رواية خليجيات في الامارات -8
في دبي فيستفال سيتي واقفات يدام المصعد
روان تدخل وتقول : هلوووو
البنات : هلا والله
روان : اش فيكم واقفااات اهني ..؟؟
نور : ننتظر ملاك
روان : وأنا اقول أنا متأخره طلعت ملووك متأخره
شوق تطالع ساعتها : ايـــه بتصير سبع ونص وبعدها مايت
اريج : انشالله بتوصل الحين
بدور : اي بناات أول شي بنروح نشتري شوية خرااابيط وبعدها نتعشا والساعه تسع ونص بندخل السينما
روان : بس أول ما نوصل احجزي تدرين عاد سينما فستفال أوقاات تفول وما تلقين لج حجز
شوق : اي ماشالله ذااك اليوم طافني الفلم والسبب هالزحمه
روان : هذي ملوووك وصلت
ملاك تدخل : السلام عليكم
البنات : وعليكم السلام
شوق : وينج يا معوده ..؟؟
ملاك : ميود اتصل بي ويقول خلي عمران يوصلج هو مشغول
بدور تشق الحلج : عمرااااااان ..؟؟
ملاك باستغراب : هي عمران جيييه تبينه بشغله ..؟؟
بدور : بندخله السينما ويانا ههههههه
ملاك : سكتي يا حرمه ههههه
روان : يلا بنااات نروح نشتري لأنه ما عندنا وقت
شوق : عاد أنا بروح بحجز لنا
بدور : اي روحي ما بنحصل مقاعد فاضيه من الزحمه
ملاك تطالع اريج وتقول : شو مسويه بروحج
اريج تطالع بوتها وتقول : حلو ..؟؟
ملاك : هههه هو حلو بس أول مره ما تلبسين جعب هههه
اريج : قلنا نغير هههه مو كل مره كعب مليت
نور : اي غيري استايلك كل مره ههههه
ملاك : بناات اي فلم بنشوووف
بدور : الفلم اللي قلت لج عنه قبل أمس
ملاك تبتسم : اها هههه .. ماال كايا وأمان
بدور : ايــه هو عليج نور
روان : والله أنا ولا أعرف نحن شو بنشوووف المهم عندي أطلع معااكم ههههه
نور : وأنا كماان ههههه
اريج : هذي بدور اللي تعرف بهالشغلات ههههه
بدور : مو بس أنا و شوق بعد ههههه
ملاك : نوراان جيييه ما يبتو الهنوف وياكم
نور : ما رضت تقول عندها بروجكتات للمدرسه
ملاك : الحمدلله نحن مفتكين من المدرسه هههههه واجبات ومشااريع وحاله .. الحين لأأأ ادرسي الماده وخلصيها ونطي ع اللي بعدها .. وأخر شي اشتغلي هههه
اريج : اي والله صدقج .. ممله المدرسه الجامعه أحلى
نور : بس المدرسه فيها أشيا كثير حلوه .. تتمنين ترجعين للماضي
بدور : من هالنااحيه ايــه صح هههه
ملاك : هي شوقاني يايه .. ادعو حصلت هههه
بدور : اي أكيد حصلت وبعدين توها الساعه سبع
نور : وين النااس تجي هنا من العصر وتاخذ التذكره وتدور هههههه
روان : يبي لنا نسوي جذي هههه المره الياايه أوكي
شوق وصلت : وأخيرا .. يلا الساعه تسع وعشرين دقيقه الفلم بيبدا
روان : يعني ما أخروووه عشر دقاايق هههه
شوق : ولا يهمج بقول لهم أخرو عشر دقايق رفيجتي تبي جذي ههههه
ملاك : يلا نااخذ لنا بدل نفس شي
بدور : هالمره على ذوقي
نور : اكيييد بتختار لنا شي شافته بالفلم اللي شافته قبل يومين ههههه
اريج : اي والله صاادقه يا نور ههههههه
بدور : والله طالعي البربري اللي كانت لابسته .. طررررررررر
نور : قديـــــــــــــــــمه .. اسمعو ذي قااالت بربري
بدور : بربري بس الموديل رهــــــــــيب
ملاك : دامه رهيب هههه أوكي نبي ناخذه
بدور : بس وين بنحصله ههههههه هنا المشكله
شوق : بداال ما ناخذ من اللي شفناه مني ومناك .. خلونا ناخذ ع ذوقنا أحلى
روان : اي والله على ذوقنا أحلى
اريج : يلا بنات نروح نتشرى قبل لا يخلص الوقت
بدور تقول بطريقه أجنبيه : ويقولون لنا جيم أوفر ههههه
نور تدز بدور بخفيف : ادري سمعتيها بفلم .. يلا تحركو قبل لا يخلص الوقت بسرررعه
مشو البنات وهن يضحكن مع بعض ..
مرررر الوقت والبنات مع بعض .. اشترو اللي يبون وبعدها تعشو وبعد ما تعشن دخلن السينما يشوفن فلم ومررر الوقت والبنات مستانسات من الطلعه اللي ما تخلو من الضحك والسوالف والوناسه
/
.
شــوق تطلع عباتها وهي تغني وتدندن : اللي جرى من ايده عسى الله يزيده كل ليله يطلع لي بقصه جديده .. يكذب عني و كل كذبه بمزاجي لكن يعرف كيف بالحال أصيده .. كل ليله يطلع لي بقصه جديده
نـــور ابتسمت وقاالت : مسكين ما يدري اني أحبه وأريــــــــــــــده .. كل ليله يطلع لي بقصه جديده
شوق تبتسم وتفر روحها ع السرير وتقول : وااااااااااااااي نواااري اليوم بصراحه يوم ولاأروع
نور تبتسم لشوق وتقول : اي والله اليوم ولا أرووووع
شوق تعدل يلستها وتقول : الملابس اللي شريناها حلوه واايد
نور : أحلى شي فيها اننا حنا السته نفس اللون ونفس الشكل
شوق : اي صح
نور : ههههه تعشينا كثييير شاكه ان بيطلع لي كرش قريب هههه
شوق تغمز لها : اهوه جذي ولا جذي الكرش بيطلع هههه
نور تضحك : اي صح ههههههه
شوق : الفلم كااان خطيييييييير
نور : ولا البطله حلوه بزياده
شوق : اي ماشالله عليها حلوه واايد
نور : بس أمان يشبه الفلبينين شوي هههههه
شوق : بس كايا حلوه واايد .. لكن الفلم رعب ورومنسي
نور : ريمكس هههههههه .. بس لاايق عليهم
شوق تغمض عيونها : تدرين نورااان تذكرت اليوم عيااال عمي
نور : اي صحيح وينهم ما قاامو يجو مثل أول
شوق ترفع جتفها : ما أدري والله .. أبوي يقول ان الشغل زاااد عندهم في الكويت .. من جذي عمامي ما يقدرون يتركون الشركات والمعاارض
نور : يلا الله يسهل عليهم
شوق ابتسمت : وعمامج ..؟؟
نور : ما يقدرون يتركون أولادهم لحالهم وتدرين ان عمااامي صغاار بالسن مو كباار كثير .. لا جو لااازم حريمهم يبون يجون
شوق : يلا الله كريم
نور : اي الله كريم
شوق : برووووح بااخذ لي دش سااااااااخن عشاان أناام عدل
نور : اسرعي أنا كمان بتحمم
شوق : هههه أوكي بس خمس دقاايق
نور : ياريت أعرفك تنامين في الحمام انتي ههههه مو بس تتسبحين
شوق : هههه مو لهالدرجه عاد .. بتسبح وبطلع بسررررعه فيني نوم
نور : أجل اسرعي يلاااا
شوق : انشالله عمتي
نور تبتسم وهي يالسه تطالع شوق تدخل عشاان تتسبح .. وتقول : عمتك بعينك
شوق تفتح بااب الحمام وانتو بكرامه وتقول : ما سمعت
نور تضحك وتقول : أقووول خلصيني فيني نوووم
شوق : ايه هين دواااج عندي بعدين
نور تبتسم وتطلع من الحجره .. تروووح صووب المطبخ .. تفتح الثلااجه عشاان تشوف لها شي تاكله ..
.............. : بــــــــــــــــــــــــــــــــــووووو
نور تلف متخرعه وتقول وهي مفزوعه : بسم الله الرحمن الرحيم
ضااري يضحك : ههههههههههههه خفتي
نور تعقد حياتها : لا ياشيخ يعني اللي سويته شويه
ضااري يضحك ويقعد ع الكرسي ويحط راسه ع الطاوله وهو نااقع ضحك نور تسحب الكرسي وتقعد وتضربه ع يده وتقول : اش فييييك ..؟؟
ضاري يرفع رااسي وهو ميت ضحك : لهالدرجه خوافه
نور تضربه وتقول : ان ما بطلت هالحركاات يا ويلك مني سمعت
ضااري يمسح يده مكان ضربة نور ويقول : بلا هذي ضربة الحين
نور تعقد حياتها وتقول : تبغا تجرب غيرها يعني ..؟؟
ضاري يبتسم : لا لا شكرا هههههههههههه
نور : اسكت فضحتنا
ضاري : هههه نور طلعتي ردييه تخافين بسرررعه
نور : انتو بهالبيت تفزعون الواحد من كبيركم لصغيركم أعوذ بالله
ضاري : حتى حبيبة قلبج شوق ..؟؟
نور تهز راسها : اي شوق كمااان تفزعني أعوذ بالله
ضاري يضحك ويقول : والله انج مقلب يا نـــور هههههه
نور تعقد حياتها : ضوضو بزعل منك
ضاري : شو شو ما سمعت ..؟؟
نور : بزعل منك
ضاري : لا لا اللي قبلها ..؟؟
نــور مستغربه : ايش قلت ..؟؟ قلت شي غلط ..؟؟
ضاري يضحك : لا اش قلتي ضو ضو
نور تبتسم : ايـــه يعني ايش ادلعك بلا هههه
ضاري يبتسم : اي شي الا دلعج اليربان هذا هههه
نور : وجـــع ما تستاهل أحد يدلعك
ضاري يبتسم : خلااص لا تزعلين هههه
نور : قم ذاااكر وراااك ثانويه عاامه يا ولد
ضاري : شو قالو لج داافوور اذااكر لج كل الكتاااب
نور : ايـــه دامك تبي تدخل الجامعه الأمريكيه لاازم نسبتك عاااليه كثييير
ضاري : ابوي بيدبر لي
نور تلوي بوزها : مهمل أعوووذ بالله
ضاري يضحك : من زينكم انتن البناات يعني .. حتى انتن كل شي فاشلات فيه ما عدا الدراااسه
نور تضحك : صل ع النبي ياولد
ضاري يبتسم : لا بحسدكم هههه .. يلا بروووح برقد
نور : رووح نوم العوافي
ضاري يبتسم : الله يعافيج حتى انتي ناامي يالخفاشه
نور ابتسمت وقاالت بهمس : يالزراااافه انت
ضاري يدور ويقول : نعم ...؟؟
نور تبتسم : لا ولا شي
ضاري يغمز لها ويقول : أدري انج قلتي عني شي بس بطوفها هالمره هههه
نور تبتسم : شطووور هههه ذكي
ضاري يبتسم وهو يتثاوب يقول : بروووح بنااام ما أقدر اسهر أكثر .. خالتج تقومنا من الفير اعووذ بالله تقولين خدم عندها
نور تبتسم : اي لمصلحتكم مو لشي ثااني
ضااري يرفع يده باهمال : اي مصلحه اي خراابيط الله يخليج ... يلا تصبحين ع خير
نور تبتسم ع خباال ولد خالتها وتقول : وانت من أهله
/
.
/
دخلت البيت .. رفعت ريولها ورمت الصندل ( الله يعزكم ) بطريقه مهمله وصبيانيه .. تجدمت عن الكنفه ورمت شنطتها وطلعت عباتها وفرتها بطريقه مهمله اللي يطالعها يقول انها بنت عشر سنين حتى اللي بعشر سنين يمكن ما رااح تكون مهمله لهالدرجه
رمت روحها ع الكنفه وغمضت عيونها وهي تعبااانه ومرهقه .. ثوااني الا وتسمع باااب الصاله ينفتح وصووت ضحكااات ياايه من عند البااب .. فتحت عيونها بسرررعه وعدلت قعدتها ..
ابو روان مبتسم ومااسك يد أم روان يقول : مرحبــــــــــــا
روان : مرحبتين يبا
ابو روان يطاالع البيت وهو يلف نظره يقول : عسا ماشر
روان تهز راسه وتقول : لا يبا ماكو شي أنا اللي رميتهم بذي الطريقه
ابو روان يعقد حياته ويقول : في أحد مضايقج ..؟؟
روان تهز راسه : لأأأ يبا محد .. ها رجعتو من عشاء العمل مالكم ..؟؟
ابو روان : اي تونا رجعنا .. كنا مفتقدينج
روان ابتسمت : يبا تدري اني ما أحب هالسوالف .. أخر اهتماماتي التجاره
ابو روان هز راسه وقال : انزين بنتي يلا قومي ناامي الوقت تأخر
روان وقفت : انشالله يلا تصبحون ع خير
ابو روان : وانتي من أهله
روان تاخذ شنطتها من ع الكنفه وموبايلها وتمشي بسرعه وتصعد عسب تروح حجرتها .. بعد ما وصلت دخلت وقفلت البااي ورمت الشنطه بقوه ع الأرض وقاالت : هاللي الله قدركم عليه تسألوني من مضايقني هه واايد عليكم .. ماقالو هذي بنتنا أحق من الكل اننا نقعد معاها اليوم
تجدمت عن المنظره وفتحتها شعرها ورااحت صوب الكبت تطلع لها بجامه .. لفت فرت البجامه ع السرير .. شاافت الفون تجدمت عنه وخذت الموبايل وشااافت مكالمه لم يرد عليها .. تذكرت انها كانت في السينما وما سمعته يوم رن ..
دقت ع اعادة اتصال .. وترييت لمايرد .. : السلام عليكم
روان مبتسمه وتفر روحها ع السرير : وعليكم السلام والرحمه
مروان يضحك : شو السالفه ..؟؟
روان تضحك : ماكو بس مستانسه لأني طلعت مع رفيجاتي
مروان : زين زين هههه ما طلعتوني وياكن هاا ..؟؟
روان : اش تبي بين البنات هههه
مروان : شو ابا بعد .. ابا رواني هههه
روان : لا لا اغاار جذي هههه
مروان : هههه شو كاانت الطلعه ..؟؟
روان : روعه الصراحه بمعني الكلمه روووعه يا مروااان
مروان : المهم استانستي ههه
روان : اي استااانست واايد وااايـــــــــد
مروان : زين عسى دوم تستانسين
روان : آمييين ووياك ههههه
مروان : توج رديتي
روان : اي .. صح ما رديت عليك لأني كنت بالفلم
مروان : لا عاادي حبيبتي أدري هههه
روان : اش دراااك ..؟؟
مروان : شكيت وبس هههه
روان : ايـــه ههه انزين مب نااوي تطلع اليوم
مروان : وين اطلع الساعه اثنعش ونص وتبيني أطلع ههههه
روان مبتسمه : ايــه والله هههه صااارت اثنعش ونص .. الوقت بسرررعه راااح
مروان : هي بسرررعه
روان : اقوول حبوب بروووح بتسبح عشاان أرقد
مروان : أوكي .. نعيما مقدما هههه
روان : الله ينعم عليك .. يلا بااي مرواني
مروان : بااي حبيبتي
روان صكرت عنه وطاالعت التلفون وهي مبتسمه .. حضنت التلفون وهي تقول : وااااااااي علني أفدااااه ياربي اش كثر أحبك مرواني .. ما تدري انك حياااااتي وانت اللي بقلبي وبس .. محد سكنه غيرك
/
.
/
بدور تطالع اريج وهي تضحك وتقول : ههههههههههههه عجبني يوم انه يضحي عشاانها
اريج : شكله يحبها ههههههه
بدور : اي أكيييد ولا ليييش كاان بيضحي بحياته عشانها
اريج مبتسمه : أحلى شي ان نهايته سعيده
بدور : ايــه ههه لو النهايه حزينه كنا بنقضي الليله صياااح ههه
اريج : هههه أمي بتتخرع علينا
بدور : في البداايه تخيلته واايد مرعب طلع ولاشي جداام اللي اشوفه
اريج : هي أكيييد ترااج طايحه جدااام هالأفلاام لاازم
بدور تضحك : هههه بربح بموسوعة جينس في تحطيم الرقم القيااسي في متابعة الأفلااام ههههه
اريج : هههه والله اني شااكه .. الظاااهر جذي هههه
بدور : اي والله تخيلي
اريج تضرب بدور ع الخفيف وتقول : يالدبه نااامي بسج أحلاام وخيااال
بدور ترفع رااسها وهي تطالع السقف : اي والله اتخيل يعني لو بيوم بصير ممثله يعني
اريج تضحك : ههههه هذا اذا ابوج وخوانج ما ذبحوج هههه
بدور تنخش تحت الفراااش : أجل بسني أحلااام هههه
اريج : هي أحسن بسج أحلااام
بدور تطالع اريج وتقول : اروووج تصدقين اني مشتااقه لهلي موووت
اريج : اكيييد صاار لج شهور مو شايفتهم
بدور تضحك : أنا أول يوم أغيب عنهم ابجي الين تجف دمووعي ههه
اريج : لاازم دلوعتهم ههههه
بدور : والله مشتاقه لهم حيييل أحس الحيااه مالها طعم بدونهم
اريج : أكييييد الحيااه ما يكون لها طعم بدون الأهل
بدور تبتسم : أذكر أول يوم الجمعه بس ببيت العم أو ببيت الخال .. أما الحين تغير كل شي هههه
اريج تبتسم : خذي درس ان الحااال ما يتم مثل ماهو
بدور : اي والله دوام الحال من المحال
اريج : تدرين ودي يكون عندي عياال عم
بدور : عندج عمج متزوج .. ما عنده عيال ..؟؟
اريج : لأأأ مرته لبنانيه وبعدها مو حامل
بدور : انشالله تحمل اليوم قبل بااجر هههههه
اريج تبتسم : هههه انشالله
بدور : خلاااص الله استجاب دعاائنا انشالله هههههه
اريج : اتصلتي بـ ميره ..؟؟
بدور : ايـــه المغرب اتصلت فيني وسلمت عليج وعلى خالو أمينه
اريج : الله يسلمها ويعافيها يارب
بدور ترفع حواجبها وتقول : أونهم يسألون عني ههههههه
اريج : يالهبله كنتي تروحين
بدور تعقد حياتها : لا والله وليييش يعني ..؟؟؟
اريج : يمكن تشوفج وحده وتاخذج لولدها هههههه
بدور تمد يدها ع اريج وتقول : لا استريحي جاان تبين روحي انتي هههه
اريج : لا لا شكرا ههههه بس حراام صاار لهم فتره يتصلون فيج البناات وأخر شي يوم ميرة تروح ما تروحين
بدور : ما أحب جو التجمعات العائليه في قطر أبوي وأمي يجبرونا
اريج تضرب بدور شوي شوي : والله انج حركااات
بدور تضحك : من يوم يومي حركاات ههههه
اريج : يالواثقه انتي .. اقوول نامي بس نااامي .. بااجر بتيي أختج وتقول هالات تحت عيون أختي هههه
بدور تبتسم : فيني نووم ولا كنت بشوتج لـأخر دبي ع الكلاام اللي قلتيه ههههه
اريج : نامي بس نامي هههه
بدور تتلحف : تصبحين ع خير
اريج : وانتي من أهله
/
.
/
ملاك تبتسم لشكلها اللي تشوفه يدام المنظره اللي بالممر قبل لا تدخل الصاله وتقول : أنا مدري متى أودع عادتي السيئه هاذي كلما ييت من مكان ايلس أطالع بروحي هههه شكلي معجبه بروحي
............ : مـــــــــــــــــلاك
ملاك لفت متخرعه صوووت منو هذا الغريب .. صوت ما تعرفه .. لفت ملااك بخوف وقاالت : بسم الله الرحمن الرحيم
ابتسمن وقاالت : شخباارج ..؟؟؟
ملاك ابتسمت وقاالت وهي خاايفه : بخير الحمدلله روعتيني ههههه
موزه تبتسم : لهالدرجه هههههه يلا السموحه
ملاك : مسموحه بس لا تعيدينها هههه شخباارج ..؟؟
موزه : تمام الحمدلله
ملاك : حياااج دشي الصاله
موزه : لا بتم واقفه اهني لأني بروح القسم الحين
ملاك : غريبه يايه هالأسبوع أمي فاطمه تقول انكم ما بتييون
موزه : شـ نسوي عااد العياال الا يبون ييون ههه
ملاك ابتسمت : زين ييتو ترفهون عن أنفسكم شوي
موزه : هي أحسن من الصكه هههه
ملاك : وينهم العيال ..؟؟
موزه : رقووود
ملاك تطالع الساعه : هي الساعه اثنعش حليلهم لاازم يرقدون
موزه : في البداايه قلت بيي المغرب بس كنتي محد وجاان اشووف السياره دخلت قلت أكييد ملاك يت .. فـ قلت ايي واسلم عليج فرصه ميود محد
ملاك ابتسمت : فيج الخير والله زين تسألين عنا ههه مب نحن القاطعين
موزه : لا بالعكس وين قاطعين بالعكس انتو مو مقصرين ويانا
ملاك ابتسمت : من ذوقج والله
موزه : يلا حبيبتي بسير برقد الحين وبااجر الصبح انشالله بشوفج
ملاك ابتسمت : انشالله يلا أنا بعد بروح برقد
موزه : تصبحين ع خير
ملاك : وانتي من أهله حبيبتي
موزه طلعت ملاااك ابتسمت وقالت : والله فيها الخير ماشالله ع تربيتهم أمي فاطمه ماشي أحسن من تربيتها .. فديتها الله يحفظها
وصعدت ملاك عسب تروح ترقد من بعد يوم كاان مرهق ع الست بنااات وحلو بنفس الوقت
/
.
/
مايد : يلا حمود برد البيت أنا
حمود : وين تو النااس يارياال
مايد يطالع الساعه : وين تو النااس جريب الساعه وحده وتبااني أتم
حمود : ما ورااك لا حرمه تنشد عنك ولا أم جيييه تروح
مايد : فيني رقااد يارياال من نشيت ما رقدت
حمود يهز راسه : هي داام جذي روح ارقد ورااك دوام بااجر
مايد : هي السبت بداوم ... بس مالي باارض تعباان ما بداوم
حمود : رااحتك أهم
مايد : هي أكييد .. يلا حبيبي فمان الله
حمود : فمان الكريم
مايد يبتسم له ويروح صوب السياره ويشغل السياره يقعد ويشغل ياقلب لاتحزن علينا لاتحزن يمكن يكون البعد لثنينا أحسن
مايد فتح معاقم كندورته .. لهالدرجه ياسعااد بعتي كل شي .. نسيتي كل اللي بينا .. نسيتي اني كنت ابني كل شي بـ حيااتي وأنا أتخيل انج بااجر بتكونين معااي بااجر بتشاركيني في كل شي أسويه ..
حرك السياره شوي عشان يطلع من الباركنات .. : آآآه ياسعااد ودي أعرف ليييش سويتي جذي ليييش نسيتي كل شي بينا .. يعني معقوله تخدعيني وأنا اللي كنت أبوس التراااب اللي تمشين عليه .. معقوله تنسين كل شي
ما اقوول الا آآآه أنا اللي كنت عمي وما أشوووف اللي يصير حواليني .. انخدعت بحبج .. ودي أعرررف شاللي خلااااج تسوين جذي .. شاللي خلاااج توافقين وانتي متأكده اني أحبج وما كنت ألعب عليج .. من غيرتي حتى أنا ما كنت أرضى اني أنا أكلمج ..
سمع صوت هرن سياره ورا سيارته .. دق السكان بقوه وقاال وهو يصرخ : بلاااااااااااااك انزين بنتحرك
حرك سيارته وهو باااله مشغووول سعاد شاللي خلاها توافق على ولد عمها وهي تحبني .. معقوله يعني ما كاانت تحبني .. لا لا سعاد مستحيل تسويها سعاد تحبني بعدها تحبني أكيييد في سبب ولا سعااد ما تبيعني أنا ماايد اللي حبيتها بكل وفا واخلاااص
/
.
/
نزلت وهي حاطه سماعات الام بي ثري في اذونها رفعت راسها طالعت عبدالعزيز يدامها سوت له طاااف وتجدمت عن المطبخ .. طلعت العصير من الثلاااجه وصبت لها في قلااص وخذته وطلعت من المطبخ
عبدالعزيز يالس في الصاله : الهــــنوووووف
الهنوف سمعته وسوت روحها ما تسمعه على أسااس ان سماعات الام بي ثري ما تخليها تسمع
عبدالعزيز تجدم عنها ومسك يدها ينبهها .. الهنوف لفت وشافته طلعت سماعه وحده وقاالت : خير اش تبي ..؟
عبدالعزيز : تعاالي بكلمج
الهنوف : خيير ..؟؟
عبدالعزيز : تعاالي ايلسي
الهنوف : ضروووري يعني ..؟؟
عبدالعزيز : قلت لج تعاالي يلا تعاالي
الهنوف هزت راسها وقاالت : انزين انزين بيي
عبدالعزيز يلس وقاال : ايلسي
الهنوف يلست وقاالت : خيييير
عبدالعزيز : طلعي هذا اللي بأذونج
الهنوف تطالع الام بي اللي وياها وتقول : اسمعك
عبدالعزيز : قلت لج طلعيه ابي أكلمج
الهنوف طلعته وقاالت : خييير
عبدالعزيز : زعــلانه ...؟؟
الهنوف : واللي سويته يعني شوي
عبدالعزيز : الهنوووف انتي كبرتي خلااص وحركااتج الباايخه مالها لزمه
الهنوف : طلعت أخرتها أنا البايخه يعني ..؟؟
عبدالعزيز : الهنوووف اسمعي انتي كبرتي .. افهمي الكلاام وعقب تحجي وقولي اللي تبين
الهنوف : قول اسمعك
عبدالعزيز : الهنوف ترا نور ما بتقعد ويانا طول عمرها اليوم ولا بااجر بأي لحظه بتروووح
الهنوف : فكـــه أحسن لنا ولها
عبدالعزيز : شوفي .. قلت لج لا تتحجين الا لما تفهمين بس الظاهر انتي ما تبين تفهمين
الهنوف : اي داام السالفه تخص نور ما بفهم
عبدالعزيز : الهنوف للحين أنا ياالس أكلمج عدل لا تخليني اعاملج باسلوب ثااني
الهنوف : انزين قول بسمعك
عبدالعزيز : ع الأقل لو ما تبين تكلمينها احترميها
الهنوف تتأفف : ما أحبها كيف تباني أكلمها عدل وأنا ما أواطنها
عبدالعزيز : الهنوف ترا هذي بنت خالتج مو غريبه
الهنوف : بعد ما أحبها ولا أواطنها
عبدالعزيز : انتي يومين بس كلميها عدل وشوفي كيف بتحبينها
الهنوف : بس أنا قلت لك مابي
عبدالعزيز : انزين دااام ما تبين تكلمينها كيفج ما أجبرج بس ابعدي روحج عنها واهاناتج لها اذا سمعتها مره ثاانيه بيكون حساابي معاااج عسير ياالهنوف
الهنوف تلوي بوزها : كلكم تحبونها أكثر
عبدالعزيز : من قاال ..؟؟
الهنوف : انتو تحاجونها عدل وأنا لأأأ
عبدالعزيز : انتي اعقلي وبنتحجى وياااج عدل
الهنوف : شو قصدك ..؟؟؟
عبدالعزيز : قصدي انتي فاهمته .. لو ما تبين تكلمينها كيفج بس لا تهينينها بنفس الوقت
الهنوف : انزين انزين .. مدري شو مسويه فيكم
عبدالعزيز : ردينا ع الطير ياللي
الهنوف : حتى جدامك يعني ما اقدر أتحجى
عبدالعزيز : انتي شكله الكلاام ما ينفع ويااج
الهنوف : داام تدري ما ينفع ليييش تكلمني
عبدالعزيز : الهنووف عدلي اسلوبج لأصمج كف يعلمج من انتي عشاان تعدلين اسلوبج
الهنوف توقف وتقول : اروووح دااري أحسن لي
عبدالعزيز يطالع الهنوووف تصعد ع الدري .. مدري متى بتعقل هالبنيه .. بكل شي طايشه ومتسرعه تحكم ع النااس من المظهر وبس أبد ما تفكر شو بيقولون عنها .. ع بالها كل اللي تسويه هي صح ونحن غلط ما أقوول غير الله يهديها ويهدي الجميع
الأربعاء 11-8-2010, 12:28 am
إڷـےٍ آڷلْقٍــآءْ فٍـےٍٍٍ آڷحًـڷقْهٍـ آڷقًــآدٍمْـهٍـ ..
ღ الحلقه التاسعه ღ
يوم السبت الساعه خمس ونص بتوقيت امارة دبي
مــلاك تطالع موزه وتقول : ههههه حرااام تمو بعد ما قعدتو عندنا ولاشي
موزه : هههه فديتج المره الياايه بنيي نقعد عدل .. تدرين عاد دوامات
ملاك : هي والله الدوامات تبيض شعر الراااس هههه
موزه : يلا انشالله تتخرجين هالسنه وتفتكين
ملاك : منو قاال بفتك هههه لا لا بشتغل
موزه : زين تسلين روحج .. اسأليني أنا قعدة البيت ملل هذي الشهادة في الكبت هههه
ملاك : أحسن من لاشي يعني عندج شهاده يوم تحتاجين تشتغلين ما تتمننين عليهم شغلوني وشغلوني الشهاده تفيد هههه
موزه : هي صدق ما تعرفين لحاال الدنيا
ملاك : عااد تعالو عندنا الأسبوع الياااي
موزه : ما أظن الأسبوع اليااي بنيي
ملاك : ليييش ..؟؟
موزه : بكون مشغوله مع أهل ريلي يمكن الأسبوع اللي بعده
ملاك : على خير انشالله
موزه توقف : يلا عاد أنا بروح قبل لا ريلي يعصب
ملاك : ههههه اش له يعصب ..؟؟
موزه : يقول لي دوم اتأخر هههه
ملاك : هههه قولي له عاد ليييش نحن حريم
موزه : صدقج هههه يلا حبيبتي
ملاك تبوس موزه : تعاالي مره ثاانيه عاد وتطولين مب شرات اليوم قاصه علي بس ساعه يلستي
موزه : ههههه ولا يهمج
ملاك : سلمي ع الكل
موزه : يوصل انشالله وانتي بعد سلمي ع ميود
ملاك : يوصل هههه وينها أمي فاطمه
موزه : هي صح وينها طالعي ذكائي بروح بدون ما أسلم ع أمي
ملاك : ههههه السوالف نستج
موزه : هذيها يايه
فاطمه يايه وهي مبتسمه : هاااه بتروحون ..؟؟
موزه : هي أمي بنروح
فاطمه : الله وياكم بنتي
موزه تبوس رااس أمها : مع السلامه أمي
فاطمه تطالع موزه طالعه : تريي بنتي بيي بسلم ع ريلج ما سلمت عليه حليله
موزه : أوكي تعاالي أمي
فاطمه تطالع ملاك : بنتي بروح ع النسيب وبيي لج
ملاك ابتسمت : أوكي أمي
ملاك طالعت فاطمه تطلع ابتسمت لها .. ورااحت صوب تلفون البيت .. أتصل ولا ما أتصل ياربي اتصل بـ منو .. هههه أحسن لي اليوم ما أتصل بأي أحد .. دوووم أتصل حياتي كلها رمسه في التلفون ههههه
ملاك : ميري .. ميــــريووووه يالدبه تعاالي
ميري ياايه تضحك : يس مدام
ملاك : سوي لي عصير وسوي حق أمي فاطمه جاي حمر
ميري : أوكي مدااام
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك