رواية خليجيات في الامارات -30
يوم الخميس الساعه سبع المغرب
روان : يلا باي فديتج ..
ملاك : باي .. عاد لازم تحظرين
روان : من عيوني والله
ملاك : تسلم لي عيونج هههه
روان : هههه يالدبه باي .. كا فهود وصل
ملاك : باي
روان ابتسمت وهي تطالع فهد ياي
فهد : السلام عليكم
روان : وعليكم السلام
روان : الحمدلله ع السلامه
فهد : الله يسلمج
روان : اش لونك ..؟؟ واشلون أهل البحرين ..؟؟
فهد : كلهم بخير الحمدلله .. انتي اشلونج
روان : تمام الحمدلله .. حياك
فهد : لا مشكوووره بس يييت أسلم عليج
روان : تم شوي عاااد
فهد ابتسم : عشان خاطرج بس .. ولا أنا توني راد من السفر
روان : اي أكيييد تعبان
فهد : بروح الفندق بريح شوي
روان : وبيتك ..؟؟
فهد : يبي له يومين على ما يرتبونه
روان : اي ان شاء الله يجهز ويترتب بسرعه
فهد ابتسم : يبت لج كل اللي تبينه
روان ابتسمت : ويه أحرجتني والله
فهد : لا عادي
روان : والله كنت أمزح معاك
فهد : لا عادي وبعدين تستاهلين أكثر من جذي
روان : فيك الخير والله .. أوووه نسيت أضيفك
فهد يضحك : كل هذا لأنج شفتيني ..!
روان ابتسمت وهي منحرجه : ترا ما بييب لك شي
فهد : لا لا روحي بسرعه .. ميت عطش تراني
روان ضحكت : أوووكي ثواني بس
/
.
/
نور : شوق تجهزتي ..!
شوق : اش له بعد ...؟؟
نور : بكره ملكة مايد
شوق مستغربه : ما مداهم .. توهم هـ الأسبوع خطبو له وبيتزوج
نور : ملاك المسكينه منصدمه ما تدري اش فيه مايد
شوق : الله يهديه خلال اسبوع واحد يخطب ويتزوج
نور : الله يهديه .. بس شكله متفق مع البنيه من فتره وملاك وأهله توهم درو بالسالفه
شوق : الله يعين ملاك الصراحه هذي لاعبه بعقله لعب ..!
نور : لا وأزيدك من الشعر بيت البنيه بس تبي ملكه ما تبي عرس
شوق : الله يستر عاد ..! ليكوووون بس أرمله
نور : فال الله ولا فالج
شوق : الله يعين ملاك المسكينه
نور : بكره لااازم نروح العرس
شوق : اي لااازم وبعدين من بيوقف جنب ملاك غيرنا
نور : أكيييد حنا .. بكلم خالتي والهنوف يجون عشان نكشخ جدام أهل العروس ويعرفون ان مايد وراه أهل
شوق : ليكووون هذا اللي ماخذته بس ساحره
نور : فال الله ولا فالك
شوق : اي ولا وحده خلال أيااام تخلي واحد يتعلق فيها وهو توه طالع من قصة حب فاشله غير جذي خطوبه وملجه ودخله مره وحده .. ! ودي أعرف هذي متى تتجهز ..؟؟
نور : خلي البنيه بحالها روحي شوفي لنا شي نلبسه
شوق : في الفساتين اللي شرتها أمي
نور : مو حلوه ..!
شوق : لا لا هذيل اللي شرتهم العام لما راحت مع أبوي سوريا
نور : اي حلوين
شوق : خلاااص نلبسهم
نور : اي لأنه ما لبسناهم ولا مره
شوق : خلاااص بكلم الهنوف تلبس مثلنا
نور : المسكينه ملاك مدري اش بتلبس
شوق : تشوفين راشد موديها السوق ههههه
نور : الله ياخذ شر ابليسك هههههه
/
.
أريج : احلفي بس ..!
ملاك تصيح : اروووجه والله مدري شسوي ..!
أريج : ملوووك اش فيج هدي شوي
ملاك تصيح : اريج أخوي خلااااص تغير وبينسانا بعد .. اروووج مايد وايد تغير
اريج تصيح : ملاك بس خلاااص لا تصيحين وبعدين مايد رجال ان شاء الله ما تأثر فيه
ملاك : وين ما تأثر فيه ..! عمرج سمعتي بواحد يخطب وبعد يومين يملك ..؟؟
اريج : هدي بالج ملاك وبعدين اني عيني من الله خير
ملاك تصيح : أريج والله أحس عين وما صلت ع النبي
اريج : ملاك اذكري ربج ..!
ملاك وهي تصيح : تخيلي مايد اللي دايم يقول .. ملاك شو بتلبسين بعرسي ..! يقعد يضايقني الين ما يقول لي صدقيني لأوديج لـ باريس تاخذين فستانج ..! الحين يقول لي تجهزي باجر عرسي وبس ....!!! عمرج سمعتي عن عرس صار جذي ..؟؟
اريج تصيح : ملاك انتي صلي وادعي له
ملاك : شقول لج يا اريج شقوووول وشخلي ..؟؟؟؟ مايد تغير اميه وثمانين درجه مو هو مايد اللي تعرفونه اللي يدللني .. شهر واحد وبس صار جذي الله يستر لو بتعيش معاه الله يستر ..!
اريج : ملاك انتي صلي وادعي ولا تقولين لي أنا قولي لربج ادعي لأخوج وان شاء الله يرجع مثل أول
ملاك : ان شاء الله الله يسمع منج .. اروووج ادعو له ترا والله مالي بالدنيا أحد غيره
اريج : الله يخليه لج يارب
ملاك : اروووج هذا خط ثاني ..؟؟
اريج : عاد أخليج أنا
ملاك : تعالي باجر وييبي معاج خالتي !!
اريج : ان شاء الله
ملاك : ما أوصيج ..
اريج : بيي ومن عيوني والله كم مايد عندنا نحن
ملاك : أوكي عاد حبيبتي بكلمج بعدين
اريج : أوكي مع السلامه
ملاك تمسح دموعها : مع السلامه
ردت ملاك ع الخط الثاني : هلا راشد
راشد : السلام عليكم
ملاك : وعليكم السلام رشود
راشد : ملاك انتي بدارج ..؟؟
ملاك : اي حبيبي
راشد : أوكي أنا بييج شوي
ملاك : تعال أترياك ..!
راشد وهو يدق الباب : أنا فوق
ملاك ابتسمت : مسرع ما وصلت
راشد : هي تراني فالبيت
ملاك فتحت الباب وابتسمت : حياك
راشد دخل وهو مبتسم بس ابتسامته اختفت لما شاف ملاك وقال : ملاك تصيحين ..؟؟؟
ملاك مسحت دموعها بسرعه وقالت : مثل ما تشوف
راشد دخل وقال : اش فيج حياتي ..؟
ملاك تمسح دموعها : مايد ...!
راشد : اش فيه مايد بعد ..؟؟
ملاك : مايد متغير يا راشد ..!! وايد
راشد ابتسم بحزن وقال : ادري ..! وعشان جذي قلت لج نقدم موعد العرس بس الله يهديج ما طعتي ..!
ملاك : اصلا حتى ولو رضيت ما كان يمدانا تدري مايد ما شاء الله عليه خطب وملك خلال أيام
راشد هز راسه وقال : تسرع وايد
ملاك : يلا ان شاء الله خير
راشد : ان شاء الله .. انتي امسحي دموعج ترا السالفه ما تستاهل
ملاك : وين ما تستاهل يا راشد ..! وين وهذا أعز انسان بيروح من بين يديني
راشد : لا تحاتين ما بيتغير ان شاء الله وبيرجع مثل أول
ملاك : امييين يارب
راشد : بس ييت بقول لج اني من باجر بطلع من البيت
ملاك مستغربه : تطلع ..؟؟
راشد : هي بطلع
ملاك : وين بتروح ..؟؟
راشد : وبين بروح يعني ..! بستقر اهني في شقه الين ما ارتب اموري وأخذ لي بيت
ملاك هزت راسها وقالت : اي ما يصير تعيش ويانا لأن مرت مايد موجوده هذا غير الواحد يطلع بكرامته أحسن له
راشد هز راسه وقال : الله يستر من الياي بس
ملاك : بيي معاك أنا وأمي
راشد : ما يصير وبعدين خلج اهني وتمي مع اخوووج انتي وأمي الين ما تتعدل هذي اللي بيتزوجها
ملاك هزت راسها وقالت : هي صح .. ما تعرف لها مو بعيده تسوي شي من ورانا
راشد ابتسم وقال : لا تكدرين خاطرج تر والله الدنيا ما تسوى
ملاك ابتسمت : اي والله الدنيا ما تسوى
راشد ابتسم : عاد أنا بروح برتب أغراضي
ملاك دمعت وقالت : اخوي من صوب وانت من صوب ..!
راشد مسح دموعها وقال : ملاك خلج قويه انتي كملي دراستج وخذي الشهاده وان شاء الله بنكون طول العمر مع بعض
ملاك ابتسمت بحزن وقالت : ان شاء الله
راشد : يلا تصبحين على خير
ملاك : وانت من اهله
ملاك ابتسمت وهي تشوف راشد يطلع من الحجره .. بتصل بـ غرام أحسن لي وأقول لها عن اللي قاعد يصير أحس نفسيتي تعبانه ولازم اشوف أحد أشكي له عن كل اللي بداخلي ..! والله الدنيا هم
مسكت التلفون واتصلت ..
ملاك : ياربي ..! هذي وين ما ترد عيزت وأنا أتريا .. اروح أنا أحسن لي وبيوم ثاني أتصل فيها
/
.
/
بدور : اي والله توها مكلمتني من دقايق
ميره : وبهالسرعه ما شاء الله
بدور : اي والله خلال ثلاث ايااام
ميره : وهذيل ما مداهم يفحصون قبل الزواج
بدور : شكلهم الولد والبنيه متفقين ومخلصين كل هذا من زمان
ميره : حسبي الله ونعم الوكيل ..! للحين في بنات جذي
بدور : اي وازيدج من الشعر بيت كل مالهم بازدياد
ميره : لا حشا ..! كل مكان في الزين وفي الشين
بدور : اي صدقج
ميره : الله يستر بس ويعين ملاك المسكينه
بدور : ودي أعرف اشلون توه طالع من قصه حب فاشله ويدش بيديده لا ويتزوج
ميره : ترا هالوقت هو ضعف وبهالوقت أي وحده تقدر تدخل قلبه
بدور : بس اللي اذكره مايد شخصيته قويه
ميره : لا تنسين ان هذا انكسار وبعدين بنات الشوارع كثار
بدور : لا لا تقولين جذي هذا عرض ناس حرام نتكلم عنهم
ميره : اي والله استغفر الله
بدور : عاد اجهزي بكره بنروح العرس أقصد الملكه ما أدري الخطوبه
ميره : ههههه مع راسج .. انزين بس وين الملكه ..!
بدور : في خيمه
ميره مستغربه : هذا ومايد ولد العز يسوي عرسه بخيمه توقعت في برج ولا قصر ..!
بدور ابتسمت : شـ نسوي عاد البنيه مستعيله ومثل ما تعرفين شهر ثلاثه تكثر الأعراس ما حصل حجز بيوم الجمعه .. غير القاعات العاديه وما رضت البرنسيسه
ميره تضحك : لا والله ضحكتني وعلى شو مستعيله ..!
بدور : على هف الفلوس بعد على شو يعني ..!
ميره : الله يعين ملاك وأخوها على ذي المره
بدور : اي والله الله يعينهم كلهم حتى راشد شكله ما سلم منها
ميره : ولييش ..؟؟ شو يخصه المسكين
بدور : راح يستقر بروحه
ميره : أحسن له من العيشه مع مرة مايد
بدور : اي والله أحسن له من الصدعه ههههه
ميره : روحي دخيلج شوفي اش نلبس
بدور ابتسمت : اللي شرينا لـ عرس حنان
ميره ابتسمت : اي والله عرس حنان بعد اسبوع
بدور : بنروح قطر ..؟؟
ميره : اي أكيييد ان شاء الله
بدور : عاد بستانس في قطر أنا هههه
ميره : يومين وراجعين ان شاء الله
بدور : طريق بر ولا ..؟؟؟
ميره : اي أكيييد وبعدين قطر الا هي فرة حصا .. قريبه وايد
بدور : خلاااص نلبس الفساتين باجر وبعدين نلبسهم بقطر مره ثانيه محد بيشوفهم
ميره هزت راسها وقالت : اوكي يلا روحي رقدي ..! صارت اثنعش .. فيني رقاد
بدور ابتسمت : تصبحين على خير
ميره : وانتي من أهله
دخلت بدور حجرتها وهي مبتسمه .. خل ادق على أحمد أحسن لي واتكلم معاه بدال الهم اللي صايبنا !!
اتصلت بأحمد : السلام عليكم
بدور : وعليكم السلام ورحمة الله وبركاته
احمد : اهلين بدور
بدور : هلا أحمد اشلونك ..؟؟
احمد : بخير الحمدلله .. انتي شخبارج ..؟؟
بدور : تمام والله ماشي حالي
أحمد ابتسم : ما شي جديد ..؟؟
بدور : امبلا ..! باجر عرس اخو رفيجتي
أحمد : لا لا
بدور : اي والله
أحمد : مبرووووك عاد
بدور : اي مبروووك الله يخليك قول منحوس ..! مدري بياخذ من ..؟
أحمد مستغرب : ليييش
بدور : والله مدري محد مرتاح للبنيه مع انه اسلوبها أوكي بس أخته ميته قهر
أحمد ابتسم : تدرين عاد حياتي لازم يكون في شوية تاتش بين الكنه والحماه وهالسوالف
بدور تضحك : هههههههه وطلعت تفهم بهالسوالف هاه ..!
أحمد : يعني هههههه
بدور : اي ان شاء الله تطلع زينه مسكين أخوها
أحمد : يلا الله يوفقهم
بدور : آمييين
أحمد : اش صار اليوم !!
/
.
/
يوم الجمعه الساعه تسع ونص في العرس
ملاك ابتسمت لـ مايد وهي تنزل من السياره : مبروووك أخوي
مايد ابتسم لها وقال : الله يبارك في حياتج
ملاك وهي مبتسمه بحزن : يلا بنزل أنا
مايد مسك يدها وقال : انتي صدق موافقه ولا ما تبيني أخذها
ملاك مسكت يده وقالت : الله يهديك الحين يوم العرس ياي تسألني اذا مقتنعه ولا لأأأ ..! لو من قبل ساءلني يمكن قلت لك رايي بس اليوم ما أظن أقدر اقول لك
مايد ابتسم وقال : اللي صار صار .. يلا روحي بسرررعه تأخرني
ملاك : وصل راشد ..؟؟
مايد : هي هذا هو مبركن ورانا
ملاك : بروح بدخل مع أمي
مايد : اوكي
ملاك : لحظه بتصل بربيعاتي
مايد : هذي سيارة عبدالعزيز عند سيارة راشد بس البجيه مع أعرفهم
ملاك مسكت التلفون واتصلت بروان : الو روان
روان : هلأأ
ملاك : وينكم
روان : نحن عند باب الخيمه
ملاك : أوكي انتي واريج نزلو
روان : ترا ميره وبدور معاي
ملاك ابتسمت بحزن وقالت : اوكي خلاااص انزلو وقفو عند باب الخيمه أنا نازله
روان : اوكي
ملاك : يلا مايد أنا بنزل
مايد : اوكي
ملاك نزلت وراحت لسياره راشد وقالت : امي يلا انزلي نزلت امي فاطمه ..
راشد : تبون شي ثاني ..؟؟
ملاك : لا خلاااص روح عند مايد
راشد : يلا فمان الله
ملاك : فمان الكريم
ملاك وهي ماسكه يد أمي فاطمه قالت : امي تريي الحين بييون ربيعاتي
امي فاطمه : انزين بس وينهن
ملاك : هذي خالو أم عبدالعزيز يت
امي فاطمه مبتسمه : هلا والله هلا ..
أم عبدالعزيز تجدمت وسلمت : السلام عليكم
أمي فاطمه وملاك : وعليكم السلام
ام عبدالعزيز : مبروووك يا أم راشد مبروك وعقبال راشد وملاك
أمي فاطمه : الله يبارك في حياتج والفال لـ عبدالعزيز
أم عبدالعزيز ابتسمت : بنات سلمو على خالتكم
نور وشوق تجدمو عن أمي فاطمه وسلمو عليها
ملاك : يلا أمي .. خالو البنات عند باب الخيمه
أم عبدالعزيز : هذي أم أريج ..؟؟
ملاك : هي خالو والبنات معاهم
أمي فاطمه : يلا عيل ندخل ..
ملاك تجدمت عن البنات وقالت : السلام عليكم
الكل رد : وعليكم السلام
ملاك : سمحو لي عاد خليتكم توقفون
ميره : لا عادي بس الحين دشي لأني صج بديت أحر لأني حامل هههههه
ملاك ابتسمت : يلا عيل بس قوم خالو خلكم يدام
أمي فاطمه ابتسمت : يلا ترا صدق تأخرنا وايد
ملاك دخلت وهي واقفه يمب أمي فاطمه وتطالع البنات وتبتسم لهم بحزن وبعدم رضا عن اللي قاعد يصير حوالينها ..!
ملاك .. هذا عرس أخوي الوحيد اللي لازم أفرح فيه اللي لااازم ايبب له الين اتعب واوقف يدام الباب واستقبل المعازيم بس شقول ...!! الله يستر
تجدمو البنات عن المعازيم وأهل العروس .. وسلمو على أهل العروس .. وراحو قعدو على طاولة أهل العرس
ملاك ابتسمت للبنات وقالت : يلا نروح نطلع عبينا
أم عبدالعزيز وهي تضحك : اي والهنوف ابيج ترقصين عدل
اريج : استغفر الله خالوتي تبين البنيه تعنس ههههههه
ميره تضحك : لا لا الحين الطلب زايد ع اللي يعرفون يرقصون ههههه
الهنوف تتخصر : بلا شو ..! تضحكون علي
أم عبدالعزيز : روحي روحي غيري مع البنات
الهنوف مسكت يد بدور وقالت : يلا مشينا
ميره : انا بقعد اهني وبطلع عباتي اهني عند العيايز مافيني عاد اقوم واقعد
أمي فاطمه : يغربل ابلسيج من هم العيايز ..؟
ميره تضحك : انا خالو أنا هههههههه
أمي فاطمه : هي زين أقول بعد هههه
أم اريج ابتسمت : ملاك المسيكينه تكسر الخاطر
أم عبدالعزيز : اي شـ نقول بعد الله يهدي الجميع
...
ملاك ابتسمت لـ نور وقالت : اش رايكم بنات ..؟؟
نور متخبله : احلفي بس انك أمس شريتيه
ملاك : عاجبج ..؟؟
نور : اي والله أمووووت ع الحمر أنا !!
بدور تبتسم : ما شاء الله لايق عليج وايد
شوق : ملاك متى شريتيه ..؟؟
ملاك نزلت راسها بحزن وقالت : على أساس هذا فستان الملجه ..!! بس ما سوينا حفله وانحط
اريج مسكت يدها وقالت : بنات غيرو السالفه خلونا نستانس
ملاك ابتسمت : يلا يلا نطلع
الهنوف : اي والله ودي ارقص هههههههه
ملاك ابتسمت : يلا نطلع
نور وهي طالعه : اوووف صوت هالدق يصم الأذووون
ملاك : اي والله بكل مكان حاطين لج هالسماعات
شوق : لا تتكلمون وايد ترا عادي اروح للكوشه وارقص ههههه
ملاك : لالا دخيلج
شوق ابتسمت : هلا ماماتي
أم عبدالعزيز : اهلين
أمي فاطمه : شو هالذيل اللي ورا فستانج ملاك ..؟؟ ههههه ما شاء الله اش كبره
ملاك ابتسمت : حلو
نور غمزت لها : لا تسمعين كلامهم .. اعطيك ميه بالميه يهبل
ملاك : اي ادري بج تموتين ع الأحمر
بدو هل العروس ومعارفها يروحون للكوشه اللي ترقص واللي تتصور.. واللي تدور وتسلم على رفيجاتها
شوق تطالعهم محتره : والله الود ودي أذبحهم
بدور : اي والله مغترين مدري على شوي
الهنوف تبي تقوم : بروح برقص
نور قرصتها : قري مكانك محد فينا يرقص
ملاك ابتسمت : خلهم هم اللي يرقصون حنا مالنا شغل فيهم وبعدين نحن السندريلات ليش انتعب انفسنا ونرقص
اريج : يأ امي ...!! الحين كل هذا عصبيه
ملاك : والله الود ودي افجر المكان باللي فيه
نور : هدي بالك يا بنيه
شوق : اقووول سكتو واسمعو كلام الكبار احسن لنا
أمي فاطمه : وانتي يا أم اريج بنتج محد خطبها ..!!
أم اريج ابتسمت : لا خلو عندي .. بعدني اريدها
اريج تضحك : وااااي فديت ماماتي تبيني ههههههه
ام اريج : شو على بالج ما ابيج يعني هههههه
أم عبدالعزيز : حتى هذي شوق انخطبت
شوق بطلت عيونها .. نور قرصتها وقالت : سكتي
أم عبدالعزيز : ولد عمها يبيها وان شاء الله قريب بيخطبها
اريج تضحك : شوق ما شاء الله انخطبتي
شوق محتره وتقول : اي عروس وما ادري من عريسي ..!
روان تقول : لا لا الحمدلله أنا وملاك ملكنا
أمي فاطمه : يلا الحمدلله
أم عبدالعزيز : وان شاء الله نور بعد تنخطب قريب وهم بدور بعد
نور : لا لا أنا خلوني أكمل دراستي
أم عبدالعزيز : ودي أعرف هالدراسه اش بتسوين بها ..! مردج بتقعدين ببيت ريلج
نور : لا لا منو قال أنا لااازم اصير بروفسوره
أم عبدالعزيز تضحك : الله يوفقج عاد
ميره ابتسمت : اي نحن ان شاء الله الأسبوع الياي بنروح قطر
ملاك تطالع بدور مستغربه : ولا قلتي لنا ..؟؟
بدور ابتسمت : ترا الأسبوع اللي طاف قالو لنا عن العرس ولا نحن ما ندري
ملاك : هي اقوول بعد
أم اريج : كم بتقعدون في قطر ..؟؟
ميره : ثلاث ايام ان شاء الله بنطلع من الامارات الأربعاء العصر وبنرجع يوم الأحد الصبح قولي ثلاث ايام لأن يوم للدرب
أم عبدالعزيز : اي الله يعينكم على هالدرب
بدور ابتسمت : يا هل قطر جايه لكم ..! هههههه
ملاك فرشو لها سجاد احمر
بدور : اي استاهل مو خالاتي ..!! هههههههه
أم عبدالعزيز : اي أكيييد هذي بدور مو حياالله
مر الوقت بالسوالف والأكل ..!
ملاك وهي تشوف الاضاءه تصير خافته غير الدي جي يقولون ان العروس بتدخل .. شافت نور وقالت
ملاك : شوفيها بلا عليج حلوه ولا لأأ ..؟؟
نور : انتي اصبري شوي خليها تدخل بس
ملاك : ان شاء الله تطلع زينه يا نور .. مالي أحد غير مايد بهالدنيا
نور ابتسمت : ان شاء الله زينه يا ملاك لا تكدرين خاطرك
بدت الزفه ودخلت العروس .. وكل النظرات صوبها ..!! يا ترى شو لابسه وكيف شكلها وكيف بتكون يمكن
حلوه ويمكن لأأأ .!!!
نور وهي تهمس لملاك وللبنات : حرام عليكم شكلها حلوه وطيبه عاد
أريج : اي والله حلوه
بدور : وييييع من قال ..؟؟
شوق مبتسمه : يالله متى اليوم اللي اصير جذي
روان تقرصها : لا تستعيلين دخيلج
شوق تضحك : هههههه خلوني أحلم على قدي بس
ملاك : يالله متى يدخل ميووود أخوي فديته
نور : بيدخل الحين ان شاء الله
ملاك : بعد نص ساعد يمكن
نور : بيمر الوقت بسرررعه صدقيني
/
.
/
مايد وهو يطالع راشد
مايد : كاشخ ..؟؟
راشد : اسم الله عليك هههههه
مايد وهو مرتبك : الحين لازم الواحد يدش من بين هالحريم
راشد : ترا ما بياكلونك ههههه
مايد : الله يستر بس ..! قول بياكلوني بنظراتهم
راشد يضحك : دش يلا دش
مايد : بتدخل معاي ..؟؟
راشد : أكييييد وبعدين ملاك كلمت الكل يتغطى حتى العروس غطوها
مايد : يلا عاد
راشد : بس أتصل بملاك وأتأكد
مايد : أوكي
/
.
/
ملاك وهي واقفه ع الكوشه بفستانها الأحمر اللي وراه ذيل طويـــــــــــــل وبتسريحه وميكب ناعم وراقي بنفس الوقت وجنبها أمي فاطمه وأم عبدالعزيز وأم أريج ينطرون المعرس يدخل ..!
الكل قاعد يشوف ملاك وهي واقفه مثل الأميره ع الكوشه
ملاك ابتسمت لـ ربيعاتها وهم تحت
نور وهي تصرخ : اقري على نفسك يا بطه
ملاك ابتسمت وقالت وهي تأشر : ما اسمعج
شوق مبتسمه : يالله ملوك خقاقه هههههه
بدور : من حقها وبعدين خل يعرفون هل العروس ان هل المعرس مب أي شي
روان : من هذي اللي صعدت فوق ..؟؟
نور : وانا اش دراني بنسأل ملاك لما تنزل
تقدمت وحده عن ملاك والحريم وهي مبتسمه وقالت : يا هلأ
ملاك ابتسمت لها وقالت : هلأأ بج زود
...... : ما عرفناكم ..!
ملاك ابتسمت وقالت : هل المعرس
...... : أدري ..! بس خواته ولا عماته ...!
ملاك : أنا أخته وهذي أمه وهذيل خالاته
....... : يا هلا والله وأنا مرت عم العروس
ملاك ابتسمت : والنعم والله .. عن اذنج
ملاك ابتعدت شوي واتصلت على راشد : هلا راشد
راشد : اهلين
ملاك : دش يلا
راشد : أوكي
ملاك وهي تطالع صوب باب الخيمه تتريا مايد وراشد يدخلون .. شافت ربيعاتها وأشرت لهم يشوفون صوب باب الخيمه
ملاك وهي تبتسم لـ مايد وراشد وهم داخلين .. راحت صوب العروس .. اللي هي واقفه عشان المعرس داخل
مايد ابتسم بحرج لـ ملاك وأمه وهو متلوم من كثر الحريم بالمكان والكل يطالع صوبه راشد ابتسم وهو يطالع مايد يوقف يمب مرته وراشد وقف يمب ملاك
ملاك ابتسمت لـ مايد ووقفت يدامه ..
ملاك وهي تبوسه : مبروك يالغالي
مايد وهو مبتسم : الله يبارك في حياتج
أمي فاطمه وأم عبدالعزيز وخالو أمينه تقدمو عن مايد وسلمو عليه
مايد ابتسم لهن وهو يطالع ملاك وهي واقفه جنب راشد
راشد يهمس : طالعه حلوه
ملاك ابتسمت متلومه : ههههه مو وقته يلا سلم عشان تطلع
راشد : طرده ...؟؟
ملاك تبتسم : رشوووود مو وقته
راشد تجدم عن مايد وتخاشمو وقال : مبروك يالغالي
مايد : الله يبارك في حياتك
راشد مشى وطلع ..
ملاك تقدمت عن مايد وقالت : ارفع الطرحه وبوس راسها
مايد ابتسم وقال : شكلي نسيت هههههه
ملاك وهي ما تسمع من صوت الدي جي .. : ترا والله ما أسمع يلا
مايد رفع الطرحه عن ويهها وباس راسها ..
وصايف ابتسمت متلومه .. مايد قال لها : مبرووووك يالغلا
وصايف : الله يبارك في حياتك
ملاك تجدمت عن مايد ووصايف وقالت : مبروك وصايف
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك