رواية شقائق النعمان -13
ام احمد :ان شاء الله بروح اجهز الغدا قبل ما يرجعون من المدرسه
ابومحمد : انا برجع المكتب اذا احتجتي شي دقي علي
ام احمد : ان شاء الله .. الله لا يحرمني منك بحفظ الرحمن
ابو محمد : ولا منك يالغاليه مع السلامه
اول ما خرج وهو في السياره اتصل على عمها
ابو محمد : الو السلا م عليكم
ابو براهيم : هلا ابو محمد وعليكم السلام
ابو محمد : وش اخبارك يا ابو ابراهيم عساك بخير
ابو براهيم: الحمد لله انت وش اخبارك و اخبار العيال
ابو محمد : الحمد لله الكل بخير بغيت اطمنك اني خرجت ملاك اليوم من المستشفي
ابو ابراهيم : الحمد لله على سلامتها وشلونها الحين ؟
ابو محمد : الله يسلمك ويعافيك الحمد لله احسن من اول
ابو ابراهيم: اول ما اتفرغ ان شاء الله راح اجي اشوفها
ابو محمد : الله يحيك بأي وقت البيت بيتك
ابو ابراهيم : الله يسلمك من طيب اصلك ...استاذن منك يا أبو محمد عندي واحد دخل على مهم
ابو محمد : اذنك معك مع السلامه
ابو براهيم : مع السلامه
,,,,,
بيت ابو محمد
مي : اول ما دخلت تفاجئة بجية خالتها : خالتي..!!! وش فيك جيتي من المستشفي ملاك فيها شي؟!
ام احمد : جالسه بالصاله لا يا بنتي ملاك ما فيها الا العافيه وهي فوق بغرفتها
مي : تحط اغراضها الي في يدها على الكنب وتنزل عباتها لابسه تنوره جينز و قميص كم طويل مقلم ابيض وسماوي وتلف وجهها لخالتها: صدق!! ملاك فوق
ام احمد : ايه هي بغرفتها ولا وش اسوي انا هنا لو ما طلعت
مي : وتسلم عليها: الحمد الله على سلامتها خالتي... الف الحمد لك يارب ..بس كيف كتب لها الدكتور خروج على طول
ام احمد : هي اصرت تخرج وكتبوا لها الدواء الي تاخذه و الحمد لله من البارح صحت ورجعت نامت بدون ما تاخذ مهدي ...الحمد لله على كل حال والله يحميها و يحفظها بحفظه ويخليكم لبعض
مي : امين ...يااااه اخيرا خرجت بطلع اشوفها
ام احمد : لا خليها اخذت الدواء ونامت لا تصحينها
مي : ماشي بروح ابدل ملابسي واشوفها بهدوء اشتقت لها وانزل عندك
ام احمد : انتبهي لا تصحينها بشويش
مي : طيب وطلعت وقبل ما تدخل غرفتها فتحت الباب على ملاك وشافتها مغطيه وجهها رجعت سكرت الباب ما تبي تصحيها
ملاك : اول ما سمعت الباب انفتح غطت وجهها وسوت نفسها نايمه
نزلت مي وجلست مع خالتها بالصاله واول ما دخلت منى
منى : دخلت وشنطتها على كتفها اليسار وبيدها ملف وردي وهي طفشانه ما تحب تجلس في البيت و امها مهي فيه وشافت مي بوجها : السلام عليكم وهي متفاجئه.. امي وش جابك ..؟!!..انتي ومي هنا ..؟؟و ملاك محد عندها وتحط شنطتها والملف على الطاوله وتروح وتحضن امها
ام احمد : ههههههه وعيكم السلام وشلون يعني ما تبيني اجي البيت
منى : لا ما اقصد بس عمرك ما خليتي انجي الوحدها وانتي ومي هنا
ام احمد : ايه صح وانا كم مره اقلك لا تقولين انجي الله ما كتب لها انها تنكتب كذا ما احب اسمها في الاوراق شي ونناديها اسم ثاني
منى : امي هي برا الكل ايناديها كذا يعني جات علي وهو معني اسمها بس ما قلتولي ياحلوين وش تسون هنا وتاركينها لحالها لو صحيت ما تحصل احد عندها
ام احمد : تطالع بـ مي وتضحك
منى : امي وش فيكم تضحكون
مي : ياغبيه لأنها فوق بغرفتها
منى :وشهوووووو صدق وناسه بطلع اشوفها ....وراح كل الطفش الي كان فيها ودها ترقص
ام احمد :تمسكها مع يدها تعالي خليها نايمه
منى : وتسلم على راسها : امي اشوفها ماراح اصحيها
مي :ههههههه انتي ماتصحينها مستحيل
منى : تطالع بـ مي: اسكتي انتي بلا لقافه امي يكفيها نوم متى وصلتم؟
ام احمد : ناويه تزعليني منك صحيها
منى : ترجع وتسلم على راسها وعد ما اصحيها وتطلع مع الدرج ...وتلتفت عليهم.. بس اذا صحت من نفسها مو شغلي اوكي
ام احمد : ههههههههههه ياويلك اعقلي يا لخبله خليها ترتاح وتعالي شيلي شنطتك وين رايحه عنها
منى: مرفعه عباتها وتطلع درجتين درجتين : بعدين اخذها ولا خلي الشغاله تجيبها
مي : ههههههههههه خالتي هدي بالك راح تصحيها لك وتشوفين بخبالها يوووه نسيت اسئلها عن حماده ما جاء معها
ام احمد : ابوك كلمني يبي يروح يجيبه
منى : اول ما طلعت راحت على غرفه ملاك وفتحت الباب شافتها تصلى رجعت غرفتها بدلت ملابسها وصلت ورجعت عندها وشافتها وهي تطبق شرشف الصلاه راحت جري وحضنتها : وااااااااااى وحشتيني يدبا وتبوسها على خدها احبك ما تتصورى وش كثر اشتقت لك ياوحشه
ملاك : تطالع فيها و تتكلم بكل برود بنظرات تأيهه : وانا بعد مشتاقة لك
منى : انصدمت من برودها :حبيبتي كلنا معك وش فيك
ملاك : وترجع على السرير: لا مافيني شي
مي : تدخل ياويلك من خالتي صحتيها وتروح وتسلم عليها وش اخبارك حبيبتي
منى : هيه صاحيه انا ما صحيتها اسئليها
احمد : بصوت عالي مــــــــــــــــــلاك ويجري ويحضنها ويبوس فيها على خدها احبك اشتقت لك خلاص صحيتي ياويلك لو نمتي مره ثانيه
ملاك : تبوس خده لا حبيبي ما حنام مره ثانيه
ام احمد : منى.. وتمسكها مع اذنها ...يعني سويتي الي برأسك وصحتيها
منى : آآآآآآآآآآآي امي هي صاحيه لقيتها تصلي لوكي حبيبي انا صحيتك
ملاك : لا ماما انا صاحيه اصلي
ابو محمد : من عند الباب : الحمدلله على السلامه يا بنتي ردت الحياه للبيت بجيتك ام احمد ماراح تغدونا ولا كيف
ام احمد : يالله الغدا جاهز قلت لهم يحطونه
ابومحمد : يالله ملاك انزلى تغدى
ملاك : لا عمي ما اشتهي
ابومحمد : لا يا بنتي ماراح اتغدا الا اذا تغديتي معي ها وش قلتي
منى : يا سلام يبه بدينا تفريق وانا عمرك ما قلت لي كذا
ام احمد : امشي انتي حتي الجدار تغارين منها
احمد : وووووووول هزئوها
منى : حماده انكتم احسن لاحط حرة تعب السبع الحصص فيك
ملاك: طيب عمي شوي انزل
منى : لا حبيبتي تنزلين معي مافيني يرسلوني اطلع اناديك يكفيني درجان المدرسه اليوم مستلمينا طالعين نازلين هبلو فينا مسوين تدريب على اخلاء المبناء في حال الحريق
مي : حلو عشان تعرفون كيف تخرجون ما يسير حوادث
منى: بلا خبال زايد الكل عارف انه تدريب ما غير نستهبل ونضحك لا جاء الجد حبيبتي ذهبت العقول وكل واحد يبي ينفذ بجلده وبتصير الكوارث والدهس
ابو محمد : اعوذ بالله انتي ماعندك كلمة خير ابد كله تتفاولين بالشر
منى: يبه والله اني صادقه ليه اكذب على عمري حتي مدرسة الفيزياء قالت نفس الكلام
ام احمد : يالله بنات بسرعه لا تتاخرون وخرجت واخذت احمد معها ونزلت هي وابو محمد
ملاك : خلص منو انزلي انتي و ميمو ابدل وانزل
منى : لا انا راح انتظرك
مي : انا بنزل اشوف خالتي يمكن تحتاج شي
::
::
شقه يزيد
يزيد: يدق باب الحمام هنودتي وش فيك ليه طولتي فتحي الباب
هند: فتحت الباب وهي تبكي ورتمت بحضنه
يزيد:حبيبتي ليه تبكين وش النتيجه
هند:ماسكه فيه بقوه وتبكي وماردت عليه
يزيد:ياعمري ليه كل هـ البكا الحين قولي فيه شي
هند: وهي تبكي: ايه
يزيد: ابتسم وده يرقص من الفرحه : تتكلمين جد
هند: رفعت راسها مبتسمه والدموع على خدها : ايه
يزيد:آآآآه يقلبي مبروك ويبوس جبينها
هند: تبكي
يزيد : ههههههه زين ليش تبكين
هند: مانى مصدقه
يزيد: لا صدقي حبيبتي بتصيرين ام ولازم نتاكد اكثر ونروح اليوم لدكتوره
هند: ترفع راسها وتطالع في عيونه : انا بصير أم
يزيد: هذا كلامك انتي متاكده من نتيجه التحليل
هند: ايه
يزيد: خلاص وبتكونين احلى أم ويبوسها على خدها
هند : مشاعرها مختلطه بين الخوف والفرحه وعدم التصديق انها راح تحمل بين يدينها طفلها : وانت احلى اب بهـ الدنيا
يزيد:وجهه مشع من الفرح وقلبه يرقص مع ضحكته : هههههههههههههه البركه فيك و قفتك معي لين ما تخلصت من الي كان في
هند: تبوسه حبيبي انت السبب في شفأك مهو انا لان عندك اراده وعزم
::
*
بيت ابو ابراهيم
على العشاء
ابراهيم نازل يتعشاء مع ابوه لانه بيكلمهم بموضوع
ابو ابراهيم : عياله يهابونه مهو خوف احترام وهو شديد بكل اموره :اسمعوني زين
ابراهيم : سم يبه وش الموضوع الي تبينا فيه
ابو ابراهيم : سم الله عدوك والسامعين ..وعينه على ام ابراهيم .. انتم عارفين ان ملاك خرجت من المستشفى الحين وهي عند امها و كلها كم يوم وتراني بجيبها هنا و ما راح خليها تعيش مع رجل امها الغريب وانا عايش
ام ابراهيم بحنيه : هي عند امها وانت شاورها وين تبي تسكن لا تجبرها
ابو ابراهيم : ام ابراهيم وش هل كلام مهقيته منك نخلي بنتنا عند الغرب واحنا موجودين وبعدين تراني بسكنها بقسم حمد الي مسويه له اذا عرس ..ويناظر بحمد وحسب حسابك يا حمد اني ماراح خليها تجلس في البيت و هو فيه عيال
حمد : تنح يناظر في ابوه يبي يفهم وش قصده
ام ابراهيم : وش الي تبي توصله وين تبيه يروح يعني
ابو ابراهيم : اعتقد فهميني زين... وعينه على عياله ..ابي ازوج ملاك لحمد وتعيش معي على طول
حمد:شرق بالقمه الي في فمه وجلس يكح : كح ...كح .. لا ..يبه ...لا تقول
ابو ابراهيم : وش العيب الي تبي تطلعه ببنت عمك و ما تبيها ...مها وقلت ماتبيها وعذرتك لكن بنت عمك لا بتعيش معنا
ابراهيم : شاف اخوه كيف متغير لونه : يبه على مهلك الموضوع الحين بدري عليه وعمي توه متوفي
حمد: مقهور ويناظر ابراهيم ويبي الحل من عنده
ابو براهيم : يوقف : البنت بتسكن معنا وبعد كم شهر بزوجها ماني مخليها ومشي عنهم
حمد: يوقف ومقهور وده يكسر الصحون الي على الطاوله عشان يخف غضبه بس من النوع الي حتى لو زعل ما يرفع صوته على امه وابوه : يمه فزعتك انتي ما خبرتيه من ابي
ام ابراهيم : لا انت خبرتني وتوفئ عمك و ما لحقت خبره
حمد : والحل يعني ابراهيم فزعتك
ابراهيم : حمد ملاك وش فيها ما تبيها
حمد: وده يخنق اخوه غبي يعني ولا كنه يعرف : ابراهيم انت ما تفهم..روح اقنع هـ الشايب لا يركب راسه والله لغير يزوجني غصب
ام ابراهيم : استح على جهك تقول عن ابوك شايب وبنت عمك ما فيها شي وما تفرق عن الي تبيها وبتكسب اجر اذا أخذت هل يتيمه
حمد: لا يمه انتي تقولين هـ الكلام دخيلك لا توقفين بصف ابوي خليك معي وانتي عارفه من ابي
ام ابراهيم : كلهم الثنتين مثل بعض ما احن من الاولى غير الثانيه
ابراهيم : انت روق الحين وابوي خله انا ارجع اكلمه
حمد: مهو مرتاح : انت تعرف ابوي اذا حط شي براسه ما نقدر عليه و كنا غير نرجع لعمي الله يرحمه عشان يقنعه الحين من بيقنعه ويروح عنهم على غرفته وهو شايل هم جاثم على صدره
::
**
::
بيت ابو محمد
ثاني يوم بعد المغرب
منى : يالله ملاك من امس وانتي بغرفتك كل ما قلت لك ننزل قلتي تعبانه يالله حبيبتي ابوي ينتظرنا تحت
ملاك : طفشت ما يتركونها لوحدها وماتحب تقولهم خلوني لوحدي : اوكي الحين انزل باكلم عمي
ونزلو اسفل ومنى معها كتبها
ابومحمد: هلا بنتي تعالي ملاك جلسي جنبي
ملاك : تروح وتجلس جنبه
ام احمد : جايه ومعها صينيه فيها حلا... هلا ياروح امك سويت فطيرة التوت الي تحبينها
ملاك : تتكلم ببرود : شكرا ماما لشو تعبتي نفسك .....عمي
ابومحمد: نعم بنتي آمري تبين شي
ملاك : متضايقه وتلعب باصابع يدها : عمي ..بدي سافر.. تاخرت على الجامعه
ابومحمد : يناظرها كاسره خاطره مره ضعفت : يا بنتي قدمي اعتذار هالترم وارتاحي عندنا
ام احمد : ايه حبيبتي يتعوض هالترم والترم الجاي كملى
ملاك : لونها اتغير حست بخنقه و تفرك بيدها : لا ماما بدي سافر و منشان خلص بسرعه
ام احمد : يا بنتي الدراسه لاحقه عليها ما راح تطير اهم شي صحتك
ملاك : ردت بسرعه :معليش ماما ما بدي اتاخر اكثر من كذا
ام احمد : لا مقدر ارسلك لوحدك
ملاك : قلبها يرجف لا مستحيل ضل هنا لا وتناظر امها: ماما ما راح كون الوحدي معي روز و الخدم وصديقاتي ممكن يجو يسكنوا معي بدل الشقه وفيه زوج شذى والمحامي و كل الناس الي اعرفهم اهناك
ابو محمد : خايف يرسلها وهي هذا حالها وما يبيها تكون لوحدها : طيب يا بنتي خليني اكلم عمك واشوف وش يقول (ودق جواله وكان ابو ابراهيم ) الطيب عند ذكره هذا عمك خليني اشوف وش يبي ..الو
ابوابراهيم : السلام عليكم
ابومحمد: وعليكم السلام
ابو ابراهيم : وش اعلومك يا بو محمد عساك بخير
ابومحمد : الحمد لله نحمد الله وش اخبارك
ابو ابراهيم : الحمد لله يا ابومحمد عساني ما ازعجتك باتصالي
ابو محمد: ابد سلامتك تتصل باي وقت تحب
ابو ابراهيم : الله يسلمك بس حبيت اخبرك اني بكره بمرك الصبح اخذ ملاك عشان المحامي فيه وطالما هي بخير بيقرأ الوصيه لانه يبي يسافر
ابومحمد : محب تصرفهم بهذي السرعه توها امس خرجت من المستشفى : ماشي انتظرك ان شاء الله انا بعد ابيك بموضوع
ابوابراهيم : خير عسى ماشر وش موضوعه
ابومحمد : كل خير بكره اذا قابلتك خبرك
ابو ابراهيم : خير ان شاء الله تامر بشي يا بومحمد
ابومحمد : سلامتك ما يامر عليك عدو
ابو ابراهيم : تسلم انشوفك على خير بكره مع السلامه
ابومحمد : مع السلامه ويقفل (ويلف على ملاك) يابنتي هذا عمك بيجي بكره الصبح ياخذك عشان المحامي بيقرأ الوصيه
ام احمد: حسبي الله ونعم الوكيل وعلى وشهو مستعجلين كان اجلوها شوي
ملاك : ردت ببرود وهي تغلي من داخلها وكل شرينها تنزف وعيونها بالأرض : عادي ماما ما فيها شي بكره او بعده كله واحد عندي...ترفع عيونها وهي تايهه وتلف على عمها ... عمي بدياك معي بكره
ابومحمد : يحط يده على كتفها : يابنتي صعبه وش مكاني وسطكم وعمك منصور معك
ملاك : بخوف : لاعمي انا بدى انت تكون معي
ام احمد : خايفه عليها شايفتها مخنوقه ودها تبكي و تكابر : ايه ناصر الله يرضى عليك لا تخليها لوحدها
ابومحمد : ان شاء الله بس انتي لا تضيقين صدرك وارتاحي وتبيني اروح معك خلصي صحن الحلا الي قدامك
ملاك :ارتاحت شوي ورتخت يدها : عمي هذا كثير علي لوحدي بدك ياني اسمن
ام احمد : وحسرتي عليك منين التخن وانتي جلد على عظم
ملاك :ماما ..هي نحفت كثير هذى الاسبوعين ... حماده تعال حبيبي كل معي وجلست تاكل اخوها وتحط شي بسيط فمها وبعد فتره قامت
مي: توها نازله : على وين انا توني خلصت وجيت اقعد معكم خليك
منى : ايه خليك وين رايحه اذا فاضيه خذي ساعديني حلي هالواجب
ملاك :بطلع فوق اريح شوي واذا على الواجب هاتي اكتبه لك واعطيك هو
منى : لاخلك امزح معك انا احله
ملاك : تروح عندها : لا عن جد هاتيه يسليني شوي
منى : وش تبين رياضيات او فيزياء
ملاك : هاتي الاثنين وانتي ذاكري
منى : تعرفي تحليها مهو مثل دراستك ترا
ملاك : معليك بشوفها اكيد درستها
منى : اوكي وعطتها الكتب ..وجات بتطلع
ام احمد : خليك هنا وين طالعه الوحدك
ملاك : ماما شوي ارتاح وبدي حل لـ منو وانزل وراحت طلعت مع الدرج وبعدت عنهم
ام احمد :ياربي خايفه عليها شوفوا شلون تتصرف ولا كانه صار شي
مي : ايه خالتي حتي الضحك والبسمه الي عمرها ما غابة عن وجهها الحين ماعاد تبتسم
منى : بكيت حرام عليكم وش تتوقعون منها تضحك وهي فقدت ابوها انا لو مكانها كان مت على طول
ام احمد : رفعت صوتها : فالك ما قبلناه.... ياويلك اسمعك تتكلمين كذا وانا مابيها تضحك على الاقل تبكي قدامنا وتريح نفسها مهو تكابر وتبكي الوحدها
مي : يا منى انتي شايفتها اول ما ندخل عندها تمسح دموعها و ما تخلي احد يشوفها
ابومحمد : سكتوا لو تنزل وتسمعكم راح تتضايق اكثر وانتم ادعولها الله يخفف عليها
يــــــتـــبــــ ع؛
تـــــــــــابــــــــــ ع؛
بيت ابو ابراهيم
الكل مجتمع في المكتب ملاك وجالسه جنب ابو محمد الي اول ما جابها الكل استغرب حضوره بس محد تجرا يسال هو ليه حضر لمكانته في السوق ومنصور وزوجته واولاده والعمه عايشه واولادها
المحامي : وهذي وصيه المرحوم خالد تم تجديدها قبل شهرين من اليوم وطبعا مثل ما قال لكم الاستاذ منصور انه طلب قرأتها امام جميع افراد العائله وفتح الاوراق
ملاك : دمعتها نزلت من اول ما فتح الاورق وقلبها ينبض بسرعه لدرجة تسمع نبضه وطنين باذنها
بسم الله الرحمن الرحيم
السلام عليكم ورحمه الله وبركاته ..
انا خالد ابراهيم ال.......
الى جميع احبتي من احببتهم طوال ايامي التي كتب الله لي الحياه بها..اسعكم الله دنيا واخره
فاليوم طلبت اجتماعكم ليس لمشاهدتي انما لسماع ما خطهُ قلمي لقراءة الوصيه التى كتبتها وانا اسير على الارض والان يتم قرأتها وانا تحت الثرى....فلا تحزنوا فهذا حال الدنيا خلقنا من تراب ونعود اليه وهذا امر لا مفر منه لا احب ان يكون همكم المال ويكون سبب في النزاعات بينكم لان مصير كل منكم تركه لمن بعده ولن ينال منه شياً في رحلته الى الاخره وفي الدنيا الشقاء والمعاناه لجمعه ولن أُطيل عليكم يا احبتي في المكوث لسماعي طويلاً
و اطلب من
اخي منصور ..الذي له مكانه كبيره في قلبي ومعزته من معزه الوالد رحمه الله ان يسامحني على تقصيرى وبعدي عنه كل السنوات التي مضت والدعاء لي
ومن اختي عايشه ان لا تجعل الدنيا اكبر همها و تتقي الله في نفسها وفي من حولها وفي اولادها
والى ابنتي وحبيبتي ومهجه قلبي
يا زهرة لي نضيره .........ونجمة لي منيره
أضأت بالنور عمري ........أيا ابنة لي صغيره
* * *
أعدتِ لي صفو أمسي .......وعاد لي فيكِ أنسي
واخضل دوح حياتي .......من بعد صفوة يأسي
* * *
يا نعمة في وجودي ......أوحت إلي نشيدي
وبعد ما طال صمتي ....ألهمتني من جديد
* * *
أبصرت فيك الوداعة ....مطبوعة لا صناعه
في ناظريك بريق .......يضفي علي شعاعه
(شعر عبدالله الفيصل)
اعلم حبيبتي انك منهاره لفراقي لكنك لستي وحدك واعلمي ان الله معك في السراء والضراء و ان تسعدى في حياتها وتظلي مثل ما عهدتك البسمه لا تنمحي من شفاههك واوصيك مثل ما كنتي تناديني يانبض قلبي بخالتك دليدا لا تفترقي عنها و انهي دراستك وارفعي راسي بأعلى الشهادات وراح ازعل منك لو ما كان تقديرك ممتاز مع مرتبه الشرف و من الاوائل على الدفعه اوكي حبيبة بابا
ومن زوجتي الحبيبه دليدا اعرف انك حزينه على فراقي لكن احب ان اقول لكي انك نعم الزوجه و اتمنى من الله العلي القدير ان يرضى عليك في الدنيا والاخره مثل ما انا راضي عليكي حبيبتي اوصيك في مهجه قلبنا انجي اعلم انك تحبيها مثل ابنتك او اكثر فاذا انتهت من دراستها اطلب منك ان تعودي معها الى السعوديه وتعيشي هناك
اما بنسبه الى الاموال
1- الفيلا التي في بريطانيا ملك لزوجتي دليدا وهناك صك موقع في المحكمه ببيع الفلا لها مع جزء من العقارات موضح لدى المحامي
2- اما بالنسبه للشركه وبقيه الاموال والفيلا التي بالرياض وبقية العقارات فنها كلها ملك لابنتي ملاك وهناك اوراق رسميه عند المحامي عن بيعي الكامل لكل اموالي في المحكمه لابنتي
3- اما بالنسبه لفيلا الوالد رحمه الله فإنها ملك لاخي منصور واختي عايشه
و اكيد الكل يتعجب لماذا جمعتكم ولم اذكركم في الوصيه جمعتكم لتشهدوا على ما ذكر فيها اللهم بلغت اللهم فأشهد و اطلب من الجميع السماح على تقصيرى والدعاء لي واخر دعوانا الحمدلله والصلاة والسلام على محمد صلى الله عليه واله وصحبه اجمعين
المحامي : بعد ما انتهى من قراءة الوصيه وضع الورقه على جنب : هذى وصيه المرحوم وهنا جميع الاوراق الموقعه من المحكمه من يحب الاطلاع عليها اما بالنسبة لوصيه السيده دليدا فإنها اوصت بكل اموالها والفيلا التي بإسمها والصالون الذى تملك الى ملاك خالد ال....وتم كتابه وصيتها في يوم خمسه رمضان لهذا العام وبموجب القانون رقم .... المتعارف عليه ما ملكته من الاستاذ خالد يعود الى ابنته ملاك لانها هي الوريثه الوحيده لها وهذا كل مالدي لقوله والسلام عليكم ورحمه الله وبركاته
ملاك : طول ما المحامي يقرأ الوصيه وهي تبكي بدون صوت وتمسح دموعها من تحت الغطا وتسمع الحروف بشكل متقطع وسكاكين تنغرس بقلبها مع كل حرف من كلمات ابوها مسك يدها ابو محمد لما بدأ المحامي يقرأ الجزء الخاص فيها هي وخالتها وضغط على يده وهي بارده كالثلج وترجف
نوره : كانت تبكي وماسكه يد زوجها عامر الله يعافيك بخرج من هنا ما عاد فيني اتحمل
عامر : يقرب منها معليش نوره هذى وصيه خالي انتظري شوي شوفي ملاك وشلون صابره لا تنتبه لك انك تبكين
ام عامر : بعباتها والبرقع واضحه منه كل عيونها بعد ما نتهي المحامي توقف وتتكلم بصوت عالي وتحرك يدينها : وشهو على كيفه يكتب كل الاموال لها لا هذا ما يجوز حتي في القران وضح توزيع الميراث هذي بنت نصيبها شي بسيط اقول انت وتاشر على المحامي بل الاوراق الي بيدك وشرب مويتها حقي راح باخذه
ابو ابراهيم : وقف وصرخ فيها بتفضحه عند الرجال : ام عامر وبعدين معك سكتي احسلك
ام عامر : على كيفك تباني اسكت لا والله اذا انت ماتبي حقك انت حر لكن انا لا حقي ابيه
ابو ابراهيم : يصرخ فيها : خلاص طلعي برا عامر قم خذ امك طلعها برا
ام عامر: على كيفك تطردني وتكلم المحامي : انت عطني الاوراق الي بيدك اناظرها
المحامي : اختي هذي الورقه النسخه الاصليه تقدري تطلعي عليها بعد ما اصورها وعفواً واذا على توزيع الاميراث الذي ذكر في القران الكريم ووضحه الرسول صلى الله عليه وسلم ذلك للذي لم يترك وصيه والاستاذ خالد رحمه الله كتب تنازل بيع وشراء عن كل امواله وموثق في المحكمه هنا في السعوديه و في لندن من قبل سنه بأسم ابنته ملاك وكان بامكانه ان لا يكتب وصيه لانه في نظر القانون لا يملك شيء سؤ منزله الذي في الرياض الذي اوصا به لاخوه واخته ولو انه لم يكتب بيع كامل وكان مجرد تنازل عن امواله كان بمكانك الطعن في الوصيه لكن الان ليس لكي أي حق باتهامك لاحد
ملاك : وقفت من اول ما بدت المشاده وهي ترجف و تبكي: عمي رجعني البيت ما بدي اجلس ولا دقيقه هنا ابليز عمي بسرعه
ابومحمد : حسبي الله ونعم الوكيل معك حق يا ام احمد تبيني اكون معها وما اتركها : يوقف معها طيب بنتي يالله ويكلم ابو ابراهيم مع السلامه
ابو ابراهيم : على وين انتظر شوي
ابومحمد : معليش ملاك تبي تروح البيت تعبانه وبعدين بمرك على المكتب ابيك في موضوع
ابو ابراهيم : خير ان شاء الله وشهو الموضوع
ابومحمد : كل خير بعدين كلمك مع السلامه
ابوابراهيم : على خير ان شاء الله والسموحه منك على الي صار ..ويكلم ملاك ..يابنتي لا تحطين بخاطرك من الي سمعتيه محد راح يقدر ياخذ شي من حقك طول ما انا حي
ملاك :تمسح دمعتها من تحت الغطا وصوتها متهدج : مع السلامه عمي
,,,,
بشقه فيصل
شذى : تكلم اهلها ماما وحشتيني
ام شذى : وش علومك وكيف فيصل معك
شذى : الحمد لله بخير ماما بسألك انجي للحين ما ترد على جوالها ما عندكم خبر عنها
ام شذى : لا يا بنتي كلمت ابوك ويقول مخذين اجازه
شذى : اوكي ماما هذا فيصل يبي يكلمك
فيصل : هلا عمه وش اخباركم
ام شذى : بخير ياولدي انت وش علومك ان شاء الله مرتاح
فيصل : بخير الحمد لله
ام شذى : اسمع ياولدي بقلك شي بس لا تقول لشذى ولا تخلها تشعر بشي ويا ليت تبعد عنها عشان اخبرك
فيصل : ان شاء الله ويكلم شذى ويحط يده على السماعه حبيبتي روحي سويلى قهوه وجيبيلي كاس مويه
شذى : اوكي وتقوم
فيصل : ايه عمه وش عندك شذى راحت
ام شذى : ياولدي الله يطولي بعمرك اهي كل ما كلمت تسأل عن صديقتها وحنا ما حبينا نخبركم وانتم باول عرسكم
فيصل : خير ياعمه وش صاير
ام شذى : يا ولدي ابو انجي صديقتها صار عليه حادث و توفئ هو وحرمته وهم رايحين ياخذون عمره
فيصل : لا اله الا الله وش تقولين ياعمه وهي صار لها شي
ام شذى : لا ما صار لها شي لأنها ما كانت معهم بس تعبت وتوها خارجه من المستشفي بس مثل ما قلت لك ما بيها تدري انت ما تعرف وش كثر متعلقه فيها وهي مثل اختها
فيصل : بس ياعمه ماقدر اخبي عليها خبر مثل كذا
ام شذى : اجل شوفلك أي طريقه وخبرها
فيصل : طيب انتم ماعندكم رقم اهلها هناك عشان تكلمها
ام شذى : لا ماعندي انا رحت عزيت فبيت عمها و ما عرف احد منهم وهي كانت بالمستشفي
فيصل : على خير ان شاء الله مع السلامه عمه هذى شذى جايه
ام شذى : مع السلامه وديرو بالكم على بعض
فيصل : ان شاء الله و قفل السماعه
شذى : تجلس جنبه خير وش عندك حبيبي مع ماما ما خذها سواليف
فيصل : يحضنها وش عندك حياتي بتغارين مني
شذى : تلف عليه وتبوسه على خده انا اغار من روحي وعمري مستحيل وتحط يدها على خده فصولي حبيبي ماما خبرتك شي وجهك متغير
فيصل : حبيبتي ايه فيه شي بس ابيك تكونين قويه
شذى : تطالع فيه قلبها يقلها خبر وفاة احد بس ما جاء على بالها انه ملاك واهلها : فيصل وش فيه
فيصل : حبيبتي كل واحد فينا له يومه راح يموت فيه وهذا حكم رب العباد احنا ما نقدر نعترض عليه
شذى : فيصل قول بدون مقدمات من الي مات ؟؟
فيصل : ابو انجي وحرمته عطاك عمره
شذى : تصرخ وتوقف: لااااااااااااا مو معقول وانجي فين
فيصل : يقوم ويمسكها : حبيبتي اهدي انجي ما فيها شي
شذى : تبكي : لا تكذب علي أكيد صار لها شي ليه ما ترد علي
فيصل : حبيبتي هي تعبت شوي بعد ما مات وهي عند اهلها الحين
شذى : قلبها مقبوض وجها كله دموع : حبيبي الله يخليك خلني اروح لها هي محتاجتني
فيصل: انتي اهدي الحين وبعدين تكلمينها
شذى : خايفه حاسه انه صاير عليها شي : فيصل الله يخليك انت متعرف هي وش كثر متعلقه في عمي خالد
فيصل : حبيبتي تعالى.. ويجلسها ويجلس جنبها وهي حاطه راسه على صدره وتبكي ويمسح على شعرها ...انتي اهدي الحين وانا راح اتصرف
شذى: تبكي: ماني مصدقه عمي خالد مات ياربي انجي ماراح تقدر تعيش
فيصل: ياعمري ربك كريم ويلطف بعباده واحن من الام على ولدها ادعيلها ان ربي يثبتها ويقوي قلبها
,,,,,
بيت ابو محمد
ملاك : اول ما دخلت البيت طلعت تركض بسرعه على غرفتها وقفلت الباب رمت عباتها على الأرض ورمت نفسها على السرير وفضلت تبكي بصوت عالي وترجف ما بدي اموال خليهم ياخذوها بدي اياك انت وخالتو ليه تركتوني حرام عليكم توصيني عليها وانت اخذتها معك ليه تركتوني ما بقدر عيش من دونك انت الهواء الي بتنفسه بااااااابا والله تعبت تعبت تعال خذني لعندك بدي شوفك آآآآآآه ..يارب بعرف اني اعترض على حكمك بس ما بقدرعيش من دونه يارب خذ روحي وريحني وسمعت اذان الظهر من المنبه (ساعة منبه بصوت اذان على مواعيد الصلاة) وسكتت فضلت تسمع في الاذان وتردد معه مع شهقاتها كانه جاء بوقته لتفريج حزنها وكربها
ابومحمد : دخل غرفته السلام عليكم
ام احمد : وعليكم السلام متى وصلت وين ملاك
ابومحمد : روحيلها الله يرضي عليك بغرفتها
ام احمد : تركت الي بيدها : ليه خير وش صار
ابومحمد : أكيد منهاره من الي سمعته حكالها الي صار
ام احمد : وهي معصبه :حسبي الله ونعم الوكيل الله يراويني فيها يوم وينتقم لي منها عاجلاً غير اجل
ابومحمد : انوار اول مره اسمعك تدعين على احد لاتدعين عليها تكسبين اثم الله يهديك
ام احمد : هذى ما وراها الا المشاكل لكن الله ينتقم منها ويصرفها عنا بمشاكلها ويشغلها بنفسها
ابومحمد: امين بس روحي شوفي بنتك وش صار عليها انا بتوضأ وروح اصلي بالمسجد وبروح المكتب مارحت اليوم وبمر على عمها تغدو لا تنطروني راح اتاخر
::
ام احمد : ادق على الباب : يمه ملاك الله يرضي عليك فتحى الباب ودق بقوه ملاك ردي على حبيبتي
ملاك : اول ما دقت امها الباب دخلت الحمام غسلت وجهها وتوضأت وراحت تفتح الباب
ام احمد : وش فيك ياعيون امك قافله الباب على روحك
ملاك : باستها على خدها : ماما ما فيني شي كنت بتوضأ
ام احمد : وتمسك وجهها بيدها وترفعه وتناضر فيه : حبيبتي انا امك وحاسه فيك وعارفه وش كثر انتي مشتاقه ل ابوك... رمت نفسها بحضن امها ... لفت يدينها عليها تعالي جلسي بقول لك شي وتجلس معها على السرير
ملاك : حاطه راسها على صدر امها ودموعها على خدها مهي قادره توقف
ام احمد : قطعت قلبها حالتها بس لازم تتكلم معها : حبيبتي انا بقلك شي اول مره اقوله لاحد انا عمري ما كرهت ابوك و انتي عارفه هاشي اول ما طلقت اسودت الدنيا بعيني ونهرت و ضنيت انها وقفت عند هـ الحد وبوجودك معي قدرت أتغلب على المشكله الي انا فيها و بعدين لمن جدك الله يرحمه اجبرني اتزوج واخذك ابوك مني حسيت اني بموت لكن الله كريم عمره ما يظلم احد انا عشت مع عمك ناصر والله عوضني فيه خير ..وانتي عشتي مع ابوك والله عوضك عني بخالتك الله يرحمها وينور عليها و يوسعلها بقبرها الي كنت مطمنه عليك معها انها راح تعوضك الحنان الي ما قدرت اعطيه لك في غيابك عني و الي احب اقوله لك ان الدنيا عمرها ما وقفت بموت احد وكل انسان في بديه المصيبه يشوفها كبيره وانه ماراح يتخطاها ومع الوقت والايام تصغر وتصبح من الذكريات والماضي وجدك لما توفي وبعدها بفتره لحقته جدتك تعبت لغيابهم عني لكن ما لي الا الدعاء الهم وتذكري قول الرسول عليه الصلاة والسلام : " إذا مات الإنسان انقطع عمله إلا من ثلاث : صدقة جارية ، أو علم ينتفع به ، أو ولد صالح يدعو له " رواه مسلم
حبيبتي اذا تحبين ابوك صح ادعيله هو وخالتك بكل لحضه وتصدقي عنه وحطيله هو وخالتك وقف خيري دايم الصدقه والدعاء وانا امك هي الي يبونها منك الحين وانا ما اقول لك لا تبكين لا ابكي وعبري عن مشاعرك بس خلى ايمانك بالله اقوي وانا امك و اعرفي ان الله راح يكون معك ويعوضك خير ان شاء الله اذا حتسبتي وصبرتي على مصيبتك وسلمت على راسها
ملاك: وهي تبكي ورتاحت لكلام امها : بس ماما مشتاقه له كثير بدي شوفه و ارتمي بحضنه
ام احمد : تمسح على شعرها وتسلم على راسها اعرف حبيبتي انك مشتاقه له بس مالك الا الدعاء حبيبتي قومي صلي ودعيله وهذا الي يبيه منك هذا افضل له من البكا الي ماراح يفيده بشي غير انه يعذبه فقبره ويتعبك وترفع راس بنتها من حضنها وتمسح دموعها
ملاك : هدت نفسها شوي بعد كلام امها وقامت تصلي
,,,,,
بيت ابوعامر
في الصاله ابوعامر وام عامر وعامر ويزيد ومها بعد ما وصلوا البيت
عامر : امي ما يصير الكلام الي تقولينه
ام عامر : تغلي من عصبيتها ومن طردة اخوها لها تصرخ فيه بصوت عالي: اسكت انت وش دخلك في الموضوع اطلع عند مرتك خلها تنفعك
ابوعامر : يا حرمه وبعدين معك متى راح تتركين عيالك بحالهم
ام عامر : محد اله دخل بالموضوع حقي وباخذه حلال اخوي اخلي واحد غريب ياخذه مستحيل
ابو عامر :رفعت ضغطه من اول ما دخلت عليه في البيت وهي تصارخ : هاه توك قلتيها حلال اخوك وهي بنته يعني حلالها مهي غريبه
ام عامر : طول عمرك ماتفكر صح لو تزوجت واحد غريب بياخذ كل حلالها
ابو عامر : وانتى شكو حلالها و اهي حره فيه تصرفه مثل ما تبي وانتي ما بيكفيك الخير الي احنا فيه غير تبين حلال غيرك
ام عامر : اسكت انت لا مهو بكيفها... وتكلم يزيد ....بتاخذها غصب عنها رضت او ما رضت حلال اخوي ماحد ياخذه
يزيد : يوقف : لا ما هو بكيفك تزوجيني انا ما ابيها
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك