رواية ان جيتي عالعناد ترى محد فيه مثلي -18
وهم بالشارع زحممممممممممممممممممة عند الاشارة
طلّع فواز السيجارة وولعها
تالا بكره : طفي الدخااااااان كتمتني
فواز ابتسم بحقد: مالك دخل
تالا : الله يقلعك انكتمت انا ... طفيها
فواز : مابي
تالا بدت تكح بقوووة وصار تنفسها صعب >> معاها ربو
فواز حسبها تكذب طنش وكمّل يدخن وهي تحاول تتنفس بصعووووبة وتكتم نفسها عشان لا تشم الريحة
تالا : افتح الشباك >> بصوت يالله ينسمع
سكت منها فواز : ماااافي .. المكيف شغّال
تالا بصوت مخنوق : افتحه افتحه
فتح فواز الشباك وطلعت راسها بسررررعة .... يا ربي ساعدني
فتحت شنطتها تدور البخاخ حقها ما لقته تذكرت انه مخلص وهي قالت بتشتري واحد جديد
بالرياض .............
تالا وهي مكتومة : وقف عند الصيدلية
فواز : ما شاااء الله بعد تتشرطين ؟؟؟ ما اشتغل عندك انا
تالا : اقوووول لك يالكلب وقف عند الصيدلية
فواز : ماني موقف عند الصيدلية لو تمووتين
بدى يضيق عندها التنفس وصارت تتنفس بصوت مسموع وعيونها تدمع وتضرب بصدرها وترجع راسها لورى
التفت عليها فواز وشاف شكلها ووجهها قالب لونه بنفسجي من كثر ماهي منكتمة
فواز خاف : وش فيك انتي ؟
تالا مو قادرة تتكلم ما غير انسدحت بالمرتبة بتعب وتحاول تتنفس
عكس فواز طريقه ولف لطريق المستشفى واسرع
وقف عند المستشفى وشالها للطواريء
الدكتور كشف عليها واعطاها اوكسجين بالغرفة وطلع عند فواز
الدكتور : سلام .. انت زوجها ؟
فواز ارتبك : هاه ؟؟ لالا انا بس اعرفها من بعيد
الدكتور : اها طيب .. البنت عندها صعوبة بالتنفس بسبب الاختناق .. هي عندها ربو اساسا
بس ممكن اعرف وش اللي حصل بالضبط ؟
فواز خاف بجد : لا ابد بس كنت ادخن وكانت قريبة
الدكتور : ما كان فيه تهوية ؟
تذكر انها ترجته عشان يفتح الشباك وحس بالذنب
فواز : لا ... بس بعدين فتحت الشباك
الدكتور : طيب ,,, بعد شوي بتخلص هي وتقدر تاخذها للبيت
فواز : مشكور يعطيك العافية
جلس بالانتظار ورجع راسه لورى ... يا ربي بغت تموت
كله مني انا .... كنت حاقد عليها من اخر مرة
رن جواله شاف رقم راكان
فواز : الو ؟
راكان : الو فواز .. جبتها ؟
فواز : ايه ايه جبتها
راكان : وينكم الحين ؟
بلّم فواز وهو عارف نفسه ما يعرف يكذب على راكان
راكان : الوووو فواز سامعني ؟
فواز : ايه ايه سامعك
راكان : وينكم ؟
فواز : بالمستشفى
راكان انفجع : وشوووو ؟؟ ليه وش صاير ؟
فواز : ابدا بس اختنقت ,,, ازمة ربو
راكان : اها ... وشلونها الحين ؟
فواز : اعطوها اوكسجين ... اهدى مافيها الا العافية ,, بوديها لشقتها بعد شوي بس تخلص
راكان : طيب ... انا ما راح اتأخر ,,, اشوفك الساعة 8 المساء بالمكتب
فواز : طيب .... عند الزفت ريان ؟
راكان ضحك بحقد : هههههه ايه ايه عنده ,,, ناوي له نية شيييينة والله
فواز ضحك : ههههههههههه حاس فيك انا ,, عارفك تكتم تكتم بعدين تنفجر
راكان : يللا اخليك يا حلوووو ,, دير بالك عليها
فواز بملل : طيب طيب .. اللي يسمعك يقول اختك ولا زوجتك ولا تقرب لك يللا انقلع بس
وقفل بوجهه للمرة الثانية
طالع راكان بالجوال : طيب يالزففففففت حقك بتاخذه الليلة ان ما وريتك ما اكون راكان
تصك الجوال بوجهي للمرة الثانية يالكللللب طيب طيب ..
دخل الجوال بجيبه وجلس جنب طلال وجلس يسولف معاه
فيصل ويوسف مو عند الرجال ... جالسين يتمشون بالمزرعة
يوسف : وبعدين ؟
فيصل : طلال وابوي مو عاجبهم يا يوسف
يوسف : شوف يا فيصل ... يحق لهم
انت عارف عيال الرائد كلهم لعبوا فيكم لعب مو صاحي
سعود باختك خزامى وماجد بأبوك والحين هذي تالا وبنت مين ؟؟؟ بنت ماجد
اصحى لا تصير تلعب بك يا فيصل
فيصل : لا يا يوسف ... البنت راحت وخلتني
قالت ما ابي اكون سبب في مشكلة بينك وبين اهلك ,, والسبب ابوي
البنت متطاقة مع ابوها ... انت ما شفت شكلها وهي تبكي ذاك اليوم كسرت خاطري
يوسف ... يمكن حب ,, او اعجاب ما ادري ايش اسميه لكن مشتاق اشوفها
يوسف : تسميه مجال لك ,,, فيصل ..
هذا مو حب ,,, توكم ما تعرفون بعض ولا شي واساس حبكم اللي تقولون مو قوي
اتوقع ينهار بأقرب وقت ,,,,,, الحب مو كذا
فيصل تخصر ولف على يوسف : اجل شلوووون ياعاااشق ؟
ضحك يوسف بقوة : هههههههههههه وش فيك انت ؟؟ اهدى يرحم امك
شوف انا احب اوكي ... لكن حبيبتي اعرفها واعرف اهلها وعايش معهم سنين وتأكدت انها بعد تحبني
لكن يا فيصل انا انتظر الاوضاع تهدى شوي وبتقدم لها ,,,, لكن انت وياها هالبنت
هي تركتك عشان اهلك ... هي راحت وقالت مستحيل ارجع لك .. يعني لازم تأقلم نفسك ان مافي تالا خلاص
وعيش حياتك وانساها
سكت فيصل وما اعجبه الكلام وطى راسه
: احبك يعني احبك ومافي اي شي بالدنيا بيوقف حبي لك يا تالا
اعشقك لو قالوا ايش ... خليهم بكيفهم ,,,, ودي اعرف وينها الحين
..................................
تالا بشقتها جالسة وتطالع بالادوية تذكرت شكل فواز وهو خايف يصير فيها شي
ضحكت من قلللللب بلعانة
هين يا فوازوووه الخايس ... الايام بيننا ان ما عذبتك وطيرت عقلك ما اكون تالا
...........................
بألمانيا ..........
راح سعود المستشفى يسوي الفحص كالمعتاد
الدكتور سكت وما تكلم وباين عليه الصدمة
سعود توقع ان نهايته بكم يوم توقع من الدكتور يواسيه كالعادة
لكن الدكتور ساكت وجامد بمكانه
سعود : وش صار دكتور ؟؟ وش الجديد >> قالها بالانجليزي
الدكتور رفع عيونه لسعود وطالعه بصمت واشّر لسعود انه يجلس بمكانه وطلع هو من الغرفة
شوي ورجعوا ثلاثة من الدكاترة بينهم هذاك الدكتور
تكلموا مع سعود انه يجي للغرفة الثانية وعملوا الفحص مرة ثانية
وجلسوا يتكلموا بصوت واطي ومصدومين ويطالعون بالاوراق والنتايج
وقف سعود بضيق : وش صااااير الحين ؟؟؟ ترى ارتفع ضغطي وانا انتظر
بالعادة لما يعصب يتنفس بسرعة ويتعب وما يقدر يوقف على حيله
لكن هالمرة واقف وبكل قوة
الدكتور التفت على سعود وبعينه نظرة حيرة : انت ايش كنت تسوي بالايام اللي راحت ؟
ايش تناولت ؟ وايش سويت
سعود خاف : ليه في شي غلط بالاوراق ؟
الدكتور ابتسم : لا ابدا .... انت انسان معجزة كان المرض متمكن منك وفجأة
صفق بيده وضحك .. اختفى ,, مافي اي دليل على وجود سرطان او خلايا سرطانية بجسمك
سعود ابتسم بخوف وتردد طلع من المستشفى يركض
ركب سيارته وراح لبيت ابو احمد
وقف عند الباب و دق كثير
فتحت منال : هلا سعود
سعود وطى راسه : وين عمي ابو احمد ؟
منال : جوة ... تبي تدخل له ؟
سعود : لا ... قولي له اني ابيه ضروري لا تتاخرين
ركضت منال لابوها : يبة سعود برة ويبيك ضروري
لبس ابو احمد وطلع
ابو احمد : هلا يا سعود
ضمه سعود بقوووووة وبكى بصمت
ابو احمد : سعود وش صاير ؟ فيك شي ؟ تعبان
في شي يعورك ؟ تكلم يا سعود لا تخوفني
وخر سعود عن ابو احمد ومسح دموعه
سعود : عملوا لي فحص مرتين
طلع ما عندي ولا شي ... يقول الدكتور انت معجزة مافي ادلة على وجود سرطان بجسمك
عمي ابو احمد مافيني شي طالع ... حتى ما احس اني تعبان ولما صرخت بالمستشفى وعصبت
ما طحت ولا شي بالعكس كنت واقف بقوووة ,,, عمي انا بخيييييييييير
ضمه ابو احمد وهو يتذكر عياله وزوجته اللي ماتت
يا رب .... ما اعظم قدرتك
كان بيموت وما بقى فيه شي صار هيكل عظمي من كثر التعب
والحين هو بصحته .... صدق ربي ان اراد شيئا انما يقول له كن فيكون
..................................
سعود رجع لشقته واخذ ثيابه بسرعة ورتب اغراضه طالع بالساعة لقاها 12 الظهر
اقرب رحلة للسعودية بعد ساعتين يا رب يا رب
طلع بسرعة من الشقة وعالمطار على طول
جلس سعود ينتظر النداء للرحلة
خمس ساعات وشوي مسافة الرحلة بين المانيا والسعودية
يا ربي تعدي بسررعة ودي اضم خالد والشباب
وانتقم من ماجد ...... بنتقم منه لو انه ااااااخر يوم بحياتي
.........................
الساعة 4 العصر بالرياض
طيارة سعود نزلت بالمطار
نزل بعد ما خلص الاجراءات بسررررررعة عالتاكسي
.........................
خالد وفهد ومحمد بالسيارة يتمشون
رن جوال خالد
خالد : الو ؟
سعود : خااااااااااالد .. شخبارك شمسوي ؟؟ واحشني يالدب
خالد : سعود ؟ ههههههههههههههههههه
وش فيك ؟؟ صوتك مرة مبسوط
سعود : شخبار الشباب ؟
خالد : معاي فهد و محمد بالسيارة
سعود : وين رايحين ؟
خالد : مدري ... بس ندور بالشوارع
سعود : لازم اشوفكم
خالد : انت بالسعودية ؟
سعود : توني واصل
خالد : طيب ارتاح لك شوي
سعود : مابي .. لازم اشوووفكم وين ناويين نتلاقى ؟
فهد : قول له ذاك الكوفي شوب اللي كنا نروح له ايام الثانوي
ضحك خالد ومحمد
خالد : يقول فهد .. كوفي شوب الثانوي تذكره ؟
ضحك سعود بقووووة : هههههههههههههه الله يرجك يا فهيييييد
والله اخاف يتذكرنا ابو ابراهيم اذا شافنا والله ما يخلينا
مسك فهد الجوال من خالد >> طبعا سحبه منه
فهد : افاااااااااا .. صاير جبان يا سعووود
منت قدها يعني ؟؟
سعود تحمس : اقووول قدام بس واللي فيها فيها
محمد سحب الجوال من فهد : ابو خاااالد نعيد الذكريات ونسحب بأبو ابراهيم ؟
ضحك سعود : ههههههههههه نكسر الواجهة ولا نسوي ازعاج ونلعب بالكورة قدام المحل ؟؟؟ وننحاش على محل الشاورما
فهد : اسمه ابو ساااااااااامي يا حمار ... نسيته ؟؟
ما امداك ,,, امممم فديت ابوسامي وشاورمته
ضحكوا كلهم عليه واتفقوا يجتمعون هناك
.........................
بالمزرعة ..........
راكان وطلال يشوون الدجاج وفيصل ويوسف وياسر
يجهزون الصحون والسلطة
........
وقف طلال بعد ما خلص الدفعة الاولى وشال الصحون ومعه يوسف للحريم
وقفت جوانا والجوري وراحوا ياخذون الصحون من الشباب
توليب كانت تطالع بطلال ومسوية ما تطالعه
كان يتكلم مع جوانا وضحك شوي ومشى
يوسف اعطى الجوري وابتسم لها وراح
والبنت رايحة بخرايطها
راحت توليب على جنب بالمزرعة
لمحها طلال متخبية قرب منها وجلس يسمع
توليب منسجمة مع الاغنية .... هي ما ودها تاكل
توليب : ما بدك نبقى حبايب ولا تبقى عن عيني غااااايب
بدك نبقى متل الرفقة .. كذب على قلبي الدااايب
ظالمني وعارف اني انا بشقىى لو تبعدعني .. قلي يا قمري برضى بقدري
وخبرني انت شو حابب ؟؟ ..... كرمااالك صرت بخبي
خبي الحب الساكن قلبي ... بعمل حالي ولا على بالي مهتمة ومش مهتمة
طلال ضحك بشويش صوتها ناعم ... يا ربي هل هو انا المقصود ولا هي اغنية وبس
طلال : قول آمين عساك تحبني وتموت فيني
التفتت عليه توليب >> هي كانت جالسة ورى الشجرة وطلع لها من الجنب وكان متسند عالشجرة وواقف
انفجعت وهي تطالعه وهو يغني وما يطالع فيها .. يطالع قدامه ومتكتف ومبتسم فيه ضحكة قوووية وماسك نفسه
طلال يكمل اغنيته : قووووول آمين عسى ايدينك ما تفارق يديني
ومثل ما أشتاق أنا لعينك
أبي تشتاق أنا لعيني
أبي تتعب مثل ما أتعب
عشان تعرف معنى الحب
لأنّ بجد حالي صار
على نفسي ترى يصعب
أبيك تحس في حبي
تقول إنّك تبي قربي
وإنّك مـا تبي غيري
وأقول آمين ياربي
سكت وطالعها وهي كانت داخلة جو مع الاغنية وصوته طالعت فيه ووقفت
طلال : احم .. وش رايك بصوتي ؟
سكتت توليب
طلال : الوووو .. اكلمك
توليب بصوت واطي : عن اذنك
جات بتروح مسك يدها
طلال وقفها قدامه
يممممممممممممة خافت منه بجد صاير يخوف وهو واقف قدامها طلعت توليب ولا شي مقارنة فيه وبوقفته
حتى طريقة نظراته تخوفها
طلال بجدية : سألتك سؤال ... ومش من الذوق يا بنت الصقر تروحين وتتركيني وانا اتكلم معك
وهذا الاسلوب لمعلوماتك ينرفزني ويخليني افقد اعصابي ... وبصراحة انا الحين رايق وما ودي اعصب
يعني لا تنرفزيني اذا تسمحين وخلينا ذوق
توليب : مو لازم ارد ... اقصد يعني لي الحق اجاوب اولا
طلال زم شفايفه : يعني عناد فيني مثلا ؟ ولا ايش بالضبط
توليب : ابدا .. مو عناد
لكن ما ابي اجاوب
طلال : ليه ؟
توليب : سبب خاص
طلال : طيب اغير السؤال ... عن مين الاغنية قبل شوي ؟
توليب : اي اغنية ؟
طلال بنظرة حادة : لا تستهبلين .. تراني ما امزح
توليب : انا بعد ما امزح .. اغنيتك ؟ ولا اغنيتي
طلال تكتف : يعني تقصدين انك تعرفين عن مين اغنيتي بسؤالك هذا ؟
توليب : لا
طلال : طيب ؟
توليب : اذا كنت تقصد اغنيتك بقول ما ادري
طلال : واذا انا اقصد اغنيتك ؟
توليب : مجرد اغنية
طلال : اها .. امممم
طيب ... خلاص تقدرين تروحين
لف بيروح وقفت قدامه
طلال طالعها معقد حواجبه : وش فيك ؟
توليب : اذا تسمح لي اسأل .. عن مين الاغنية ؟
ضحك طلال : هههههه لازم اجاوب ؟
توليب بضيق : لا ... بااااااي
وحات بتمشي
طلال : عنك
سكتت توليب وجوة قلبها تقول : يس يس يس ... يحبني
مووووووو مصدقة شوي وتنااقز من الفرح
التفت طلال لقاها لسة واقفة ... قرب منها وباذنها قال
طلال : ايه .. احبك ,, لكن غرورك ما بيكسره الا انا يا عسل
انقهررررررت منه توليب والتفتت عليه بقووووة
توليب : تخسى
طلال طالع بوجهها الاحمر
طلال : ههههههههههههههههههه نشوف ,,,
توليب جات بتصرخ بوجهه قرب واعطاها بوسة بخدها جمدتها وصدمتها
طلال مشى وهو يعيد الاغنية ويضحك وهي منقهرررررررررررررررة ومعصبة ومصدووووووومة
...............................
بعد الغداء البنات يتمشون بالمزرعة سوا .............
قربوا عند جهة الرجال بس ما لاحظوهم
يارا والجوري يتسمعون عالكلام .............
ابو طلال : هههههههههههه عقبالكم يا فيصل ويوسف
فيصل طالع بأبوه عادي وشال عيونه للشجر
يوسف : الله يسمع منك يا عمي
ابو ياسر : ههههههههههههه انت بس قول وانا اجيبها لك
الجوري ويارا طالعوا ببعض بحماس
ابو طلال : وابوك صادق ,,, وان ما جابها ابوك اجيبها انا لك ولا يكون خاطرك الا طيب
يوسف استحى : تسلم يا عمي .. بس لسة الاوضاع مو مضبوطة
ابوطلال وابو ياسر استغربوا جاء طلال وراكان وجلسوا معهم
ابو ياسر : اوضاعك يا يوسف ؟؟؟
يوسف : لا بس الاوضاع بيننا ما تسمح الحين اتقدم للبنت
ابو طلال : اها .. مشاكل يعني ؟ بينك وبين اهل البنت ولا بين اهلك واهلها ؟
يوسف : انا مالي دخل ... بس اهلي واهل البنت بينهم مشكلة
ابو ياسر : مين هم هذول ؟
سكت يوسف وما رد
ابو طلال : طيب قول لي مين هي البنت وانا اخطبها لك
يوسف بعد نفس عميق : بنتك الجوري يا عمي
سكت ابو طلال مبتسم ,, وابو ياسر منصدم
طلال عصّب ونسى ان راكان موجود
طلال بصراخ : تخسى انت واخووووك
ياسر طالع بطلال : اهدى يا طلال ... وانسى اللي صار
طلال : ماااااااا راح انسى ... اللي سويته يا ياسر مو شوي
والمشكلة ما انتهت ... يوسف تاخذ اختي على جثتي
يوسف وقف وقال بجدية لأول مرة قدام الاهل : شوف يا طلال
اختك انا احبها ... ومو ذنبي اللي سويته انت وياسر ,, مشكلتكم بيبنكم ولها مدة وانتهت
واذا على قولتك ما انتهت ... انا والجوري مالنا دخل فيكم انا ابغاها وشاريها وولد عمها اولى من الغريب
ولا كلامي غلط يا عمي ؟
ابو طلال : كلامك صح ومافيه اي خطأ
طلال بعصبية : يعني شلون يبة ؟
ابو طلال : يعني هو اولى فيها من الغريب .. يوسف نعرفه ومنا وفينا ومحترم
واللي صار بينك وبين ياسر ما يشمله هو والباقيين
طلال : انا مو راضي .. فيصل ليه ساكت ؟؟ تكلم قول شي
فيصل ببرود : انا مالي دخل بحوستكم ... لكن يوسف معه حق اللي صار ماله دخل بهالقصة
طلال : يوسف وياسر واااااااااحد هم اخوان بالنهاية
وقف ياسر : يوسف ماله دخل باللي صار ولمعلووووماتك يا طلال ... جوانا الى الان احبها انا
ولو ما حركتك الفاااااااااااااشلة ما كان تركتها وكنت عايش انا وياها الحين ومعنا ولد بعد
بسببك انت خربت حياتنا كلنا وصارت مشاكل بيننا
طلال بصراخ وراكان منفجع
طلال : بسببي انا ؟؟؟؟ كل تبن يا شيخ بس لو انك تحبها كان ما تركتها وخليتها
يارا انا مو مجبور اخذها ... اساسا تفكيرها ما يناسب تفكيري
يارا صغيرة علي ... اختك ما كنت ابغى اظلمها بالعيشة معي وكانت صغيرة وش كنتوا تفكرووون يوم قلتوا انها لي
لا وبدوون شوري بعد ...وياخوفي تكونون ما شاورتوها بعد
ياسر بصراخ اعلى من طلال : هذا مو موضوعنا الحين ... وطيب انت فتحت الموضوع
اتركها مو مشكلة بس مو بالطريقة الشينة هذيك
طلال : كان عندي اسباب
ياسر : اسبابك خليها لك ... وش اللي يجبرنا نتحمل الغلط يا طلال ؟؟؟ انت لو انا رميت اختك بهالاسلوب بتسكت لي ؟
سكت طلال
ياسر : تكلم يا طلال ... بتسكت ؟
طلال : طبعا لا
ياسر : اجل لا تلومني .. ولمعلوماتك يارا زعلت مني يوم رديت حركتك وقالت جوانا مالها ذنب
طلال وقف وطلع من المكان
................
طلع طلال وشاف الجوري ويارا قدامه
انفجعوا البنات وجو بيهربون
طلال بصوت شديد : وقفي انتي وياها
وقفوا ثنتينهم
طلال : وش كنتوا تسوون حضرتكم ؟
يارا والجوري : آسفين
طلال صرخ : انا سألت وجاوبووووني
توليب : اتركهم يا طلال
التفت عليها
توليب : خليهم الحين .. انا كنت ادور عليك ابغاك في موضوع
استغرب طلال وعقد حواجبه : موضوع ؟
توليب : ايوة موضوع .... ممكن ؟
طلال : ايه ممكن ... التفت على يارا والجوري
وقال بعصبية : انقلعي انتي وياها من هنا ولا عاد تعيدوووونها
ركضوا البنات بسرررررعة وطلال وتوليب راحو على جنب
طلال وهو يتكتف : ايش عندك ؟
توليب : عندي سؤال واتمنى تجاوب عليه
طلال وهو محتار : اسألي
توليب : ليه انا ؟
طلال : انتي ايش ؟
توليب : ليه اخترتني انا ؟ وش سويتلك انا عشان تفكر فيني وتاخذني غصب عني ؟
طلال ابتسم : ولا شي
توليب انقهرت : شلووون يعني ولا شي ؟؟؟ طلال جاوبني ليه انا ؟
طلال قرب منها : لأني احبك
خافت توليب ورجعت على ورى وحطت عينها بعينه بتحدي
طلال وهو يأشر : عيونك نزليها يا عسل ... لا تتحديني
توليب: انت اللي تحديت اول
طلال : لا ... تذكرين بسويسرا ؟؟؟ مين اللي بدأ الاستعباط ؟
سكتت توليب شوي
توليب : طيب عندي حل
طلال : وشووو ؟؟ قالها بتملل
توليب : تعاملني باحترام وانا بعد بعاملك كويس ونصير اصحاب
ضحك طلال : ههههههههههههههه انا ابغاك زوجة مو صاحب
سكتت توليب منقهرة ورجعت ردت بقوووة : وش تقصد يعني ؟
طلال : ابد ولا شي ... يعني الحين انا زوجك وصدقتي مو حلوة نصير متطاقين طول الوقت
توليب : انت تدري اني ما ابغاك صح ؟
طلال : لا حوووووول ... الحين وبعدين يعني ؟؟
شوفي لحظة بقول لك شي .. تتحديني انك تحبيني ؟
انفجعت توليب ومشت بعد ما اعطته نظرة حااااااااادة معصبة وهو مات من الضحك
.......................
فيصل جالس ببرود ومو منقهر ولا متحمس ولا شي
ياسر جلس وهو منقهر
يوسف : هاه يا عمي ؟ عندك شي تقوله
ابو طلال : شور البنت يا يوسف
يوسف : ما عندي مشكلة هذا حقها
..........................
في مكتب ماجد الرائد
حمد : سويت اللي علي .... وحركة راكان سهلت علي الموضوع اكثر
ماجد : كفوووو ... هههههههههههه راكان هالخبل ساعدنا وهو ما يدري
بس اللي قاهرني الحين ان ريان عندهم وسعود مدري عنه احسه منقلب علي هاليومين
حمد : شوف يا ابو تالا ... انت عارف شرطي عشان التعب ذاك كله
ماجد بنظرة تركيز : لا تخاف ,,, تعبك ما يروح هدر يالحبيب
وحدة من بنات عبدالرحمن لك هدية من عندي ههههههههههههههههههههه
حمد : هه ... وربي كنت ناوي على توليب بس القهر انها حرمة طلال الراسي الحين
وقف ماجد بحدة : وشوووو ؟
حمد : ليش ما تدري ؟؟؟
ماجد : لا
حمد : ههههههههههه متزوجها وهي ما تبغاه الظاهر
ماجد : ولد عبدالعزيز ذيب ....وولد عبدالرحمن اذكى منه
بس طلال اقسى ... راكان يشتغل عالبطيء بس يطيحك بقووة
طلال يعطيك وحدة سريعة قاااسية .... شوف .. وخر عن حرمته لا تبلشنا معه
خذلك اخت راكان الثانية تراني شايفها قطعععععععععععععة تخقق ههههههههههههه
حمد : ههههههههههههههه ايه ادري شفتها
ماجد : الحين وش يبي راكان ؟ عشان يترك ريان بحاله هذا اللي محيرني
.......................................
هذا البارت يا حلوييييييييييييين معليش بس الاسبوع اللي راح كان مزحوووم وكله اختبارات صعبة
عشان كذا تأخرت عليكم ... عسى اعجبكم البارت ؟؟؟؟
<< البـــــــارت الــ 37 >>
يارا والجوري جالسين على جنب متحمسين
يارا : مووو مصددددقة ... انتي ليوووسف حبيب قلبك وربي فرحاااااااااانة لكم
ضمتها الجوري بقوووة : يارا انا مبسوووطة وقسم بالله ... قوولي ياااا رب ما يخرب علينا طلال
يارا من قلللب : يااااااااااااااااا رب
شافوا توليب جاية معصبة
وقفوا لها وركضوا
يارا : شكرا توووليب انقذتينا من طلال
جوري : انتي اطلق مرة اخووو بالدنيا تدرين ؟؟
توليب كانت معصبة بس يوم شافت هبال هالثنتين ابتسمت
توليب : ههههههه ما سويت شي اساسا
جوري وهي تضمها : تستهبليييين ؟؟؟ الا سوووويتي
توليب : وش سويت ؟
يارا : انقذتينا من الوحش طلال
ضحكت توليب بقوووة : هههههههههههههه وحش ؟؟؟
جوري تنغزها : خخخخ ليه وياك مو وحش ؟
رفعت توليب حاجبها : الا وحشين مو وحش واحد لكني قووووية
يارا وهي تصفر : حركااااااات يا قوي انت
توليب : ههههههه الحين وخرو من قدامي خلوني اجلس
وراحت عنهم وجلست مع خزامى اللي بالها مع خالد وسعود
خزامى بنفسها : يا ربي ... وقسم بالله اني ما اكره خالد لكنه داااايم احسه شااك فيني
غصب عني اناديه سعووود انا تعودت على سعوود مو قاااادرة اشيله من بالي الى الان يا ترى وش الحل
خالد ما اشووف فيه الحبيب لكن اشووف فيه الامان والحنية هو غير عن سعود لكن فيه صفات نفس سعود
خالد خجول حتى وانا زوجته لكنه مرررة يستحي والمشكلة انا استحي منه اكثر هههههه لكن يظل له اسلوب غريب حلو... سعود ما كان كذا
سعود جريء وتصكه حالات هسترة
ضحكت وهي تتذكر مواقفه معها توليب استغربت لما شافتها تضحك على خفيف
توليب بنفسها : حمدلله والشكر ... العايلة هذي غريبة مررررة ومافيهم احد يشبه الثاني بالتصرفات
طلال مغروور وقاسي واخوه فيصل يقولون هادي وحنون وهذي ملحوووسة وشكلها مرررة عندها مشاكل
جوانا قوية وفيها عربجة وجوري خبلة وبنت عمها مثلها ... سبحانك يا رب وش الحظ اللي طيحني مع طلال
...........................
في كوفي شوب ابو ابراهيم
خالد جالس جنب سعود
وقدامهم فهد ومحمد
فهد : وش عندك جامعنا ؟
سعود : دايم ما تبطل لقاافتك ومستعجل بكل شي .. يقولون ..
فهد بملل : الركاادة زينة ,,, المثل اللي مزعجنا فيه من ايام الثانوي
محمد وخالد وسعود وفهد : هههههههههههههههههه
سعود : هههه طيب
انا جمعتكم هنا وجيت مستعجل لعيووونكم عشان اخبركم اني تعافيت من السرطان
انصدم خالد كان يتمنى هالشي لكن هووو قايل لنفسه اذا تعافى سعود بيطلق خزامى يا رب لا مو بهالسرعة استغفر الله
فهد لمح خالد اللي بدى يفكر : وشلون تعافيت ؟
سعود : واحد الله يجزاه الجنة ...... >> حكى لهم سالفة ابو احمد
محمد : حمدلله على سلامتك يالحبيب
سعود : وربي يا شباب اني تبت من حركاتي هذيك وما راح اعيدها
بالعكس انا الحين اقوووى عشان اطيّح عمي ماجد لو انه اخر شي اسويه بحياااتي كلها
خالد ساكت ويحاول يتصنع ابتسامة
لمحه سعود ولاحظ وجه خالد المتغير
سعود : وش فيك ابووو سعود ؟؟ مو فرحان لأني رجعت لك ؟
خالد وطى راسه : الا يا ابو خالد وشلوون ما افرح ؟
سعود : مدري عنك ؟؟ ليش وجهك انقلب فجأة تراك صاحبي واخووي واعرفك زين
خالد رفع راسه وقال بجدية : سعود انا بطلّق خزامى
وقف سعود بعصبية : وش قاعد تقووول انت ؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك