رواية خليجيات في الامارات -41
معضد ابتسم : ادري امزح بلاااج عصبتي
أم معضد : ترمس عن بنت أختي ..!
معضد ابتسم وقال : حشا والله ما تسوا الكلمه اللي قطيتها .. هه آسفين وسحبناها
أم معضد : هي زين أباك جذا
أم عبدالرحمن : يـ اختي بلاج عصبتي ع الولد ..؟؟
أم معضد : ما تشوفينه يرمس عن بدور
حمدان ابتسم وقف ع الكنفه وقال : بدور تقول انها سوبرمان تسوي لي أي شي
معضد ضحك وقال : لا لا كيف تسوي لك اي شي
حمدان : تعطيني حلاوه توديني قطر كل يوم ..!! وهي تطير
معضد ضحك وقال : حسبي الله عليك ايلس عدل
أم معضد : صح هذيج الحزه سألتني بدور لو بتكمل ولا لأأأ ..؟؟
معضد هز راسه وقال : هي اش صار ..؟؟
أم معضد : بتكمل انشالله
معضد : وين بتقعدون في دبي خالو ..؟؟
أم عبدالرحمن وهي خايفه : قلنا بنقعد في شقه بس أنا ما أدري شاللي بيصبرني ع القعده اهني في الامارات وعيالي في قطر لا وامتحاناتهم الحين الله يستر اذا يدرسون ولا لأأأ ..؟؟؟
أم معضد ابتسمت وقالت : عادي بدور بتقعد في بيت معضد
معضد : هي خالتي تقعد في بيتي وخلود تيي معاها لأن خلود بتخلص قبل بدور
أم عبدالرحمن : والله ما ادري .. خلاااص البنيه وحيده ويبي لها أحد يشوفها
أم معضد وهي تطالع معضد قالت : بقول شي بس معضد لا تعصب ..!!
معضد ابتسم : ولييش اعصب قولي امايه ..!
أم معضد : ام عبدالرحمن جيييه ما تزوجين بدور ...؟؟
معضد ابتسم : هي توج تدورين لـ فيصل عروووس هذي بدور موجوده ..!!
أم معضد : لأأأ مب لـ فيصل لك انت حبيبي ...!
معضد وقف منصدم وعاقد حياته : من صدقج انتي الحين ..؟؟
أم معضد : اقعد يا ولدي بلاك عصبت ...
أم عبدالرحمن : ما يصير تكلم امك جذي يا ولدي هذي أمك مهما كان لازم تكون بار فيها
معضد قعد وهو يهدي عمره : الله يهديج أمي هذا كلام تقولينه الحين ...!!
أم معضد دمعت وهي تقول : جيييه انا شو قلت يعني ..؟؟ ما قلت الا الصدق
معضد : أمي فكري بدور توها صغيررره ويبي لها حد يعرف يعاملها عدل ويطلعها من اللي هي فيه .. أنا انسان غيررر خلاااص .. يعني بتعسها معاي
أم عبدالرحمن : لا تقووول جذي يا ولدي انت بعد صغير وجدامك العمر
معضد هز راسه : بس بدور ما تستاهلني بدور صغيرررررره وايد علي يا أمي
أم معضد : ولدي فكر شوي بـ هالولد مو بس بروحك
معضد : وأفكر في بدور بعد لااااازم ..!!
أم عبدالرحمن : هذي تصريفه يا معضد
معضد بدا يعصب : زواااااااااج ماني متزوج عقب ميررررره قلت لكم وخلاااااااااااااااص
أم معضد : بس يا ولدي ............
معضد شال سويج سيارته هو طالع وقال : زواج مب متزوج ... أنا زوجتي ميره وبس ... ما باخذ غيرها سمعتوني ...!!!
أم عبدالرحمن طالع أم معضد بحزن وقالت : الله يهديه
أم معضد بدت دموعها تنزل : هـ الولد بيذبحني .. قام يسوي حركات هـ المراهقين
أم عبدالرحمن : اعذريه توه طالع من الحزن اللي كان فيه ما صدقنا على الله قام يقعد ويانا
أم معضد : وين ..!! وين ... هو حتى دوام ما قام يداوم عدل مثل الناس .. أخاااف يسوي لج شرات هـ الشباب ويجذب ع عمره ويروح لج مع الشله الفاسده ويقول بينسى الحزن ..
أم عبدالرحمن : لا لا عاد معضد عاقل ما اصدق يسويها
أم معضد : حتى ولو عاقل يا أم عبدالرحمن ..؟؟ معضد مو بعيده يسويها تراه ألحين يتأثر بأي شي .. صدقيني
أم عبدالرحمن : الله يهديه ويصلح باله
أم معضد : آمييين يـ أختي ..!
/
.
دخلت ملاك للبيت وبدون ما تلف أو تطالع أحد مشت للدري
سمعت صوت : الناس لما تدش تسلم ....؟؟
ملاك ما عبرته وقالت : السلام عليكم
مايد : من وين يايه ..؟
ملاك وهي تمشي : من وين يعني أكيييد من السوق ..؟؟
مايد : لما أكلمج توقفين ..؟؟
ملاك صدت وقالت : نعم ..!
مايد لأنه ما كلمها من اليوم اللي ضربها فيه وقال : من سمح لج تطلعين ..؟؟
ملاك : ريلي ..!!
مايد : يعني اخترتي راشد ..؟؟
ملاك طالعته وقالت : اقووول ممكن تفكني عشان اروح اريح
مايد وقف وبدا يهزأ فيها : قسم بالله ان ما عدلتي اسلوبج الحين بيي وبشدج من شعرج وبمسح فيج الأرض
ملاك ما قدرت ترد عرفت انها بالفعل بيسويها وقالت وهي تدمع : حرااام عليك مايد انت ليييش تسوي جذي
مايد طالعها وقال بعصبيه : انقلعي رووووحي لـ حجرتج بسرررررررعه
ملاك مشت وهي دموعها تنزل على خدودها وصلت فوق شافت وصايف واقفه تضحك
ملاك بعصبيه : حسبي الله ونعم الوكيييييل حسبي الله ونعم الوكيل
وصايف ابتسمت وهي تبتعد عشان تنزل
ملاك دخلت الحجره ورمت روحها ع السرير وهي ميته صياح وقهر ع اللي قاعد يصير وحالها يوم بعد يوم يسؤو أكثر ... في لحظه ودها تختار راشد وبس .. وفي لحظه ودها تختار الورث ..!! بس لا يمكن تختار راشد وبس لأنها بتتنازل عن مايد .. ولا يمكن تختار الورث لأنها بتتنازل عن راشد .. والاثنين غاليين عليها ..!
/
.
/
روان تطالع فهد : اش عندك ياي لـ بيتنا ..؟؟
فهد ابتسم وراوها الحبه وقال : ما تبين ..؟؟
روان توها بتسحب الحبه الا وفهد يبعد يده عنها
روان بدت دموعها تنزل : انت ليييييييش تسوي فيني جذي
فهد : على كيفي
روان وهي تطالع الحبه : بدفع لك كثر ما تبي بس ابيها حرااام عليك ابيهااااااااا
فهد ابتسم : أوووكي أووووكي بس بالأول اسوي اللي ابيه
روان : كل اللي تبيه سوه .. كل اللي تبيه حتى ولو تباني اقط روحي من فوق لـ تحت بس عطني دخييييييييلك مب قادره اتحمل أكثر
فهد ابتسم وهو يسحب روان شعرها
روان تتألم : يـالــ .................. هدني ..!!
فهد : مو انتي اللي قلتي تبينها
روان وهي تصيح : حراااااااام عليك والله حراااااااااااااام عليك اللي قاعد تسويه
فهد ابتسم وقال : شاللي حراااام .. من متى وعيال .................. يعرفون الحرام من الحلاااال ..
روان : آآآآآآآآآآآآآآي فهد الله ياخذك عورتني .. اترك شعري حرااام عليك
فهد ولا سمعها .. كأنها كائن ما يحس ولا يشعر بأي شي .. جمااااد يحركها مثل ما يبي يطقها وكأنها جماد على كثر الضرب ما راح يصيبه شي ..!!
وروان يوم بعد يوم تزيد معانتها وهمومها مع فهد من صوب ومن صوب آخر مع الادمان اللي ما تعرف اش نهايته معاها ..؟؟
/
.
/
نور وهي نازله مع الهنوف : وانتي ايش قلتي ..؟؟
الهنوف : مدري والله احتمال بدخل علمي
نور : بس انتي صلي استخاره
الهنوف : انشالله
نور : المهم الحين انتي فكري بـ امتحاناتك الحين وبعدين شوفي ميولك لايش وادخلي
الهنوف : قلت بصلي استخاره
نور : اي أحسن لك
الهنوف : هذي شوق الدبه يدام التلفزيون
نور ابتسمت : اي صج والله انها دبه
الهنوف : اربع وعشرين ساعه تاكل
نور : خليها حبيبتي يمكن باجر تاخذ لها واحد ما ياكل ولا يجيب اكل للبيت بعد ههههه
الهنوف : مجاعه ولا شو ههههههههه
شوق من بعيد : اشم ريحه ناس تتكلم عني ..؟؟
نور : ههههه حاسة الشم عندك شغاااله ماااااااااااااارررره
الهنوف ابتسمت : اقول ولا ما اقووول
نور ضربتها : لا تقولين احسن لك لأنك صدق بتروحي فيها
الهنوف ضحكت : اي أحسن لي ما أشبهج يا شوووق ادري بتموتيني
شوق وهي تطالع الفلم : اسكتو خلوني أكمل
نور : كملي كملي محد ماسكك يالدبه
الهنوف وهي تضحك : ههههههه شوق والله شكلج تحفففففففففففه
شوق تضربها بالحب اللي بيدها : خذي كلي واسكتي
نور وهي فاتحه فمها : يالهبله ..!!
شوق باستغراب : نعم خيررر في شي ..؟؟
نور : انتي يالهبله هي انتي ..؟؟
شوق : درينا اني هبله نعم تبين شي ..؟؟
نور : هي انتي صاحيه عشان تعملي كذا ..؟!
شوق : لييش اش سويت أنا ...؟؟
نور : ترمي الفصفص كذا ولا كأنه المكان بيتوسخ ويصير مقرف مثلك
شوق ابتسمت : دااامج خايفه ع المكان جذي نظفيه
نور : أشتغل خدامه عندك وأنا مدري
شوق ابتسمت : عاد لييش خايفه ..؟ عندج الخدامه روحي وناديها تنظفه
نور : ترا حركات البزران ذي أبد ما أحبها والله
شوق ابتسمت وعدلت قعدتها : اش فيج عصبتي يا بنت الناس ..؟؟
نور : حرااام عليك توهم والله نظفو الصاله
شوق وهي تقول باهمال وشعرها الطاير مثل المخبل وتقول : خلااااص ولا يهمج أنا بلمه لج ولا تتأثرين ويصيبج شي من هول المصيبه اللي سويتها
الهنوف تضحك : ههههه طالعي شكلج ههههههه
شوق وهي تفتح الحب وتتف القشر ع الأأرض : هي انتي تأدبي لأارمي عليج غيره ..!
نور فتحت عيونه : لا وتتفينه ع الأرض بعد ..!!
شوق تضحك : اش فيج انتي اليوم ابي أعرف حملة نظافه ولا شو ..
فجأه انفتح باب الصاله ودخل عبدالعزيز وهو هلكان ...!!
عبدالعزيز أول ما دخل عيونه لا اردايا طاحت على نور ...!! ونور ارتبكت يوم شافته ما تدري شـ تسوي ..؟؟
وهذا الجزء خلّص عند عبدالعزيز ..!!!
ملاك ومايد وراشد اش راح يصير وملاك هل بتعاني أكثر وأكثر من وصايف حرمة مايد ..؟؟
روان وفهد لـ وين نهايتهم وروان متى بتترك الادمان ومتى مروان راح يظهر في الروايه من يديد ولا ما راح يظهر خلااااص ..؟؟
بدور هل راح توافق لما تدري بالسالفه ولا ما راح تدري بـ الأساس ومعضد هل بيوافق ولا لأأأ ..؟؟
نوره شخصيه يديده في الروايه .. هل بيكون لها دور في الروايه ولأأأ ..؟
شوق وروحة الكويت للحين مافي أي أخبار عن أهل الكويت ..؟؟ شو تتوقعون ..؟؟
أريج ومحمد لـ وين بتوصل لقائاتهم هذي وهل بتحل مشكلة روان بالفعل ..؟؟
عبدالعزيز وافق مثل ما درينا بس نور بتوافق من بعد الكلام اللي سمعته ولا بتدور لها حيالله حل يبعدها عن عبدالعزيز ..؟؟
الأحد 14-11-2010, 11:25 am
ღ الحلقه السابعه و العشرونღ
عبدالعزيز مرتبك بس ما بين عليه الارتباك ابد
عبدالعزيز : السلام عليكم
الكل : وعليكم السلام
عبدالعزيز عقد حياته وهو يشوف الحب مرمي ع ألأأرض وقال : من الياهل اللي مسوي جذي
الهنوف بسررررعه : شوووق هذي والله شوق
عبدالعزيز طالع شوق وقال : اش فيج ..؟؟
شوق هزت راسها : ولاشي
عبدالعزيز مستغرب : لييش شعرج جذي انزين ..؟
شوق : ما فيني شي .. قلت لك والله ما فيني شي
عبدالعزيز اشر بيده : انزين انزيييين خلاااص عرفنا ...
الهنوف : وين كنت ..؟؟
عبدالعزيز : رحت اتمشى مع ربعي
الهنوف : آهاااا ..!!
عبدالعزيز : تصبحون على خير
الكل : وانت من أهله
عبدالعزيز : الهنوف ييبي لي ماي
الهنوف : انشالله
عبدالعزيز طالع شوق : وانتي هي عدلي شعرج هذا ولا مشطيه .. الله يعين اللي بياخذج
شوق طالعت نور وقالت بغباء : لـ هالدرجه شعري مستوي كشششه اليوم
نور ضحكت وهي تقعد : عشان تصدقين لما جاني ذيك الحزه جنون .. كل هذا من شفتك
شوق قعد وقالت بغباء : قلت هذا نيو لوك شوي .. يعني كل مكان يشوفون كشه .. لييش حبكت علي انا
نور ابتسمت : بسهولة لأنك دايما مرتبه قدامهم
شوق هزت راسها بتفهم : اي اي توني فهمت
الهنوف وهي تصعد : ثواني وبنزل لكم
شوق : انزين شوي شوي محنا بطايرين يعني ..!
الهنوف وهي تجري ع الدرج وتطالع شوق : اسكتي انتي
شوق : هبله
الهنوف تصد ورا عشان ترد شوي الا وتطيح ع الدرج وبقوووووووووه
نور وشوق وقفو مفزوعين بسرررررررررررعه
الهنوف رفعت راسها شوي شوي وقالت وهي تصارخ : آآآآآآآآآآآآآآي
نور وشوق راحو يجرون لها
نور تمسكها : الهنووووووف الهنوووووووووف
الهنوف اشرت على يدها اليمنى وهي تصيح : نوووووور شووووووووق يدي يدي ...!!!
شوق تطالع يد الهنوف وتصرخ : نووووووووور
نور تشوف شوق مستغربه : اييييييييش ..؟؟
/
.
/
خلود مسحت دموعها وهي تقول : نوار مالت عليج
بدور : اش فيج ..؟؟
خلود مسحت دموعها عدل وقالت : الروايه حزينه ..؟؟
بدور : ليييش ..؟؟
خلود : البطل أخر شي يموت
بدور : احسن انزين
خلود : لييش احسن
بدور : احسن لج بسكم خيااال ترا كل الروايات فلان يتزوج فلانه وبعدين ينفصلون وأخر شي يرجعون لـ بعض ..!
خلود : حتى ولو الخيال أحسن من النهايات التعيسه
بدور تضحك : بس النهايه التعيسه تحسسج انج في واقع
خلود : لأأأأ تعذبني أكثر
بدور : وبعدين واقعنا بالفعل مؤلم .. نادر ما تشوفين الفرح وأكثر شي بـ الروايات
خلود : لا الحمدلله للـ حين النايس عايشه عدل
بدور : بس لاازم نمر بظروف صعبه .. صح نوار .........؟؟
نوره تلف وتطالعها بدون اهتمام : لحظه خل أخبار الامارات تخلص وبعدين ..!!
خلود : نووووووووووره
نوره لفت مفزوعه : لا حول ولا قوه الا بالله يـ ختي خليني اطالع الأخبار
خلود : اش بتسفيدين يعني ..؟؟
نوره رفعت كتوفها وقالت بلا مبالاه : يعتبر ثقافه
خلود : اقووول مالت عليج انتي وثقافتج
بدور وهي ترتب أوراقها : ياهووووووووووووو علينا انتي وياها اسكتو شوي
خلود : طالعي بنت عمي شو مسويه طايحه يدام هـ الأخبار
نوره تعدل نظارتها : هـ الأخبار اللي غاثتج ترا أحسن من الفلسفه مالتج وبعدين ع الأقل تثقفين عمرج
بالقراءه ولا بشي مفيد
خلود تضحك : هـ القاصر والله ما أصدق ان في ناس تطالع أخبار بـ هالزمن
بدور ابتسمت : وأنا بعد ما كنت أصدق الا يوم شفتج نواري هههههههه
نوره ابتسمت : تعلمو مني ع الأاقل
خلود كشت عليها : يالواثقه انتي ..؟؟
نوره ابتسمت : وانتي بدوروه بعدج ما خلصتي وانتي قاعده تلملمين كل هـ الخرابيط
بدور ابتسمت : هـ الخرابيط ترا أوراق الجامعه يا بنت
نوره هزت راسها وقالت : انتي حتى يوم الجمعه كارفه عمرج ..؟؟
بدور ابتسمت : وين أنا حتى يوم الثلاثا ما اذاكر ههههههه
نوره : هي هي قولي انه تجميع الأرواق هذا مجرد مظهر
بدور هزت راسها وقالت : يب .. وانتي نوار ماشا الله اشوفج قاعده يدام هـ الأخبار والروايات ما اشوفج تراجعين ..؟؟
نوره رفعت جتوفها بلا مبالاه : اش فيها يعني .. كل ايامي مرتبه وأوكي .. ويوم الجمعه يوم ترفيهي بالنسبه لي
خلود : اونج يالمثقفه ..!!
نوره ابتسمت : صج والله يوم الجمعه ولا افتح شي بعد ..!! وبعدين يوم مخصص للروايات والأخبار والكتب
بدور : قصدج الخرابيط
نوره تعدل نظارتها : في نظرج انتي أما أنا فـ لاااااااااااااا ..!!
بدور تطالع خلود : تراها قاصه على عمرها
خلود ضحكت : أنا ما يقهرني غير البرود اللي فيها
بدور : اي والله صدق انها باااااااااارده ..!!! تقهر
نوره ابتسمت : ياهووووو تراني قاعده بينكم
بدور ابتسمت : لا تصدقين عاد نسينا
نوره ابتسمت ببرود : اقووول بعد ......!!
بدور : اقووول نوره ..؟؟
نوره : هلأأأ
بدور : ليييش ما قلتي لـ وفاء تيي ..؟؟
نوره : هذي خليها في حالها وع لوعت بـ جبدي ذاك اليوم
خلود مندمجه وتركت اللاب ويت قعدت معاهم : ليييش اش سوت ..؟
نوره : مسكت الطيطار .!!! <<<<<<<< مالت عليج ( أغصان الجنه ) ههههه
خلود وقفت منقرفه : لا تقوووووووووووووووولين
نوره : والله
بدور ضحكت : وع ع ع ع عليها وفاء
خلود : هذي من صجها الحين .. خلاااص بسوي مقاطعه ما بسلم عليها
نوره : طلبت لابي وما عطيتها والسبب انها مسكته
خلود : هذي كيف تمسكه أصلاا .!.!!
نوره : روحي ما أدري شكلها صائده حشرات ونحن ما ندري
بدور ابتسمت : اي الظاهر ههههههه
خلود : آخ خ خ بس لو أنا هناك جان عطيتها ذاك البوكس اللي يأدبها
بدور : هذا لو ما شردتي من عندهم وييتي طيران للبيت
خلود : ههههه وانتي الصاجه والله
نوره : شكلها كان مقرف الصراحه
بدور ابتسمت : وانا اقووول في خاطري وفاء العاقله
خلود تضحك : لا وين عاقله ما شفتي ذاك اليوم يوم دخل ولد عمي المطبخ تم يحط على وفاء
بدور : اي تذكرته هههههههههه
خلود : اللي يقول ان طلعن الخليجيات كلهن من نفس الطينه
بدور : اي أكيييد وبعدين هم واحد
نوره : لا فديتج اصابع يدج مو سوا
خلود : أكيييد بـ كل مكان في الزين وفي الشين
بدور : حتى بـ باريس وروما ههههههه
نوره : يبي لنا سفره والله
خلود : فلحتي ...؟؟؟
نوره : فالحه من زمان ههههه بس لااازم نسافر اش رايكم ..؟؟
بدور : لا مالي خلق
نوره : تغيرين جو ..؟؟
بدور : ما ودي والله
خلود : هي والله يبالنا سفره لأن الكل بيأجز بعد فتره
نوره : يصير خير وقتها ان شاء الله
بدور : بفكر وبشوووف جان ما صار لي ظرف
دخلت أم عبدالرحمن ترتجف ومرتبكه ..
بدور طالعت أمها تخرعت : خيييييييير يما ..؟؟
أم عبدالرحمن : أم معضد طاحت علينا في المطبخ لحقو بناااااااات
خلود صرخت : أمـــــــــــــــــــي .....!!
البنات لحقو أم عبدالرحمن وهم ينزلون عشان يشوفون اش صاير .........................؟؟؟ تحت الله يستر ..؟
/
.
/
نور مرتبكه وتطالع شوق بارتباك أكثر : اش صااااااااار ..؟؟
شوق : يدها اليمين منكسر فيها الزجاج
نور متخرعه تطالع يد الهنوف والزجاج منكسر وجارح يد الهنوف صرخت : روحي نادي أحد بسررررعه
عبدالعزيز ياي وهو يقول : الهنووووف ما صار قلااااص ماي ..!!
بس انصدم لما شاف الهنوف نايمه ع السلم وتصيح وحوالينها نور والهنوف
عبدالعزيز منصدم وتقرب بسرررعه : اش فيها ..؟؟
نور تتكلم بسرعه : وهي جايه لفوق طاحت وانكسر القلاص ويدها انجرحت منه
عبدالعزيز يطالع يد الهنوف وهو متخرع : هذي يدها اللي كسرت القلاص .. !! وايد تعورت يدها
الهنوف تصيح : يدي تعورني
عبدالعزيز وقف وبعده ما غير قال : بوديها السياره بسرررعه البسو عبيكم والحقوني
شوق : بييب عبايتها
عبدالعزيز صرخ لأنه مو وقت أسأله : أكيييييد يلا بسررررعه
نور خايفه : وخالتي
عبدالعزيز : لاحد يعلمهم خليهم نايمين .. يلا بسررررررعه
نور وشوق مشو وهم خايفين ع الهنوف وراحو لبسو عبيهم وشوق خذت عبايتها للهنوف ومشو لتحت عشان يركبون السياره
عبدالعزيز في السياره ويوم شاف الباب ينفتح قال : وحده يدام ووحده تنوم الهنوف
نور بسررعه ركبت ورا وحطت راس الهنوف عليها وشوق ركبت وهي خايفه على أختها
وعبدالعزيز شخط السياره وراح بسرررررررررعه
شوق وهي خايفه : تهقون صار فيها شي
نور : يارب لاأأ
عبدالعزيز معصب : اسكتي انتي وياها مو وقت الصياح هذا
الهنوف تصيح : بسرررعه عبدالعزيز يدي تعورني
عبدالعزيز سرع أكثر وأكثر الين ما وصلو المستشفى
شوق تطالع نور وتقول : يلا انزلي بسرررعه
عبدالعزيز راح ياب الكرسي المتحرك عشان يقعد الهنوف ودفوها الممرضات بسرررعه لـ داخل لأن يدها تنزف وايد
نور وشوق وقفو برع مع عبدالعزيز وهم خايفين
الدكتور طلع من الحجره بسرعه وقال : حـ نعمل لها خياطه
عبدالعزيز : انضرت وايد دكتور ..؟؟
الدكتور : لأأأ الحمدلله النزيف وئف بس لازم الخياطه عشان الجرح يطيب بسرررعه
عبدالعزيز هز راسه وهو يقول : سو اللي تشوفه صح
الدكتور والممرضات راحو للهنوف ونوموها ع السرير وبدو يدفونها لحجرة العمليات والعمليه مافي أسهل
منها ناجحه ناجحه باذن الله لأن مجرد خياطه مكان الجرح
نور قعدت ع الكراسي وقالت : فديتها امتحاناتها الحين ..!
شوق وهي خايفه : الله يستر
عبدالعزيز وهو يمشي : ممكن تبطلون مناحه انتي وياها
شوق طالعت نور مستغربه : اش فيه هذا
نور رفعت جتوفها : وانا اش دراني ..؟؟
بعد ربع ساعه طلع الدكتور والممرضات يدفون الهنوف للحجره ..!!
عبدالعزيز : بشر دكتور
الدكتور ابتسم : تعالو لي المكتب ..!
عبدالعزيز مشى مع الدكتور والبنات وقفو برع المكتب عشان يخلص عبدالعزيز ويروحون للهنوف
الدكتور : هيه صار لها ايه ..؟؟
عبدالعزيز : طاحت ع السلم ويدها يت ع الكاسه وانكسرت الكاسه على يدها
الدكتور حس بالألم اللي صار لها وعقد حياته : هي تعورت كتيرررر
عبدالعزيز : اي أكييد دكتور انت ما شفتها اشلون تبجي
الدكتور : آآآآه شفتها ..!! بس الحمدلله عملنا لها خياطه بسيطه وطلعنا الزجاج مع انو شويه مش كتيررر بس وئف النزيف
عبدالعزيز : الحمدلله
الدكتور : هيه حـ تبئى عندنا لمدة ساعه وبامكانكم تطلعوها بعد ساعه ان شاء الله
عبدالعزيز : انشالله
الدكتور مد له ورقه : ودي الأدويه اللي حـ تستعملها .. مضاد حيوي وكمان شوية أدويه للخياطه عشان يلتأم
مكان الجرح وما يحصلش أي التهابات
عبدالعزيز : انشالله
الدكتور : عندها موعد بعد يومين .. ودي ورئة الموعد
عبدالعزيز : مشكوووور دكتور وما تقصر والله
الدكتور : لا شكر على واجب يا ابني
ابتسم عبدالعزيز وهو يطلع : يلا نشوفك على خير
شوق طالعت عبدالعزيز : ها بشر .؟؟
عبدالعزيز ابتسم : لا بخير الحمدلله وبعد ساعه بنرجع للبيت
نور مستغربه : يعني ما بتبات هنا ..؟؟
عبدالعزيز ابتسم : هذا اذا انتي تبين تباتين ما عندي مانع
نور ابتسمت : الحمدلله يعني هي بخيررر الحين
شوق : يلا نروح لها
عبدالعزيز : بروح بصرف الدوا وبيي
نور : روحي معاه لأنه أكيييد ما يعرف يحفظ
عبدالعزيز : اي شوق تعالي أنا ما اقدر استوعب عدل الأدويه
شوق تصيح : لأأأأ بشوووف الهنوف
عبدالعزيز : انزين بوصلج وانتي نور تعالي معاي
نور هزت راسها وقالت وهي ما ودها : طيب
شوق دخلت حجرة الهنوف بعد ما كلم الممرضه عبدالعزيز وخلا شوق تدخل
عبدالعزيز وهو يمشي ويطالع الورقه : طبعا دريتي باللي صار
نور مستغربه : اش صار ..؟؟
عبدالعزيز : لييش أمي ما كلمتج ..؟؟؟
نور زاد استغرابها مع انها تعرف السالفه من يوم سمعتهم يتكلمون وبس : لأأأأ عن ايييش تكلمني .. ما بنروح لألمانيا
عبدالعزيز هز راسه وقال بدون اهتمام : لا لا .. بنرووووح
نور : شو في ..؟؟
عبدالعزيز : هه وصلنا يلا اصرفي الدوا لأني صج ما اعرف للدوا ابد
نور مستغربه من عبدالعزيز ..!! لييييش يعني يسألها وهو متضايق ومو مهتم .. أكيييد خالتي غصبته وهو ما يبيبني ..!! بس شسوي والله شسوي .. مدري الحين وش الحل
الصيدلاني : خلاااص مدام
نور مع انها ما سمعته شو يقول ولا كيف وصف الدوا بس تعرف كيف لأنها ممرضه ويكون لها خبره
بالتضميد والدوا شوي وكل هذا مر عليها
عبدالعزيز يلعب بمفتاح سيارته : مشينا
نور هزت راسها وهي تشوف الدوا : لحظه دقيقه
عبدالعزيز مستغرب : ليييش انتي ما سمعتيه شو يقول لج ..؟؟
نور : امبلا بس هذا ما ركزت عند هـ الدوا
عبدالعزيز عصب شوي : يعني شو كنتي تسوين ..؟؟
نور بدون اهتمام : انت اللي اشغلتني بسالفتك ذي .. مدري اش كنت تقول
وطالعت الصيدلاني وبدت تكلمه وبعد ما خلصت
نور : خلصت
عبدالعزيز يمشي جنبها : اشوه
نور : حرااام والله كل هالأدويه .. هذي وين بتستحمل
عبدالعزيز : لييييش ..؟؟
نور : هنوفه ضعيفه واجد حرااام تاخذ كل هـ الدوا لااازم تتغذا عدل عشان ما يأثر فيها
عبدالعزيز من ذكرت نور اسم الضعف واللياقه طالع جسم نور باستغراب أول مره ركز على هالشي .. جسم نور حلو لاهي متينه ولا ضعيفه .. متوسطه بس أوقات تضعف ..
نور استغرب وما درت هو لييش يطالع صوب اليدار وقالت : عبدالعزيز مو كن هذي الحجره
عبدالعزيز لف توه يستوعب : اي
عبدالعزيز في خاطره أول مره اكتشف انها جذي .. لا ولياقه ماشالله ..!!! عجيبه هـ النور الصراحه .. بس لييييييييييش أنا بالذت حكمو علي وغصبوني .. فيييييييه ضااااري بعد ..!!
هه اش دخل ضاري الحين .. هو اصغر مني
شوق تصرخ : عبدالعزيز منت ناوي تسلم على اختك
عبدالعزيز اش فيني ما اركز انا : امبلا بس نور تسلم
نور ابتسمت : انا سلمت وخلااااص
عبدالعزيز تقدم عن الهنوف وباس راسها وقال : الحمدلله ع السلامه
الهنوف بعدها تحت تأثير البنج بس خفيف شوي قالت وكأنها نايمه : لا بس يحاتيني هههه
نور وشوق ابتسمو ..!
عبدالعزيز : أنا بطلع شوي وانتو اقعدو معاها هـ الساعه
نور طالعت عبدالعزيز ودها تسأله عن اللي صاير بس ...!! لا لا ما بسأله وبعدين يعتقد اني أفكر فيه ومدري وشو .. احسن لي ما أعطيه أهميه وبيحلها ربي ان شاء الله
شوق : هلوووووووووووو
نور تخرعت : هلاأأ شوق ..؟؟
شوق : وانتي سرحتي ..؟؟
نور : لا سرحت ولاشي
شوق : من ساعه أناديج ما تسمعين
نور : لا بس كنت أفكر بوصف الدوا
شوق : اي اي علي أنا ..! أقووول اللي ماخذ عقلج يتهنا به
نور ابتسمت وقالت : محد ماخذ عقلي غيرج
شوق ضحكت وهي تقول للهنوف : شفتي هنوفه معجبيني اكثرو
نور ابتسمت : مالت عليك ياللي ماخذه بنفسك مقلب
شوق : لا لا ولا كأنها قبل شوي تمدحني
نور : ما عاد أمدحك خلاااص يلا اقلبي وجهك
الهنوف تضحك وهي تقول : اسكتو شوي لأني صدق أحس روحي بنام
شوق : نامي على هـ الساعه تخلص على خير ان شاء الله
الهنوف : الله يعيني من محاضرات أمي
نور ابتسمت : لا ما عليك بنتوسط لك انتي غاليه
الهنوف ابتسمت : كله من عزوز يوميا مااي وماااي .. ولا ضاري الهنووف تعالي خذي الكندوره من ع
السرير ووديها لـ غرفة الغسيل ولا عبووود كل شي بري لي القلم وبري لي القلم ..
شوق : اعوووذ بالله كل هذا حاقده .. خلااص بخبرهم
نور ابتسمت : مب حاقده أكثر منك يالدبه
شوق ابتسمت وقالت : اقووول نووورووه اسكتي لأني صدق بدوووس في بطنج الحين
نور ابتسمت وهي تقووول : لا يكثر بس يا حبيبتي انتي البسي شيلتك عدل لأن الدكتور بأي لحظه بيدخل
الهنوف : اي لبسي شيلتج يلا
نور : وانتي بعد ..؟؟
الهنوف ببراءه : لأأأ أنا عادي
نور : لا والله ومن متى ..؟؟
الهنوف : لأنه دكتوري
نور بسخريه : دكتورك يعني محرمك ..؟؟
الهنوف : نوعا ما
نور : ان ما لبستي الشيله بـ هالنعال على راسك
شوق تضحك : ماشي عقال هههههههه
نور ابتسمت : قالت محرمها قالت .. اقووول اسكتو لأني صدق بديت أصدع من النوم
/
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك