رواية حلم الطفولة -7
الفصل الثالث والثلاثون
راكان وهو في الطريق متوجه للقصر فجأة صوت فرامل سيارة عالي
وطراااااخ
في العـــــــــــــــــــــــــــــــــــــــــــــــ ــــــــــــــــــــــــــــــــــــرس
تركي: محمد وش عنده راكان تأخر حيل
محمد: غريبة قبل ساعة كلمتة ويقول الحين طالع
في قصــــــــــــــــــــــــــــــــــــــــــر فهد
نواره في غرفتها واقفة قدام المرايه وتناظر نفسها: وش راح تكون ردة فعل راكان لو درى اني حامل
ياترى راح يستانس او لا
ياربي ياراكان كل يوم يكبر حبك اكثر من اللي قبله
في المستشفـــــــــــــــــــــــــــى
في الطوارىء
الضابط : اسمه راكان فهد محمد ال.............
وهو دكتور عندكم
الدكتور سالم : خلاص انا راح ابلغ ولد عمه الدكتور تركي
الدكتور سالم مسك جواله ودق على تركي
تركي : هلا والله سالم
سالم : تركي ممكن تجي للمستشفى فيه حالة ضرورية
تركي: الحين
سالم : ضروري ياتركي لازم تجي
تركي : خلاص الحين جاي
سالم: مع السلامة
تركي/ مع السلامة
وقام تركي يبي يروح
محمد : وين ياتركي
تركي: المستشفى طالبيني ضروري
محمد: اهاااا
وطلع تركي
محمد : الله يستر راكان ادق عليه وجواله مسكر مافيه إلا نواره
ومسك جواله ودق على روان
روان: هلا بأحسن ابو بالدنيا
محمد: اهلين اقول روان عطيني رقم نواره
روان : طيب الحين ارسله
وارسلت رقم نواره
محمد يدق على نواره اللي كانت تشوف التلفزيون وبدون لاتنتبه للرقم ردت على الجوال
محمد: الو
نواره استغربت الصوت : نعم
محمد: نواره انا محمد
نواره: هلا محمد
محمد: نواره راكان عندك
نواره:لا طلع رايح للعرس
محمد: متى طلع
نواره: تقريبا الساعة 9 ليش صاير شيء
محمد: لالا ما صايرشيء
نواره وبدت تخاف : محمد تكفى راكان فيه شيء
محمد: لالا ان شاء الله مافيه إلا الخير يا الله مع السلامة
نواره: مع السلامة
ودق جوال محمد
محمد: هلا
تركي وصوته متغير: هلا محمد اسمع اطلع برا عن الناس ابي اقول لك شيء ولا توضح لأحد
محمد وحس ان راكان صاير عليه شيء: طيب
وطلع برا
محمد : هاه صاير شيء
تركي : محمد اسمع ابيك تجي الحين للمستشفى ولا تعلم احد راكان صار عليه حادث بسيط ان شاء الله
لكن تكفى تعال بدون لايحس بك احد
محمد: حلفتك با الله راكان حي
تركي : الحمد لله ما فيه شيء
محمد : خلاص الحين وانا عندك
تركي : محمد انتبه لنفسك ولا تسرع ترا راكان مافيه شيء
محمد : خلاص خلاص مع السلامة
تركي : مع السلامة
وسكر الجوال
محمد وهو بالسيارة متوجه للمستشفى دقت عليه نواره
محمد: الو
نواره وكانت تبكي: محمد تكفى وش فيه راكان
محمد: يابنت الحلال مافيه إلا العافية
نواره وصارت تبكي اكثر : محمد الله يخلي لك عيالك ولا تشوف فيهم شر قل لي راكان وش فيه
محمد: نواره مافيه شيء
نواره : طيب ليش جواله مسكر
محمد: يمكن فاضي شحنه
نواره : جا للعرس
محمد: ايه
نواره: طيب عطني راكان ابي اكلمه
محمد: انا ماني بالعرس طلعت الحين
نواره : خلاص راح ادق على عمي فهد
محمد: لالا تدقين
نواره: شفت انك مخبي عني شيء
محمد اللي وصل للمستشفى : نواره شوفي ابي اقول لك شبء بس لاتعلمين احد
راكان صار عليه حادث وان شاء الله انه مافيه شيء والحين انا راح ادخل المستشفى واكلمك اذا شفته
نواره بصراخ :لالالالالالالالالالا
ورمت الجوال وصارت تبكي بصوت عالي
محمد سمع صراخها : نواره نواره الو نواره
سكر الجوال ودخل المستشفى
يتبع الساعة 12 مساء
نواره طاحت على ركبها وصارت تبكي بمرارة : يارب تحفظ راكان
يارب تخليه يارب مالي غيره
في العـــــــــــــــــــــــــــــــرس
صالح : فهد وين عيالك
فهد: يمكن طلعوا برا
ناصر يكلم بدر: شفت راكان
بدر: لا والله
ناصر : معقولة يكون عنده مناوبة
بدر: يجوز حتى تركي طلع قبل شوي الظاهر عندهم حالة طارئه
في المستشفـــــــــــــــــــــــــى دخل محمد وبسرعة توجه لقسم الطوارىء وراح لتركي
محمد : تركي وين راكان
تركي : في غرفة العمليات
محمد: ليه وش صار بالضبط
تركي: كسر باليد واصابة بالرأس
محمد: نزيف داخلي
تركي: لا الحمد لله جرح بالجبهة لكن عميق شوي
محمد قعد على الارض وحط يدينه على رأسه
تركي: محمد اذكر الله والحمد لله اللي جات على كذا
محمد: تركي تتوقع يطول بغرفة العمليات
تركي : بإذن الله ما يطول
في قصـــــــــــــــــــــــــــــــــــــــر فهد
نواره كانت حالتها حالة
نزلت تحت وصارت تجي وتروح وهي خلاص واصلة حدها من الخوف على راكان
الشغالات بالمطبخ شافوها وكسرت خاطرهم على حالتها
طلعت لها الشغالة ايماس: مدام ايش فيك
نواره وهي تبكي : راكان راكان . وصارت تبكي اكثر وضمت الشغالة خذتها الشغالة معها
للمطبخ وجلستها على الطاولة وجابت لها عصير لكن نواره ماشربت منه
في المستشفـــــــــــــــــــــــــــــــــــــــــــ ـــــى
طلع راكان من غرفة العمليات
محمد وتركي راحو بسرعة للدكتور سالم
محمد: هاه يادكتور بشر
الدكتور سالم: أن شاء الله أذا عدت هالاربعة وعشرين ساعة على خير
تركي : اهم شيء تكون حالته مستقرة
سالم: ان شاء الله كلنا ندعي للدكتور راكان
محمد: ابي اشوفة
سالم: الحين هو بالعناية المشددة
تركي: خلاص ندخله خمس دقايق يتطمن عليه بس
سالم: خلاص
ودخل محمد على راكان وشافه والاجهزة علية وعلى رأسه شاش ويده مجبره
محمد نزلت دموعه من منظر راكان وطلع من الغرفة
في قصـــــــــــــــــــــــــــر فهد الساعة 3 الفجر
منيرة وفوزية وهند وروان توهم راجعين من العرس دخلو الصالة وجلسو يسولفون عن العرس
ولبس الحريم
نواره سمعت اصواتهم وما بغت تطلع لهم كانت على اعصابها تنتظر محمد
هند: غريبة محمد ادق عليه وما يرد
فوزية : اكيد طلعو بعد العرس للاستراحة
منيرة : يازين مكياج رهف صراحة خيال
فوزية: لانها هي اصلا حلوة اكيد راح يطلع المكياج عليها حلو
روان : يمه شفتي خويتي نور
هند : اي وحدة فيهم
روان : اللي لابسه فستان اصفر
هند: ايوه
روان : شافت صورة ابوي وراكان تقول هم تؤام
فوزية : ايه لان راكان يشبه محمد حيل
منيره : ما شاء الله عليهم مزين
واثناء السوالف دخل فهد وصالح ياولد تغطن الحريم إلا روان طبعا
صالح: نامو شوي قبل اذان الفجر
فهد: العيال ماكلموكم
ماكمل كلمته إلا ومحمد يدخل ووجهة متغير وعيونه حمر
محمد : السلام عليكم
الكل : وعليكم السلام
نواره اول ماسمعت صوت محمد راحت تركض له بدون غطى وعلى طول وقفت قدامه ومسكت ثوبه
مع صدره وهي ميته من الصياح: محمد سألتك بالله راكان مات تكفى قل لي تكفى
محمد انصدم و ارتبك من الموقف ونزل رأسه ولا رد
الكل مستغرب
فوزيه بصوت عالي: وش فيه راكان
فهد: محمد وش السالفة
محمد ونواره للحين ماسكة فيه : صار عليه حادث لكن الحمد لله ماصار فيه شيء
نواره بدون شعور منها ضمت محمد وصارت تبكي بقوة
محمد اللي ماهو عارف وش يسوي من الاحراج من الموقف: نواره خلاص بكرا ان شاء الله اوديك له
نواره اللي انتبهت لنفسها ابعدت عن محمد ونزلت رأسها : اسفة يامحمد بس لاتلومني هذا راكان
فهد : محمد انت شفته
محمد: ايه بعد ماطلع من غرفة العمليات
فوزية وهي تبكي : ابي اشوفه
محمد : هو الحين بالعناية والزيارة ممنوعة عنه
صالح توجه لنواره وحضنها وباس رأس: نواره يابنتي لاتخافين رجلك ان شاء الله يكون بخير
نواره مستغربة من تصرف ابوها لكنها حست بالاطمئنان لاول مره تحس فيه وهي بجنب ابوها
رمت نفسها بحضنه وهي تبكي اكثر كأنها تبي تطلع كل عذاب هالسنين
وصارت تبكي على صدر ابوها
محمد : انا ابي اطلع غرفتي فوق اريح شوي قبل الفجر عشان اصلي واروح لراكان
وطلع فوق.
وفهد طلع برا يبي يروح للمستشفى يتطمن على راكان بنفسه وطلع معه صالح
جلست نواره على الكنب بالصالة وكانت جنبها هند وروان
وكانت فوزية ومنيرة بعد جالسين بالصالة
نواره وباين عليها الارهاق والتعب
منيرة : فوزية تعوذي من ابليس الحمد لله على سلامة عمرة بس
فوزية : الحمد لله
هند اللي كانت جالسة تهدي نواره وبعد ان بدت تهدي
هند: نواره انت حامل
نواره واللي تذكرت نفسها :هاااااااه
هند :اسفة اذا كنت تدخلت بشيء ما يخصني
نواره: لا ياحياتي انت اختي واكثر بعد
هند: تسلمين والله
نواره: ايوه حامل بالرابع
هند : مبروك
نواره وصارت دموعها تنزل ورجعت تبكي اكثر
هند : خلاص عاد تعوذي من ابليس انت قاعدة تتفاولين على عمره
نواره: بسم الله عليه أن شاء الله انا ولا هو
هند: والحين انت حامل لازم ما تعرضين نفسك لضغوط
نواره وهي خلاص واصالة حدها من الارهاق والتعب :هند محمد إذا راح ابي معه
هند:خلاص حبيبتي بس انت ارتاحي
روان اللي طول الوقت ساكته من الصدمة ودموعها بس تنزل: وانا بعد ابي اشوف راكان
هند: كلنا أن شاء الله راح نروح له
نواره وقفت تبي تقوم بس داخت وبغت تطيح مسكتها منيرة
منيرة وهند وروان: بسم الله عليك وش فيك
روان راحت للمطبخ بسرعة وجابت مويه وغسلو وجه نواره
هند: نواره تحسين بشيء
نواره وهي حاطه يدها على رأسها : رأسي احسه يبي ينفجر
هند: نواره حبيبتي هدي نفسك ولا تنسين انك حامل ومحتاجه للراحة
منيرة: نواره حامل
فوزية التفتت على نواره : من متى حامل
هند: لها اربع شهور
هنا دق تلفون البيت
روان بسرعة: الو
فهد: هلا روان
روان : يبه وش سوى راكان
فهد: أن شاء الله بخير الحين عطيني امك فوزية
فوزية: هاه فهد بشرني عن ولدي
فهد: تركي طمنا عليه يقول الحين احسن
فوزية: الحمد لله
فهد: يا الله مع السلامة
فوزية: مع السلامة
نواره :هاه خالتي وش سوى راكان
فوزية : أن شاء الله احسن
منيرة : الله يقومه بالسلامة
الكل: آمين
على الســــــــــــــــــــــــــــاعة 1 الظهر
محمد جالس عند راكان في المستشفى
راكان وبدأ يصحصح شوي محمد مسك يده
راكان فتح عيونه وقال بصوت تعبان: محمد
محمد: الحمد لله على السلامة
راكان : وش اللي صار
محمد: صارعليك حادث لكن الحمد لله ستر ربي
راكان :ااااه الحمد لله
راكان وكان يغمض عيونه دليل على انه يتألم
محمد: راكان يوجعك شيء
راكان: رأسي شوي
دخل عليهم تركي وسالم:الحمد لله على السلامة
راكان: الله يسلمكم
تركي: شلونك الحين
راكان: الحمد لله
سالم: راكان تحس بشيء الحين
راكان: صداع شوي
سالم: طبيعي لان فيه جرح بجبهتك فوق الحاجب ونزفت كميه من الدم وانت دكتور وفاهم طبعا
والحين راح اعطيك مسكن
تركي: والحين ارتاح ولا تتعب نفسك
راكان:ان شاء الله
وطلع تركي وسالم
محمد : راكان انا ابي اطلع الحين وراجع لك أن شاء الله بعد الظهر تبي اجيب لك شيء
راكان :سلامتك
محمد: على فكرة راح اجيب لك نواره معي مسكينة بغت تموت يوم درت عنك تصدق ويوم عرفت انك بخير
جتني تركض وضمتني والله ياراكان احس اني تشنجت وهي ضامتني
لا وازيدك من الشعر بيت قدام ابوي وعمي صالح وهند بعد
راكان ابتسم: مجنونة هالبنت
بعد العصـــــــــــــــــــــــــــــر
راكان نقلوه لغرفةالتنويم والكل مجتمع عنده
دخل عليهم محمد ومعه نواره
نواره قربت من راكان ونست اللي حواليها كلهم و.........................
انتهى البــــــــــــــــــــــــــــــــــــارت
الفصل الرابع والثلاثون
نواره دخلت على راكان ونست كل اللي حواليها قربت من راكان اللي كان منسدح على السرير
وجلست على طرف السرير وحطت رأسها على صدر راكان وصارت تبكي وهي تقول: راكان انت
حبيبي وعمري تكفى لاتخليني ترا اموت لو يصير لك شيء يابعد اهلي وناسي كلهم
وصارت تبكي اكثر
هنا روان قالت : الله الله كل هذا لراكان لحاله
نواره بسرعة التفت وراها وشافت الكل موجود حست انها انحرجت من تصرفها وعلى طول طلعت برا
طلعت لبنا وروان وراها
نواره بحرج شديد : من اللي عند راكان
لينا وهي تضحك: ابوي وامي وعمي صالح وتركي وريما وخالد وعمي احمد وناصر وعبد العزيز وبدرية
وزوجها سعود وبدر ومحمد وانا وهالدبة
روان : وانت ياحلوه وحبيبك
نواره: وخزياه والله ما انتبهت لهم
لينا : هههههههه الحب اعمى عيونك
عند راكــــــــــــــــــــــان
فهد : يا الله الحين نبي نروح تأمر على شيء ياولدي
راكان : سلامتك
وطلعو كلهم
محمد وقف عند البنات : نواره انا ابي اروح مشوار وامرك بعد نصف ساعة ادخلي لراكان
ترا ماعنده احد
نواره: خلاص
ودخلت عند راكان
نواره: راكان الحمد لله على سلامتك
راكان بكل برود: الله يسلمك
نواره قربت من راكان وعيونها مليانه دموع: انت للحين زعلان علي
راكان وهو يناظر في عيونها : نواره انا الحين تعبان
نزلت نواره رأسها وسكتت
راكان : ممكن ترفعين لي السرير
نواره رفعت السرير وجلست على الكرسي المقابل للسرير
راكان : نادي لي تركي
نواره : ابشر
وطلعت برا نادت تركي وجلست في الانتظار
بعد نصف ساعة جا محمد واستغرب وجود نواره برا
محمد: نواره نمشي
نواره: يا الله
محمد : لحظة ابي اشوف راكان إذا يبي شيء واطلع لك
نواره : طيب
ودخل محمد على راكان
محمد: تبي شيء قبل لاروح
راكان: سلامتك
محمد: راكان من متى نواره برا
راكان: ليه هي ماراحت
محمد: لا انا اللي ابي ارجعها
راكان: طلعت بعدك تقريبا بعشر دقايق
محمد : با الله ...... راكان مسكينه والله نواره تغليك مره
راكان: محمد نواره تسوى عيوني لكن لازم تتأدب على تصرفها مع امي
محمد: لاتقسي عليها
راكان: يصير خير
محمد: يا الله مع السلامة
وطلع لنواره
بعــــــــــــــــد اسبوع طلع راكان من المستشفى
في القصـــــــــــــــــــــــــــــر الساعة 10 الصباح
الكل : الحمد لله على السلامة
راكان: الله يسلمكم
فهد : اطلع ياولدي فوق ريح في غرفتك
راكان اللي كانت فيه لزقة على مكان الجرح في جبهته ويده عليها جبيره: اي والله احس اني تعبان شوي
عن أذنكم
وطلع فوق اول مادخل غرفته انسدح على السرير
نواره كانت تبدل ملابسها دخلت الغرفة شافت راكان على السرير
نواره بفرحة : راكان
راكان التفت عليها واستغرب من كبر بطنها وهو يحاول يبين البرود: نعم
نواره وجلست على السرير عند راكان : الحمد لله على السلامة متى طلعت
راكان : الله يسلمك
نواره وحست انها ثقيلة طينه على راكان: امممم راكان تبي شيء ابي اطلع برا
راكان: لا
وطلعت نواره وهي ماهي عارفة وين تروح نزلت تحت للمطبخ وجلست فيه
راكان وهو متمدد على السرير ويفكر بنواره: غريبه والله كبر بطنها
معقولة نواره حامل طيب ليش ما قالتلي
نواره وهي جالسة على الكرسي في المطبخ دخلت عليها هند
هند: السلام عليكم
نواره: وعليكم السلام
هند: وش عندك جالسة هنا
نواره: ليش
هند: المفروض الحين تكونين بحضن رجلك
نواره : ههههههه
هند جابت كيك وعصير وحطته على الطاولة ومدت لنواره
نواره: لاشكرا
هند وهي تضحك: هيه انت ترا مانسيت تصرفك مع محمد اجل تحضنينه قدامي المفروض اعاقبك على تصرفك
نواره: ههههههههه
هند: يا الله عاد يا تسمعين كلامي او اعاقبك
ومدت لها العصير والكيك
نواره: خلاص خلاص اسمع كلامك هههههههههه
هند: نواره لازم تهتمين بتغذيتك حتى ماتتعبين بعدين
نواره :صادقة والله
وعلى الساعة 11.30 طلعت نواره للغرفة وشافت راكان نايم
راحت جلست على الكنبه وبعد ربع ساعة قعد راكان وقام راح للحمام وغسل ودخل غرفة
الملابس وبدل ملابسه وطلع جلس على السرير
راكان: نواره
نواره: سم
راكان: انت حامل
نواره بإرتباك: هااااه
راكان : حامل
نواره : ايه
راكان : كم لك
نواره: اربع شهور ونص
راكان: ليه ما قلتي لي
نواره: راكان حبيبي انت فرحان
راكان سكت ومارد عليها وطلع وهو طاير من الفرح لكن ما حب انه يبين لها
نواره حز بخاطرها تصرف راكان : الظاهر ان راكان ما هو فرحان بحملي
محمد في غرفته منسدح عل السريروهند جالسة تمشط شعرها
محمد: والله حال راكان مع نواره ماهوعاجبني
هند : ليش
محمد: نواره المفروض تعتذر لامي وتطيب خاطر راكان
هند بإستغراب : ليش
وحكى محمد لهند كل السالفة
هند شهقت: محمد والله السالفة ماهي كذا
وقالت لمحمد السالفة وعلمته بعد عن حركة امه والبنات مع نواره بالاستراحة
محمد اخذ جواله واتصل على راكان
راكان : هلا
محمد: هلا بك وينك
راكان: بالملحق عسى ما شر
محمد: لا ما شر الحين انا اجيك
وراح محمد لراكان وعلمه السالفة
راكان حس بالغلطة اللي سواها وطلع راح لغرفته
اول ما دخل شاف نواره قاعدة على الكنبه ومعاها جوالها وكانت تلعب فيه
راكان توجه لنواره و........................
انتهى البـــــــــــــارت
الفصل الخامس والثلاثون
راكان دخل الغرفة وشاف نواره جالسة تلعب بجوالها
راكان وقف شوي عند الباب يناظر في نواره
نواره انتبهت له لكن حاولت انها تبين عدم اهتمامها
دخل راكان وجلس على السرير بعدين تمدد على السرير
راكان: نواره
نواره بدون ما تناظر فيه: نعم
راكان: عطيني مويه وبندول
نواره: ليه تحس بشيء
راكان: تعبان
نواره بدون شعور نطت بسرعة وجلست جنب راكان وحطت يدها على رأسه: وش يوجعك
راكان: قلبي
نواره:ايش
راكان ابتسم غصب عنه :هههههه
نواره ضربت صدر راكان : تلعب علي انت
راكان: نواره سامحيني
نواره:.....................
راكان قعد وحط رأسه في حضن نواره وهو يقول:نواره انا اسف والله الكلام اللي قلت لك ماهو من قلبي
انت عيوني وعمري وحبيبتي وبنت عمي
نواره:.........................
راكان جلس : نواره انت تعرفين اني عصبي والله ماقصدت أي كلمة من اللي قلتها لك
نواره نزلت رأسها وصارت تبكي وهي تقول: ايه هين تحبني الدليل رميتني ولا سألت بي
راكان: حبيبتي انا اخطيت وما انكر لكن الحين انا مستعد اسوي أي شيء تبين
نواره:...............................
راكان وقف وقال لنواره بكل جديه: اسمعي نواره انا احبك وانت تسوين نوم عيوني لكن تأكدي اني عمري ماراح اغصبك على شيء اللي تبينه وربي لأسويه لك
نواره:......................
راكان: لكن ابيك تعرفين أن عيوني ماتشوف غيرك انت ملاكي
نواره:.................
راكان: حبيبتي ادفع عمري كله ولا تسكتين كذا قولي شيء عاتبيني هاوشيني طلعي كل اللي بقلبك
لاتخلين شيء بنفسك
نواره:....................
راكان يرفع شعرة بيده ويطلق تنهيده:أأأأأأأأأأهـ
نواره: سلامتك حبيبي إذا صار لك شيء من يربي هذا ( وتأشر على بطنها)
هنا راكان طار من الفرحة وضم نواره لصدره
راكان: احبك يا أم فهد
نواره: الحين ام فهد
راكان بجدية: نواره صدقيني طول الايام اللي راحت وانا حالتي حاله الله وحده اللي يعلم بها
انت تحسبيني اني مستانس لا والله ان كل يوم يمر علي بدونك احس روحي تطلع من مكانها
نواره:سلامة روحك حبيبي
راكان: وبعدين انت تحسبيني مافهمت كلامك لي بالاستراحة
نواره : ركوني عيوني انت لاتلومني انا تمنيت ذيك اللحظة انك تضريني تذبحني ولا تقول
الكلام اللي قلته
راكان وهو يبتسم: نوارتي مالك إلا اللي يأخذ حقك وش تبين بعد
هنا نواره ضمت راكان ودفنت رأسها بصدره وهي تقول : انا مالي إلا الله ثم انت
راكان :وبعدين تعالي وش انت مسويه بمحمد
نواره:هاااه
راكان:ههههههههه
نواره: ركوني والله اني كنت خايفة عليك وماكنت حاسة بنفسي
راكان:هههههههههه
نواره: اوه عاد ترا احرجتني كل ما تذكرت الموقف احس اني خبله
راكان: ههههههههه نواره خلاص تكفين هههههههه
نواره: ايه اضحك اضحك وش عليك انت
راكان : هههههههه خلاص خلاص تكفين
بعـــــــــــــــــــد مرور اسبوعين ونصف راكان فك الجبس من يده
في قصـــــــــــــــــر فهد
راكان : يمه إذا تهمك سعادتي اتركي نواره بحالها
فوزية: راكان وش انا مسويه لها يعني
راكان : يمه ياجعلني فداك افهميني انت الغالية وانا لولا الله ثم انت ماتوفقت بحياتي يمه نواره بالنسبه لي
زوجتي وحبيبتي وسعادتي تكفين يالغالية فهمتيني
فوزية: راكان إذا هذا اختيارك انت حر لكن إذا تجامل احد على حساب نفسك
راكان يقاطعها: لا والله يمه هذا اختيار قلبي
من بكـــــــــــــــــــــــــــرا فوزية مسويه عشاء وعازمه حريم كثير
الكل كان مجتمع بالمجلس
في غرفة نواره كانت تلبس في غرفة الملابس وراكان منسدح على السرير
بعد أن خلصت طلعت لراكان وكان لابسه فستان حمل حرير نيلي ناعم مره طالع خيال عليها
ومسوية شعرها كيرلي اللي طال وصار لنصف ظهرها وحاطة فراشه نيلي على جنب شعرها فوق اذنها
ومسويه مكياج ناعم مره
راكان اول ما شافها فتح عيونه على كبرها واشر لها تعالي
نواره راحت عنده سحبها على السرير وهو يقول: شكلي ماراح اخليك تطلعين
نواره وهي تضحك: لا تكفى ركوني
راكان حضنها بقوة وباسها على شفايفها وقال : هالمرة سماح بس الساعة 12 تكونين بحضني
طيب
نواره" هههههههههه خلاص يا شارل
وطلعت وراحت لمجلس الحريم دخلت نواره وسلمت وجلست
طبعا بدرية ولما ومنى ورهف ماسلمو عليها
نواره جلست جنب روان ورغد وصارت تسولف وتضحك معاهم
منى تكلم رهف: شوفي شوفي شين وقوات عين
في الصــــــــــــــــــــــــالة راكان وهو نازل على الدرج وماسك عقالة بيده وحاط شماغة على كتفه
شاف لينا وهي طالعة من المطبخ
راكان: لينا
لينا: هلا
راكان: وين نواره
لينا: عند الحريم
راكان: تكفين خليها تجي ابيها
لينا : ابشر
ودخلت المجلس واشرت لنواره اللي قامت وراحت لها
لينا: راكان يبيك
نواره طلعت للصالة شافت راكان جالس راحت عنده اول ماقربت له
قام راكان ومسك نواره و.............
انتهى البــــــــــــارت
الفصل الاخير
نواره اول ماقربت لراكان حضنها بقوة وهو يدفن رأسها بصدره
نواره: راكان لا احد يشوفنا
راكان:وإذا زوجتي حلالي
وبسرعة باس نواره مع شفايفها بقوة
نواره: راكان شف طبع الروج عليك وبعدين شف صدرككله روج وكحل
راكان: فداك ياقلبي
نواره: ركوني خلاص ترا خجلتني
راكان حضن نواره وحوطها بيدينه: نواره حبيبتي انت وبعد انت
وهمس بإذن نواره
نواره حور وجهها وبان عليها الإحراج
راكان: هههههههههه
نواره ضربت على صدر راكان بخفيف
في اللحظة هذي طلعت فوزية وبدرية والبنات يبون يروحون لغرفة الطعام شافو
راكان ونواره النات تغطن بسرعة
راكان اول ما شاف خالته والبنات راح توجه لخالته يسلم عليها
وبدرية وهي عيونها على صدر راكان
ريما وهي تضحك: راكان وش هاللوحة اللي على صدرك ووجهك
نواره انحرجت ونزلت رأسها
راكان بخبث: وش اسوي ببنت عمك ماترحم ضعفي
نواره وجهها قلب احمررررررر
روان : اه ياعمري على الغراميات
راكان يكلم روان: هيه انتي ماهو تقعدين تقرقين على رأسها وما تخلينها تأكل
ما ابي ولدي يطلع ضعيف
راكان قال كلمته وطلع الدرج راح لغرفته
بدرية التفتت على فوزية وقالت بدون مقدمات : حامل
فوزية : ايه
على الساعة 11 في غرفة راكان دخلت نواره شافت راكان على السرير متمدد
وعليه بنطلون بجامة وصدره عاري
نواره: السلام عليكم
راكان: وعليكم السلام سكري الباب وتعالي
نواره سكرت الباب وتمددت جنب راكان اللي صار يمسح على شعرها
راكان: وش رأيك بالحركة
نواره وهي تبتسم: يابعد عمري انت
راكان: حتى تعرفين ان وراك رجال يأخذ حقك
نواره: الله يخليك لي
بعد اربع شهور نواره صارت على نهاية الثامن
في الصالة
هند: نواره ليش ماتروحين تكشفين ولد او بنت
نواره: اللي يجي من الله حياه الله اهم شيء يكون طبيعي وسليم
هند: الله يرزقك ويوفقك
محمد وهو داخل: ياولد
تغطت نواره
هند: هلا محمد ادخل
محمديسلم على امه ويبوس رأسها
فوزية: الله يرضى عليك
محمد: وين راكان
نواره: بالمستشفى
محمد: غريبة للحين ماطلع
نواره: لا هو قال انه راح يتأخر شوي
محمد: اهاااا
نواره كانت من الصبح تحس بمغص يروح ويجي قامت و طلعت فوق
نواره :يا ربي احس بطني يوجعني مره
راحت دورة المياه شوي وطلعت
نواره :يا ربي وش فيني احس بطني تقطع
قعدت فوق لما أذن العشاء
نواره صارت من شدة الالم تبكي
في الصالة الكل مجتمع إلا راكان لانه ما جا من المستشفى
روان : غربية وين راحت نواره من العصر وهي ما نزلت ابي اروح لها
في غرفة نواره اللي ماصارت تتحمل الالم من شدته
نواره وهي تبكي : اي بطني
هنا دخلت روان : نواره وش فيك
نواره: روان بطني اي ابي اموت الحقيني
روان طلعت تركض وهي تصارخ : يمه يمه الحقيني
هند ومحمد وفوزية وفهد راحو ركض على الدرج
هند : وش فيك
روان : نواره نواره
دخلو على نواره وشافو حالتها حاله
فوزية: هند بسرعة جيبي عبايتها هذي ولادة
نواره وهي خلاص وصلت حدها وبصراااااخ:أأأأأأأأأأأأأأأأأأأأأأأأأأأأأأأأأأأأأأأ أأه
فهد : محمد تعال ساعدني نبي نشيلها بسرعة
محمد بسرعة وبدون كلام حط يد تحت رأس نواره ويد تحت ركبها وشالها ونزل فيها الدرج بسرعة
وطلع فيها وركبها السيارة هند لحقت فيهم وركبت جنب نواره وهي تسمي عليها
عند باب المستشفى نزل محمد وهو شايل نواره ويركض فيها
شافه راكان راح يركض له: خير وش صاير
محمد بعد مادخل نواره الغرفة: ابد سلامتك الظاهر مرتك تولد
راكان/هاااه
ودخل بسرعة على الدكتورة اللي عند نواره
الدكتورة: دكتور راكان دي خلاص حتولد
راكان قرب من نواره وهو يشوفها تتألم :نواره حبيبتي اذكري الله
نواره: راكان بطني أأأأأأأأأأأأأأأأأأأأأه
راكان: دكتورة تكفين ساعديها
الدكتورة:هههههه دكتور راكان ماتخافش
راكان قعد عند راس نواره ومسك يدها ونواره كانت تصيح وتضغط على يد راكان بقوة
شوي والدكتورة تقول: نواره خلاص ساعدينا عشان ترتاحي
ربع ساعة وجابت نواره ولد اول ماولدت اغنى عليها
راكان بخوف :نواره نواره
الدكتوره: لالا ما تخافش دي دوخة بعد الجهود اللي بذلته
طلع راكان وعلم محمد وهند اللي كانو قاعدين برا
محمد: مبروك يا ابوفهد
هند: مبروك
راكان : الله يبارك فيكم
وبعد عشر دقايق دخل راكان على نواره
راكان وهو يبوس رأسها: مبروك يالغالية
نواره وصوتها رايح: الله يبارك فيك
نواره: راكان انت دخلت معي غرفة الولادة
راكان بخبث: ابه ووصيت الدكتوره بعد
نواره حمر وجهها من الخجل
راكان: نواره حبيبتي ترا انا زوجك ماني غريب انت كلك حلالي ولي
نواره: راكان
راكان: عيونه وقلبه
نواره: احبك
راكان: وانا بعد
انتهت الرواية
اتمنى انها اعجبتكم
تجميع ورد الجوري
اللهم لك الحمد حتى ترضى وإذا رضيت وبعد الرضى ,,, اضف تعليقك