ابو ابراهيم : خبرني بلي يصير معك ولا تزعل مني ياخوي كله خوف على سمعه اخوي الله يرحمه
ابومحمد : الله يرحمه سمعته محفوظه ان شاءالله وبنته بترفع راسه
ابو ابراهيم : مع السلامه
ابومحمد: مع السلامه
= * = * =
بيت ابو عامر
مها: الفرحه مهي سايعتها الي نجح مخططها ومحد اكتشفها ..اخذت كل المعلومات الي نسختها على اوراق وسيدي و حطتها بشكل نسختين وكانت حريصه حتى على البصمات لبست قفاز بلستك و ضعتها بداخل مظروفين وكتبت عليها خاص وسري يسلم الى الامن الخاص وحرصت على ان تكون مطبوعه وليس بخط اليد و في المطار عند قسم التفتيش الحقائب قدرت تطرح وحده عند مقعد الظابط التفتيش و كان فيه مجموعه واقفين ارسلتها برجلها تحت المكتبه بدون ما ينتبه والظرف الثاني بقسم التفتيش الخاص بالنساء كانت تفتش امها حطته خلف الكرسي بدون ما تنتبه المسوله عن الامن و تفتشت وخرجت بسلام لان التفتيش في الخروج اسهل منه بالدخول بكثير ..وتاكدت الحين من ان المعلومات كلها وصلت لهم بسلام )...و كلمت مريم وهي مستانسه : انتي منتي بجايه
مريم: لا تعبانه ما فيني اجيكم
مها: ابي اشوف بطنك كيف صارت
مريم: وش تشوفين مثل ماهي ..الي يسمعك يقول غايبه شهر كلها ثلاث ايام
مها: ولو ثلاث ايام اكيد زاد شوي ...و ما تبين تجين تسلمين على امي
مريم : امي توني مسلمه عليها
مها: بصدمه : امي عندكم؟
مريم : ايه انتي كيف عايشه بالبيت ماتعرفين الداخل والخارج
مها: وش عرفني عنها كنت بغرفتي وشفتها خارجه قلت أكيد تبي تروح عند احد من ربعها
مريم: المهم انتى جبتي كل اغراضك ما ناقصك شي
مها : ايه بس فيه كم غرض ابيك تنزلين معي السوق اروح اخذهم
مريم: لا ولي يعافيك انا مقدر
مها : ومن بيروح معي ؟ لا تقولين امي يكفي طلعت عيوني هناك كل ما جيت اخذ شي قالت لا مهو زين ما ينفع الناس والناس
مريم : هههههه زين شوفي نوره او هند
مها : بكلم نوره هند صعبه واخوك ما يخليها تروح الا هو معها فاكره هذاك اليوم وحنا لا بسين عبينا ما رضي تروح مع السواق خلانا ننتظره وهو وصلنا
مريم: الله يسعده ويهنيه انت وش عليك
مها: بس مهي طريقه ماتخرج الا معه وهي ما تقول لا
مريم: ههههه اقول لا تخربين البنت
مها: تعالي هي ماراح تحضر الملكه
مريم: ما اعرف انا ما كلمتها فهـ الموضوع بس اظن ابوى بيكلم يزيد انها تجي
مها: وامي وش بنقول لها
مريم: الله يستر ويعدي يومها على خير وما تهينها هند ما تستاهل احد يجرحها
مها: مريوم بعدين اكلمك هذى منيره تتصل باي
مريم: باي
= * = * =
بيت ابو محمد
ام احمد: وشهو عسى الله يشيلها و يريحنا منها محنا ما خذين منها الا الاذيه الله يشغلها بنفسها ويكفينا شرها
ابومحمد: انا ما خبرتك عشان تعصبين خلاص شوفي وش تبين و خلينا نجهزه من الحين وخليني اكلم محمد عشان اعرف متي احجز القصر وانتى لا رحنا هناك جهزيلها وهي تكمل بعدين الي ناقصها
ام احمد: أي وقت اجهزلها فستان عرسها متى تسويه يباله شهر على الاقل
ابو محمد: ام احمد ما نبي نجيب للبنت المشاكل وكلام الناس اذا عمتها تكلمت عليها وش تنتظرين من الناس الي ما يعرفونها واذا على فستانها شوفي أي شي جاهز
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك