رواية ان جيتي عالعناد ترى محد فيه مثلي -14
راكان : زين ما اخترت لها .. بس عساها موافقة مو مغصوبة
ادري فيك اللي تبيه يتنفذ فوق خشم الكل
ابو راكان : ومين انت عشان تتكلم ؟
راكان : ههههههههه ما عرفتني ؟؟ توقعتك بتعرفني من صوتي وانت مغمض
ابو راكان : مين انت اخلص ؟
راكان : كابوسك ,,, انت نسيت اللي سويته فيني ؟
توقعت انك بتطلع منها مثلا بهالسهووولة ؟؟ توقعت اني ما راح اجيك مرة ثااانية ؟؟
يا ابو توليب .. انا ابنك اللي انت رميته بالشاااارع
صرت اقوى .. صرت افضل
صرت قاااااااادر اطيحك من السوق برمشة عين واطلعك برة كلياً
رجعت ... انا راكان يا ذكي ,,, رجعت وبقوووة بعد
انا رايح اسلّم على توليب واباركلها وابن ابوه اللي يوقف بوجهي
.......................
طلال سمع الجملة الاخيرة وشاف وجه ابو راكان شلون منقلب ومصدوم ومصفر
يا رب من وين طلع لنا هذا ؟
,,,,,
دخل راكان وطلب من الخدم ينادون له توليب اللي جالسة تصيح بغرفتها
طلعت تولين تنادي توليب
دقت الباب
تولين : توليب يا عروووسة ,, عادي ادخل
توليب : ادخلي
دخلت تولين وشافت منظر توليب اللي يقطع القلب
دخلت بسرعة وسكرت الباب وضمتها
تولين : وش صاير ؟
توليب : يقول بياخذني معه
تولين : يخسى ,, ما يقدر
توليب : اقول لك اتصل على ابوي قدامي
تولين : وايش قال ابوي ؟
توليب : وااافق طبعا
تولين : في واحد تحت يبيك مدري مين هو
يقول : معاي وردة بيضاء
نقزت توليب : وشو ؟؟
تولين : يقول معاي وردة بيضاء
وقفت توليب قدام المرايا وعدلت مكياجها بسرررعة ونزلت تركض وسحبت تولين معاها
دخلت للغرفة اللي قالوا لها عنها وشافته
ابتسم وهو يطالع فيها وبفستانها وشكلها
ركضت عالسريع لحضنه وضمها
وتولين واقفة بشكل غريب مين هذا ؟
توليب وهي تبكي : راكان
راكان جلس يضحك : حبيبتي .. كيفك يا قلبي ؟؟
الف مبروك ... احلى عريس واللي الكل يتمناه صار من نصيبك يا حلوة
توليب : لا تخليني اروح معاه اليوم تكفى راكان
راكان : هههههه وشو تروحين معاه تستهبلين ؟؟
هو اساسا راح لبيتهم مو فيه
توليب عقدت حواجبها : بس هو قال لي ....
راكان : يمكن يستهبل عليك اكيد عاندتيه
توليب : هو اللي عاندني ومسوي قوي
راكان : توليب انتبهي لا تستهبلين مع طلال تراه مو من النوع اللي ينسى ويمشي
توليب : طيب ما علينا شلووونك انت ؟؟ وش اخبارك
راكان : طيب بشوووفتك يالغلا لف بوجهه لورى وشاف تولين
راكان : هذي تولين ؟
توليب : يب .. هذي اختنا
وخر شوي عن توليب
راكان : تولين ليه واقفة بعيد ... ما ودك تسلمين على اخوك ؟
تولين قربت بشويش : الحمدلله على سلامتك
راكان ضحك : الله يسلمك .. تعالي اشووف
قربت منه وضمها بقوووووة
راكان : تولين اوعدك اعوضك كل اللي فقدتيه بالسنوات اللي راحت من عمرك
ولف على توليب وهو حاضن تولين ,, وانتي بعد السنين اللي فرقتنا بننساها وبعيشكم حياة ثانية ومافي شي بيبعدنا عن بعض
وقفت توليب : يعني الحين وانت ضامها مو مشتاق تضمني ؟
ضحك عليها وسحب يدها وضمهم بقوة وهو يتوعد ابوه جوة قلبه
تالا طلعت من البيت وحالتها تكسر الخاطر
راحت لغرفتها وجلست تصيح فيها ,,,,,
ليش انا كذا ؟ ليش كذا يصير فيني
ابوي اللي هو ابوي بايعني والناس كارهتني بسببه
انا بروح سويسرا هناك المفروض اكون مو هنا
وش اللي جابني للرياض انا ؟؟؟ هالمدينة هذي عذتني كثير معظم ذكرياتي السيئة فيها
يوم شفتك يا فيصل توقعت ان الرياض اخيرا حبتني وفيها شيء بيفرحني وينسيني عذابي
بس اكتشفت انه اسوء مقلب حصل لي ,,, اسوء ذكرى بعيش اعاني منها لسنيني الجاية
اااااااااخ يا رب ... الظاهر جلوسي هنا ما منه فايدة ماغير اعذب الناس واطفشهم وكلهم يكرهوووني
ويكرهون الزفت ماجد وما ينلامون انا بنته بالاخير .... رحيلي بيصير بمصلحة فيصل والجميع
بمصلحة توليب واختها وبمصلحة عائلة فيصل وانهم ما يتفرقون عن بعض
خلاص .... بكرة انا بمشي وبروح قبلها للشركة اللي يشتغل فيها وبحط له ظرف برسالة اودعه فيها واكرهه فيني
وبيعيش وبينساني .... وانا بعيش طووووول عمري اذكر حبه لي ومحاولته لتغييري لانسانة افضل
بعيش كانسانة افضل وبتغير للأفضل لعيونك يا فيصل انت الوحيد اللي وقف معاي .. وانا بسبب لك مشاكل
صدق ذاك الولد الافضل هو الهروووب
...........................................
سعود رجع من ألمانيا للرياض لآخر مرة مثل ما قال بنفسه
هالمرة بتكون الاخيرة لي هنا .......... بالرياض ذكرياتي مع خزوم وخالد وفيصل والشلة
ذكريات طفولتي وشبابي الضايع مع الزفت ماجد
ذكريات سيئة كثير بكل شارع فيها وبكل محل لي نقطة سيئة انا تركتها بأمر من ماجد
بنات يصيحون بسببي واهل يبكون على حظهم مساكين .. الله يكون بعونهم
ويريحني بسررعة وينسيني
وصل سعود للفندق واخذ له غرفة ونام فيها ...................
عند خالد
فهد : يعني شلوون يا خالد ؟
خالد : اذا تعافى سعود بسأل خزامى مين تحب اكثر انا ولا هو
وان اختارته بتركها له
فهد : الشغلة عبااااااااااااااطة ؟؟ تراها مو لعبة يا خالد
انت مرة وسعود مرة ,,, خلي مخك يشتغل شوي مو انت تحبها ؟
خالد : اعشقها .. تدري شلوون اعشقها ؟
بس هي بالها مو معي ... صحيح سعود اذاها بس هي تحبه واللي يحب صعب ينسى
تخيل انها نادتني ذاك اليوم سعود وما انتبهت بعد
سألتها وش قلتي قبل شوي ؟
قالت وشو ؟ قلت لك تحب المطر صح ؟
قلت وش ناديتيني ؟ قالت باسمك وش فيك
سألتها اسمي ؟ قالت ايه خالد وش فيك ؟
مو قادرة تنساه ... حاولت انسيها حاااااااااااولت اعيشها جو ثاني
صبرت بس كثير تعبت وهي ما زالت تغلط وتناديني سعود تتخيلني سعووووود
يعني تحب سعوود لو هي ما قالت ,, لو انكرت قلبها لسة عند سعود وانا تعبت خلاص
يا انا يا هووو تختار لها واحد وترتاح وتريحنا
فهد منصدم وهو يشوف حالة اصحابه شلون صايرة كل واحد له مشكلة شكل
فيصل مع تالا وطلال ومحمد مع اهله وبنت عمه اللي بيغون يزوجونه اياها غصب
وسعود ومرضه وخالد وخزامى ياااااااااااااااارب وش هذا ؟؟؟ لا يصير فينني شي بس
شاف خالد وهو يتكلم ومرة يطق الارض بايده ومرة يمسك بلوزته بقهر وهكذا
فهد : خاااااااااااااالد .. اذا تحبها لا تتخلى عنها
خالد : وسعوود ؟؟ انا محتاج سعود
خزامى تحبه هو انا مجرد وسيلة لها عشان تنساه اقصد تحاول تنسي نفسها
فهد : سعود ما ظنيت يتعافى لا تدمر حياتك بنفسك
خالد : اوووووف يرحم والديك غير الموضوع
وانسدح على ظهره بتعب وفهد طلع باكيت السجاير واخذ له وحدة
............................
توقعاتكم لهالبارت ........
توليب وطلال ونهايتها ؟؟؟ الجديد هالمرة ظهور راكان المعروف بحبه لاخواته
تالا وفيصل ؟؟؟ وش بيصير عليهم هل بتتركه وبتنساه وهو بينساها ؟
سعود وخالد وخزوم ؟؟؟ مين بياخذها ؟ هل بيرجعون اصحاب ؟
جميلة وجوانا ؟؟ قلتوا بيرجعون لبعض لكن هل يتقبل ابو طلال ظهورها ويسامحها ؟
طلال وفيصل ومشكلتهم الصعبة ياترى وش الحل ؟ وايش التصرف اللي بيتخذه طلال لفيصل ؟
فهد ؟؟ وش اللي مستنيه بالحياة ؟
<< البــــــــــــــــــارت الــ 31 >>
راكان وتوليب وتولين جالسين سوا ....
توليب : راكان ابوي لعب علي قال انه هو اللي محدد موعد الملكة وطلع الزفت هو اللي محددها
راكان : الزفت ؟؟ توليب انتي تكرهين طلال ؟
تولين طالعت بأختها منتظرتها تجاوب هي وراكان
توليب : ايوة اكرهه
راكان : وابوك زوجك غصب ؟
توليب : تقريبا
راكان : شلون يعني تقريبا ؟
تولين : توليب سكتت وما جاوبت ابوي بس ابتسمت وهو قال موافقة
راكان وهو معقد حواجبه : ليه ابتسمتي وما تكلمتي ؟
توليب بعصبية : عرفت اني حتى لو قلت لا بتزوجه غصب عني
ابوي يعز طلال الكللب فأكيد بيزوجني اياه ,, وخصوصا اني رفعت ضغط ابوي بالفترة الاخيرة
راكان : طيب .. سكت شوي وهو يفرك ذقنه
توليب اذا تبغين اطلقك منه
توليب : لا .. وش بيقولون علي توهم امس متملكين على بعض واليوم يتطلقون ؟
لا .... اصبر شوي انا بردله حركاته اول بعدين بتطلق منه بعد ما اعذبه واوريييييه
راكان : توليب اهجدي .... اللي عندي من مشااكل كافيتني مو ناقص مشكلتك لا ومع مين مع طلال الراسي
توليب : تخاف منه ؟
راكان : لا .. لكن احترمه لانه رجال يستاهل ,,,, انتبهي تزودينها يا توليب انتبهي
......................................
جوانا تسحبت من البيت وطلعت منه لبيت جميلة مع السواق وبدون محد يدري طلال مع ابوه بالمكتب
وفيصل مو بالبيت وخزامى والجوري نايمين
وقفت عند الباب ودقته ............
فتحت لها الخدامة
ودخلت البيت .... بيت كبير مثل بيتهم بس اللي فيه عايش شخص واحد
امها عايشة هنا لحالها
نزلت جميلة تركض بالدرج لها
وهي على طووول ركضت لحضن امها وضمتها وصاحت بحضنها
جوانا : آسفة عالكلام اللي قلته اول مرة يمة
جميلة : مسامحتك يا قلبي والله
تعالي اجلسي وخبريني عنك وش مسوية ؟
..................................
في بيت الراسي
في مكتب ابو طلال
طلال وهو يلعب بالاوراق اللي قدامه : يبة ... فيصل هذا زودها اليوم
دريت باللي صار ؟
ابو طلال وعينه بأوراقه : سمعت انكم تطاقيتوا لكن وش السبب هذا اللي ابي اعرفه
قال بنبرة جدية وبصوت معصب .. انا ما ربيتكم لين وصلتوا هالاعمار عشان توطون راسي وتتطاقون مثل الورعان
قدام العالم وتخلون اللي ما يشتري يتفرج
طلال يدافع : لا يبة
انا ما سويت شي .. فيصل عطاني بوكس قدام العالم وقدام الحثالة بنت ماجد
وانا ما رديت عليه قلت لما ارجع البيت بتفاهم معاه وبوجودك
ابو طلال باستغراب : بنت ماجد ؟؟ ماجد مين ؟
طلال : يبة .. بنت ماجد الرائد
اللي ولدك يحبها
ابو طلال : يحبها ؟
طلال : ايه يحبها وعشانها اعطاني البوكس يوم سبيتها
ابو طلال : تعرف فيصل ما يحب احد يغلط عالناس اللي يغليهم
ويسوي اكثر من كذا ,, ومعاك انت بالذات راح يعاند صح ولا لا ؟؟
ليش تزودها معاه ؟ ادري باسلووووبك يا طلال ادري به
وطى طلال راسه : معليش يبة كنت منقهر ... اشوف بنت الكللللب ماجد قدامي
واتذكر اللي صار باختي واحترق اكثر
ابو طلال وهو يضغط بالملف اللي معه : ما تنلام .. بس حتى ولو
لازم نفهمه مو نغصبه
دخل فيصل البيت وصك الباب وراه ومشى بمشيته المعتادة المعروفة المميزة
طلال سكت شوي : يبة فيصل جاء .. اسمع هذي مشيته
ابو طلال : روح ناديه بس هااااه .. انتبه تحارشه بس ناديه لي وما عليك وتعال معه
طلع طلال من المكتب
طلال : فيصل
التفت له فيصل بنظرات انسان مو مهتم : نعم ؟
طلال : ابوي يبيك
ودخل المكتب ودخل وراه فيصل
جلس طلال بالكرسي بس فيصل واقف ومتكتف
قال بدون نفس : هلا يبة ؟ بغيت شي ؟
ابو طلال : مافي سلام بالاول ؟
فيصل : توني شايفك قبل كم ساعة يبة ,, عالعموم سلام
ابو طلال وهو يطالعه : عليك السلام .... وش هاللي سمعته ؟
فيصل بضيق : وش سمعت ؟
ابو طلال : تتطاق مع اخوك عشان بنت ؟
فيصل : لو سمحت يبة ... هو الغلطان
غلط عليها وانا محذره ما يغلط عليها هو البادي يتحمل
ابو طلال : دريت انها بنت ماجد
فيصل : انا بعد توني داري .. عالعمووم هي مو مثل ابوها هي افضل منه وانا احبها يبة
ابو طلال : واللي سواه ابوها في اختك بتنساه ؟
فيصل : مالي شغل باللي صار وهي بعد وش دخلها ؟ هي اذا ما تدرون متقاطعة مع ابوها
وهو يكرهها لانها مو مثله
ابو طلال : مالي شغل بهالكلام كله .. انا ما قلت لك احكي لي قصة حياتها
شووف يا فيصل .. انا الى الان ساكت لك مع ان في اشياء كثيرة انا مو راضي عنها وانت قاعد تسويها
فيصل : وايش هي ؟
ابو طلال : مثل طريقة دوامك بالشركة ... واسلوبك بحياتك
فيصل : انت قلتها .. حياتي
وانا مو بزر عشان احد يعلمني الصح من الخطأ
طلال : اجل لا تغلط مدامك تعرف الصح من الخطأ
فيصل : شايفني طلال وانا مدري ؟
وقف طلال بضيق وقرب من فيصل بسرعة : انت زودتها وانا سكتت لك كثير
ابو طلال صرخ : طلااااااال .. ارجع مكانك واحترم وجودي
طلال : طيب .. وانت يصير خيير يا استاذ فيصل
رجع طلال يجلس وهو منقهر
ابو طلال : فيصل .. اعتذر من اخوك لانك ضربته وتعال بوس راسه لانك غلطت عليه
فيصل : لا واللي خلقني ما اعتذر منه ,, هو ما يرضى احد يغلط عليه
طلال : انا ما غلطت عليك
فيصل : غلطت عاللي احبها ,, ترضى احد يغلط على بنت الصقر
طلال : لا صارت تستاهل ما عندي مشكلة
فيصل : اووه صح نسيت .. هي مو منال عشان تنقهر عليها
وقف طلال وهنا وصلت معاه قرب من فيصل ومسكه من ياقته وبدى ينفضه
طلال : انت واحد وقح .. والظاهر انك يبي لك اعادة تربية من اول وجديد
سكتت لك وفلّيتها
فيصل علق مع طلال بطقاق وفكهم ابوهم عن بعض
فيصل : ممكن تعيد لنا يا استاذ طلال ... ليش منال تركتك ورفضتك ؟
طلال يكلم ابوه : يبة سكته اصرف له ولو عاد طاريها ترى بقتله
فيصل : خفت منك انا ... عالاقل انا ما....
ابو طلال : فيصل >> صرخ فيه
اسكت واقفل الموضوع
فيصل : تالا باخذها وما علي من احد ,, طلال شوووف حيااتك واتركك مني
تصبحون على خير
طلع من المكتب وقف طلال بعده وطلع
وهو طالعين جوانا توها دخلت البيت انصدمت لما شافتهم توقعتهم نايمين او بالمكتب
فيصل باستغراب : جوانا ؟؟
طالع بساعته .. يؤ الساعة 2
طلال بضيق : وين كنتي ؟
جوانا بخوف : ابد بس .. بس ..
صرخ طلال : بس ايييييييش ؟
جوانا : طلعت بالحديقة شوي
طلال بنظرة حادة : بهالوقت ؟ بالحديقة ؟ بعبايتك ؟
جوانا احكي وين كنتي قبل لا اعصب واغلط عليك
فيصل : جوانا روحي غرفتك
طلال : ما تشوفني اكلمها ؟
فيصل مطنشه : سمعتيني جوانا امشي وطنشيه .. هذا واحد معصب مالقى احد يحط حرته فيه
طلال : فيصل لا تحتك فيني اصرف لك .. جوانا تكلمي بسرعة وين كنتي ؟
جوانا : قلت لك بالحديقة
ركض لها طلال ومعاه فيصل كأنهم يتسابقون
طلال مسكها من عبايتها قبل يوصل لها فيصل
طلال : بتتكلمين وين كنتي ولا اوريك الشغل شلووون
فيصل يدف طلال : وخر عنها يا طلال .. انا اللي قاهرك خليها والتفت لي
طلال : وخر انت الثاااني .. اشووف الاخت وين كانت
وين كنتي يا جوانا ؟
جوانا بصراخ : وخر عني .. قلت لك بالحديقة
صرخ بوجهها : كذااااااااابة .. احكي لا تنرفزيني اكثر
جوانا : طلال وخر عني مو عشانك معصب تسوي فيني كذا
اعطاها طلال كف جاااااااااااااااامد
طلال : تكلمي لا تخليني اوريك اكثر من كذا
جوانا صاحت من الكف القوي اللي يحررررق طبعا دموع تنزل بدون اي صووت طبع جوانا ما تطيح بسهولة
سحبها فيصل من يده بالقوة وضمها له
فيصل : ما عليك جوانا هالكلب شغله معاي
طلال : الكلب انت واشكالك
فيصل : كل تبن يا ..... روح روح دور حبيبتك منال
طلال ما تحمل واعطاه بووووكس نزل الدم من خشمه
جوانا انصدمت : فيصل ..
التفتت على طلال .. انت ما عندك قللللب ؟؟ طلال شوف وش سويت بأخوك
فيصل والعروق الحمراء بعيونه : جوانا .. اطلعي فوووق بسرررعة
طلال : وريني شطارتك يالقووووي ياللي معجب بالحثالة بنت ماجد
رد عليه ببوكس وهكذا يتطاقون
طلع ابو طلال وفرع بينهم بالقوووة طبعا
وطلعوا اثنينهم لغرفهم ...........................
طلال جلس على سريره ويمسح نقط الدم اللي بوجهه
انسدح وهو يتذكر :
.........................
ساحة مارينا بلاتر ,,, بألمانيا
كانت ذاك اليوم مزحووومة مرة
وفيه ناس كثير ... وحدة من هالناس صدمت فيه وهي تركض ورى قطوتها البيضاء
تكلموا بالانقليزي لكن اجيبها بالعربي
منال وهي تتألم من مكان ضربتها بطلال : سوري
طلال وهو مسرح بمعالم وجهها الطفولي : ايه عادي تعالي كل يوم
اوووه اقصد اسف انا بعد انتي موغلطانة
شافته مخبص عقدت حواجبها : اوكي .. اهم شي مسكتها هالقطوة الشريرة
باي
طلال : وقفي ... انتي مسلمة ؟؟ اشوفك متحجبة
منال بابتسامة : يب .. مسلمة وعربية كمان
طلال : انا بعد
منال : تشرفنا
طلال : الشرف لي .. انا سعودي
منال : انا بعد
طلال : ههههههه طيب تكلمي عربي
منال : اوكي .. هلا والله >> بدت تحكي عربي
طلال : هلا فيك .. قطوتك حلوة
منال : ادري هههههههه ,, باي لازم اروح ابوي ينتظرني اكيد
طلال : اوكي .. على فكرة اسمي طلال
ابتسمت منال ببراءة : انا منال .. باي
وراحت عنه ومن يومها وهو متعلق فيها
............................
اليوم الثاني راحوا اثنينهم للدوام
وصلت تالا للشركة واعطت البواب الرسالة وقالت له وصلها لفيصل الراسي
ومشت ...........
وصلت الرسالة لفيصل
فتحها .................
فيصل عسى صباحك ورد هذا اولا
ثانيا احنا ما نناسب لبعض وانا سببت للناس مشاكل بما فيه الكفاية
كل الناس تكرهني بسبب ابوي ادري مالي ذنب لكن معليش انت يكفيني انك عارف اني غير عنهم
واني بنت محترمة وفيني اكون افضل من كذا انت وثقت فيني وبقدرتي عالتغيير للافضل واوعدك استمر
لكن هنا راح تنتهي علاقتنا ببعض ... بالاخير انا بنت ماجد عدو ابوك
انا ما ارضى ادمر حياة الانسان اللي ساعدني ,,, روح الله يوفقك ويهنيك وبأدعي لك من قلبي ربي يوفقك
تصالح مع اخوك وعيش حياتك ... بعيد عن بعض وبعيد عني انت راح تكون بخير
راح اسافر واخليك عشان تقدر تعيش حياتك طبيعي بدوني وبعيد عني
راح اترك الرياض والمملكة بكبرها لعيونك
تحياتي ... تالا
قفل الورقة وهو منصدم لا يا تالا لا تخليني مو بعد هاللي سويته كله عشانك
ابيك ومقدر اعيش بدونك يا بنت ... تحديت طلال وابوي والشباب اني اقدر اخليك من نصيبي
تروحين الحين وكذا لا مستحيل تروحين وتطلعين من حياتي بهالسهووووولة مستحيييييييييييل
..................
بمكان ثاني
تالا راحت للمستشفى تسلم على تولين
تالا : انا بسافر لسويسرا .. مالي مكان هنا
تولين : وليه تروحين ؟ واحنا
تالا : باركي لتوليب عالزواج مقدما مني .. ما راح ارجع هنا
خلاص .. تعبت من الرياض ومن اللي فيها
بروح لسويسرا يا قلبي ...
شوي شافت راكان يدخل بشكل مرعب وهو مستعجل
تولين ركضت لاخوها
تولين : راكان وش صاير ؟
راكان : صاحبي مسوي حادث قوي ودخلوه عندكم
تولين : عطيني اسمه تعال تعال
وقف راكان يعطيها الاسم وجنبه تالا اللي طلعت براسها فكرة خطيرة
راحت تولين تدور بالاسماء عن اسم فواز
تالا : انت قلت انك تراقب ماجد صح ؟
لف عليها راكان اللي باله مو معها بس تذكرها هذي اللي نرفزتهم كثير هذيك المرة
راكان : ليه ؟
تالا : عندي معلومات تطيحه على طووول
راكان : ومين تكونين ؟
تالا : بنته
انفجع راكان
راكان : وشوووو ؟
تالا : بنته .. انا بنت ماجد الرائد ومسكت عليه شغلات وجاء الوقت اللي اطيحه فيه
واعلمه شلون يهين الناس ويأذيهم
راكان يبي يستوعب : بنته ؟؟ وعندك معلومات عنه
تالا : ايه .. بس محتاجة احد معي انا ما اقدر اسوي كل شي لحالي
راكان : انا معااااك وبساعدك .. لكن الحين مو فاضي صديقي مسوي حادث وخايف عليه
تالا : هذاك الزاحف ابو لسانين ؟
ضحك راكان شوي : ايه هو فواز
تالا كشرت : وععع يا كرهي لاسمه وله يقهرني
عالعموم ما يشوف شر .. انا اليوم بسافر لسويسرا هذا رقمي وكل المعلومات عني
مشت وخلته
ابتسم راكان شوي ورجع يشوف سالفة فواز
......................................
البارت انتهى اشووووفكم البارت الجاي
ايش اكثر شي صدمكم بهالبارت ؟
واكثر شي عجبكم فيه ؟
اعطوووني توقعاتكم للبارت الجاي
الباارت اهدااااااااااااااااااااء
لــ:
وله
ورد
اميرة المنتدى
مختلفة انا
<< البـــــــــارت الــ 32 >>
راكان جالس يتكلم مع الدكتور عن حالة فواز
راح الدكتور ودخل راكان على فواز
راكان : حمدلله على سلامتك
فواز : الله يسلمك
جلس راكان يطالع بشكل فواز وايده مجبرة ورجله بعد وراسه ملتف بالشاش الابيض
فواز : مضيع شي بوجهي ؟
ضحك راكان بقوووة : ههههههههه الله يرجك ,, صدقت من قالت عنك زاحف ابو لسانين
فواز عقد حواجبه : قالت ؟؟؟ يعني مؤنث ... زاحف ابو لسانين ؟ مين هذي
راكان : وحدة
فواز : وحدة ولا ثنتين ههههههه لا بجد .. مين ؟
راكان : تذكرها هذيك المهايطية اللي رفعت ضغطنا ؟
فواز كشّر : اييييه البوية
راكان : حرام عليك .. البنت صايرة رزة .. ههههههه وبعدين مملوحة يعني حرام عليك لا تزودها
فواز بابتسامة مايلة : هههههه ياخي اثبت .. اختار وحدة يا جوانا يا هذي
قرب منه راكان بقهرررر : طيب .. اااااخ لو ما انت مكسر كان كسرتك ورجعتك هنا
فواز : هههههههه ادري عشان كذا بهاااايط عليك وبرفع ضغطك لين تعرف ان الله حق
راكان : خذ راحتك .. وبس تقووم يصير خير
انا انسان كريم تعطيني واحد اعطيك دبل
فواز : ههههههه كريم بالنذالة بس
راكان : ايه على طاري النذالة ,,, البنت المهايطية بتساعدنا
فواز : في ايش ؟
راكان : في ماجد ... تقول عندي عنه ادلة تطيحه على طوول
فواز وهو مضيق عيونه : وشلون جابتها ؟ وليش بتساعدنا
راكان : الاخت تصير بنته .. والظاهر انه اذاها .. تقول بعلمه شلون يأذي الناس ويهينهم
فواز : تذكر يوم شفتها انا بالمخزن ؟؟؟ ايه هذا هو السبب واخيرا وضح
....................................
طلال طلع بعد ما خلص دوامه وراح جلس بمتنزه ما وده يرجع البيت ويشوف وجه فيصل
ولا هو قادر يحط عينه بعين ابوه بعد اللي صار بينه وبين فيصل
وما يقدر يتكلم مع جوانا بعد ما ضربها وهو معصب امس
ااااااااااه يا ربي ... ليش يافيصل تذكرني بالماضي لييييش ؟؟
................
( ذكريات قبل 4 سنوات بألمانيا )
راح طلال بعد ما اصطدم بمنال وكلمها لاهله وجلس معهم وهم يتمشون
فيصل : مين الحلوة اللي كنت تكلمها ؟
طلال : وطي صوتك لا تفضحنا ههههههه .. اسمها منال
فيصل : يقطع ابليسك ما امداك خمس دقايق مع البنت الا وانت ماخذ معلوماتها
طلال : ههههههههه سر المهنة حبيبي ,, خبررررررة
فيصل : هههههههههههههه
طلال : تبغاني ادور لك وحدة ؟؟
فيصل وهو يصفق بايدينه : لا لا انا غااااسل يدي منك ,, بعدين
انا احب من اول نظرة خخخخخ يعني ما راح اسوي مثلك واتعرف على بنات خلق الله عشا اهبل فيهم بس
لا انا اللي بحبها بتزوجها
طلال : يااااااهوووووووووه يا الوفي
فيصل : شايفني طلال ؟؟؟ هههههههههههه
طلال : وجهك قدام بس
..............
بعدها تطورت علاقتهم تقابلوا بأكثر من مكان من بعيد
طلال خلاص تعلق فيها .. بنت محترمة مالها بالشغلات الفاضية هذي
دور عنها وخطبها من ابوها وكان ينتظر ردها
يوم من الايام كان طالع من شقته بالليل ايام السهرات الفاضية
ومعه ثلاث بنات ووحدة فيهم تتلصق فيه
طلع من الاصانصير للممر انصدم لما شاف منال واقفة قدامه ومعها بنات خالاتها الثنتين اللي عايشين بهالبناية وهو ما يدري
منال اللي كانت في بداية حبها لطلال ومعجبة بشخصيته الثقيلة وهيبته غير شكله اللي يهبل
انصدمت وانقهرت لكن سكتت طالعت فيه بنظرات تكفي عن مية كلمة
تعبر عن كل اللي فيها من صدمة وقهر وحزن وانه طاح من عينها بهالمنظر
طلال وخر البنت من جنبه : منال لا تفهميني غلط تراني مو كذا
منال ابتسمت على خفيف باستهزاء :مو كذا ؟
طلال : وربي مو كذا انا ما قد لمست بنت ... منال انا احبك انتي
منال : الله يوفقك
طلال : شلون يعني ؟
منال : مسحت اسمك من قلبي وبالي ,, طلال كنت في بالي شي كبير مرة
كنت اخاف من ظلك وهيبتك كنت اعزك واغليك كنت بالنسبة لي كل شي بعد ما عرفتك
لكن الحين طحت من عيني ... انت الحين ولا شي ولا شي يا طلال انت مجرد دااااشر واحد صايع يلعب بأعراض الناس
روووح وعيش حياتك وانساني لاني من اليوم ورايح ما اعرف واحد اسمه طلال وولا قد سمعت فيه ولا شفته
اما عن رديي تراني مو موافقة على واحد مثلك
قالتها وهي تأشر بطرف اصبعها من فوق لتحت
هنا طلال تبخر كل شي بحياته وقف مو بعد ما عشقتك مو بعد ما علقتيني فيك
مو يوم انا قلت اذا وافقت علي بترك هالسخافة كلها لعيونها تبيعيني وانتي ما فهمتي مني شي
طلال وقف بشموخه : منال انا احبك ... لكن اذا انتي بايعتني انا بعد ما ابيك
مو انا اللي اتنازل لاجل مخلوق ... الله يوفقني ويوفقك
حاولت اثبت لك لكن انتي مو راضية تسمعين .. طيب مدام الوضع عندك كذا مع السلامة
مشى عنها وبنات خالاتها يطالعونها مستغربين
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك