رواية الا فراقك -6
من بكرة الصبح.......كان جالس يشرب حليب بالصالة ....ينتظر امل وسارة ينزلن عشان المدرسة...
وجالس يطالع الدرج ...متعود اول من ينزل أمل وهي تركض مثل ماتعود عليها من صغرها ...نزلت سارة...كان يطالع الدرج...
سارة- يللا ....
بندر- وامل.....
سارة- مو برايحه
بندر نزل الكاس وقال- وليش؟؟
سارة- ما ادري ...امس ما نامت....
بندر اخذ نفس عميق ...وقال- طيب روحي قبلي...
طلع فوق بسرعة وطق الباب ...وطقه....ما احد رد....
فتح الباب شوي ...كانت جالسه على لابتوبها ....
بندر- صباح الخير....
ماردت....
بندر – امل.....نزلي الابتوب ...وانتظرك تحت...
امل- لا....
بندر- ليش؟؟
امل- ما ابي اروح
بندر- امول....لا تعاندين..
امل- يا اخي وش تبي مني...خلاص انا كبرت ....ما عدت امل الاولى اللي لا قلت كلمة قالت حاضر طال عمرك....
بندر- بس هذي مدرسة...وانتي من الاساس كثير غيابك بدون اعذار....
امل- روحه ماني رايحه...
بندر- امل قوومي
امل وقفت وقالت- لا...ومن الحين اقولك...لا تدخل فيني....انسى اني بسمع كلامك...
بندر يطالعها وهو ندمان على ضربه لها امس...
بندر- طيب ....تامرين امر يالغلا...
وطلع.....
امل انصدمت.....الغلا.....
((أمل))
الغلا....بندر قالي الغلا....جلست وانا مو مصدقة اللي سمعته....اصلا احس اني ما عاملته بأسلوب بايخ مثل اللي تو...
انا احب بندر وشلون اعامله مثل الاسلوب البايخ هذا....
..........
((بندر))
طلعت وانا احس ان الدنيا مو قادرة تحملني.........ذهني مشوش.....وشلون سويت كذا بامل.....هي حبيبتي....انا ربيتها مع ابوي وامي.....واخر شيء اضربها ...حاس اني مخنوووووق ...ابي هواء ...
نطت امل من سريرها .....وهي تركض وقفت عند الدرج ...وشافته يطلع للحوش ....
انزلت اول عتبه ...بعدين وقفت...وقالت – لا ....هو اهنني قدام بنات ...ما ...
نزلت دموعها ....ومسكت خدها وهي تذكر بس صوت الكف....غمضت عيونها بقوة ...ورجعت على الورى ...بتروح لغرفتها...وقفها خالد وهو يقول- امل....وش فيك....
امل دخلت وسكرت الباب.....
طق الباب وطق الباب وطقه......
فتحت له وقالت- هلا خالد....
كانت تطالع بالارض....
خالد- سلامتك امل...تعبانه...
امل- ليش تشوفني تعبانه
خالد- غايبة ..وتصيحين....اوديك للمستشفى....
امل- مو تعبانه...مرهقة....ابي ارتاح.....
دخلت وسكرت الباب....
خالد استغرب وقال- وش سالفتها ....
طنش وراح للمستشفى.....لدوامه
.....................
نزل سارة ......ونزل بأقرب حديقة ....وجلس يشم هواء وقال- انا ما سويت شيء غلط...هي تسب بنات مالها دخل فيهن.....
ركب السيارة وسكر الباب بقوة ....
...............
الساعة 9
جالسة على السرير وهي تفكر ...وقالت- ياليتني مع امي وابوي مت ......كان ما عرفت بندر .....
قامت وفتحت الدريشة وقالت- هو اكبر مني بكثير....اكبر مني بتسع سنوات....يعني ليش احبه.....طيب ....ليش ما احاول انساه....
بنساه....
طق الباب ودخلت ام خالد......
ام خالد- ليش غايبة...لا يكون تعبانه....
امل- تبتسم وقالت- ابد الحمد لله.....
ام خالد- طيب ..خالك تحت....انزلي سلمي عليه....
امل- طيب.....
............................
ام خالد- لا والله يا ابووليد....امل ما تروح من هنا ....امها وصتني عليها...وابوها وصا ابو خالد عليها.....
ابو وليد- بس يا ام خالد.....
-السلام عليكم....
ابو ولبد- هلا وغلا ببنت اختي الغالية....
سلمت عليه وجلست عندهم.....كان يطالع بجامتها ...
وقال- الحين هي تغطى عن عيالك يا ام خالد؟؟
امل سكتت وهي طالع ...
ام خالد- ايه........
ابو وليد- اشوى......طيب تلبس عندهم كذا؟؟
ام خالد- لا ....بس الحين ما فيه احد....
انفتح باب الصالة.....دخل بندر....
امل التفت....وصدت على طول....
ام خالد تطالع بندر منصدمه وش رجعه....
بندر- هلا والله خال....اخبارك؟؟
ابو وليد ماشاف امل تغطت ...وبندر يطالعها عادي- ايه ....بخير....
وجلس يطالع ام خالد باستحقار ويطالع امل ...ويطالع بندر....
بندر مافهم هالنظرات....
قام وقال- اليوم الظهر ابي اغراضك كلها جاهزة....
انصدموا.....واولهم بندر....
بندر- خال.الله يهديك ...هي تحت امانة ابوي....
او وليد- والله ما اشوفه صان الامانه .....من صغرها وانا اقول خلوها عندي ...لكن ما وفق ابوك...والله وش اسوي لكم
بندر- ابو وليد .....هي امانه عند امي وابوي .... وما تاخذه الا اذا وافقت
قامت امل وهي ماسكه دموعها ....
خالها- ولها شور بعد....من متى البنت لها شور.....علمتك يامل...لا يجي الظهر الا وانتي جاهزة.....
طلع ....بندر يطالع الباب وهو ساكت....كلهم ساكتين...وفجأة....صوت خفيف ...
(شهقة ورى شهقة )) كانت امل تصيح....
التفت لها بندر....وقال- ما راح يا......
مرت من جنبة تركض.....وطلعت للغرفة.....
بندر- امل ..اصبري....
ام خالد- ما ابي ابوك وخالك يتهاوشون....
بندر معصب وبصوت عالي- خالي مو اخذ امل.....امل بيتها هنا......وإن جاء ....انا اللي بوجهه....ابوي لا يتدخل....
طلع مع الدرج....
كانت تصيح بالغرفة ....ومعصبه على خالها ....طق الباب ...ودخل بندر.....
بندر- امل...
التفت له وهي معصبة ...وتذكرت كفه لها امس...
قالت وهي تصيح بقوة- اطلع....ما ابي اشوفك...اطلع....
حطت يدينها على وجهها وهي تصيح بقوة...
بندر ناظر للارض وقال- تكفين امل.....لا تصيحين....امول....امل....ما راح ياخذك..ولا راح يقدر ياخذك دامني موجود.....
امل- بندر تركني لحالي.....اطلع ....اطلع.....
بندر- طيب....
طلع وسكر الباب قوة....وقال-وش ذا العيشة....
.................................................
............
بالظهر.....الساعة 12ونص
بندر كان متسطح على سريرة ...وسمع صوت امه تقول- امل بنتي...وما انت اخذها.
قام بسرعة وقف على الدرج وهو يشوف خاله يصعد الدرج...وقف بالنص ..وقف خاله قدامه....وقال- جهزت....
ساكت وهو يطالعه....
خاله- يا امل....
حاول يدف بندر لكن بندر واقف ولا تحرك....
خاله بصوت عالي- امل.....الله لا يبارك فيك......بسرعة امشي....
كانت تسمعه وتصيح......خايفه منه...
...........
بندر- خال....امل ما تطلع من البيت هذا.....
الخال- اشوفها مونستكم....
بندر عصب..وقال- ياليت تطلع الحين....عشان نحلها بالتفاهم....
خاله- ايه ونعم التربيه.....هذي تربيتك يا نورة......يطرد خاله....
بندر بصوت عالي- امل هذا بيتها....هي اختي ...مثل سارة......
زاد صياح امل بقوة.....
خاله- ايه ماشاء الله اختك.....
نزل مع الدرج معصب.....
وهو يقول- هذا اخر تربية نورة....يطردون خالهم....اايه اصلا هالبيت من ادخله ما سلم....
طلع وهو يردد هالكلام....
ام خالد- ليش تطرده يا ولدي....
بندر- هذا مو خال.....الحين البنت امانه...وش له بها.....
ام خالد- بس ....
بندر- يمه لا تشلين همه.....امل ماتطلع من البيت وانا موجود.....فاهمين.....كل خوالي فهميهم....ان امل هذا بيتها......وان كنتم انتم تبون ان امل تطلع....انا ما ابي
ام خالد- ياولدي ...ابوك يمكن .....
بندر- امل مو طالعه من هنا......
تركها ونزل ......
ام خالد بنفسها- يا خوفي ابو خالد هو اللي يوديها عند خالها....
مسحت دموعها ....وراحت لغرفة امل......
طقت الباب ودخلت .........
كانت امل جالسة على سريرها تمسح دموعها.....
جلست جنبها وقالت- انتي تبين تروحين مع خالك؟؟
طاحت امل بحضنها وهي تقول- ما ابي اروح واترككم.....ابوي وينه....
ام خالد- يجي الحين ....
امل- خالي معصب؟؟
ام خالد- بس خلاص بندر فيه .....ماراح احد يقدر ياخذك...
ابتسمت وقالت- جزاه الله خير.....
........
بندر جالس بالصالة ....وهو يفكر بعمق .........
دررررررررررن دررررررن
التلفون .....مد يده ورد.....
بندر- الو...
-السلام عليكم....
بندر- وعليكم السلام ...
-بيت
بندر- سم ...ايه هذا بيته...
-بنبلغكم انا الوالد ....عندنا بالمستشفى.....
قام بسرعة .....وقال- أي متشفى...
............................
خالد كان يفطر بالكفتريا....
جته ممرضة قالت- دكتور ...حاله خطيرة ....
خالد- طيب.....
قام وطلع ....فتح الاسنسير ......
-خالد....
التفت لورى وقال – هلا ...وش جابك؟؟
بندر- ابوي .....هنا.....
خالد- هنا....وش به؟؟
بندر- ما ادري.....
..............................
دخلوا الغرفة .....شافوا حوله الدم على السرير ...
بندر غمض عيونه ونزل راسه ...
خالد- يبه....
قرب منه وهويقول- يبه...
بندر- بنادي الدكتور....
خالد- لا ....انا دكتور......هذي حالتي....
الممرضة دخلت وقالت- ها دكتور تحتاج مساعدة.....
خالد- مسح عيونه عشان ما تطلع دموعه وقال- تعالي....
طلع بندر .....
.....................................
بعد اسبوع
خالد عند باب غرفة العمليات بالممر ....طاح واسندر راسه للجدار.....وهو يمسح دموعه .....
بندر كان يمشي متجه له ....وشافه ...خاف ان ابوه صار عليه شيء.....
بندر- خالد .....سلامتك...ابوي فيه شيء......
خالد وهي يمسح دموعه – ابوي ...مات....
شهق وهو يصيح...
بندر تمسك بالجدار .......................وقال- لا حول ولا قوة الا بالله.....
............................
بعد اسبوعين.....
كلن طلع من حالة الحزن الا امل....
...................................
دخل بندر ومعه اغراض جابهن من البقالة....
بندر- السلام عليكم......
الجميع- وعليكم السلام......
اخذت سارة الاغراض ودتهن للمطبخ.....
بندر- وين امل؟؟
ام خالد- بغرفتها....
بندر- اها.....طيب برتاح ...ما ابي غداء....
امه- طيب
..................
صعد الدرج وهو يفكر ...........ويمشي شوي شوي
طالع باب غرفة امل وسارة ......وقال- الله يعين....
كمل طريقة ودخل غرفته ...ونزل ثوبه وانسدح......وهو يفكر بابوه....
بندر-الله يرحمك.....معقولة امل لهدرجة متعلقة فيه....
طق الباب .....ودخلت سارة......
بندر- هلا...
سارة- ما تبي غداء....
بندر- ايه....
سارة- مو انت.......امل.....تراه امس ما تعشت ولا افطرت اليوم...
بندر- طيب وش اسوي...
سارة- رح اقنعها....
بندر- لا لا...هي ما تبي ما احد يتدخل فيها..
سارة- يا اخي والله البنت صارت عظام بس...
بندر نزل عيونه....
سارة- ان صابها بكرة فقر دم بتندم اكيد......انت اللي بتندم....
بندر- وانا وش دخلني.....
سارة- امل ما تسمع كلام احد الا كلامك......واذا قلت لك رح اقنعها تقول وش دخلني....
بندر- طيب طيب.....
قام وقال- روحي ...انزل انا وياها الحين.....
راحت سارة........
بندر- اووووووووف ...وش ذا المصيبة....
راح للغرفة.....طق الباب ...وطق.....وطق.....
افتحت شوي بس....وطلعت راسها
انصدم بندر من شكل عيونها بس....هو من زمان ما شافها .....شافها ايام العزاء وبعدها ما صارت تطلع.....
امل- هلا.....
بندر- امل.....
وسكت...
افتحت الباب وقالت – هلا.....
بندر- امل...
ويسكت مو مصدق.....نحفانه بقوة ...
امل- هلا بندر..وش تبي....
بندر- هااه ...خلينا ننزل نتغدى.....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك