رواية حبيب الحب -5
كانت هالليله أطول ليله بحياة . نوره وخالد ، كثر ما خالد كان مستعد للطلاق كان حاس بغته ما يدري ليش كل ما لها وتزيد . وخاصه ان نوره طول الأسبوع اللي كان يكلمها فيه كانت تتكلم بهدوء وتبجي من غير سبب وإذا سألها قالت إنه أبوها تعبان وهذا اللي مضايقها وكانت كله تتكلم عن الفراق واذا أحد وقف بينهم وفرقهم شنو راح يسوي خالد
خالد : حبيبتي اشفيج والله ما راح اتخلي عنج وهانت يا عمري بس باجر الصبح أطلق بنت عمي وبالليل اخطبج
نوره : لا خالد شنو بنفس اليوم ، اصبر لي بعد العيد
خالد : حاس إنج بتضيعين مني يا نوره ليش أحس هالأحساس ، إنتي فيج شي ليش ما تعلميني
نوره : ما فيني شي بس ابوي تعبان وأبيك تنطر لين يتشافى
خالد : براحتج يا نوره ، بس لا تيبين طاري الفراق والله ما اقدر اسمع هالكلمة منج
نوره : حبيبي كل حبيبين نهاية قصتهم إما الزواج او الفراق
خالد : ونهايتنا الزواج ، ثقى فيني نوره ما راح اتخلي عنج ابد مهما صار
نوره : حبيبي لو دارت فينا الايام وتفرقنا بشي صار غصبن علينا طلبتك يا خالد لا تردني اذا تزوجت ويبت بنت سمها ................. نوره
خالد : الله لا يفرقنا وتحملي طلبج بتزوجج واذا الله رزقنا ببنت بسميها بسمج وأصير زوج نوره وأبو نوره
نوره >> ما تحملت اصراره على انه يبي يتزوجها واهو باجر بطلقها وبجت : آآآآآآآآآآآهاااااااا آآآآهــ
خالد : اشفيج نوره ، منتي عاجبتني هالأسبوع كلش ضايق خلقج وكله تبجين
نوره : خالد ، بس ابوي مريض ومتضايقه عليه وخايفه الفراق حاسه فيه قريب مدري ليش
خالد : إلا قولي لقانا يا نوره
وتموا يسولفون لي الأذان الاول واستأذن خالد علشان يصلي ويرتاح وبعدها يروح لمحكمة العدل للطلاق .
الساعه 12.00 الظهر اوصلت لنوره رسالة
{ كان المفروض اليوم اطلق بنت عمي واخطبج بس الوالد حلف علي انطر بعد شهر..... قهر يا نوره مدري شسوي }
افتحت نوره الرسالة وقرأتها ، شنووووووووووووو على طول اتصلت >> نوره يتصل بك
خالد : هلا حبي عسى ما قعدتج من النوم
نوره : خالد ...... حبيبي هالمره فراقنا ما راح يكون منك أنا اللي بفارقك
خالد : نوره انتي شنو تقولين ؟؟؟؟؟
نوره : أنا مثلك مثل ما أنت انغصبت على بنت عمك أنا بعد انغصبت على ولد عمي واليوم ملجتي ، حاولت ارده ما قدرت ......... إدعيلي خالد ولا تكرهني
خالد : نوره ، لا تقولين هالكلام ليش ما تكلمتي جان خطبتج ليش نوره ليش
نوره : اعذرني خالد حاولت اني ارده بس ما قدرت هذا المقدر والمكتوب مع السلامه
خالد : نوووووووووووره
وباست الشاشة ودمعت عينها وبعدها فتحت التلفون وطلعت الشريحه وكسرتها وخذت تلفونها الاصلى ودزت رساله لأماني
{ اتصلى على صاحب المحل اللي شريت منه الخط وخليه يفصله عن الخدمه }
واستسلمت لنوبة بجي وصياح .
أماني : ألوووووووو
نوره >> صوتها رايح من كثر البجي : هلا أماني
أماني : نوره اشفيج ، شنو صاير
نوره : ابيج تفصلين الخط ، المفروض اليوم يطلقني مثل ما وعد ابوي ، وعمي قاله يأجل الطلاق شهر ما تحملت يعني يلعب بحياتي بدون ما يحسب لي اي احساب بس ابوه قاله تزوج تزوجني وقاله اجل الطلاق طاعه جني بيده لعبه خلالالالالاص اماني تعبت
أماني : واي نوره والله قلبي يعورني عليج ليش جذي جان قلتيله ، وخلصتي من هالسالفه اللحين بيقعد يدور ويسأل عنج
نوره : لو دره ما راح يطلقني وبيخسر امه وهالشي ما أبيه ما ارضاه على أمي إشلون ارضاه على ام غيري ، وبعدين انا قلته ان اليوم ملجتي على ولد عمي وغصبن علي بتزوجه مثل ما أنت كنت مغصوب على بنت عمك .
أماني : واييييييييي بعد فيها زواج غصب ، وبعدين أنتي ما تدرين يمكن يقدر خالد يقنع امه
نوره : خلاص يا أماني الطلاق وبعد شهر وتصكرت ستارة المسرحية خلصت القصة
أماني : وقلبج بينسى اشلون وخالد بتهقين ما راح يدور وراج وبيعرف منو انتي
نوره : ما راح يدور لأني بنظره تزوجت .
أماني : شوفي نوره لو خالد سأل أحمد عنج والله لأقوله كل شي ما اقدر اجذب
نوره : أماني لا الله يخليج أنتي بس عطيهم اسمي اللي حفظتج إياه وقولي هذا اللي اعرفه عنها وخلاص
أماني : ما ادري يا نوره والله خايفه
البـــــارت ( 15 )
ليلة العيد الساعه 10.30 بالليل – ((خالد من صكرت نوره التلفون بوجه واهو يتصل عليها وطول اليوم والتلفون بيده يعيد ويعيد الاتصال مغلق مغلق مغلق ماكو فايده لين انفصل الخط عن الخدمه)) ....................
وأهو بداره كان متعود يكلم نوره وينها ؟؟ .مو قادر يرتاح..................... اخنقته العبره والقهر وغصبن عليه استلم لدموعه لحبه اللي ما قدر يدافع عنه حس بخنجر طعن بقلبه مو قادر يتنفس منه مختنق والنفس انقطع عنده يالله شال عمره ووصل لغرفة أبوه ................. طق الباب ..................أول ما فتح له أبوه طاح من حيله .............
ام خالد : خاااااااااااااااااااااااااالد خااااااااااااااااااالد
ابو خالد : لا تصيحين بسرعه جيبي ماي
ام خالد >> تركض وتأخذ لها ماي وترش عليه واهي تصيح
ريم وداليا >>>>>>>اطلعوا من الغرفه من صراخ امهم وقاموا يبجون واهم يشوفون وجه خالد محتقن ومو قادر يتنفس
ابو خالد : بسرعه ريم جيبي مفاتيح السياره >> وبسرعه سنده ومع ام خالد ونزلوا للسياره >>>>>> للمستشفى الأميري قسم الطواري
كمام اكسجين ودرب وتحليل للسكر وقياس الضغط >> كل شي سليم
ابو خالد : ها يا دكتور اشفيه خالد
الدكتور : الحمدلله ما فيه شي ، كل التحاليل طبيعيه ، احتمال يكون ارهاق ، يأخذ الدرب وبعدها يروح البيت
خالد >> صحى وشاف نفسه بالمستشفى تحامل على نفسه وطلب من الممرض يشيل الدرب وخاصه انه صحى وما حب يكمل الدرب عاااااااااااارف علته بقلللللللللللللبه ................. رد البيت............................ لا قدر ينام ولا قدر يتحمل غيبتها وصمم يدور عليها .................. اتصل على البداله 101
خالد : آلو لو سمحت ابي رقم تلفون خليفه بن عبدالله الـــ
موظف البداله : 25600000
خالد : مشكور >> ودار الرقم ورد عليه ريال وصكر التلفون >> طق باب جناحه كانت امه تتطمن عليه واذا يبي يروح معاهم لصلاة العيد مع امه وأبوه وريم أما داليا نايمه ، تحامل على نفسه وراح للصلاة ............................. ورد ارتاح لي الساعه 12.00 الظهر لأنه ملزم عليه عمه فهد يحضر غدا العيد بالديوانيه .
ببيت ابو راشد : طول الليل نوره ما نامت تعودت على السهر مع خالد واللحين مع دموعها ، خذت لها شور ونشفت شعرها وإلبست عبايتها من الفيصلية وملفعها علشان تروح لصلاة العيد مع امها وتهاني وهند ، من عادة أم راشد من قبل صلاة العيد بساعه تبخر البيت وتسوي القهوه العربية وتحط التمر علشان قبل لا يطلع ابو راشد والعيال يتقهون وبعد ما يردون من الصلاة يتفطرون .
نوره >>> ريحة البخور من الصبح منعشه بالصالة كانت ام راشد وتهاني وهند : عيدكم مبارك
........ : عساج من العايدين والفايزين
هند : خالتي اليوم بيوصل سعد من الرياض عطوه الدفاع مع اللي معاه بالدورة اجازة 48 ساعة يسلمون على أهلهم ويعايدونهم ويردون يكملون دورتهم .
ام راشد : الله يرده بالسلامه يالله قوموا للصلاة ابو راشد راح مع فايز وطلال وراشد ينطرنا بره
بيت أبو صالح :
ام صالح : هاااا يا بو صالح ما وصل سعد
ابو صالح : توه مكلمني يوصلونه ربعه للبيت
ام صالح : اي ليش محد من خوانه راحله
ابو صالح : ما يصير هاذي سيارة الجيش اهي اللي بتوصله
سعد >> فتح الباب : السلام عليكم ، وعيدكم مبارك >> وحب رأس امه وأبوه
ام صالح >> لازم الدموع : آآهـــــ يا سعد شهرين ما شفتك اشلونك يمه اشفيك ضاعف
سعد : الحمد لله طيب ومو ضاعف بس انتي ما شفتيني من زمان
ابو صالح : اشلون الدورة
سعد : والله يبه الحمد لله وما بقى شي شهر ونخلص
فتح باب البيت >> هند وسلوى توهم واصلين : السلام عليكم >> وراحوا ركض يسلمون على سعد وأمهم وابوهم .
هند : قرت عينج يمه قرت عينك يبه
ام صالح : بوجه نبيج
هند : ها سعد اشلونك بشر
سعد : طيب اروح اتسبح واغير هدومي واجي اسولف معاكم >> وصعد لغرفته
بديوانية ابو راشد تجمعوا الأخوان محمد وفهد وحمد وعيالهم وكان ابو راشد حالف على خالد انه يحضر غدا العيد حتى لو كان بيطلق بنته نوره علشان ما يكون هناك بينه وبين عيال عمه اي حزازيات ، طبعا الكل سلم على الثاني وباركوا لبعض بالعيد
سعد : خالد متى العرس ؟
خالد >> ما تحجي : ..............
طلال >> بصوت واطي : بعدين
خالد لما طلع من الديوانية انتبه لسيارة ................... بي ام دبليو لونها كحلي ...............وقال بقلبه الله مثل سيارة نوره .............وركب سيارته نغزه قلبه .......................وشاف الرقــــــــــم هااااااااااااااااامصدووووووم
بعد الغدا كل من راح لبيته طلال >> سعد يتصل بك
طلال : هلا سعد
سعد : طلال شنو سالفه خالد لما سألته عن العرس ما رد علي
طلال : والله نوره طالبه الطلاق وكان المفروض مطلقها امس بس عمي حمد اصر نأجل الطلاق شهر مدري ليش
سعد : طلال انا بتكلم بكل صراحه ، أنا اليوم وباجر بالديرة وبعدين بروح الرياض مدة شهر ، وانا ابي منك وعد ولا تردني
طلال : افا عليك تأمر يا ولد عمي
سعد : ابي اتزوج نوره ، تكفي يا طلال لا اجي والقاها مالجه وتضيع مني مره ثانية
طلال : والله يا سعد انت اولى من اي احد ثاني ، ولك مني كلمة رجال انه نوره ما تكون لغيرك ، بس نوره للحين متزوجه وبعد شهر يمكن تغير رأيها بسالفة الطلاق وما تدري شنو يصير يا سعد
سعد : اهم شي يا طلال نوره لا تضيع مني .
طلال : سعد لا تستعجل نوره للحين على ذمة رجال ، وما تدري شنو يصير بهالشهر
سعد : بس طلال ابي منك وعد لو تطلقت أنا أبيها
طلال : صار يا سعد
البارت ( 16 )
عند خالد : من طلع من بيت عمه وشاف سيارة نوره عند الباب قااااااااام الفكر يلعب فيه >>> يعني نوره تعرف نوره بنت عمي وإلا شنو بالضبط إي صج إحنا من نفس القبيله بسسسسس شالسسسسسسسسسسسسسالفه حاس انه ضايع لالالالا لازم ادور ورا نوره خليييييييييييفـــــــــ >> خالد يتصل بك
مرزوق : خالد حيا الله القاطع ، عيدك مبارك
خالد : الله يحيك هلا والله بمرزوق ، من العايدين والفايزين ، اشلونك واشلون الاهل عساك بخير
مرزوق : بخير الله يسلمك ، وانت اشلونج يالغالي
خالد : طيب طاب حالك ، مرزوق بغيت منك خدمه
مرزوق : امرني يالغالي
خالد : ما يأمر عليك عدو عندي رقم أبي اعرف بأسم منو وسيارة بعد تقدر اتطلع بأسم منو مسجله .
مرزوق : افا عليك ، اطلع المعلومات كلها حتى قياس ملابس هالشخص ، بس اهي بنت وإلا واحد متهاوش وياه ترا اعين واعاون
خالد : ههههههههههه ما تجوز من سوالفك ، لا شي خاص ما اقدر اقوله بدز لك رقم التلفون ورقم السياره مسج
مرزوق : اوكي ، وارد الجواب بعد يومين تدري عطلة العيد بس نداوم بجيك الجواب
خالد : تسلم يالغالي ، سلم
===================
ثالث ايام العيد الفطر الضحى كانت قاعده نوره وأم راشد بالصالة
طلال : السلام عليكم >> وحب رأس امه
ام راشد ونوره : وعليكم السلام
طلال : يمه ترا وصل موعدج مع دكتور القلب وحجزت عقب باجر السفر أنا وانتي ونوره أبوي هون
نوره : والفيزا متى سويتها
طلال : مسويها قبل اسبوعين ، كنت بس انطر الموعد
ام راشد : أبوك ما قالي انه هون ليش ؟
طلال : يقول ما عنده اجازة من الدوام .جهزوا جناطكم مو أخر لحظه يا نوره تقولين ما شريت وابي ، ترا لندن فيها سوق
نوره : لا والله بطلع من هني جنطتي فاضيه ، بشتري من هناك كل شي .
نوره >> وصلت لها رساله من أماني { أنا اللحين بالصالون متى ان شاء الله بتيين } ردت على رسالة أماني { بعد صلاة العصر أكون عندج } حاولت نوره انها ترتاح من عقب البجي علشان يخف التعب على عيونها ،
وبعد العصر قامت وأخذت لها شور وجهزت بدلتها وإنزلت للصالة
نوره : السلام عليكم
أم راشد وهند : وعليكم السلام
نوره : يا قلبي على الحلوين اليوم منورين صالتنا >> وقامت تحب التوأم عيال أخوها راشد نوره وفهد
هند : اي والله من كثر ما ني خايفه عليهم حابستهم بالشقه
ام راشد : لا خلاص عدوا ثلاث اشهر والحمدلله صحتهم زينه يا رب يتمم عليهم ونشوف عرسهم
نوره وهند : ان شاء الله
نوره : يمه أنا بروح الصالون مع السايق وسيلفيا وإنتي وتهاني وهند تعالوا اخذوني الساعة 8.30 ، أي نسيت ابي عقدي الألماس
ام راشد : زين بعد تذكرتي وساعتج البياجيت ما تبين تلبسينها .
نوره : أي أبيها
ام راشد >> قامت ام راشد تجيب العقد والساعة
هند : نوره اشلون نفسيتج اللحين ان شاء الله زينه
نوره : الحمد لله
هند : عاد اليوم رقصي ولا تخلين بخاطرج شي ولا تفكرين بالطلاق واعتبريه احتفال مقدماً
نوره : هههههههههه هند اكو احد يحتفل بالطلاق
هند : مو أنتي ما تبينه وطلبتي الطلاق والكل وافقج خلاص بعد احتفلي
نوره : ولا يا هند ما ني عارفه مصلحتي وين أحس اني ضايعه ، وعمي أجل الطلاق شهر مدري ليش
هند : ما ادري عن عمي يمكن يبيج تغيرين رأيج .
نوره : لا يمكن اغير رأي حتي لو بعد سنه
وصلت ام راشد وخذت منها نوره العقد والساعة وراحت لصالون رشا شيك عند أماني ، كانت حفلة الملجة بحديقة بيت جدهم لأمهاتهم أصر أنه تكون الحفلة ببيته لأنه اللي يبي يتزوج أحفاده بنت بنته وولد بنته ، وكان بيته بالجابرية . مرت أم راشد نوره بالصالون ومعاها تهاني وهند ، أوصلوا لمكان الحفلة وكان بيت كبير صحيح بناءه قديم يمكن أهم أول من نزل منطقة الجابرية لكنه كان كبير حيل وله حديقه كبيرة كانت الحفلة بالحديقة وكانوا حاطين فيها خيمة كبيرة وزين مدخلها بالورود بلون مسكة يد أماني البنفسجي مع الأوف وايت والطاولات الدائرية والخدمة من الموفنبيك والحلو من الخباز بطلب خاص والدي جي الرندي ، وكان بإستقبالهم أم يعقوب وأم أحمد ، أول ما إنزلت نوره راحت للمغاسل علشان تفصخ عبايتها وتعدل من شكلها ، كانت لابسة بدلة بلون أخضر روتانا علاليق وقصته مخصره ومن تحت واسع ومعاه احزام عبارة عن كرستالات باللون الأخضر والأبيض مشكوكة مع بعض ونازلة لي الارض ومسويه شعرها شينيون ومكياجها لبناني بسيط يكفي ترسم العيون وطبعا إلبست العقد اللي بنفس لون بدلتها وساعتها الألماس .
ريم : نوره هلا والله
نوره >> لفت صوب الصوت : ريم هلا وغلا ، إنتي معزومه ؟
ريم : إي المعرس رفيج اخوي خالد .........أنا وأمي وداليا ، وإنتي منو عازمج
نوره : أماني العروس رفيجتي ، أنا معاي امي وتهاني وهند
ريم : يلا تعالي معاي علشان تسلمين على امي .
نوره >>> امبيه لا يكون بعد يعرفون غدير اروح فيها يا رب سترك
راحت نوره لخيمة الحفلة وريم كانت ماسكة ايدها ما تبي تهدها ووصلت لي أمها علشان تسلم عليهم
نوره : السلام عليكم
ريم : يمه لقيت نوره ، العروس رفيجتها
ام خالد : هلا نوره اشلونج ، ما شاء الله كاج جنج البخت ليش يقولون انج منهاره وصرتي مينونه
داليا >> قامت سلمت على نوره : هلا نوره اشلونج .
نوره >> ما همها الكلام يكفي اللي صار بعد اشتبي بتحطني مجنونه : هلا داليا ... عن اذنكم
ريم : داليا تعالي نسلم على خالتي ام راشد وتهاني وهند
وراحوا مع نوره أما ام خالد ما تحركت من مكانها وتهاني وهند وام راشد قاموا لها وسلموا عليها .
أوصلت أماني وكانت دخلتها على أغنية يا بدر بصوت راشد الماجد ، وكانت جميلة بكل معنى الكلمة بفستاها الأف وايت والمزين بكريستالات صغيره بلون البنفسج مع مسكتها البنفسجية وفيها ورد صغير باللون الابيض :
حد منكم شاف في الدنيا بدر
مقبلٍ يمشي و من حوله بشر
من حلاه يزف للناظر ضياه
ان ظهر للناس و إلا ما ظهر
هذا ما هو بدر ليل يختفي
مع طلوع الصبح و بزوغ الفجر
او بدر يصبح بعد مده هلال
هذا بدر مكتمل طول الشهر
ولا الـــــــــــه إلا اللـــــــــــــه
على النبي محمد ويا الله صلوا عليه
هي عروس النور في هذا الزمان
هي ملاك بس في صورة بشر
من غلاها نقول صلوا على الرسول
ياللي شفتوها بقلب ونظر
ولا اله ألا الله ، ولا اله الا الله
على النبي محمد ويا الله صلوا عليه
الف الصلاة والسلام عليك يا حبيب الله محمد
والا اله إلا الله ، ولا اله الا الله ،
الله يا نور بهالدنيا نراه
مستحيل ان نشوفه في بشر
والتقت شمس الظهيره بالقمر
وفي محياها بدا الصبح بضياه
مشرق واخدودها واحة زهر
والعيون اللي كما عيون المها
تمتزج بها البراءة بالسحر
الليله الليله محلاها الليله
الليله الليله حلوه وجميله
ولا اله الا الله ولا اله الا الله
وعلى العروس اسم الله
شعرها ليل كسى الدنيا دجاه
حالك متحدر كنه نهر
يحسبه قطعة حرير من ضياء
والحقيقه هو حرير من شعر
والحسام اللي صفا الوجنه كساه
يبعث اشواق الحواجب للثغر
والثنايا كالبرد بين الشفاه
او كحبات الندى والا المطر
الليله الليله محلاها الليله
الليله الليله حلوه وجميله
والا اله الا الله وعلى العروس اسم الله
قاموا البنات ولفوا حواليها ورقصوا نوره وغدير ومرام وباجي بنات عمها وخالاتها . وصورا معاها .
كان رقم التلفون موجود على السماعات وبسرعة نوره ارسلت رسالة { ابي اغنية راشد الماجد نوره } قال المقدم الأغنية مهداة لكل بنت اسمها نوره
الحليو كله ينتظر تين
بقدوم نوره زاد نوره
يا عمة جموع المزايين
يفرح بج الحفل وحضوره
الحفل كله يطيب ويزين
يكمل مع نوره سروره ،
حرفين قلب وعقب حرفين
قلبي أنا وحروف نوره
مجلسج في قلبي وفي العين
مطبوع لج بالعين صوره
مفروش لج ورد البساتين
والورد كله يصيح نوره
الحفل يولع نار تدرين
والكل منج يضيع دوره
ويغار منج الزين والشين
ماتوا قهر بأسباب نوره
بعد ما ارقصت نوره كان اكثر شي تحاتيه أن يدخل خالد مع المعرس بسسسسسسسس الحمد لله الجد رفض رفض قاطع ان احد يدخل مع المعرس غير أبوه وأخوانه وأبو العروس واخوانها ، كان خالد يتأمل يشوف نوره وخاصه إنه يدري انها رفيجة أماني ، مع زفة المعرس قعد خالد بسيارته وما رضى يتحرك تعذر إنه ينطر أهله والصحيح إنه كان ينطر نوره يمكن تطلع .......... نوره تعمدت ما تطلع من الحفلة إلا بعد ما تروح أم خالد وبنات عمها خوف لا يكون خالد اللي موصلهم ويشوفها وإهي طالعه ، وخالد عينه على كل وحده طالعه من بعيد واهو قاعد بسيارته تمنى إنها تطلع قبلهم أو حتى يتأخرون أهله بالطلعه بس وينها نوره .
ريم : هلا خالد >> بعد ما اركبت السيارة والباب الثاني اركبت داليا وجدام أمهم
داليا : واي ريم شفتيها نوره اشحلاتها ..... قمر قمر لو احلف والله لأقول أحلى وحده بالحفلة
خالد >> فز قلبه : ............
ام خالد : خلاص داليا سكتي
داليا : ليش اسكت بعد خلاص بعد شهر بتطلق حسااااااافه عليها
ريم : اي والله يمه ، صاجه داليا اتهبل نوره طول وعيون وساع والكل كان يسأل عنها
خالد : نوره بنت عمي طويله ؟
داليا : اي طويله وبيضه وحلوه مو مثل ما قالت امي عنها
خالد >>> طالع صوب امه وعلامات استفهام : يمه ليش قلتي انها قصيره
ام خالد : خلاص خالد إهي اطلبت الطلاق وبتخلص منها بعد شكو تعرف مواصفاتها وبعدين المكياج والكعب يغير بالبنات
داليا : لا والله هاذي نوره وزاد جمالها مع المكياج ..... ريم شفتي بدلتها لونها روتانا عجيب من valentine والعقد اللي عليها يهبل يهبل .... والله يوم ارقصت على اغنية نوره الكل قال لايقه عليها الاغنية
ام خالد : اي اللي ما تستحي ما ارقصت إلا على الأغنية اللي فيها ماتوا قهر بأسباب نوره اشقصدها بهالأغنية يعني إحنا ميتين عليها وانه اهي اللي اطلبت الطلاق تولي ، الله فك خالد منها ، بس باطه جبدي بغيت خالد اللي يطلق قبل مو إهي اللي تطلب . وأبوك ليش أجل الطلاق شهر مدري شنو تحت رأسه
خالد >> حس بضيقه الوصف ينطبق على حبيبته والكلام عن بنت عمه شالسالفه : يمه خلاص بتروح بنصيبها .
وصلوا البيت انزلت ام خالد وداليا أما ريم قالت لخالد : خالد حسافه تضيع نوره من ايدك كنت اتمنى انك تصمم تشوفها والله ما تتخيلها جميلة وجامعية وعقل وثقل واخلاق حسافه يا خالد .
خالد طالعها وحس بحيره تناقض بين كلام امه عن نوره قبل لا يملج عليها وكلام خواته الحين والمشكلة انهم كأنهم يوصفون حبيبته نوره ............ وسيارتها اللي واقفه عند بيت عمه ............حاس بحيره
البارت ( 17 )
ثاني يوم الصبح خالد بالشركة أول يوم من الدوامات >>> مرزوق يتصل بك
خالد : السلام عليكم
مرزوق : وعليكم السلام ، هلا بخالد
خالد : هلا والله مرزوق هااااااا اشسويت
مرزوق : خالد الرقم اللي عطيتني اياه بأسم باكستاني ، بس السيارة بأسم عمك فهد اشفيك ما تدري منو صاحب السيارة
خالد : هااااااااااااااا السيارة بأسم عمي فهد
مرزوق : اي اشفيك ما تعرف سيارة عمك
خالد : زين مرزوق مشكور ، ونخدمك بالافراح
مرزوق : من هاذي كثر ، بأخذ الثانيه
خالد : ههههههههههههه الله يهنيك ، بس ما اعتقد تقدر
مرزوق : يا بن الحلال خلنا نحلم دام ما نقدر على اللي عندنا سلم يالغالي
خالد : مع السلامه
حط ايده على رأسه شالسالفه التلفون المقطوع باسم باكستاني سيارتها بأسم عمي فهد ....................... منهي نوره .......... المواصفات اللي قالوا خواتي عن نوره بنت عمي فهد تنطبق على نوره خليفه ....... فكر شوي هالأسم مار علي : خليفه عبدالله الـــــ وين أنا قاريه ...................... عصر مخه وييييييييييييييييين وبدى يتذكر الملجه الملجه الشاهد نفس الاسم وبسرعه فتح الدرج كان حاط صوره من الملجه وشاااااااااااف الأسسسسسسسسسسسسسسسسم اي هذا نسيب عمي وخاااااااااااااااال نوره
أي لعبه لعبتي علي فيها يا نوره ............... إتني زوجتي وإلا بنت خال نوره ... وإلا شنوووووووووووو .............. حس انه تعبان يبي يتأكد مو عارف اشلون ؟؟؟؟؟؟ واذا اطلعت انها بنت عمي نوره ليش تطلب الطلاق ؟ ولما تعرفت علي ليش ما قالت لي اسمها الحقيقي شالساااااااااااالفه يا نوره .............. ولما طلال اتصل يسأل عن سالفة اني ما أبيها . وأنه نوره إهي اللي تبي تطلب الطلاق ......... يعني شنو ؟؟؟؟؟؟ ألف سؤال برأسي .......
فكر يتصل على أحمد يخليه يسأل زوجته عن نوره ..........بس خاف تكون زوجته مع نوره تلعب عليه وما راح تعلمه الصج ............. رأسه بينفجر مو قادر يفكر
نوره حبيبتي إهي نوره بنت عمي .................. وإذا كانت بنت عمي وزوجتي ليش ما قالت وإلا إهي بعد مأخذتني غصب زين و الحب اللي بينا وهــــــــــم وهــــــم لالالالا .......أبي اعرف الحقيقه ومنها مو من أحد ثااااااااااااااااني ...........بس اشلوووووووون؟
ثااااااااااااااااني يوم
يوم السفر : اقعدت نوره من الصبح وأخذت شور وجيكت مره ثانيه على جنطتها وإلبست بنطلون جينز أسود مع قميص بيجي مخطط بالخفيف باللون الاسود لنص الساق وجاكيت ساده بيجي من بربريزخذته معاها باليد الجو بارد بلندن وجوتي فلات من بربريز مع جنطته وبنفس الوقت >> طق الباب : نوره
نوره : هلا يمه .......... صبحج الله بالخير
ام راشد : صبحج الله بالنور يالغاليه ، طلال يقول نزلي جنطتج ولبسي بنروح بعد ساعه المطار ونزلي تفطري
نوره : اللحين بنزل يمه خلي سيلفيا تجي تأخذ الجنطه >> نوره حطت كريم حماية ومسكره وكحل خفيف وقلوس ملمع وإنزلت .
نوره : السلام عليكم
طلال : وعليكم السلام اتصل عليج ليش تلفونج مغلق
نوره : إي نسيته من أمس كنت حاطته على الشحن
طلال : زين افتحيه
نوره : ليش
طلال : وليش مخليته مغلق افتحيه علشان اذا رحنا المطار ، انا بقعد مع رفيجي جمال وانتي وامي بروح ، واتصل عليج اذا أبي شي
نوره : خلاص اذا رحنا المطار افتحه
طلال : نوره اشفيج افتحيه من اللحين ترا ما راح يخلص الشحن بدقيقه
نوره : زين زين كاني فتحته
خالد قعد من النوم الساعة 11.30 ما نام الليل كله من التفكير ، ووده يعرف منو اللي يسوق السيارة اذا بنت عمه يعني إهي نفسها نوره ، اتصل على طلال يمكن يقدر يأخذ منه معلومات >>> خالد يتصل بك
طلال >> كان توه بصكر الجهاز لأنه راكب بالطيارة : السلام عليكم
خالد : وعليكم السلام ، طلال اشلونك
طلال : بخير الله يسلمك
خالد : طلال وينك ؟
طلال : بالمطار
خالد : وين ان شاء الله بتروح
طلال : لندن
خالد : رايح بروحك وإلا معاك شباب
طلال : لا والله ، أنا رايح علشان امي عندها موعد مع دكتور القلب ومعاي نوره
خالد : اممممم تروحون وتردون بالسلامة وان شاء ما تشوف شر عمتي ام راشد
طلال : الله يسلمك
خالد : طلال بس بغيت اسألك السيارة البي أم الكحليه هاذي سيارة فايز
طلال : لالا هاذي سيارة اختي نوره . ليش
خالد : لا بس خوش سيارة قلت اذا ببيعها بأشتريها
طلال : افا ما تغلى عليك اللحين اخلي السايق يصفطها عند بابكم
خالد : ههههههههه ، تسلم يا ولد عمي ، اقول طلال وين بتسكن بلندن
طلال : ان شاء الله حاجز بفندق كمبرلاند
خالد : ما اطول عليك تروح وترد بالسلامه ، مع السلامه
طلال : مع السلامه
خالد تأكد أن نوره بنت عمه إهي نوره حبيبته بس ليش ما علمته ..........يعني إهي من قبل ما تبيني وإلا اعرفت إني ما أبيها وتبي تتأكد بنفسها واللي كان بينا شنووووووو أسمه يا نوره .......حـــب أو خــــــداع ..........وتذكر أنه قالها أن امه معارضه زواجه من بنت عمه واهو بعد ما يبيها !!!!!!!!!!!!!!!! اف أنا شقلت لبنت عمي وزوجتي ؟؟؟؟؟؟؟؟؟؟؟؟
==========
خالد على طول أول ما صكر التلفون قام طلع جوازه وتأكد انه فيزته لبريطانيا ما انتهت كان مسويها لخمس سنوات قبل سنتين ، وأتصل على سكرتيره يحجز له تذكرة لندن وسكن بفندق ماريوت . وبسرعه أخذ له شاور ولبس ونزل بيروح الشركة يخلص شغله قبل السفره
ام خالد : هلا حبيبي وين رايح
خالد : هلا يمه ، يمه إحتمال اسافر باجر لندن اسبوع
ام خالد : هو ليش ؟
خالد : عندي شغل ، الشركة اللي نتعامل معاها اتصلوا يبوني أوقع اوراق مهمه
طلع ابو خالد من غرفة المكتب : هلا خالد
خالد : هلا يبه .
ابو خالد : بتروح الشركة
خالد : إي يبه بروح اللحين وبقعد لين اخلص الشغل كله ، يبه أنا بسافر لندن باجر لمدة اسبوع ، وانت مر الشركة اذا في بريد مشه لين ارد
ابو خالد : ليش بتروح لندن
خالد : هاااااا وصلني فاكس البارحه من الشركة اللي نتعامل معاها ويبون اي علشان اوقع أوراق مهمه .
ابو خالد : بس انت يوم تسافر لهم آخر مره وقعت لعشر سنوات
خالد : اي يبه بس يقولون في اوراق عدلوا عليها ولازم توقيعي
ابو خالد : زين اذا وصلت طمني ودزلي الاوراق بالفاكس او بالايميل بشوفهم
خالد >> توهق : ان شاء الله ، انا رايح لا تنطروني على الغدا بقعد بالشركة لي عقب العصر
ام خالد : زين يمه بس مو تنسى نفسك وما تأكل شي
خالد : يالله مع السلامة
البــــــارت ( 18 )
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك