رواية خليجيات في الامارات -45
فجر : وأنا من متى طايحه على عبدالعزيز نسيت ان نور اهني ههههههههه
الهنوف : الشرهه على عقلج المصدي
فجر : مووولت عللليج يالدبه
الهنوف : اي وانا الصاجه
فجر : والله نور وطلعت مزيووونه هههههه ما هقيت ذوووق عبدالعزيز جذي
بدور تعدل قعدتها وهي تشوفه داخل للصاله وحاط الغتره على كتفه وشكله منزعج من شي
معضد مشا وراح لـ حجرته من غير لا يسلم بعد
بدور مستغربه هذا حتى ما يسلم ترا السلام سنه ..!!! وبعدين ع الأقل يكسب أجر
لا لا معضد انسان مب معقووول أبد ..!! لا ولييش مب معقول لأني أنا عن نفسي مب متقبلته كييف هو يتقبلني ..!! أكيييد بنعيش جذي الله يعيني بس
أمس يقووول بنروووح للفندق وبعد ما وصلنا دبي يينا للبيت على طول ..!! طلعت سالفة الفندق مدبره بس يبينا نرجع دبي
ما أقووول الا آآآآه .. يارب ارحمني
سمعت صوته من الحجره وهو يقووول : بدوووووور
بدور فزت ووقفت بسررعه راحت وهي تعدل شيلتها : نعم ...؟؟
معضد يطالع دولاب الملابس قال بجديه : دخلتي الحجره اليوم ..؟؟
بدور بتردد : لأأأأ ما دخلت
معضد وهو يجمع ملابسه
بدور طالعته مستغربه وطلع منها سؤال عفويا : وين بتروووح ..؟؟
معضد طالعها بنظره يعني ما يخصج
بدور قالت : آآآ... آ .. سفه ما كان قصدي بس قلت يمكن نرجع العين عشااان أجهز روحي
معضد ما رد عليها وبدا يجمع ملابسه وأغراضه وقال : رتبي الحجره اللي يمب حجرتي
بدور مستغربه : بتحط أغراضك اهناك ...؟؟
معضد : قلت لج رتبيها وبس ...؟؟
شكله هذا صج صج معصب ..!! الله يعيني .. آها توني فهمت شكله ما وده شي يذكره بـ ميره الحين وما وده أحد يدخل حجرتهم اللي ترجعه وتذكره بـ ماضيه
بدور مشت للحجره ودخلتها وشغلت الأنوار وبدت ترتب مع ان الحجره مرتبه لا مغبره ولا مبهدله ..!
معضد دخل ومعاه ملابسه حطهم ع السرير وراح لحجرته مره ثانيه
بدور بدت تغير شرشف السرير استغربت ليييش سرير لـ شخص واحد ..!!
يعني صج صج مو متقبلني .. بسسسسسسسس ليييييييييش لييييييييييش ما يبيني دامه ما يبيني ليييش يظلمني معاااه وليييش خلاااني اتزوجه من الأاأساااس بلااااه هـ الزواج اصلا .. لأن محد مستفيد منه
ضربت راسها بـ خفيف وقالت : اش هـ الأفكار أكثر واحد محتاجني هو حمدان
معضد دخل ومعاه عطوراته وبعض الأشياء وصورته مع ميره يوم الزواج وهي بالفستان الأأبيض
بدور وهي ترتب السرير راقبته يحط الصوره ع الكوميدينه من غير لا يشوفها بعد وقلبها
بعد ما طلع معضد .. بدور تقدمت من صورة اختها ورفعتها وعدلتها بدت تشوفها وهي ودها ان ذاك الوقت يرجع ولو بس يدوم هـ الوقت لـ مجرد ثواني وبس بس تبي تعيش مع ميره نص دقيقه وبس ..!! نص دقيقه تعبر فيها بـ كلمتين عن مدا افتقادها لـأختها وحبها لها
مسحت الصوره بطرف اصبعها وهي تبتسم بـ حزن وتتذكر اختها وأيام أول
ما وعاها الا صوت معضد يدخل الحجره وبجديه : شـ تسوين فيها .........؟؟
بدور ارتبكت وطاحت الصوره ع الأرض وانكسر الزجاج
معضد طالعها بحقد وده يتكلم
بدور سبقته وهي تنزل دموعها : مــا ... آآآ .. آآآ ..... سويت شي ي ي
معضد تقدم بسرررعه عند بدور وسحبها من يدها وقال : اطلعي بسرررررعه ما ودي اشوووفج بـ هالحجره مره ثانيه
بدور طلعت بسرررعه وهي تركض لـ حجرتها دخلت وقفلت الباب ورمت نفسها ع السرير
وبدت نوبة بكاااء متواصله ما تدررري متى بتنتهي ..!!
لـ هالدرجه حاقد علي يا معضد .. لهالدرجه هنت عليك ..؟؟ أنا أخت مرتك االلي كنت ما تخليني أمشي على كيفي .. ما تخليني على كيفي ..!! طول الوقت انت وهي تنصحوني لـ درجة حسيت انك ابوووي وهي أمي ..!
لـ هالدرجه تشابه الأشكال خلاااك تحقد علي ..!! بس أنا شـ سووويت بحياتي اش سويت بدنياي عشااان يصير فيني كل هذا ..!!
دامك ما تباني ليييش تزوجتني من الأأأساااس ..
والله أحس عمري رحل مني من يوووم تزوجتك ..!!! من يوم فكرت ان انت بتصير نصيبي ..!!
/
.
روان مبتسمه وهي تطالع ابوووها داخل الحجره
ابو روان : ها انشالله اليوم بنتي أحسن ..؟؟
روان هزت راسها وقالت : الحمدلله يبا أحسن من يوم شفتك ههه
ابو روان : دوووم يارب
روان ابتسمت لأبوها : غريبه ما زرتني الصبح
ابو روان : والله ما كان ودي بس الشغل الهاني
روان ناظرت ابوها بـ عتب وقالت : يعني الشغل ...!
ارو روان ابتسم : مب أي شغل هذا غير ..؟؟
روان لفت ويهها وبدت تطالع الدريشه بدون لا تنطق أي كلمه ومتضايقه
ابو روان تقدم منها ورفع شعرها عن ويهها وقال بعطف وحنان : وأنا اقدر أترك بنتي يعني ...!!
روان رجعت طالعها ودموعها نزلت : طول هـ المده كنت تاركني شـ يصير على يوم يعني ..!
ابو روان لازم يتحملها لأن هو السبب في كل اللي تسبب لها قال : رحت المحكمه اشووف اش صار ع القضيه اللي رافعها على أمج وبس والله كرهوني بعيشتي لأني طول الوقت رايح وراجع
روان ابتسمت حست ان ابوها بالفعل ما كذب عليها لما قال جذي ولازم يروح
ابو روان باس راسها وهو يقووول : الله يخليج لي يارب
روان مسكت يدها : ويحفظك يارب
ابو روان : متى ناويه تبلشين العلاج النفسي
روان ابتسمت : وانت شايف يحتاج يعني ..؟؟
ابو روان : والله مدري ..!
روان : لأ يبا أنا نفسيتي وايد زينه .. رفيجاتي كانو يزوروني وما قصرو وبعد أنا الهيت نفسي مع الاختبارات ما أعتقد ان يبي لي علاج نفسي
ابو روان ابتسم : الحمدلله على كل حال يا بنتي
روان : الحمدلله
ابو روان : لو تبين أي شي أنا حاظر بنتي ما يردج الا لسااانج
روان : تسلم يبا
ابو روان : ولو ع الوظيفه ترا بأي مستشفى راح يقبلونج انشالله
روان : انشالله يارب
ابو روان : ولو ناويه تتوظفين الحين ما عندي مانع بس اقووول ارتاحي احسن لج
روان ابتسمت وهي تضم ابوها وقالت : الله يخليك لي ياااارب
ابو روان ابتسم : الله يطول بـ عمري واشوووف عيالج يارب
/
.
/
اريج نازله شافت محمد طالع
اريج : السلام عليكم
محمد : وعليكم السلام هلا اريييج
اريج : شخبارك ..؟؟
محمد ابتسم : بخيررر
اريج : يلا عن اذنك برووح
محمد : تبيني اوصلج لـ مكان
اريج : لا شكرا لأن دريول روان بيوصلني
محمد هز راسه وابتسم وقال : شخبار روان ..؟؟
اريج مستغربه : لحقت تعرفها ..؟؟
محمد ابتسم : يعني شوي من مروان هههه
اريج ابتسمت : لا بخيررر الحمدلله
محمد : والعلاااج
اريج بحزن : تدري اللي صار فيها مو هين بس الحمدلله قدرت تتخلص منه هـ الشي لأن توه ببدايته
محمد : الله يشفيها يارب ويخليها لكم
اريج : الحمدلله ولا يفرق بينا هههه
محمد : آميييين
اريج : عاد أنا بروووح لأني صج تأخرت على روان
محمد : الله معاج
اريج ابتسمت له وهي تنزل .. وبدت أنفاسها تتسارع وهي للتو كانت واقفه جنبه وتتكلم معااه .. ما كان ودها ان هـ الدقايق تنقضي بـ هالسرعه وتكمل أحلامها الورديه بالوقفه معاااه
/
.
/
يوم السبت
في الكويت <<< وه فديت الخليج كله على بعضه والله
شوق وهي قاعده تتلكم مع نور في الصاله
نور : لا لا ما أعتقد وبعدين دانه حميد قالت انها بتكمل في فرنسا
شوق : لأأأ قالت ألمانيا
نور : لأأأ ما اعتقد وبعدين انتي أدرا ان دانه أهلها اللي كملو في بلاد برع كانو بـ فرنسا
شوق : والله ما اعرف بس اللي سمعته المانيا
نور : الله يوفقها
شوق تضحك : تخيلي نشوووفها في ألمانيا
نور ابتسمت وتعرف ان هـ الشي مستحيل قالت : انشالله ههههه
شوق ابتسمت : بس مدري لييش أحس دندوون شكلها صج بتروووح فرنسا
نور : اي تراااني قاااعده اقوو لك بتروووح فرنسا مو ألمانيا
شوق : اللي هي تحبه المهم تكمل ههههه
يمشي وهو يقووول : خلو البنيه في حالها انتو شكوو ..!!
شوق تصفر وهي تقوول : يا ولــــــــــــد
شوق : تهبل والله
نور : على وين انشالله
ضاري : بروووح مجمع الفنار
شوق : اوووووخص يا ولد
نور : سلم لي ع البنات هههههه
ضاري : اقووول انتو لييييييش تفكيركم منحط جذي
نور : حنا ولا انت اللي ما تحشم يالدب
شوق : اقووول ضرووي ان طالعت هنا ولا اهنا ترا يا ويلك
ضاري ابتسم وقال : ولا يهمج
نور : ضاري ترا يوم لك ويوم عليك
ضاري تأفف وهو يقوول : اقووول بلا محاضرات دينيه أنا بروووح وانتو انصحو نفسكم مدري قاعدين
تحشوون بـ منو ..!
شوق فتحت عيونها : نحن نحش ..!
ضاري يضحك : اي انتو وسلمو لي على دندون لو بيدي كنت بروووح لـ فرنسا وبشوفها بس للأسف لم تسنح لي الفرصه
نور : اقووول مالت عليك روووح هذا الفناار حقك رح يلا ..!
ضاري طلع وهو يضحك .. مواعد عيااال عمه يروح معاهم يتمشووون
نور طالعت شوق مستغربه : اقووول مو كأنو تخبل أخوك ذا
شوق : وانا اش لي بس الله يهديهم أجمعين
نور : ويهديك معاهم قولي أآمين
شوق : هههههههه أمين
عبدالعزيز نازل وهو كاشخ بالدشداشه والغتره والعقال قال لـ شوق : شوق أمي تبيج فوق
نور حست هذي لحظة موووت شوووق هذي اللحظه اللي شوق بتتحطم فيها
شوق وقفت وقالت وهي تتنهد : الى اللقاء يا أوخيتي ..!!
نور ابتسمت : شوفي خالتي اش تبي منك ..؟؟
شوق : طيب طيب هههههه
نور ابتسمت لها ..
عبدالعزيز قال لـ نور : مساء الخير
نور : مساء النور
عبدالعزيز : اشلونج ...؟؟
نور : بخير
عبدالعزيز : نور تجهزي خلاص نص ساعه بوديج نتمشى
نور مستغربه : نتمشى ..!
عبدالعزيز : اي نتمشى
نور متردده : بس الحين اربع العصر خلها للساعه ست يكون الجو برد
عبدالعزيز : لا بنروووح للسالميه
نور : بسسس ..!
عبدالعزيز : نتمشى شوي ونرجع يلا بسرررعه على ما ارووح اعطي هـ الملف لـ عمي
نور بتردد وقلة حيلة : طيب
/
.
/
بدور وهي تتنهد بملل وتقول : ياربي شـ أخرتها معاااك يا معضد ..!!
ملت بدور من القعده في الحجره وقفت عشان تطلع بس تذكرت تلفونها رفعته تتصل بـ أريج
بعد ما اتصلت ردت عليها اريج
بدور : السلام عليكم
اريج : وعليكم السلام هلا بدوووره
بدور : هلا جوجو اشلونج ..؟؟
اريج : تمام الحمدلله انتي شخبارج ..؟؟
بدور : آخخخخ يا اريج شـ قووول لج
اريج مستغربه : خير حبيبتي فيج شي ..؟؟
بدور : ما يصير اكلمج بالتلفون
اريج : خلاااص زوريني ..!
بدور : هذا اذا معضد رضا
اريج : وليييش ما يرضى يعني ..؟؟
بدور : والله مدري يا اروووج معضد غيررر صاير انسان قاااسي
اريج مستغربه : ليييش فيه شي
بدور : والله مدري بس صاير يعاملني كأني انسانه ما تحس بعد
اريج : الله يهديه ويصلح باله
بدور : آمييين
اريج : عاد ابيييج تراضينه
بدور : هذا لو سمع كلمه وحده مني ..؟؟
اريج : ليييش ..؟؟
بدور : ما يرضا يطالع ويهي بعد
اريج مستغربه : شـ السبب طيب ..؟
بدور : والله مدري اروووج محتاره أحس روحي مخنوقه
اريج : لا الصرااااحه السالفه ما ينسكت عنها لااازم نشوووف بعض
بدور : ودي والله ودي بس يرضا
اريج : انتي حاولي معاه
بدور : اي عشااان يكون آخر يوم بـ حياتي
اريج : الله يهديه
بدور : آميين .. يلا حبيبتي عاد أنا بسكر بروووح باكل شي من الصبح وانا على لحم بطني
اريج : أوووكي حياتي ديري بالج على عمرج
بدور : اوكي مع السلامه
اريج : الله معاج حبيبتي
بعد ما انهت بدور مكالمتها وقفت بسرررعه وعدلت لبسها لما سمعت صوت بابها يندق
تقدمت من الباب بخوووف وفتحته طالعت معضد
نزلت راسها بدون لا تقووول اي كلمه
معضد قال بـ جديه : فيصل ياب حمدان
بدور رفعت راسها بسرررعه تشوفه بس تغيرت ملامح ويهها لما طاحت عينها بـ عين معضد
معضد قال : روحي شوفيه جان يبا شي ووكليه عسب يرقد
بدور : بس الحين العصر
معضد بعصبيه : انزين ما قلت لج رقديه الحين
بدور نزلت راسها وقالت وهي تغمض عيونها من علو صوته : ان شـاء الله
معضد مشا من غير لا يقوول اي كلمه
بدور تقدمت من حمدان وشالته باسته
حمدان ابتسم لها وهو يقوول : لييش ما يبتيني وياااج ..؟؟
بدور : فديتك أنا ييت أخذ شهادتي
حمدان ابتسم : انتي شطووره ولا لأأ ..؟؟
بدور : اي ونجحت الحمدلله
حمدان ابتسم وقال : اشتري لي حلاو
يتبع >>>
بدور : من عيوووني والله
حمدان عقد حياته وكأنه تذكر شي وقال : ليييش بابا يصارخ عليج ..؟؟
بدور دمعت وهي تقوول : لأني ما سمعت كلامه
حمدان ابتسم وقال : هي حتى ماما تقووول بابا يعصب يوم ما أسمع كلامه
بدور ابتسمت غصب عنها وهي شايله هـ الطفل اليتيم
حمدان : وين ماما ..؟؟
بدور : مسافره حبيبي ..!
حمدان : متى تيي ..؟؟
بدور : نحن بنروح لها
حمدان : متى انزين خالو ..؟؟
بدور : لما ربنا يودينا
حمدان : والله متى بيودينا ..؟؟
بدور عصبت منه وهي تقووول : حمدااااااااااااااااااااان بس خلااااااااااااص خلاااااااااااص اسكت
وما حست الا بيد تسحبها سحب وتجرها جررررر ..............!!!
/
.
/
ملاك تصيح وهي تطالع مايد معصب
ملاك : انزيييييين أنا شو يخصني ..؟؟
مايد معصب : أنا عشرين الف مررررررررره قلت لج ما تقربين صوبها
ملاك تصيح : يمكن هي تعثرت وطاحت أنا اش لي ..؟؟
مايد مسك ملاك من طرف قميصها وقال بعصبيه : والله يا ملاك ان قربتي صوبها شعرج هذا بقصه لج
ملاك تمسكت في مايد وهي تقوول : مااااااااااااااااااايد ارحمني دخيييييلك والله دخيييييييييييلك ما عدت أستحمل أكثر
مايد مسك راسه وهو يبتعد وقال : بودرج هـ المره لأن راسي يعورني بس مره ثانيه ترا والله ملاك حلفت لج شعرج هذا بقصه
ملاك مسحت دموعها وهي تقول : تبا حبوب
مايد بعد ملاك بيده وبقوووه ملاك لصقت في اليدااار وهي تصيييح من اسلوب أخوها اليديد في التعامل معاها
وصايف خطفت ولا كأن ملاك لها معنى في هـ البيت ولا كأنها انسانه لها كيان
ملاك وهي تدعي : الله ياخذ حقنا منج .. حسبي الله ونعم الوكيييييييييل ..
وصايف ابتسمت ولا عطت ملاك أي اهتمام عـ اللي قاعده تقوله ..!
ملاك في خاطرها .. أول مره اشووف بـ حياااتي ناااس ما تحس ..!! ناس ما في بـ قلبها ذرة رحمة .. من شو قلوبهم هذيل .. حجر ..!! والله لو الحجر يلين هذيل ما أظن قلوبهم تلين ..!
/
.
/
نور وهي تمشي جنب عبدالعزيز
عبدالعزيز قال : وين تبينا نرووح ..؟؟
نور : اي مكان عادي
عبدالعزيز : المهم قبل .. شريتي اللي عيبج
نور هزت راسها بـ ايه وقالت : اي شريت واجد أغراااض
عبدالعزيز : المهم عيبج
نور : اي الحمدلله
عبدالعزيز : والفلم ..؟؟
نور : اي حلو كثيرررر
عبدالعزيز : أوكي نروووح لـلمارينا كرسنت
<<<< معلوماتي العامه مو ذاك الزود ^_* يعني اسمحو لي اذا فيه شي غلط !!
نور هزت راسها : اللي تبيه
عبدالعزيز : أوووكي نروووح نتعشى أحسن لنا
نور : طيب
عبدالعزيز : مشتهيه شي معين ..؟؟
نور هزت راسها وقالت : لأأأأ
عبدالعزيز ابتسم وهو يشوفها تمشي معاه .. ما توقع بيوم ان هو ونور يكونون مع بعض طول عمره ينظر لها نظره الأخت شـ اللي تغير ما يدري
نور وهي تمشي معاه : خالتي اش تبي من شوق ..؟؟
عبدالعزيز : ما أدري
نور قالت : آهااا
عبدالعزيز : ليييش ..؟؟
نور : لأأأ بس أسأل كذا
عبدالعزيز وهو يركب السياره ونور بعد تركب
نور : طيب ما لمحت لك ..؟؟
عبدالعزيز : لأأأ لييش انتي سمعتي عن شي ولا دريتي عن شي ..؟؟
نور : لأأأ بس اللي اعرفه سالفة الخطبه
عبدالعزيز بتساؤل : كلمتي شوق .؟؟
نور : لأأأ اشلون أكلمها وانت محذرني ما افاتحها بـ أي شي يخص ذا الموضوع
عبدالعزيز ابتسم مرتاح لأن نور بالفعل كاتمة اسرار : زين سويتي
نور : طيب ممكن نروح ناكل لأني مت جووووع
عبدالعزيز ابتسم وقال : اي ممكن ليييش مب ممكن
نور ابتسمت غصب عنها وقالت : كم باقي عـ السفره ..؟؟
عبدالعزيز : يومين
نور : يوم الثلاثاء بـ نسافر
عبدالعزيز : اي
نور : جاهز ..؟؟
عبدالعزيز : اي من دبي وأنا جاهز
نور : آهااا وانا بعد
عبدالعزيز : صح كلمي الهنوف تجهز عمرها لأن يمكن بناخذها معانا
نور ابتسمت : والله
عبدالعزيز : اي وبنات عمي بعد بييون
نور مستغربه : بنات عمك ليييه ..؟؟
عبدالعزيز : مو هم بنات عمي
نور : اي
عبدالعزيز : خلاااص عاد
نور : لا بس اسأل كذا
عبدالعزيز : هذيل اهلي واعرفي انهم صارو أهلج خلاااص
نور ما علقت وسكتت
عبدالعزيز : بس بيقعدون معانا اسبوع ويرجعون
نور : ليييه ..؟؟
عبدالعزيز : مو انتي زعلانه انهم بييون معانا ليييش تزعلين لما يرجعون ممكن أعرف شـ اللي يريحج يعني ..!
نور نزلت راسها وما قالت ولا شي .. حست نفسها انجرحت من عبدالعزيز واسلوبه البارد ومشاعره القاسيه
عبدالعزيز حس انها تضايقت وقال وهو يبتسم : بييون سياحه تدرين عاد الخليج عندنا ما شاء الله يذوّب
نور ما ردت عليه بس استغربت سياحتهم يعني ما يت الا لما هو ونور وشوق بيسافرون ..!
/
.
/
بدووور وهي تتتنفس بسررررررعه وخايفه ومعضد ماسكها من يدهااا معصب
بدور : معضد اتركني ..!
معضد ابتسم بسخريه وقال : شووو ..؟؟
بدور بخووف : قلت لك اتركني
معضد طالعها وقال : ليييش تكلمين ولدي جذي
بدور تصرخ مثل طريقته وقالت : ولدي مثل ماهو ولدك
معضد ابتسم بسخريه : لا والله من متى صااار ولدج
بدور تصيح : معضد هذااا ولد ميررره أختي .. تعرف شنو يعني ميرررررررررره أختي ..؟؟
معضد سحبها من شعرها وقااال : ميررره اشرف منج بـ مليووون مررررره
بدور : أدررررررري بس انت ليييش تقارنني فيها ..!! ليييييييييييييييش ..؟
معضد : لأنج ما تسوين ظفرها بعد تعرفين هـ الشي
بدور تصيح : معضد هـ الشي ما يرضي ميره ما يرضيها .. ميرره بـ قبرها خلاااص
معضد مسك ويه بدور بـ عصبيه وقااال : أنا ما تزوجتج حبا فيج اعرفي هـ الشي
بدور هزت راسها وقالت : ادررري عشان حمدان أدري بس اتركني دخييييلك بديت أتـألم
معضد شد عليها أكثر وقال : والله لولا مرض الوالده ما كنت باخذ وحده مثلج حتى ما تصووون نفسها
بدور صرخت : بس بسسسسسسسسس خلااااااااااااااااص معضد تعبت والله تعبت
معضد عطا بدووور ذاك الكف اللي حست ان خدودها بتورم لـ أيااام
بدور مسكت ويهها ومشت بس وقفها صوت معضد يوم يقووول : ع بالج أنا وميره ما كنا ندري انج تكلمين واحد
بدور لفت متخرعه وقالت : بس أنا كلمت ميررره و ......................
معضد بعصبيه : دشي حجرتج أحسن لج قبل لا اييج شي ما يسرج
بدور دخلت حجرتها بسرررعه ورمت نفسها ع السرير وهي تحاول تكتم آهااااتها
حمدان يشد كندورة أبووه ويقوول : بابا
معضد طالعه وتحول اميه وثمانين درجه من ثوان كان انسان قاااسي وعصبي بس الحين تحووول لـ انسان هادي وحنون
معضد مسح راس حمدان وقال : هلا حبيبي
حمدان مستغرب : ليييش نازعت بدوور ..؟؟
معضد : حبيبي لأن بدوور ما تسمع الكلام
حمدان ولا فاهم الموضوع قال : بس أنا اسمع الكلام لا تضربني
معضد باسه وقال : ادررري فديتك انت غيررر
نزل معضد راسه رغم تأنيب الضمير اللي يحسه الا انه ارتاح لما بدور انجرحت ..! ما يدري ليييش مع ان هـ الشي فوق طاقة بدور بس في نظره تستاهل أكثر
معضد بـ خاطره وهو يطالع حمدان .. غلطت ليييش عاملتها جذي يدام الياهل ..! ع الأقل لو مب يدام حمدان صغير ويتأثر مني بسررعه المفروض أكووون قدوته
/
.
/
اريج : لييييييش انتي وين ..؟؟
ملاك وهي فاتحه شعرها باهمال كأنها مو مسحيته من اسابيع : في حجرتي وين يعني ..؟؟
اريج : ملاااك اش فييييييييييج ..؟؟
ملاك والعبره خانقتها : ما فيني شي ..!
اريج : ياربي اشلون ما فيج شي وانتي مو على بعضج حتى صوتج مب عاجبني
ملاك : اروووج فديتج ما فيني شي ..
اريج : ملاك أنا أعرفج أكثر من نفسي تكلمي ولا بسده بويهج
ملاك بدت دموعها تنزل بهدوء وقالت : اريج أحس بـ شي خانقني .. أحس روحي مخنووووقه مب قادره اتنفس
اريج : مايد ..؟؟
ملاك : ليييش في غيررره .. تراااه هو حدث الموسم
اريج : الله يهديج ملوووك
ملاك : صج اريج والله مانعني من كل شي
اريج : عاد انزين واجد أخوووان يسووونها
ملاك تنهدت : أدررري بس ياليت على جذي ..!! يعني لو انه يمنعني من طلعة لـ مكان معين أقوول يمكن لأن الناس اللي فيه مب أوووكي ..! يمنعني من تسجيل بـ مكان معين في النت لأن وايد ناس ينحرفون ..! يمنعني من أي شي ..! بس ان يضربني ..!! لأأأ ما أعتقد هـ الشي ما يدش العقل اصلا
اريج تنهدت وهي تقوول : صبري انزين ان الله مع الصابرين
ملاك : يا اريـــج والله مب قادره استحمل أصبح وامسي على صوته وهو ينازع ويضرب
اريج وهي تسلي ملاك : ياليت لو عندي اخو يخاف علي
ملاك : اريج مب وقته الحين ..! صج والله أنا في مشكله
اريج : والحل .!!
ملاك : ما خلا شي ما منعني منه ناقص الموبايل والله
اريج : لا لا حاولي ما تنبهينه ع الموبايل لأنه بالفعل بيسحبه منج
ملاك وهي تمسح دموعها : أحاااول كثر ما اقدر
اريج وهي تهدي ملاك : باجر ان شاالله بتاخذين راشد وتتزوجون وبتستقرين
ملاك : ياليت والله بس مايد مب راضي
اريج : انزين من وراه وبعدين راشد يصير ياخذج لأنه زوجج
ملاك : بيجبرني أوقع على تنازل عن ورثي
اريج : انزين عادي ..!
ملاك : ادرري البيزات ما تهمني كثر مايد .. تنازلت عن الورث اعرفي ان مايد خلاااص راح من بين يدينا وبيمشي ورا كلام مرته لااازم انبهه
اريج : الله يستر والله
ملاك : شكلي طولت عليج
اريج : لا والله وين وانتي طايحه بـ مشكله ما يصير نتركج
ملاك : فيج الخير والله
اريج : والله طول الوقت ع بالي المشكله انحلت وبنت الناس انعدلت .. لأن روان وحالتها ما تسمح أبد ان نعرف عن شي
ملاك : ياريت والله تنعدل بس هذي وين تنعدل ..!! وروان فديتها مشكلتها أكبر
اريج : الله يهديها يارب
ملاك : آمييين ونفتك من هـ السالفه
اريج : ملوووك لااازم اشوووفج
ملاك : انزين انتي تعالي
اريج : بيدخلوني
ملاك : هي والله غصبا عنهم بس خبريني عسب لا تصرفج وصايفوووه
اريج : أوووكي حبوبه
ملاك : يلا فـ مان الله
اريج : فـ مان الكريم
/
.
/
نور وهي تنزل من السياره : غريبه البيت فاضي ..!
عبدالعزيز : شكلهم بـ بيت عمي
نور : والبنات
عبدالعزيز : لا البنات أكيييد اهني
نور ابتسمت وهي تطالع عبدالعزيز وقالت :شكرا ع الطلعه
عبدالعزيز ابتسم وهو يقول : خلاااص أنا زوجج وواجب علي أطلعج
نور تلومت من كلام عبدالعزيز وقالت : طيب عن اذنك بروح للبنات داخل
عبدالعزيز : أوكي
نور وهي تمشي شافت الهنوف مع فجر يدام باب الفله قاعدين ع السلالم
نور : السلام عليكم
فجر والهنوف : وعليكم السلام ورحمة الله وبركاته << مدوووها
نور : أحس نفسي داخله صف أولى ابتدائي
الهنوف ابتسمت : وانتي الصاجه
نور : يعني ما غلطت بـ العنوان
فجر : من وين يايه ..؟؟
نور ابتسمت : وانتي شكو يا حلوه ..!!!
فجر وهي تضحك : لا صج وين وداج عبدالعزيز ..؟؟
نور : المارينا
فجر وهي تصفر : يا ولــــــــــــــد ..!!
نور تضحك : اسكتي يخس ابليسك فضحتينا
الهنوف : لا صج صج الطلعه كانت حلوه ولا ..؟؟
نور وهي تبتسم : لا ناقص اقول لك اش عنه تكلمنا بعد ...! اقووول يا حلوه انتي وياها ادخلن داخل ترا ان شافكم عبدالعزيز كذا بيقص رقبتكن
فجر : مووولت أقووول مرة ابن عمي ايتها العزيزه امرأه العزيز ابن عمي ادخلي داخل قبل لا افلعكي
نور تضحك : امحق لغة ..!! اقووول تصبحون على خير
الهنوف : نور روحي لـ الصاله اللي فوق البنات ينطرونج
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك