رواية ان جيتي عالعناد ترى محد فيه مثلي -15
طلال : شلون يعني ؟
منال : مسحت اسمك من قلبي وبالي ,, طلال كنت في بالي شي كبير مرة
كنت اخاف من ظلك وهيبتك كنت اعزك واغليك كنت بالنسبة لي كل شي بعد ما عرفتك
لكن الحين طحت من عيني ... انت الحين ولا شي ولا شي يا طلال انت مجرد دااااشر واحد صايع يلعب بأعراض الناس
روووح وعيش حياتك وانساني لاني من اليوم ورايح ما اعرف واحد اسمه طلال وولا قد سمعت فيه ولا شفته
اما عن رديي تراني مو موافقة على واحد مثلك
قالتها وهي تأشر بطرف اصبعها من فوق لتحت
هنا طلال تبخر كل شي بحياته وقف مو بعد ما عشقتك مو بعد ما علقتيني فيك
مو يوم انا قلت اذا وافقت علي بترك هالسخافة كلها لعيونها تبيعيني وانتي ما فهمتي مني شي
طلال وقف بشموخه : منال انا احبك ... لكن اذا انتي بايعتني انا بعد ما ابيك
مو انا اللي اتنازل لاجل مخلوق ... الله يوفقني ويوفقك
حاولت اثبت لك لكن انتي مو راضية تسمعين .. طيب مدام الوضع عندك كذا مع السلامة
مشى عنها وبنات خالاتها يطالعونها مستغربين
..............................
نرجع للواقع ............
فيصل يدور على تالا تقابل مع فهد وخالد ومحمد وسحبوه معهم
فهد : فصووول وش فيه وجهك فيه كدمة خضراء
فيصل مسك وجهه : تطاقيت مع طلال
خالد : اما تتطاقون وهذا كبركم ؟
فيصل : خالد لا تبدأ معي هالمحاضرة ... الكلللللب يسب تالا على كيفه هو
محمد : الحين تتطاق مع اخوك عشان بنت ؟
فهد : لا ومين هالبنت ... بنت ماجد الرائد
فيصل : فهد احترم نفسك لا تخليني اقوم عليك
خالد : بس يا شباب اهجدوا
فهد : هالبنت بتضيعك انت واخوك وعائلتكم مثل ما ضيع اختك ابوها وسعود
خالد بعصبية : فهد ... وش عندك اليوم ؟
فهد : خلاص طيب انت واياااه ... اللي يقول كلمة الحق غلطااان
محمد : ياااااااااااالييييييييييييييل ابو لمبة
ضحكوا كلهم يعرف محمد ان هالكلمة تضحكهم
فهد : الله يقطع ابليسك يا ابو حميد
محمد : ههههههههه والله اني قايلها كذا بس زين ضحكتوا
خالد : وش صار معك انت واهلك ؟
محمد : يبونها لي غصب المشكلة بنت عمي ما تطيقني ولا انا اطيقها
اثنيننا نكره بعض
فهد : وش دراك انها تكرهك ؟
محمد تحمس وصرخ بوجه فهد : هي قايلة لي قبل يومين بعزيمة اختي
فهد بصرخة نفس فهد : طيب لا تتحمس
خالد : هههههههههههههههههه
التفتوا كلهم على فيصل السرحان
خالد : فصييييييييل وينك ؟
فهد : الووووو
محمد : هييييه يا ابو الشباب
فيصل بملل : نعم ؟
محمد : وش عندك ؟
فيصل : ولا شي بس فيني نوووم
خالد : اوصلك للبيت ؟
فهد : ما صدق الولد يبي يشوف خزومته ههههههه
محمد : هههههههههههههههه جابها بالصميييييم
ضحك فيصل : عندي سيارتي وربي
خالد : اصلا مووو منكم ,,, جزاء المعروف عشرة كفووف
فيصل : ما برجع للبيت ... ما ودي اشوف وجه طلال الزفت
جوانا راحت لبيت امها
جميلة : خدك فيه كدمة صغيرة
جوانا : طلال عطاني كف امس
جميلة : ليييه ؟؟؟ قالتها مفجوعة
جوانا : عشاني دخلت البيت متأخرة
ولسة ما خلصت السالفة اليوم اكيد بيحقق معاي امس تطاق مع فيصل مو فاضي لي
جميلة : يا بعد قلبي يمة ... كله مني
جوانا : ماعليك يمة ,, عادي بتصرف معاه
جميلة : راكان اليوم ما اتصل علي غريبة
جوانا : يمة هو وش سالفته معاك ؟
جميلة : ههههه هذا كان مرمي عالرصيف وطايح بعد ما تطاق مع شباب بالشارع
كان عمره 20 سنة واخذته للمستشفى اذكر بعد كانت ايام برد
وترقد هناك .. كانت الساعة 2 بالليل وهو جالس بالشارع كذا
يوم تكلمت معاه وعرفت ان ابوه طرده وكذا هو واغراضه اخذته عندي
بالبيت كان ينام بالغرفة هذيك
واشرت بايدها عالغرفة .... بس جلس عندي 3 شهور و جات البعثة حقته وسافر امريكا يدرس
كان بالاجازات يجني بس بعدين انقطع وصار يكلمني بالجوال وتوه يرجع السعودية
.................................
بنات ادري قصير لكن اعذروووني انا بروح انام عشان اصحى اذاااااااكر ادعوولي يصير الاختبار سهل
وتوقعاااااااتكم والاشياء اللي اعجبتكم لازم اشوووفها مو تطنشووون
<< البـــــــــارت الــ 33 >>
رجعت جوانا البيت الساعة 7 المغرب وبسررررعة ركض لغرفتها
محد انتبه اوووف الحمد لله عدّت على خير
وقفت عند باب غرفتها فصخت العباية وفتحت الباب وتنهدت بقووووة اشوة وصلت بسلام
لفت عالسرير رمت العباية
: وجعععععع
صرخت جوانا : يممممممة
خزامى : جوانا وين كنتي ؟
جوانا : شلووون دخلتي غرفتي ؟
خزامى : الباب مفتوووح ,, غريبة مو عوايدك تنسينه
جوانا : الله يقطع ابليسك حسبتك طلال والله خفت
خزامى : هههههه ايه صدق على طاريه .. وش سالفته هو وفيصل ؟
مشت جوانا وجلست جنب خزامى : مدري والله
بس تصدقين استغربت يوم تكلم فصول عن منال امس
خزامى وهي منفجعة : موووو صدق ؟
جوانا : هههههه والله ,,, وقسم بالله ما تشوووفين الا البوكس على وجه فيصل مسكين نزف خشمه
خزامى وهي تهز جوانا : كملي كملي وش صار ؟ ..
وقفت عن هز جوانا وطالعت قدامها .. اكيد السالفة كبيرة ولا فيصل ما يتكلم بالسوالف الخاصة هذي
جوانا : تدرين.. ودي اعرف بس وش اللي صار وغيّر فكرته وترك منال ودي اعرررف
خزامى : موضوع كبير يا عيوني ,,, اكيد كبير , تعرفين طلال كان يعشقها وش صار هذي علمها عند الله
جوانا : ااااه يا برووودك ,, انا محترقة ودي اعرف وانتي ولا همك ,, المشكلة ان فيصل يدري سألته قال مدري الكذاب
خزامى بتعقيد حواجب : صايرة تمزحين وتنكتين ومبسووطة ولا كأنك الاسبوع اللي راح اخلاقك بخشمك وكئيبة
جوانا : يللا عاااااد ... زي ما انا ما تغيرت
خزامى بابتسامة : لا بدت شخصيتك ترجع زي قبل ,, قبل اللي صار
جوانا : وش اللي صار ؟
خزامى وهي توقف : لا ولا شي مدامك ناسية شي طيب وحلو يللا بروح غرفتي
جوانا : وقفي .. وش عندك منتظرتني ؟
خزامى تأففت : مهمووومة
جوانا سحبتها عالسرير : اجلسي واحكي لي واساااعدك
خزامى : جوانا .. انتي شخصيتك قوية وحلولك ما تناسبني
جوانا : يللا بس .. طيب علميني لا تاخذين بكلامي
خزامى وهي تضحك : ملقووووفة ,,, انا يا عيوووني محتارة
جوانا وهي مهتمة : في ؟؟؟
خزامى : جوانا .. احس اني راحمته وودي اعرف عنه
جوانا ضحكت : خالد ؟
خزامى تنكدت : لا .. للأسف لا
ودي اسمع اخباره
جوانا منصدمة : مين هو ؟
خزامى : سعود
صرخت جوانا وقامت معصبة : صدق انك ما تستحين
خزوووم هذا غدااار .. غدر فيك وفي صاحبه وفي صاحبه الثاني خالد
خزووم حرام عليك انتي متزوجة خالد الحين وربي عيب اللي تسوينه
خزامى : ترى ما قلت شي ... جوانا سعود مريض بالسرطان وربي رحمته
جوانا رافعة يدها وقالت من قلللب : جعله يموووووت ويفكنا شره
وقفت خزامى بضيق وسطرتها كف لأول مررررة بحياتها تنمد ايد خزوم على جوانا
جوانا مفتحة عيونها عالآخر : ضربتيني يا خزامى ؟
خزامى وهي تطالع بيدها وبوجه جوانا : جوجو وربي اسفة ..ماقصدت اضربك
يا ربي مدري شلون ضربتها ,,,>> بنفسها
جوانا : تدرين ليه ضربتيني ؟ لانك تحبينه الكلللب هذاك
خزامى : ما احبه
جوانا : خزوم مو علي انا هالكلام انتي عارفة
خزامى : اقولك ما احبه
جوانا : لسة تفكرين فيه وكذا ما راح تعيشين .. قلتيها سعود مريض بالسرطان يعني بيموت
يعني انسيه وعيشي مع خالد اللي يحبك
فتحت سوزي الباب > الخدامة
بعد ما طقته
سوزي : مس خزامى .. مستر خالد تحت ومستر عبدالعزيز فيه يقول روح شوف هو
جوانا طالعت فيها بنظرات جدية : روحي وحاولي تنسين سعود واللي صار عيشي الواقع مع خالد
لان سعود كان كذبة
طلعت خزامى بدون ولا كلمة ...
نزلت لخالد وقدمت الخدامة العصير وراحت وخلتهم
خالد بضيق : شلونك خزوم ؟
خزامى : بخير الحمدلله .. وانت ؟
خالد وهو يتذكر سعود : يهمك ؟
خزامى مستغربة من اسلوبه : ايه يهمني .. ليش تسأل هالسؤال ؟
خالد بدأ يحس على نفسه : آسف .. ما عليك كنت ضايق شوي
خزامى ابتسمت : من ايش ؟
خالد بس يشوف ابتسامتها يتجنن : لا تشغلي بالك عيوني شي تافه
خزامى : تافه وتفكر فيه وشاغل بالك ؟ طيب خلاص مو مشكلة اذا ماودك تعلمني
خالد : لا مو ما ودي لكن ....
خزامى : لكن ؟؟؟
خالد : لكن اخاف اضايقك
خزامى : سعود انا ما اتضايق منك انت عارف
خالد بلع ريقه وهو يحاول يمسك نفسه .. مرة ثانية سعود هذا من وين طلع لي ليش كذا
خزامى : خالد وش فيك سكتت ؟
خالد وهو ضايق : لين متى سعود بيدخل بحياتنا ؟
خزامى عقدت حواجبها : وش جاب طاريه ؟
فتح خالد عيونه مصدوم : خزوم ما سمعتي نفسك قبل شوي وانتي تناديني سعود ؟
خزامى بضيق : خالد يتهيأ لك انا اعرف وش قاعدة اقول .. مو مجنونة
ما ناديتك سعود .. انت خالد وشلون اناديك سعود ؟
خالد مسك راسه : يعني انا مجنووون هذا قصدك ؟
خزامى : يا ربي .. انت عارف انا ما اقصد هالشي ,, لكن ما احب احد يسوي لي كذا ويقول عني شي ما قلته
خالد : خزوم انتي ما تسمعين نفسك وما تحسين وانتي تتكلمين
اقولك ناديتيني سعووووود
خزامى : ما ناديتك سعود
دخل فيصل وشافهم معصبين ويتناقشون بحدة
فيصل : ياهوووووه وش صاير ؟؟
التفتوا كلهم عليه
فيصل : وش فيكم ؟
خزامى تشتكي : يقول اني مناديته سعود يا فيصل
فيصل ما استغرب لانه سامعها امس وهي تحلم تقول سعود
وعارف ان خالد يحاول يشيل سعود واللي صار من بال خزامى
فيصل : خالد عيب عليك الكلام هذا
خزامى التفتت لخالد : شفت
خالد رفع حاجبه وطالع فيصل وشافه يغمز له
سكت وهو يزم شفايفه ويضغط عليهم بقهررر
جلس فيصل معهم وهم يسولفون بعد نص ساعة
خالد : هههههههههه يا بنت خافي ربك جبت لك وردة حمراء
خزامى : ما جبت لي شي يا سعود يالنصاب
خالد اختفت ضحكته ثاني مرة اليوم
وفيصل هالمرة سمعها بأذنه اما هي هالمرة لاحظت
مسكت فمها بايدها ووطت عيونها بالارض
وقف خالد بضيق : بالاذن
فيصل حس فيه : خلود يا شيخ اجلس تو ما تونسنا
خالد وهو يطالع بخزامى اللي عيونها بالارض : لا لازم امشي كفاية كذا
يللا مع السلامة ... ومشى
طالعته خزامى وهو رايح ولا قالت ولا كلمة
جلس فيصل مقابلها على رجوله :خزامى انتي ما تسوين كذا عن قصد صح ؟
خزامى والدموع بعيونها : لا وربي مو بقصد
فيصل حط ايده على رجلها : ادري يا عيوني ... لكن شفتي اللي صار لازم تحاسبي على كلامك شوي
خالد يحبك .. ويبيك وحاول انه يحببك فيه ولسة يحاول لكن توصل مع الانسان احيانا ويمل صدقيني
خزامى : وانا ايش ذنبي ؟؟ والله مو بيدي .. لسة انا افكر بسعوود
خالد تذكر انه نسى جواله ورجع ياخذه وسمعها
مسك اعصابه وهو منقهررررر واصلة معاه
دخل المجلس وفيصل انفجع يوم شافه
حتى خزامى سكتت وتجمدت دموعها وهي تطالعه يعني سمعني
خالد اخذ جواله وقرب من خزامى وقفها ووقف فيصل معها
خالد بصوت واطي وبحدة : خزامى لا تلعبين عالحبلين .. يا انا يا سعود
اختاري وااااااااااااااااحد
صرخ فيها .. وااااااااااااااحد بس يا خزامى اما تفكرين في سعود وانتي معي هذي انا ما ارضاها
تعبت كثير لأجل انسيك سعود لكن الظاهر انه زرع فيك حبه للأبد حتى لو هو على فراش المووووت
خزامى صرخت : لا تقوووول كذا ,, ما راح يموت ان شاء الله
انصدم فيصل وخالد ضحك باستهزاء
خالد وهو يأشر بصبعه لها : شفتي كيف ... نطقها قلبك قبل لسانك خزوم
خزامى : ما قصدت الشي اللي في بالك لكن انت مو واثق فيني والدليل غيرتك من صاحبك
خالد بعصبية واستغراب : غييييرتي يا خزامى ؟
خزامى بعصبية : ايه غيرتك ,, انت نسيت اني عشت فترة طويلة مع سعووود شلون تتوقع مني انساه بهالسهووولة
مو كل ما نطقت اسمه تحسبني ابغاه ,,, خالد انا تزوجتك ابي انسى سعود فهمت ؟
والحين انت تدعي على صاحبك يموووت ؟؟ عشان مين ؟ عشاني ؟ عشااااني ؟
حرام عليييييك الصاحب اخو يا خالد ... مو عشان اي شخص تتركه بالاخير صاحبك يبقى اهم يبقى محتاج وقفتك معاه
وهو بهالحالة ومريييييض يا ظالم مريييض وانت جالس تدعي عليه عشاني نطقت اسمه ؟
خالد اكررررررررررررررهك
راحت وخلتهم وفيصل راحم خالد ومتقطع قلبه على خزوم
وباله مشغول بتالا ووده يقتل طلال ................
خالد وهو منصدم من اللي قالته خزامى
خالد : انا ماشي يا فيصل
توه بيطلع دخل طلال
طلال : هلا خالد .. على وين ؟
خالد : انا طالع
طلال : ليه ؟؟ عقد حواجبه .. وش صاير ؟
خالد : ابد سلامتك يللا مع السلامة
مشى فيصل ورى خالد : بوصلك للباب
ومر جنب طلال وهو يطالعه بكره
.......................
روبي ودانا جالسين في بيت دانا يسولفون
دخل خالد وهو معصب ما انتبه لوجودهم بالصالة
لبست روبي طرحتها وتطالع بدانا مستغربة
دانا : شوي وارجع لك
روبي : لا انا بروح .. مع السلامة,, لا تنسين موعدنا بعد يومين للسوق نتسوق مع خزوم للعرس
دانا : اوووكي
طلعت روبي وراحت دانا لخالد
دانا : خلّود .. عسى ما شر ؟
خالد : دانا ترى مووو خلقك
دانا : ممكن اعرف ايش القصة ؟ ولا ما ودك تتكلم؟
خالد : لا ما ودي احكي
دانا : طيب براحتك .. جوعان ؟
خالد : ياليت تعشيني .. ترى خلقي مرة ضايق وجوعاااان
دانا ابتسمت : من عيووووني
راحت للمطبخ تسوي العشاء
..............................
دخل طلال لغرفته واخذ شنطة السفر وفتح دولابه وطلّع ثيابه بدون ترتيب وبسرررعة بالشنطة وسكرها
طلع من الغرفة تقابل مع فيصل بالممر ... طالع فيصل بالشنطة وبعدها طلع بعيونه لوجه طلال ابتسم ابتسامة مايلة يقصد فيها ان هو زي ما هو
عوايده هذي ما راح تتغير ...
طلعت جوانا وشافت طلال مرت جنبه وهي تطالعه بضيق لانه ضربها لكن يوم شافت الشنطة انفجعت
جوانا : طلال ؟؟؟ بتسافر
فيصل : هه وش شاااايفة ؟؟ عيوني ابو طبيع ما يجوز عن طبعه
طلال طالع بفيصل ببرود غريب مو حركاته ولا اسلوبه الهدوء : جوانا .. ايه بسافر
جوانا : سويسرا ؟؟ قالتها بمعنى حركات طلال القديمة
طلال : لا .. المانيا .. عندنا افتتاح فرع للشركة هناك .. بروح افتتح وارجع ما راح اطول تعرفين اني ما احب المانيا
فيصل منقهر من تطنيش طلال له : السبب معروف يا اختي الحبيبة .. يللا انا بغرفتي ان بغيتي شي
مر جنبه وهو يستحقره بنظراته
...............
سافر طلال لألمانيا اول ما حط رجله بالمطار .. تنفس شوي وتنهد
رجعت للمكان اللي افترقنا فيه يا منال .. ليه اخترت المانيا يبة ؟؟ غصب تبي تذكرني فيها يعني
خلاص 4 سنين كفيلة انها تمسح اسمها من بالي وقلبي مثل ماهي بيوووم مسحتني من بالها وقلبها مثل ما قالت
منال انتي اللي تركتيني وطنشتيني .. اعطيتك فرصة ثانية وضيعتيها .. لا تحسبين اني بجري وراك حتى لو كنت غلطان
عزة نفسي يا قلبي ما تسمح .......... اوووف ,,, عقد حواجبه بضيق ومشى بثقته المعتادة وخشمه فوووق
ركب الليموزين وراح للفندق ...
وبعدها بيومين صار الافتتاح باقي له يومين بالشركة يضبط الوضع بعدين يرجع للسعودية
كذا كان مخطط
بألمانيا ..............
منال بغرفتها تقرأ الجريدة
بالأخبار الاقتصادية شافت صورة طلال وجنبه مجموعة من الناس والخبر افتتاح
فرع للشركة بألمانيا
ومعلومات عن الشركة وكذا وكذا وش شغلها المهم سوواااااااالف
ركزت بملامحه الحادة العصبية وعيونه اللي خققتها ذاك اليوم
..............................
ذكريات قبل 4 سنين ......
اروى : منووول مستحيل ,,, انتي تحبينه شلون قلتي كذا ؟
منال وهي تبكي : كنت ابغى اشووف غلاتي عنده .. طلع كذاااب والدليل شفتي شلون راح ولا همه
المنظر اللي شفناه فيه مفروض يكسره مو يخليه كذا رافع خشمه ... ما يقهررر بذمتك تشوفين حبيبك مع مجموعة صايعات
متلصقات فيه ؟؟ ما يقهر وش المفروض كنت اسوي ؟ اقول له لا تشيل هم حبيبي ؟؟ انا معاك للآخر حتى لو انت خاين
عهود : يا بنت هدي اعصابك .. خلاص ما صار شي .. باقي نصبر ونشوف وش بيسوي
......................
اليوم الثاني ... صحيت وبنات خالاتها ينتظرونها تقوم من النوم كانوا مواصلين وقاموا العصر
منال : وش فيكم تطالعوني كذا ؟
عهود : منال .. امممم ,, في خبر بس ما ظنيت يعجبك
منال : وايش هو ؟
عهود تدق اروى عشان تتكلم
اروى : شووفي .. طلال مرسل لك رسالة يقول فيها
قررتي وش تبغين ولا لسة ؟
منال : والقصد ؟
عهود : يا عبيطة يعني تبغينه ولا لا ؟
منال : كذا يعني المفروض ابلعها واعديها ؟؟ تكلموووا
لو انا اللي شافني بهالمنظر قال صايعة وخلاني
اروى : يا الله صباح خير ,, شووفي .. هو كاتب قولي بسرررعة قبل موعد طيارتي للسعودية
هو الظاهر متعود على قوماتك الصبح كأنك رايحة للمدرسة .. تأخرنا بالرد عيوني
راح وتركك ,, يقول جاوبيني قبل الساعة 10 لأني بكون قرب باب بيتكم
تدرين الحين الساعة 4 العصر
عهود واروى يطالعون بمنال اللي ماسكة نفسها ما تبي تصيح ولا تبكي
عهود : يعني سافر يا منال وما راح يرجع
منال قامت : بكيفه
وقفت وراحت لدورة المياه وجلست تصيح لحالها هناك
..................................
انتبهت منال على صوت ابوها : منال يمة قومي صلي اذّن واقام
منال : حاضر يبة ,, وقفت وراحت تتوضى عشان تصلي
وهي تقول بنفسها .. رجعت يا سعود لألمانيا يا ترى عشاني ولا عشان شغلك ولا عشان ايش بالضبط ؟
..............................
خزامى تلبس عبايتها
جوانا : على وين الهمة ؟
خزامى وهي مستعجلة : للسوق
جوانا ابتسمت : لعرسك ؟
خزامى وهي مو حولها : ايه ما غيره
جوانا بتكشير : يللا عاد خزوووم كل هذا عشان زعلك خويلد ؟؟ بيراضيك وهذا وجهي اصلا ما يقوى على زعلك
خزامى وهي تطلع : بكيفه .. اساسا انا ما انبسط بحياتي الا وتنكدت بعدها كثير
وطلعت بضيق وقفلت الباب بقووووة
جوانا زمّت شفايفها : وش اسوي الحين ؟؟ ملل ....
طلعت الجوري بوجهها : وش فيك تسولفين مع نفسك ؟
جوانا : طفشانة
جوري : امشي معاي اورييييييييييك
سحبتها وياها وراحوا .................
بالمول عند محل الفساتين
خزامى : الاحمر روعة ولاّ ؟
روبي : احلى الموف
دانا : لا الاحمر .. خذي الاحمر عشان يخق اخوي هههههههههه
خزامى تلقائيا : كلي تبن انتي واخوك
انصدموا كلهم
روبي : لالالا وش القصة يا بنت ؟
دانا بضيق : انا واخوووي ؟؟ عالاقل انا نبلعها لكن اخوي اللي يحبك يا خزوم قوية
خزامى : شووفي لا تعيد لي هالسالفة مرة ثانية ترى اخلاقي بخشمي
دانا وهي تطلع : انا بالكوفي اذا خلصتوا
طلعت وتركتهم
خزامى كملت وهي مطنشة وروبي حيرانة وش القصة ؟؟؟
روبي : شو صاير ؟
خزامى : ولا شي تمشكلت مع اخوها شوي
روبي : يؤ .. ليه ؟
خزامى : ياليت ما نحكي باللي صار .. ترى ضايق خلقي والله
روبي : اوكي وهي وش دخلها ؟
خزامى : مدررري .. الحين كل ما تطاقيت انا واخوها بتزعل مثلا ؟؟ لا يكون على بالها براضيها ؟
روووبي .. الللي بيننا ماله دخل باللي بيني وبين خالد حتى لو كان اخوها
روبي : اوكي اوكي هدي اعصابك ... انسي الموضوع
وش بتاخذين ؟
خزامى : التفاحي ... اعطيني هذا لو سمحت
.........................
طلعوا البنات للكوفي
جلسوا سوا وهم ساكتين
خزامى خلصت قهوتها
وهي قايمة : انا بروح لذاك المحل لاخلصتوا الحقوني
راحت لمحل اكسسوارات ودخلت تتفرج فيه
ماعجبها شي طلعت وهي عند الباب طاحت شنطتها وطّت تاخذها ورفعت
ومشت على طول بس ما حست بنفسها الا وهي راجعة لورى ياااا فشلتي شكلي صدمت بجدار
رفعت راسها تشوف
: آسف ما شفتك اختي
انفجعت مرررررررررة كأن فيه احد سكب عليها كاسة موية باااااااااااردة
حتى هو بعد انصدم يا الله نحفت كثيييير ووجهك شاحب واصفر عظامك بارزة
يا ربي صدق ان الله يمهل ولا يهمل
سعود : خزاااااااامى ؟؟؟؟
خزامى منصدمة : سعود ؟
سعود تذكر اللي صار بينهم وطى راسه : آسف .. ما قصدت اصدم فيك اساسا ما شفتك
باي
جاء بيروح
خزامى : سعود
وقف ورجع يطالعها
خزامى : ما تشوف شر ... ربي يعافيك قريب ان شاء الله
عرف انها دارية بمرضه سكت .. رفع عيونه لعيونها
يا ربي على طيبتك يا بنت ... عيونها ما فيها ولا ذرة شماتة ... مافيها استهزاء
فيها صدق .. عكس كذبي عليها
سعود : الشر ما يجيك يالغالية
خزامى بلعت ريقها : شلون صاير ؟ ان شاء الله زين
سعود وهو يبتسم بحنين للأيام اللي راحت بينهم : تمام .. وافضل بشوفتك عيوني
تذكر خالد ووقف قلبه ...لالا ما اخون صداقتك لو وشو
سعود : شلونك مع خالد ان شاء الله تمام ؟
هنا خزامى تكدرت وبان على وجهها
لاحظ سعود زعلها
سعود : خزوم اكلمك
خزامى : ما علينا
سعود : الف مبروك ... حك راسه .. ادري جات متأخرة بس تقبلينها صح ؟
قالها ببراءة واسلوبه الحلو المعتاد يا ربي تحبه .. مشتاقة لهالاسلوب والله
خزامى : احم .. ايه عادي ,, مو مشكلة ما احاسب وانت تعرفني
سعود وطى راسه يوم تذكر اللي سواه فيها : خزامى حبيت اعتذر لك عن اللي صار لك مني
عن كل شي صار لك من زعل او احساس مو حلو ,,, ادري متأخر ويمكن ما تسامحيني لكن يكفيني اني اعتذرت
شي كان بخاطري وسويته
خزامى بألم : ايه ... مسامحتك وما بقلبي عليك شي يا سعود
سعود ووجهه متضايق : الله يوفقك مع خالد .. تراه يحبك كثير ويغليك
ويمووووت بترابك ويعشقه ,, ياما حكى لي عنك وعن حبه لك
لا تضيعينه من يدك تراه انسان وفي
خزامى تناظر فيه وتتأمل ملامحه اسلوبه صوته
كنت بقول وانت ؟؟ انت انا ايش بالنسبة لك الحين
اشوف بعيونك كثير اشياء بس مو قادرة افسرها لو تساعدني وتقول تريح بالي كثير والله
انتبهت لنفسها ولنظراتها ... يا ربي انا الحين بتزوج واطالع بانسان خان الوعد وغدرني
سعود لاحظ نظراتها يوه يا خزامى لسة تحبيني بعد اللي صار ؟ ما ظنيت
ادري غدرتك باين اللوم بعيونك .. اعتذر ,, اعتذر الف مرة لو اقولها ما توفيك حقك
سامحتيني لو غيرك ذبحتني ,, هل معناه تحبيني ؟ ولا هو شفقة على حالي الحين
استمروا لدقايق يتأملون بعض بدون ولا كلمة
دانا وروبي وصلوا لباب المحل وشافوا سعود وخزامى
دانا تبلع مووووووس من الالم والقهرررر ,,, اشوف نظراتها
نظراتها لسعود ... خزامى انتي بتذبحيني
دانا : احم احم
التفتت خزامى والتفت لهم سعود
سعود ابتسم : بالاذن
خزامى : اذنك معاك
طلعت من المحل لحقت وراها دانا بسرررعة عصبية ومسكتها من يدها وجرتها لها
دانا وهي ماسكة يد خزامى بقووة : ممكن تعلميني وش اللي شفته قبل شوي انسة خزامى ؟
خزامى بدون اهتمام : وشو ؟؟ طليقي وسلمت عليه .. فيها شي ؟ واسيته عالالم اللي فيه
فيها شي ؟ انتي واخوك فيكم حالة نفسية كل ما شفتوا سعود ولا سمعتوا طاريه انهبلتوا وولعتوا
يا بنت وش فييييييها بذمتك ؟؟ ما سويت شي والله لو اني قايلة له احبك ولا رحت معاه
انقلعي بس
شالت ايد دانا عنها بضيق ومشت
روبي ركضت لهم وضغطت على كتف دانا تهديها
....................................
تتوقعوا ايش راح يصير ؟؟؟؟؟؟؟؟؟؟؟
<< البـــــــــــارت الــ 34 >>
في بيت راشد الراسي
يارا لابسة عبايتها وتنطط بالدرج
منار وهي نازلة : وش فيك يالبزر ؟ تنططين
وعلى وين ان شاء الله ؟
يارا بقررف : وش عليك ؟؟ مالك شغل انتي مو امي ولا ابوي روحي ربي ولدك وداريه اصرف من مراقبتك لي
ياسر توه نازل بالدرج ويشوفهم طبعا اخلاقه بخشمه وواصلة معه
منار بمياعة : ياسر حبيبي .. اختك هذي وقحة وماتحترمني .. وكل اللي قلته سؤال بس
ياسر ناظرها ببرود : منار مو رايق لحركاتك وخري اشوف ,, ومشى
منار بضيق : ياسر تراني اكلمك مو تروح وتتركني
ياسر وهو معطيها ظهره ونازل : روحي انتي ومشاكلك التافهة بعيد
منار خبطت برجلها الارض ويارا تضحك
منار : ياسر بروح لأهلي اليوم مشتاقة لهم
ياسر بآخر الدرج التفت لها وهو معقد حواجبه : نعم ؟
منار : اللي سمعته
يارا : توك عندهم قبل امس
منار : لا تتدخلين ,, ياسر انت تدري ان امي تعبانة ومحتاجتني
ياسر : وانا ؟؟ مو محتاج وجودك ؟ وولدك مو محتاج لك
منار : ياسر مو وقت شغل المبزرة الحين
طلع لها ياسر بعصبية : مبزرة بعينك ... شايفتني استهبل معاك ؟؟ مافي روحة فاااهمة >> صرخ عليها
ونزل وطنشها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك