رواية love to be loved by you -40
مسك يدي وصار يهدي فيني ...ومن غير شعور مني ميّلت راسي على كتفه ونمت
نايف يمسح على راسها :ليتها تدري باللي داخلي ليت ....ليتني ماعرفتها كان ارتحت يالييييت ...صرت مدمن على شوفها ولاشفتها اثمل من نظراتها ....رغم كل اللي صار مازالت تطري علي ضحكاتها وهي كلها وانسي الضيق واذكر جفاك وصدك واتضايق .....سند راسه على الكرسي وتنهد وهمس:آه يالضيق ترى ماللصدور ازرار...آخ بس لوطرالك ماطرالي كان والله ماتنامين كان تسهرين كل ليلك تنطرين طيفي يطل <<وحب راسي وصار يشمني وهمس:لاجيت اكابر اخدع نفسي واقول ماابيك ترد كل احشائي تفزعلك ماتبي سواك
عند خالد
خالد :هذي كل قصتي معها باءختصار
ساره ابتسمت بالم :لهالدرجه تحبها ؟؟
خالد وهو ناسي نفسه :مووت احبها والله مووت .....هنا صحى على نفسه :آآآآ انا آسف
ساره بكذب:لاعادي خالد الحب عمره ماكان حرام ..لانه هو الشي الوحيد اللي مايقدر الشخص يتحكم فيه ..بس المهم انك تعرف من تحب وشلون تحب
خالد :افهم من كلامك انك كنتي تحبين ؟؟...صدق انا انشغلت ولا سألتك..قد حبيتي ياساره ؟؟
ساره بخجل :أيه
خالد :صدق من يكون هذا ؟؟
ساره :واحد
خالد :ايه ادري انه واحد مو وحده ..بس هو يقربلك ؟؟
ساره :لا
خالد :شلون عرفتيه ؟
ساره :مره شفته يمشي مع عبداللطيف الله يرحمه
خالد :طيب شسمه ؟؟
ساره :اسمه خالد
خالد :صدق يعني نفس اسمي
ساره :ايه ...من شفته وانا قلبي رافض يحب غيره وسويت المستحيل عشان اعيش معه و
خالد :وبعدين وشو كملي
ساره :وبعدها تزوجتك
خالد :وهو الحين متزوج ؟؟
ساره :ايه متزوج ...شفت فيه كل اللي حلمت فيه و....
خالد مايدري ليش حس بغيره :طيب خلاص لاتكملين
ساره :ليش؟؟
خالد :اوهووو بس كذا
ساره :خالد انا قلت شي يزعل ؟؟
خالد :للحين تحبينه ؟؟
ساره وطت راسها
خالد :شوفي ياساره الحين انتي على ذمتي وحاولي تنسين حركات المراهقه هذي
ساره استانست اول مره تحس انه غيران :طيب انا راح انساه اذا انت نسيتها يااا ...يااخالد
خالد بعصبيه:لاتناديني خالد ناديني ابوسالم ...اخاف يطرالك هو اذا ناديتيني باءسمه
ساره بقلبها آآخ مايدري ان بالدنيا كلها محد طرالي كثر ماهو طرالي ..ولاقد تعذبت كثر ماتذبت في هواه
تًدرٍيّ
. . وًشْ آللّيِ يتًعْبِ آلعُمْر . . . . يَ خْوكِ ?
شًخْصِنْ تشٍيلَه فٍيَ
. . . عِيُونْكِ وً يَعْمٍيك
بيت ابومشعل
مشعل يكلم صبآ :هلا صبآ
صبآ:هلا مشعل ..ها بشّر
مشعل :طلع كل كلامه فااضي ...لاعنده لك صور ولافديو كل كلامه لك كان عشان يستدرجك مثل ماقلت لك
صبآ بفرح :صدق يامشعل ؟؟
مشعل بجرئه :صدق ياقلب مشعل
صبآ حست باءحراج :..................
مشعل :آآ انا اسف
صبآ :حصل خير ....قبل لااسكر احب اشكرك يامشعل على وقفتك معي ..صدقني وقفتك معي هذي ماراح انساها طول عمري
مشعل :مابيننا هالكلام واللي يمسك يمسني
صبآ:فمان الله
مشعل :الله يحفظك
شوي الا دق الباب راشد
مشعل:ادخل
راشد :هلا ابوالشعول كيف الحأل
مشعل بفرح :ياهلا برشيد
راشد :هاا مستعد
مشعل كشّر:مستعد وش له ؟؟
راشد :اوه شكلك نسيت عموما انا بروح اخطب الاثنين والخميس بيخطبون لك بنت عمي سلطان
مشعل اللي نسى هالسالفه من باله مع انشغاله بسالفة صبآ ..قام :بس انا ماابي بنت عمي سلطان ماابيها
راشد :شلون ؟؟
مشعل:أللي سمعته انا ماابي غير وحده وبس
راشد :منهي ؟؟!!
مشعل :آآآ وحده
راشد :ايه منهي هالوحده ؟؟
مشعل :صبا بنت خالتي منى
راشد :وانت تحبها ؟؟
مشعل :ايه احبها يااخوي وماراح آخذ غيرها
راشد :وابوي؟؟
مشعل :هذي هي المشكله ابووي بس انا قلت ماراح اخذ غيرها
. . . إلَآ موضوعَ |( التَجـآفيَ)|
بيننـآ مَآتقدروَن !
بأسبانيا
اول يوم كان الجو رهيب ..بداية كانت امطار خفيفه ...وحشني هالجوو من زمان ....رحنا لسآحة اسبانيااللي هي بالصوره
كان فيها مثل المسيره كلهم جنوود ويمشون بنفس الطريقه على انغام الموسيقى الاسبانيه ...بعد المسيره بدت العروض ...مرينا عقبها من شارع ال gran via
كان مليء بالمحلات والماركات العالميه اخذنا فرا وطلعنا وكان فيه واحد قزم صابغ نفسه بلون فضي ...وكان يحط بيده قرش وطلب مني اضغط عليه بقوه ..طلب مني اعد لين الخمسه وعديت وبعدها اختفى بالفعل القرش ...انا ارتعبت قآم القزم ضحك وغمز لي وطلب مني انزل لمستواه ونزلت ...وطبع قبله على خدي وطلب مني افتح يدي ..ألا فتح يدي ولقيت القرش فيه ومت ضحك هالمره ههههههههههههه
نايف قرب منه بعصبيه :are you crazy (هل انت مجنون؟؟)
اما انا فمت ضحك عليه ...وبعدها قدمت للقزم حلاو مدري وش كنت احس فيه بسس حسيته بزر
القزم قرب مني وخذا الحلاو وقبل لايروح ارسلي فلاي كيس وهو يقول (شكرا لكي ياجميلتي )وبعدها هرب اما نايف كان يبي يلحقه ..وانا فقعت ضحك يحط راسه براس قزم موصاحي
نايف :مااظن به شي يضحك
لجين :هههههههه ابد مافي شي يضحك
نايف :دقيقه بس وانا اخليك تضحكين من قلب
بعدها اقتربنا من احد المجسمات اللي كان على بالي انه مجسم ....الجنود اللي يآقفون ولايتحركون اكيد انكم عرفتوهم ...المهم انا صدقت انه مجسم يخرب بيته ماكان يتحرك تقل صنم ... اثناء انشغالي نايف راح وتكلم معه ...من غير علمي لانه كان يفهم شوي اسباني ...اما انا فرحت لطفل اسباني كان يرتدي ملابس بآليه وبيده كمان كان يعزف فيه .....وانا كنت استمع له كان بالفعل محترف ....ودائما المحترفين بداياتهم تكون تعيسه ولكن العبره بالنهايه توقعت انه له مستقبل على عزفه الجميل ....بعد ماانتهى عطيته من المال اللي قدرت عليه وكان حييل مبسووط ضميته لصدري ....يآزينه ياليت كان عندي طفل بجمآل عينه الزرقا ..ولابشعره المخصل الذهبي ....ولكن للاسف وعيت لواقعي المؤلم وصرت ادور على هالنايف
نايف:تعالي شوفي ..تخيلي ان اللي واقف قدامك هذا مجسم
لجين :واااو جد احسبه حقيقه
نايف:ايه مصنوع من الشمع واذا حابه تقربين منه وتشوفين بنفسك قربي
عاد انا ماصدقت قربت منه وصرت الوّح بيدي له ...بعدها جيت ابي المس يده ...شوي الا بحركه سريعه تحرك :بووووووو
انا هنا بلعت العافيه حسيت اني بمووت اخترعت خرعه مايعلم فيها الا الله ...من كثر ماخترعت قعدت اصيح ..ولفيت ادور على نايف لقيته متسدح من الضحك
هنا حقدت عليه من قلب قربت منه وصرت اضربه على صدره وهو مستمر يضحك ...قربني من حضنه وهو يتعذر :خلااص والله آخر مره وربي
لجين :اكررررهك بغييت امووت وانت السبب ياكذااااب
نايف:ههههههههههه خلاص طيب قلتلك ماراح اعيدها انا قلتلك بالاول لاتضحكين لان ضحكتك جازتلي قلت خلني اضحكها هالمره بس بطريقه ثانيه مادريت انك راح تصيحين
لجين :انت واحد كذااب
نايف:هههههههههه طيب كذاااب بس خل نمشي
تبين آيس كريم ؟؟
لجين :طيب
نايف :وقال Te Amo <<بمعنى احبــــك بالاسبآنيJ
عند ام ريآض
عبير :تدرين خالتي جبت رقمه ورقمها
ام ريآض:يما منك شلون ؟؟
عبير :تذكرين حلا ال..... اللي كانت معي بالكليه ؟؟
ام رياض:وانا وش يذكرني فيها ؟؟
عبير :المهم طلعت بنت خالة لجين زوجته والمهم كان اطلب منها رقمها عساس اني وحده اعرفها وقلتلها اذا ماردت علي قالتلي دقي على هالرقم وعطتني رقمه
ام ريآض:والله وطلعتي موهينه ياعبيرووه
عبير:افا عليك خالتي تربية ايدك
ام ريآض:قبل لاتدقين روحي سكتي ولدك اللي مانام من الصبح
عبير :انشاء الله خالتي
ام ريآض:يووه موكن هذا صوت الجرس روحي افتحي الباب خل نشوف من جاينا هالحزّه
راحت فتحت الباب
ام ريآض بصدمه :مريم
مريم :ايه مريم <<مريم هي اخت عبير الكبيره وفيها نقص بعقلها منذ ولادتها
ام ريآض:وش مجيبك بأنصاص الليول وين زوجك هذا وانتي توك عرووس
مريم وهي تتثاوب :طلقني
ام ريآض بعصبيه :من سواياك يالهبله وبعد تقولينها بكل بروود طلقني اصلا انتي موكفو زواج
مريم :يووه وش اسوي فيه هالخبل السرير وش كبره إلا يبي ينام فوقي <<اووت لو سمحتي يامريم من الروايه بسررررررعه
ام ريآض مسكت راسها:عبييير الحقي علي ضغطي شيلي هالبلوه من قدااامي بسرررعه قبل لاتجيني جلطه وامووت ...انطمي لااسمع حسك تبين تفضحينا انتي..الحمدلله يامنصور انك طلقتها ولاذبحتها ياليته ذبحك كان ارتحنا منك ومن هالغبآء..تقعلي من قدام وجهي لابارك الله فيك انتي وياها ولابامن ربتكن انتي عليها
بيت ابوخالد
ام سعود :بس ياوخيتي ماراح تطوّل انشاء الله وبعدين بعدين لوشافت دموعك بتزعل وتضايق حرام ياام خالد
ام خالد تمسح دموعها:تهقين كذا ياام سعود
ام سعود :ايه ...وصارت تمسح دمووع ام خالد :وبعدين انتي عندك غيرها بنات لاتخلينهم يشوفون دمعك انتي لازم تكونين مصدر قوه لهم ...واذا شافوا دمعك بيضعفون
ام خالد :ام سعود
ام سعود:سمي
ام خالد :اذا بيوم ضايقتك ياوخيتي ارجوك سامحيني
ام سعود :وش هالحكي ياختي حنا خواات ومابيننا الله يغفر للجميع
عند راكان
راكان بدى يحس بالالم ...كل ماله الم رجوله يزداد ...وصار يصارخ بندا :حلااااا
حلا جت تركض ووقفت مصدومه من هول الموقف :راكان بسم الله عليك شفيها رجوولك منتفخه ومتغير لونها ؟؟
راكان بألم :ماادري ياحلاا ماادري بموت من الالم بمووت
حلا:لحظه اكلم عبدالعزيز
راكان :لااااا كلمي طلال
حلا:زين
هنا جت تبي تروح حلا بس سمعت راكان يقول :آآآه
حلا من غير شعور قربت منه وصارت تبكي:لاتقول الآه ياراكان ليته فيني ولافيك دقآيق الحين اكلمه
باسبانيا
شرينا آيس كريم كان بطل للغآيه ....انا اخذتلي شوكلت اما نايف أخذ فانيليا
نايف:لجين
لجين :همممم
نايف :ابي اذووق الآيس كريم حقك
لجين بطفوله :ماابي انت عندك هذا حقي
نايف:ههههههه لاغصب بذووقه
وبالفعل قرب مني وكلا من الآيس كريم حقي
لجين بصراااخ :ناااايف سقيييم سقييم سقييييم ...دام السالفه كذا اجل انا بعد بذووق حقك ...وقربت ابي اذووقه الا وتعمد يقربه من خشمي وصار عليه ايس كريم
لجين :لاااااااااااا سخاااافه شوف وش سويت لطخت وجهي بالايس كريم ..هين والله لااوريك ..قربت منه وبالفعل لطخته وكل وجهه صار ملطخ ..وبعدها صار كل واحد فينا يضحك على شكل الثاني
لجين :أللي فوق عيونك اررررربكن ههههههه
نايف :وش معنى اربكن ؟؟
لجين :يعني اخطر شي
نايف :هههههههههه اجل انتي اربكنززززززز اللي على خشمك هههههههههههه
انا هنا طنقرت وصرت الاحقه واضربه على خفيف
لجين:نايف فشله كل الناس تطالعنا خصوصا اللي جالس هناك حقد علينا يحسنا مهابيل
نايف:ليش حنا وشو؟؟
لجين بغرور :نعم نعم ....اذا حضرتك مهبول انا مومهبوله اسم الله علي من هبالك ....اسمع خل نتفق انا امسحلك اللي بوجهك وتمسحلي اللي بوجهي اتفقنا ؟
نايف:هههههه طيب
خذا كل واحد فينا كلينكس ومسحنا لبعض....وكان كل واحد فينا للحظه آخذ يتأمل الآخر يآآآآآه ياقساوة هالزمن ..يااقساوة الظروف اللي جمعتنا وخلتنا نحب ونتعلق ببعض ومن ثم فرقتنا وحنا عشّاق وجمعتنا وكرهنا بعض وصرنا أغراب .....بعدت عيني عنه وصرت اطالع بالكلينكس اللي امتلى من الآيس كريم اللي بوجهه
لجين :انا لطختك اكثر شوف كل هذا كان بوجهك
هنا نايف شالني :هههههه لاانا اكثر
وصار يركض فيني
لجين :هههههههه نااايف نزلني حماااار اكررهك مااحبك نزلني بسرررعه
نايف:انا حماار طيب ماراح انزلك ,,,وصار يركض فيني اكثر واكثر والناس تطالع
لجين :لانايف انا الحماره بس نزلني شف الناس كرهتني صارت تطالع ..والله اسحب كلمتي
نايف نزلها :غصب عنك سحبتيها
لجين :طيب اجل مره ثانيه وثالثه ومليووون حماااااااااار
<<وركضت وهو صار يلاحقني ...وبعد عناء قدر يلحقني بعد ماتعبت
نايف:يابنت اللذين سريعه بس موانا اللي اخليك تفلتين من يدي
اما من بعيد اقترب مننا الرجل اللي كان طول الوقت يطالع فينا وعينه ماانشالت من علينا ومن بعد صمته سمعنا صوته L يارجل حافظ عليها كما تحافظ على نفسك ولاتدعها تضيع من يديك...فالمرأه التي تعشقها كالجوهره تماما فلاتدعها تضيع من يديك وحافظ عليها جيدا )<<وبعدها اختفى من المكان تماما
بعد كلماته صرنا نطالع ببعض ومازال كلامه يدور ببالنا ..قطع علينا افكارنا ونظراتنا ..صوتت جوال نايف ومن غير تردد رد
نايف:الووو....هنا نايف تغيرت ملامحه ولاكنت ادري عن السبب
خلــــــــــص البارت
ياترى من المتصل؟؟
راكان وش اللي حصل معه ؟؟
مشعل هل راح يقنع ابوه ؟؟
تجميع ورد الجوري
Part 40
بالديوانيه
طلال:جابر ياتنكه انت وابو الصلوح مادريتوا ؟؟
جابر:وش عنه ؟؟لاتقول بتعرس؟؟
طلال:عنبوك ويني وين العرس ..لا بس تذكرون الشركه اللي قدمت فيها قبل مااروح لبريطانيا
صالح :وش فيها
طلال:تخيل رحت لهم اليوم ....ولقيت السكرتير هو هو ماتغير بس اظنه ماذكرني ..دخلني على طول للمدير يوم شاف شهادتي من بريطانيا انا قايلن لكم مايدخلونك على المدير الا اذا عندك شغل برآ ..مع ان يارجال عندنا سعوديين شباب مخيخهم نظيفه بس محدن معطيهم وجه انت تدري برآ الاجنبي من صغره يرعون موهبته حنا الصراحه نطالب بهالشي المفروض يكون في رعاه للمواهب اطفالنا اذا هم بالفعل يبوون ابنآء الوطن ويتقدمون يآخي كله حكي حراام عليهم ....قبل لانتقدم ونتطور خل نطور انفسنا ونطور شعبنا ونرعيه اهتمام يستحقه
متعب:آخ بس ليتني خاويتكم لبريطانيا ياشيخ ماغير خسنا هنا لاومحد معطينا وجه بعد
طلال يرفع خشمه :اقول لايكثر اصلا حنا اللي سافرنا برآ مفاهيمنا غير عن مفاهيمكم ..حنا مفاهيمنا صعبه عليك انت ويآه
متعب :اقول انطم ولايكثر <<وشوي الا وترع =كرع = الصوت الصادر من البلعوم <<لأاتقولون بس ماعرفتوا
طلال:هييييه سد فمك ياشبيه البشر
صالح :طيب واللي مايقدرون على السفر لبرآ ...خلاص راحت عليه نعيش بالبطاله طول العمر يعني ...يآخي الواحد فينا يجي بباله العرس والعيآل وان رحت تبي وظيفه يقولك راتب 1800 موحرام باللهي عليهم منين نصرف يعني على المره ولاعلى نفسي ولاعلى العيال ولا على البيت
طلال: موهذا هو ما خلاني افكر بالسفر الا هالبطاله اللي نعيشها ولايحس بشعورك الا الشخص اللي مربحالتك وانا اخوك ..احيانا ودك تصير اجنبي عشان يصير لك مميزات ....شفت الهنود اللي نقول عنهم مساكين اللي يآخذون ال1500 يمكن يكونون احسن منك عندهم بدل سكن وبدل مواصلات وعياله يدرسون على حساب الدوله ناهيك عن العلاج له ولعيلته ...ولا سفريآت كل سنه ببلاش ...مومثلنا حنا اقصد مثلكم انتوا ماغير شحططه بهالديوانيات
صالح :تبي الزبده ..شف عندك واسطه تصير حبيب الشعب والامه ماعندك ضف وجهك وبتصير عاله وعدد جديد مع اللي يطلقون عليهم عاطلين باطلين ....مثل الحريم لاعنسوا عرفت هالنظام اللي لاعدت الثلاثين قالوا عانس حنا اللي تخرج له سنتين ولااشتغل يقولون عاطل الله يرحم بس
متعب :اقول لاتخرعوني اخاف بكرا اتخرج ولاالقالي وظيفه واكمل فرقتكم المخديه
طلال:لا وانا اخوك تدري عاد وين توظفت
جابر:بالشركه هذي
طلال:لايخسوون بمستشفى جدي الله يحفظه لاوبراتب لو افحط تفحييييط ابوزقم اول مالقيته
جابر :صدق...اجل دورلنا معك
طلال:ابشر على هالخشم <<سبحان مغير الاحوال !!
بأسبانيا~
نايف :ألووو ....هنا نايف تغيرت ملامحه وبعد عني
نايف بعصبيه :انتي ماعندك كرامه وش تبين بعد داقه ؟؟
عبير:نايف هم كلمتين واسمعها عدل ...اذا مارجعت الاسبوع الجاي وكتبت ولدي باءسمك راح يكون خراب بيتك على يدي
نايف :خوفتيني تصدقين عاد ...اسمعي يابنت الناس اذا سمعت ولاحسيت مجرد احساس انك مقربه ...من زوجتي لااخليك تندمين عدد شعرات راسك فهمتي ولالا ...وبالنسبه لولدك مريض مومريض انا مالي خص وماراح اكتبه باءسمي لو اشوفك تموتين قدامي..الولد ماراح اسجله باءسمي هذي غلطتك موغلطتي حتى لو انه ولدي ماراح اكتبه ..واللي ماتوصلينه بيدك وصليه برجولك <<وسكر
قرب مني وهو يحاول يخفي عصبيته مادرى اني سمعت كل حرف قاله وانا مع كل حرف كنت اصعق من جد وجديد فيه
نايف بكذب:هذا واحد من الشباب غاثني حتى هنا
لجين صدت:انا ماسألتك مين ...عموما انا ابي ارجع البيت احس اني تعبانه وبنام
نايف من غير جدال:يللا <<بالطريق كنا نمشي وانا اسرق له نظرااات وبقلبي لامستحييل نايف عنده ولد ؟؟يعني هو كان متزوج قبلي منهي ماقالولي ؟؟...وعنده ولد بعد ومايبي يكتبه باءسمه لالالا انا يمكن كنت اتوهم آآخ راسي موقادره استوعب
الجرح أرحم
من فراقك دقيقه!
لو - !
........ترحل ،
اعيش من غير ( مادري) ،
و انت الخيال العذب ،
..............و انت الحقيقه!
وانت - اللي، !
-ماغيرك بقلبي وفكري-
عند راكان
حلا:كلمت طلال جاي بالطريق
راكان مسك رجله وبألم :انشاء الله مايتأخر بس ...ولف عينه على رجله وانصدم كان منظر يروع رجله كانت منتفخه ولونها قلب ازرق
هنا غطى رجله وهو يقول :حلا ادخلي داخل
حلا :ليش ياراكان
راكان وهو يتالم :حلا لاتجادلين واسمعي اللي اقوله
حلا :طيب براحتك <<لحظات حتى جا طلال وتوجه براكان على المستشفى
آ’يهَ?آ’حبْكَ ? ,, وّآ’لقضْيهَ وّآ’ضحهَ ,, وّآ’لشآ’هدَ (اللهَ) !
عند خالد
خالد يفكر فيها وبقلبه وانا اقول المملكه مابها اكسجين اثر الغلا مسافر من عليها ...ألصراحه ماتحمل هوا ديره هي ماهيب فيها ماابي اعيد العذاب عالاقل لواشم هوا هي تشمه وازفره
ساره :خالد
خالدوهو مومعها :هلا لجين
ساره بقلبها ياقوو قلبه بهالدرجه ماخذه كل تفكيره الله يسامحك قالت وهي تبلع الغصه :امم خالد ليش مانطلع احس بزهق
خالد باءقتراح :وش رايك نسافر؟
ساره بفرح بقلبها ايه يمكن لاسافر ينساها :ايه حلوو بس وين ؟؟
خالد يفكر :اممم اسبانيا
ساره بفرح :ايه حلو اصلا انا من زمان خاطري اروح لها <<وبقلبها والاحلى من هذا كله اني بكون فيها معك
خالد :يعني موافقه ؟
ساره :ايه ياقلببي موافقه
خالد تجاهلها يوم لمح عليها الاحراج واكتفى باءبتسامه ومشى
~~~~~~~~~~~~~~~~~~~
بيت ابومشعل
ابومشعل:هاه ياابو الشعول شفيك ؟؟
مشعل:الصراحه يبا انا مااعرف للمقدمات ولاهم يحزنون ...كل السالفه اني آآآآآ
ابومشعل:انك شنو تكلم ؟
مشعل :اني آآآ مابي اتزوج بنت عمي سلطان
هنا ابومشعل قام :نعم وش قلت ؟
مشعل ارتبك :أللي سمعته يبا
ابومشعل:بس الولد ماله الا بنت عمه والبنت مالها الاولد عمها <<غبآر يارجال
مشعل :بس يبا اللي انا ابيها هم من الاقارب
ابومشعل :لا والله ومن تكون ياقيس زمانك ؟؟
مشعل بتردد :آآآآ صبآ بنت خالتي منى
ابومشعل يفكر:لالا هذي ماتصلح لك <<على كيفك
مشعل :شلون يعني ماتصلح لي
ابومشعل :بنت عمك اهلها ملتزمين والبنت ماعليها كلام ..لكن بنت خالتك هذي اهلها شوي فري انا اقول مالك الا بنت عمك
مشعل:السموحه يبا بس انا ماابي الا بنت خالتي ....يبا انا ابيها تكفى حاول تفهمني
ابومشعل:تبيها عالكاش ....مالك الا بنت عمك ...وانا ماابي اناسب احد من اهل امك خصوصا خالتك هذي لان مناسبهم مايشرف ابد <<وطلع
[ لو اغرق في بحر حبك ] او [ اشرب من عناك بحور ]
. . [ قسم بالله ماتنزل غلاتك من شراييني ] .
بالمستشفى
وصلوا للمستشفى ..وراكان كان يحس بالالم كل ماله يزداد ...كان بيده عكازه لان الحركه كانت صعبه بالنسبه له ...والارض كانت رطبه وزلق وكان راح يطيح بس كان جمبه طلال ولحق عليه
طلال بنخوه قال:يااخوي لاطاحت عصاتك وانت عاجز عن القوم شفني انا يمناك وازهل عصاتك
راكان :كفوو يااخوي ياولد امي وابوي <<وبعدها توجهوا للدكتور وكانت معهم حلا اللي ماينسمع الا ونينها وخوفها على راكان
راكان :حلا خلك هنا بدخل انا وطلال زين
حلا:لا بدخل معكم ابي اطمن عليك
راكان بعصبيه :وانتي ماتعرفين غير تراددين ولاعشاني الحين صرت عاجز طلع لك حس
حلا انصدمت من كلامه هذا شقاعد يقول وانا اللي ذابحه عمري خايفه عليه
طلال:راكان يااخوي اذكر الله البنت ماقالت شي الله يصلحك بس خل ندخل على الدكتور الحين
آلـّوطنْ [ حـضنكْ ]
. . وآنــَآ منْ دونّ آحضـآنكْ غرريـبْ !
عند شادن
شادن :ايهاب
ايهاب:تدللي
شادن :خاطري اروح الهاف موون والبحر ابي اركب دبابات احس زمان مارحت
ايهاب:تآمرين امر ياقلبي بس تعرفين الحين انا مشغول لكن وعد مني نهاية الاسبوع اوديك ..آ آآ شادن
شادن :هلا
ايهاب:ابي أسألك وش تحسين وانتي معي ؟؟
شادن بصراحه :تبي الصدق ياايهاب انا معك احس بالامان مااحس هالشعور مع احد غيرك ...اممم وانت وش تحس فيه ؟
ايهاب:يكفيني يالغلا انك عايشه بخير هذا اجمل احساس لاصرتي بخير طابت احوال مغليك <<أيهاب لست افهم كيف عشقني هذا الشخص ..شخص عشق عيوبي قبل ان يعشقني ...فعيوبي لايراها عيوب بل يراها حسنات ...فسحقا لقلب لم يحسن الاختيار وسحقا لنفس اهانت كرامتها ...ونعم لشخص بذل حياته لبسمه متواضعه على شفتيّ
يمآ بالحييْل مخنوق}ْ~
بيت ابومشعل
مشعل:يما انا حييل مخنوق ولاودي اقول كلام باكر اندم عليه ....يما يبا عمره مافكر بمصلحتنا كل اللي همه الناس وارضاء الناس واخوانه واهله وحنا بالطقاق اللي يطقنا ..ِفيها يعني يما لاخذت بنت خالتي؟؟
ام مشعل :ولدي يامشعل انت وين شايفها عشان تتعلق فيها كذا؟؟
مشعل ارتبك :هاه ايه شفتها
ام مشعل :هذا سؤالي وين ؟؟
مشعل بكذب:ببيت جدي بالغلط
ام مشعل:ايه ....انا اشوف البنت ماعليها قصور واختي منى ربت عيالها احسن تربيه والكل هذا كلامه ..الا ابوك وش قال بالضبط يوم قلتله ؟؟
مشعل :اقول يما وماتزعلين ؟؟
ام مشعل:لاماازعل بس انت قول تكلم
مشعل:ابوي يقول مايبي يناسب احد من اهلك لان مناسبتهم ماترفع الراس وخصوصا خالتي منى
ام مشعل بعصبيه :شنوو ؟؟ماترفع الراس ؟؟هين ياابومشعل هين
مشعل :يما انا قلتلك قبل اني ماابيك تشيلين بخاطرك ولاتزعلين
ام مشعل بحزم:/اسمع يامشعل بتآخذ بنت منى يعني بتآخذها..وعلى جثتي لوماخذتها
مشعل بفرح :صدق يما !!
ام مشعل :أيه
مشعل:طيب وابوي؟؟
ام مشعل:ابوك دواه عندي وانا امك <<كفو ياام مشعل ذيبه
Part 40
بالديوانيه
طلال:جابر ياتنكه انت وابو الصلوح مادريتوا ؟؟
جابر:وش عنه ؟؟لاتقول بتعرس؟؟
طلال:عنبوك ويني وين العرس ..لا بس تذكرون الشركه اللي قدمت فيها قبل مااروح لبريطانيا
صالح :وش فيها
طلال:تخيل رحت لهم اليوم ....ولقيت السكرتير هو هو ماتغير بس اظنه ماذكرني ..دخلني على طول للمدير يوم شاف شهادتي من بريطانيا انا قايلن لكم مايدخلونك على المدير الا اذا عندك شغل برآ ..مع ان يارجال عندنا سعوديين شباب مخيخهم نظيفه بس محدن معطيهم وجه انت تدري برآ الاجنبي من صغره يرعون موهبته حنا الصراحه نطالب بهالشي المفروض يكون في رعاه للمواهب اطفالنا اذا هم بالفعل يبوون ابنآء الوطن ويتقدمون يآخي كله حكي حراام عليهم ....قبل لانتقدم ونتطور خل نطور انفسنا ونطور شعبنا ونرعيه اهتمام يستحقه
متعب:آخ بس ليتني خاويتكم لبريطانيا ياشيخ ماغير خسنا هنا لاومحد معطينا وجه بعد
طلال يرفع خشمه :اقول لايكثر اصلا حنا اللي سافرنا برآ مفاهيمنا غير عن مفاهيمكم ..حنا مفاهيمنا صعبه عليك انت ويآه
متعب :اقول انطم ولايكثر <<وشوي الا وترع =كرع = الصوت الصادر من البلعوم <<لأاتقولون بس ماعرفتوا
طلال:هييييه سد فمك ياشبيه البشر
صالح :طيب واللي مايقدرون على السفر لبرآ ...خلاص راحت عليه نعيش بالبطاله طول العمر يعني ...يآخي الواحد فينا يجي بباله العرس والعيآل وان رحت تبي وظيفه يقولك راتب 1800 موحرام باللهي عليهم منين نصرف يعني على المره ولاعلى نفسي ولاعلى العيال ولا على البيت
طلال: موهذا هو ما خلاني افكر بالسفر الا هالبطاله اللي نعيشها ولايحس بشعورك الا الشخص اللي مربحالتك وانا اخوك ..احيانا ودك تصير اجنبي عشان يصير لك مميزات ....شفت الهنود اللي نقول عنهم مساكين اللي يآخذون ال1500 يمكن يكونون احسن منك عندهم بدل سكن وبدل مواصلات وعياله يدرسون على حساب الدوله ناهيك عن العلاج له ولعيلته ...ولا سفريآت كل سنه ببلاش ...مومثلنا حنا اقصد مثلكم انتوا ماغير شحططه بهالديوانيات
صالح :تبي الزبده ..شف عندك واسطه تصير حبيب الشعب والامه ماعندك ضف وجهك وبتصير عاله وعدد جديد مع اللي يطلقون عليهم عاطلين باطلين ....مثل الحريم لاعنسوا عرفت هالنظام اللي لاعدت الثلاثين قالوا عانس حنا اللي تخرج له سنتين ولااشتغل يقولون عاطل الله يرحم بس
متعب :اقول لاتخرعوني اخاف بكرا اتخرج ولاالقالي وظيفه واكمل فرقتكم المخديه
طلال:لا وانا اخوك تدري عاد وين توظفت
جابر:بالشركه هذي
طلال:لايخسوون بمستشفى جدي الله يحفظه لاوبراتب لو افحط تفحييييط ابوزقم اول مالقيته
جابر :صدق...اجل دورلنا معك
طلال:ابشر على هالخشم <<سبحان مغير الاحوال !!
بأسبانيا~
نايف :ألووو ....هنا نايف تغيرت ملامحه وبعد عني
نايف بعصبيه :انتي ماعندك كرامه وش تبين بعد داقه ؟؟
عبير:نايف هم كلمتين واسمعها عدل ...اذا مارجعت الاسبوع الجاي وكتبت ولدي باءسمك راح يكون خراب بيتك على يدي
نايف :خوفتيني تصدقين عاد ...اسمعي يابنت الناس اذا سمعت ولاحسيت مجرد احساس انك مقربه ...من زوجتي لااخليك تندمين عدد شعرات راسك فهمتي ولالا ...وبالنسبه لولدك مريض مومريض انا مالي خص وماراح اكتبه باءسمي لو اشوفك تموتين قدامي..الولد ماراح اسجله باءسمي هذي غلطتك موغلطتي حتى لو انه ولدي ماراح اكتبه ..واللي ماتوصلينه بيدك وصليه برجولك <<وسكر
قرب مني وهو يحاول يخفي عصبيته مادرى اني سمعت كل حرف قاله وانا مع كل حرف كنت اصعق من جد وجديد فيه
نايف بكذب:هذا واحد من الشباب غاثني حتى هنا
لجين صدت:انا ماسألتك مين ...عموما انا ابي ارجع البيت احس اني تعبانه وبنام
نايف من غير جدال:يللا <<بالطريق كنا نمشي وانا اسرق له نظرااات وبقلبي لامستحييل نايف عنده ولد ؟؟يعني هو كان متزوج قبلي منهي ماقالولي ؟؟...وعنده ولد بعد ومايبي يكتبه باءسمه لالالا انا يمكن كنت اتوهم آآخ راسي موقادره استوعب
الجرح أرحم
من فراقك دقيقه!
لو - !
........ترحل ،
اعيش من غير ( مادري) ،
و انت الخيال العذب ،
..............و انت الحقيقه!
وانت - اللي، !
-ماغيرك بقلبي وفكري-
عند راكان
حلا:كلمت طلال جاي بالطريق
راكان مسك رجله وبألم :انشاء الله مايتأخر بس ...ولف عينه على رجله وانصدم كان منظر يروع رجله كانت منتفخه ولونها قلب ازرق
هنا غطى رجله وهو يقول :حلا ادخلي داخل
حلا :ليش ياراكان
راكان وهو يتالم :حلا لاتجادلين واسمعي اللي اقوله
حلا :طيب براحتك <<لحظات حتى جا طلال وتوجه براكان على المستشفى
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك