رواية حلم الطفولة -3
الفصل الخامس عشر
في بيت صالح بعد العصر
صالح: بكرا إن شاء الله نبي نروح الرياض نحضر ملكة رغد بنت احمد ومنها نجيب اغراض رمضان مره وحده
منيرة: وهم ليش مستعجلين على الملكة ليش ماخلوها بعد رمضان
صالح : نواره
نواره طالعة من المطبخ : سم يبه
صالح : روحي غرفة جدتك وطلعي لها ملابس وحطيهن بشنطة
نواره : من عيوني
منيرة :إلا خالتي من صدقها تبي تقعد رمضان عند فهد
صالح : فهد طلبها وما بغت تزعله
نواره وهي ترتب اغراض جدتها : والله لو على كيفي كان مارحت لكن وش اسوي مالي رأي
بس لازم احاول ابين لهم انه ماهمني وابي اكشخ واحط ملح بعيونهم .
طبعا نواره قدرت تتغلب على كل شيء لان طبيعتها قوية ومرحة
حمود: نواره
نواره : عيون نواره وش تبي
حمود : ابي كيك من اللي صلحتي
نواره : تعال اعطيك
نواره راحت للمطبخ واعطت حمود كيك بعدين راحت لغرفتها وافتحت دولاب ملابسها وطلعت فستان ليلكي
ولبسته كان عاري بدون سيور ومخصر على جسمها له ذيل طويل شوي وكان معطيها بياض زيادة على بياضها
نواره: راح البس هذا بكرا ان شاء الله
بدلت ملابسها ونادت اخوها سعد
سعد: نعم
نواره: سعد حبيبي رح لبيت مطلق وقل لمريم تجيني ابيها ضروري
سعد: طيب
بعد ساعة في غرفة نواره
مربم: لا حرام عليك يانواره
نواره: اقول قصية لتحت كتوفي شوي
مريم: بس
نواره: لابس ولا شيء بسرعة اخلصي علي
مريم : امري لله
وقصت شعر نواره لتحت كتوفها
من بكرا في قصر فهد الساعة 9 الصبح
صالح يسلم على اخوه فهد
ومنيرة ونواره بمجلس الحريم
طبعا نواره ماتحركت من مكانها من جت
ريما :نواره ليش قاعدة هنا روحي عند البنات بغرفة لينا
نواره : لاما يحتاج
على دخلة روان عليهم
روان ماسكة يد نواره : اقول بلا سخافة تعالي معي
نواره راحت معها وهي ميته حرج وصعدت الدرج مع روان وحست بإنقباض بالصدر لما تذكرت
الاحداث اللي مرت بها وخصوصا لما شافت باب غرفة راكان
دخلت مع روان غرفة لينا وكانت حوسة من الاغراض
لينا : نواره ترا الكوافيرة راح تجي الساعة 2
نواره: انا ماراح اتزين عندها
لينا : اقول بلا كثرة حكي انا دافعة لك من زمان
نواره : بس
قاطعتها لينا : وش بسه خلاص
روان :ههههههههههههههههه والله شديدة عمتي
الساعة 5 العصر كانت الكوافيرة قاعدة تزين روان ونواره كانت خالصة وكانت طالعة خيال بالفستان والمكياج
لينا : تدرين نواره ماتخيلتك تقصين شعرك ابد
نواره :وهي واقفة تحرك شعرها يمين وشمال وعبايتها بيدها : استني على اصلا انا ناوية بعد اسوي بوي
لينا ـ روان : لالا حرام عليك
نواره :ههههههه
ماحست إلا والباب ينفتح التفتت بسرعة إلا الشخص اللي كانت تخاف تشوفه وعينها بعينه
هنا نواره خافت وتخبت ورا الباب
راكان طلع من الغرفة بسرعة وهو ييفكر بنفسه ( معقولة كل هالجمال ما كنت شايفه وش فيني انا مدري اشفق عليهااو اني احبها كل ماسعت اسمها احس حرارة بجسمي والحين لما شفتها احس بركان بصدري الظاهر انك طحت ياولد وماحد سمى عليك)
في القـــــــــــــــــــــــــــــــــــــــــــــــ اعة
منى : رهف شوفي القروية كاشخة
رهف : وع عليها ماهي احلى مني
لما : بصراحة ماتستحي وشلون تجي عندهم وراكان مطلقها
لينا : سلام بنات
البنات : وعليكم السلام
نواره: السلام
لما ـ رهف ـ منى من غير نفس : اهلين
لما بكل وقاحة: إلا نواره ليش طردوك من الجامعة
نواره وفهمت عليها: ومن قال لك انهم طردوني
لما : سمعت
نواره : صححي معلوماتك انا تركت الجامعة
لما / اهاا
روان : نواره
نواره: هلا
روان : روحي لجدتي تبيك بالملحق الخارجي ( الملحق الخارجي من الجهة الثانية اقرب للحريم من الرجال)
تقول تعالي طلعي لها دواء السكر
نواره : طيب
وطلعت نواره للملحق
ام صالح: نواره والله راسي يوجعني احس السكر مرتفع
نواره : لحظة ابي اقيسه لك
عند الرجــــــــــــــــــــــــــــــــــــــــــال
ناصر : ودي اسلم على جدتي من زمان عنها
بدر: حتى انا ودي اشوفها
راكان : خلاص نخليها تطلع للملحق الخارجي ونروح لها سوالفها توسع الصدر
راكان : سعد
سعد: نعم
راكان : رح شف جدتي خلها تطلع للملحق
سعد : اصلا هي منسدحة هناك
راكان: عندها احد
سعد : لا
طلع راكان وبدر وناصر وراحو للملحق............................................ .
انتهى البـــــــــــــــــــــــــارت
مساء الخير
اشكر لكم مروركم العطر
اعزائي احب ان ابين لكم ملاحظة بسيطة وهي ان الاشعار التي سوف ترد في هذه الرواية هي اشعار قديمة سمعتها من جدتي او والدي او من الاصدقاء وهي لشعراء معروفين لكن لا استحضر اسمائهم الان
الفصل الســـــــــــــــــــــــــــــــــــــــــــــاد س عشر
طلع راكان وبدر وناصر للملحق اول ما دخلو انصدمو بالبنت اللي قاعدة عند جدتهم وتضحك وتقول خلاص ياجدتي نبي نزوجك وراح ارقص بعرسك ههههههه الظاهر انك غيرانه من العرايس
ناصر فاتح عيونه على كبرها
وبدر نزل راسه على طول
اما راكان فكان يحس بنار داخل صدره وهو يشوفها اليوم للمره الثانية واللي زاد عليه ان ناصر وبدر شافوها بعد
راكان باللحظة هذي تمنى انه يذبح نواره وخصوصا ان كتوفها وصدرها كان باين
هنا نواره لما شافتهم شهقت ووقفت وحطت يدينها على وجهها ونزلت راسها لينزل شعرها الحرير مثل الشلال على وجهها
راكان بعصبية ماخفت على احد فسخ شماغة ورماه على نواره اللي ماكذبت خبر اخذت الشماغ وغطت نفسها وطلعت من الملحق ولما دخلت قسم الحريم شالت الشماغ حتى ماحد يشوفه واعطته احمد ولد ريما وقالت له حبيبي
اعط هذا خالك راكان.بالملحق
احمد راح يركض للملحق واعطاه راكان اللي لبس شماغه ولاحظ فيه ريحة عطر نسائي واضحة
بعد انتهــــــــــــــــــــــــــــــــــــــــــــــ ـــــــــــاء الملكة
صالح ومنيرة راحو للبيت من بدري وطلب من محمد يجيب نواره مع البنات
محمد داخل قسم الحريم ومعاه تركي وراكان
محمد: خلاص انا ابي اخذ البنات للبيت والحقكم للاستراحة
راكان : لا انا ارجعهن وانت وتركي روحو للاستراحة لاني ابي غرض من البيت
محمد: خلاص مع السلامة
راكان بسيارتة يدق على لينا
لينا : الو
راكان : بسرعة اطلعو انا برا
لينا : خلاص طالعين
بعد خمس دقائق طلعت لينا وروان ومعاهم وحده
راكان استغرب من هذي اللي معاهم
لينا فتحت الباب اللي قدام وهي تقول يالله عاد بلا دلع اركبي ترا راكان ما يأكل
راكان التفت عليها بإستغراب: وش عندك
لينا : لا بس هذي نواره عيت تطلع معنا والقاعة فاضية مافيها احد
نواره ركبت وهي ميته من الاحراج ركبت ورا لينا وروان ورا راكان
راكان ابتسم لما عرف انها نواره مايدري ليش وقال بخبث: كيف حالك يابنت العم
نواره بهمس وهي مقهوره منه : الحمد لله ( وفي نفسها : وش يحس به هذا صدق ما يستحي)
وحرك راكان السيارة واول ماوصلو للقصر نزلن البنات ونواره من الفشلة سكرت الباب على طرف عبايتها والبنات
ما انتبهو دخلو بسرعة والابواب كانت مأمنه
نواره بغت تموت مكانها راكان انتيه نزل من مكانه وراح عند نواره وقف وطالع فيها
وقال بخبث : يعني مسويه هالحركة تبين تشوفيني
نواره بعصبية : اقول افتح الباب بلا ثقل دم .
راكان : بعد لسانك طويل
نواره: منكم نستفيد
راكان مسك معصم نواره بقوه وقال وكانت ملامحة جاده : مره ثانية اذا كنتي ناويه تطلعين مكان تستري
نواره بعصبية: ليش وش شايفني
راكان ابتسم لها وفتح الباب وهو يقول : وش اخبار قلبك
نواره وهي تمشي : ماهو شغلك
راكان رجع ركب السيارة وحط راسه على المرتبه وهو يشم ريحة عطرها بشماغه: معقولة ياراكان نواره
اثرت بك وانت اللي ماكنت تشوفها شيء.
وطلع جواله وكتب لها مسج
( [لي بنت عم ماوطت درب الادناس **** ولادنست يوم النساء يدنسني
ضربتها وانا احسب الضرب نوماس **** طلقتها يوم افخت العقل مني
ياناس كيف العين تبكي على ناس *** وكيف العيون بلا رمد يسهرني
لو ينشكي حبي على ذيب لاخماس *** يسرح مع الطليان مايجفلني
ولو ينشكي حبي على طير قرناس *** اضحى الضحى بمويكره مستكني
ولو ينشكي حبي على قب الافراس **** عين نهار الكون لايفزعني)
نواره وهي عند البنات بغرفة لينا سوالف وضحك وهي ماكانت معهم اول ماسمعت نغمة المسج فتحت عيونها على كبرها وهي تقراه
لينا : نواره وش عندك
نواره: هاه ايه هذي مريم خويتي تبي طريقة حلا لحظة ابي ارسلها لها
نواره ارسلت لراكان مسج وكتبت فيه ( تــركــت الــهــوى وارتــــاح بــالـي
خــلاص الـحـب مــا يـطـري عـلـيّه
نسيت اللي مضى واللي جرا لي
خلاص من الهوى نفسي غنيه
و أريـــح خــاطـري ويــرتـاح بــالـي
أنــــام الـلـيـل و الـعـيـشة هـنـيـه
ألا يــا صــاحــبـي دوّر بـــدالــي
خــلاص الـنـفس مــن حـبـك بـريّه
خـلاص الـيـوم لي مــاعــدت غـالـي
هــذيــك أول ســنـيـن الـجـاهـليه
)
راكان استلم المسج وقال وهو يمسح على شعره بيده هين يابنت عمي انا ماعدت غالي
وحرك رايح للاستراحة
مساء الخير والاحساس والطيبه
الفصل الســـــــــــــــــــــابع عشر
في اول يوم من رمضان العصر في بيت صالح نواره حايسه بالمطبخ ومعاها منيرة
منيرة : نواره لاتنسين تحطين ملح على الشوربة
نواره : تخيلي عاد ياخالة لو انسى الملح
منيرة : والله ابوك يحوس مريرتنا انا وانت
نواره: هههههههه
في المسثشفــــــــــــــى
راكان جالس في غرفة الكشف ومريض داخل ومريض طالع وبعد انتهاء دوامه على نهاية العصر وهو ناوي
يطلع فجأة دخل عليه ناصر
ناصر : السلام عليكم
راكان: هلا والله وعليكم السلام
وجلسو يسولفون ناصر: على فكرة بغيت اسألك عن شيء
راكان: تفضل
ناصر: تذكر يوم الملكة
راكان: وش فيه
ناصر: بصراحة البنت اللي كانت عند جدتي ودي اعرف من هي
هنا راكان حس بنوع من القهر : ليش طيب تبي تعرفها
ناصر: بصراحة جايزتن لي
راكان : اقول اخلص تعال افطر عندنا الفطور مابقى عليه شيء
ناصر: يالله دام فيها فطور مع ام صالح ماهي شينه
وطلعو من المستشفى على قصر فهد
في بيت صــــــــــــــــــالح بعد التراويح
مريم : هيه انت يالخبلة وش بلاك حطيتي حرتك بشعرك
نواره : احس القصير حلو علي
مريم :ماراح المسه
نواره بترجي :تكفين مالي غيرك بس قصيه تحت كتوفي شوي
مريم: شوفي يهبل وهو لنص ظهرك
نواره : مرايم تكفين عاد بلا دلع
مريم: طيب ليش ما تروحين للمشغل يظبطونه احسن مني
نواره : يمه تبين ابوي يذبحني
مريم : ليش
نواره : قبل كم يوم قلت لخالتي منيرة تقول له اروح انا وهي نصبغ شعورنا الله لايوريك غسل شراعها وقالي وانت تتزينين لمين
مريم : خلاص خلاص تعالي كسرتي خاطري
قبل العـيــــــــــــــــــــــــــــــــــد بيومين
في قصر فهد
في غرفة لينا
روان: يالله ياعروس من قدك عرسك بعد ثلاث ايام
لينا : الحمد لله وافتك من البزران
روان: مالك غنى عن البزران
لينا:ههههههههه
في الصالة بعد المغرب
فهد وام صالح وفوزية ومحمد وراكان وهند جالسين
فهد : بكرا صالح وعياله راح يجون يقعدون عندنا
فوزية بهمس : اف الله يعين على منيرة
ام صالح:اي والله انا مشتاقة لصالح وعياله
محمد بضحك : إلاجدتي وش رايك نزوجك مع لينا بليلة وحده
ام صالح بحرج: الله يقطع ابليسك
راكان: اخاف تسوي مثل رقية اللي بطاش
الكل :هههههههههههههه
ام صالح : انا مدري وش سالفتك يامحمد انت وبنت صالح ماسكين علي سالفة العرس
احد شكا لكم من العزوبية
الكل :ههههههه
من بكرا صالح جا مع عياله عند فهد
بعد المغرب ام صالح : الحمد لله بلغنا رمضان بكرا يمكن آخر يوم
فهد: الله يتقبل منا الصيام والقيام
صالح: يمه بعد العيد وحوسة العرس ان شاء الله ترجعين لبيتك
فهد: وهذا بيتها بعد
ام صالح : الله يخليكم لي
احمد: لا وشو ترجع معك اسمح لي يأبو محمد انا ابي امي تقعد عندي
صالح: خلاص خلاص تكلم القعدة من يقدر يسكته
الكل :ههههههههههههه
عند البنات نواره كانت ساكته وما تكلمت بإي كلمه
ولينا وروان سوالف وضحك
لبنا: نواره فيك شيء
نواره : شوي تعبانه
روان :تيبن المستشفى
نواره :وش دعوه مستشفى بس صداع خفيف من السهر
( طبعا السالفة ماهي صداع وبس لكن نواره كان قلبها يوجعها بسبب الصيام والتعب بالبيت)
راون : اهاا
يوم العيــــــــــــــــــــــــــــــــــــــــــــــ ــــــــــــــــــــــــد
الفجر في غرفة روان
نواره: يالله ياروان اخلصي
روان بالحمام : روحي خذي شاور بحمام لينا انا توي ماخلصت
نواره : طيب يالدبة
طلعت نواره من غرفة روان اللي كانت قريبة لغرفة راكان وكانت لابسة بجامة وردية عليها قلوب حمر
وهي طالعة شافت راكان يبي يدخل غرفته وعليه بنطلون اسود وقميص اسود فاتح ازرة قميصة
واكمامه وباين عليه انه ناوي يبدل ملابسة
راكان اول ما لمح نواره راح لها هي خافت وحطت يدينها على وجهها
راكان قرب نها اكثرو اكثر نواره صارت ترجف وماقدرت تحرك خصوصا ان راكان حشرها بالزاوية
اللي عند غرفة روانوكان حاط يدينه على الجدار وصار وجهة نواره قريب مره من صدر راكان حتى ان راكان صار يشم ريحة
عطرها اللي دوخته هذاك اليوم
راكان وعلى وجهه ابتسامه : وش مطلعك كذا تبين تشوفين احد
نواره:...................
راكان : ادري انك ماراح تردين علي
انتهى البـــــــــــــــــــــــــــــــــــــــــــــــ ــــــــــــــارت
وش تتوقعون يصير بين نواره وراكان
نقل فؤادك حيث شئت من الهوى
ما الحب إلا للحبيب الأول
كم منزل في الأرض يعشقه الفتى
و حنينه أبدا لأول منزل
عشقي السعودية
الفصل الثامن عشـــــــــــــــــــــــــــــــــــــر
راكان : ادري ماراح تردين على
نواره بغضب: إلا راح ارد عليك انت مصدق نفسك تحسب نفسك مين يعني يأخي اول كنت عميا والحين فتحت صدق انه ماكان عندي ذوق وبعدين وخر عني.
راكان بسخرية : إذا كنتي صادقة باللي تقولينه عيدي هالكلام وانت حاطه عينك بعيني
نواره وعيونها غرقت دموع : انت ماتفهم انت غبي ابعد عني اكرهك.
راكان بحده: هين يابنت عمي أن ماربيتك ما أكون ولد فهد
قال كلمته وراح دخل غرفته
نواره راحت غرفة لينا وحاولت مايبين عليها شيء اخذت شاور ولبست ملابس العيد وهي عبارة عن
تنوره لنصف الساق لونها اورنج وبلوزة لونها اخضر وبوت بنفس لون البلوزة طبعا الجو كان بارد
وحطت مكياج خفيف وحررت شعرها الاسود الحرير اللي قصته قبل العيد لتحت كتوفها
ولينا سوت شعرها كيرلي ولبست تنورة جنزتحت الركبة شوي وبلوزة وردي وطالعة شيء وروان لابسة تنورة
تحت الركبة زهري وبلوزة موف فاتح وطالعة روعة البنات نازلين لمجلس الحريم
الكل مجتمع هناك يبارك بالعيد
فوزية ومنيرة وهند وريما ونورة ورغد ونوف ورهف ومنى وبدرية وحلا ولما ومجموعة حريم من الجيران
دخلو البنات عليهم وسلمو وبدت المعايدات والسوالف
عشر دقايق بعدين حست نواره انها متضايقة حيل طلعت وراحت تبي تطلع فوق ترتاح شوي وهي طالعة الدرج
ماسكة الدربزين بيد وحاطه يدها الثانية على صدرها وكانت منزلة راسها للارض وهي تمشي
وماهي منتبهه إلا وهي تضرب بشخص واقف عند نهاية الدرج بغت تطيح لكن هالشخص
حط يده ورا ظهرها وضمها لصدره رفعت راسها إلا وتشوف راكان بالثوب الاسود والغترة البيضاء
طالع ملك جمال وريحة العطر والعود معبية المكان نواره بحرج حاولت تفك نفسهها
من راكان لكن راكان كان اقوى منها سحبها ودخلها غرفة روان
راكان حس انها تعبانة : نواره تحسين بشيء
نواره وهي ميتة من الحرج والخوف ومنزلة راسها للارض: لا مافيني شيء
راكان : لكن وجهك يقول غير كذا
نواره:.......................
راكان : تعالي اوديك المستشفى
نواره: لالا ما يحتاج
راكان : طيب عطيني يدك اشوف لك النبض
مدت نواره يدها وهي ترجف وشاف النبض
راكان حس برجفتها وكان ما وده يترك يدها قال لها بعطف: نواره لاتجهدي نفسك كثير ارتاحي
نواره وهي خلاص تعبانه : طيب
بعدها طلع راكان من الغرفة وريحة عوده وعطره عبت المكان
نواره رمت نفسها على سرير روان ونامت من التعب
انتهى البـــــــــــــــــــارت
صباح الخيررررررررررر
اليوم راح انزل لكم بارتين
الفصل التاسع عشر
يوم زواج لينا وتركي
بيت احمــــــــــــد
خالد : ريما بسرعة اخلصي
ريما : خلاص جهزت
خالد : لاتنسين شيء ترا ما اقدر ارجع
ريما : لا يا عمري لاتخاف مانسيت شيء
نورة : ريما لاتنسين تدقين على محلات الحلى وتأكدين عليهم لاينسون الاهداءات
ريما : من عيوني ياخالتي
رغد: يا الله انا ابي اروح للمشغل تبين شيء يمه قبل اطلع
نورة : سلامتك
في قصــــــــــــــــــــــــــــــــــــــر فهد
الكل محتاس ويجهز والكوافيرة عند لينا من الصبح تسوي لها حمام مغربي وواكس
وروان بالمشغل من الساعة 10 الصبح
نواره كانت نايمة بغرفة روان ماسوت شيء
بعد المغرب قامت نواره وتوضت وصلت
نواره : شكلي ماني قادرة احضر العرس احس اني تعبانة مره لكن لازم اقاوم شوي .
قامت نواره واخذت لها شاور حتى تتنشط بعدين طلعت فستان اسود حرير مخصر على جسمها وله ذيل طويل
وعاري بدون سيور يبين نصف صدرها وظهرها وفيه كرستالات ناعمة على الصدر
لبست الفستان وطلعت الاستشوار وجففت شعرها ماكان يحتاج استشوار لانه ناعم مره وكثير
حطت مكياج وطلعت خيال وحررت شعرها وكان شعرها لتحت كتوفها وكله قطعة وحدة
طبعا الفستان كان مخصر على جسمها مخليها كأنها الاميرة بياض الثلج
طلعت وراحت للصالة كان الوقت لما خلصت بعد العشاء صلت العشاء بالصالة وكانت الصالة فاضية
ما شافت احد راحت سألت الشغالة قالت لها كلهم راحو من العصر مافيه احد
نواره : يا ربي وانا من يودني الحين على طلعتها من المطبخ شافت اثنين واقفين بالصالة راكان ومعه
واحد
طبعا اللي كان مع راكان هو ناصر ولد خالته
ناصر بدون شعور فاتح عيونه على كبرها وهو يشوف هالجمال قدامه
راكان انتبه له وقال بعصبية لنواره: انت ماتعرفين ان البيت مليان رجال عشان تمشين
كذا اذلفي تغطي
نواره راحت تركض بسرعة فوق
ناصر : ياخي هذي صاروخ بالزين
راكان : اقول اسكت احسن لك
ناصر : با الله من هذي اشوفك حيل طاق الميانة معها
راكان : هذي خطيبتي
ناصر : ماني خابرك خاطب
راكان : هذي بنت عمي وخطيبتي
ناصر : اها عشان كذا الاخ زعلان
ناصر بخبث : خلاص اجل انا راح اسبقك للعرس وانت رح تفاهم مع خطيبتك.
وطلع ناصر بدون لاينتظر رد من راكان
راكان راح فوق وطق الباب على غرفة روان .
نواره بخوف : نعم
انتهى البـــــــــــــــــــــــــــــــــارت
الفصل العشــــــــــــــــــــــــــــــرون
راكان : انا راكان
نواره خذت الجلال وتغطت
راكان فتح الباب ودخل
راكان بحده : وش عندك مارحتي مع اللي راحوا
نواره : كنت نايمه وما قعدت إلا بعد ماراحوا
راكان : يا الله تعالي انا اوديك
نواره : لا ماهو لازم ما ابغى اروح
راكان : من استشارك اصلا هذا أمر
نواره: أمر وبأي صفة تأمرني انت مالك شغل فيني
راكان شكلك ما تفهمين إلا ( ويأشر على عقاله)
نواره : لو فيك خير ماقعدت تتمرجل على حرمة
راكان بعصبية : اقصري الشر احسن لك وانا تحت بالسيارة وتحملي ماتجين
وطلع وتركها
هنا نواره خافت لانها تعرف إذا صار شيء كلهم راح يحطونها الغلطانة
بعد عشر دقايق نزلت نواره وفتحت باب سيارة راكان الخلفي وركبت
راكان التفت عليها وناظرها بنظرة حادة وقال : وين وين سواق عندك تعالي قدام
نواره : انت وش فيك شارب شيء
راكان ضرب الدريكسون بقوة وعصبية : اقول تعالي احسن لك
نواره خافت ونزلت وركبت قدام
نواره طول الطريق ساكته وراكان باين عليه العصبية كان ماسك الدريكسون بقوة
لما وصلو لباب القاعة نزلت نواره بسرعة وبدون لاتسكر الباب
دخلت القاعة وراحت للحمامات وعدلت شكلها وطلعت
منى : شوفي من جاء
رهف : الهانم مصدقه نفسها تبي تطبق القاعدة اللي تقول من يأتي متأخرا يخطف الاضواء
لما كانت تشرب عصير شرقت وقالت: وع اما تخطف الاضواء هالقروية
رغد :حرام عليكم والله انها روعة
في مكــــــــــــــــــــــــــــــــــــان الرجال
راكان دخل وسلم بعدين راح قعد عند عمه صالح وكان برأسه مواال
راكان :عمي طلبتك
صالح: افا ياولدي انت تأمر ماتطلب
راكان : ابي نواره
صالح : لوهي ذبيحة ما عشتك
راكان بيوس راس عمه : تسلم ياعمي
راكان : ابي املك الليلة واخذها
صالح : ابشر بس اخاف نطلع متأخرين
راكان : لاتخاف نطلع الساعة 9 نملك وارجعك للقاعة مرة ثانية
صالح : صار
على الساعة 8:50 راكان يتصل على ريما
ريما : الو
راكان:هلا ريما
ريما: هلابك
راكان: ريما عمي صالح يبغى نواره تطلع له برا الحين السيارة واقفة عند مدخل الحريم قولي لها
تطلع بسرعة ترا عمي معصب
ريما : خلاص الحين اقولها
ريما راحت لنواره وقالت لها كلام راكان
نواره خافت وقالت بنفسها : اكيد راكان علم ابوي باللي صار ياربي انا خبلة وش ابي فيه
نواره لبست عبايتها وطلعت برا لقت سيارة راكان واقفة عند الباب وقدام راكان وابوها
فتحت الباب وركبت ورا انصدمت يوم شافت ابوها يسولف مع راكان ويضحك
هي توقعت ابوها يكون معصب
ربع ساعة ووقف راكان عند باب القصر ووقفت وراهم سيارة فيها ثلاث رجال
واحد عرفته نواره وهو محمد اخو راكان والثاني رجال شكله مطوع ومعاه دفتر كبير والثالث
ما عرفته لكن فيه كثير من عمها احمد
نواره دخلت القصر وقال لها ابوها تقعد بالصالة وراح للجهة الثانية ناحية مجلس الرجال
طبعا اللي في السيارة الثانية كانوا محمد اخو راكان وخالد زوج ريما والشيخ
نواره قاعدة بالصالة حتى عبايتها ما شالتها ماتدري وش السالفة شوي إلا ابوها داخل عليها ومعاه الدفتر
يقول وقعي
نواره :وشو هذا
صالح : بسرعة اخلصي علي
نواره خذت الدفتر وعرفت انه عقد قرانها على راكان
نواره: يبه انا ما ابي راكان
صالح بعصبيية: وقعي بسرعة وإلا والله لاذبحك
نواره تبكي : يبه حرام عليك
صالح بعصبية اكثر : قسم با الله ان ما وقعتي مايصير لك خير
نواره وقعت وهي منهاره
صالح اخذ الدفتر وراح للمجلس بعد عشر دقايق دخل صالح وراكان على نواره بالصالة
صالح : مبروك ياولدي
صالح يوجه كلامه لنواره: انتبهي تزعلين ولد عمك ترا لو يجيني خبر انك مزعلته والله ثم والله
مايفكك مني احد
نواره بنفسها ( هذا بدل ماتوصيه علي بصراحة تستحق جايزة على هالابوة)
صالح: يا الله ياولدي انا ابي اروح مع محمد وخالد للقاعة مع السلامة
راكان : مع السلامة
طلع صالح وترك راكان مع نواره لحالهم بالصالة
نواره كانت متغطية مادرت إلا وراكان يسحب الشيلة من راسها ويسحب عبايتها منها بقوة
نواره : هيه انت وش تسوي
راكان ببرود: اولا انا اسمي راكان تأدبي وانت تكلميني
ثانيا تعالي معي فوق
نواره : لا
راكان مسك يدها بقوت نواره حاولت تسحب يدها ماقدرت دخلها راكان الغرفة وقفل الباب
راكان : هاه ياحلوة ليه تبكين الحين
نواره:..................................
راكان: كأنك زعلانه
نواره : راكان ليه تسوي بي كذا حررام عليك
راكان : وانت لما اتهمتيني ماكان حرام عليك
نواره: راكان انا ادري اني اخطيت لكن خلاص خذيت حقي
راكان : بس انا ماخذيت حقي
نواره وبدت ترجف
شوي إلا ويدق جوال راكان
راكان :هلا والله
ناصر: سويته يعني
راكان حطه على السبيكر وصوت الرجال والعرضة واضحة
راكان : هههههههه شفت وشلون
ناصر : كل اللي عندي يدرون انتشر الخبر يا الله عاد اخليك يامعرس الغفلة
سي يو
راكان : ههههه مع السلامة
راكان يكلم نواره: هاه نوارتي سمعتي الحين كلن مستانس وفرحان لنا وانت قاعدة عندي ترجفين وصار يقرب منها
نواره خافت وقامت تبي تهرب لفرغة الملابس لكن ركان مسكها وضمها بقوة
نواره وهي ترجف بقوة : تكفى اتركني
راكان : انا قلت لك ماخذيت حقي
نواره : ابوس رجلك اتركني
راكان بسخرية : اول مره اشوف عروس لابسه ثوب اسود ليلة عرسها
راكان قرب من نواره وحط يدينه على صدرها وقطع ثوبها نصفين ورماها على السرير
نواره صارت تشهق بقوة وهي تبكي
انتهى البارت
مســــــــــــــــــــــــــــــــــــــــــــــــ ـاء الخير
يا زمان الذل.. زل..
ما بقى في الناس شيمه
وما بقى للعدل خِل
ومن كثر ما حنا صغرنا
صرنا حتى بدون ظِل
صرنا ما نملا المحِل
الفصـــــــــــل الحادي والعشرون
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك