رواية شامخة وبنت رجال وجاء من يغلبني -11
عبير:وش بنسوي يا سحر
سحر:أول شي يرد علينا خالد و نتطمن عليه وبعدها انا بتصرف
عبير:طيب
سحر:تعالي حبيبتي ...وخذت عبير وحضنتها وهي تفكر في المصيبه اللي طاحت على راسها وكيف المفروض تتصرف
وبعد ما بدت الأخبار تنتشر
قاعدين على سفرة الغداء
أم فيصل:لا حول ولا قوة إلا بالله والله تكسر الخاطر
شوق :يمه خليها عنك والله تستاهل اللهم لا شماته
شهد:ايه والله ماي سستر معاها حق
فيصل:أنتي وياها استحوا على وجيهكم لا تقولون كذا عن مرة عمكم
شهد:واللي يخليك يا فصفص اللي يسمعك يقول كلش عاد هي طيبه وحنونة معانا
شوق:ايه والله إلا تموت علينا أصلا هي كل ما تشوفنا تقط علينا نغزات مثل السم
أم فيصل:حتى ولو ما يصلح تتشمتون بالمره هذا وانتوا اهلها تقولون كذا وشلون الغرب
شهد وشوق:اللهم لا شماته
أم فيصل:انا بشوف لي يوم أزورها ان شاء الله
شهد وشوق سكتوا وهم ما عجبهم الكلام
الكل كان يعلق إلا ابو فيصل اللي كان سرحان بزواج أخوه وقعد يفكر ويتذكر
كانوا قاعدين في المكتب
ابو فيصل لاحظ شرود أخوه:وش فيك يا خوي
ابو خالد:انا تزوجت
ابو فيصل فتح فمه من المفاجاه:ها
ابو خالد:اللي سمعته انا تزوجت
ابو فيصل:قصدك على أم خالد
ابو خالد:ايه
ابو فيصل:ليه يا خوي وام خالد
ابو خالد:وش فيها في بيتها معززه ومكرمه
ابو فيصل:وهذي منهي اللي خذيتها
ابو خالد:وحده متزوجه من قبل ومطلقه وتبي الصراحه ابو شملان هو اللي رشحها لي
ابو فيصل وهو اللي ما يحب سيرة ابو شملان:ابو شملان ما غيره
ابو خالد:ايه وشفت البنت وعجبتني وتزوجتها
ابو فيصل:الله يهديك يا خوي انت كذا بتدمر بيتك
ابو خالد:وليه ان شاء الله انا تزوجت وخلاص واللي مو عاجبه يطق رأسه في الجدار واليوم بعد بأخذها وبعلم الكل انها زوجتي لاني بصراحه تعودت على دلالها مو أم خالد اللي ما تدري لاعن زوج ولا بيت
ابو فيصل هز رأسه علامه على رفضه وسكت مو عارف وش يقول
صحى على صوت أم فيصل:ابو فيصل وش بلاك يالغالي
ابو فيصل:سلامة عمرك ما فيني شي...وقام:الحمد لله
بعدها قام فيصل:الحمد لله
وبقت شهد وشوق وام فيصل
دخل غرفته وانسدح على سريره فيصل وهو يطالع الساعه:انا لازم أنام علشان أقوم الساعه 4 وأقول لحنين تقابلني في المحكمه
وعلى طاري المحكمه تذكر ومسك جواله واتصل وهو كله لهفه وحنين وظل يرن وما في احد يرد
فيصل:وش فيها ما ترد ما في غير أجرب مره ثانيه وإذا ما ردت برسل لها مسج..واتصل وقبل ما يقطع الخط ردت وبصوت خفيف:الو
فيصل:انا أسف إني اتصل في هالوقت
حنين:لا ابد بغيت شي
فيصل:أولا وش أخبار خالتي
حنين:بخير الحمد لله
فيصل:وأخباركم
احنين بضيق:الحمد لله بغيت شي
فيصل عرف انها ما تبغى تكلمه وتطول معاه وما يدري ليه ابتسم يمكن كبرت في عينه :ايه بغيت أقول لك الساعه 4ابغاك تكونين موجوده في المحكمه
حنين:ليه
فيصل:في إجراءات وأوراق تحتاج توقيعك
حنين سكتت وكأنها تفكر وتحسب أمورها وبعدها قالت:طيب
فيصل:زين مع السلا........
صكت الخط حتى ما عطته فرصه يكمل جملته حط الجوال على الكومنديه وهو يتنهد وصار يبتسم مع انه لو احد صاك الخط في وجهه غيرها كان ذبحه بس صكت الخط هذي بينت انها بنت مو لعابه وأنها لو مو مجبوره تكلمه كان ما فكرت حتى تأخذ الجوال
طفى الابجوره بعد ما ضبط المنبه وغمض عيونه علشان ينام
&&&&&&&&&&&&&&&&&&&&&&&&
بعد ما طلع من بيتهم معصب راح لشقة صديقه سعد
خالد وهو يدخل الشقه شافه سعد:غريبه وش عندك طاب علي
خالد بنفس خايسه:ليه فيها شي ذي بعد
سعد:هدي يا خوي وش فيك
خالد:مقهور يا خوي بموت من القهر
سعد وهو مركز مع خالد:وش اللي يقهرك هدي وقول لي
خالد:تخيل الكلبه اللي ما تتسمى ميساء
سعد وهو يتذكرها:أي عرفتها وش فيها
خالد:الشيبه أبوي المخرف ضربت فيوزاته وراح تزوجها
سعد تفاجأ:ها..وشلون يتزوجها يعني هو ما يدري انها....
خالد:ما ادري عنه انا لما دريت تهاوشت وياه وطلعت من البيت
سعد:والله طلعت مو هينه هالميساء
خالد:انا أوريها والله لأعلمها قدرها واعرفها مقامها
سعد:هد بالك
خالد:انا لازم أروح
سعد:وين تروح بحالتك ذي
خالد:مشوار مهم...وقام طلع
سعد يهز رأسه علامة أسف عليه وعلى ميساء اللي ما عرفت وش حطت نفسها فيه لأنها مو قد خالد ابد
نرجع لبيت الخير
الجوهره وهي تقوم:أقول اتركي عنك هالسوالف وخلينا ننزل لخالتي وأمك
دلول:طيب
طلعت الجوهره ودلال وراها وشافوا ماجد توه بينزل وكاشخ بالثوب والكاب ويطالع جواله والجوهره نادته:ماجد
دلول أول ما لمحته وهي توها بتطلع رجعت على وراء بسرعه وطلت في المرايه تتأكد من شكلها وطلعت على طول وراء الجوهره
ماجد وهو مشغول بالجوال :همممممممممم
ورفع رأسه وشاف دلول وراء الجوهره وبابتسامه شاقه الحلق:هلا وغلا والله
الجوهره تعرف انه يقصد دلول بس تستغبي:هلا فيك وش عندنا كاشخين ومروقين
ماجد:في احد يشوف القمر ولا يروق
الجوهره التفتت محل ما يطالع ماجد وطلعت عيونها لما شافت منظر دلول وهي مستحيه وتلعب بطرف عبايتها بأصابعها بتوتر ومسكت ضحكتها لا تنفجر في وجههم
ماجد :دلول شخبارك
دلول:الحمد لله
وصار يطالع دلول والجوهره مو معبرينها
وصارت بينهم ولما احد يتكلم تطالعه وعيونها طالعه من مكانها وودها تضحك على أشكالهم
ماجد:أقول البيت منور ليه اثاريه نور القمر طال علينا
دلول بهمس:منور بأهله
الجوهره تلتفت على ماجد اللي تنهد:اااااااه فديتهم والله
الجوهره:منهم
ماجد يطالعها وتوه ينتبه لها:وأنتي لحد الحين هنا
الجوهره:نعم وين بكون يعني
رن جوال ماجد ورد:الو -إي – انا توني مأخذ شور- يا أخي نص ساعه وجايك على بال ما البس بس- - يالله- انا حمار هجل انقلع....وصك الخط
ماجد:تخيلي يقول عني حمار
دلول:يخسي والله هو الحمار
ماجد:وش كنا نقول
دلول:ما ادري
ماجد:مو مهم ان شاء الله عمرنا ما تكلمنا أهم شي شفناكم
دلول سكتت وما ردت
ماجد:والله لكم وحشه
دلول:تسلم
ماجد:وإحنا مالنا لكم وحشه
دلول:ما ادري ....يعني
الجوهره وهي تدخل عرض:وشو اللي يعني
دلول:وأنتي لحد الحين هنا
الجوهره طلعت عيونها:ياللي ما تستحون انا أعلمكم ...وبصوت عالي:خالتي خاااااالللتي الحقي
ماجد:النحشه نص المرجله باي يا قمر
ونزل الدرج بسرعه
دلول وهي تحط يدها على فم الجوهره:اسكتي مالت عليك صدق انك فضيحه
الجوهره وهي توخر يد دلول:وخري عني طلعتي كلش ما فيك حياء والله ما اصدق دلول اللي كله هواش مع ماجد صار هذا حالها
دلول :ما بعد العداوة إلا محبه ويا زينها من محبه
الجوهره وهي تبوس يديها :الحمد لله والشكر صدق مخفه يا أختي أثقلي شوي خلف الله عليك...ونزلت وخلتها
دلول تكلم نفسها بصوت عالي:والله البنت معاها حق انا وش فيني صرت خفيفه مثل الريشه بس والله ما أنلام فديته عليه كلام ابن اللذين
جات ميري ومعاها نوف ونايف
ميري:شوف هزا انا أقول واحد ما في عقل
نوف:ميري وش فيها تكلم نفسها
نايف:ههههههههه أكيد خبله
ميري:أي والله هزا ما في عقل في رأس هزا في كفر بنشر
نوف ونايف:ههههههههههه
دلول :انا كفر مبنشر أنتي ويا ذا الوجه الطويل يقول علاقة ملابس
ميري:يالله كان هزا بيت ناقص مجنون
دلول:من المجنون يا أم عيون
نوف:أنتي
ميري:لا وهزا مجنون يأخذ مجنون ساني والله شعر انا في قرع
دلول:من تقصدين
نايف:أكيد تقصد ماجد
ميري:امشي امشي خلينا روه أحسن مقابل وجه عنزه
نوف ونايف:ههههههههههههههههه
دلول انقهرت وميري قبل ما تروح:شوف وجه عنزه القى هليب
وراحت
دلول:مالت عليك وعلى الأمثال الخايسه اللي تعرفينها
ونزلت الصاله عند أمها وخالتها والجوهره وجلست وهي معصبه
الجوهره:وش فيك
دلول:ميريو
الجوهره بضحكه:وش فيها
دلول:تقول عني عنز انا أشبه العنز والله إني أحلى منه
الجوهره:ههههههه
أم دلول:ما دريتوا
أم عبدالمجيد:بايش
أم دلول:ابو خالد تزوج وحده اصغر من بناته
أم عبدالمجيد:هوووو من جدك
أم دلول:ايه والله
الجوهره:عمي تزوج طيب ليه
أم دلول:والله ما ادري ليه بس ما ألومه
أم عبدالمجيد:لا حول ولا قوة إلا بالله وام خالد وش سوت
أم دلول:وش سوت كلت تراب وسكتت هالعجوز
دلول:يمه كأنك شمتانه ترى ما يصلح
أم دلول:واللي يخليك لا تعرضين فضايلك قدام خالتك أم عبدالمجيد ترى كلنا عارفينك وخابرينك وماله داعي تعدلين في نفسك
الجوهره وام عبدالمجيد:ههههههههههه
دلول:وأنتي يمه الله يهديك كله مفشلتني
أم عبدالمجيد:عارفتها ويا زينها وعاجبتني وراضيه فيها عسل على قلبي
دلول:فديتك يا خالتي والله ما في مثلك
أم دلول:دليل ويهد ترى انا أمك مو أم عبدالمجيد
الجوهره:أقول خالتي كأني شامه ريحة غيره
ا دلول:طبعا أغير أشوف المدح كله لها وآنا معطيني طاف امدحوني شوي
أم عبدالمجيد:يا شين الحسد يعني حاسدين الفقير على موتت الجمعه
أم دلول:وآنا اقدر أحسدك يا قميل دحنا متربيين سوا
أم عبدالمجيد:ايه والله أنتي اعز ما على قلبي ولو عندي اخت ما حبيتها كثرك
أم دلول:لا تقولين كذا ترى قلبي رهيف ودمعتي بسرعه تنزل والله لو أتأثر ما يسكتني مسكت
أم عبدالمجيد:ويه فديت قليبك يالغاليه
دلول:يا سلام والله كأننا نشوف أفلام هنديه لكبار السن
الجوهره:ههههههههههه
أم دلول:دلو من تقصدين بالكبير انا أصلا توني حلوه ورشيقه والخطاطيب بيكسرون الباب
أم عبدالمجيد:وليه يا وخيتي ما اعرستي للحين
أم دلول بدلال:ما بعد يجيني فارس الأحلام على البغل الأبيض
الكل:ههههههههههه
&&&&&&&&&&&&&&&&
راح لهم الشركه وهو معصب ودخل عليهم والسكرتير يحاول يوقفه
السكرتير:لو سمحت ما يصير كذا
التفتوا طلال وحمد على اللي دخل عليهم
حمد:خالد
خالد جاء لعند طلال:إذا كنت تظن إني بخليك تأخذها فأنت غلطان فاهم
حمد:خالد وش هالكلام
خالد:حمد انت لا تتدخل
أما طلال ما تحرك من مكانه وبهدوء:إذا خلصت اطلع برا ورانا أشغال مو فاضين
خالد وهو يوقف قدامه :والله أذبحك ولا أخليك تأخذها
طلال:اللي تبغى تسويه سوه وآنا بأخذها والملكه بعد أسبوع وأنت مو معزوم
خالد:الجوهره لي لحالي انا أحق فيها هي حبي...وقبل ما يكمل
قام طلال من مكانه وبسرعه مسك خالد وطرحه على المكتب وبعصبيه:لو تجيب اسمها بس على لسانك اليوم راح يكون أخر يوم بعمرك فاهم
خالد وهو يحاول يوخر يد طلال عن رقبته:هي بنت عمي وآنا أحق فيها من الغريب
طلال:وهي دقات قلبي وروحي وجزء مني ومو انا اللي يتنازل عن قلبه فاهم وما في غير شيئين بيصيرون يا أتزوجها ولا أموت وإذا ما مت ماراح تكون إلا لي
وفكه بعد ما حمد تدخل وابعده عن خالد
خالد قام:هجل موتك قريب
حمد :خالد اطلع بشرك لا أطلعك بنفسي
خالد:انا طالع بس ما خلصنا
حمد بصراخ:يله برا
طلع خالد وطلال استعاد هدوئه وجلس و جلس جنبه حمد وسأله:انت كنت تقصد اللي قلته
طلال طالعه وما رد عليه ورجع لأوراقه وحمد عرف انه ما يبغى يتكلم لان طلال مو من النوع اللي يعبر عن مشاعره
&&&&&&&&&&&&&&&&
تـــــــــــــــــابع
قام من النوم ولبس وطلع ووصل للمحكمه وظل يستنى وشافها جايه مع أختها روئ مع تاكسي
جاته وحس انه مشتاق لها العيون ويحس انه من سنين مو شايفها
حنين:تأخرت
فيصل:لا ابد يله
حنين:يله
ودخلوا وخلصوا الإجراءات والتواقيع وبدوا في رفع القضيه وهم طالعين
حنين:الحين ايش راح يصير
فيصل:راح توصل لعساف ورقه من المحكمه بعد يومين تقريبا
حنين:زين .. يله عن إذنك
فيصل:إذنك معاك
مشت ووقفت تبغى تاكسي وما شافت ولا تاكسي وظلت تستنى وهو بعد ظل ينتظرها تلقى تاكسي علشان يشوفها تركب و يتطمن عليها وبعد ربع ساعه وهي لحد الحين ما حصلت تاكسي
فيصل من وراها:ها لحد الحين ما رحتوا
حنين بخوف:لا ما لقيت ولا تاكسي ولازم ارجع البيت بسرعه قبل لا يدري عساف إني طلعت
فيصل:طيب ممكن أوصلك
حنين بعصبيه وهجوم:ليه وش شايفني صايعه قدامك ولا بايعه عمرها
فيصل بعصبيه:وش هالكلام لا طبعا بس أحسن من الوقفه وفي هالوقت ما راح تلاقين تكاسي وعلشان ما يروح عليك الوقت ويرجع عساف وما يلاقيك وبعدين مو انا اللي ما عنده ضمير ولا نخوه علشان أسوي في احد شي ولا أخون ثقة خالتي أم حنان
حنين سكتت وما تدري تصدق ولا لا ورجعت تطالع الساعه وشافت الوقت وخافت تتأخر
روئ:هنين تعبت خلاث حلينا نلوح
حنين:زين..... والتفتت على فيصل:طيب موافقه
فيصل:الحقوني ...ومشوا لحد السياره وركبت وراء هي و روئ وشغل فيصل السياره وتحركوا وهم في الطريق حنين كل شوي تطالع الساعه
روئ:هنين ابعى ثوكلاته
حنين بهمس:بعدين حبيبتي مو وقته
روئ بصوت عالي:لا ابعى أحين
حنين:اششششششش
روئ بصوت صياح:ابعى سوبل مالكت أحين اهئ ...اهئئئئئئ
حنين:يارب
فيصل:في شي
حنين:لا
روئ:ابعى سوبل مالكت ..ابعى ثوكلاته
فيصل:خلاص حبيبتي الحين نروح سوبر ماركت
وغير اتجاه السياره
حنين بخوف:وين رايحين
فيصل اللي تضايق من نبرة الخوف في صوتها:للسوبر ماركت
حنين:وصلنا بيتنا لو سمحت وهالبزر ما عليك منها ما عندها سالفه
روئ:لا ابعى ألوح سوبل مالكت
حنين :أف عيب حبيبتي انا بعدين اوديك
روئ:لا ابعى أحين
حنين سكتت لما لاحظت انهم وقفوا قدام السوبر ماركت
فيصل وهو ينزل :يله وصلنا تعالي يا حلوه
روئ جات قدام وفيصل نزلها ولف على حنين:بتنزلين ولا بتقعدين لحالك
حنين وهي مجبوره:لا بنزل بس بسرعه
روئ وهي تمسح دموعها:هيه..هيه...سوبل مالكت
دخل فيصل وهو شايل روئ وحنين وراهم
فيصل وهم داخلين قسم الحلويات:يله قولي لي وش تبغين أمري وتدللي
حنين:لا تعطيها وجه ترى هذي خبله
فيصل بابتسامه:لا عادي خليها على راحتها
روئ :انا مو حبله أنتي حبله
حنين:اسكتي يا أم لسان
روئ وهي قاطه الميانه:ثوفها تدول عني أم لسان انا حلوه أثلا صح
فيصل:أنتي أحلى بنت في هالدنيا ويله اختاري اللي تبغينه وما عليك من احد....وهو يطالع حنين
حنين تأففت وما ردت
صاروا يمشون و روئ ما قصرت ما خلت شي ما خذته ولما جاو عن المحاسب وفيصل طلع بوكه
حنين:وش تسوي
فيصل:أحاسب
حنين :لا انا بحاسب
فيصل عصب :نعم أقول خلي فلوسك معك وما في احد بيحاسب غيري
حنين:بس الأغراض لأختي
فيصل:انا شريتها لها من طيب خاطر وما ابغى اسمع هالكلام البايخ مره ثانيه
حنين بعناد:طيب حاسب بس الأغراض خذها معاك بيتكم
فيصل وهو يلتفت علشان يتأكد ان محد سامعهم:وش هالكلام تركي عنك الحركات اللي مالها داعي وبعدين تقدرين تدفعين 150 ريال
حنيني نزلت راسها وعرفت انه ما تقدر :لا...ورفعت راسها بسرعه:بس بيكونون دين برقبتي ولا والله ماراح نأخذ أي من هالأغراض
فيصل باستسلام:طيب خلاص مثل ما تبغين
حنين:زين
ورجع حاسب وخذا الأغراض ورجعوا السياره و روئ ركبت قدام وصارت تاكل من الحلويات اللي شرتهم
روئ وهي تمد يدها بجالكسي:هنين احدي (حنين اخذي)
حنين:لا ما ابغى حبيبتي
روئ بفرحه:احدي من يديني....وهي فرحانه بكل هالحلويات والجالكسيات والبسكويت
خذت حنين الجالكسي:شكرا حبيبتي
وفيصل انرسمت على وجهه ابتسامه خفيفه لأنه يدري انها ما تبغى تأخذ لأنها من فلوسه وهو اللي دفع الحساب
وصلو ونزلوا وهم قريبين من الباب انفتح الباب بقوه وهم وقفوا مذهولين
&&&&&&&&&&&&&&
في الحديقه
عبدالمجيد:حبيبتي هدي وان شاء الله كل شي بيتحسن
عبير:أمي تركت البيت وأبوي طرد خالد وما ظنتي بنرجع مثل أول
عبدالمجيد: حبيبتي أنتي اذكري الله
عبير:لا اله إلا الله محمد رسول الله
عبدالمجيد: أنتي قاعده لحالك
عبير: لامعاي سحر
عبدالمجيد:زين لا تقعدين لحالك ماشي ياروحي
عبير:طيب
عبدالمجيد:ياليتني جنبك الحين
عبير:من قال انك مو معاي الله لا يحرمني منك
عبدالمجيد ابتسم:ولا منك يله سمعيني صوت ضحكتك اللي أحبها
عبير:كيف اضحك والدنيا خربت وبيتنا أنهدم
عبدالمجيد:ان شاء الله ما أنهدم ولا شي وعمي بيعرف انه غلط بها الزواج ويرجع كل شي مثل ما كان
عبير:تظن
عبدالمجيد: ان شاء الله
عبير:ان شاء الله عبدالمجيد انا لازم أروح سحر تناديني
عبدالمجيد:طيب حياتي بس أنتي ارتاحي وإذا حبيتي تقولين أي شي ان شاء الله لو الساعه3 الفجر اتصلي اوكي
عبير:اوكي مشكور
عبدالمجيد:العفو هو انا لي غيرك أو عندي أغلى منك
عبير:احبك مع السلامه ..وصكت الخط بسرعه
عبدالمجيد وهو يضحك على خجلها:يا لبى قلبك ...وتنهد على حالها
جاه صوت من وراه :وش فيك وش هالتنهيده
عبدالمجيد:ابد بس كاسره خاطري عبير
الجوهره وهي تجلس:وش أخبارها
عبدالمجيد:متاثره كثير وزعلانه ومتضايقه
الجوهره:عاد عبير حساسه الله يعين
عبدالمجيد:ياليت الظروف غير كان انا الحين متزوجها
الجوهره:الله يهدي عمي ويجي يوم وهالحقد اللي في قلبه يزول
عبدالمجيد وهو مبين عليه الضيقه:أمين
الجوهره وهي تمسك يده:الله يجمعكم
عبدالمجيد:ان شاء الله إلا وين خالتي أم دلال
الجوهره:راحت من نص ساعه على بيتهم
وتذكرت :ايه صح ترى خلينا ملكت دلول وماجد بعد أسبوع معاي
عبدالمجيد بفرحه:هههه يعني ماجد ملكته الأسبوع الجاي
الجوهره:ايه
عبدالمجيد:الله يوفقه هالمرجوج
الجوهره :ههههه
سمعت صوت جوالها يعلن عن مسج فتحته((كل طلباتك أوامر وراح تتنفذ مهما كانت ))
الجوهره ابتسمت بسخريه وسألت عبدالمجيد:انت بلغت طلال إني ابغى الملكه مختصره وعائليه مره
عبدالمجيد:ايه قلت له
الجوهره:زين
وسكتوا وكل واحد فكره شارد
&&&&&&&&&&&&&
الساعه 7 مساء
للحين تتصل وما يرد عليها
سحر:يا ربي هذا ليه ما يرد
وأخيرا رد عليها
سحر بسرعه:خالد وش فيك ما ترد عليه من الصبح وآنا اتصل عليك
خالد بعصبيه وصوت الموسيقى عالي من عنده:خير وش تبين
سحر :وش أبغى يعني ابغاك تجي نشوف حل
خالد :بعدين بعدين مو فاضي لك
سحر:وشو اللي بعدين يا خالد انا لازم اشوفك
خالد: ماله داعي تشوفيني قولي وش تبين
سحر:أفكر اننا نطلع انت وآنا وعبير في شقه بروحنا ها وش قلت
خالد:وتبغيني أتحمل مسؤوليتكم ان شاء الله
سحر:ليه مو أخونا
خالد:وإذا أخوكم شوفي عاد تراني مو ناقص قلق
سحر:شلون الحين يعني
خالد:يعني خليكم في مكانكم وآنا عندي أشغال إذا خلصتها ذيك الساعه نشوف وش نسوي
سحر:وش أشغاله يا حسره لا تقول لي موضوع الجوهره
خالد:أقول سحر باااي
سحر :استنى ......
وصك الخط وما خلاها تكمل كلامها
جاتها عبير:ها رد عليك
سحر بعصبيه:ايه رد ويا ليته ما رد
عبير:وش قال
سحر:اغسلي ايدك منه ما وراه منفعه امحق اخو
عبير:وش راح نسوي الحين
سحر:البسي عبايتك
عبير:ليه
سحر:انا ميته جوع خلينا نروح مطعم نتعشى وبعدها نفكر لاني إذا جعت يتعطل التفكير عندي
عبير ابتسمت:طيب...وراحت
رن جوالها شافت الرقم ما عرفته وما ردت عليه وظل يرن ويرن لحد ما عصبت من اللي مصر على الاتصال وردت:خير وش هالازعاج يعني ما ردينا خلاص لا تتصلون
تركي:أسف ما قصدت أزعجك
سحر سكتت لأنها عرفت الصوت وهي ما توقعت ابد تسمع صوته
تركي:أنتي معاي ولا انقطع الخط
سحر:من تركي
تركي بابتسامه:ايه وأتمنى إني ما أزعجتك
سحر بهدوء:لا لا ابد أسفه على طريقه ردي
تركي:لا عادي بس حبيت اتطمن عليك يعني أنتي طلعتي بسرعه واسمحي لي خذيت رقمك من شوون الموظفين وقلت اتصل اسأل عسى ماشر
سحر تذكرت مصيبتها وتنهدت:خلها على الله
تركي تنهيدتها خوفته:سحر فيك شي الأهل فيهم شي
سحر :لا الحمد لله ما فينا إلا العافيه
جات عبير:انا جاهزه يله
سحر وهي ترد على عبير:استني شوي
عبير: طيب بس سحر احنا لازم نمر على أمي أكيد هي الحين زعلانه بعد اللي سواه أبوي فيها
سحر:أكيد حبيبتي
عبير:يله خلصي انا بستناك
سحر:طيب ...ورجعت للجوال :أسفه خليتك على الخط
تركي:لا ابد بس بغيت اتطمن وتطمنت واكرر اعتذاري على إزعاجك
سحر:لا تقول كذا بالعكس....وسكتت
تركي ابتسم:طيب مع السلامه
سحر:مع السلامه ومشكور على الاتصال
تركي:العفو
صكرت الخط وهي تفكر
سحر:معقوله القى الحل عنده والله اتصاله جاء في وقته هو يعرف السالفه كلها ويمكن يقدر يساعدني بس لا لا يا سحر أنتي بروحك طايحه من عينه لا تنكرين انك دائما تشوفين نظرات الاحتقار بعيونه بس هو اتصل فيني يعني مهتم
قطعت أفكارها صوت عبير:وين سرحتي
سحر:لا ولا شي يله نروح
وراحت تلبس عبايتها وهم نازلين لقوا ميساء في الصاله
قامت من مكانها ووقفت قدامهم:على وين ان شاء الله ها بدت الهياته
سحر التفتت علي عبير وقالت بسخريه:تدرين أختي في ناس يصدقون نفسهم أكثر من اللازم ويظنون ان الشي إذا توسخ ممكن ينظف بس ما يدرون ان الوسخ يظل وسخ
ميساء :وش قصدك
سحر رفعت يدها ودفة ميساء من كتفها بقوه لحد ما طاحت على الكرسي اللي وراها
سحر بغرور وكبرياء وكان شخصية سحر القديمه الخبيثه رجعت:حبيبتي عبوره خلينا نروح الطريق صارت نظيفه وأنتي رحتي فوق ولا رحتي تحت تظلين أنتي والجزمه شي واحد
ومشوا وطلعوا وركبوا السياره وتحركت
عبير وهي تطالع سحر
سحر باستغراب:وش فيك تطالعيني كذا
عبير على طول حضنتها:ههههه ههههههههه يالله والله بردتي شوي من حرتي والله ان أختي طلعت قويه
سحر:افا عليك انا سحر مو حيا الله أي حدا
عبير:الحين فهمت لما قالت أمي سحر قدها وقدود
سحر ابتسمت صحيح هي وأمها على خلاف دائما بس مع كذا تحس ان كل وحده فاهمه الثانيه أكثر من نفسها
سرحت بأفكارها وعبير ما حبت تخرب عليها ترتيب أفكارها فالتزمت السكوت
&&&&&&&&&&&&&&&
رجع البيت وهو يفكر قابلته شهد على الدرج:هلا والله بفصفص
كمل صعوده الدرج ولا رد عليها
شهد:وش فيه هذا
دخل غرفته ورمى نفسه على السرير وهو يحط يديه على عيونه ويضغط عليهم بقوه اليوم كان بالنسبه له يوم لا يمكن ينساه
قام وجلس ونزل غترته عن كتفه وصار يقول لنفسه معقوله اللي صار
قام يأخذ له شور وهو تحت الدش والماء الدافي رجع بذاكرته
وصلو ونزلوا وهم قريبين من الباب انفتح الباب بقوه وهم وقفوا مذهولين
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك