رواية شقائق النعمان -15
ام احمد : تمسكها مع يدها تعالي اجلسي ابيك بموضوع
ملاك: لا اول اعطيني جوازي
ام احمد : جوازك مهو بعندي يمكن في بيت ابوك لكن الجواز ماراح يفيدك بدون موافقه عمك واذا تبين تسافرين طيعيني في الي بقولك عليه
ملاك : اوافق على شو
ام احمد : تجلسها وتجلس جنبها : انك توافقين تزوجين محمد عمك كلمني يبي يخطبك لمحمد وش قلتي
ملاك : توقف مثل الي قارصه عقرب : شوووووو ماما شو بتحكي انتي
ام احمد: تسحبها تجلسها : هدي نفسك واسمعيني زين يا حبيبتي عمك عمره ما راح يخليك تسافرين تكملين دراستك وانا من البدايه كنت حاطتك بالي لمحمد ومثل منتي بنتي محمد ولدي انا مربيته واعرف كل اطباعه وما تمنالك احد غيره هو راح يصونك ويحافظ عليك و انتي ما راح تعرسين الحين بس خلنا نملك وبكذا هو راح يصير ولي امرك وتقدرين تسافرين معه تكملين وبعد فتره ترجعين هنا ونسوي العرس هاه وش قلتي
ملاك : حطت راسها على رجول امها وصارت تبكي بقهر وجرح اكبر انها تدمر اكثر من كذا
ام احمد : تمسح على شعرها : حبيبتي اعرف ان الكلام هذا ما هو وقته بس وش تبيني اسوي و انتي تبين اتسافرين وعمك ما هو براضي
ملاك : ماما ما بدي اتزوج
ام احمد : ترفعها وتمسح دموعها يابنتي ما النا الا الحل الي قلتلك و قومي استخيري وعطيني رايك عشان اكلم عمك ناصر يكلم عمك يا بنتي اذا ما وفقتي على محمد عمك ممكن يزوجك لولده
ملاك : تحط راسها على صدر امها وهي تبكي من القهر الي فيها و لي يصير عليها من بعد ابوها عنها : خلص ماما موافقه بس بدي سافر الله يخليك بدي سافر خليني سافر باي طريقه
ام احمد : فرحانه بس خايفه من تسرعها في الاجابه : يمه ستخيري ورديلي خبر
ملاك: من غير أي تفكير بالموضوع وبضطراب بكل جسمها : تخليني اسافر موافقه غير كذا لا
ام احمد : تسلم على راسها: مبروك يمه و ان شاء الله بتسافرين بس لاتضيقين نفسك وقومي خذى علاجك وتعطيها منه
ملاك : بعد ما خرجت امها رمت الحبوب وفضلت تبكي وحطت راسها على المخده ...تعبت من غيرك ماحد يحس فيني هيدي ماما وعمي ناصر الي قلتلي اعتمدي عليهم بدهم يزوجوني شو بدك ياني اعمل صحيح احبهم اكثرمن عم منصور بابا تعبت والله العظيم تعبت خلص ماعد فيني اتحمل اكثر من كذا بدي سافر ماعد بدي ارجع هنا و فضلت تبكي و قفلت بابها ما خرجت من غرفتها طول اليوم حتى البنات ما قابلتهم
*،،*
بيت ابو عامر
بعد صلاة العشاء
عامر: دق باب الغرفه
ام عامر:توها راجعه من برا مستانسه من الجمعه الي كانت هي المتحدث الرسمي فيها وبكل جداره محد يتحداها : ادخل
عامر: السلام عليكم
ام عامر: كشرت بوجها : وعيكم السلام خير وش عندك بعد اشتكت لك نوير وجاي تبي تعطيني محاضره مثل ذاك اليوم
عامر: بقهر و الم بصدره : الله يسامحك يمه
ام عامر : يسامحني على ايش اذا متعرف تربي انا اربيهم لك
عامر: يصرخ : امي خافي ربك حرقتي يدها وتقولين تربينها وش شفتي عليها الي ما عجبتك تربيتي انتي لوين تبين تصلين اهج من البيت وهذا الي بسويه
ام عامر : ايه هذا الي تبيه نوير وبتحصله هذا الي اخذته منك ومن اخوك واحد معرس من و رانا وحده من الشارع وانت بعد تبي تترك البيت عشان تمشيك نوير على شورها
عامر: عجز منها ما تفهم الي يقوله : يمه وبعدين معك والله لو خالى يعرف بالي تسوينه فيها ما راح يخليها ولا دقيقه هنا
ام عامر: تقاطعه :خله يعرف وش بيسوى يعني خليه ياخذها ويفكني منها هي وبناتها ما وراهم الا الهم
عامر: بصوت عالي: يمه الي تتكلمين عنهم زوجتي وبناتي واذا انتي ما تبينهم انا ابيهم وهم بعد اليوم ماراح يزعجونك .......لاني ابي اخرج من البيت
ابو عامر : دخل وسمع اخر كلمه : ليه تبي تخرج من البيت وش صار
عامر : انحرج من ابوه : لا يبه سلامتك ما صار شي وعينه على امه بس انا بدور على بيت صغير واسكن فيه بناتي راح يكبرون و القسم صغير
ابو عامر: عندك البيت وش كبره خذ الغرف الي تبي منه ما يكفي ان اخوك خارج من البيت وساكن لوحده
ام عامر: خله ولا ابي اشوفه هو ولي جايبها من الشارع
ابو عامر: يصرخ فيها بصوت عالي : سكتي عندك بنات خافي على سمعتهم لا ربي يعاقبك على كلامك فيهم ..وانت شوف الغرف الي تناسبك وخذها
عامر : ما عجبه انه يرد على ابوه : عن اذنك يبه وخرج
ثاني يوم العصر
فغرفه ملاك
منى : تدخل بسرعه وينك يالخاينه بتاخذين محمد ولا تقولين ساكته من امس وتمسكها مع يدها
ملاك : كانت مسدوحه على السرير تعبانه من قل النوم وكثرت التفكير حاولت تنام بس مهي بقادره عينها محجره لهي قادره تبكي ولا هي قادره تغمض عيونها بعد البكي الي بكيته امس و بقهر وبرود و قسوه : اوكي شوي شوي على عمرك لا يطق لك عرق
منى : الابتسامه والضحكه ماليه وجها : ما قلت لك ما لك الا محمد وتسلم عليها ما سمعتي كلامي مبروك ياقلبي
مي : تدخل اللللللللللللللللللللللللللللللللللللللللللللللللل لللللللللل للللي وتروح تسلم عليها مبروك يا قلبي
ملاك : تجلس على طرف السرير : وبعدين معكم انتم من خبركم
منى : بفرح : امي توها خبرتنا
مي :بضحكه : ابوي اليوم بيروح يكلم عمك
ملاك مالت عليه من عم لو وافق ما كان اضطريت اسوي الي اسويه الحين تقوم وتروح على الحمام)
منى : على وين تعالى جلسي
ملاك : تبي تهرب منهم ماتبي تقسى عليهم وهم مالهم ذنب فلي يصير معها : بدي اخذ شور
مي : اوكي بنتظرك تحت بالصاله عند خالتي تدرس حماده
منى : هههههههههههههههه لوكى حلو شكلك و انتي مكسوفه
ملاك : تلف لها : سكتي عني منو احسلك لا يجيك اشي عمرك ما بتشوفيه وتدخل الحمام
منى: ههههههههههههههههههههههههههههههه اوكي بنشوف
مي : منى سكتي وش فيها ملاك ما كنها راضيه
منى : لا يا عمري موافقه بس مكسوفه منا ههههههههههه محنا اخواته
مي : ههههههههه قومي ننزل خبله انتي
منى : لا نزلى انا بنطرها تخرج حرمة اخوي
في الصاله
مي : خالتي ملاك هي موافقه
ام احمد : يه موافقه ليش وش فيه
مي : بس خالتي حسيتها كنها ما هي فرحانه
ام احمد : يا بنتي وين بتشوفين الفرحه عليها وهي توها فاقده ابوها احنا لو عمها وافق انها تسافر ماكان استعجلنا وخطبناها الحين فهذي الظروف الصعبه واجلنا الموضوع بس وش نسوي
*،،*
بيت ابو ابراهيم
بالمجلس
ابومحمد : بعد ما كلمه وتفق معاه يقابله وصبله ابراهيم القهوه حط فنجانه على الطاوله
ابو ابراهيم : وش فيك يا ابو محمد اشرب قهوتك
ابو محمد : انا جاي طالبك يابو براهيم والعشم فيك انك ما تردني
ابو ابراهيم : ابشر بلي تبيه يابو محمد اذا كنت اقدر عليه
ابو محمد : تقدر عليه ان شاء الله اعرف انه ما هو وقته الكلام الي راح اقوله بس انا جاي طالب القرب والنسب منك فبنت اخوك لولدي محمد
ابو ابراهيم : والله مدري وش اقول لك يابو محمد بس اذا ولدي حمد ارخصها ما عندي مانع وهذا حمد قدامك هاه يا ولدي وش تقول ويناظر بولده وهو كله ثقه مستحيل واحد من عياله يكسر له كلمه
حمد :ساكت بس هذى فرصتي الوحيده بس شلون اكسر كلمة ابوي ونزل كلمته الارض وهو مهو راضي يقتنع بالي ابيه بس مستحيل احصل فرصه احسن من كذا وابو محمد محد يرفضه رفع راسه وعينه على ابوه الي مبتسم ينتظر كلمته الي متوقعه انه يبيها : يبه بعد اذنك وبنت عمي تراها مرخوصه ما ابيها مهو عيباً فيها او نقص بحقها بس هي مثل اخت لي
ابو ابراهيم : بقهر من ولده الي كسر كلمته بس ما بينه غير عيونه الي ما شافها ابو محمد وعينه على حمد الحين مايقدر يرد ابو محمد الي الكل يتمنى انه يناسبه : خلاص يابو محمد اشرب قهوتك لو البنت وافقت تراها جاتك وبالمبارك وحنا لنا الشرف انا ناسب واحد مثلك
ابومحمد : يكلم نفسه اشوى ماعقدها معي احمدك يارب :تسلم يابو ابراهيم وهذا العشم فيك ويشرب قهوته يا خوي ياليت تجي تاخذ رايها عشان نكمل الاجراءات و نملك و ما نبي احد يعرف عشان الظروف الي احنا فيها وياليت تخلي الموضوع بينا الثلاثه لين نشوف رأى البنت وتطلع نتيجته التحليل وش قلت يا ابو براهيم
ابو ابراهيم : بقهر واضح من صوته ما ميزه غير عياله وحمد شال هم : ابشر بلي تبيه بس انت خل امها تشاورها وتصل على خبرني رأيها افضل وش قلت
ابومحمد : ابشر وهذا العشم فيك ويقوم استاذن منكم
ابو ابراهيم : اقعد معنا يا ابو محمد بدري ما قعدت
ابو محمد : الجيات اكثر ان شاء الله اسمحلي يابو ابراهيم مواعد واحد بعد المغرب
ابو ابراهيم : الله معك وبينا اتصال
ابومحمد: ان شاء الله ومثل ما وصيتك ما ابي احد يعرف لين ما تطلع التحاليل
ابو ابراهيم : ابشر ان شاء الله
ابومحمد : مع السلامه
ابو ابراهيم : يوصله عند الباب فحفظ الرحمن
حمد: يسلم على راس ابوه : السموحه منك يبه ترى مهو قصد بكسر لكلمتك بس يبه العرس مهو بالغصيبه وهذا هو جاها نصيبها بناس نرفع الراس فيهم
ابو ابراهيم : بصوت عالي :ماهقيتها منك يا حمد الي سويته ترخص في بنت عمك وعشان مين من الي تبيها الحين قول
حمد : يبه والله اني ما ابي غير بنت خالي هزاع وهو صديق عمرك ما ضنتي بيفرق عن خالي عندك بمكانته
ابو ابراهيم سكت كله عنده الا رفيق دربه
حمد: شاف انه هدا رجع وسلم على راسه : هاه يبه وش قلت
ابراهيم : دخل المجلس بعد ما وصل ابو محمد لين سيارته: يبه انت ما خذت راي يزيد يمكن يبيها
ابو ابراهيم : يوقف وبعصبيه : لا ما باخذ رأيه هو اتقدملها وعمك رفضه ومستحيل ازوجها واحد ابوها رفضه وهو حي حتي لو كانت تبيه
حمد : لا يبه يزيد ما يبيها...و باحراج خايف يعصب عليه .... يبه متى راح تخطب لي بنت خالي
ابو ابراهيم : بعصبيه : انت خلنا نخلص هـ الموضوع وبعدين اخطبلك
ابرهيم : مع السلامه يبه
ابو براهيم : وش عندك وين بتروح
ابراهيم : بروح المستشفي مريم عندها موعد
ابو ابراهيم : رجع لهدوئه : الله يوفقك وانا ابوك مريم تستاهل كل خير ويخرج عنهم يدخل الصاله
ابراهيم : امين ....تعال سودت بوجه ابوي والله خفت انه يكفخك وشلون جاتك الفكره انك ترفضها قدامه
حمد : بضحكه : فرصه وجاتني لحد عندي بكون مهبول لو ضيعتها وبعدين لا تنسى الي متقدم مهو أي احد عشان ابوك يرده بسهوله يالله متبي تروح بروح معك
ابراهيم : وش عندك تروح معي
حمد : لا يشيخ هذا يزيد داق علي يبيني اجيه بيته
ابرهيم : ايه زين انك ما سويت مثله ولا كان ذبحك ابوي
حمد : لا يمعود تعال انت كيف تقول عند ابوي يمكن يزيد يبيها وانت تعرف انه معرس
ابراهيم : وش عرفني بولد عمتك يمكن يقول بعدين ليه ما خبرتوني
حمد: لا ريح عمرك هو مرتاح مع مرته و ماراح يشوف احسن منها
في الصاله
ابو ابراهيم :بعد ماجلس بفتره : ام ابراهيم اعرف انك حكيمه و با اخذ شورك بموضوع
ام ابراهيم : خير وش عندك وش يبي ابو محمد
ابو ابراهيم : طول عمرك فهيمه ياطويله العمر ابو محمد جاي يخطب ملاك لولده محمد ولدك الخبل ارخصها قدامه فما قدرت ارده
ام ابراهيم : ابتسمت الي ولدها بيرتاح : بس ما كنه بدري ابوها توه متوفي و انت ويش رديت عليه
ابو ابراهيم : انا قلت له ما عندي مانع وقلت له يخذون شور البنت ويعطوني خبر
ام ابراهيم : زين ما سويت لليتيمه ما راح تحصل احسن منهم نسب وبتضل عند امها
ابو ابراهيم : بس ها ما وصيك يا ام ابراهيم ما تقولين عند احد انا قلت اخذ رايك
ام ابراهيم : زين سويت بس اهم شي ام عامر لا تعرف احسن تقلبها على روسنا
ابو ابراهيم : لا تشيلين هم ما راح تعرف الي بعد ما تملك وابو محمد بعد موصيني ما يبي احد يعرف بالموضوع
ام ابراهيم : على خير ان شاء الله والله يتمملها هـ اليتيمه ما تستاهل الا كل خير
*،،*
شقة فيصل
في المجلس :
بسيط بلون ازرق نضام امريكي
فيصل : ههههههههههههههههههههههههههههههه تتكلم جد
محمد : ايه جد وش فيك
فيصل : طيب وافقت عليها بدون ما تشوفها يمكن ما ترتاح لها
خالد : ايه يمكن ما يعجبك شكلها
محمد : يشرب من الشاهي : ما همني الشكل اهم شي اخلاقها و ان شاء الله ضامن الشكل والاخلاق لانها بنت خالتي
فيصل : الله يوفقك... الدور والباقي على خويلد ويضربه على ظهره ههههه ...جاس جنبه بكنبه وحده
خالد : ههههههههههههههه وجع ان شاء الله
محمد : هههههههههههههههههههههههههههههههههه ما دريت الاخ ناوي يخطب بعد
فيصل : ههههههههههههههههههههههههههههههههه قول والله مين ياخويلد
خالد : بفرحه وضحكه : ايه وش فيك مستغرب وبخطب اخت محمد
فيصل: ههههههههههههههههههههههههههههههههههههههههههههه كملت لو دريت ان الغيره بتذبحكم وتخليكم تعرسون كان اعرست من زمان
لنا لقاء أخر بإذن الله
تحياتي ؛
السلام عليكم ورحمة الله وبركاته
يسعدني ان اكمل معكم الروايه هنا
لا تحرموني من نقدكم
قراءة ممتعه
الفصل العاشر
تمر ألحظات والثواني والساعات تعقبها الايام بحلوها ومرها بين ضحكات ودموع وهناك من لم يعد لدموع معنى بحياته فهذا حال من معنا من ابطال
خلال هذا الاسبوع
ملاك بعد قرارها الذي تعتبره تذكرة عبور لتبتعد به عن هذا المكان الذى خنق انفاسها وجثم على اوردتها كالصخره الراسخه لا تنزع من مكانها الا بعد تفتيتها باله اثقل منها او دنميت... و بعد الرد على عمها بالموافقه ذهبت مع والدتها لمستشفى و أجرت التحليل و كانت تنتظر النتيجه مثل بزوغ الفجر ليتحقق حلمها بالعبور ارادة ان تسترجع بعض المواد التي لديها
فتحت جهازها المحمول و أحضرت بعض المذكرات (الملزمات) و بدأت تحاول تصفحها لكن لم تستطع قراءة حرف واحد فتحت صفحة الورد و اخذت تتأمل في الصفحه الناصعة البياض فتره ليست بالقصيره ويتردد بذهنها كلمات شتى (كيف يكتب الشاعر اشعاره والكاتب كلماته لشو تلوث وتدنس الاوراق بالحبر والحروف ما شعورهم عند تلويثها ..هل لها راحه..ام مجرد لطخات على الورق ) حركت اصابعها لتضغط اول كلمه خطرت على بالها....
الـــــــــــــمـــــــــــــــــــوت
تناظر للحروف و تردد بصوت مسموع : بسيطه ..بس بشعه متوحشه ..ظالمه ...مسحتها واعادة كتابتها بخط اكبر وخذت تكتب
الـــــــــــــمـــــــــــــــــــوت
الكل يقول انك امر لا مفر منه لكني اكرهك... اكرهك... اكرهك ... مثل ما خذتهم مني .. يمكن احبك بحاله واحد اذا اخذتني معهم... بس ...كيف الشعور بك..؟! ..مثل ما اشعر الان من تعب
بسألك سؤال ....بس اعرف انك بتضحك
انت اخذتهم مني صح ..؟! لا تضحك .....ولا سافرو عني لبيتنا هناك ...؟؟!! ...انا عندي احساس انهم فيه ليه الكل يقول انهم راحوا ... انا مجنونه صح... بس لا تضحك جاوبني... انا كل يوم راح اكتبلك بس بشرط ترد علي ...
دق الباب ودخلت مي: ببتسامتها البسيطه التي تشرح القلب لابسه بنطلون ابيض و تيشرت ابيض من الوسط صورة عصفر بالوان زاهيه : ملاك وش عندك جالسه تذاكرين
ملاك : ارتبكت و ضغطت تصغير الصفحه ..وبصوت بارد برودة روحها : ايه براجع شوي
مي : تدخل و تجلس عندها: تصدقين مدري وش خلاك تدخلين هذا القسم وانتي كنتي تبين الهندسه
ملاك: تقفل ملزمتها الي على رجلها و تناظرها وتتكلم بمراره وبقصه بحلقها مع كل حرف تلفظه : بابا قال صعب هنا يتقبلون اني اكون مهندسه معماريه عشان كذا غيرته
مي : تتربع وتتصفح الملزمه وعينها على الصفحات : ايه صح بس فيه اقسام كثيره هذى الفتره فتحت عندنا زمان ما كانوا متقبلين وجودها و شوفي اكبر مثال عندك الطب كان زمان فيه بس عدد قليل الي يدخله والحين كثير سعوديات طبيبات بكذا تخصص فيه
ملاك:بس مهو الكل متقبلهم
مي : مدري كيف تحفظين هـ المذكره احسها صعبه ...ملاك ابتسمت ..ايه انا معك وخصوصا مساكين البنات الي يدخلونه اكثر العرسان يهربون منهم بسبة التخصص الي هم داخلينه وتحصلينها اذا ما تزوجت طبيب او يشتغل معها نادر الي يتقبل و ياخذها
ملاك : توقف وتروح عند التسريحه ما تبي أي احد يفتح معها سيره الزواج : وهذا التخلف بعينه بعدين يجي الرجال يدور طبيبه تكشف على زوجته جد متخلفين هذى النوعيه اوكي ما بدك ياها تختلط افتحلها عياده خاصه او تشتغل بقسم نسائي.. ميمو رفعتيلي ضغطي قفلي الموضوع
منى: تدخل بسرعه ويدينها على خصرها : يا سلام جالسين تسولفون وانا جالسه لوحدي
مي : ياربي منك توك مهو تقولين عندك اختبار بكره في درسين احياء ...وش تبين تضيعين وقتك
منى : تدخل وتتمدد على السرير من الجهه الثانيه وبملامح تضحك من القهر وهي بعدها ببجامتها : حرام عليكم انتم فاضين وانا اكرف بس احفظ خذوا عني شوي
مي : قومي روحي غيري بجامتك والبسي تنشطين و البسي الوان زاهيه تنشطك ..بلا حسد كلانا مرينا بالمرحله الي انتي فيها ما جلسنا نسوي الي تسوينه تقومين الدنيا وتقعدينها يوم عندك اختبار
منى: تشهق وتحط يدها على صدرها وتجلس :يا ويلك من الله يا النصابه من الي كانت دموعها اربع اربع ...بس عشان عندها اختبارات ...ولا ناسيه ايام اجيك اواسيك و تطرديني
مي: ههههههه ايه واضح تواسيني وانتي جايتني بتسلين عمرك وتشغلين اغاني وترقصين
منى: هههههههههه فاكره لما رميتي الكتاب علي ونشق وجلستي تبكين
مي : نذله ..وتقرصها... قومي روحي خلصي الي عندك وبعدين تعالي واحمدي ربك انك بمدرسه خاصه مسهلين عليكم... كيف لو كنتي بمدرسه حكوميه
منى : لا والله حرام عليك مدرستنا ما فيها يمه ارحميني و زيادة درجات
مي : حتى لو ما فيها كذا... ارحم من الحكوميه الي اعداد البنات فوق الخمسه والاربعين في الفصل.. انتم اعدادكم قليله
ملاك: كانت تسمع لكلامهم بدون ما تناظر جهتهم وراحت عنهم عند دولابها بتاخذ جكت خفيف تلبسه على البدي الي عليها(لابسه بدي زيتي وبنطلون بيج )
منى : سحبت الجهاز بتشوف وش فيه وفتحت الصفحه وشهقت و عيونها جحظت في الكلام المكتوب
مي : تهمس :وش فيك
منى: تأشر لها وبهمس : شوفي
مي : بعد ما انتهت من القراءه سحبت الجهاز منها و صغرت الصفحه وحطته مكانه وبهمس : شششش عادي الي كاتبته وخليها كذا احسن لها ولا تكبت بداخلها شوي شوي بترجع احسن من اول و يا ويلك اذا قلتي عند خالتي كلمه من الي قرأ تيه سامعه
ملاك: جات ..شو فيكم افتكرتكم خرجتو و تنتبه لجهازها ..وبقلق تقفله ...يالله ننزل اسفل ابي امشي بالحديقه شوي
مي: انا بنزل معك وانتي ..وتاشر على منى ....روحي بدلي الي عليك و ذاكري لا خبر عليك خالتي الحين
،*،
بعد مضي اسبوع كامل
كلم ابو محمد ولده وطلب منه يجي بعد ما ظهرت نتيجة التحاليل عشان يملك و جا على رحله السبت وصل على الساعه ثنين ونص بالليل... وصل البيت مع السواق ..ودخل بهدوء لابس بنطلون جينز رمادي و تيشرت اسود ورمادي و جاكت اسود معلقه بشنطة المحمول
ام احمد : جالسه في الصاله تنتظر لابسه جلابية البيت و نتبهت لفتحة الباب توقف وبفرحه : هلا والله هلا يمه
محمد : يحط شنطة المحمول على الكرسي ويقرب ويسلم على راسها ويدها و ببتسامه مشرقه : وش اخبارك يالغاليه طمنينا عنك
ام احمد : الحمد لله يا يمه بخير وعافيه .. انت و شلونك ...وش علومك ...عساك ما تعبت من الرحله
محمد: يبتسم على كثرة اسألتها : بخير يعلك بالعافيه دوم يارب ..ويتلفت بالصاله ..الا وين ابوي و اخواني ما في احد ...مهي بعادتهم ما يستقبلوني
ام احمد : ابوك بالمكتب ...و اخوانك نايمين ....وانا خبرتهم ان رحلتك الصبح عشان ما ينتظرون وراهم مدارس بكره
ابو امحمد :سمع الاصوات و يدخل عليهم بس شافه من فرحته بدخلته عليهم يحس انه نقص عشرين سنه من عمره ..و لابس ثوب البيت مقلم بالطول بلون البيج والرمادي : يا هلا والله حيالله من جانا
محمد: يقوم بفرحه ويروح ويسلم عليه ويحب راسه و يده : الله يحيك يبقيك.. يا هلا فيك... وش اخبارك يبه ...عساك بخير
ابو محمد: بخير يا وجه الخير ..ويجلس ..ايه يا ولدي عطني علومك
محمد :بخير الله يديمك ويخليك لنا ...و يناظر فيه مبتسم ...العلوم عندك انت وخالتي وش عندكم مستعجلين على الملكه كان خلتوها بعد ما اخلص و ارجع بإجازة راس السنه ألي ناخذها
ام احمد : تضحك :زين تعال اجلس بالأول و تقهوى وعطني علومك وبعدين خبرك
محمد: وهذى جلسه ...لا ما ابي قهوه بنام ..يالله يالغاليه وش عندك
ام احمد : محمد يمه.. انت تعرف ان ملاك تدرس برا
محمد: ايه..
ام احمد: هي بنفس الجامعه الي انت فيها الحين (لانه درس بكالوريوس بجامعه ثانيه وحول دراسه المجستير بالجامعه الي هو فيها الحين)
محمد : بتعجب : نفس الجامعه....!! وشلون اول مره ادري
ام احمد : بلا خواتك يقلون نفس الجامعه الي تدرس فيها الحين بس المهم احنا نبيك تملك و تاخذها معك
محمد : يناظر فـ أبوه بصدمه : وشلون ..كيف..؟؟
ابو محمد : بملامح جديه : لان عمها رافض انها تكمل برا
محمد : يناظرهم الاثنين مهو مصدق انهم هم يقولون كذا وعلامات الاستفهام واضحه على ملامحه : طيب كيف تبوني اخذها معي..!؟؟؟ ما راح يرضى..؟؟
ابو محمد: اذا ملكت انت راح تكون ولي امرها.. تقدر تاخذها معك ...و انا راح اكلمه بعد الملكه على الاقل تروح تختبر هالترم وبعدها تجون نسوي العرس
محمد : حواجبه معقوده تدل على عدم اقتناعه بلي يصير: بس يبه انت ما ترضها لوحده من خواتي كيف تبيني اخذها معي وهي بس ملكه
ام احمد : تناظر فيه ومبتسمه وتكلم نفسها ايه هذى تربيتنا الحمد لله نجني ثمرها ما ضاعت سدى الله يحميك ويحفظك يا وليدي
ابو محمد : عيونه الوحدها كانت تحكي و تعبرعن الحمل الي و المسؤليه الي عليه : لا تظن اني راضي عن الي بسويه ..بس مضطر ..غصب عني هذى وصية ابوها الله يرحمه ..وغير كذا هو امني عليها ..وهي نخاف انها تتعب اذا ما راحت لانه ما تبي يضيع عليها الترم
محمد : يناظر ابوه مهو مستوعب ان ابوه يقول هذا الكلام بس سكت وش بيده اذا هم راضين : مدري الي تشوفه يبه
ام احمد : مبروك يا ولدي والله اني ما تمنت لك الا هي
محمد : الله يبارك فيك خالتي ...و يوقف و سلم على راس خالته وابوه... يالله سمحولي بطلع انام تعبان ما نمت... ويشيل شنطت المحمول و الجاكت
ابومحمد: الله معك
ام احمد : نوم العوافي
،*،
الظهر .....
بيت ابو محمد
في الصاله الكل مجتمع قبل الغدا...
منى: من اول ما رجعت من المدرسه وهي فرحانه بالملكه و مسويه ازعاج في البيت كُله و ستلمت محمد تعلق عليه ...و تريقه ..وجات من خلفه ومعها علبة مفرقعات الزينه اللي تطلع منها قصاصات ...موصيه السواق يجيبها لها من الصباح وهي رايحه المدرسه...تاشر للكل يسكت ما يخبره و تلفها و تفتحها وهي عند راسه وهو ترعب وقفز من مكانه طرشت له اذونه وقام يطرد ورها .. واحمد مات من الضحك على نطت محمد والكل معه يضحك ....راحت تركض ما لها الا مكان واحد ما يوصلها فيه ...و نحاشت عنه بغرفة ملاك وهي تنفسها مضطرب من شدت التعب و الركض ....اتحداك تقدر تصيدني الحين... دخلت بسرعه وقفلت الباب
محمد : هههههه وين تبي تروحين مني يالخبله يعني مسيرك بتخرجين وارويك شغلك
منى: هههههههههه ما تقدر لا تعب عمرك بس حدك لا شفتها بتنساني يروح امك
محمد : يبتسم على خبالها تعب وهو يجري خلفها مع الدرج ونهايتها ما صادها : اخرجي انتي بس وشوفي وش بسوى فيك ويبعد عن الباب
ملاك : خرجت من الحمام على صوت منى العالي : خير شو فيه
منى: تضحك وتتكلم بسرعه : ههههههههه الخبل عريسك نسفتله طبلة اذونه عشان اذا جيتي تكلمينه ما يسمعك ..... وترمي نفسها على السرير وهي تضحك كل ما فتكرت شكله وهو ينط من الرعبه
ملاك : من يوم ما صحت الصباح وخبرتها امها ان الملكه اليوم العصر وهي فرحانه انها خلاص راح ينتهي همها و تسافر .. يستاهل احسن خير ما عملتي ياليتها في عيونه بعد ...بتسمت على خبالها : حرام عليك ياخبله
منى: تصفق : ههههههههههه احلاااااااااااااااااااااااااااااا ياولد ..وصرنا ندافع عنه بعد
ملاك : حمرت خدودها لا شعورياً من تعليق منى : مالت عليكي انتي واخوكي
منى: هههههههههههههههه لوكي حبيبتي والله عسل تعالي ننزل نتغداء سوا كلها كم ساعه وخلاص تصرين حرم محمدوه
ملاك: عصبت من تريقتها وراحت مسكتها مع يدها : قومي اشوف اطلعي برا من الغرفه
منى: هههههه اعصابك ياحلوه ماني بخارجه من هنا ...تبين محمدوه يتغداء فيني ...منتي بصاحيه...هههههههه... والله يا حرام اتحدى اذا صوتها.. راح من اذونه لين الحين ...وتغمز ..بس اكيد لا شافك بتطيب
ملاك : طاحت عليها تكفخها
ومنى : ميته ضحك
،*،
بيت ابو عامر :
في قسم عامر ..
عامر: واقف قدام المرايه لابس ثوبه جديد توه مفصله ابيض ويعدل بغترته الابيض و يثبت العقال
نوره : تتمقل فيه : ما شاء الله وش هـ الزين كله على وين العزم مخبر فيه حفلات وجتماعات العصر
عامر : هااااااه بس وش رايك بكشخة رجالك
نوره : بكل حب : قمر هو فيه مثلك انت بس ...بس جد عامر وين تبي تروح العصر ما بعد اذن
عامر: بمكر وهو يلف و يتعطر و يعدل بغترته : بصراحه ..وبدون زعل ...اليوم ملكتي..
نوره : تنفسها وقف معد عندها نفس واحد تحركه لرئتها وعيونها نطت على برا من الصدمه و اقفه مكانها مثل التمثال بلا روح
عامر : لف يشوفها ترعب من شكلها نط بخطوه وحده وهو عندها ومسكها مع يدها : يابنت الحلال والله امزح معك بس لا تموتين علي والله العظيم اني امزح
نوره : ترفع عيونها تناظر عيونه وهي كلها دموع : تـ .بي .. تـ عـ .. و ما قدرت تكمل كلمتها طاحت دموعها على خدها وشفافها مزرقه
عامر : نوره قسم بالله العظيم ما فكرت لو لحضه اني اسويها ...ويسحبها و يجلسها
نوره : شفتها ترجف مهي مصدقته ودموعها مثل السيل
عامر : نوره ناظريني... ويرفع وجها... تظنين اقص عليك .. والله انه ماراح اعرس
نوره : بتوتر : وين .. تبي ..تروح
عامر : بروح ملكه بس والله مهي لي ..
نوره : تكذب .. اجل ملكت من
عامر: يجلس عندها ويسوي نفسه زعلان : افا ياذا العلم انا اكذب ..ما هقيتها منك يا رفيقة روحي
نوره : تناظره بس خايفه : من.. ملكته
عامر : يقرب من اذنها وبصوت هامس : ملكت بنت عمك ملاك
نوره : مسكته مع زنده وبخوف اكبر وتبكي بصوت : تبي تاخذ ملاك
عامر: هههههههههه ياخبله مهو بنا الي باخذها ...و يبوس جبينها ..محمد ولد زوج امها بياخذها واليوم ملكتها
نوره : تناظره وهي تبكي : من جدك محد قال
عامر : اصلن محد يعرف غيرنا احنا الرجال اليوم خالي مكلمنا يبينا نروح انا وابوي معه
نوره : زين ليه يسونها كذا سكيتي و مهو بوقتها حرام عليهم هي تعبانه و عمي توه متوفي
عامر: شكلك منتي مصدقتني قومي كلمي ابوك ويعلمك ..ترها بس على ورق عشان كذا حدد العصر ...وهو يضحك من الفرحه ...تصدقين مهقيت انك تحبيني هـ الكثر جيتي تروحين فيها ما شفتي وشلون شكلك
نوره : تمسح دموعها و بعصبيه : احلف انت بس شفت بس لو فكرت انك تعرس ...بس لمجرد فكره بقطعك بالساطور
عامر: ههههههههههههه.. ويحضنها ...ما هقيت اني ما خذ جزاره(قطاع اللحم) وانا مدري ولا خريجة سجون
،*،
بيت ابو محمد
العصر الكل مجتمع بمجلس ابو محمد
ابو ابراهيم و عياله(ابراهيم و حمد) ابوعامر وعياله (عامر ويزيد)
الماذون (الملاك ) : يا ابو ابراهيم يا ليت تنادي البنت عشان اسمع رأيها قبل كل شي
ابوابراهيم : ابشر ابومحمد ماعليك امر ياليت تناديها
ابومحمد : ان شاء الله وراح ونادها ومن خلف الباب
الماذون : انتي ملاك خالد ال.....
ملاك :و اقفه عند الباب و ابو محمد قدامها والشيخ من خلف الباب داخل المجلس صوتها يادوب يتسمع : ايه
الماذون : يا بنتي ..هل تقبلين بمحمد ناصر ال... زوجاً لكي ؟؟
ملاك وهي مرتبكه وماسكه بيد امها والبنات عندها ومنى تهز راسها من الفرحه و دها تجاوب عنها ....ملاك تناظر فيهم وهم فرحانين وهي مهي حاسه بشي غير انها اذا وافقت بترجع لبيتها ....ايه موافقه
الماذون : مبروك يا بنتي راح يجيك الدفتر وقعي فيه
منى: حضنتها وتبوسها بقوه على خدها ... تسحبهم ام احمد عن الباب داخل الصاله عشان ما يتكلمون وتطلع اصواتهم
الماذون : .رجع عند الرياجيل بعد ماكتب كل الاجراءات المطلوبه وقع محمد ..هذا الدفتر يا ابو ابراهيم خلها توقع
ابومحمد : حياك تعال معي يا ابو ابراهيم ويدخله بالمجلس الثاني و نادها عمها
ابوابراهيم : فرحان لها معنه لين الحين يبيها لولده ...بس هذى فرحة اخوه لو كان مكانه وهو يشوف بنته وحيدته بتعرس : هلا بنتي حياك تعالي يبنتي وقعي على الدفتر
ملاك : سلمت على راس عمها وهي لابسه عباتها ومتحجبه وبيد مرتجفه وقعت
ابو ابراهيم : يسلم على جبينها : مبروك يا بنتي
ملاك : وعينها بالأرض: الله يبارك فيك
ابو محمد : يسلم عليها : مبروك والله يتمملك بخير يابنتي
ملاك : الله يبارك فيك وتلف وتمسح دمعتها لا احد يشوفها وتخرج عنهم وتطلع مع الدرج الخارجي الي بجنب المطبخ على غرفتها بدون ما تمر على الصاله الي فيها امها والبنات
ابو ابراهيم : مبروك يا محمد ما يحتاج اوصيك عليها تراها بنت الغالي
محمد : يسلم على راسه : الله يبارك فيك عمي ويسلم على راس ابوه و باركوا له العيال وبعد القهوه والسواليف خرجوا قبل اذان المغرب ورفض ابو ابراهيم انهم يسون عشاء طلما الملكه بس على ورق
ابومحمد : تعال خلنا ندخل ويدخلون الصاله :السلام عليكم
..وعليكم السلام
ام احمد : هلا مبروك يا يمه وتسلم عليه
محمد : يسلم على راسها و يدها : الله يبارك فيك خالتي وتفرحين باحفادك ان شاء الله
مي : مبروك وتسلم عليه لللللللللللللللللللللللللللللللللللللللللللللللللل لللللللللي
منى : لللللللللللللللللللللللللللللللللللللللللللللللللل لللللللللللللللللللللللللللي الف الصلاة والسلام عليك ياحبيب الله محمد اللللللللللللللللللللللللللللللللللللللللللللللللل لللللللللللللللللللللللللللي ...وتسلم عليه وتقرصه بيده ... مبروك وعقبالي يااااااااااااااااااارب
الكل : ههههههههههههههههههههههههههههههههههههههههه
محمد : هههههههههههههههههههه لا تظنين اني نسيتها لك ....ويمسكها مع اذنها ....وعريسك جاهز عندي بس خلصي انتي
منى: تحط يدها على صدرها وتشهق : آآآآآآآي ... وتبعد عنه ...يا ويلاتاه لدي عريس ...مين اعترف بسرعه ..وش اسمه..؟؟ ولد من ...؟؟؟وش اسم امه..؟؟؟؟؟؟
محمد: هههههههههههههه الله يعينه عليك
ام احمد : هههههههه حسبي الله على شياطينك من بنت
ابو محمد : ههههههه ابي اعرف انتي متي تبيني احس انك كبرتي
منى : يوووووووووه يبه وليش تبيني اكبر خلاص زين لا صرت جده ساعتها اكون كبيره ولا يهمك
ام احمد : ابو محمد وين ملاك
ابومحمد : مدري عنها طلعت من اول ما وقعت ما جاتك
منى : بصوت عالي : انا اراويها طلعت غرفتها مع الدرج الخارجي وحنا نظن انها بالمجلس مع عمها و مسويه فيها مكسوفه وتطلع تجري على فوق
ابومحمد : ههههههههههههههههههههههه اعقلي يابنت وبعدين معك
مي : انا بطلع لها بعد وتروح
ام احمد :فرحانه وبنفس الوقت شايله هم : زين بروح اشوفها لاتجننها منى وتروح عنهم
احمد : جاي نازل مع الدرج ويصرخ : يبه كيف محمد ياخذ اخته انا لما قلت للأستاذ اليوم قالي محرم الاخ يزوج اخته وضحكوا علي العيال
ابو محمد ومحمد ناظرو بعض :ههههههههههههههههههههههههههه
ابو محمد : ههههههههه زين تعال افهمك ...ويجلسه جنبه ..اسمع حبيبي اختك وش اسمها بالكامل
احمد : ملاك خالد ال...
ابو محمد : ومحمد وش اسمه بالكامل
احمد : محمد ناصر ال..
ابومحمد : زين يعني مهو اخوها هي ابوها خالد وانا ابوكم فهمت
احمد : يعني انا اقدر اخذها خلاص محمد لا تاخذها انا ابيها
الكل :ههههههههههههههههههههههههههههههههههههههههه
محمد : هههههههههههههه غبي ..لا انا ابيها هي الحين مرتي ما راح اهدها و انت يالخبل اختك كيف بتاخذها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك