رواية حقوق العشق محفوظة -10
دنيا _ ايوا تلاقيك سهرانة مع المراهق حقك
اسيل _ دندون احترمي حالك
دنيا _ شافت صورة ياسر في التلفزيون وجالسة تستهبل وتسوي انها بتدوخ وبتطيح وه فديت ام جابتك ياشيخ
غرام _ وه فديتك ياقلبي
دنيا _ رمتها بالمخده اقول احترمي حالك يسوري لي فاهمة
غرام _ ليه مسوية عليه عقد احتكار
دنيا _ اعطت غرام نظرة وكملت تناظر في ابو عزوز
فرح _ الله يشفيكم مما بلاكم
غرام _ انتي انطمي وخليكي في فيصل وبس
فرح _ يكفيني بعد روحي انا
دنيا _ يلا اسكتوا الا تتنفس ياويلها بدت المبارة
وجلسوا البنات يعصبوا وشوية يضربوا بعض كل ماجات هجمة لسنغافورا ودنيا مسوية ازعاج وتقوم تسلم على ياسر القحطاني في التلفزيون
وعند الشباب نفس الحالة بس على ادفش بصراخ وشي
دنيا _ ايوا ايوا يافريدي
هيام _ جيبها الله يسعدك
البنات بصوت واحد _ هياااااااااااااااااااا قووووول بص شوف احمد بيعمل ايه بص شوف السعودية بتعمل ايه وجلسوا يغنوا واصواتهم وصلت عند العيال
واشباب قاموا يصفروا ويصفقوا ومسوين حالة
وبعدها بدقايق اتسجل الهدف الثاني للسعودية وكان نفس الحالة وانتهى الشوط الثاني معلنا فوز السعودية على سنغافورا 2 _ 0
طبعا العيال محتفلين في الحوش ويغنوا ويتصورا وناوين يروحوا بالسيارات اللي كاتبين فيها ولوحات واعلام وشي خيال
دنيا _ بنات في صوت تحت شكل العيال بيخرجوا
غرام _ لا هذي خيانة
هيام _ خلونا نطب عليهم
روان _ استنوا اشوف عمور ايش عندهم وكان صوت التعليق في الاستديوا التحليلي اعلى شي
روان _ قول والله عمور
عمار _ والله
روان _ بنات يقول انهم بيروحوا الكورنيش يشجعوا ومشرعين السيارات
دنيا _ مسويه نفسها تدوخ لا هذي خيانة
فرح _ بس انتي خلعتي كتفي كل شوية ودايخة لنا
حنان _ قولي لهم ياخذونا معاهم
روان _ تكفي خذونا معاكم نهيص
عمار _ اشوف الشباب وارد عليك
خالد _ يلا خليهم يجوا انا ماعندي مانع
محمد _ لا والله هذي اللي ناقص بنات يروحوا يشجعوا كمان
فيصل _ يارجال عادي مو معانا مافي احد غريب
عمار _ ايوا خلاص حرام خلوهم يتونسوا نص يركبوا مع خالد ونص معايا وانتم روحوا بسيارة حمود
احمد _ خلاص ابو حميد عادي خلهم يجوا يلا عمور دق عليهم ينزلوا
محمد _ خلاص دق عليهم وامري لربي
روان _ لا من جدك تسلم يااحلى واحسن واجمل اخ
عمار _ هههههههه يلا بس بسرعة قبل الزحمة
روان _ طيران ونازلين
قاموا البنات ولبسوا عبيهم وشالوا معاهم الاعلام حقتهم ونزلوا
الشباب كانوا جالسين في سييارة محمد ينتظروا البنات عشان يحركوا مع بعض
رهف على طول راحت جري وركبة عند خالد قدام وجوا فرح وحنان واسيل وغرام وغرام هي اللي سحبتهم حابة تحرج دنيا مع عمار ودخلوا السيارة
دنيا فوق تلبس لسه مانزلت واول مانزلت شافت الكل داخل السيارات الا عمار واقف عند سيارتوا واول ماشافها ابتسم وقال لها يلا دندون سريع
دنيا طنشت عمار وراحت فتحت باب سيارة خالد
غرام _ نعم خير وش تبي
دنيا _ وخروا بدخل
خالد _ فين تدخلي السيارة ماتكفي روحي عند عمار هناك
دنيا _ بقهر ماابغى
غرام واسيل جالسين يضحكوا
خالد _ غرام سكي الباب الشحاتين كثروا في هذا الزمن
دنيا _ سكوا الباب في وجها وانقهرت منهم واول مارفعت عينها شافت عمار واقف وساند نفسوا على باب سيارتوا وياشر لها تعالي ويبتسم بعد
دنيا _ هيييييييييين انا اوريكم ومشت وراحت قربت من سيارة عمار
عمار _ مو قايل لك من البداية تعالي معايا
دنيا _ اعطت عمار نطرة قوية وفكت الباب ودخلت وسكرتوا بقوة
عمار دخل السيارة وهو مبسوط ان دنيا معاه
روان _ ليش اتاخرتي دندون
دنيا _ كنت البس ولمن نزلت مارضيوا يركبوني هناك
هيام _ ليش طيب رحتي هناك وانتي شايفة السيارة مليانة
دنيا _ طالعة في هيام بقهر ودها تقوم تضربها
شهد _ والله انك دلخة يادندون احد يسيب الروحة مع عمور ويروح مع خويلد النحيس
عمار _ ابتسم ولقاها فرصة وطالع في المراية ايوا هذا انتي قلتي ياشهودة احد يسيب عمور ويضحك
دنيا في نفسها _ مالت
في سيارة محمد
الشباب كلهم طالعين ومرسمين وجهيهم واحمد طالع وماسك علم السعودية وفيصل ياشر بيده على علامة النصر ويصفروا هذا غير صوت الاغاني اللي واصل اخر جده
رهف_ خالد شوف وش يسوا نبغى نهيص مثلهم
خالد _ طيب اطلعوا مافي مانع
اسيل _ وااااي وناسة والله انك فله ياخلود
خالد _ هلا والله بمرت بسوم عاد كلهم يطلعوا بس انتي لاانتبهي والله بسام يقطع رقبتي
اسيل _ خدودها حمرت من الخجل
غرام _ اقول خلود يلا افتح الشبابيك وخلينا نصهلل
شهد _ وه بنات شوفوا البنات وش مسوين
هيام _ وجعععععععععع حتى احنا بنطلع زيهم
دنيا _ اه قلبي اه انا قايلة اروح مع المنسم خلود ابرك
عمار وهو يطالع في المراية في عيون دنيا _ بسم الله على قلبك دندون ومن قال لك اني بعارض يلا اطلعوا وهيصوا مثلهم واحسن كمان وانا بترقص عشان اقهرهم >>> يلعن ابو الفله اللي عندكم اخوان وناسه
دنيا نست نفسها ونست مواقفها مع عمار _ روح ياشيخ فديتك انا بس ارفع الصوت خليني اقوم احوسهم هنا
عمار ارتسمت على وجه ابتسامه كبيرة وفرح من الكلام اللي سمعوا اما هيام مااستوعبت الكلام اللي قالته دنيا وماصدقت اذنها
روان طلعت من الطاقة وتاشر لغرام موتوا حرة انتم بس فاتحين الطيق وتصفقوا اما احنا شوفوا
غرام _ بنات الحقوا شوفوا وش مسوين
رهف _ خلينا نطلع زيهم
خالد _ لالا اخاف تطيحوا وابتلش فيكم
اسيل _ وش معنى هما
خالد _ هذا عمور متهور خليهم لمن يطيحوا ينشب فيهم
في سيارة عمار
دنيا ناسيه نفسها مرة الحماس ماخذها _ وتصفق وهيا وتردد ورى الاغنية وصوتها كله في الشارع طالع والشباب كلهم متحمسين ويطالعوا في سيارة عمار
محمد _ شوف الهبل ذول وش مسوين
فيصل_ هههههههههه والله شكلهم حلو جيبوا الكاميرا خلونا نصورهم
عمار _ دندون انتبهي لاتطيحي
هيام _ ماعليك منها هذي بسبع ارواح
عمار _ لا والله انا اخاف عليها انتبهي يابنت
دنيا _ ماعليك عمور لاتخاف
عمار _ كان مرررة مبسوط حس ان دنيا بدت تتقبلوا
روان مطلعة الشال وتصفر وعمار جالس يرقص وكانوا مشغلين اغنية
قصي ومراد ومحمد الزيلعي حيو السعودي والصوت منتشر في جميع ارجاء جده
بالطول بالعرض سعودي يهز الارض
بالطول بالعرض سعودي يهز الارض
وجينا اليوم نشجع يا اخضر يلا بدع
شوف زحمة المدرج على فنك يتفرج
وصل الاعصار الصقور يهز الملعب على طول
حاظرين وكلنا شهود سعودي قدها وقدود
حيو السعودي حيوة سعودي مافي زيه
العب وربي يرعاك يااخضرنا حنا وياك
الاخضر هذا زلزال ورى خصمه الاهوال
هز الارض هزة كله شموخ وعزة
اخضرنا حنا وياه يبغى الفوز يبغاه
اخضرنا وسعودي سيد كل الابطال
حيو السعودي حيوة سعودي مافي زيه
العب وربي يرعاك يااخضرنا حنا وياك
هاجم يلا قدام واحنا نشيل الاعلام
هجمة سعودحاول يلا هدف وبأسمك احنا نهتف
اخضر وياما قد فاز انجاز ورى انجاز
حيو السعودي حيوة سعودي مافي زيه
العب وربي يرعاك يااخضرنا حنا وياك
يااخضر اصحى لاتفوت فرصه
لعبك ذوق واخلاص بيض وجيه هالناس
ويلا خذ ياكابتن بكورة حلوة سلطن
يااخضر كلنا شهود انك قدها وقدود
حيو السعودي حيوة سعودي مافي زيه
العب وربي يرعاك يااخضرنا حنا وياك
يا فنان للكورة يعزف الحان
دنيا _ عمر انت عندك تندا
عمار _ بابتسامة تطيح القلب افاااا عليك سيارة اكورد 2010 ومافيها تندا
دنيا _ حماس اجل فكها وخليني انطلق في الهواء الرحب
الكل جلس يضحك على دنيا وهبلها
جلس الكل مهيص وكل ناس في سيارتهم وفرح رجة حنان تقلها تكفي صوري فصولي
حنان _ اقلك اهجدي ليه انا بس بخلي الكاميرا على فيصل انقلعي بصور الكل
غرام _ فروحة اهجدي خليها تصور على كيفها
اسيل _ انا نفسي اشوف الاشرطة اللي عندك ياحنونة من يوم ماعرفتك وانتي بالكاميرا حقتك
حنان _ راح اوريكم الاشرطة كلها بس مو دحين والله لوتشوفها راح تدوخوا
رهف _ ههههههههههااااااااااااااااااااااااي شوفوا عمور وش يسوي
عمار كان يطلع يدوا من السيارة ويرقص
خالد _ افاااااااا وانا ولد ابوي عمور يترقص وانا لا
غرام _ يلا قوم بدع
وقام خالد يسوي حركات ويستهبل وكل اللي في السيارة فاقعين ضحك عليه
عمار _ عادي حطي رجلك هنا واطلعي
دنيا وهي متحمسة حطت رجولها قريب من فخذ عمار والرجل الثانية بمقعدة روان وطلعت من التندا
عمار هنا مو مصدق عمره من الفرحة ان دنيا لاصقة فيه ولا جالسة تغني وترقص بعد
هيام طالعة من الطاقة وفي نفسها دندون هذي اكيييد مجنونة شوف كيف رجلها لاصقة في عمار اكيييد مو حاسة بنفسها
روان اقول دندون انزلي خلص دورك انا بطلع
دنيا _ عمور شوف اختك خليها تهجد عني والله مستانسة
عمار _ ابتسم لدنيا وقال لروان خلاص انتي اخرجي هنا عاد كله الا بنت العم ماتزعل علينا
دنيا _ تسلم والله ياقمر انت وانتبهت على زلة لسانها وطالعة في عمار اللي كان مبتسم وضروسه باينه
دنيا في نفسها _ انا ايش فيا لايكون فهم شي غلط والله اني هبلة وكانت تطالع عمار اللي مبسوط وجالس يرقص وعينوا ماشالها من عليها
دنيا في نفسها _ ياحليلوا وهو مبسوط بس انا شكلي زودتها وحست باحساس غريب ناحيت عمار >>> تتوقعون انها حبتوا
في سيارة خالد
رن جوال غرام وردت على بندر
غرام _ الوووو
بندر _ سلام على احلى صاحبة الووو بالدنيا
غرام _ سلملمين
بندر _ كيفك وحشتيني
غرام _ بخير وانت بعد
بندر _ وش هالصوت اللي عندك انتي جالسة بدسكوا ولا ايش
غرام _ هههههههه لااليوم المنتخب فاز ونازلين نشجع
بندر _ حركات والله ليني في جده بس كان نزلت معاك وقزيتك قز
غرام _ اقول عاد استح على وجهك
بندر _ هههههههه طيب عمري لمن تروحي البيت كلميني ماشي
غرام _ اوكي يلا سي يوووو
بندر _ باي
ونزلوا البحر وشجعوا وراحوا تعشوا في افخم المطاعم وعلى حساب عمار
كانوا الشباب جالسين في طاولة والبنات في طاولة
حنان _ والله اليوم كان مرة وناسه
فرح _ كانت تكلم فيصل في جوالها واسيل كانت تكلم بسام
هيام _ ايوا والله مرة فله ليت المنتخب كل يوم يفوز ونسوي كذا
دنيا _ ههههههههههههه طالعوا بالله هالمراهقتين بشويش فمكم لاينشق من الابتسامة اموت واعرف وش يقولون
غرام _ بصوت واطي كلمي عمور وشوفي وش يقولون
دنيا _ ضربت غرام على كتفها بالخفيف انقلعي
اسيل _ دندون ارخي صوتك مو سامعة
دنيا _ عساك ماسمعتي وانا ايش دخلني تبغى تسوي مصخرة روحي برا احنا جاين نهيص
اسيل _ وجعععععععع بالعة مسجل
دنيا _ قولي ماشاء الله قولي
اسيل _ تطلع لسانها لها ماني قايلة ايوا حبي ورجعت تكلم بسام
وجلسوا البنات سواليف وضحك ومضاربات وتريقة بسبب دنيا اللي ماتهجد وعند العيال الحال ماكان يفرق كثير نفس الشي تقريبا
رجعوا البنات وكملوا السهرة في بيت دنيا وماخلوا شي على نفسهم
غرام _ بنات وش رايكم نقوم نسوي عرض ازياء ونستهبل شوية
دنيا _ يلا فكرة بس اخاف ملابسي ماتجي قدكم
غرام _ لاماعليك ترى تقريبا مقاربين لبعض
اسيل كانت ماسكة حنان في زواية تكفين ابغى اشوف الصور
حنان _ مافي لمن اسوي نسخ من الاشرطة لكم كلكم
غرام _ هيا بنات قوموا
وقاموا دخلوا غرفة ملابس دنيا وانقلبت فوق تحت كل وحدة تدور لها شي تلبسه وطبعا كلهم لبسوا مشخلع << ترى هالكلمة متعوب عليها ههههه
دنيا لبست تنورة جينز تقريبا طولها شبر ماتتعدى عن كذا وبلوزة سودا وفيها كتابات ومرسوم عليها شكل بنت كيوووت وكانت البلوزة توب وطلع شكلها واااااااو
غرام _ لبست فستان قصير مرة لونه اورنج وربط في الرقبة وجلجلت شعرها وطلعت تهبل
اسيل _ لبست برمودا رمادي وبلوزة بيضه الظهر كله برا وطلعت كانها عارضة ازياء
فرح _ لبست فستان مموج بلون احمر وابيض وكان بحمالات ومشخلع
حنان _ لبست شورت كرهات احمر واسود وابيض وبلوزة حمرا توب وطلع شكلها مرة كيييييوت
روان _ لبست تنورة نص الفخذ فوشي وبلوزة بيضه البطن كلها شفاف وفتحة الصدر كبيرة
هيام _ لبست بنطلون اسكيني جينز فاتح وبلوزة خضرا وتقريبا كان صدرها وظهرها ووسطها كلوا برا كانها مو لابسة بس طلع شكلها حلو
رهف وشهد طبعا جالسين في غرفة رهف وطاقينها سوالف ومارضوا يستخفوا مثل شلتنا
حنان _ يلا استعدوا ببتدي اصور واول وحده نزلت من الدرج كانت دنيا ومسوية فيها حركات زي عارضات الازياء ولابسة كعب وجالسة تتمخظر في الدرج لين مانزلت وبدوا البنات يصفقوا ويصفروا واشتغلت اغنية اللي بتقصر تنورة اللي بتقصر تنورة تلحقها عيون الشباب هيييييييييييييييييي وهيا بحالها مغرورة ............. وبدت دنيا ترقص عليها وسوت هبل وهذا كله مسجل في كاميرات حنان
وبعدين جا دور غرام ونزلت من الدرج وسوت حركات حلو وكان شكلها مرة جذاب خصوصا الاورنج كان عليها مره حلوة ونزلت على اغنية شفتا بشارع الحمرا وقامت ترقص عليها وسوت حركات تجنن
وبعدها جا دور فرح ونزلت وكل وحدة تنزل تسوي حركات غير وعلى اغنية غير وانبسطوا مره
دنيا هيا بنات نقوم نرقص غربي ونستهبل
فرح _ يلا وش ورانا غير الهبل
قامت دنيا وجابت سيدي الاغاني الغربية جلسوا يضحكوا ومسوين الجو كانهم في ديسكو وكل هذا مصور عندهم
دنيا _ اااااااه والله خسيت مليون كيلوا على هالتقز بقوم اشرب مويه مييييييين تبغى
حنان _ جيبي معاك البرادة كاملة
هيام واقفة قدام المكيف وانا بروح انط في المسبح واشرب كل المويه
في المطبخ ....
دنيا واقفة عند البراده وجالسة تشرب مويه وانشرقت يوم سمعت صوت
عمار _ رتنا سوي اثنين دله قهوة بسرعة
دنيا _ من الخوف حست ان رجولها مو قادرة تشيلها خصوصا وهي بهذا اللبس ومارضيت تلف من الخوف
عمار _ كان ماسك الجوال وماانتبه لها لف على جهة المطبخ ر ..... ر.. رتناااااااا سوي
عمار _ دندووننننننننننننننننن
دنيا _ مو عارفة كيف تتصرف وكيف تمشي قدام عمار وهيا كذا وكيف تخرج من الباب وبدون ماتحس لفت وجها وكانت مره خايفة ومرتبكة ماهي عارفة كيف تخرج تحس ان عقلها انشل
عمار في نفسوا _ وه فديت هالجمال انا لاكمان لابسة قصير تبغاني ادخل غيبوبة دي وجلس يقز بعيونوا دنيا اللي كانت متجمده في مكانها ومو عارفة تتحرك
عمار _ معليش اسف ياقلبي كنت ابغى رتنا
دنيا _ .........................
عمار _ بابتسامة تطيح القلب تصدقي دندونتي شكلك اليوم مرة حلو
دنيا _ .............................
عمار _ يطالع في دنيا من فوق لتحت والله انك تجنني يابنت العم ورمى لها بوسة في الهوا وخرج من المطبخ
دنيا _ ............................... ( منصدمة )
جات هيام ومسكت وشافت دنيا واقفة مصنمة
هيام _ دندون وش فيك ساعة تشربي مويه والله عطشت
دنيا _ ........................
هيام _ جات ومسكتها من ظهرها ايش فيك يابت اتكلمي
دنيا _ .........................
هيام _ تهز دنيا وتضرب على خذها بالخفيف دندون اهرجي لاتخوفيني عليك
دنيا _ ع ع ........... عماااااااا...ر
هيام _ ايش فيه عمار ايش دخل عمار اصلا
دنيا _ بنفس متقطع كااااا....ن هنا
هيام _ فتحت عيونها الاثنين وشافك وانتي كذا
دنيا _ تهز راسها بالايجاب
هيام _ طيب امشي امشي خلينا نروح عند البنات
&&&&&&&&&&&&&&&&&&&&&&&&
خالد _ بدري يابو الشباب هذا كله تروح تقولها سوي قهوة
عمار _ لابس نسيت درب المطبخ من وين
احمد _ لاتكون دخلت من وسط البيت ترا البنات جوا
عمار _ لا انت مجنون رحت من الباب الخارجي بس مالقيت رتنا وفي نفسوا لقيت دندون فديتها انا
فيصل _ خلاص ياعيال والله انا جاني النوم بروح يادوب الحق اوصل فروحة واروح البيت انام
خالد _ لاماعليك دام فيها فروحة راح تصحصح وتقوم زي الحمار
فيصل _ نعممممم وش قلت
خالد _ اقول تقوم زي الحصان
فيصل _ ايه احسب كاني سمعت شي ثاني
خالد _ لايارجال افااا عليك انا ماتطلع مني العيبه
محمد _ الا قول انت العيبة كلها
العيال _ هههههههههههههه
&&&&&&&&&&&&&&&&&&&&&&&&&&&&
جلست دنيا وهي شويه وتبكي مرة منحرجة من الموقف
غرام _ تصدقوا جاني النوم
حنان _ والله حتى انا
روان _ وانا كمان اليوم مرة اجهدنا نفسنا صراحة شكلي اتصل على عمور واروح البيت
دنيا اول ماسمعت اسم عمار حست انها شويه ويغمى عليها _ لا ليش باتي اليوم عندنا
روان _ لا والله مرة مقدر بروح اريح وبكرة وانا طابة في وجهك
هيام _ انا راح اجلس يادندون
دنيا _ ومين عزم عليك يلا برا من غير مطرود
هيام _ افااااا وانا اللي جالسة اتخدع في سوسو عشان ترضى لنا
دنيا _ هههههههه لاامزح وترى البيت صار بيتك اكثر مني
فرح دق عليها فيصل وراحت وران اتصلت على عمار بس قلها انه اليوم راح يبات مع خالد وانها تروح مع عادل وراحت
في الصالة
حنان _ لاياشيخة والله فشلة
دنيا _ والله مااكذب
غرام _ لاجراته مو طبيعية
حنان _ ايوا صح بس انا اوريك يادندون يانذلة من يوم الكباين كل هذا يصير وماتقولي لي
دنيا _ وين اقلك انتي شفتي فرصة جات وبعدين لمن كنا نسهر انتي والهبلة الثانية تروحوا تناموا
وجلسوا البنات سواليف في الصالة لين الساعة 8 الصبح وقاموا فطروا حنان انا خلاص بروح
دنيا _ ياشيخة اجلسي باتي عندي اليوم
حنان _ تبغي حمود يقطعني وصلة وصلة
دنيا _ ايه صح نسيت ان محمد مايرضى
غرام _ خلاص حتى انا بتصل على السواق واروح ها اسولة تبغي تروحي
اسيل _ ايوا خلاص مرة
دنيا _ والله ان ماعندكم سالفة اجلسوا باتوا انتم صيع مافي احد يقول لكم لا
اسيل _ والله دندون خليها مرة ثانية مرة تعبانة من امس مانمت
دنيا _ انتي اسكتي يانذلة تنامي عند غرام وماتنامي عندي وبعدين انا مو مسؤولة عن سهرك مع مراهقك
هيام _ بس فتحتي القناة حقتك
دنيا _ الله واكبر عليك قولي ماشاء الله انتم لمن تسدوا حلقي من عيونكم
هيام _ طيب تعالي قربي
دنيا _ ليش
هيام _ عشان اتفل عليك وتضمني ان العين ماتصيبك
دنيا _ وععععععععع اله يقرفك يالوصخة
البنات _ ههههههههههههههههههه
&&&&&&&&&&&&&&&&&&&&&&&
خالد _ ياهلا والله منورة الغرفة
عمار _ منورة بااهلها
خالد _ يلا بس خلينا ننام ورانا سهرة اليوم
عمار _ ايوا يلا
&&&&&&&&&&&&&&&&&&&&&
دنيا _ والله ياهيومة مدري ايش قصدوا
هيام _ والله اقصها من هنا لو ماكان يحبك
دنيا _ يحبني من كم نظرة بس
هيام _ انتي طالعي في نظراته وابتسامته ليك وتعرفي
دنيا _ تصدقي اني خايفة
هيام _ انو يحبك
دنيا _ امممممممممممم
هيام _ والله يادندون عمور مرة طيب وحبوب شوفي رونا وش تقول عنه تقول انه مرة حبوب وصراحة لايق عليك
دنيا _ هيوم بالله اسكتي
هيام _ ليش هذي الحقيقة دندون اقلك شي بس ماتزعلي
دنيا _ قولي
هيام _ صراحة تكوني غبية لو ماتحبي عمور والله ولد مايتفوت
دنيا _ ياثقل دمك بس حسستيني انوا جاي يخطبني دحين
هيام _ وتشوفي ان ماخطبك
دنيا _ اقلك شي هيوم
هيام _ اممممم
دنيا _ يوم كنا في السيارة نشجع امس حسيت انه حبوب وحسيت احساس غريب وانبسطت يوم شفتوا يضحك رغم اني لاحظت اني زليت بلساني
هيام _ مبتسمة يعني حبيتيه
دنيا _ لا مو حبيتوا بس احس ان حركاتوا حلوة صح هو جرئ مررررة بس مدري احس اني انبسطنا معاه
وكملوا سواليف عن عمار خلونا نروح عند اسيل
اسيل _ والله ياماما كان يوم مرة حلو
ام اسيل _ صراحة صاحباتك مره حبوبين الله لايحرمكم من بعض
اسيل _ يارب يلا مامي انا بروح انام وصحيني العصر
ام اسيل _ ان شاء الله
اسيل _ يلا تصبحي على خير
ام اسيل _ وانتي من اهله
&&&&&&&&&&&&&&&&&&&&&&&&&&&&
الساعة 7 المغرب في بيت غرام
بندر _ انتي متى راح تروحي تراجعي الجامعة
غرام _ اعطونا شعار المراجعة يوم الثلاثاء والله انهم دوخونا
بندر _ الله يعينك والله هالجامعات مرة حوسة
بندر _ الا ماقلتيلي وش اسم اخوكي
غرام _ ليش
بندر _ عشان اسال عنوا هنا واروح ابلغ السفارة فيه
غرام _ ليش تبلغ عنه وش سوا
بندر _ بروح اقلهم ان عنده اخت دوختني جننتي تهبللللللللللللل
غرام استحت _ هههههههه عناد ماراح اقلك
بندر _ تصدقي غرومة اني ارتحت لك مرة
غرام _ حتى انا
بندر _ لو اقلك شي ماتصدقيه
غرام _ قول وش هو
بندر _ لا السالفة طويلة بعدين اشرحها لك
غرام _ اوك
بندر _ غرومة
غرام _ عيونها
بندر _ تسلم عيونها يارب اسمعي ياقلبي انا بروح اكل وانام بكرة اول يوم دوام بالجامعة
غرام_ طيب بيبي روح وانتبه على نفسك
بندر _ يلا باااااااااااااااااي
غرام _ بااااااياااااات
وسكرت منه وهي فرحانه وتحس بارتياح ناحية بندر وعلى طول اتصلت على اسيل تقولها
&&&&&&&&&&&&&&&&&&&&&&&&&&&
ام هيام سعاد + ام دنيا + العيال كلهم متجمعين وطاقينها سواليف في الحوش
سعاد _ دحين وش راح تدخل ياخالد
خالد _ والله مدري
عمار _ لا خلود بيستنى لمن تجيه بنت الحلال وتدق بابوا
احمد وام دنيا وسعاد _ ههههههههههههههه
خالد _ هييييييييين ياعمور انا استنى بنت الحلال انا لو ابغى ااشر باصباعى البنات كلهم عندي
احمد _ والله اللي بتاخذك ولا اللي بتطالعك قسم ان امها داعية عليها دعوة زي السم
خالد _ ادري ادري تغارون بس وش اسوي الجمال من الله
عمار _ ادعس يالواثق بس روح وش تجي عندي انا
ام دنيا وسعاد _ ههههههههه
ام دنيا _ والله ان سواليفك ماتنمل ياعيال
احمد _ ايه هذا هنا ولو شفتي دندون ورهيف رحتي تجلسي معاهم وحقرتينا
ام دنيا _ ههههههههههه تغارمن خواتك
عمار في نفسوا _ مين الاهبل اللي يشوف دندون ومايقابلها اه بس
&&&&&&&&&&&&&&&&&&&&&&&&&&&&&&&
في اشراقة يوم الثلاثاء
فرح _ خلاص انا جاهزة متى راح تجي
حنان _ دحين انا بخرج بس البنات ماتدري عنهم وين نتقابل
فرح _ لاهما كل وحدة راح تروح تقدم في القسم حقها بعدين نتجمع
حنان _ اهااا طيب خلاص انا نازله
فرح _ باي
&&&&&&&&&&&&&&&&&&&&&
دنيا _ مدري كانت تكلمني وناداها عمار بس انتي خلاص اجهزي انا راح انزل بس اشوف وش تقول رونا
هيام _ خلاص طيب
دنيا_ ماشاء الله عمرها طويل شوفيها تتصل على الجوال خليني ارد عليها
دنيا _ هلا
روان _ اسمعي يابت عمار يقول خلاص هو يودينا ماله داعي نروح نصنا مع السواق ونص معاه
دنيا _ هااااااا لالا ماناي رايحة خلاص انا وهيوم نجي بالسواق
روان _ اقول اهجدي خليه هو يودينا عشان بعدين يغدينا برا
دنيا _ لالالالا يابت ماني رايحة والله فشلة
روان _ عمور تقول دندون مو ماتبغى بيروحوا بالسواق
عمار _ هاتي السماعة طيب هاتيها
دنيا في نفسها وه اللي مايستحي هذا
عمار _ هلا دندون
دنيا _ هلا فيك
عمار _ وش فيك ماتبغى تروحي يلا اجهزوا انا بروح البس وامر عليكم
دنيا _ لا والله عمار مانبغى نتعبك خلاص راجو فيه
عمار _ لا تعبك راحة يابنت العم ويى لاتدلعي علي مو عشان اغليك تتدلعين
دنيا في نفسها _ هذا كيف يتكلم كذا قدام روان اففففففففف
عمار _ وينك انتي معايا
دنيا _ ايوا ايوا
عمار _ طيب يلا قومي البسي وانا دحين جاي
دنيا _ بسسسسسسس
عمار _ ولا بس ولاشي وكمان اليوم انا عازمكم على الغدا وش تبغي اكثر من كذا
دنيا _ ياعمااااار
عمار _ ياعيون عمار انتي بس يلا خلصوا بسرعة
دنيا _ ان شاء الله
دنيا _ شفتي ياهيومه انا هالولد بقوم اذبحه هو وجراته هذي
هيام _ ليش ايش سوى وجلست تحكيها عن كل شي
&&&&&&&&&&&&&&&&&&&&&&&&&&7
روان _ يلا احنا تحت انزلي
دنيا _ اوك
دخلت دنيا السيارة السلام عليكم
عمار + روان _ وعليكم السلام
عمار _ كيفك دندون
دنيا _ الحمد لله بخير انت كيفك
عمار _ طالع في المرايا بشوفتك احسن
دنيا في نفسها وجعععععععععع وش هالوقاحة
راحوا البنات وتجمعوا في الجامعة وكل وحده راحتقسمها وبعد ماخلصوا تجمعوا في الكافتريا يستنوا سياراتهم
غرام _ وااااااااااه والله طفشوني روحي هنا وجيبي ورقة من مدري مالت عليهم
حنان _ لالا الزحمة لاتطاق لو اني واقفة في طابور عيش ابرك
البنات _ هههههههههههه
هيام _ ليه تحسبي نفسك في ام الدنيا يام بدوي وتقولها بلهجة مصرية
البنات _ ههههههههههههههه
محمد _ هيا انا برا اطلعي بسرعة
حنان _ حمود استنى شويه
محمد _ اقول اطلعي بس
حنان جالسة تلبس عبايتها
اسيل _ على وين ليش بدري ان شاء الله
حنان _ وش اسوي له الاخ العزيز حمود
هيام _ والله اخوكي هذا لايطاق عصبي مرررررررره
روان _ حنونة فروحة اجلسوا اليوم الغدا على حساب عمور
فرح _ بالعافيه عليكم انا يادوب الحق اليوم فيصل جاي
دنيا _ ياولد احنا ياحركات وتغمز لها
فرح _ رمت عليها طرف الطرحة انطمي انتي يابيومي
دنيا _ اذا يابنات اليوم النشبة في حلق المراهقة خلونا نروح نوسع صدورنا فيهم
غرام _ هههههههههه ماشاء الله عزمتي نفسك بنفسك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك