رواية خليجيات في الامارات -43
راشد : عاد وين أوديه عشان نعرف اش فيه
ملاك : كلها فتره ويتعافى ان شالله
راشد : ملاااك بس مايد صاير انسان مب طبيعي أبد يا ملاااك أبـــــــــد
ملاك : أدرررري بس انت اصبر عليه
راشد : وانتي ..؟؟
ملاك : أنا لا تحاتيني أبد لأني عايشه الحمدلله
راشد : كيف ما أحاتيج وانتي عايشه مع هـ النسره وصايف
ملاك : انت بس ادعي الله يهدي ميووود ويرجع مثل أول وكل شي بينحل
راشد : الله يسمع منج
ملاك : ما اشتقت لي ..؟؟
راشد : وبالحيل بعد
ملاك ابتسمت وهي ودها تشوفه : الله يستر ويحل المشاكل اللي قاعده تصير ويجمعنا بأقرب وقت
راشد : أمييييييييين يارب
ملاك : تدري رشووود والله لو ان ما صارت هـ السالفه ولا دخلت هـ العله عايلتنا جان نحن بخيررر الحين
راشد ابتسم وهو يقوول : عسا ان تكرهو شيئا وهو خير لكم
ملاك : ان شاء الله خير يارب
راشد : ما بتداومين ..؟
ملاك : امبلا بس باجي وايد ع الدوام
راشد : الله يوفقج أهم شي الحين تهتمين بالدراسه
ملاك : ان شاء الله .. شخبار أمايه ..؟
راشد : بخير الحمدلله
ملاك : شو مسويه مع الوضع اليديد
راشد : ماشي بس ليل ونهار تدعي
ملاك : ان شاء الله دعواتها مستجابه
راشد : آمييييين
ملاك : يلا حبيبي بصكر الحين لأني أخاف مايد ايي ويذبحني مو بس يضربني
راشد ابتسم : ايخسي والله
ملاك : ههههه يلا عاد مع السلامه
راشد : مع السلامه
ملاك تطالع التلفون وتقول : اتصل ولا لأأأ ... لأأأأ يمكن مكالماتي مراقبه .. ولا اقووول اتصل واللي فيها فيها
اتصلت ملاااك على رقم غرام ربعيتها ... ثواني الا ووحده ترد
ملاك مرتبكه : السلام عليكم
غرام : وعليكم السلام
ملاك : هلاأأ غرااام شخبارج ..؟؟
غرام ضحكت ضحكة سخريه .. ملاك استغربت من ضحكة غرااام
ملاك : اش فيج غراااامو ...؟؟
غرام ابتسمت : ما فيني شي .. انتي اللي اش فيج
ملاك ارتبكت من اسلوب غرام .. غرااام ابد ما كانت تتكلم بـ هالأسلوب الوقح ..
ملاك : سوري بتصل بج وقت ثاني
غرام : هذا لو صار ...؟؟
ملاك استغربته وقالت بسرعه : مع السلامه
وسدته بـ ويهها ..
ياربي هذي البنيه اش فيها ليكووون تييننت ولا صار بها شي صدق .. لا لا ما أعتقد أكيييد غرااام صاير بها شي ولا غرااام اسلوبها مب منحط جذي
ثواني الا وصوت الباب ينفتح بقووووووووه
ملاك ارتاعت وتجمدت بمكانها وغطت عمرها بالبطانيه وهي تصيــــح ..!
/
.
/
اريج دخلت بسرررررررررعه للحجره شافت روان بـ حاله يرثى لها ما عرفت شـ تسوي
روان وهي تشد شعرها شافت اريج .. راحت لها بسرررعه وضمت اريج بقوووووووه
اريج دمعت وحضنت روان وقالت : رواااان اش فيج ..؟؟
روان تصيح : اريــــــــــــــج راسي .. آآآه راسي والله بمووووووووت
اريج كانت حاسبه لـ هالشي ألف حساب وطلعت حبه من شنطتها وعطتها لـ روان
روان بلعب الحبه بدون مي بعد لأنها بتموووت من الألم ..
بعد ثواني من الهدووء .. اريج ما حست الا وراس روان يطيح عليها ..
نزلت دموع اريج وهي تحضن روان بقوووه ..!
انتهيتي يا روااان والله انتهيتي .. ما عدتي ذيك البنيه المتفائله الحيويه .. اللي تضحك كل شوي .. خلاااص حياتج تدمرت وصدقيني بدمر حياة منهو دمر حياتج يا روان صدقيني ..
تنهدت اريج وهي تييب المخده وتحطها تحت راس روان وتتكرها على حالها ع الأرض لأنها متأكده ان فهد بيي وبعد كم ساعه بيكون موجود ..
شالت عمرها بقووه وهي تصيح .. طلعت من الفله بكبرها بسرررررعه
القت نظره أخيره ع الفله وهي ميته رعب .. وش فايدة الجاه والفلوس والعيال ضايعين جذي وتايهين ..!! اش فايدة زواج البنت من ولد الأكابر وحالها بيصير جذي .. والله لو انها متزوجه واحد موظف لو بألف درهم يكون أحسن لها بعد ..!! وبـ مليوووووون مررره
بس الله يهديك يا بو روان الفلوووس عمتك وخلتك تبيع بنتك عشان الفلوس والشراكه .. الله يهديك ويهدي اللي أمثالك
دخلت اريج السياره وقالت : السلام عليكم
مروان متوتر : وعليكم السلام
اريج : تأخرت عليك ..؟
مروان : لأ ابداا .. بشري اش صار
اريج دمعت وهي تقول : الله يعلم بحالها يا مروان
مروان مستغرب : اش فيها اريج
اريج : تعبانه شوي
مروان : واش سويتي لها
اريج تكذب : عطيتها مهدأ
مروان : وينه هذا زوجها عنها ..؟؟
اريج : مدري يمكن بالشغل .. والخدامه ما تعرف غير رقمك
مروان تنهد وهو تعبان وقال : الله يشفيها
اريج ارتبكت وقالت : ممكن ترجعني البيت ..؟؟
مروان : ما بتروحين الكليه ..؟؟
اريج : امبلا .. خلاااص ودني للكليه أحسن
مروان شك بـ اريج بس سكت وقال خل يشوف الموضوع بـ نفسه
اريج طالعت مروان .. هو الحل الوحيد .. هو الحل .. اي والله هو الحل
مروان طالع اريج من المرايه وقال بشك : فيج شي ..؟؟ روان فيها شي ..؟
اريج نزلت راسها ودمعت وقالت : مدري شـ قول لك ..؟؟
مروان : خير..؟
اريج : السالفه يبي لها تبركن ما يصير وانت تسوق ..؟
مروان فقد صوابه وقال : صار فيها شي ..؟؟
اريج : لا لا بركن وبقول لك عن كل شي ..؟
مروان هز راسه وقال : أوكي
اريج تريت لما يبركن مروان جنب الرصيف
مروان : قولي ..؟
اريج : اوعدني ما تتصرف قبل لا تعلمني
مروان : انتي تكلمي أول
اريج : اوعدني قبل
مروان : قلت لج تكلمي ويصير خير
اريج : ماني متكلمه الا لما توعدني
مروان : اوعدج
اريج تنهدت وقالت : روان مدمنه ..!
مروان انصدم وقال : مدمنه ........؟؟
اريج : اي مدمنه
مروان ما صدق قال يمكن مدمنة اغاني مسلسلات او ما شابه وقال بشك : مدمنة شو ..؟
اريج : حبوب مهدئه وأوقات مخدره
مروان انصدم وحس انه ما يقدر يتكلم وقال بصعوبه : حبووووب مخدره ..؟؟
اريج هزت راسها : اي
يتبع >>>
مروان : كيييييييف
اريج : مقدر اقول لك بس المهم نطلعها من اللي هي فيه
مروان : اريج لا تنسين اني في الشرطه ولو كلمه وحده طلعت مني روان واللي يعطيها الحبوب بيروح في ستين داهيه وروان معاه لا تنسين ..!
اريج هزت راسها : ادري عشان جذي اباك تساعدنا
مروان : انتي معاها ..؟؟
اريج : لأأأأأأأأأأأ الله يهديك اهيه نست عندي الحبوب وانا شفتهم
مروان صدقها لأن يبين الانسان المتعاطي من المدمن
مروان : كيف بتمتحن الحين ..؟؟
اريج : لاازم نبدا علاجها لأن بعد ثلاث اسابيع الامتحانات
مروان : ما تكفي هـ المده للعلاج
اريج : ادري بس بامكانهم انهم يخلونها ترجع لوعيها بدال ماهي يا نايمه يا دايخه
مروان قال وهو يحرك السياره : يصير خير ان شاء الله من باجر بشوف الها صرفه
اريج : عندي فكره ......؟؟
مروان : قولي اش هي .. بس لحظه قبل من خلاها تدمن ..؟؟
اريج بتردد : زوجها
مروان ضرب السكان بقوه اريج ارتاعت ورجعت على ورا أكثر وقال مروان بعصبيه : الســــــــــــــــــافل .. ما عنده خوات ..؟؟
اريج بتردد : مدري .. بس بكيفه هو اللي بيندفن بقبره
مروان بعصبيه : ويسوي ببنات الناس جذي
اريج : يدخل السجن انزين بس مب جذي يا مروان .. كل شي بالقانون
مروان هز راسه وقال : ادري بس هذا شكله ما يخاف ربه
اريج : هو ظلم البنيه وظلم نفسه بعد بالعقاب اللي راح يحصله بكره من رب العالمين
مروان : هذا يبي له اعاده تربيه استغفر الله
اريج : الله يهديه ويهدي اللي امثاله
مروان : آميييين أنا محد قاهرني غير هـ المسكينه اللي قاعده تتعذب
اريج : انت السبب انت اللي تركتها
مروان تنهد وهو يغمض عيونه : بس أنا انجبرت يا اريج انجبرت
اريج تنهدت هي الثانيه : لا كان بامكانك تصارع عشانها
مروان وهو مكتأب : بس ما باليد حيله وبعدين دامج تعرفين الأمل ضعيف ليييش تخلين الشخص يعيش على هـ الأمل
اريج : بكل سهوله لأن هالأمل يمكن بكره يتحقق
مروان : في واقعنا نحن ..!! مستحيييييل
اريج : لأأأ مب مستحيل والدليل ان شاء الله بتاخذ روان
مروان طرد الفكره من باله بسرررعه وحرك السياره
اريج : المهم الحين نشوووف اي جل لـ روان لأنها بالفعل تعبانه وحالتها ما تسر أبد
مروان سكت وقال : قولي اش فكرتج ..؟؟؟
اريج : ..............................
/
.
/
يوم الاثنين في الكليه
ملاك تطالع نور وهم في حمامات المستشفى الله يعزكم
ملاك تصيح : تخيلي ضربني ضرب والله بحياتي ما بنساه
نور دمعت وهي تطالع الكدمه اللي على جبهة ملاك وقالت : يا قلبي ما تستاهلين
ملاك : طلعت غرام مب غرام الا قولي انتقام
نور : مالت عليها وعلى اللي مثل اشكالها يعني لاااازم هـ الطريقه عشان تنتقم
ملاك : تخيلي من سنوات وهي مقرره الا تاخذ اخوي واحنا يا غافلين لكم الله
نور : يعني طلعت وصايف
ملاك : هي اهيه اللي كانت تدرس بره
نور : طيب ليييه تعرفت عليك
ملاك : عشان تعرف كل شي عن أخوي
نور : الله يبعدنا عن هـ الناس
ملاك : آآآه بعد شو يا نور .. بعد ما دخلو حياتنا وحولوها لـ جحيم
نور مسحت دمعة ملاك اللي على خدها وقالت : فديتك ما في شي يستاهل بالدنيا تبكين له
ملاك : بس أخوي يستاهل وزود بعد
نور : هذي يعني قلبت راسه على أساس ان هذي غرام وهي كانت تبي تختبرك
ملاك هزت راسها : الفكره كلها على بعضها مو داشه بالي ما اعتقدت بيوم ان في ناس حثاله جذي
نور : الحثاله حتى بالنت ملاحقينا
ملاك : الله يبعدهم عن الكل يارب
نور : آمييين
ملاك : والله انها طلعت داهيه وأنا اقووول عاقله ورزينه وطلعت أخر شي وصايفوه
نور : عشان كذا يقولون لك لا تأمنين على أحد قبل لا تعرفينه معرفه شخصيه وتعيشين معاه
ملاك : هي والله لااازم تعرفين معدنهم عدل وبعدين تعاشرينهم
نور : الله يستر بس
ملاك وهي تطالع نور قالت : نوار وقتها أنا ما حسبت حساب لأي شي .. غير اني تعرفت على وحده بالنت ما
أعرفها بس بالأخير تأكد انها ما تعرفت علي .. كانت ناويه تاخذ أخوي منا وتقلبه علينا
نور ابتسمت وقالت : خلي أملك بربك قوي يا ملاك وربك بيحل كل هـ المشاكل
ملاك وهي تمسح دموعها : ونعم بالله
نور : بس ما عليك منها اليوم ولا بكره اخوك ماجد بيعرف من الصح ومن الغلط
ملاك : آميييين يارب
نور : أهم شي انتي خليك صابره وساكته ولا تتدخلين بحياتهم
ملاك : كثر ما اقدر يا نور كثر ما أقدر والله
نور : ايو خليك كذا أحسن لك
ملاك : هي وأنا بعد اقول جذي
نور : عشااان ما تمسك عليك غلطه أو زله وتعلم أخوك عنها
ملاك : وتصير البلوى بلوتين وقتها
نور تمسح على يد ملاك : انتي خلك قويه وبس
ملاك : وين أنا ووين القوه يا نور
نور ابتسمت : اذكري ربك وابتسمي ترا ربك كريم
ملاك ابتسمت وهي تحط يدها على يد نور : الهيتج معاي
نور ابتسمت : لا بالعكس
ملاك : وانتي شو أخر أخبارج ...؟
نور ابتسمت : مافي .. بسسسسسسسسسسس ..؟؟
ملاك محتاره : بس شو ..؟؟
نور : شكلي بتزوج زواج تقليدي
ملاك : كيييف ..؟؟
نور : خالتي اخطبتني له وشكلنا مب راضيين
ملاك : تقدرين ترفضين يا نور
نور : بس خالتي أصرت علي كثير يا ملاك
ملاك : المهم الحين اقتنعتي ..؟؟
نور : اي نوعا ما .!
ملاك ابتسمت وقالت : والله .. يعني نفرح ...؟
نور ابتسمت : اي خالتي افرحي خلااااص بس مو كثيررر هااااه
ملاك حضنت نور وقالت : تستاهلين يا قلبي
نور وهي بقمة حزنها : ملاك هذا زواج تقليدي واجباري بالنسبه لي وله
ملاك : ان شالله ربج يحلها وما يصير الا كل خير وبعدين عبدالعزيز انسان واعي ومتفهم ويعرف كل شي
نور هزت راسها : اي صح بس المشكله الأكبر انه مو متقبلني
ملاك مستغربه : كيييف .؟
نور : سمعت أمه تجبره على انه يوافق
ملاك قالت بحزن : شكله مكتوب لنا كلنا العنا بحياتنا
نور : اي والله .. الا تعالي ليييه ما تتزوجين وتفكين عمرك من ماجد ومرته
ملاك : شـ قول لج يا نور ..؟؟ الحين مايد خيرني يا الورث يا راشد ..
نور : اش اخترتي ..؟
ملاك : لو اختار راشد بخسر مايد ولو بختار الورث بخسر راشد ..!!
نور : اي اثنينهم غاليين عليك بس ان شاء الله فتره ويرجع ماجد مثل أول
ملاك : آميين يارب
نور تنهدت بحزن وقالت : جهزتي للاختبارات النهائيه
ملاك ابتسمت بسخريه وقالت : اللي يسمع يقول اني بشتغل باجر
نور مستغربه : لا لا ما أصدق وين ملاك المتفائله اللي دايم تقول أنا بكره بصير ممرضه بالمستشفى الفلاني ..!
ملاك ابتسمت بحزن : مع وجود العله وصايف بحياتي مستحيل أحس بالراحه نواري
نور ابتسمت : خلك متفائله
ملاك : الله كريم
نور : جهزتي ولا ..؟؟
ملاك : نص ونص وانتي جهزتي للسفره
نور : اي خلاااص قصو التذاكر ... وان شاء الله بعد النتايج بنحلق بعيدا
ملاك بحزن : ع الأقل تغيرين جو
نور بكآبه : اغير جو وعبدالعزيز معي .. لا ما أظن يا شيخه
ملاك : وصلني مسج
نور : وأنا بعد
ملاك فتحت المسج ونور بعد ..
ملاك رفعت راسها مصدومه ونور بعد
ملاك بصدمه : بدووووووووووور اهني ..؟؟
نور هزت راسها : وصلك ..؟؟
ملاك : هي نفسه
نور : تعااالي تعاااااااالي بره
ملاك مشت مع نور وراحو لـ حجرة الممرضات وشافو بدور ومعاها شوق
ملاك مشت بسرررعه وحضنت بدور بأقوى ما عندها
نور يت وحضنتها هي الثانيه بعد
شوق : بسكم بــــــــــــل ذبحتو البنيه
ملاك ابتسمت وقالت : الحمدلله ع السلامه حبيبتي
بدور : الله يسلمج ..؟؟
نور : يا قلبي انتي لك وحشه والله
بدور : انتو أكثر والله
ملاك ابتسمت : ما تتخيلين اش قد افتقدناج
بدور ابتسمت : وانتو بعد والله مكانكم خااالي .. الا وين روان واريج
نور هزت كتفها : مدري بس يمكن يتمشون
شوق : صار لي اسبوعين ما شفت روان بس أكلمها اوقااات واوقااات ما ترد
نور : اي تشوفينها مشغوله مع زوجها
ملاك ابتسمت : لحقت تنسانا
بدور : بنااات صج والله ما عدنا مثل أول
ملاك ابتسمت بألم : اي صج والله ما عدنا مثل أول
بدور بحزن : افتقد ميره وايد ..!
نور : وحنا بعد والله
بدور : تدرون بعد النتايج اش بيصير ..؟؟
ملاك باستغراب : شو ..؟
بدور : بتزوج
الكل طالعها بنظرات و مستغرب
شوق باستغراب : شوووووووو ..؟؟
بدور : بتزوووج ..!!
نور : من سعيد الحظ .. لا تقولين أحمد ..؟
بدور بحزن : لا وين أحمد نسيته خلاااص .. بتزوج معضد
ملاك مستغربه : معضد ...؟
بدور : اي معضد ليييش فيها شي ..؟؟
نور : لأأأأ بس كيف وافقتي ..؟؟
بدور : جبروني وبعدين هذا كله عشان خاطر حمدان اليتيم ..!
شوق ابتسمت وهي تحط يدها على كتف بدور : مأجوره ان شاء الله وربي يعوضج يارب
بدور بحزن : آمييين ... وانتي شوق ..؟؟
شوق : بعدني معلقه ما ادري اش مصيري ..!
نور ابتسمت وقالت : بس أنا انخطبت
شوق ابتسمت وقالت بدال نور : عبدالعزيز خطبها
بدور ابتسمت : الله يتمم عليكم بخير يارب
نور ما تكلمت يدام شوق لأنها أخت عبدالعزيز وقالت : آمييين
شوق : وملوووك مرت مايد ذابحتها
بدور متخرعه : صج ..؟؟
ملاك دمعت عيونها وهي تقول : حتى بعز نومي يقوموني بالضرب
بدور بحزن : مدري اش صابنا والله المآسي مالها آخر بحياتنا
نور : روان واريج تأخرو كثير
شوق تمشي : تعالو نروح لهم
مشو البنات مع شوق وهم رايحين شافو اريج واقفه يدام باب حجرة مريض ما يعرفون من داخل الحجره واريج رايحه راده تعض شفايفها وتطالع الموبايل
نور : خير اريج ..؟؟ وين روان
اريج ارتبكت بس رجعت لوضعها الأولي وقالت : روان تعبت وطاحت
ملاك متخرعه : تعبت ..؟؟ لييش اش فيها ..؟؟
اريج : بنااات بقول لكم شي بس أمانه محد ينصدم
نور : قولي
اريج : روان كانت تتعاطى ...!
الكل انصدم
شوق بصدمه كبيره : شوووووو ..؟؟
اريج : كانت تتعاطى
نور : والحين اش صار عليها
اريج : بدت قبل شوي تييها الحاله ودخلتها عند الدكتور وعطاها مهدئات
نور : بس انتي دخلتيها بداهيه أكبر وبيكون فيها شرطه
اريج مرتبكه : اي كلمت مروان وهو اللي بيتصرف
شوق خايفه : ومن اللي خلاها تدمن
اريج : زوجها
ملاك : مييييييييين ..؟؟
اريج : مثل ما سمعتو
بدور : هذا ما يحس على دمه ولو شوي
اريج : المهم بياخذ جزاه
ملاك : بعد شو بعد ما ضيع البنت وخلاها تدمن
اريج : هه هذا مروان وصل
لفو البنات شافو مروان ومعاه شرطيين ..!! واحد منهم شكله ضابط
نور بخوف : الله يستر
بدور : المهم هذا الحثاله ياخذ جزاه
نور : كيف بيثبتون التهمه عليه ..؟؟
اريج : أكييد بيراقبونه من غير ما يدري .. وبعدين الشرطه سوت على اسمه حضر ما يقدر يطلع من البلد
نور : اشوووه ..!!
بدور : واهلها وينهم عنها ..؟؟
اريج : من متى وروان عندها أهل ..!
ملاك : لييش وينهم الحين ..؟؟
اريج : امها في النمسا مدري وين ..!! وابوها يدور حول انحاء العالم على قولتها ..!! يدور فلوووس
شوق بحزن : الله يعينها
وصل مروان بسررررعه وقال وهو مب معطي أهميه لوجود أي أحد : روان شخبارها..؟؟؟
اريج : عند الدكتور ..!
مروان مشا بسرررعه للحجره
نور طالعت البنات وقالت : الله يستر ..!!
/
.
/
مرت الأيام على حياة البنات ..!!
وخلصو اختبارات وباقي النتايج
بالنسبه لـ نور وعبدالعزيز .. ما في شي جديد نور طول وقتها في الحجره ومذاكره ليل ونهار وعبدالعزيز لاهي بالدوام .. وكلاهما ما يعطي الثاني اي اهتمام ..
ملاك وراشد مشكلتهم كل مالها تكبر وتكبر وتزيد تعقيد بوجود وصايف في حياة مايد .. ومايد بعده انسان ثاني وما رجع مايد اللي يحب راشد ويحب أخته ملاك ..
بدور ومعضد .. معضد ما يدري ان بدور تعرف بالسالفه ع باله بعدهم ما علموها ومن جذي ماخذ الأمر عادي وممشي حياته .. بس بدور يوم بعد يوم يزيد خوفها مع اقتراب النتايج ..
شوق ومصيرها المجهول مع براك ونواف .. ما تدري هل براك بياخذها وتتأقلم معاه غصب ولا نواف اللي بتعيش معاه وبتكمل حياتها مع اللي تحبه .. بس نادر ما الواحد يحصل ع اللي بيبه
اريج ومحمد قصة عشق بس هل يا ترى من طرفين أم طرف واحد ..!! الله أعلم
روان امتحنت مع البنات والنفسيه زفت .. هذا زين لو نجحت ولو ع الحافه بعد وما تدري عن فهد أي شي لأنه محد يعلمها عنه وهي هـ الفتره في بيت اريج لا ابو يدري عنها ولا أم ومستمره في العلاج الى ان تترك الادمان نهائيا وترجع انسانه طبيعيه ..
..
بعد مرور شهر ع الأحداث السابقه واختصرت كل شي في جمل ..!!
روان وهي ع السرير يالسه ودموعها تنزل ... خلصت امتحانات الله يستر بس جان نجحت ع الحافه بعد زين ما ودها تعيد السمستر هذا كله .. يكفي اللي راح وهي مهمله نفسها ما ودها تهمل نفسها الحين أكثر
اندق الباب
روان على امل انها تشوف أي شخص عزيز على قلبها
قالت وهي متفائله : تفضل ..!!
أبو روان دخل : السلام عليكم
روان صدت ويهها للصوب الثاني : وعليكم السلام
ابو روان : شخبارج روان ..؟؟
روان ردت بدون نفس : مب بخير ..؟
ابو روان : افا ولييش مب بخير ..؟
روان : ما تشوووف حالتي مرقده بالمستشفى يعني أكيييد مب بخير
ابو روان : ان شاء الله فتره وتعدي وترجعين مثل أول
روان : لا ما أظن ارجع روان الأوليه ما أظن رواااان هذيك ماتت خلااااص وما عاد بترجع
ابو روان وخانقته العبره باس يد بنته وقعد يمبها : سامحيني روان
روان ما ردت عليه اكتفت بدموووع تنزل على خدها
ابو روان رص على يد روان وقال : روووان سامحيني
روان رصت ع يد ابوها وضغطت على اسنانها وهي تقووول : انتو السبب باللي وصلت له
ابو روان وهو يدمع : بنتي سامحيني والله اني كنت غافل عن كل اللي يصير
روان بجديه : الفلوووس ألهتك عن بنتك ..؟؟ بنتك الوحيده
ابو روان : من قال يا روان ..؟؟ بعدج بنتي اللي أحبها
روان بعصبيه : ايه باين انت ومرتك أربع وعشرين ساعه تدورون وأنا طول عمري كنت عند الخدم واليوم شوف حالي لـ وين وصل
ابو روان : روان اهدي
روان : تخيل ان بنتك مدمنه ..!! مدمنه تعرف شو يعني مدمنه ..؟؟
ابو روان : اهدي يا بنتي
روان : كل هذا بسببك انت .. انت اللي وصلتني لـ اهني .. انت خليتني اتزوج فهد انت اللي خليتني أدمن
ابو روان : بس يا بنتي بس ..!
روان : انت السبب يا يبا انت دمرتني تعرف شنو يعني دمرتني .. خليتني ما اسوى ولا شي ..!!
ابو روان سكت ولا قال شي وشوي دموعه تنزل
روان تصيح من قلب وتقول لـ ابوها : يبا شاللي خلاااك تسوي جذي .. لييييييييش الفلوووس اغرتك وهمتك
أكثر مني لييييييييييييش ..؟؟ حتى ما فكرت تسأل عني ..؟؟
ابو روان وهو يمسح على شعر بنته : الدنيا يا بنتي الدنيا
روان تمسح دموعها : شـ تفيدك الدنيا وانت بنتك الوحيده ولا مهتم لها أبد يا يبا
أبو روان رص ع يد بنته وقال : بنتي يكفيني اللي فيني لا تزيدين علي دخيلج
روان وهي تعدل وضعها وتقعد عدل قالت بصوووت ملئ بـالخوف ويختلط بالهيبه .. كلاهما متضاد بس اجتمع هذي اللحظه
روان تصيح : اطلع برع أنا ماني بنتك انساني انساني خلااااااص كفاني ما ياني منكم .. كفاااني والله
ما سمعت الا وبصوت الباب بفتح بسررررررعه وهو يقول : لأأأأ رواااااااااااااااااااان مهما كان هذا أبووووج
ابو روان وروان صدو مستغربين
من اللي دخل هـ الحزه ..؟؟ وفهد اش صار عليه ..؟
ملاك ومايد وراشد لـ متى جذي ..؟؟ ومتى بيستقر وضعهم ..؟
نور وعبدالعزيز بيملجون ولا لأأ واذا هي كيف بتكون أجواء المانيا ..؟
شوق ومصيرها المجهول من البدايه للحين نتوقع مين بياخذها ..؟
بدور هل بتتأقلم مع معضد ولا معضد ما راح يعطيها أي اهتمام ..؟
أريج وحياتها الهاديه .. هل بيصير فيها عواصف ولا بتظل مثل ماهي ..؟
كل هذا وأكثر بنعرفه في الحلقه اليايه ان شاء الله ..!!
يتيمة زايد
الأحد 21-11-2010, 10:15 am
ღ الحلقه الثامنه و العشرونღ
روان مستغربه : مرووووووووووووان ..؟؟
ابو روان مستغرب منه وكأنه يتذكره من هذا ...!!
روان ابتسمت بفرح وقالت : مروووان
مروان ابتسم وهو يدخل : السلام عليكم
روان وابو روان : وعليكم السلام
مروان : شخبارك عمي ..؟؟
ابو روان : بخير ولدي انت شخبارك
مروان وهو مستغرب أمس راح له ويكلمه باسلوب التعالي واليوم يكلمه وكأنه ولده .. غريب حاله الصراحه
مروان : بخير الله يسلمك عمي
روان ابتسمت : زين ييت
مروان : شخبارج ..؟
روان : بخير الحمدلله
مروان قال وكأنه زعلان : مهما كان هذا ابوووج وما يصير تكلمينه جذي
روان : عشان خاطرك بس
ابو روان مستغرب كل هذا لا وبنته تعرفه وهو ساكت قال : من انت ...؟؟
مروان : الشرطي اللي مسك فهد الـ ..............
ابو روان ابتسم وكأنه ارتاح : اي الحمدلله مسكتوه يستااهل
مروان : القانون ما يظلم أحد يا عمي
ابو روان وهو يطالع روان : من يابج للمستشفى ..؟؟
روان : رفيجتي يبا
مروان ابتسم حس كلامه أثر على روان ..!! من يوم تعرفت عليه وهو يقدر يأثر فيها وفي تفكيرها بعد
ابو روان : اي الحمدلله لحقت عليج يا بنتي
روان : الحمدلله
ابو روان : اش باقي لها يا ولدي
مروان : مب باقي شي ان شاء الله ع الأسبوع الياي بتطلع
ابو روان طالع روان وقال : ما أظن بنرجع لـ بيتنا الأولي يا روان
روان مستغربه : لييش يبا ..؟؟
ابو روان : بنت اللـ .................. سرقت الفلوس وكل شي وانحاشت
روان مستغربه : كيييييييييييف ..؟؟
ابو روان : كنت مسجل أكبر الاشياء باسمها وما توقعتها حقيره لـ هالدرجه
روان : يبا هي مهما سوت تظل مب مؤمنه
ابو روان : بس ما توقعتها نذله لـ هالدرجه
مروان ينسحب : عن اذنكم
ابو روان : منت غريب يا ولدي ايلس معانا يمكن تشوف حل للمشكله
مروان : لا عمي بروح باخذ لي شي افطر لأني ما فطرت
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك