رواية love to be loved by you -20
بدر رفع حاجبه:ليش اساسا كنت منتظرتني؟؟
رادا:لا مومنتظرتك
بدر بأمر: اها هذا الللي واضح عموما بكرا بتروحين معي للدكتور
رادا :ماراح اروح
بدر مسكها من معصمها وبصراخ:من متى تعصين كلامي هاااا..يكفي اللي حنا فيه واللي صار لك كله من راسك اليابس هذا
رادا بعناد:قلتلك ماراح ارووح
بدر بعصبيه:راح تروحين غصبا عليك ورجلك فوق خشمك فاااهمه غصب بترووحين
عند اسيل
راشد :اشتقت لك وربي قد دنياي
اسيل:وانا بعد ..تصدق ماادري ليش احس صرت استحي تغير علي الوضع
راشد:ههههههههه لاكل شي عديّه مثل اول بس يمكن غلاك زاد بقلبي وفقدتك
اسيل:حتى انا وربي شاهد علي اني اشتقت لك وخاطري اشوفك والمك<<هنا الباب انفتح بقووه و...................
خلـــــــص البارت
مين خلف الباب هالمره؟؟
اللبنانيه من تكون؟؟ وش ناوي عليه نايف؟؟
شلون بدر راح يقنع رادا
PART 18
بيت ابوراكانْ~
صبا:اقوول متعب
متعب:هاااه <<متخيلين معي المشهد؟؟
صبا:احيانا ماود يكون عندك خال ولا خاله يعني احيانا اقعد افكر تهقى امي عندها اخوان ولا خوات خاطري يكون عندي بنات خال وخاله
متعب:والله حتى انا ودي تصدقين بس ياختي موكل شي ودك فيه يكون
صبا:هذاك قلتها
شوي الا دخلت ام راكان
ام راكان:يما صبا قوومي ساعدي خالتك
صبا:انشاء الله يما
متعب:يمااا
ام راكان:شفيك؟؟
متعب:هذا المفتاح طاح منك وش مفتاحه
ام راكان تطالع الارض:هذا مفتاح المخزن<<نزلت تجيبه الا وطاح الشال اللي مايفارقها وسارعت بتغطية كتفها
متعب بصدمه:يماا وش ذا؟؟
ام راكان باءرتباك:هاه وشو؟؟
متعب:الجرح !!
ام راكان :أي جرح ؟؟
متعب:يما انا شفته الا جرح وش منه ؟؟وليش دايم مخبيته عننا؟؟
ام راكان تقرب من ولدها:الله يرضالي عليك يامتعب ياولدي لحد يدري بالسالفه هذي عشان خاطري
متعب:زين ليش يما ابي افهم؟؟
ام راكان :انت سو اللي اقولك عليه وبس
متعب:انشاء الله يما<<ياترى وش قصة الجرح؟؟
حِين تُحِبْ :
إسأَلْ نَفسِكْ مآذّا تسَتطّيِعَ أنْ تُقدّم لمِنَ أحَببِتَه ..!
إنَ كَانْ الــ [ الفرَاغ] هُو جَوآبُكْ لهَ
فَـ/ إرحَلْ وُدعَ عنِكْ الحُبْ جَآنِباً ..!
عند بدر & رادا
بدر:قومي البسي
رادا ببرود:ليش البس؟؟
بدر:اللهم طولك ياروح ..لاتدعين الغباء وانتي تعرفين كل شي قومي بسرعه ماعندي وقت
رادا بزعل:انا غبيه يابدر هذي اخرتها انا غبيه
بدر:والله ان كانت التفاصيل الصغيره عندك اهم من التفاصيل الكبيره هالشي راجع لك
رادا:اسمع يابدر دام علاقتنا صارت بهالسوء ياليت....ياليت ...ياليت تتركني بحالي وتخليني ارجع لاهلي
بدر مسكها وبعصبيه:انتي جنيتي وتبين اجن معك صح...ولاول مره بعصبيه ماقد شافتها رادا:بتروحين للدكتور يعني بتروحين فااااااهمه<<رادا قامت وبقلبها حسبي الله عليك يابدر وش غيرك علي
<<خلف الباب ..تسحبوا سوزان وزينا لشقتهم بعد ماسمعوا من خلف الباب الحوار
سوزان:ههههههههههههه لا يالله مابسدق
زينه:لك يؤبرالب خالتو بدى المفعول سوزان
سوزان:شفتي لا كان مابسدق هيدا بدر اللي كان قبل كم اسبوع بيحط لرادا الشمس باءيد والقمر باءيد
زينه:ههههههههه لاحبيبتي سدقي والجاي احلى بكتيير من هيك هههههههههههههه
يآإح?? ح?يــہ ..~
?آ‘ح?ىً يـ?م
[ آإحآإ?يـہ !
?? ْآ?ح?يُ : ~
ي??? : ~
?ي?مـع ??آإمــہ ~
يـآإزيـ?ّ هم?ـہ ..~
يـ?م عي?يُ
[ ?حآإ?يــہ ~
آإخـآإف
آإ?ـآإ ’
آرمـش ‘ ب? ?آإقطع
??آإمـہ !
??آإمـہ !
??آإمـہ !
عند حلا &راكان
راكان بتردد:آآ حلا
حلا:نعم
راكان:عادي اسألك سؤال؟؟
حلا:ايه تفضل
راكان:امم ماادري كنت بسال اذا أأأأ....حلا انتي حبيتي قبل؟؟
حلا بقلبها معقوله يسالني هالسؤال وش يبيني اجاوبه ايه ماحبيت ولاراح احب الا انت واللي احبه موحاس فيني لامقدر اتكلم مستحيل:آآآ ماادري
راكان رفع حاجبه :شلون يعني ماتعرفين..؟
حلا:راكان شف انا بنت تربيت ببيئه قست علي من الطفوله ولاعرفت الحب الا من خلال نظرات امي وحنانها وعطف اخوي عبدالعزيز غير كذا انا عشت بعذاب والم شلون تبيني احب حتى الحب اخاف منه... صرت اخاف احب
راكان كسرت خاطره:انشاء الله تنسين كل هالهموم وتنزاح كل الالام عنك
حلا :انشاء الله
شوي الا عم الصمت بينهم
راكان:آآآ وبعد كنت ابي اعرف شغله
حلا:وشهي؟؟
راكان:وش يعنيلك آآآ
حلا فهمت قصده:كمل مين اللي وش يعنيلي؟؟
راكان:آآ وش يعنيلك عبدالرحمن؟؟
حلا:عبدالرحمن مجرد مريض والله يشهد على كلامي وانسان تقدم لي لو ماانت خطبتني قبل كان وافقت عليه
راكان بقق عيونه:يعني كنتي موافقه؟؟
حلا:موكذا بس بوضعي ذاك كنت راح اوافق على أي واحد..ماودي اكون عآله على قلب اهلي واللي شافوه كفايه وعبدالرحمن ماكان ينقصه شي
راكان:شلون يعني مافهمت؟؟
حلا:راكان بذيك الفتره كنت المح بعين امي نظرات الحزن والالم ...نظرات خوفها علي..خوفها اني اروح عند ابوي واتعذب عنده...هذي النظرات كفيله خلتني اوافق عليك عشان امي وخوفها علي ولاانا ماكنت افكر بالزواج وقبلت فيك لانك ولد خالتي<<وبقلبها ولاني احبــــــك ياللي ماتحس
راكان:ااهاااا يعني موخايفه على نفسك من ابوك
حلا:قلتها ياراكان ابوي...طبعا مااخاف منه تدري ليش؟؟ لان جات فتره كان يضربني بليا سبب واسكت بحجة انه ابوي كان يضربني لحد ماكنت افقد الوعي واسكت لان الالم شاف فيني خير مسكن وكانت الالام قطعه وصعب عليه يفاررقني هو الوحيد اللي مخلص معي همي والمي بس
راكان انصدم من كلامها ياالله وش كثر بيننا ملائكة وتعاني من شياطين البشر ...أستحيت من نظراته لي وهو لاحظ هالشي
راكان:آآ طيب انتوا موحابه تعرفين عني شي؟؟؟
حلا:لا الحين بدري لكن مصير الايام تعرفني عليك اكثر واكثر انا مومستعجله
راكان:براحتك
اضحك واقهر العآلم
IN UK
نادين:هاي ..انا نادين من لبنان بحب البيتش وبحب اعمول تان وبحب المودا كتير كتير وفيق بكير ونام بكير هاهااهاهاها
احمد :ابشرك حتى المودا تحبك كثير الا وش معنى مودا
الكل:ههههههه
لجين تهمس للميا:وووع وييييع قال مودا أي مودا يرحم والديك ماكانها لابسه شي ولاالتوب كل كرشتها طالعه
لميا:اهم شي ركبتها تقل جمل <<حريم
نادين:هلاء كلكون هون سينقل؟؟
لجين:ايه كلنا سينقل حنا جايين هنا ندرس ماندور على بارتنر عشان جدي يقوم من القبر يلخني بعقاله ويرجع
الكل:ه ه ه ه ه ه ه ه ه ه ه ه
نادين :مافهمت شو حكيتي
نايف:ولايهمك بحكيها احكيني انا هذول القراوه مايعرفون وين الله حاطهم...ألا نادين انتي سنقل؟؟
نادين ينقالها استحت:ايه
نايف بغزل شامي:ايه حلوو كتير حلوو
لجين :انت هيه ترا زودتها حيل معي محد قروي هنا غيرك
رؤى:لجين قلبو ماتحكيش شي هالمره عشاني
نادين بدلع :اممم فينا نصير فرندز ياامم شو اسمك؟؟
نايف باءبتسامه تهد جبال:نايف
نادين :فينا نكون رفقه
نايف يغمز لها:واحلى رفقه
احمد:احم احم نحن هنا
نايف:وخير ياطير نشوف ترى
لجين تقوم:انا هالجو موجوي بمشي
لميا:وين بتروحين تو الناس بقا وقت
لجين :مقدر اجلس بمكان فيه انسان اكرهه
نايف:انا مواكرهك الا ميت كره عليك J
لموي اتركيها اظنها غيرانه من بعض النجوم
لجين:انت حدك لين هنا وبس وش منه اغار؟؟شوف لوماكفيت شرك راح ابهذلك
نايف:طيب حلو دامك تحدين راح نشوف من فينا بيبهذل الثاني
لجين بتحدي:شف لاتحداني وتحط راسك براسي راح تندم
نايف:وش اندم عليه اتحداك يالقرويه
لجين:بتشوف وش ممكن تسوي هالقرويه ياقروي<<وتوجهت لمكتب المدير المسؤول عن البعثه السعوديه ببريطانيا
~~~~~~~~~~~~~~~~~~~~~~~~~~
لآصِرتْ فيً فگري , وآنٍآ في خًيآلگ
. ..................... مآنفتٍرقْ حتىّ لوَ قَآلْ الزٍمًنْ [ آفْتٍرُقِنَآ
عند اسيل
تصييييح وتصاااارخ:لااااايبا تكفى لااااااااا
ابواسيل:والله ثم والله يااسيلووه لواشوفك مكلمته مره ثانيه لااقطع رقبتك قطع
اسيل تصيح:تكفى يبا اسمعني الله يخليك
ابواسيل بصراخ:ولاكلمه..شوفي موهذا جوالك اللي كلمتي منه هااه<<ورماه عالارض وداس عليه
ابواسيل:امك قالتلي عن السالفه خلني اسمع انك مكلمته والله لاتندمين ...أللله ياخذك جبتيلنا هروج حنا في غنى عنها<<وتركها بين المها واحزانها وونينها اللي احترقت فيه وسادتها:حرام عليكم والله حرااام
عند مشعل & ريان
مشعل:اشوفك مستانس
ريان:مادريت عن اخر الاخبار!! السلقه بترسل صورها
مشعل :لاياشيخ لاتقوول والله انك جاامد جبتها يعني
ريان:افا عليك خويك ذيب يالاشهب..ألا طيحت لنا ام شامه
مشعل:افا عليك يالحبيب هذا سؤال الله يهداك
ريآن:قسم بالله البنات دلوووخ اللي مثل هالصبا ياخي ينلعب عليها مثل سلام عليكم ابد ماخذت فيها وقت صيده ابوكلب هههههههههههههههههههههههههههههههه
مشعل:صدق والله انا الصيدات اللي اطيح فيها كلها ماركات ههههههههههه
ريآن:كفوو والله اهم شي تجيب راسها عشان تعرف ان الله حق وماتكلم عنبوهم مايتعضوون كم وحده طاحت بيدنا وبعدها باسبوع جبنا خويتها
مشعل:من جد تكون وش زينها تلق جوهره ساعه وحده نرميها باحلى وحل قاذورات ههههههههههههههه
ريآن :كل واحد يتسبب على نفسه النظيف نظيف والشريف شرييف والوفي وفي<<طيب ياوفي حطمتنا
عند الاستاذ حمد
<<الاستاذ حمد سعودي الجنسيه مرافق لنا بالبعثه كداعم واي مشكله توواجهنا ممكن نتوجه له
الاستاذ حمد:خير يالجين تكلمي قولي اللي بخاطرك
لجين :الصراحه مدري وش اقولك بس عندي مشكله بسيطه مع احد الطلاب
الاستاذ حمد:تقدرين تقولين ان المعلومه وصلت ....المشكله اللي تواجهينها قبلك من الدفعات واجهوها اذا كانت بخصوص الحجاب هالمشكله شوي شوي راح تنحل بس لابد الصبر والعزيمه وماتهتمين لكلام أي احد<<مسوي فاهم الحين
لجين:لا هالسالفه اخر همي
الاستاذ حمد:عفوا ممكن توضحين اكثر
لجين:طيب المشكله يااستاذ ان احد الطلبه السعوديين يتعمد مضايقتي وين مااروح بالعربي بثر <<حسيت بقوه مالي داعي هو وش عرفه ببثر
الاستاذ حمد:مضايقات ؟؟...مضايقات من أي نوع تقصدين غزل او تحرش مثلا؟؟
لجين بقلبها وين راح فكره هذا :لالالا يعني كل اللي اقصده انه مستقعد لي عالروحه والجيه ويحب يتمشكل ويقط حكي ماله طعمه
الاستاذ حمد:وصلت الفكره ....عطيني الا سم كامل ومايصير خاطرك الا طيب
لجين بتردد:آآآ اسمه آآآ اسمه نايف ال........
الاستاذ حمد:ابشري الحين تقدرين تروحين وانا بشوف مشكلتك واتابعها
لجين:مشكور
الاستاذ حمد:العفو
" شعور غريب , "
عندما تحاول ان تخرج مايجول في داخلك
ولاتستطيع.!
و يضيق بك المكان ولاتستطيع مغادرته
فتبقى في دائرة ضيقتك ومكانك دون تحرك ..!
بيت ابوخالد~
رهف جايه وهي طايره:مررررروم مرررروم الحقي
مرام وبيدها الصوف و الابره:خيير يالمطفووقه شصاير وش اللي مخليك تطفقين كذا؟؟
رهف تناهج:جبت لك خبر بمليوون
مرام:قوولي ياوخيتي فرحينا وش هالخبر؟؟
رهف باءبتسامه:جااك عريس وتقدم لك وهو الحين بالمجلس ..الظاهر انه المستأجر عند نا
مرام بفرح:صدق والله ..احلفي رهف قولي انك ماتمزحين
رهف:والله هذا اللي سمعته
شوي الا جا ابوخالد
رغد:اصص جا ابوي
ابوخالد:السلام عليكم
الكل :وعليكم السلام
ابوخالد:يما رغد تعالي ابيك بكلمه
رغد قامت وهي ماودها اختها تشيل بخاطرها فرحها فرحي ياعساني مااشوف بعينها الكدر
مرام والدمع بعينها...رهف تمسح دموعها:مرام تكفين سامحيني والله ماادري انه جاي لرغد ولاماكان قلتلك
مرام:لا رهف انا ماابكي عشان جا لرغد عريس ابكي على انانيتي لاني نسيت ان عندي خوات من بعدي وان رغد بسن زواج...انا اللي مثلي خلاص ينسى الزواج وطاريه
رهف:لا مروم لاتقولين كذا والله ازعل ترى مرضى عليك ...مروم انتي الف واحد يتمناك بس تدرين ليش ماجو؟؟
مرام تمسح دموعها:ليش؟؟
رهف:خايفين مني لان محد يقدر ياخذ مرومتي مني شلون بقدر اعيش من دون نجرتك وهواشك؟؟
مرام تضمها:ياحياتي ياوخيتي عسى الله لايخليني منك
عِشّقي لك ماهو رفاهيّة مَزآج !
.. . . . ..... عِشّقيْ لِك زاييييد مع العشّق احتيآج
ببريطانياْ~
استاذنت من المحاضره وطلعت كان خاطري اشوفه متهزا قدام عيني والحمدلله شفته ...وهو معصب والشرار يتطاير من عينه ومتوجه لين عندي
نايف بعصبيه :انتي للحين ماعرفتي من اكون؟؟
لجين كنت لابسه نظاره شمسيه وعملت حالي مااعرفه:عفوا مين الاخ؟؟
نايف انحرقت اعصابه:انا ..نا نايف آل......... عرفتيني الحين
لجين بعناد:لا مااعرف واحد بهالاسم
نايف بعصبيه شآل نظاراتها...
هنا صار نايف غريق ببحر عيونها ...الله ياعيونها كنها قصة وطن في ديآر غربه ..جمآل شرقي غربي ..سحر واصاله وقصص يحكيها ذاك المحيآ ْ~
لجين بهواش:نااااي ف رجعها صدقني بتندم ..وبصراخ:نااايف
اما نايف مو حولها مازال يناظر عيونها اللي تذكره بشي عجز يفهمه ويذكره....مدت يدها بتاخذها وهو سبقها ومسك يدها ...وصار يتأمل عيونها وماسك يديها
نايف قرب منها :من انتي؟؟
لجين بعصبيه:شيل يدك عني احسلك وبسرعه
نايف يعاندها :مافيه ..بس كنت بسأل عدسات ؟؟
لجين بعصبيه :مالك دخل جب النظاره
نايف بغمزه:امم ممكن نتعرف اكثر يمكن تحبيني؟؟
لجين بعصبيه:حقيييير واااطي
نايف:نفسيه
لجين مطنقره:لاشفتك تدري وش ذكرت ؟؟الحصه الاولى يعني ماتصدق وش كثر انا مااطيقك
نايف عطاها:هههههههههههههه وانا لاشفتك ذكرةت الطلعه عالبيت ياحلوك وانتي معصبه استمتع بمنظرك امسكي هذي النظاره...بس كنت بحذرك تلعبين معي فاهمه ياااقمرر
لجين :منااك لو سمحت ياولد آل .... انت اللي ماعرفتني انا مو اسم وقول لا انا فعل وان كنت تجهل المراجل وافعالهم انا اعلمك
<<هنا مشيت ...وصار نايف يكلم نفسه :هذي من أي نوع من الحريم ؟؟ ابي افهم كل هالجمال بس جايه تدرس هنا؟؟
شوي الا لقيت قدامي شخص كرريه مستقعد لي من جينا وداومنا..اللي هو(فيصل)<<فيصل اكبر مني واكبر بثر بالحياة ممكن شخص يقابله ...مزيوون لدرجه مو طبيعيه تعرفون اللي بالافلام اللي مخقق نص بنات الجامعه ومشبك مع النص الثاني هذا كان حال فيصل ونسونجي كل يوم مع وحده غير
فيصل:ياحلوو عطنا وجه
لجين :عفوا انا اعطي كف مو وجه ...شف من الاخير حدي موناقصتك لااطلع حرت ذاك فيك
فيصل:ياحلوو اللي معصب والله ...تدرين عاد من قالولي سعوديه وانا رايحن فيها معك....وبقذاره:جمالك اسطور عذاب جرح اللي تبين
لجين كنت اكرهه حد الثماله وكنت اخاف منه حيل لانه اقذر شخص كما سبق ذكره:وخر عن وجهي احسلك
فيصل وقف قدامي ومسك كتوفي وهو عاض على شفته:وش اسوي اذا حبك دخل هنا<<واشر على قلبه ..من اول نظره
انا جمدت بمكاني خايفه وش ممكن يصير
شوي صد نايف ورجع وعطااه بكس طااااااااااااااااااااااااااااااااااااااااااااااااا اااخ...وفي المقابل عطاه فيصل بكس وصار طريح بالارض ودم متناثر
خلـــــــــــــــــــــــــــــــــــــــص البارت
ياترى وش راح يصير بنايف؟؟ وليش دافع عنها؟؟
ياترى رغد راح توافق ولا ترفض؟؟
ريان هل في رادع راح يردعه
Part 19
عند حلا&راكان
راكان:آآ حلا ممكن سؤال <<ياليل ماقضينا يعني؟؟
حلا:ايه اكيد تفضل
راكان بتردد اقولها ولا لا ؟؟:لاخلاص انسي الموضوع
<<وقام من مكانه ..حلا بحركة جريئه مسكته من يده ورجعته
حلا:لاياراكان قول اللي كنت بتقوله
راكان :طيب دامك اصريتي بقول....حلا انتي مرتاحه معي؟؟
حلا وطت راسها:مومهم راحتي المهم ان اللي حولي والناس اللي احبهم مرتاحين
راكان:وش هالكلام ياحلا وشلون راحتك ماتهم؟؟..بس يعني بنت بجمالك وثقافتك عايشه مع ...مع واحد يعاملها وكانها <<هنا سكت ورجع تكلم....وكأنها وحده من خواته وناسي انها زوجته..ادري هالشي مأثر عليك بس ابيك تعذريني ياحلا انا للحين موقادره اتقبل فكرة انك زوجتي او انسى جرح حنان لي للحين مابرى اعذريني ياحلا مو قادرانسى فكرة اننا ربينا سوى واني اشوفك مثل خواتي وموقادر اعاملك كزو...
حلا من ورى قلبها وهي مقاطعته:لاتكمل حتى انا ياراكان اشوفك مثل ماتشوفني تماما<قامت وتركت المكان وصا رراكان يأنب نفسه عالكلام اللي قاله
مِنْه? غيَر?ْ ؟!
?آضح?ْ ?يَ / زآنْ?ٍ آ?دنْيَآ بَّعيَنْيَ .,
?مِنْه? غيَر?ْ آذآ غآآبَّ .. ?ٍضيَق بَّيَ ( ?ْبَّر آ??سيَعه )..................
مِنْه? غيَر?ْ يآيبآ؟!
بيت ابوخالدْ~
ابوخالد:يما رغد انتي كبرتي مااشاء الله وصرتي عروس وانا ابوك..كامله والكامل وجه الله ...اليوم يابنيتي جا سعود اللي مستاجر عندنا وخطبك مني ..وانا الصراحه اشوف انه ولد ماعليه ولا قاصره شي انا يهمني اعرف رايك..انتي شرايك يابنيتي؟؟
رغد:يبا اللي تشوفه ..بس المشكله...
ابوخالد:بس وشو يارغد .تكلمي؟؟
رغد :اختي مرام يبا ...اخاف تشيل على خاطرها ...اناماودي سالفه مثل هاذي تزعلها مني
ابوخالد:وش هالكلام يابنيتي يعني الحين بزعمك يوم ترفضين الخطاطيب اللي يجونك تكونين سويتي عين الصواب ...بنتي فكري زين انتي كبرتي والايام تركض ومرام ماجا نصيبها تو قدامها العمر وانشاء الله ربك كريم
رغد :بس يايبا صعبه ماودي المح بعينها الالم
ابوخالد:بنتي رغد حنا كلنا تألمنا خصوصا من بعد موت اخوك ماسمعنا حتى خبر يفرحنا ...نبي نفرح وانا ودي اشوف عيالكن ابي يتجدد الفرح ابي ارجع اشوف البسمه بشفاكن
رغد:انت وش رايك يبا
ابوخالد:قلتلك الولد ماعليه يابنيتي ولا قاصره شي
رغد :اجل اللي تشوفه يبا
ابوخالد:الف مبروك يابنيتي الله يكتب لك السعاده انشاء الله
~~~~~~~~~~~~~~~~~~~~~~~~~~~~~~~~~~~~
أحبك لح’ـآلي ولـآ يومـ علمت !~
إحساس أحس الموت من طعمه أرحم ,’
ببريطانياْ~
لجين بخوف:نااااايف
فيصل بعد مضرب فيصل هرب وصرت حييل خايفه لان نايف متمدد بالارض والظاهر انه توجع
لجين :نايف قاعد تنزف
نايف:عندك منديل؟؟
لجين :ايه <<وصارت تدوور بشنطتها ولقت
نايف بكذب:يديني صلبوا
لجين رفعت حاجبها:شفيها يدك بعد ؟؟
نايف :صلبوا ..انتي امسحي لي الدم
لجين:طبعا لا
نايف:حرام عليك يعني يقضي دمي
لجين:لاحول ولا قوة الا بالله
<<قربت منه وصرت ارجف وامسح له الدم
لجين عشان تخفي ارتباكها:ليش دافعت عني ؟؟موتكرهني واكرهك ؟؟
نايف سال نفسه نفس السؤال ليش دافعت عنها؟؟
لجين :لوسمحت لاتتدخل مره ثانيه بشي مايعنيك شف وش صار فيك انا ماابي مشاكل
نايف كان يتأملها :تدرين صار اهتمامي فيك روتين يومي اصحى وانام وسيرتك فخيالي...بس تدرين عاد انا الغلطان ادافع عن وحده مثلك
لجين :لاعاد تتدخل لو سمحت بينه وبيني<<وجيت ابي اروح
نايف مسكني:وين رايحه ...وبطفوله :باقي دم
لجين :ياربي وين الدم
نايف يرمش:هنا
لجين مسحت له محل الدم :حط يدك على المنديل
نايف قبل لاتشيل يدها حط يده عليها ..حسيت باءحراج هذا شقاعد يسوي
لجين بعصبيه:نايف لاتلمسني لو سمحت
نايف بغمزه :افاااا يعني فويصيل حلال وحنا حرام
لجين بحده:احترم نفسك انت تدري ماعندي هالحركات ...واذا عندك لاتحسب كل الناس مثلك
نايف:طيب لاتعصبين علي ....ليش كذا قلبك قاسي<<وصار يغني انتا ألبك آسي اوي اوي انتا مش بتحس كده وكده
لجين :بثــــــــــــــر حد الثماله
نايف بغزل:وانتي موووت حد الثمااااله
لجين:وقـــــــــــــح
<ومشت وهو ميت ضحك
يً لذة آلمسسآإء قلبَي سآهيَ بفُكرٍهـَ
كَنْ ربيَ عنْ غِيرهـُ مَن آلنآس ، ،
{ مِعمينيِ ، ،
بيت الجد راشد
الجدراشد:ياولدي ياعزوز شفيه هالجّراح ابطى مويقول كلها دقايق بيروح للحمام وبيرجع شفيه تاخر؟؟
عبدالعزيز:ماادري والله ياعمي....آآآ عمي ممكن اسالك سؤال
الجدراشد:قول ياولدي كل اللي بخاطرك
عبدالعزيز:كنت ابي اعرف وش اللي خلاك تطري على بالك فكره انك تربط بيتك بالمستشفى؟؟
الجد راشد:شف ياولدي كل انسان يدخل مجال لازم يكون حذر...الصحه ياولدي ماصارت تخدمني مثل اول الحمدلله على كل حآل
عبدالعزيز:وش اللي خلاك تختارني ياعمي وتبتعد عن اللي يقربون لك مثل عمي عبدالله ولدك الله يطول بعمره
الجد راشد تنهد:ايييه ياوولدي اكثر شي ينخاف منه الاهل شفني عطيتك ثقه ماعطيتها لاحد من اهلي انشاء الله انك قدها
عبدالعزيز:انشاء الله ياعمي ....انا اسف سالتك بشي مايخصني
الجد راشد:لاياولدي بالعكس انا احتاج افضفض..انت الحين رح شفلي هالجراح وين ذلف
عبدالعزيز:انشاء الله طال عمرك
<<راح عبدالعزيز ولقا جراح قدامه
عبدالعزيز:وينك لك ساعه كله هذا حمام
جراااح:آآآه بس وش اقولك ياعزوز شفت غرااال قططططعه طخممممممممه توها مرت من هنا ..أيه وربي من هنا تأخذ العقل والرووح..بس اااه من الفقر ذا ...والله والله لو اني مغتني لخطبها اليوم من ابوها
هنا عبدالعزيز حس بغيره وسحب جراح من ثوبه:انت وش قاعد تقول هااا...اسمع ياجراح وخلي كلامي حلق بذوونك والله والله لوشفتك او سمعتك تقول هالكلام عن بنات المعزب لااقوله واقطع رزقك وفيها اللي فيها
<<عبدالعزيز بقلبه ليش حسيت بهالشعور؟؟الا حسيت بغيره ياعبدالعزيز انت ؟؟.....لأامستحيل هذي غيره طبيعيه على محارم معزبك اعوذ بالله منك ياابليس
عند ريم بقلبها يووه الحين يحسبني من البنات قليلات الحيا..واني واقفه هنا للي رايح واللي راد..كله مني ومن قلبي اللي يبي يضيعنا اكيد اخذ عني فكره موزينه
يـآع ـضـيـدي لآتـقـ?م ?تـطـيـح
آتـر? هـمـ?مـ? عَ ــلَـيْ ?خَ ــلَّـهَـآ ..
ح ــطـهَـآ مـن فـ?ق مَـتْـنِي ?آسـتـرِيـح ..,
?آطْـلِـبْ آلـ?آلـي ع ــسـآهـ يـح ــلَّـهَـآ
لآتـقـ?ل آنِّـي مـن آلـفَـرْقے ج ــريـح
?آلله آن تَـخ ــسَـر ح َــيَـآتـ? ?ـلَّـهَـآ
?ـآن تَـبْـغَے آلـعِ ــلْـمْ ?آلـرَآي آلـصْـحِ ـيْـح
آلله آلله فـي صَـلآتــ? صَــلــهَــآ ..}}
بيت ابومشعل
شادن ..فتاة الموضه والازياء والصرعات والصيحات...تغيرت كليا الى فتاه..شاحبة اللون وناحلة الجسد متعبة البشره ...تغير كل مافيها..كانت رافعه عينها للسما وتفكر
راشد:شادن شفيك؟؟
شادن باءبتسامه صفرا:ولا شي ياااا
راشد:راشد اسمي راشد ياشادن انسي رزان
شادن:راشد لاصرت نادم على ذنب اخطيته وودك تكفر عنه وش تسوي..شلون تقدر ترجع اقرب خلانك لك؟؟
راشد:شوفي ياشادن لاترتجين من بشر يسامحونك على زلاتك روحي لخالق البشر هو اولى لذلك ..لو بيد البشر يحاسبونك عطوك الذنب على صينيه من ذهب ...شادن كل اللي مضى انسيه عيشي اليوم وجهزي لباكر ...شادن لوكل واحد مثلك جلس وحط الايد على الخد كان كل البشر ماتو من الهم وصاروا بحالتك
شادن:بس انا فقدته ياراشد فقدته وشلون اقدر احيا بدونه
راشد:شادن انا خذت درس من الدنيا دوام الحال من المحال وصعبه تعيشين دنيتك مثل ماتبين شوفيني فقدت كل عمري اللي راح وفقدت اعز انسانه على قلبي
شادن:ليش انت ماتكلم اسيل؟؟
راشد:اكلمها؟؟شلون اكلمها وابوها درى عني وطقها عشاني صرت رجال وهو ناسي العشره اللي بيننا
شادن تبكي:راشد عادي اضمك؟؟
راشد ضمها:اكيد عادي
شادن:تكفى راشد اخوي لاتخليني
راشد:انشاء الله اقدر اعوضك عن كل الايام اللي مضت يااختي
؛×؛
أنا بالصّمت لے حكمة×
روآهآ وآحدٍ مجنون !
» وأنآ بالهرج لے مبدأ « ،
أدآري دُومـ ميزآنهـ
..!
ببيريطانيا
احمد:اسمعوني ياجماعه صراحه انا كلمت نواف وبندر وخالد بهالخصوص وابي اقولكم اياها على العلن ...حنا قررنا نصلح وقدام الجميع بين (لجين& ونايف)
نايف:وانت على بالك مصلح اجتماعي؟؟
احمد:العلاقه بينكم قاعده تسوء وعالاقل نبيكم توعدونا توقفون من هالمناقر انت وياها ترى ماصار اشغلتونا
نايف:شف من ناحيتي انا دايم اعتبرها موموجوده ولاتهمني اصلا وبعدين من قالك بحسن العلاقه
لجين : انت هيه .. انت اللي وجودك والعدم واحد دام اللي يحبوني كثار وش بيصير لونقص واحد من عذالي ؟؟كيس بالهوا وطار
نايف ببرود :سمعتوا شي؟؟ كاني سمعت نمله تكلمت خ خ خ
لجين :نمله بعينك بزر
نايف:ياليييل رجعنا يعني بزر وكلام فاضي
لجين:مكان هو فيه مجلس فيه دقيقه وقامت
لميا تلحقها:لجين شفيك من جدك يااختي احقريه
لجين :اووف يرفع الضغط لوارتكبت فيه جريمه لحد يلومني
لميا:لجين ليش شاغلك هالكثر معقوله تكونين؟؟
عند نايف
احمد:ياخي احقرها مايصير اللي تسوونه
نايف:هي اللي بدت ياخي هذي حلال فيها الذبح
احمد:نايف لهالدرجه شاغله فكرك لايكون انت؟؟
عند لجين
لجين:لايكون انا وشو ؟؟
لميا:لالالاولا شي
لجين :اصلا عمره ماشغل تفكيري غير اهلي واحبابي يجي ذا يشغله<<بقلبها انا ليش هالكثر مهتمه من البدايه كان حقرته واحد مايسوى
عند نايف
نايف:لايكون وشو؟؟
احمد:لاانسى الموضوع
نايف:اصلا عمره محد شغل بالي ولااحد يقدرولاانولد للحين مابقا الا هي
احمد:زين اثبت لنا هالشي خل نرجع
نايف:يللا عشان تعرف بس انها ماتهمني
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك