رواية love to be loved by you -3
اما خالد كره نفسه وقتها وابتعد عن المكان ....واحنا كنا بالسياره وانا اررجف بالحيل
نايف:الحمدلله راح
لجين مديت يدي ابي افتح باب السياره الا تقفلت كل الابواااب وانا بلعت ريقي وصارت تنزل دموووعي وصوت مسج بجوالي عم بالسياره
لايآفلآن وش ذنبي :( ~
بالمستشفى
الدكاتره والنيرس كانو مثل النحل على غرفة راكان ..~
واحد من رجال الخير بدنيا قلة بها رجال الافعال وليس افعال الرجال نقل راكان للمستشفى ....واللي لقى جواله اللي نجا بأعجوبه من الحادثه داخل ركام الحديد ..ياترى هل صاحبه راح ينجو او لا؟!!
مسك الرجال جواله ودق على اخر رقم اللي هو كان رقم (حنان ) طليقة راكان حاليا
حنان اللي كانت بحاله مايعلم بها الا الله ردت كانت خايفه على سمعتها كانت حاطه كل اللوم على راكان ونست نفسها اللي كانت السبب في هذا كله
فزت من سمعت جوالها قرت الاسم وذب الامل داخلها وبقلبها اكيد داق يبي يتراجع عن قراره <<للحين تحلم
حنان :الووو..هلا راكان
الرجال:عفوا اختي ....يأسفني اقولك ان صاحب هالجوال سوى حادث ونقلته للمستشفى ياليت تبلغين الاهل ضروري لان المريض بحاله حرجه
حنان تحت واقعة اكبر صدمه:انشاء الله<<سكرت بعدها ..وصارت تبكي اكثر واكثر ..اذا مات ماراح يسامحني ...الفضيحه راح تلحقني والناس ماراح ترحمني<<حلت بها حاله هستيريه وصارت تطيح كل العطورات اللي عالتسريحه وصارت تصارخ وتبكي
هذآ [آنا] من يوم ماربي خلقني ..!
فطري بـ\إحساسي ,, ولاني بـ صطناعي
عاطفي جداً ... وكلي شاعرية ~
وإنطوائي كثير ... وشوي [إجتماعي] ...
عند لجين
لجين بصيآآح:ليش؟؟
نايف باءبتسامه:افااا ليش كذا على طول دمعت...امسحي دموعك ولاتخافييين
لجين بخوف:زين بس انت افتح الباب بالاول
نايف بلعانه:موفاتحه
لجين بترجي:واللي يرحم والديك لاتسوي فيني شي ...بروح اشوف اختي تكفى
نايف ابتسم:يعني خفتي ..عموما هذا اللي كنت ابيه انك تنرعبين عشان تتعلمين مره ثانيه تخزين وترمين نظراات علي
لجين :حقييييييييييير افتح البااااب بسرعه والله لااصرخ والم عليك كل البشريه
نايف:ههههههههههههه طيب بفتحه بس بالاول قوولي مشكور وانا اسفه عاللي سويته معك
لجين يخسي انا عمري مااعتذرت لاحد :طيب مشكور
نايف:اهاا حلوو كملي وبعدين انتي شنوو؟؟
لجين:افتح الباب واقولها
نايف:ماشي ...وهذا الباب فتحته
هنا انا ضمنت وفتحت الباب ولفيت عليه وخزييته خزه قوويه ..وبغرور:انا اعتذر لواحد ؟؟....للحين ماجابته امه اللي يذلني واعتذر له
<<هنا جاب يمسكني وانا الحمدلله نفذت منه وصرت اركض
نايف:مصير الدنيا تجمعنا وقولي قالها نايف والله لاتندمين
<<دخلت المستشفى وانا افكر هو صح يستاهل الشكر بس الاسف مايستاهله وانا ماتعودت اعتذر من احد...طلعت صبا من بعد الغرزتين وتوجهنا عقبها للبيت وانا ناسيه المسج موليا
وبالمقابل راح نايف لبيته وكلن راح بحال سبيله
بيت ابو عبدالعزيز (مجلس الفسق والدعاره)
الباب كان يضرب بقووه حسيت انه راح ينكسرمن قوة الضرب
ابو عبدالعزيز وهو سكران:يووه الباب ينتفض شكله خايف ههههههاااااااااي
ابو خميس اللي خاف:بو عزوز روح شوف مين عند الباب
حلا اللي بقلبها كانت تدعي ربي يفكها من اللي هي فيه ..كنت ومازلت طريحه بالارض تلطخت مسامعي بكلماتهم البذيئه المتداوله فيما بينهم
ابو خميس وهو داخل الجو حقهم:يؤ وين البنت راحت لايكون ذابت بحبي ههههههههههههههههااااااااااااااي
<<طبعا ماكان يشوفها لانها طريحه بالارض
حلا استجمعت كل قواها وقامت..
ابوخميس :افا ازعجتك ياقمر ...كنتي نايمه؟؟
حلا وخرته عنها بقرف:وخررررر <<وبحركات وخطوات سريعه نفذت من ابو خميس لاني كنت اردد (وجعلنا من بين ايديهم سدا ومن خلفهم سدا فاغشيناهم فهم لايبصرون)
ركضت بسرعه متجهه للباب ابي اشوف مين اللي ارسله ربي لي..طلع
جامبو <<احد مروجي السم اللي كان ابوي يتعاطاه لونه لون الليل ضخم يرعب باءختصار..كل اللي اتذكره انه كان معصب ويصارخ :وين الكميه اللي طلبتها..موهذا اللي اتفنا عليه يابو عزوز<<بالفعل كنت اردد(وجعلنا من بين ايديهم سدا ومن خلفهم سدا فاغشيناهم فهم لايبصرون) بقدرة اللي عينه ماتنام مريت من جمبهم وكاني كنت لابسه العبايه السحريه <<بالفعل هالدعاء اكثر شي كنا نستخدمه بالمدرسه يوم نهرب من المراقبات<<أوت
انشغل ابوي مع هالافريقي اللي كان يتقن العربيه ...واما ابو خميس فسحب خط الرياض بالنومه وشخيره موصل لاخر الحاره...قطع علي كل التفكير منظر امي وهي تتوسل لابوي يفكني ....حلا بهمس:خلني الحق على امي ...ناظرت الساعه:لا بقى وقت على رجعة عزوز الحمدلله...توجهت لغرفتي لان ابوي حبس امي هناك..فتحت عليها الباب ولاتحركت ...يمكن لان الرعب صار مايحرك فيها سآكن ..ولا لانها مستقبله القبله وبيدها المصحف الشريف.....قطع قلبي ذاك المنظر ركضت ركضت المسجون اللي افرجوا عنه وركض يحب ارض وطنه ..وارض وطني هي رجول امي اللي تحتها الجنآن ......بكينا حتى اقترب موعد وصول عبدالعزيز ...وقمنا ندعي الرب اللي مايخيب رجا عبيده.
..................................................
تعبت ادور بين الاحباب ..احبآب
وتعبت ادور بين الاقارب قريب~
في احد البيوت الفخمه ... الخاليه من القلوب الرحيمه.....
بيت ابو نايف
ابو نايف اللي توه دخل:السلام عليكم
ريم وديم اللي كانوا بالصاله :وعليكم السلام
ابونايف:وين امكم ؟؟
ديم :وين يعني يابعرس يابجمعه
ابونايف كان يبي يهاوشها على طريقه كلامها عن امها بس ماقدر لانه عارف الظروف اللي اجبرتها وحدتها على كذا:اهاا...طيب تعشيتوا؟؟
ريم :ايه يبا تعشينا..تبينا نقول للخدم يحطون لك العشا؟؟
ابونايف:لايابنيتي تعشيت ....جدك اكل عشاه ونام
ديم :يووووه من زمان لاوبعد شبع نوم
ابونايف:اجل تصبحون على خير ولاتسهرون زين
ديم بهمس:من متى ابوي يهتم بنومتنا وقومتنا
ريم بهمس انطمي:انشاء الله يبا ..وانت من اهل الخير
شوي الا بدخلة نايف
نايف:السلام عليكم
ابونايف توه كان بيطلع الدرج :وعليكم السلام هلا بولدي هلا بعزوتي هلا بالحالي والغالي
ديم تخصرت:لاوالله هو الحالي والغالي وحنا صرنا كخه يعني!!
ابونايف بضحكه رجوليه عاليه:ههههههههههه ياويلي منك بس يالعيّاره...يللا انا بطلع تصبح على خير ياولدي
نايف يخز بديم :وانت من اهله <<يمد لسانه :لي انا بس
ديم :لاحبيبي قالها قبل لنا
نايف يقلدها:قالها قبل لنا وي ياشين الدلع
انفتح بعدها الباب وقام يلعلع صوتها بأرجاء القصر :مااااااازنه ....سيررررره مااازنه ووجع
مازنه :نأم ماما
ام نايف:روحي جيبي بقية الاغراض من السياره وامسكي هذول بعد طلعيهم فوق
<<ولفت على عيالها
نايف بقق عيونه:يماااا ...وشو هذا؟؟
ام نايف تمسك خدودها وبراطمها :هاا بالله نيوف موطالعه امك قمررر
نايف مازال تحت تأثير الصدمه:يماا ليش سويتي كذا؟؟<<طبعا كان تافخه خدودها ومسويه براطمها نفيخه كان منظر مريع
ديم وريم مصدومات :...........................
ام نايف:وجع يوجعكم شفيكم تطالعوني كذا .....أصلا تدرون رايكم مايهمني
ديم:بس يايما موكذا ....انتي وين رحتي؟؟
ام نايف:لدكتور شادي
ديم:دريت انه ماراح يضبطها كان رحتي لدكتور انطوان جورج احسن من هالشادي
نايف يصفق:لاماشاء الله يما عرفتي تربين .....وبتهديد :أسمعي ياديم لواسمع انك رايحه لهالاماكن لااخليه اخر يوم بحياتك فاهمه
ام نايف:وانا وين رحت يادكتور نايف ولانسيت ان امك واقفه؟
نايف:يماا شوفي وجهك بالمرايا ...وشلون صاير شكلك كنك اخت ريم ولاديم من كثر هالعمليات اللي انتي مسويتها
ام نايف طاااارت من الفرح :صدق ياولدي ناايف...عاد تدري هذا اللي ابيه يكون شكلي اصغر من عمري
نايف:يمه بسألك سؤال...الحين تعرفين انه حرام وله عقوبه ولا لا؟!
ام نايف مااهتمت له مشت وبصراخ:مااازنه يللا ماصارت اكيااس بسرعه طلعوها لي فوق بداري.... يللا بون وي <<بون وي <<بالفرنساوي تصبحون على خير <<عشتو
نايف حس انه قسى على ديم :ديم حبيبتي انا ماقصدت شي بس خايف عليك من هالاماكن
ديم :وش معنى انا يعني؟؟
نايف غمز لريم :حتى انتي ياريم ياويلك لوطبيتيها
طبعا ريم عاقله ماتسويها:انشاء الله
نايف:اقول ديم ورى ماتصيرين مثل ريم كل مااقولها شي تقول انشاء الله
ديم غارت :انشاء الله
<<من فوق صوت عالي يهز اللبيت:مااااااااااازنه ويين الاكياااس ووجع
نايف ضرب يده بالجدار:استغفر الله ماصارت عيشه
بيت ابوراكان
رجعنا للبيت وجلسنا بالغرفه ...تذكرت جوالي وفتحت المسج ...وكل ماصرت اقرى حرف تزداد نبضاتي وعدت قريت المسج لين مااستوعبته
لجين وجهها منصفق
صبا:لجين شفيك.؟
متعب دخل عليهم:السلام عليكم
صبا:وعليكم السلام
متعب :ينقالك ماسمعتي يالجين السلام عليكم....هااا لجين شفيك اقول السلام ردي ماتسمعين
لجين رفعت راسها وقامت تصيح تجمعوا عليها صبا ومتعب
متعب:لجين بسم الله عليك شفيك؟؟
صبا:وخرر ...لووقي شفيك خوفتينا؟؟
لجين :راكان ياناس راكااااان
متعب:شفيه راكان
لجين :طلق حنان!!
متعب :طلقها؟؟ تمزحين السالفه بها غلط
لجين :أيه قلتلك طلقها ومرسل لي مسج يستسمح مننا ومدري وشو ...متعب انا خايفه يسوي بنفسه شي لاسمح الله..واكون انا السبب ماعلمته من البدايه
متعب موفاهم :وش اللي ماعلمتيه؟
لجين :ولا شي خلاص انسى <<شوي الا دق جوال لجين ....بلهفه طالعته وكان مكتوب ماضي نسيته <<اللي هي حنان
لجين كشرت :ولها عين بعد داقه...في ناس قواة عين يسوي اللي يسويه وله عين يطالعك فيها ولا وبعد تبي تسمعني صوتها ...الزبده ماراح ارد عليها خلها تتنقع
صبا تسحب الجوال :هاتي انا ارد .....الوووو
حنان والبكى ذبحها:لجين الحقي على مالي الا الله ثم انتي راكان سوى حادث وهو الحين بالمستشفى
صبا المفجوعه :راكان بالمستشفى؟؟
لجين من سمعت هالجمله خذت الجوال من صبا
لجين :الوووو ....وش سويتي باخوي حسبي الله عليك من مره
حنان تبكي:والله ماسويت له شي هو اللي طلع معصب والله
لجين :حنان راكان خلاص طلقك وش تبين منه وش اللي تبينه قوليلي ريحينا منك
ليش تزيدين تعذبينه لييييييش
حنان بقلبها انفضح امري شلون درت لجين شلون؟؟ وبترجي:لجين واللي يرحم والديك استري علي صدقيني مالي ذنب الله يستر على عرضك وعرض خواتك
لجين تبكي:اي مستشفى راح؟؟
حنان :مستشفى ال........
<<بعدها سكرت لجين بوجهها
لجين :واااطيه وحقيييره
متعب:لجين لاتنسين انها بنت عمك والفضيحه بكذا راح تلحقنا
لجين :استغفر الله يارب...اسمعوا امي وابوي لايدرون بسالفة طلاق حنان من راكان زين
متعب:طيب هذي بسيطه اصلا مصيرهم يعرفون بس شلون نروح لراكان
صبا:عادي ينقالنا بنتمشى وبمروح البحر
متعب:اي بحر والحين الصبح
لجين :عادي ابوي نايم بس امي اللي صاحيه توني شفتها تصلي ماراح تقول شي
متعب:طيب انتي امسحي دموعك والبسوا والحقوني
البنات :طيب
.................................................. .............
بيت ابومشعل
(غرفة مشعل)
مشعل:اقول ريان انت اهم شي نقهم صح ....لا ماعليك انا عارف شغلي زين....لايبوي احلى شي الغزال اللي بالسوق ....موتجيب لنا ضفدع ...ابشر مضمونه يالحبيب ....ادفع لوتبي مليون ...هههههه مع السلامه يالذيب<<العرض صفقه غالبا ماتكون زهيده الثمن او قد تكون بلا ثمن اقصد بالثمن لمن يتعامل بالعمله ولكن تكون باهظة الثمن في عواقبها وهنا اعني من يتعامل بالكرامه ..النقاش عن العرض وخسارته لايمكن تجسيده في روايه فقط بل يطوول عنه الحديث ..نعم نفتح ملف تلك القضيه ولكن هيهات من سيغلقه!!)
ابتسم مشعل بخبث وقام تكشخ لبس ثوب وشماغ ...كانه رايح عرس ليرمي ب طعمه <<بضم الطاء.....لاسماك السوق <<انشاء الله كل القراء اسماك قرش وياكلون هالاشكالJ <<زين قلنا اسماك ماقلنا سلوق
.................................................
مسمعي مدمن على صوتكْ~
واتصالك زود ادمانيْ~
بالغرفه الثانيهْ~
شادن بدلع ماصخ:هاي بيبي
نايف بغزل:لاقلتي هاي اضيع دروبي بعد بيبي ارفقي على قلبي لااتهور واجيك
شادن بضحكه ماصخه:هاهاهاهاهاهاهااا
نايف:اغدي ضحكه لعيونك
شادن تزيد الدلع :نايوووفي
نايف:عيووونه ...دنيته ..اوله آخرته تدللي على قلبي ياقلبي
شادن :يو نوني استحي <<اذا دليتي للحيا طريق
نايف بغزل:فحبك يلوموني لواني مرتكب محظور....واذا اجرمت في حبك يحل الشرع اجرامي..يقول الشرع فالاحكام مانحكم على المخمور وانا مخمور حبك وحبك يفرض اعدامي<<كبير يانايف
شادن بدلع يبط الكبد :بيبي كلامك وايد هلوو <<سلامات يالطيبه وش اللي هلوو
نايف:ابد كلامي عادي بس من حلاك تشوفين الدنيا حلوه
شادن:نايوفي اشتقت لك ولهت عليك ..انت بيبي ماولهت علي
نايف:ولهت؟؟كيف مااوله على هالغلا ياناس وانا اللي لاذكرت اسمك تحرك كل مافيني لك الله يوم حبيتك عشقت الكون بحضورك تصدقين حتى فغيابك حقوق العشق محفوظه
شادن بضحكه شوي تموت:هاهاهاهاااا ...نايوفي خلاس قلبي كلامك يزيد الشوق فيني......نايوفي الظاهر مشعل تلع من غرفته اكلمك بعدين
نايف:هذي اللحظه الاليمه اللي ماابيها....يغيب صوتك عن مسمعي واصير محروم..بس وش نقول الشكوى لله..باي ياقلب نايف<<وسكر
احمد يصفر:ولد ولد عاااش ناايف ....وااي عنبوك من وين تجيب هالكلام بذوووب بذووب
نايف انصرع:بسم الله ..انت من متى هنا؟؟
احمد :اوهووو من كلمة الووو قلبي هههههههههههههههههههههه
نايف:صدق ماتستحي احمد ربك مودي رايق ولا قسم قمت لعنت ابوخامسك
احمد :رووقنا بس ...اقول سمعت اخر نكته
نايف:رجعنا لنظام نكت اضحك ....قوول اخلص
احمد:محشش يشرب الناقه عصير برتقال ليه؟؟
نايف يخزه:يستهبل؟؟
احمد:لاعشان تحلب سنتوب هههههههههههههههههههههههههههه
نايف:باللهي عشان تحلب سنتوب ..لاابوك لاابو جوك السقيم ...ووخر بس خل نمشي
احمد:محد مقدر خفت ظلي
نايف:اقول امش بس عساك سالم
احمد :لاوالله احمد اهههههههههههههههههههههههه
نايف:ليتني ايووووب بس
.................................................. .......
بالمستشفى
متعب:صبا دقي على طلال عطيه خبر
صبا :وانت ورى ماتدق
متعب:ماعندي رصيد ..دقي وعن طوالة اللسان
لجين شهقت:صح طلال شلون نسيناه ...دقي دقي بسرعه
صبا:ورى ماتدقون من جوالاتكم انتوا
لجين تفرك شوشتها :ماعندي رصيد طفرااانه زين
صبا تمسك جوالها وتتحلطم:الووو ..طلال
طلال:لا ناصر القصبي ...أيه طلال وش تبين؟؟ مافي مطعم فاتح هالحزه
صبا:طلال راكان بالمستشفى
طلال فز:بالمستشفى؟؟
صبا:ايه
طلال:بأي مستشفى؟؟
صبا:مستشفى ال .........
طلال:طيب الحين جاي
فواز :على وين ابو شملان ماخلصت السكه
طلال:لامستعجل سلااااام
فواز:يوه شفيه هذا؟؟
انت لي مولحد ثآني
لبيه قلبك بسهام الحب رمآنيْ~
In canada
رادا:بدرر
بدر:لبيـــــــه
رادا:امم افكر اعزم جيراننا اللي تو سكنوا...تدري عاد طلعوا عرب
بدر للي كان يقرى الجريده:ايه الظاهر لبنانيين او شي مثل كذا سمعتهم يتكلمون وعرفت
رادا:ايه ..تعرف سنه ولا اعرف احد هنا مليت من الوحده
بدر رمي الجريده من يده:وانا وين رحت؟؟
رادا قلبت شطه:لاوالله بدر موكذا قصدي انا قصد بتعرف على الناس بكون صداقات بس
بدر يمثل الزعل:لاتكملين رادا قصدك كان واضح..انا زعلت خلاص ماابي اسمع شي
رادا صدقت:بدر اسفه والله موقصدي
بدر:.......................
رادا:بدر للحين زعلان علي؟؟
بدر:ايه
رادا:طيب وش اللي يرضيك؟؟
بدر استانس ..وبغمزه:قربك
رادا قزّحت من الحيا <<قزّحت=صارت مثل الوان الطيف من الحيا<<باللهي
بدر وقف وشبك ايده بيدها:رادا ابيك توعديني على القرب اصدق ميعاد اوعديني مانتفارق مهما حصل واوعد اهديك فرحة سنيني
رادا:اوعدك يابدر
بدر:رادا قلبي ممكن سؤال؟؟
رادا:اسأل
بدر بهمس:تحبيني؟!
رادا بحيا وطت راسها:ايه
بدر :اذا صدق ابي اسمعها منك <<قرب اذنه من شفاها
رادا :احبـــــ <<الجرس تن تن تن تن
بدر تكدر :وقته افففف خلني اروح اشوف مين ...تدرين عاد راجعيها على بال ماارجع اخاف تنسينها
راح بدر فتح الباب وصعق بالمنظر اللي كان خلفه <<كان خلف الباب سوزان(فتاه لبنانية ...جميله المحيا ..شعرها طويل ..وجسمها مليان وكانت لابسه ضيق <<حالفه يدخل فوقها مادخل الا بفازلين
بدر على طول صد وجه الناحيه الثانيه:خير
سوزان بدلع :هاي كيفك؟
بدر :وعليكم السلام ...خير شبغيتي
سوزان :بدي ملح ازا ممكن
بدرر:لحظه اكلم المدام تجيب لك
سوزان :take your time
سوزان تكلم نفسها:ياي شومهضوم ومتزوج مابسدق<<لمحت رادا من بعيد وطمت فرتها
J
رادا:اهلن ..تفضلي حبيبتي حياك
سوزان:لاميرسي يألبي بس ازا مافيها كلافي كان بدي ملح
رادا باءبتسامه مدت لها الملح:تفضلي ....ايه وقبل لاانسى ترى انا حالفه بكرا معزومه انتي وكل اللي معك عالغدا عندي
سوزان:لاحبيبتي مابدي عزبكوون معي
رادا:لاعذاب ولاشي انتوا جيران جدد وانا حابه اتعرف عليكم ....عاد مالك كلمه بكرا انشاء الله عندي
سوزان باءستسلام:اوكي تشآو
.................................................
لك عين تتكلم
بعد ماتسببت بجروحيْ~
بالمستشفى
متعب:هذا هو وصل طلال
طلال :هاا متعب شصار على اخوك؟؟
متعب:والله ماندري ولاعن شي بس الرجال الللي نقله قالي ان حالته ماتطمن
صبا كانت تتصيح باحضان اختها لجين :خلاص ياصبا هذا اللي مكتوب ادعي له انتي بس الله يقومه بالسلامه<<<لجين بقلبها آخ ياخوي اتعبك الشقا وذبّل زهرة شبابك ..لو كان ربي بياخذ امانتك فيارب خذ امانتي بداله
<<كلها دقآيق حتى ظهر طيف ..آخر شخص توقعوا وصوله ....بنهاية الممر كانت متجهه لهم (حنــــــــــــــآن)
قربت منهم وصارت تبكي:طمنوني عليه ....شلونه رآكان الحين
صبا بعصبيه قامت:وانتي لك عين جايه صدق اللي اختشوا ماتوا
حنان :صدقووني والله ماسويت له شي...الحادث مالي يد فيه والله
صبا:ومين السبه بالحادث موانتي السبه؟؟ من عرفك اخوي وحالته حاله الله لايحللك ولايبيحك
طلال اللي مايدري وش السالفه :صباااا ...احترمي نفسك والمكان اللي انتي فيه لااسمع حسك فااهمه
<<متعب سحب طلال ووخروا عنهم
لجين:ماشاء الله عليك ياحنان تعرفين الاصول والله ...جايه بنفسك وبتوجبين مع زوجك ...عفوا سابقا
حنان :لجين صدقيني موبيدي هذا كله حاولت افهمه اني انا مااناسبه بس ماكان يفهمني ...الحب موبيدي والله موبيدي
لجين:الحب موبيدك صح ..بس الجرح كان بيدك وتفننتي بالتجريح ...كان راكان يشوفك كل دنياه ...هذا جزاه؟؟
حنان :تدرين يالجين اني من صغري وانا احبه ... بس يوم كبرت تغيرت الآيه انا وافقت عشان عمي ماابي اخسره ...صدقيني لوالمشاعر بيدي عطيته كل المشاعر بس والله موبيدي..والحين كل الناس بتفكر فيني السوء وهالشي كافي
لجين :شي طبيعي ياحنان ...لاوبديهي بعد بس اخوي راكان راح يضطر يفهم الناس وضعك لانك بنت عمه بس
حنان :لجين تكفين قوليله يستر علي انا عرضه وبنت عمه قبل لااكون زوجته
لجين :روحي ياحنان يابنت عمي الله يستر عليك المشكله كلها انك بنت عمي ولاغيرها من المشاكل تهون قوليلي وين نودي وجيهنا من سود افعالك وين نوديها؟
حنان:لجين سامحيني تكفين سامحيني ادري عمي ماراح يتفهم الموضوع وبتصير مشاكل تكفين سامحيني
لجين :الله اللي يسامح موانا ياحنان
حنان:ان قلت فيك انك بنت رجال وبنت اصول ماوفيتك
لجين :عموما امي وابوي مايدرون عن طلاقك لاتبينين لهم الحين اي شي
حنان :انشاء الله
...............................................
الا ياخوي لاتسأل.. عن اللي/
"حطم أحلامي" ..
عن الدمعة ’ عن النظرة الحزينه ’والعنا والآه ..!
عن البسمة أو الإحساس/
أو الشقا ’ اللي فأيامي ..
عند طلال
طلال ركض عالدكتور يوم طلع وشاف وجهه قلبه قبضه
طلال:بشر يادكتور شلونه اخوي؟؟
الدكتور:للاسف اخوك
مستعديــــــــــــــــــــــــــــــــــن
الدكتور:اخوك حصل له كسر بليغ باطرافه العليا والسفلى ..ألحين ننتظره يقوم من البنج وبعدها نعرف مصيره ونحدد وانشاء الله خير
طلال:يعني الحين مافي اي مضاعفات
الدكتور:انشاء الله مافيه حالته مستقره حاليا ولله الحمد بس ماندري وش يصير بعدين<< لحد يزف بالله
طلال:الحمدلله لك يارب
متعب:دكتور اكيد اخوي بخير
الدكتور:انشاء الله انه بخير
متعب:الحمدلله
الدكتور:انا استأذن
طلال: وراك ماتفهم الرجال يقول اخوي زين ترجع تسأله درس ادب هو
متعب:لاموكذا بس قلبي متقطع عليه تو مالحق يتهنى المسكين
طلال:ايه والله صدقت بهذي تدري احسه جاته عين ....ماله الا هالمده تزوج وصار له كذا الله يعين بس
متعب:تعال ادق على ابوي
طلال:تعال قبل لاتدق قلي خواتك شفيهم على حنان ياخي هي بعد تكسر الخاطر مالحقت تتهنى المشكله اليوم حاجز سفر لبلغاريا يكسر الخاطر
متعب وطى راسه
طلال :سلامات الاخ نعامه ؟؟ شفيك
متعب:راكان طلق حنان
طلال :تستهبل؟؟
متعب:وليه استهبل اتكلم جد الحين ..راكان طلق حنان ...وابوي لودرى راح تقوم الدنيا ..المهم الحين مايدري لين مايطيب راكان
طلال:ولد متعب انت متاكد امس تزوجها واليوم يطلقها لعبه هي؟؟
متعب:قلتها ياطلال الظاهر عين ولاانا اعرف راكان لاهو مجنون ولاهو يشرب عشان يسوي كذا وبعدين حنان بنت عمه احد يسوي هالسواة مع بنت عمه اكيد السالفه بها ان
طلال:لاحول ولاقوة الا بالله العلي العظيم الحين الناس بتاكل وجيهنا لوماكانت بنت عمي كان هانت حسبي الله ونعم الوكيل
لجين قربت منهم :هاا شلونه راكان الحين
طلال ووجه منقلب :بخير الحمدلله
لجين :احلف!
متعب :وشو له يحلف اخوك بخير الحمدلله
لجين :الحمدلله لك يارب...زين لاتزف
صبا:لجين
لجين :هاااه
صبا:جوعآنه
لجين :لحووول موشآيفه اننا بمستشفى ...خاطري بس يوم مااسمع منك هالكلمه وتسكرين بالوعتك هذي<<وتأشر على كرشتها
صبا :اووووف ياربي
طلال:وش بك بعد انتي تتحلطمين وقالبه وجهك
صبا:مافيني شي
طلال:خلني اكلم خالد يقول انه بيجي مابين للحين
لجين صخنت من طاريه وبقلبها :بيجي...جيت وش جابك حبيبي تررن من بعد طول المغيبي من بعد طول المغيبي ولاناوي ياخالد تغرق لوقي اكثر تغرق لوقي اكثر
صبا تلوح لابيدها:لجيييييييين
لجين:هاااا...خلاص يالهيسك رايحه اجيب لك طفحه اووف
......................................
متعب:مدري وش اقولك يبا
ابوراكان على اعصابه:متعب فيكم شي لاتلعب بأعصابي
متعب :لا مافينا شي بس ....
ابوراكان :بس وشو انطق احد من خواتك فيها شي
متعب :لاااا
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك