رواية خليجيات في الامارات -42
نور : وانتي بعد ..؟؟
الهنوف ببراءه : لأأأ أنا عادي
نور : لا والله ومن متى ..؟؟
الهنوف : لأنه دكتوري
نور بسخريه : دكتورك يعني محرمك ..؟؟
الهنوف : نوعا ما
نور : ان ما لبستي الشيله بـ هالنعال على راسك
شوق تضحك : ماشي عقال هههههههه
نور ابتسمت : قالت محرمها قالت .. اقووول اسكتو لأني صدق بديت أصدع من النوم
/
.
/
دخل مستشفى التوام وهو متخرع .. امه ليييش يت لـ هالمكان بالذااات وليييييييش يابوها بالأأساس ..؟؟
هو ما صدق يتخلص من حزن زوجته ايي عليه هم ثاني وحزن أمه ..؟؟ لا لا اعوذ بالله .. يارب احفظها واطرد هـ الأفكار من راسي أحسن لي ..؟؟
تقدم معضد من الممرضه وتوه بيسألها ... الا وفيصل طلع جدامه
فيصل : معضد ..؟؟
معضد رفع راسه وطالع فيصل خايف على أمه : اش فيها الوالده ..؟؟
فيصل : ما فيها الا كل خير بس السكر عندها مرتفع
معضد : وينها الحين ..؟؟
فيصل : في الحجر اللي في الطواري .. روح شوفها وبعد شوي الدكتور ان شاالله بيرخصها
معضد وهو يروح للحجر : آميين يارب
معضد سحب الستار شوي .. وطالع أمه مرقده
أمه ابتسمت له وقالت : ولدي ..؟؟
معضد دخل وباس راس أمه ثم باس يدها وهو حزين
معضد : يما انتي بخير ..؟؟
أم معضد : الحمدلله يا ولدي بخير الحمدلله
معضد ابتسم لها وقال : الله يخليج لنا يارب ويطول بعمرج ..
أم عبدالرحمن ماسكه يد أختها وتقول : أميييين يارب
معضد : خوفتينا عليج
أم معضد نزلت دموعها : شسوي كنت أفكر فيك
معضد ابتسم وهو يقول : يما لا تفكرين ولا شي خلج ايمانج بالله قوي ولا تفكرين بـ أي شي ..
أم معضد : وين ما افكر وانتو مسوين بعمركم جذي ..؟؟
معضد مستغرب : ليييش شو مسويين أمايه
أم معضد : اسأل عمرك ..؟؟
معضد : لو على طلعاتي لا تخافين .. يما خلاااص أنا انسان كبير وفاهم
أم معضد : بس بعد لااازم اخااف عليك
معضد ابتسم : لييش أمايه ..؟؟ أنا مب ياهل
أم معضد : بس بعيني بعدك صغير يا معضد
معضد ابتسم وهو يقول : يما أنا كبرت واتحمل مسؤولية نفسي بروحي
أم معضد نزلت دموعها : ما ودي أمووت قبل لا أظمن ان فيه وحده بتربي حمدان
معضد اكتئب وشوي الا ويعلي صوته ويقول فكوني من هـ السالفه بس أمه سبقته وهي تقول
أم معضد : معضد يما خذ بدووور ترا والله ما بتلاقي أحسن منها لـ حمدان
معضد هز راسه وهو مليان وفي قمة غضبه بس قال مجامله : ان شا الله يما ما يصير الا اللي تامرين به
أم معضد ابتسمت وهي تقول ودموعها تنزل : الله يوفقك دنيا وآخره يا ولدي
معضد لف راسه وقال : يما بطلع
أم معضد : على وين ..؟
معضد وخانقته العبره : بشم شوية هوا ..!
أم معضد : تعال بعدين يما
معضد : ان شاء الله
أم عبدالرحمن : دير بالك على عمرك يا ولدي
معضد : تامرين خالتي
طلع معضد والعبره خانقته .. مشى ومشى الين طلع من المستشفى كلها وسند راسها على اليدار اللي جنب باركنات السيارت وحس بألم فضيع
معضد وهو ماسك نفسه لا يستوي به شي ..
لييييييييييش أنا بالذات محكوم علي بالعذاب ليييييييييش ..؟؟ لااازم اتعذب عشان أعيش حياتي .. زوجوني من بنت خالتي اللي طول عمري احلم فيها وحسيت براحه ولا هـ الراحه تنسلب مني .. وتغادر عن حياتي للأبد ..
واليوم يفرضون علي زواجي من أختها شبيهتها اللي تذكرني فيها بكل صغيره وكبيره .. أختها اللي لا شفتها أتـألم أكثر وأنا اتذكر ميررره ...؟؟ ليييييييييش أنا بالذات محكوم علي بالعذاب ليييييييييييييييش ..؟؟
حس بصوت ضميره يأنبه ..!! لا يامعضد من قال انك عاااايش حياتك بعذاب ومحكوم عليك الشقا ..؟؟؟ انت عشت طول عمرك سعيد وهذا اختبار من رب العالمين ..
غمض عيونه بألم وهو يتنهد وما حس الا بصوت هرن السياره اللي جنب سيارته وصحا من عالمه الصغير لـ يرجع للواقع المؤلم ..!
فيصل : بو حمدان ..؟؟
معضد لف طالع اخووه وقال : هلااا فيصل
فيصل ابتسم : خييير اش حقه واقف برع ..؟؟
معضد : توني كنت داخل ..!
فيصل : جيييه طلعت وما قعدت مع الوالده
معضد : ماشي بس حبيت أشم هوا
فيصل : الظاهر انها تفكر وايد
معضد : الله يهديها يعني مب لااازم انها تتعب عمرها ونحن كبار
فيصل : مهما كان تظل كبيره وأمنا ولا تنسى كيف قلب الأم يكون على عيالها
معضد ابتسم وهو يقول : الله يحفظها
فيصل : شكلها الابتسامه مب من خاطر ..؟؟
معضد هز راسه بحزن وقال : خلها على الله ياخوي
فيصل : معضد فيك شي ما اعرفه
معضد هز راسه وهو يقول : ما في الا الخير
فيصل بشك : أكيييد ..!
معضد : أكيييد ياخوي أكيييد
فيصل مسك يد معضد وقال : أمي طاحت لأن في سبب صح ..؟؟ وانت تعرفه ..!
معضد هز راسه وقال : لأأأ
فيصل : عاااد لييش كله تبي تشوفك ..؟؟
معضد قال بحزن : تبي تزوجني ..!
فيصل مستغرب : تزوووووووجك .......؟؟
معضد : هي تزوجني ..! لا ولو تعرف منو بتتخبل ..؟؟
فيصل باستغراب وكأنه حاس : منو ..؟؟
معضد : بدور بنت خالو ..
فيصل زاد تعجبه بس كان حاس وقال : لييش انزين ..؟؟
معضد : تقول انه ما بيكون في أم أحسن لـ حمدان من بدور
فيصل : عادي انزين تقدر تاخذ غيرها
معضد : هم مصرين على بدور لأنها خالته وبتخاف عليه
فيصل : ما عليك ياخوي لا تفكر وبيحلها ربك ان شاء الله
معضد : آمييين يارب
فيصل : امش يلا خل نروح داخل لأن الوالده وايد تعبانه
معضد ابتسم وقال : يلا الله يشفيها
/
.
مر يومين على كل اللي مضى ولا شي يستحق ذكره ..!! كئابه ضرب خيانه حزن وعذاااااااااااب نفسي الى أبعد الحدود
×
ابتسمت نور وهي تقوم من النوم شافت شوق بعدها نايمه .. تذكرت ان اليوم المحاضره بوقت متأخر .. جت تكمل نومها بس حست روحها شبعانه نوم .. كل حياتها صايره نوم في نوم
وقفت ولمت شعرها بالمشبك اللي جنبها واتجهت للحمام الله يعزكم عشان تتسبح وتلبس وبعدها تنزل تفطر
.. ما أخذت أكثر من عشر دقايق وهي تتسبح ولبست جلابية بيت عاديه لأن أكييييد عيال خالتها تحت ولبست الشيله عشان تنزل تذكرت جوالها من يومين وهي ما تشوفه بعد
فتحته وما شافت ولا مسج ولا اي مسد كول بعد ..!!
نور استغربت وابتسمت بسخريه : هذاك اول اللي كنا كل دقيقه نرسل لـ بعض مسجات والحين الله يعيننا ع اللي قاعد يصير لنا ..
نزلت نور وهي بـ قمة النشاط .. راحت للمطبخ تسوي لها كوفي بس ترددت .. وراحت للثلاجه وخذت كاسة عصير برتقال وساندويش جبن
طلعت وراحت للصاله ما شافت أحد ابتسمت بخاطرها وقالت أحسن ما فيني اشوفه
ثواني الا وخالتها داخله
أم عبدالعزيز : السلام عليكم
نور ابتسمت : هلا خالتي وعليكم السلام
أم عبدالعزيز : علامتس ما تفطرين من فطورنا حنا ..؟؟؟
نور ضحكت وهي تقول : اثر العرق دساس
أم عبدالعزيز ابتسمت : اشتقت لأيام الخوالي ههههه الا ما قلتي لي ليييش ما تفطرين مثل العالم والناس
نور : ما اشتهي
أم عبدالعزيز : تظعفين بعدين وبعدين ما فينا وراج عرس يا بنت الناس
نور ضحكت وقالت بلا مبالاه : اول خلي يجي عريس الغفله
أم عبدالعزيز : هو جا وخلص بس باقي انتي
نور ما عطت الموضوع اي أهميه وقالت : وين الهنوف ..؟؟
أم عبدالعزيز : وين عقلج يا بنيه .؟؟ تراها راحت المدرسه اليوم الأحد
نور هزت راسها بتفهم بس قالت وكأن الوضع مو عاجبها : وراها تروح المدرسه ذي بعد ..؟؟ وبعدين تعالي
خالتي ذي يدها بعد ما تعافت وتروح ..؟؟؟
أم عبدالعزيز : شسوي والله طول الوقت وأنا اقنعها
نور : ادري وبألأخير عييت .. وتقول الا تروح
أم عبدالعزيز : اي لزمت الا ترووووح
نور : يمكن تنشغل مع البنات
أم عبدالعزيز : وبعدين هي تستخدم اليسار في الكتابه عادي ما فيها شي
نور : اي أشوه ولا كانت الامتحانات بتصعب عليها
أم عبدالعزيز : الحمدلله على كل حال
نور : وانتي الصادقه يا خالتي الحمدلله على كل حال
أم عبدالعزيز : ما بتداومون ..؟؟
نور : امبلا بس مو هالحين ... بعد ثلاث ساعات
أم عبدالعزيز : الله يوفقكم
نور : آميييين
أم عبدالعزيز : عاد هاااه نبي النتايج الزينه ما نبي أي شي
نور : من عيونا والله هههه
أم عبدالعزيز تبتسم : شوووق اشلونها مع الدراسه
نور : تمام ماشي الحال خالتي
أم عبدالعزيز : بعدها مثل أول مهمله ولا كيف ..؟؟
نور : ما في فايده أغطي عليها لأن صدق هي مهمله
أم عبدالعزيز : الله يهديها هـ البنت
نور : هههه خالتي بو طبيع ما يجوز عن طبعه
أم عبدالعزيز : وانتي الصادقه صار عمرها فوق العشرين وهي بعدها على حالها الأولي
نور : عادي خالتي بكره تتزوج وتعقل ههههه
أم عبدالعزيز : ان شاء الله انتي وهي بيوم واحد
نور نزلت راسها مستحيه : لا خالتي وش ذا الكلام ...؟
أم عبدالعزيز ضحكت : وطلعتي تستحين يا بنيه ..؟؟
نور ابتسمت : ع بالك يعني ما استحي شايفتني شوق
أم عبدالعزيز تضحك : ههههه اي والله خفت انها عدتج بس الظاهر لا عدتج ولا شي
نور : الحمدلله ولا كان رحت فيها
أم عبدالعزيز : بنيتي بغيت أكلمج بموضوع يخصج
نور : آمري خالتي
أم عبدالعزيز : ما يامر عليج عدو يا بنيتي
نور وكأنها تعرف شو بتقول أم عبدالعزيز : ولا عليج يا خالتي
/
.
/
ملاك وهي تطالع وصايف وقفت
مايد مستغرب : بلاج ما كليتي ..؟؟
ملاك : مالي نفس
مايد ولا اهتم لها وبدا يعطي زوجته لأن حسب كلامها اهيه تحس انهاااا حـــــــــامل ..!
وصايف قالت لـ ملاك وبنظارت خبيثه : تعالي اكلي
ملاك ابتسمت بدون نفس وقالت : لا شكرا .. افطرو بروحكم
مايد : هي صح سيارتج بعتها
ملاك منصدمه بس ما ردت وبينت اللا مبالاه وقالت : وشو يعني ..؟؟
مايد : يعني ما في طلعه الا باذني وعمران يعرف كل تحركاتج
ملاك : عرفنا هـ السمفونيه اللي تعيدها لي كل يوم
مايد بدا يكلم وصايف ولا عطا لـ ملاك أي اهتمام
ملاك ضربت ريلها في الأرض ومشت لـ غرفتها بسرررعه قبل لا تيي لها سكته قلبيه وتموت والسبب برود أخوها ومرته
يتبع >>>
رمت عمرها ع السرير طالعت الموبايل .. هذا ليكون حاط لي جواسيس على اتصالاتي ..؟ اي والله ممكن لييش لأأ مايد خلاااص غسلت يدي منه .. احتمال يسوي أي شـــــــــــي ..! وكل شي جااااايز
/
.
/
بدور والدمعه بتنزل بس دارتها ومسحتها بخفه وبحركه سريعه عشان محد يشوفها
أم معضد ابتسمت : أم عبدالرحمن ما ودج تريحين ..؟؟
أم عبدالرحمن ابتسمت : امبلا بروح بنام لي ساعه وبقوم ان شاالله
أم معضد : وين خلود ..؟؟
بدور : لاااااااااارد
أم معضد : بدوووووور
بدور استوعبت : هلاأأ خالتي
أم معضد : وين خلود ..؟
بدور : تنوم حمدان
أم معضد هزت راسها وقالت : أوكي اباااج بكلمة راس
بدور وهي تطالع أمها رايحه تنام قالت لـ خالتها .. خالتي بروح بشرب شوية مي وبرجع
أم معضد : انزين .. استعيلي فديتج
بدور : ان شاء الله خالتي
مشت بدور وهي تحس بالألم بداخلها .. ودها لو تموووت بـ هالدقيقه وهـ الثانيه
عاشت بـ هالبيت لحظه بـ لحظه مع أعز انسانه عرفتها بـ حياتها .. مع أغلى من عرفت .. مع ميرررره أختها الوحيده الحنونه
دمعت بدور وخانقتها العبره ودها لو ترمي نفسها ع الأرض وتبدا تصيح ..
ما تخيلت بيوم اني أدخل هـ البيت من غيرج يا ميره .. وربي ما تخيلت اني أكون بـ هالبيت من دووونج آآآآه
لو أرجع بعمري كم سنه ... بس كم يوووم بعد .. عشان اشوفج واعتذر منج وأحبج واقول لج انج أغلى من عرفت بحياتي .. آآآآآآآآآآآه يا ميره البيت والدنيا كلها ما تسوى بدونج ولا شي
صحا بدور من عالمها صوت خالتها وهي تقول : بدور بعدج ما شربتي
بدور تصب لها ماي : امبلا خالتي يايه لج ..!! ثووااااني
بعد ما شربت بدور طلعت للصاله شافت خالتها وابتسمت لها
ام معضد : تعالي يما قعدي
بدور قعدت يمب خالتها
خالتها ضمت بدور لـها .. حست بدور بـ الأمان حست ان خالتها قاعده تحس فيها تحس ان بدور فقدت أعز انسانه بالدنيا
أم معضد ابتسمت وهي تمسح على شعر بدور وقالت : بدووور اشتقتي لها صح ..؟؟
بدور نزلت دموعها وقالت وهي في حضن خالتها : فوووق ما تتصورين يا خالتي
أم معضد دمعت على حال بدور وقدرت موقفها وقالت : كلنا يا بدور اشتقنا لها
بدور مسحت دموعها وهي تقول : ليتنا نلحقها اليوم قبل باجر
أم معضد : كلنا لاحقينها يا بدووور كلنا
بدور : بس متى ...؟
أم معضد : بدور انتي تدرين شو أغلى شي تركته لنا ميره
بدور مستغربه : ما فهمت عليج خالتي ..؟؟
أم معضد : تدرين ميره اش تركت لنا ..؟؟؟
/
.
/
أم عبدالعزيز : يما نور اذا خطبج احد الحين بتوافقين ..؟
نور نزلت راسها وقالت بحيا : خالتي أنا وين والزواج وين وبعدين الله يهديك يا خالتي وراي دراسه
أم عبدالعزيز : واللي بتتزوجينه ما بيمنعج
نور : حتى ولو أنا اهتم بدراستي يا خالتي ما يصير افكر بشيئين بنفس الوقت ..
أم عبدالعزيز : كيف يعني ..؟
نور : ما يصير دراسه و زوج وعيال بنفس الوقت
أم عبدالعزيز : بس اللي تقدم لج غير
نور رفعت راسها وقالت بتوتر : يعني هو رجال وكل الرجال واحد ما في فرق بينهم
أم عبدالعزيز : بس هو يفرق بالنسبه لج
نور : لأأأ خالتي أنا ما في ببالي أحد معين وما يفرق عندي
أم عبدالعزيز : واذا قلت لج عبدالعزيز ولدي ..؟؟
نور انصدمت مع انها تعرف بس تأتأت وقالت : خ ... خ.... ــــالــتـ .............
أم عبدالعزيز قاطعتها : ادري بتقولين انه مثل أخوج
نور هزت راسها وهي تقول : اي خالتي عبدالعزيز مثل أخوي
أم عبدالعزيز : بس هو مو أخوج يا نور
نور : بس يا خالتي .................
أم عبدالعزيز قاطعتها : يا بنتي عبدالعزيز ولد خالتج ويخاف عليج أكثر من اي أحد ثاني
نور هزت راسها بتفهم وقالت : ادري خالتي بس عبدالعزيز مثل أخوي
أم عبدالعزيز : وهو مو أخوج يانور مو أخوج ..
نور نزلت راسها وبدت تلعب بأظافرها : مدري يا خالتي مدري
أم عبدالعزيز : يعني ...؟؟
نور : مانيب موافقه
أم عبدالعزيز : ليييش سمعتي عنه شي يعيبه شي
نور : لأأأأ بس عبدالعزيز مدري كيييف
أم عبدالعزيز : نور ادري انج خايفه وقاعده تتهربين
نور ارتبكت وما قالت ولا كلمه
أم عبدالعزيز : فكري زين وردي علي
نور : بس يا خالتي ...؟؟؟؟؟؟؟؟
أم عبدالعزيز : نور ما منج أمل انتي .. ترا ان تبين رضاي تاخذينه وان ما تبين بكيفج
نور تنهدت بألم يعني غصب عني بوافق عشان خالتي وبدوووس على قلبي وكرامتي
نور بخوف : مدري خالتي الشور شورك
أم عبدالعزيز : لا يا بنتي فكري عدل
نور هزت راسها وقالت ما في أمل اني أرفض لأنها قالت لو ابي رضاها بوافق
نور ابتسمت وقالت : الشور شورك يا خالتي
أم عبدالعزيز ابتسمت وهي تحضن نور بأقوى ما عندها وقالت : يارب اشوووف بيوم عيالكم وهم يلعبون حواليني
نور حست بالاحراج بس حست بالراحه لأنها ريحت خالتها بس تعبت نفسها وعبدالعزيز معاها ..!! وما تعرف لوين نهايتها مع هـ الزواج التقليدي اللي بيصير ...!!
/
.
/
بدور مستغربه : لا ياخالتي .. لييييييييييش ميررررررره تركت لنا شي قبل لا تتوفى
أم معضد ابتسمت وقالت وهي تمسح شعر بدور : تركت لنا أغلى شي عندها
بدور مستغربه : وشو يا خالتي ..؟؟
أم معضد : تركت لنا حمدان يا بدور
بدور ابتسمت رغم الألم اللي بداخلها وقالت : أدري يا خالتي حمدان أغلى ما نملك الحين حمدان الشي الوحيد اللي تركته ميره
أم معضد : بس ما اعرف من بيربيه ويخاف عليه .. صار يتيم
بدور ابتسمت : ولا يهمج يا خالتي أنا
أم معضد مستغربه : كييف
بدور : جذي عادي أنا أعرف لليهال بس قبل كنت مهمله
أم معضد ابتسمت مستانسه : يعني توافقين تتزوجين معضد ..؟؟
بدور ارتبكت اش فيها خالتها وقالت : لا خالتي أنا مو قصدي جذي .. قصدي باخذه معاي لـ قطر
أم معضد احطبت مره ثانيه وقالت : ليييييييش جذي انزين ..؟
بدور مستغربه : اش فيج خالتي
أم معضد : بدور بنتي ابيج توافقين على زواجج من معضد
بدور : خالتي بس ..؟؟
أم معضد : لا بس ولا شي ترضين باجر معضد ياخذ له وحده أجنبيه لا نعرفها ولا تعرفنا وتربي ولد أختج
بدور هزت راسها وقالت : لأأأأ
أم معضد : اش قلتي عاد
بدور نزلت دموعها : خالتي بس كيف اتزوج معضد وهو زوج اختي أنا ..؟؟
أم معضد : بس أختج خلاااص مااتت صرتي حلال عليه لو ياخذج
بدور هزت راسها وقالت وهي تدمع : لا أنا لا يمكن أخون أختي
أم معضد : بتخونينها أكثر لو عطيتي ولد أختج لوحده أجنبيه تربيه
بدور هزت راسها وتصيح : خالتي اش هالأفكار اللي تذبح ..؟؟
أم معضد نزلت دموعها : بنتي ما صدقت ان معضد وافق
بدور مستغربه : وافق ..؟
أم معضد : هي وافق بس انتي وافقي ..؟؟
بدور : بـ هالسهوله وافق ..؟
أم معضد : لأأأ من يوم طحت هذي وصيتي له ووافق
بدور : يعني مجبور ..؟؟
أم معضد : عشان ولده .. وانتي بعد اجبري عمرج عشان ولد أختج
بدور نزلت دموعها : بس أنا اش ذنبي يا خالتي ..؟؟
أم معضد : انج أخت ميره وخالة حمدان
بدور ضمت خالتها وقالت : خالتي بس أنا بعدني مابي اتزوج
أم معضد : انتي ما تشوفين اش قد حمدان محتاج لج
بدور هزت راسها وقالت : اي محتاج لي بس هذا ما يعني اني أهدم حياتي عشانه
أم معضد : ويهون عليج ولد أختج ..؟؟
بدور : لييش أنا ومعضد نهون عليكم
أم معضد مسحت راس بدور وهي تقول : عشان خاطر حمدان كل شي يهون يا بنتي .. بس هـ اليتيم يتربى وسط أهله وتربيه زينه
بدور مسحت دموعها وقالت : خالتي مدري اش هـ الفكره اللي يتكم ..؟؟
أم معضد : جان تبين رضاي ورضا أمج وربج ربي ولد أختج يا بدور .. ربيه ترا والله ماله غيرج باجر خلود بتتزوج ويمكن زوجها ما يتقبله وأنا مدري اليوم ولا باجر أخر يوم لي ... وامج بعد .. من بيظل لـ هالولد اليتيم
بدور بدت تقتنع وهي قاعده تصيح ... عشان أختها وولد أختها كل شي يهوووون .. كل شي ما يسوى يدام راحة حمدان ولد ميره ..
أم معضد : اش قلتي بنتي ..؟؟
بدور هزت راسها وقالت : موافقه خالتي
أم معضد : خلاااص ببشر الكل ومن هـ الأسبوع ان شاء الله بتملجون انتي ومعضد
بدور وهي تمسح دموعها : بس عندي شرط ..؟؟
أم معضد : تامر أمر انتي ..؟؟
بدور : مابي لا عرس ولا خطوبه ولا شي .. ملكه سكيتي وبس ..!!
أم معضد : اللي يريحج يا بدور
بدور : ميره ما صار لها شهرين متوفيه وانتو تبون تزوجون زوجها ترا والله حرام عليكم
أم معضد : تأكدي يا بدور لو ميره تدري باللي قاعد يصير ما بتمانع لأن هذا بمصلحتنا كلنا
بدور : اي الملجه خلوها لـ بعد الامتحانات أحسن لأني مابي شي يأثر على مستواي أكثر من ما هو نازل الحين
أم معضد ابتسمت : اللي يريحج بنتي المهم انج موافقه
بدور مسحت دموعها وقالت : عن اذنج خالتي بروح بنام شوي
أم معضد : نوم العوافي بنتي
بدور وقفت وشالت مع عمرها كل ما تحمله من انكسار وذل أمام خالتها ... طلبها صعب بس رفض بدور بيكون أصعب لأن هذا كله على شان خاطر حمدان اليتيم .. الطفل البرئ اللي ماله ذنب باجر يتعذب
بدور حطت راسها ع المخده بألم وبدا شريط ذكريات الماضي يمر أمام عينيها .. وتنهدت بخوف .. ياترى معضد موافق ولا جبروووه .. أكييييييد جبروه معضد يحب ميره وميره ما تهون عليه أبد .. بس آآآآه تتلو آه وآه من القهر اللي فيني
خلود مستغربه : بدووور
بدور غمضت عينها وما ردت
خلود : بدوووور..؟؟
بدور : ما ردت عليها
خلود هزتها : بدووور ادري انج مب راقده قومي يلا
بدور لفت ويهها لـ صوب خلود وقالت : خلود ممكن تخليني بـ حالي
خلود : بدوور اش فيج ...؟
بدور : ما فيني شي يا خلود
خلود : بلا انتي فيج شي وشي جايد بعد
بدور : يووووووووووه خلووود قلت لج ما فيني شي
خلود مسكت بدور وقالت : انتي لييش جذي بدور تكلمي قولي شي
بدور تصيح : شـ قووول خلووود شـــ قووووووووول ..!
خلود مسكت ويه بدور وقالت : قولي كل شي حبيبتي قولي كل اللي في قلبج .. وبعدين لا تنسين انج لو فضفضتي ع الأقل تحسين بالراحه
بدور هزت راسها وقالت : خلووود والله الدنيا جاسيه
خلود تمسح دموع بدور : انزين علميني اش صار ..؟؟
بدور : آآآه يا خلووود شـ قووول لج ..!
خلود : قولي اللي تبين بس فضفضي عسب ترتاحين
بدور حطت راسها ع المخده وقالت : بيزوجوني وغصب ..!!
خلود : ليييش ..؟؟ أهلنا متفهمين لا يمكن يسوونها
بدور : لا يسووونها والدليل خالتي تقول خذي معضد عشان حمدان
خلود مستغربه : معضضضضضضضد ..؟؟
بدور : اي معضد
خلود : ولييش انزين ..؟؟
بدور : عشان حمدان
خلود : بـ امكانج ترفضين القرار بيدج يا بدور
بدور : هـ المشكله ان القرار بيدي وهم مستغلين نقطة ضعفي
خلود : لييش ..؟
بدور : خالتي تمت تقول ان حمدان يتيم وباجر معضد لا تزوج ولد أختي بيطيح ومدري شوي
خلود قالت : دامج مب مقتنعه أنا بكلمهم
بدور مسكتها وقالت : لاأأأ أنا مقتنعه خلاااص
خلود : أكيييد ولا عشان حمدان ..؟؟
بدور : لأأأ
خلود : ترا حمدان عادي كلنا نربيه ما فيها شي
بدور : لأأأ لا عشان حمدان ولا عشان معضد .. عشان أختي ميره الله يرحمها
خلود دمعت وهي تقول : الله يرحمها يارب
بدور : آمييين
خلود : يعني ما بتغيرين رايج وباجر ما بتحسين بتأنيب الضمير
بدور : لا هـ الشي ما مقتنعه فيه ولا يمكن أتراجع عن قراري وحمدان أولى من غيره
خلود : الله يخليه يارب ويبر فيج لما تكبرين
بدور : آمييين
خلود : يلا حبيبتي ريحي ونامي باجر وراج كليه
بدور : اي والله أنا ناسيه
خلود ابتسمت : نامي يلا باجر بتشوفين ربيعاتج
بدور : تصبحين على خير
خلود : وانتي من أهله
/
.
/
روان مسكت راسها وبدت تظربه في الجدار بقووووه وتصرخ
دخلت الخدامه مرتاعه من منظر روان واللي قاعد يصير لها ...
روان رمت كل العطور اللي ع المستواليت وبدت تصرخ وقالت : عطيييييييييني حبوووووووووووووب
الخدامه مرتاعه : شو مدام ..؟؟
روان : اتصلي بـ فهد
الخدامه : ما يعرف رقم مال هوه ماما ..؟؟
روان : قلت لج اتصلي بـ فهد يلا انقلللللللللعي بسرررررررررررعه
الخدامه ولأنها في قصر .. فـ تعرف تستخدم الموبايل ودورت على رقمه بسرررعه عشان يرد بس مافي أي فايده ما يرد
روان تصرخ : اتصلتي ..؟؟
الخدامه : نو انسر مدااااام
روان تصرخ : اطلعي برررررررررررع
الخدامه مرتاعه من منظر روان قالت : مدام انته شوفي ..؟
روان قربت منها عشان تضربها الا والخدامه تروح جري لـ تلفون البيت عشان تتصل بأي أحد ايي ويتطمن على روان
مسكت التلفون وشافت النوته اللي جنبها وما طاح عينها الا على رقم مروان بـ حكم العلاقه اللي كانت بينه وبين روان الكل كان يعرف عن هـ العلاقه
دقت الأرقام بسرررعه
وياها الرد أسرع بسبب استغراب مروان ليييش روان تدق بعد كل هـ المده ..؟؟؟
مروان مستغرب : السلام عليكم
الخدامه : واليكم سلام .. مستر مروان
مروان : هي منو ..؟؟
الخدامه : انا في نانا خدامه مال روان
مروان مستغرب : اش فيج
الخدامه خايفه : مدام في دق راس مال هوه داخل جدااار .. تألي بسرررأه هيه واجد تأبان
مروان ما صدق الخدامه وقال : شوفي لها أي صرفه انزين ..
الخدامه مرتاعه وتصيح : بابا هي في يموت بسررررعه تآآآآل
مروان : أوكي أوكي يااااي خلاااص
صكر مروان من عند الخدامه وهومستغرب اش فيها روان ... اروح لها ولاأأأ ..! هذي تقول البنيه بتموت كييف ما اروووح بس لأأأ البنيه متزوجه افرض لو زوجها دخل فجأه ؟... اتصل بـ اريج احسن لي
اتصل مروان على اريج بسرررعه
اريج ردت مستغربه : السلام عليكم
مروان : وعليكم السلام
اريج : من ..؟؟
مروان : أنا مروان يا اريج .. البسي بسرعه بمرج بوصلج بيت روان .. لأن الخدامه متصله تقول تدق راسها في اليدار
اريج تخرعت : خلاااااااااص خلاااص تعال بسررررررررعه
مروان طللللع من الدوام بسرررعه يروح لأريج يشوف اش سالفة روان ...؟؟ اش فيها ليكوووت بالفعل البنت بسببه تأثرت ..!!
/
.
/
ملاك : لا حرااام عليك
راشد : ملااااك مايد يبي له حل بأقرب وقت
ملاك : عاد مب طبيب نفسي هو مو مينون
راشد : عاد وين أوديه عشان نعرف اش فيه
ملاك : كلها فتره ويتعافى ان شالله
راشد : ملاااك بس مايد صاير انسان مب طبيعي أبد يا ملاااك أبـــــــــد
ملاك : أدرررري بس انت اصبر عليه
راشد : وانتي ..؟؟
ملاك : أنا لا تحاتيني أبد لأني عايشه الحمدلله
راشد : كيف ما أحاتيج وانتي عايشه مع هـ النسره وصايف
ملاك : انت بس ادعي الله يهدي ميووود ويرجع مثل أول وكل شي بينحل
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك