رواية حلم الطفولة -4
الفصل الحادي والعشرون
في القــــــــــــــــــــــــاعة
روان: وين راحت نواره الحين قربت الزفة
ريما: يمكن برا عند المغاسل
( طبعا ريما ما قالت لاحد لان راكان وصاها ماتقول لاحد شيء)
لما: وين راحت القروية
روان: لما ترا زودتيها
منى : ريما صحيح اللي سمعناه
ريما وتأشر على بطنها :ايه صحيح
منى : مبروك ياحبيبتي
لما: مبروك
حلا وكانت توها جاية : مبروك ولو اني ما اعرف على ايش
البنات :ههههههههههههه
في قصــــــــــــر فهد وتحديدا في غرفة راكان
نواره تبكي وهي ضامة اللحاف بقوة وراكان واقف وكان صدره عاري : هاه وش رايك الحين
انا رجال .
نواره وهي ضامة اللحاف ومن بين دموعها وهي تشهق: لهدرجة انا رخيصة بعينك
ونزلت راسها وصارت تبكي بمراره وهي تقول : انت تدري انه مهما سويت بي ماراح احد يحاسبك
على شيء انا ادري انك تكرهني لكن هذا ما يعطيك الحق تهينني انا بشر ترا دمي مثل دمكم
عندي احاسيس ومشاعر اتألم مثلكم انا عمري ماكرهتك ولا عمري تمنيت لك إلا الخير
ليش تحسسني بالذل
وصارت تبكي بألم وهذا حز في خاطر راكان
نوارهوهي تبكي : تدري اول مره احس اني محتاجة امي حيل ياليتها يوم راحت خذتني معاها
وصارت تبكي بحرقة اكثر : يارب اموت وافتك منكم
راكان دخل الحمام واخذ له شاور وطلع لاف فوطة على خصره راح لغرفة الملابس
وطلع لابس ثوب بني وغتره وطلع برا وسكر الباب
نواره قعدت ربع ساعة على حالها بعدين قامت وهي تعتصر من الالم راحت الحمام تستفرغ
كل اللي بمعدتها
بعدين طلعت ولفت فوطة راكان على جسمها والشرشف فوقها وراحت غرفة روان لان شنطة
ملابسها كانت هناك دخلت وسكرت الباب واخذت لها شاور وبدلت ملابسها ولبست بيجامه
التيشيرت سماوي فاتح عليه كتابة على الصدر باللون الذهبي والبنطلون ابيض علية ورود سماوية وكتابات صغيرة باللون الذهبي
رجعت لفرفة راكان وجلست على الكنبه وكانت تحس بتعب
على الساعة 4.30 الفجر راكان كان قاعد بالصالة ماطلع لانه خايف على نواره يصير فيها شيء
فوزية وتوها داخلة من برا : مســـــــــــــــــــــاء الخير
راكان : مســــــــــــــــــــــــــاء النور
فوزية :حبيبي متى جيت من العرس
راكان : من بدري
ريما تجلس جنب راكان وتسأله بهمس : وش سالفة عمي ونواره
راكان : مافيه سالفة ولا شيء
وقام لانه ماهو مستعد يتكلم مع احد
منيرة: إلا نواره وينها ماشفتها بالعرس
روان: دورت عليها بكل مكان مالقيتها
محمد وهو داخل : ياولد
منيرة تغطت
محمد: وين المعرس
فوزية بإستغراب : اي معرس
محمد: راكان
فوزية وروان ومنيرة وريما وهند فاتحين عيونهم على الاخر
دخل فهد : السلام عليكم
الكل : وعليكم السلام
فهد: وين المعرس
فوزية: اي معرس انتم وش فيكم
في غرفة راكان نواره كانت على الكنبة وضامه المخدة ودافنه وجهها فيها وراكان شايل غترته
وحاطها على السرير وفاتح ازرة ثوبه اللي فوق وقاعد على طرف السرير مقابل لنواره
راكان : نواره حبيبتي والله ماقصدت اهينك انت بنت عمي وزوجتي وتاج راسي يالغالية
نواره:..........................
راكان: نوارتي يابعد عيني لاتقولين ماوراك احد انا ابوك واخوك وزوجك واتمنى اكون حبيبك بعد
انا كل شيء لك والله يالغالية دام رأسي يشم الهواء لاتخافين
نواره بنفسها :( آه لو تدري اني اتنفس هواك وماعمري كرهتك )
راكان : نوارتي ليش ساكته قولي شيء لاتسكتين كذا ترا والله تعذبيني
راكان : اطلبي اي شيء لاتخافين
نواره بحزن وتعب باين على عيونها : انت ذليتني ياراكان ذليتني . وصارت دموعها تنزل
راكان بعطف: ماعاش اللي يذلك او يهينك
نواره بنفسها ( بسم الله عليك)
راكان بضحكة وهو يحاول يغير الجو: وبعدين تبين اشوف كل هالزين واخليه والله
لو اني رخمة
نواره:......................................
انتهى البــــــــــــــــــــــــــــــــارت
اتمنى يعجبكم
مســـــــــــــــــــــــــــــــــــــــاء الخير والاحساس والطيبة
أَمــيـرَتـي لا تَــغـفِـري ذَنــبــي
فَــــإِنَّ ذَنــبــي شِــــدَّةُ iiالــحُـبِّ
يــا لَـيـتَني كُـنـتُ أَنــا iiالـمُبتَلى
مِــنــكِ بِــأَدنــى ذَلِـــكَ الــذَنـبِ
حَــدَّثـتُ قَـلـبـي كــاذِبـاً عَـنـكُـمُ
حَـتّى اِسـتَحَت عَينَيَ مِن iiقَلبي
إِن كـانَ يُـرضيكُم عَذابي iiوَأَن
أَمـــوتَ بِـالـحَـسرَةِ iiوَالــكَـربِ
فَـالـسَمعُ وَالـطاعةُ مِـنّي iiلَـكُم
حَسبي بِما تَرضَونَ لي حَسبي
الفصـــــــــــــــــــــــل الثاني والعشرون
في قصــــــــــــــر فهد
وتحديدا في الصالة
فوزية : محمد وش السالفة
فهد: ابد لاسالفة ولا شيء راكان ملك على نواره
الكل شهق
محمد: وخذاها بدون لاعرس ولا طقطقه
روان : اهاا وانا ادورها بالقاعة اثرها عروس
فوزية بدون كلام راحت بسرعة فوق وبدون لاتطق الباب فتحت باب غرفة راكان بقوة وشافت نواره على الكنبة
راحت بسرعة لها وشدتها من كتوفها وهي تصارخ وتقول : انت يالقروية متى
تيبن تفكينا من شرك نواره صارت تبكي وترجف بقوة
راكان بسرعة نط من مكانه وراح وسحب نواره من امه وحضنها بقوة
راكان : يمه هذي زوجتي خلاص
فوزية بعصبية: راكان انا اعرفك زين اكيد ابوك وعمك غصبوك تأخذها هالبايره
راكان : يمه ما أحد غصبني انا ابيها
في اللحظة هذي دخل فهد عليهم واخذ فوزية من الغرفة وسكر الباب
راكان مازال حاضن نواره وحس ان يدينها وجسمها صار يرجف بقوة شالها ومددها على السرير
وجلس جنبها
راكان :نواره ارتاحي انت تعبتي اليوم
نواره بتعب شديد: راكان تكفى احس قلبي بينفجر
راكان سكر ازارير ثوبة وجاب عباية نواره ولبسها ومسك يدها بيده واليد الثانية حاطها ورا ظهر نواره
وطلع من الغرفة
في الصــــــــــــــالة
محمد: عسى ماشر
راكان : نواره تعبانة شوي وابي اوديها للمستشفى
محمد: اروح معك
راكان:لالا تسلم يالغالي
وطلع وركبها السيارة وراح فيها للمستشفى
في المستشفـــــــــــــــــى بعد الكشف عليها
الدكتور : يادكتور راكان انا قلت لك المريضة محتاجة عملية ضروري
والعلم الحين تطور يعني عملية بسيطة بالمنظار لانه توضح ان الصمام فيه انسداد بسيط مش تشوه
وان شاء الله كم اسبوع وتيقى كويسه
راكان: خلاص توكل على الله
الدكتور : خلاص نعمل لها التحاليل بكرا واذا كانت كويسه العملية بعد يومين
راكان دخل على نواره بالغرفة وقعد على طرف السرير
راكان : نواره لازم تتنومين بالمستشفى
نواره : لا تكفى احس اني اموت لو اقعد بالمستشفى
راكان : بسم الله عليك ان شاء الله انا ولا انت
نواره نزلت راسها
راكان يبي يغير الجو : الظاهر انت اول عروس تتنوم بالمستشفى ليلة عرسها
نواره:.....................
راكان قرب من نواره ورفع وجهها له بيدينه: نواره انت للحين تحبيني
نواره وتجمعت الدموع بعيونها : راكان انت قتلت كل الحب اللي كان بقلبي لك
راكان نزل راسه : انا ما الومك
وطلع برا بدون مايتكلم بكلمة
بعد العملية ولما صحت نواره لقت راكان عند راسها قاعد
راكان : الحمد لله على سلامتك
نواره بتعب: الله يسلمك
راكان : الحمد لله نجحت العملية وترا فيه عملية بسيطة بصدرك
نواره:.......................
بعـــــــــــــــــــــــــــــد اسبوعين من العملية نواره كانت احسن وتقدر تمشي لكن ماطلعت من المستشفى
الدكتور : ما شاء الله خلاص انت بقيتي كويسة وحأكتب لك خروج
نواره : الحمد لله
هنا دخل راكان عليهم وعليه لبس المستشفى
راكان : السلام عليكم
الدكتور : وعليكم السلام
راكان : هاه يادكتور كيفها الحين
الدكتور : لالا دي كويسة حتى انا دي الوقت كاتب لها خروج
راكان : الحمد لله يعطيك العافية يادكتور
الدكتور: الله يعافيك انا استأذن الحين مع السلامة
وطلع الدكتور
راكان : هاه حبيبتي كيفك الحين
نواره بدون ما تطالع براكان: الحمد لله
راكان وحس ان نواره متضايقه منه : طيب انا ابي اروح عندي شغل شوي وابي ااخلص لك اوراق الخروج
بعدين اجيك حتى اطلعك
وطلع راكان
دق جوال نواره
نواره : هلا
مريم: السلام
نواره: وعليكم السلام
مريم : الحمد لله على السلامة
نواره: الله يسلمك
مربم : بشريني عنك الحين
نواره: الحمد لله واليوم راح اطلع للبيت
مريم : الحمد لله إلا ماقلتي لي وش اخبار ركونتك
نواره : اسكتي بس والله انه كسر خاطري من كثر ما احقره
مريم : حرام عليك
نواره: احس اني مقهوره منه للحين
مريم : بس تحبينه صح
نواره: وش احبه إلا اموت فيه
مريم :طيب ليش تعذبينه
نواره: مادري احس انه اهاني
مريم : وش اهانك بعد هذا رجلك واللي سواه لاعيب ولاحرام انت حلاله ملكه
نواره : لا احس انه اغتصبني واهانني
مريم : اقول يالخبلة اتركي عنك هالخرابيط يكفي انه اعترف لك بحبه
نواره : مريم ماني قادره
مريم بخبث : إلا انتي تتدلعين عليه لانه اول مره احد يعطيك وجه
نواره : ههههههههههه يمكن
انتهى البـــــــــــــــــــــــــــــــــــارت
الفصل الثالث والعشرون
في المستشفى راكان خلص اوراق نواره وطلعها من المستشفى وفي السيارة
راكان: الحمد لله على السلامة
نواره: الله يسلمك
وخيم الصمت عليهم طول الطريق الى ان وصلو القصر
نزل راكان وفتح الباب لنواره ومسك يدها ونزلها ودخلو القصر
في الصـــــــــــــــــــــــــــــــــــــالة
روان: كلوووووووووووش الحمد لله على السلامة
نواره : الله يسلمك
ريما: الحمد لله على السلامة
نواره : الله يسلمك راكان : روان صعدي نواره فوق انا ابي اروح عندي دوام
روان: من عيوني
وطلع راكان برا وروان صعدت نواره غرفة راكان ونومتها على السرير
روان : تبين شيء
نواره: تسلمين ياحياتي بس ابي انام شوي
روان براحتك طلعت وسكرت الباب
نواره لاحظت باقة ورد حمراء طبيعية على جنب السرير ولاجظت بطاقة مع الباقة اخذت البطاقة وكان مكتوب
فيها (ابي حبك معي يكبر
و ابي اهواك انا اكثر
و ابي اهديك انا دنياي
و كل الي عليه اقدر
حبيبي انت احساسي
و نبض القلب و انفاسي
لو صار الزمن قااسي
عشان عيونك اتصبر)
محبك راكان)
في الستشفـــــــــــــــــــــــــــــــــــــــــــى
الدكتور علي مدير الستشفى: لا ياراكان لازم تروح
راكان وكان صديق علي من اول : علي والله احس ماني مستعد الحين
علي : انت مقدم عليها قبل سنة والحين ترفض ترا مايصير كذا وبعدين كلها خمس شهور
راكان بتردد: افكر
علي: مافيها تفكير الرحلة يوم الخميس
راكان : وتذكر نواره وصدها له: خلاص توكلنا على الله
في قصر فهد
فوزية قاعدة مع اختها بدرية
بدرية : وراكان الحين متقبلها عادي
فوزية : هذا اللي مجنني
دخل عليهم محمد : السلام عليكم
فوزية وبدرية : وعليكم السلام
محمد يسلم على خالته
محمد: إلا وين بدر ما اشوفه
بدرية : بدر مشغول بالمشاريع الله لايشقينا
محمد: الله يوفقه
ميار : بابا ابي سيكل
محمد: سيكل مره وحدة انت اول امشي زين بعدين اطلبي سيكل
عبد الرحمن : بابا وانا بعد ابي سيكل
محمد: وش السالفة انتم داخلين سباق دراجات هوائية وإلا ايش
راكان وهو داخل : السلام عليكم
الكل : وعليكم السلام
وصعد فوق راح لغرفته فتح الباب شاف نواره نايمة على السرير سكر الباب بهدؤ ودخل اخذ له شاور
ولبس بيجامة كان تعبان مره تمدد على السري جنب نواره ونام
المغــــــــــــــــــــــــــــــــــــــــرب صحت نواره وانصدمت لما شافت راكان جنبها لكنها بنفس الوقت
تمنت تحضنه لانها كانت ملاحظة على ملامحة التعب
قامت من السري وراحت للحمام توضت وصلت المغرب
راكان قعد من النوم قام للحمام توضى وصلى بالغرفة لان الصلاة بالمسجد فاتته
بعد ماخلص قعد على الكنبة ونواره جالسة على سجادتها ماقامت
راكان : نواره انا يوم الخميس مسافر لبلجيكا
نواره:.................................
راكان: عندي دوره لمدة خمس شهور
نواره:.................................
راكان قعد شوي بعدين تنهد بقوة وطلع من الغرفة
نواره لما طلع راكان حست روحها طلعت معاه وصارت تبكي
يوم الخميس
دخل راكان غرفته وطاع شنطته وحط فها ملابسة ونواره كانت قاعدة على الكنبة وبيدها مجلة ماكانت تدري
وش مكتوب فيها اصلا كل تفكيرها مع راكان
راكان سكر شنطته ناظر لنواره وقال : إذا بغيتي شيء عندك محمد ترا مايقصر
مع السلامة وبحفظ الله وطلع
نواره بدون شعور ضمت المجلة بقوة وصارت تبكي بقوة وحست بغربة
نواره : حبيبي ياراكان احبك احبك
انتهى البــــــــــــــــــــــــــــــــارت
انا مدري وش احساسك ومدري وش تضنيني ...
انا الصادق في عينك كنت وصرت الكاذب الخوان ...
انا اخطيت ما انكر ولا في عذر يكفيني ...
سوى اني احبك حيل واني دايما انسان ...
انا ادري بمدى جرحك وادري الحظ جافيني ...
يطول الوقت ما اخطي ...
واذا اخطيت كل شي بان ...
انا شفت الزهر مايل وظنيته يناديني ...
قطفته ... و يوم ظميته لقيته للأسف ذبلان ...
عرفـــت انك زهر عمري عرفت انك بساتيني ...
وغيرك قيظ ما يروي سرااب يشقي العطشان ...
انا لو ما حصل ماكان وش اللي يدريني ...
بانك ما سواك انتي سكنتي القلب والوجدان ...
انا اسف على اعذاري عجزت القى عذر فيني ...
يليق بغلطتي بحقك ويرجع كل شي كان ...
احبك كثر اخطائي وادري انك تحبيني ...
وادري لو تفارقنا فلا نقدر على النسيان ...
اذا تقوي على فراقي وبعدي عنك خليني ...
انا مليت من دور الكرامه لعبة الغفران ...
قليل العمر ياللي انتي دموعك ما تساويني ...
حرام انه يضيع فراق .. هي من قلها الأحزان ...
للشاعر الأمير / عبد الرحمن بن مساعد
الفصل الرابع والعشرون
راكان وهو نازل على الدرج
محمد : راكان متى رحلتك
راكان: بعد ساعة ونصف
محمد: يا الله عشان اوصلك
محمد وراكان بالسيارةفي طريقهم للمطار
راكان: محمد ما اوصيك على نواره تراها امانة برقبتك
محمد: ما توصي حريص
بعــــــــــــــد اسبوع من سفر راكان
نواره كانت جالسة عند التلفزيون تقلب بالقنوات
إلا وتسمع نغمة مسج على جوالها راحت فتحت المسج لقت مكتوب فيه( مادقيت عليك اعرف انك ماراح تردين
علي . لكن حبيبتي ترا حولت لك مصروف على حسابك اللي فتحته لك قبل ما اروح وترا بطاقة الصراف
والرقم السري موجودة في جيب قميصي الابيض بصراحة ماحبيت اعطيه لك بنفسي خفت ترديني
حبيبتي انتبهي لنفسك .محبك راكان)
نواره راحت فتحت دولاب الملابس حق راكان وشافت قميصه الابيض ولقت البطاقة فيه
ماحست بنفسها إلا وهي ضامة القميص وتبكي وتقول : حبيبي والله ابيك تكفى تعال
ما أقدر اعيش بدونك وقعدت على هالحال تقريبا ربع ساعة بعدين قامت ورجعت البطاقة مكانها
وسكرت الدولاب ومسكت جوالها ودقت على تؤام روحها مريم
في الصـــــــــــــــالة
ريما: والله يمه احس حملي هذا اثقل من حملي يوم احمد
فوزية: الله يقومك بالسلامة
هند : إلا وين نواره من راح راكان ما شفناها
روان : اروح اشوفها
روان طقت على نواره الباب
نواره: تفضل
روان: سبرايس
نواره: هلا روان
روان: وينك يا دبة
نواره: بالمريخ هههه يعني وين بأكون
روان: هههههههه حلوة بس لاتعيدينها مرة ثانية
روان : ترا الشلة بعد ساعة جايين
نواره : من
روان:رهف ومنى ولما وحلا ورغد وعمتي الدبة لينا
نواره:اهااا
روان : يا الله عاد لاتتأخرين زين
نواره: خلاص
وطلعت روان من عند نواره
شوي إلا وتسمع نواره نغمة مسج فتحتها بسرعة لانها توقعتها من راكان لكن كانت من مريم
( نواره بكرا انا جاية للرياض ابي اشوفك )
راحت نواره دخلت دورة المياه وغسلت وجهها بماء بارد حتى تتنشط
ولبست تنورة قصيرة لنصف الساق مشجرة بني واسود وبدي اسود وحطت مكياج خفيف وحررت شعرها
ونزلت تحت
دخلت نواره على الحريم وسلمت عليهم وجلست عند لينا
لينا: كيفك يادبة
نواره: زينة وانت
لينا : نحول هههههههه
لينا : تصدقين انصدمت بك انت وراكان تخططون من ورانا
نواره:.............
رهف اللي قاطه اذنها عندهم : نواره إلا صدق راكان وش عنده هرب وهو ماكمل كم اسبوع
نواره بسخرية: إذا جا اسأليه لاتنسين
روان :ههههههه
طلعت نواره فوق لانها ملت من نظراتهم
دخلت الغرفة وتمددت على السرير وتفكر براكان
فجأة دخلت عليها ميار بنت محمد
ميار: نواره
نواره : نعم حبيبتي
ميار: وين عمو راكان
نواره: راح وقال إذا جيت ابي اجيب هدية حلوة لميار
ميار ببرائة : ابي اقعد هنا لما يجي
نواره:هههههه تعالي وضمت ميار وصارت تلعب معاها
شوي إلا وتسمع نغمة مسج فتحت المسج وطارت من الفرحة لما شافته من راكان( تصدقين اشتقت لك)
نواره: وانا اكثر
بعـــد اربع شهور ونصف وفي اجازة نصف الترم
في بيت صـــــــــــــالح
صالح: منيرة لازم نروح قبلهم حتى نجهز كل شيء
منيرة: خلاص كل شيء جاهز انت حط الاغراض بالسيارةوانا طالعة الحين
طبعا اتفقو يطلعون للمزرعة اللي مسوينها استراحة لهم وكانت بالقرية وكبيرة مرةفيها قسم للرجال
وبيت شعر وقسم للحريم وفيها مسبح وساحة خضراء كبيرة بين قسم الرجال والحريم لكنها اقرب لجهة
الحريم
في قصر فهـــــــــــــــــــــــد
الكل محتاس يجهز
هند تطق على غرفة نواره
نواره : نعم
هند: نواره إذا خلصتي محمد يقول طلعي اغراضك عشان يحطهم بسيارته
نواره : خلاص حبيبتي انا اشيلها
الكل ركبو السيارات ونواره ركبت سيارة محمد مع هند وروان
في بيـــــــــــــــــت احمد
احمد: نورة اخلصي فهد والعيال طلعو على الخط
نورة : طيب طيب
رغد :تركي ترا انا ابي اروح معك انت ولينا ابي اخرب عليكم
تركي:هههههههه
لينا : اصلا مالنا غنى عنك وتأشر على كيس الحلويات اللي مع رغد
تركي : طلعتي مصلحجية
لينا ،رغد هههههههههه
ريما : خلودي وين احمد
خالد: اوه من بدري راكب السيارة
ريما: يا الله حبيبي لايقولون علينا باردين
خالد: ههههههههه
في المزرعة الكل موجود حتى عبد العزيز اخو فوزية وعيالة وسعود زوج اخت فوزية وعياله
عند الحريم
بدرية : فوزية إلا راكان وش اخباره
فوزية: الحمد لله ماعليه
بدرية وتطالع بنواره :الظاهر هالمسكين ماصدق تجيه هالدورة حتى يرتاح
فوزية: حبيبي تحمل كثير
نواره بنفسها : حبتك القرادة انت وياها
بعد العشاء وعند البنات
لما ببخبث: نواره انت خلاص ما راح ترجعين للكلية
نواره وعارفة قصد لما : مدام ركوني معي وش ابي بالكلية
منى بصوت عالي:هههههههههههههههههه
رهف بخبث: لينا إلا على طاري ركوني هو وش اخباره يقولون انه بعد ماتزوج بكم اسبوع هرب
لما ـمنى ـ رهف هههههههههههههههههه
حلا : نواره ماعليك منهم تراهم منسمات
انتهى البــــــــارت
الفصل الخامس والعشرون
حلا : نواره ماعليك منهم تراهم منسمات
روان وحست بثقل دم البنات : نواره وش رايك نطلع برا نستهبل على البزران
نواره: يا الله
لينا: وانا معاكم
طلعو البنات وشافو احمد ولد ريما وفهد وعبدالرحمن وميار عيال محمد وسعد ومحمد وحمود اخوان نواره
ومعاهم رغد
قاعدين يلعبون بالساحة الخضراء
روان : رغودة اثرك بزر
رغد بضحكة: هههه من ذو مبطي
لينا : وش رايكم نعيد ايام الطفولة ونلعب غميمة
الكل : يا الله
جابو شيلة واختارو نواره وعصبو عيونها زين حتى ما تشوف شيء وصارو يركضون
حواليها وهي تمشي وتدورهم تحاول تمسك بواحد منهم وهم صراخ وضحك
فجأة زاد صراخهم واصواتهم علت
نواره : بس ترا اربكتوني ياويلكم إذا طيحتوني
وفجأة مسكت نواره بواحد منهم
لينا : يا الله نواره اتحداك تعرفين من مسكتي ولك عشاء على حسابي
نواره: تتحديني انا اوريك
وصارت تتحسس وجه اللي مسكت فية وكانت صدمتها لما حطت يدها على وجهه
لاحظت انها تلمس لحية خفيفة وشارب نواره خافت واستحت
ياربي لايكون عمي فهد
لكن هالشخص ماتركها تطول بحيرتها شال الشيلة عن عيونها وكانت الصدمة ان الشخص اللي نواره ماسكة فيه هو
*
*
*
*
*
*
*
*
*
*
*
*
*
*
*
راكـــــــــــــــــــــــــــــــــان
راكان ضمها بسرعة وطبع قبلة على شفايفها وكأنه يبي يرتوي منها وقال لها وهو ضامها : ما
فيه الحمد لله على السلامة
نواره بتوتر سحبت نفسها من احضان راكان وراحت تركض لقسم الحريم
في قســـــــــــــــــــــم الحريم
راكان وهو داخل : ياولد
فوزية تشهق :هلا حبيبي
وراحت تسلم عليه طبعا راكان سلم على امه وخالته بدرية وريما (ولينا وروان سلم عليهم برا)
وحريم عمامة ومرت خالة والبنات اكتفى بالسلام عليهم من بعيد لانهم ماهم محارم
بعدين راح دخل غرفة جدته ام صالح اللي كانت منسدحة وعندها نواره
ام صالح بفرحة : هلا بالغالي
راكان يبوس رأس جدته ويدها : وش لونك يالغالية
ام صالح : بخير ياعلك بخير
راكان شاف نواره وكانت منحرجة ومنزلة رأسها وهي واقفة
راكان يبي يحرجها قدام جدته: وانت ماتين تسلمين على رجلك
نواره قربت منه ومدت يدها لكن راكان سحبها وضمها بقوة وباس رأسها وهو يقول : اشتقت لك
ام صالح : يارب يخليك لها
راكان وهو يبوس يد نواره : ويخليها لي
نواره كانت ميته من الاحراج لكن مابغت تقول قدام جدتها شيء
من بــــــــــــكرا العصر
البنات والحريم عند المسبح
وعندهم فهد وصالح واحمد قاعدين عند ام صالح يتقهوون ويسولفون
روان :نواره تعالي ابيك
نواره: لحظة ابي اخذ جلالي
وطلعت نواره وروان وراحو للمراجيح اللي برا روان ركبت مرجيحة وصارت تلعب
نواره: الحين ساحبتني وراك عشان تجين وتلعبين مثل البزران
روان : لا عشان تتفرجين علي
روان بجدية: نواره تحبينه
نواره: من هو
روان : لاتستغبين عمي راكان
نواره اكتفت بتنهيدة
روان : هاه مارديتي علي
نواره: وش تبين اقولك يعني
روان: حلفتك با الله تقولين الحقيقة
نواره: روان عمك جرحني
روان : خلاص عرفت يعني تكرهينه ما يبي لها كلام
نواره: هيه انت وش اكرهه راكان عمري وحياتي
روان : اهاا اقول نواره شوي ابي اروح المطبخ واجيك زين لاتروحين
نواره : خلاص لاتتأخرين
نواره واقفة لوحدها عند المراجيح ماحست إلا باللي يحضنها من ورا ويطبع بوسة على رقبتها
نواره ارتاعت : بسم الله الرحمن الرحيم
انتهى البــــــــــــــــــــــــــارت
الفصل الســـــــــــــــــــــــــــادس والعشرون
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك