رواية مشهور وش يعني مشهور تلعب بمشاعري لا منت معذور -21
زفوها على ميوزك هـــــــــآدي
وامها تسمي عليها وتصيح => مسويه فلم هندي
والجده معاها
مي : ميرا طلب
ميرا لفت : عيوني لك
مي : فديتك انتي وعيونك بس آبي مـآي
ميرا : بس ولا يهمك
رآحت للطاوله اللي فيها كاسات الماي
وانتبهت لعيون ام ناصر عليها " فاديه "
قبل لا تمشي مسكتها من يدها : انا مشبهه عليك من قبل
ميرا آبتسمت ووقفت : آمم انا اصير بنت مهره ميرا آلـ.......
شهقت : آنتي ميرا
ميرا خافت : اي ليه
ام ناصر قربت منها ومسحت على شعرها بحنان : كبرتي والله
ميرا بنفسها : يمه شهقت حسبت احد مات وبالنهايه كبرتي
قبل لا ترد ميرا قالت ام ناصر : حلويتي وش هالبراءه جد جد تقوطرين براءه " سكتت شوي ثم قالت بضيقه " وعسا مهره جات
ابتسمت ميرا : لا تطمني ما جات
ام ناصر انحرجت : لا ما اقصد كيذا
ميرا قاطعتها : لا ماعليك خالتي عادي حتى انا آمم تقدرين تقولين ماحبها
سكتو الثنتين
ميرا قطعت الصمت : خالتي تـآمرين بشي
ام ناصر تناظرها بإعجاب : سلامتك
ميرا آبتسمت لها ومشت متجهه لمي
ام ناصر بنفسها : عسـآ بس منتي مثل مهره والله بـآين عليك بنت آجـآويد ودخلتي مخي يا بنت مهره
__________________________________________________ _________________________________
عند آسيل وخـآلد => فيس منحول
خـآلد مـآ صبر لين يطلعون المعـآزيم
وطلعو لغرفتهم *_^
الله يهني سعيد بسعيده ومبروك بمروكه وخـآلد بأسيل
مبروووووووك خــآلد
عند اللي تحت
بعد ما طلعو المعازيم
مالي خلق ابدل
فقعدت بملابسي عند البحر
ناظرت بالفراغ
كان ودي اصـــــآرخ وآهد هالفراغ اللي بيذبحني
احس كل شي يكتم علي
لفيت على اللي جلس جنبي : سبونج بوب عاد ما كبرتي
ناظرت البحر وما رديت
نقز جسار بعد ما كان هادي : الأربعـآء آلملكه
ناظرته بهدوء : مو كأنه بدري
جسار : الحين بس ملكه يعني عشان مـآ تصير سوالف بعدين
ميرا : الله يوفقكم
جسار بحماس : آسسسمعي يوم السبت بس نرجع آبيك تطلعين معـآي نختـآر الشبكه وآلسـآعه آمم والثوب والشمـآغ عـآد انتي معروفه ذوقك حلو بالرجالي
قلت اخفي دموعي وما دققت بكلامه : تسلم عيونك الحلوه بقوم انام تعبانه اليوم
وطلعت لغرفتها والعبر خـآنقتها بقوه
__________________________________________________ _________________________
سبت احد خلصصو ..
وهذا يوم الإثنين طل علينا
طلعنا كلنا بدري
والكل بيحضر معنـآ
يعني من الشاليه على طول للمحكمه
كنت جالسه اهز بتوتر
اليوم الحكم النهائي
يـآ بتزوج اللي ما يتسمى
يا بعيش حيـآتي مثل ما ميرا تبي
كنت واقفه بمكـآني وما بعدت عن حميد خطوه وحده
آبتسم لي يشجعني
حسيت براحه مو طبيعيه
القـآضي : الحكم النهائي
تعلقت نظرات الكل بالقاضي
القاضي : تعيش الطفله ميرا بكفالة والدتها مهره آلـ........ في بيت زوجها
آلكل آنصدم
ميرا نزلت دموعها وودها تصرخ
لفت على حميد تترجاه : حميد واللي يسلمك لا تخليها تـآخـ...
مـآ كملت كلمتها الا وآللي صـآر لحميد يتكرر من جديد
وش اللي بالحميد بالضبط ؟! الله اعلم
__________________________________________________ _____
بالمستشفى
الكل جـآلس على نار
وميرا تصيح من قلب
كفـآيه آمها مو مخليتها والحين بتفقد اخوها وآبوها وامها وكل شي
طلع الدكتور تنهد وناظرهم : جاته جلطه بالدماغ
الكل سـآكت ينتظرون الدكتور يكمل
الدكتور : انتو مؤمنين بالقضاء القدر .. عطاكم عمره
عطاكم عمره .. عطاكم عمره .. عطاكم عمره
ترددت بإذن ثلاث ..
حنـآن
ميرآآ
وشخص ما تتوقعوونه
آم ميرا
آلكل ناظرهم بصدمه
ميرا مسكت الدكتوره من كوته بقوه : كذااااب كذااااااااب هو وعدني انه هالموضوع بينتهي هوو قال لي انه ما راح يخليني وقال بيتزوج حنان ويخليني اعيش معاهم بالبيت
جلست على الأرض منهاره : حميييييييد حميد ارجع لا تتركني حميد لا تروح تكفى آنـآ محتاجتك
لو البكى يرجع الميت كلنـآ بكينـآ يا ميرا
حضنتها حنان وهم يصيحون من قلب
ميرا : حنان قال انه ما بيخليني وعدني هو وعدني
حنان تصصيح
خلاص ..
كل شي وقف
الزمن
الساعه
الدقيقه
الأيـآم
المستقبل
المـآضي
..{ آليوم
ما بقى الا تردد كلمات المعزيين ..: عظم الله آجركم .. احسن الله عزاكم .. عساه من اهل الجنه .. البقيه بعمركم
كرهت الأيـآم
وكرهت كل شي
حميد لا تروح تكفى آرجع
تذكرت كلامه
وعده لي
حضنه
حنانه
كل شي
عمري ما شفت مثل حميد
وبكل سهوله يروح ويخليني
لييييييه ليه آه يا حميد
مو بس انا فقدتك وحنان فقدتك
كرهت امي
وكرهت زوجها
وكرهت نفسي
كرهت الكل
الكــــــــل الا آم محمد
اللي ما رضت تخليني
خـآلتي اليـآزيه ما اقدر ارد افضالها
__________________________________________________ _
هذا ثـآلث ايام العزى
وثـآلث آيـآم حدادي
كان خذتني معاك يا حميد
وش لي ابقى
نحيب ميرا
ولا نظرات آمهـآ
ايه ما سألتوني وش صـآر بأم ميرا
من توفى حميد
طلبت الطلالاق من زوجها ذاك على قولة ميرا اللي ما يتسمى
وتقول ما تبي تضيع وقت بدون ما تصير قريبه من ميرا وتعوضها عن حنان حميد
بس وينك انتي و وين تطولين حنان حميد
تنهدت بقوه
الحين امها سكنت معنا
لأن آمي اليازيه طلبت منها
ورفضت يكون لها جناح بحالها
وكانت مع ميرا بالجناح
مسكينه ميرا احس تبي النحشه منها
تصلحين غلطتك بعد ايش ؟!
بعد ما هدمتي حياتي وحياة ميرا
بعد ايش ؟!
__________________________________________________ ___
يوم الخميس ..~
في جمعة العايله
ميرا رفضت تنزل بس اقنعوها هي وحنان اللي نزلو بالإجبار بالنهايه
كانت ميرا جالسه تناظر بالفراغ وسرحانه
انتبهت يوم ناداها آبو جسار
ابو جسار : يبه ميرا
ميرا انتبهت : هلا عمي
ابو جسار : وانا ابوك احنا مقدرين حالتك والضغوطات اللي انتي فيها وجسار رفض يسوي الملكه الأربعاء وحلف الا انتي اللي تحددين وقت الملكه
قالت ميرا بصوت رايح وبرسميه : من طيب اصلك يا جسار و انا اقول لا تتأخر مو عشان شي عشان افنان وولا يهمك حميد لو عايش " خنقتها العبره " ما بيرضى باللي يصير صح حنان
حنان اكتفت بهز راسها بالإيجاب
ميرا : تبي رايي جسار
جسار : اكيد
ميرا : خل الملكه في اجازة عيد الأضحى والله يوفقكم
طلعت ميرا لجناحها ودموعها تنزل
خلاص خسرت كل شي
كل شي
__________________________________________________ _
في شقة لميس والياس
يوم السبت
قبل دوام لميس بعد غيابها اسبوع
ع الساعه 10 ونص بالليل
ناظرت الساعه وهي تهز رجلها بتوتر
دخل الياس ومعـآه اكياس للعشـآ : قلق لا تهزين
وقفت لميس : لازم آقدم هالسنه خليها للسنه الجايه
ابتسم الياس : لا لازم تقدمين هالسنه لو ما قدمتي الكل بيقول انه فيك شي
لميس : خـآيفه
الياس سحبها وجلسها : ليمو قلبي انتي تعرفين تميزين الصح من الغلط صح
هزت راسها بالإيجاب
الياس : آجل آكيد تعرفين من اللي يحبك واللي ما يحبك وكل واحد عقله براسه يعرف خلاصه
لميس : يعني اداوم بكره
الياس : داومي ولا يهمك كلام البنات اوك
لميس : اوك صدق تعال انت بتجي تاخذني بكره
الياس : آمم وش رايك ارسل لك السواق
لميس نقزت : وشششو السواق مستحيل
الياس : بسم الله عليك وش فيك
لميس : انا اخاف من السواق مستحيل اركب معاه انا دايم كنت ارجع مع طلال واذا استعصى الأمر ارجع مع عمار ومي
الياس : خلاص اجل اذا قدرت بكره اجي آخذك اذا ما قدرت روحي مع طلال اوك
لميس : اوك
الياس : يلا قومي نتعشى عشان تنامين وانا بنفسسسي بكره بصحيك وآقعد وافطر معاك
__________________________________________________ ____
الأحد ..~
مالي نفس اداوم
بس مجبوره
يقولون انه بينسيني
آوك نشوف
لبست المريول اللي فصلته لي ميوش
كان شكله شي
مريول متوسسسط يا خلق الله
آستغفر الله لازم البس مريول ثانوي
آمم بس نـآت بـآد
سويت شعري مثل العاده
نزلت من الجوانب ونزلت لي من قدام وربطته ربطه خفيفه من ورا ومشيت
خذت الشنطه كان فيها كتب اييه وصلتني الكتب والجدول واي فصل انا فيه
اخذت العبايه ونزلت بسرعه
جلست افطر : قووووود مورننغ ماما => المقصود آم محمد
ام ميرا : قود مورننغ حبيبتي
ميرا ببرود : كلمتك " لفت على ام محمد " مام تـآمرين على شي
الجده بإهتمام : آخذتي مصروفك وتأكدتي من جدول لا يكون تسوين حركات يمين شمال ويا ويلك تكتبين تعهدات
ميرا : هههههههههههههههههههههههههههههههه حبه حبه علي
خذت لها بسكوت ودهنت عليه جبن سايل : يلا مام سيو بس ارجع بـاي
طلعت ميرا مستعجله من اول يوم متاخره حظرتي
ممكن كلامهم صدق يمكن المدرسه تنسيني جزء من حميد
ام محمد : معليه يا مهره تحملي
ام ميرا : انا اللي سويت بنفسي كيذا يا اليازيه وانا اللي لازم ادفع الثمن
ام محمد : اصبري ما بعد الصبر الا الفرج
__________________________________________________ _________
عند لميس والياس
آول يوم دوآم عند لميس خخ
كـآنت خــــآيفه وماتبي تداوم
صحاها الياس
الياس : ليمو لمووس
لميس : ها طلييييييل خلاص قمت الله ياخذ المدرسه
مشت لميس وهي مغمضه ونظرات الياس المستغربه عليها
وصقعت بالجدار وفتحت عيونها بألم : وين باب الحمام
الياس انفجر ضحك : صباح الخير
لميس توها تستوعب : يووه لا تضحك علي توني اصحصح
الياس : طيب يلا خذي لك شـآور سريع على ما اجهز لك الفطور
لميس : اوك
طلع الياس متجه للمطبخ
وهو يفكر وش يسوي فطور
عاد صعبه شوي بس عشان لميس كل شي يهون
فتح البراد وهو يحوس : آمم جبن وحليب آمم وزعتر خخ صدق ولد فقر اجل زعتر من الصبح
فتح فريزر البراد وطلع منه الجبن الجاهز وسخنه
وسوا لها كوب كوفي
وحط بـآونتي وطلع
ناظر الصينيه : الحين هذا اللي قدرني ربي عليه خخ يالله فطور يسسسمونه بعد
طلعت لميس من الغرفه وهي لابسه المريول ولافه شعرها بالمنشفه
جلست تفطر بهدوء وهي سرحانه
انتبهت لما الياس كلمها : وش قلنا ع السسرحـآن والتصصفن
لميس : آفكر باللي ممكن يصير اليوم
الياس : سمي بالله وروحي يلا قومي نشفي شعرك ع السريع عشان ما تتأخرين
قامت لميس وجلست على الأرضيه وتطلع وش تحط بشعرها
بالأخير طلعت مقاضيب كبيره لونها آخضر فــــآقع
وربطت شعرها بربطه خفيفه ورفعته ودخلتهم ببعض على شكل ×
ورفعت شعرها من قدام بس خلت جزء منه
فتحت الدولاب وطلعت منه جاكيت
مو جاكيت جاكيت هو طويل وشفاف يعني ما يدفي بس كيذا تلبسه زينه ما تستغني عنه
وعندها منه ملون
خذت الأخضر وطلعت جزمتها الرياضه " الله يعزكم " الخضره الفاقعه برباطاتها الملونه
القت نظره اخيره عليها ورشت عطر وطلعت : نمشي
وقف الياس : نمشي
__________________________________________________ _____________________
دخلت المدرسه وانا خـآيفه وارتجف
مو متعوده كيذا
آخذت نفس وطلعت للفصل
دخلت وبهدوء قلت : فيه مكان فاضي لي
ردت علي بنت : فيه ورآآ
قلت لها ببرود : شكرا
فسخت عباتي ورميتها بالدرج حقي ورميت الشنطه على الكرسي تأكدت من شعري
رفعت اكمامي بعربجيتي المعتاده
نزلت اربط البوت
ناظروني البنات
بسم الله عسى ما شر
رسمت ابتسامه على محياي
وطلعت من الفصل
انتبهت لبنت تمشي جنبي : مرحبا
ميرا : مرحبتين
هنادي : انا هنادي
ميرا : تشرفنا انا ميرا
هنادي : مبين انك تووحفه وكيذا فله
ميرا : آمم اذا تقولين عن وحده كتبت ثلاث تعهدات من قبل فله فأهلا بك
هنادي بحماس : جد
ميرا : اي جد
هنادي : آعرفك فيني اول انا هنادي رجه ودجه وبايعتها زيك بس ما اوصل اني اكتب تعهدات كتبت تعهد واحد بس وآحب استهبل على المعلمات وكله طاقه الميانه معاهم
ميرا : امم وانا ميرا هبله ودجه وبايعتها بقوه مجنونه وتوقعي مني اي شي آكره الرجـآل والحب وكل ششششي له علاقه فيهم آمم ولو حبتني معلمه ما تجي آخر السنه الا وهي تصيح ما تبيني اطلع
هنادي : وش رايك اعرفك على شلتي
ميرا : اوك
__________________________________________________ ______________
كنت آمشي وانا منزله راسي بطلع
آنتبهت لكلام بنات الدرج اللي صفرو : حبيبة مسسسستري
طنشت وطلعت لفصلي
فرقونا انا ومي
آوف
دخلت الفصل وقلت بإبتسامه : هـآي قيرلز
البنات ناظروني قبل لا اكمل عشان اوصل لمكان فاضي تجمعو حولي
وهات اسأله اخبارك واخبار مستري شلون تعرفتو
قلت لهم بكل برود : طريق
بعدو لي وآتجهت لمكان فاضي
مسكتني انفال : لالا ما فيه بتقعدين جنبي
جيهان : انا جنبك
انفال : لميس بتصير جنبي تعالي
قلت لها بهدوء : انفال آتركيني بقعد جنب غلاوي
حطيت شنطتي جنب شلتي
اللي كانو توهم بيدخلون الفصل ولما شافوني صرخو بقوه وجاو حضنوني
فديتهم ذيل الناس اللي انا اتأكد انهم مستحيل يحبوني عشان الياس
ورده حضنتني بقوه : وحشششششششششششششتيني يا خايسه
لميس : وانا اكثر
خفت يسألوني عنه بس ما لقيت اي وحده تسألني
بالعكس ما فيه الا سوالفهم اللي صارت ايام العطله والإسبوع اللي غبته
آحبببببهم
نزلت وبنات الدرج شـآفوني وتجمعو حولي
وجدان صفرت : اقول بعدو سوو طريق خلونا ننزل
نزلنا وانا متضايقه
جلسنا بجمعتنا المعتاده
شلتي مع شلة ميوش
وخذ ضحك الين رنت
قمنا وصفينا مع بعض
دقتني مريم : قصيتي اظافرك
لميس : لا تقولين لحد الحين على حركات البزاره
مريم : ههههههههههههههههههههههههههههههههههههههه ما شفتي شي
لميس : بسوي مثل ما كنت اسوي بنزل اربط البوت
غاليه لفت علينا : تذكرون يوم تهزأنا عشان نزلنا كلنا نربط البوت مع بعض
لميس : هههههههههههههههههههههههههههههههههههههههههه اذكر المديره شرشحتنا تقول قولو مو قاصين اظافركم وخلاص
ورده : هههههههههههههههههههههههههههههههههههههه وربي فله
قعدنا نسمع محاظرة الصباح سوو ولا تسوون وهذا شي وذاك شي وتعليقهم على بنات سنه اولى بالإسبوع اللي مر
خلصت هذرتهم بعد تعليق ما يخلص مني ومن شلتي
كل كلمه تنقال نعلق ونضحك
وجـآك الموت يا تارك الصلاة
قربت منا الأبله
ونزلت اربط البوت
بس وقفت عندي وقلت بنفسي : رحتي فيها
وقفت وانا مبتسمه : مرحبـــــــآ ابله بسمه
الأبله ابتسمت لي وحضنتني : شلونك حبيبتي وش اخبارك عساك طيبه شلون خواتك شلون الإجازه معاك
البنات ضحكو وانا مسكت الضحكه وقلت بنفسي : بالله على اي سؤال اجاوب
قلت بإختصار : بخير الحمدالله
الأبله : الحمدالله قصيتي اظافرك
قلت لها وانا اسوي فيها بريئه : آبله آووووووول مره وشسمه يعني اول يوم اداوم خلي بدآيتها مسك
الأبله : آمم خلاص بمررها لك
مشت عني وانا متنحه
ذي اول لو تحبين رجولها غصب طيب تطلعين تقصين
آيه سسسسبحان الله يوم تحس انها مهدده من طالبه تـآكل هوا بقوه
__________________________________________________ ________________________
على الحصه الأولى
دخلت علينا آغث ابله
آبلة النحو
آوووووووووووووووووف
ذي عاد على كل صغيره وكبيره تدقق
باللي لها واللي مو لها
فداء : الحمدالله على السلامه مدام لميس عسى استانستي بالإجازه
بنفسي : مدام بعينك يا تبن
لميس : لا آوكيه
فداء : اكيييييد اوكيه وش لك صرتي مشهوره
ناظرتها بغرور ولفيت عنها
فداء : تعالي بعدين احنا كم مره قلنا لك الألوان الفاقعه ذي لا تلبسينها
وقفت وبكل برود : يعني وشو اطلع وانزل اكتب تعهد لا يا حبيبتي ذي السنه للميس غييييييير هزئي فيني اذا ناويه تطيرين تطيرين وتطلعين من السكول
سكتت وهي تناظرني بقهر
__________________________________________________ _________________________
مرت علينا الأيام بسرعه
احس بضيقه تذبحني
آوف وخاصه مهره تحاول تتقرب مني
ياشيخه خليني بروحي
بس شلتي فله والله
هنادي ذي صارت آقرب لي من روحي
وصـآرت تعرف عني كل شي واعرف عنها كل شي
وثقت فيها لأنها بجد قد الثقه
آمم تبون الصراحه
حتى سالفة جسار قلتها لها
وهي ميته قهر عشاني
وما يمر يوم الا ونكلم بعض الف مره
والكل مستغرب علاقتي فيها اللي قوة بسرعه
سبحان الله كيذا ناس ترتاحون لهم بسرعه
بـآقي على ملكته آسبوعين
تصدقون
آه يـآ نـآس آموت انتحر اطب بالبركه واغرق
وهنو تهديني وتقول سكتيه وما عليك منه
آندق جوالي بنغمة مميزه
" دخل مزاجي وعاجبني من يوم شفته تملكني "
نقزت لجوالي ورديت بحماس : هلا هنووووو
هنادي : هلا بك زود آخبـآرووكي
ميرا : الحمدالله وانتي
هنادي : بخير دامك الحمدالله ها ما زلتي على كلامك
ميرا : ومصصصصره بطلع ويعني بطلع ابي اقهرهم يوم الملكه بطلع احلا منها
هنادي : ههههههههههههههههههههههههههههههههه فديتك والله كلمت مامتي وقالت لي مريني بس لازم مكان احد كبير
ميرا : آمم قولي لأختك هنا
هنادي : آوكيك هي اصلا تبي تطلع للشوب بقول لها
ميرا : يلا استنيني بجي لك بس آبدل
هنادي : ويتنج يو
__________________________________________________ ______
اليوم التـــــآلي
ما انكر معاملة البنات متغيره معاي
اللي ما يطيقوني صار يموتون فيني
واللي عادي معاي قوو علاقتهم
واللي متدينين وكانو يحبوني كرهوني
يعني وش اسوي اصفق لكم مثلا
تدرون ان شلتي ما يتكلمون عن الياس الا اذا انا تكلمت
آآآآآآآآآآآه يا ناس احبهم وربي
كنا جالسين بالكلاس
وسوالف وضحك
ابله سمر غايبه
آوف فكه
وعلينا حصتين بلا حاسب بلا هم
قعدنا سوالف وفله انا وشلتي
دخلت وحده بينا غصب
اسمها هيا هذي كنت كله هواش معها
بس من عرفت اني حبيبة مستري صارت تحبني سبحان الله
قعدت معنا : هـآي قييرلز
من قعدت كل البنات قعدو
هذره وسوالف وانا ســــــــــــــــــــآفهتهم
وقاعده اسولف مع الشله
هيا : تعالي لميس
ما رديت عليها
جولان : هييييييييييه انتي
ببرود : آمر
فاطمه : نكلمك احنا ولا ما نملي عينك
قلت لها بثقه : شوفي يا بعدي قصة عناد استوطنت دآآآآخلي غصب ما اقدر اجامل ناس ما يعجبوني
جولان : هذي اغترت بزياده لما حبها مستري لا يا حبيبتي ما حبك عشانك حبك عشان فلوس اهلك
ضحكت بقوه : لا يكون قاعده بعقله وانا مدري
فاطمه : جولان لميس بس بلا حركات بزاره
لميس : كلمي خويتك الحمدالله والشكر صدق ناس مصلحجيه
طلعت انا وشلتي ورحنا للحمام نعدل اشكالنا
باقي آخر حصه اللهم طولك يا روح
__________________________________________________ __________
This is it
مـآ بقى الا آسبوع لملكته
آه يا ناس
كنت جالسه بجناحي آبكي من قلب
تذكرت حميد
طلعت البوم الصور حقه
وقعدت اقلبه وآصيح من خاطر
دخلت علي مهره
وجلست على طرف السرير
مهره : ها ميورتي ماما وش فيك
ما رديت عليها وحضنت صور حميد وبكيت من خاطر وآحس روحي بتطلع من الضيقه
آندق الباب مسحت دموعي وفتحته وشفته قبالي : آمر
جسار بحماس معاه كيس : تذكرين يوم اقول لك يعجبني ذوقك فقلت بما انك ما انتي فاضيه تطلعين معاي آجيب الأغراض واوريك
قلت : وريني
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك