رواية خليجيات في الامارات -32
ميره : بنتأخر انتي اش فيج ..؟؟؟
بدور : حراااام ميرووووه حياااتي والله .. حرااام يلا
ميره هزت راسها وهي مشغوله : انزييين بس بسرعه عشان الساعه 12 الظهر بنطلع
بدور : واي فدييييييييييييييييييييييييتج أختي
ميره ابتسمت : يلا بسرررعه عجلي
بدور : ان شاء الله خيتي
ميره : جهزتي أغراضج كلها ..؟
بدور : اي أنا خلاص جاهزه حتى لما ارجع من الجامعه بركب السياره عشان نطلع
ميره : يلا بسررعه روحي
بدور : لا توعين ريلج بروح مع رفيجتي
ميره : أوكي
بدور تطالع حمدان واقف يطالعها قالت : نعم ...................؟؟؟
حمدان حاط يده في حلجه : بيي معاج
بدور هزت راسها وقالت : بلا شووووووووووو
حمدان : بيي معاج
بدور : في الجامعه بس بنات عيب ما ييون الأولاد
حمدان يصيح : حرام بييي معاج قطر
بدور : باباتي بروح الكليه الظهر بنروح قطر ان شاء الله
حمدان : بييي معاج بدور حرام
بدور : صرعتنا بصوتك هذا .. اربع وعشرين ساعه لق لق لق وتصيييييييييييييييح ..
حمدان : وديني
بدور سوت له طاف وطلعت
ميره طالعت حمدان وقالت : شنسوي خالتك بعد هبله مثلك
حمدان يصرخ : انتي أهبله لا تقولين لي
ميره تضحك وتقول : انزين انزين اسكت خلاااااص
حمدان يبتسم : بنروح عند يديده
ميره : هي حبيبي
حمدان : بروح بطلع لها لعبتي
ميره ضحكت وقالت : شوي شوي عن تقوم ابوك ترا ورانا درب وعرس
حمدان ابتسم وهي يروح لحجرة العابه
/
.
/
شوق وهي تاكل : ليييش متى امتحاناتك
ضاري : بشهر خمسه
شوق مستغربه : غريبه ..!
ضاري : ليييش
شوق : اذكر زمان امتحانات الثانويه تكون بشهر سته أو سبعه
ضاري : اي قبل الثانويه يمتحنون أخر شي بس الحين لأأ مع الباجي
شوق : احسن تفتكون
نور : بس الامتحانات بنهاية خمسه صح ..!
ضاري : اي
عبدالله يطالع أمه ويقول : متى أكبر وافتك
أم عبدالعزيز : لييش يا يبا ...؟؟
عبدالله : افتك من المدرسه
أم عبدالعزيز : اش هالكلام يا ولدي
عبدالله : اي والله
نور : الحين انت اذا ما درست بكره بتشغل سواق ولا فراش وبتهلك أكثر من الحين .. أما اذا درست بعد الدراسه بتتوظف بمكتب ضخم وراحه وغير كذا دخلك يكون أكثر
عبدالله : بدت الفيلسوفه
شوق : اي صدقها
عبدالله : وأنا مابي
نور : لما تكبر بتتذكر كلامي ههههه
الهنوف : يلا مع السلامه .. باصنا وصل
الكل : مع السلامه
عبدالله وقف : وانا بعد بروح
ضاري سحبه وقال : اقووول كمل أكلك أحسن لك من المغازل
عبدالله طالع الأكل وقال : اوووف متى نفتك
نور : خالتي هالولد طالع على من ..؟؟
أم عبدالعزيز تضحك : والله مدري طالع على منو بهباله هذا
نور : ليكووون لما كنا صغار كذا مشاغبين .؟؟
أم عبدالعزيز : لا وين انتو كنتو ملائكه مب هذيل أعوذ بالله شياطين
عبدالله كشر : يعني أنا شيطان ...!
أم عبدالعزيز ضحكت : عاد مب تزعل وتصير مثل الهنوف دلوع ترا الدلع للبنات بس
عبدالله ضحك وقال : هههههههه اليوم بقول لها انج قلتي جذي عنها بتشتغل مناحه لين باجر
ضاري : هاللي فالح فيه انت
نور : شوق يلا بنتأخر
شوق وقفت : اي بدور بتسافر اليوم
أم عبدالعزيز : سلمو عليها وخل تسلم ع الأأهل
نور : يوصل خالتي
شوق : يلا مع السلامه
الكل : مع السلامه
/
.
/
اريج وهي تطالع شكلها في المرايه
أم اريج : اريج .. يما اريج
اريج طلعت : نعم أمي ...!
أم اريج : تأخرتي يلا انزلي بسرررعه
اريج هزت راسها ان شاء الله بس البس
أم اريج : وايد تأخرتي ..؟؟
اريج ابتسمت وقالت : خلاااص أمي بنزل الحين
اريج تدخل الحجره وتطلع الكحل والقلوس وتحط منه
يعني بشوفك اليوم ولا لأأأأ ..!! ياربي يامحمد والله انك انسان عجيب .. ومحترم الصراحه وغير عن الباقي ..
ياربي اش هالتفكير .. أحس روحي أتقرب منه هالفتره مدري لييش .. ليكووون بس حبيته ..! لا لا أنا بس أحسه اعجاب بشخصيته وبس مب حب .. امبلا أنا أحبه والدليل اني يوميا ابي اشوفه وغير جذي نظرتي تغيرت له وطول الوقت أقعد أفكر فيه وما افكر بأحد غيره .. معقوله يعني حبيتك معقوله ...!
وانت تحبني ولا لأأأأ ..!
اي أكيييد والدليل انه دايما كان ينصحني ويطلع بدربي غصب ويحاول يغيضني وهذا دليل الحب لأنه يغيضني ومحد يغيض أحد الا لأنه يحبه ..! يارب يتحقق اللي ببالي ويطلع صح ..
أم اريج : اريج يا اريج
اريج تذكرت انها متأخره وطلعت بسرررعه : رايحه ماما رايحه
أم اريج : الله يهديج متأخره كثير
اريج ابتسمت وقالت : هههههههه يلا عاد بطلع الحين ان شاء الله
ام اريج : الله معاج
اريج : مع السلامه ماماتي
أم اريج : مع السلامه بنتي
اريج بدت تنزل من ع الدري كالعاده .. وصلت تحت شافت محمد ابتسمت
أكييييد متعمد يشوفني ...! ولا لييش ينطرني لهالحزه
اريج ابتسمت : صباح الخير
محمد : صباح النور
اريج : شو الأخبار ..؟؟
محمد : تمام انتي اش حالج ...؟؟
اريج : تمام
محمد ابتسم وقال : متأخره ...!
اريج هزت راسها : اي تأخرت
محمد : جنه هذي سيارة رفيجتج ..
اريج ابتسمت وقالت : أوكي بروح .. مع السلامه
محمد ابتسم وهو يروح لسيارته
اريج .. غريبه دايما يطلع بنفس الوقت اللي أنا أطلع فيه ..! ولا أنا اللي اطلع بوقته ...؟؟ والله ما عرفنا لك يوم جذي ويوم جذي ..! الله أعلم
فتحت باب السياره وابتسمت : السلام عليكم
ملاك : وعليكم السلام
اريج : ما شاء الله اليوم بدور بعد معانا ..!
بدور ابتسمت : اي اليوم بسافر
اريج تضحك وهي تصكر الباب : بدوروه كيف خلوج تطلعين ..؟؟
بدور : اقنعت ميروه عشان اشوفكم
ملاك ابتسمت : زين وافقت
بدور : اي والله وايد عليها
اريج ابتسمت : بنوتات تخيلو شفت منو اليوم ...!
ملاك ضحكت : كالعاده محمد
اريج هزت راسها : اي مو بس اليوم كل يوم هههههه
ملاك : زين والله مب أنا اللي ريلي أخر مره شفته يوم الاثنين
بدور فتحت عيونها : ما تكلمينه ...!
ملاك ابتسمت : لا لا أكلمه بالساعات بس تدرين عاد يوم أشوفه غير ..
اريج بنص عين : علينا يعني علينا ..!
ملاك تضحك : يالدبه ترا والله مأ اقصد شي
اريج : أدري بس صدق يوم تشوفين الشخص غير تقدرين تفضفضين وتقولين كل اللي بداخلج
ملاك هزت راسها بحزن وقالت : اي والله
بدور : بعده ما يرد ....!
ملاك : لا والله بعده
اريج : وليييش ..؟؟
ملاك : والله ما أدري
بدور : ليكون صار فيهم شي
ملاك : لا تقولين جذي بدور .. ترا والله طيحتي قلبي
بدور ابتسمت : لا تحاتين حياتي ان شاء الله ما صار الا كل خير
ملاك : ان شاء الله يرجعون بالسلامه
أريج : آمين
ملاك ابتسمت : شوي بنات .. هذا راشد قاعد يتصل بي
بدور ابتسمت : ردي على كيفج .. واتكلمي ترا نحن لا نرا ولا نسمع ولا نتكلم
ملاك ضربتها شوي وقالت : علي هالكلام ...!
بدور : يلا ردي
ملاك ردت وهي تضحك : السلام عليكم
راشد : وعليكم السلام
ملاك : صباح الخير
راشد : صباح النور .. اش حالج حياتي ..؟؟
ملاك : تمام انت اش حالك ..؟؟
راشد : بخير الحمدلله
ملاك ابتسمت : اسمح لي عاد ما قدرت اتصل بك .. روحي متأخره .. وربيعتي بتسافر
راشد ابتسم : لا عادي حبيبتي .. ها طالعه ..؟؟
ملاك : هي مع ربيعاتي رايحين الكليه
راشد : عاد حبيت أتطمن عليج .. والحين أودرج
ملاك : لا لا ليييش ..؟؟
راشد : تمي مع ربيعتج بتسافر .. عقب بتصل بج
ملاك ابتسمت : أوكي ..
راشد : مع السلامه
ملاك : مع السلامه
صكرت ملاك .. بدور : ها اش قال .......؟؟
ملاك : وانتي اش لج
بدور : ترا يوم بتزوج ما بقول لج
ملاك : لا تقولين لي عادي ..
بدور : واااااااااااااااااي ملاااااكوووه
ملاك تكش عليها : صج ملقوفه
اريج تضحك : اسكتي انتي وياها يلا ..
/
.
/
روان وهي تضحك : لا مابي ..!
فهد : أوكي نتريق مع بعض وبوصلج
روان تهز راسها : فهد صج صج مابي
فهد : ولييييش انزين ...؟؟
روان : رفيجتي بتسافر
فهد : ويعني ...!
روان : كيف أتركها واطلع معاك وهي بتسافر .. نحن متعودين لازم نكون مع بعض
فهد ابتسم : أوكي على راحتج .. بس باجر ما عندج عذر
روان : أوكي
فهد : ما تبين تاخذين لها شي
روان : لا لا نحن ما عندنا هالرسميات وبعدين هي رايحه ليومين وغير جذي السياره روحها معبايه ما شاء
الله .. شـ أطرش معاها
فهد ابتسم وقال : ذووووق
روان هزت راسها : اي من يوم يومي ذوووق واتيكيت بعد
فهد : تف تف بس عن أحسدج
روان : وااااع خيستني ..!
فهد يضحك : اسكتي لافرج من الدريشه
روان : زعلاااااااااانه
فهد : اشربي ماي بحر بعد
روان : صج فهود بزعل
فهد ضحك : انتي حتى المزح ما تستحملينه
روان ابتسمت : لأأأ ما أستحمل اي شي حساسه أنا ههههه
/
.
/
في الكليه بعد ما وصلن البنات
بدور وقفت : والله بشتااااااااااااق لكم حيييييييييييييييل
اريج : ونحن أكثر حبيبتي
بدور وهي تحضن نور : بشتاق لـ نصايحج يالدبه
نور تضحك : وأتمنى انج تطبقينها بس يالدبه
بدور هزت راسها : ان شاء الله حبيبتي
ملاك تحضن بدور : ديري بالج على روحج
بدور ابتسمت : ان شاء الله وانتي بعد طمنيني على مايد لو اتصل
ملاك : ان شاء الله
بدور تحضن شوق : يالدبه يالـ ......... يالـ ........... أحبج
نور : استغفر الله استحي على وجهك انتي وهي تسبون بعض
شوق ترفع حياتها : اي عادي رفيجات اش فيها
نور : حسنو الفاظكم شوي خلكم لبقين بالتعامل
بدور تضحك : أوكي ...
أريج تحضن بدور : ييبي لي معاج واحد من قطر
بدور تضحك : اي ان شاء الله عن نعنس ههههه
روان : الحمدلله والشكر
بدور تحضن روان : وه فديتج ديري بالج على روحج
روان : ان شاء الله
بدور تطالع البنات : بشتاق لكم حيييييييل
البنات : ونحن أكثر
بدور : ان شاء الله يومين ونرجع
شوق : ان شاء الله .. والله بنفتقدج
بدور : يومين .. يلا بنات مع السلامه هذا معضد يتصل بي
البنات : مع السلامه
بدور تبتعد وهي تطير بوسات للبنات
ملاك تضحك : طالعي وراج
بدور تصدم باليدار وتقول : ههههههه عادي ..
ترجع تطير بوسات وهي تقول : والله أحبكــــــــــــــــــــــــــــــــــــــم
ملاك : سلمي على ميرووووه والأهل
بدور : يوصل .. يلا مع السلامه
/
.
/
تركب السياره : هلوووووووووووز
معضد : وعليكم السلام
بدور تبتسم : خلكم فري اليوم .. رايحين قطر .. افرحو استانسو
معضد ابتسم : لا شكرا .. اسكتي وارقدي لما نوصل قطر
بدور : هههه وين ارقد من الوناسه
حمدان يضحك : بدور رايحين قطر اليوم
بدور : اسكت صرعتنا .. اقووول طالع الدرب
حمدان يبوز : بابا ما نودي بدور قطر
معضد يضحك : اقول بدور سكتي ترا بسمع كلام ولدي وبنحطج اهني
بدور تبتسم : ابركها من ساعه
ميره تضحك : اي انتي منى عينج ما تيين
بدور : اي والله لو بيدي
ميره ابتسمت : ها سلمتي على رفيجاتج ..!
بدور : اي سلمت عليكم وسلمو عليج بعد
ميره : الله يسلمهم
بدور : والله لو تشوفينهم قلبج يعورج ..!
ميره : ليييش ..؟؟
بدور : عشان ما بكون معاهم يومين
ميره تضحك : هههههه كل ذا عشان يومين
بدور : وأكثر بعد
معضد : ميره وبدور .. بننزل المحطه الحين خذو اللي تبون وبعدين ما بنوقف الا وقت صلاة العصر
ميره : أوكي
معضد : صلو الظهر مع العصر أوكي
ميره : أوكي بس بنجمع الظهر مع العصر لأن باجي وقت ع الظهر
معضد : أوكي .. يلا ننزل ناخذ اغراض
حمدان : بابا أشتري حلاوه
معضد ابتسم : ننزل وخذ اللي تباه
بدور وميره يمشون يمب بعض .. دخلو المحطه ..
معضد : يلا خذو اللي تبون
ميره : لما انت و حمدان خذو أنا بروح التواليت مع بدور
معضد : أوكي
بدور : لأأأ أنا باخذ اغراض عشان أكل
ميره : حياتج أكل ..! انتي تعالي ولما ايي خذي اللي تبين
بدور : أوكي أوكي
ميره وهي تمشي مع بدور : اقووول لما يسؤولنج هل قطر مب كل شي تقولينه ..!
بدور : ولييييييييش ..؟؟
ميره : خلج كبيره وعاقله يمكن أحد يخطبج
بدور وهي تشوف شكلها بالمرايه : وليييييييش ..؟؟
ميره : اقول لج بيخطبونج تقولين ليييييييييش ..؟؟
بدور ابتسمت وقالت : ميروه بقول لج شي بس ما تزعلين ..!
ميره : لأأأ ما بزعل .. خير
بدور : أنا أحب واحد
ميره متخرعه : تحبين ..؟؟
بدور : اي واسمه أحمد
ميره عقدت حياتها : من هذا
بدور : واحد توه تعرف علي ووعدني بالزواج
ميره : شو انتي غبيه ...!
بدور : لأأأ ميره وبعدين أنا ما أكلمه هو بس وعدني .. وجذي
ميره : خلج من هالخرابيط اللي تخرب العقل فكري بمستقبلج أحسن لج
بدور تأفأف : حتى انتي مو فاهمتني ..!
ميره : يعني هذا اللعاب بيفهم عليج ..؟؟
بدور : اي ع الأقل يسمعني
ميره مستغربه : يعني تكلمينه ...!
بدور : لأأأأأ من قال ....؟؟
ميره : انتي تقولين
بدور : لأأأأ بس جذي يعني
ميره : كيف جذي ..؟؟
بدور : مو انتي تقولين ييتي تبين تروحين للتواليت يلا بسرررعه بنتأخر
ميره : أوكي بس لي حساب ثاني معاج لـ رجعنا دبي يوم الأحد
بدور : انزين انزين بس خلصينا ابي أخذ لي شي يوعانه
/
.
/
اريج تضحك : والله انها خبله
شوق : وااااي والله الديره مب شي بدون بدوروووه
روان : اي والله ملل
نور حطت راسها ع الطاوله وصارت الساعه عشر ونص ..
ملاك ابتسمت : تصدقون بدور ما أدري ليييش أحسها مب مستانسه
اريج : بتفارقنا
ملاك : اي مع انها رايحه لأهلها بس هي تحبنا عشان جذي
شوق : أصلا أحلى شي في الصداقه انج تكونين وفيه وما تحبين نفسج أكثر عن صديقتج ويكون فيه فتنه
وجذي مو حلو ..!
نور : اي والله .. بس الفراق صعب
ملاك : الفراق اهون بـ مليون مرررره ان صديقتج تخونج
روان : اي والله أهون بـ مليار مره بعد
شوق : اي لأنج لو تفارقين ع الأقل راح بعيد هالشخص وبينكم ذكرى حلوه ..! بس لو خانج خلاااص تنسين كل شي حلو
ملاك : بس الحمدلله نحن كلنا أوكي .. وبصراحه القعده ناقصها بدور
نور تضحك : اي والله ناقصها بدور ههههههه
شوق : والله ذاك اليوم تبجي عن خاطر وأنا أكلمها
اريج : بدور يوم قويه قويه بس لما تنسكر .. خلاااااص
ملاك : اي والله
نور ابتسمت : عليها حركات تخلي الواحد غصب عنه يحبها
شوق ابتسمت : بنات يلا ناكل
روان : راحت بدور يت لنا شوق
شوق تضحك : ههههههه اي عشان ما تنسونها يعني
نور : لا لا محنا بناسين صديقة روحنا
شوق تضحك : اي زين ههههههههههه
روان : بنات بقول لكم شي ....!
اريج : خير
روان ابتسمت وقالت : تدرون فهد زين معاي وايد بس .....................
نور : بس شو يا روان
روان متردده : بس ما ادري ليييش أحسه غير ....!
نور : كيف غير ...؟؟
روان : غييييير بكل شي ... غير عن مروان
نور : لا اله الا الله اش دخل مروان الحين ..........؟؟
روان : اي والله مروان غير وفهد غير
نور : أكيد غير ذاك يلعب عليك .. وهذا تزوجك على سنة الله ورسوله
روان : بس مروان كان يحبني صج والله وما كان طمعان .. بس مدري لييييش غير رايه فجأه
اريج مستغربه : كييييييف ..؟؟
روان : ذاك اليوم قال روان خلاااص بنكون لبعض .. وغير جذي قال انه بيخطبني بس بعد يومين انفصلنا وقال ماشي نصيب
ملاك : يمكن شاور أمه ورفضت
روان : لأأأأ ما اظن
اريج : عأد ..؟؟؟
روان : والله أحس السالفه فيها انه بس مدري شو ..!!
ملاك : خير ان شاء الله وبعدين هذا نصيب .. شوفي أخوي ميود اللي كل ساعه يتصل بي .. من تزوج صار
له اسبوع ولا داري عني
نور : كل هذا خير ان شاء الله وبعدين انتو لا تسبقون الأحداث
ملاك : اي والله لازم ما نسبق الأحداث
اريج : يصير خير ان شاء الله .. الأأيام تمر .. والشهور والسنين ..
شوق : والله يستر من الياي
نور : حتى انتي يا شوق .. عيني من ربك خير وان شاء الله ما يصير الا كل خير
شوق : ان شاء الله مع اني أدري ان براك انسان صعب الـتأقلم معاه .. عكس نواف المتفاهم
نور : خير ان شاء الله
ملاك : تدرون بنات أحاول أخذ رقم وصايف وأتصل بمايد
نور : لا لا ما أنصحك
ملاك : بس أتطمن عليه
نور : قولي لـ راشد يتصل فيهم
ملاك : هي أحسن ..! بس مايد ما يرد على اتصالاتي وين يرد على راشد ..!
اريج : انتي تفائلي
ملاك : يلا ان شاء الله يرد ونتطمن عليه .. تدرون عاد مالي بالدنيا أحد غيره أخاف يستوي به شي ومرته هالنسره تسوي بنا شي
نور : لا عاد مو لهالدرجه
ملاك : والله تحبين ناس وتشوفينهم بشكل غير .. وآخر شي لما تعيشين معاهم تنصدمين فيهم
/
.
/
يوم الجمعه الساعه اربعه العصر بتوقيت الامارات
ملاك وهي فيها نوم ردت ع الموبايل : آلــــــــو ...
راشد : السلام عليكم
ملاك فيها رقاد : وعليكم السلام .. هلا راشد
راشد : شكلج راقده ..؟؟
ملاك تحاول تصحصح : لالا توني نشيت من الرقاد رشود
راشد : صباح الخير عاد
ملاك تضحك : لا لا شو صباح الخير ..! تغديت وقلت أنسدح جان أرقد
راشد : آهااا .. شخبارج ..؟؟
ملاك مستغربه : بخير اش فيك ..؟؟
راشد : ما فيني شي ..!
ملاك : صح ليييش ما ييت تتغدى عندنا اليوم وبعدين أنا وماما سوينا اش كثر أكل
راشد : مره ثانيه ان شاء الله
ملاك : صاير شي ...؟؟
راشد : لا من قال ...!
ملاك : راشد لو صاير شي خبرني ....؟؟؟
راشد متردد : مــــلاك .......
ملاك مستغربه : راشد خير اش صاير ..؟؟؟
راشد : مـــــلاك تعرفين انهم سوو حادث .............................................
الأحد 24-10-2010, 5:18 pm
ღ الحلقه الرابعه و العشرونღ
ملاك منصدمه : شووووووووه ............؟؟
راشد : أهل بدور سوو حادث
ملاك : من أهلها ......؟؟
راشد : وهم رايحين قطر صار لهم حادث
ملاك تصيح : راشد انت شو تقول ..؟؟ صار لهم شي ...؟؟
راشد : لأأأ الحمدلله هم بخير وفي المستشفى
ملاك : راشد ودني لهم أبي أتطمن على بدور
راشد : ما يصير حبيبتي هم في مستشفى المفرق مب في دبي
ملاك تصيح : انزين بكلم بدور
راشد : ما يصير الحين تريي أنا بييج عقب دقايق ان شاء الله
ملاك : راشد ما أقدر ما أقدر اتريا أبي اسير لهم
راشد : ملاك تريي شوي خلاااص أنا واصل عندكم
ملاك : أوكي بتغسل وبنزل لك
راشد : انزين وقتها بكون واصل ان شاء الله
ملاك : خلاص مع السلامه
راشد صكر التلفون وطالعه ... الله يعينج لو تعرفين اش صاير ...!
دخل سيارته في الفله وطلع منها عشان يدخل .. شاف عمران
راشد : عمران تعال ..
عمران ياه صوبه ..
راشد : عمران خذ سيارتي وبركنها
عمران : انشالله بابا
راشد مشى ودخل الفله ...
راشد شاف أمه ابتسم وتجدم صوبها : السلام عليكم
أمي فاطمه : وعليكم السلام والرحمه
راشد يبوس راسها : اش حالج أمي ..؟؟
أمي فاطمه : بخير يا ولدي انت اش حالك ..؟؟
راشد : بخير أمايه
أمي فاطمه : وينك الظهر ما ييت ترييناك
راشد : كان عندي شوية شغل
أمي فاطمه : الله يوفقك يارب
راشد : آمييين
أمي فاطمه : عاد أنا بروح بوعي ملاك
راشد : وعيتها أمي
أمي فاطمه مستغربه : خير شو مستوي ..؟؟
راشد : أمي أهل بدور ربيعة ملاك .. صار لهم حادث
أمي فاطمه منصدمه : الله يستر ... شخبارهم الحين ..؟؟؟
راشد : بخير الحمدلله في المستشفى
أمي فاطمه : الله يستر يارب .. ودنا لهم انزين
راشد : ما يصير أمي هم في مستشفى المفرق مب في دبي
أمي فاطمه : الله يقومهم بالسلامه يارب
راشد : أميييين
ملاك نازله بسررررعه وتجدمت عن راشد : راشد طمنني ان شاء الله هم بخير
راشد : بخير ملاك بس انتي اهدي
ملاك : اشلون أهدى وربيعتي مدري عنها
راشد : بخير يا ملاك بخير
ملاك يلست وهي تصيح : تكفى راشد قول الصدق كلهم بخير
راشد : الحمدلله
ملاك : كيف صار الحادث ..؟؟
راشد : وهم مسافرين قطر صار لهم حادث في الدرب تدرين عاد الدرب هذا روحه مب ذاك الزود وبعدين نقلوهم المستشفى
ملاك : وليييش ما يابوهم دبي ..؟؟
راشد : الله يهديج ملاك كيف ييبونهم وأقرب مستشفى هناك مستشفى المفرق
ملاك تصيح : هي صح ... الله يحفظهم يارب
راشد : آمييين .. أنا ربيعي اليوم متصل بي ويقول معضد صاير له جذا وجذا .. جان أتصل به والحمدلله قال
هم بخير
ملاك تصيح : تكفى راشد خلني أتصل بهم
راشد : اهدي ملاك
أمي فاطمه : انزين خل البنيه تتصل بـ ربيعتها
راشد : ملاك بدور ما تروم ترمسج
ملاك مستغربه : لييييش ..؟؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك