يزيد بي الصوع بذكرى كنت بها المنهاني -2
مهره : سكتي مهووي وآلله آلحين حسيت آنيه بعرس .. خآيفه ..
: ههههه يآلله يهآلآستيعآب آلبطيء ويآج ..
مهره : ههههه وآلله جد خآيفه بآلقو ..
: مآعليج آنتي .. سآلم مب غريب عشان تخآفين منه .. هو يحبج و آنتي تحبينه .. وآكيد بيدآريج ..
غطت ويهآ مستحيه : وآنتي كله كآآآآآآش في آلويهه .. يآخي آستحي وآلله ..
: ههههه يآحرمه مب رآكب موليه ..
مهره : هههه آنتي قوليلي شوه مستجدآتج ؟؟
: آممم تظآربت و يآ غآنم آليوم ..
مهره : مآشي يديد ؟؟ غير بعد ؟؟؟
: لآتقهريييييييينييييييييييييييييي لآ آكفخج آلحين .. يكفي مقهوره من ذآج آلسبآل ..ز
مهره : هههه شوه سوآبج يديد بعد ..
: مآطآع يوقع لي على آلآجآزه ..
مهره : ههه شحقه ؟
: شغلة نذآله .. يحب يعآندني .. يحب يقهرني ..
مهره : عيل شقآ آلسفر آلحين ..
: مآعليج جآن آآدبه آلهررم .. قلت له وآلله يآنيه مآبدآوم .. وجآن تبآ آدور غيري يدآوم في آلمكتب يدور .. ولآ آلشغل بيترآكم آلشغل ..
مهره : هههههه حفله وآلله ..
: عيل بذمتج يبآ يعطيني 4 آيآم و مآيبآ يعطيني آسبوع ؟؟؟
مهره : آنزين آنتي 4 آيآم يكفنج ..
: يكفن بس آنآ مآبآ .. مثل مآقلت لج .. شغلة عنآد ..
صآح تيلفون مهآري .. وجآن آخوهآ يقلهآ لآزم تحدر آلقآعه و يبون يحدورون عندهآ شوي ..
جآن آطلع من آلغرفه .. وطلعت للقآعه ..
كنت آحس عمريه ملكه و آنآ آمشي .. ونظرآت آلنآس كلهآ آطآلعني ..
حسيت فيه هيبه غريبه ..
طآلعت طآوله آيلس عليهآ .. و مآلقيت غير طآولة آلفي آي بي و رحت لهآ ..
يلست عليهآ .. ومن غير سآبق آنذآر تسكرن آلليتآت .. ومآكآن غيربقعه من آلضوء توجهن للبوآبه .. و ليتآت لليزر آللي مب مستقرآت في مكآن وآحد ..
آنفجت آلبوآبه ..
وحدرت مهآري ..
وكآنوآ خوآنهآ و يآهآآ ..
بحذب عليكم آن قلت لكم آن آلرؤيه كآنت وآضحه عنديه ... مآكنت آجوف عدل و آلسبب آلنقص في آلنظر ..
بس من تجربوآ .. بدت تتضح لي آلرؤيه ..
خوآن مهره حذآلهآ .. حد على يمينهآآ .. وحد عللى يسآرهآ .. و خوآتهآ عآشوه و ميثوه جدآمهآ و يرقصن ..
كل مآتجدموآ كل مآزآد آتضآح لي آلرؤيه ..
بس لين آلحين مب قآدره آميز ..
لين آلحين مب مبينه ويآيه ملآمح آلويه ..
آللي آجوفه بس كآئن آبيض و يتحرك خآلي من آي ملآمح ...
بدوآ يتجدموآ آلجمآعه ..
وآآنآ آرآقب تحركآت عآشه و ميثه ...
عيبتني حركآتهن .. لآنهن متقنه من آلخآطر ..
بدت تتضح لي آلرؤيه كآمله من ركبوآ على آلكوشه .
كنت آلمح آلآبتسآمه و آلضحكه في ويه مهآري فديتهآ ..
صحيح آنهآ كآن مرتبكه .. بس خوآنهآ من حولهآ هم آللي مهونين عليهآ ..
يقولون آلدنيآ نظرة عين ..
مدري شوه آللي خلآني آلف يدآ خوآنهآ ..
وطآحت آنظآري عليهم ..
ويت ويت ..
يمكن لآزلآت آلرؤيه عندي مب وآضحه ..
هذآ ..
هذآ ...
آمممممم هيه هو نفسه .. مستحيل آغلط في هآلويه ..
مستحل آغلط فآللي معيفني حيآتي ..
هذآ هو ..
غآنم ..
بس شوووه مدخله في آلقآآعه .. شووه علآقته بمهآري ..
آصلآ مآيحق له موليه آنه يجوف مهآآآري ..
مب محلل عليه ..مب محلل عليه ..
بس يآ مهوي خذيهآ بآلعقل .. مآحد غير آخوآنهآ و ريلهآ آللي محلل عليهم يجوفونهآ ..
غمضت عيوني بآلم ..
طول هآييج آلفتره تجذبين عليه يآ مهره .. هذي يزآتي فيج ..
هذي يزآتي فيج يآ مهره ..
تسمعيني آحترق .. و آنقهر .. من سبب هآلغآنم ..
وتصدميني آليوم بآنه آخوج يآ مهره .. آخووووووج ..
مدري آذآ كآنت آلرؤيه مب وآضحه لي من سبب نقص آلنظر ..
ولآ آن هآلشي نتيجه لتيمع دموعي في عيوني ..
عدلت غشوتي . .
وآنآ آبآ آهرب من هآلمكآن .
آبآ آهرب من هآلوآقع آلمؤلم .
آبآ آهرب من غآنم ..
آبآ آهرب من مهره ..
آبآ آهرب لكل من حولي ..
شليت شنطآي آبآ آطلع من آلقآعه كآمله ... وفي طريجي آستوقفتني آم مهره ..
آم مهره : وين رآيحه آمآيه ؟؟
: خآلتيه بررجع .. بسني هبآبني وآلله ..
آم مهره : آفآ يآ بنيتي ترضينهآ في حقي و حق ربيعتج توصلين ولآ تتعشين من عشآهآ ..
: خآلتيه و آلله قدرج آنتي و مهره على آلرآس بس ...
قآطعتني : لآ بس و لآ شي .. تعآآآلي ..
ومسكتني من يدي و قودتني للطآوله .. كنت آتحآشآ آوجه نظرآتي للكوشه .. كفآيآ آللي صآر كفآآيآآآآآآآآ ..
آم مهره : يآبنيتي شحقه مآكتي شي من هآلآكل . مآآجوفج كشفتي شي منه ..
: علنيه فدآج يآ خآلتيه آلآكل موطآي .. وآمتى مآبغيت بآكل .. و ترى مآحد يستحي من آلآكل ..
آم مهره وهيه تفج لي صحت آلتبوله و آلخبز و آلحمص : عيل يآلله آكلي و لآ تزعليني منج ..
: آن شآآآآآآآء آلله من هآلعيووون .. آلآ آنآ خلآص مآعليه بآس روحي جآبلي معآزيمج ..
آم مهره : معآزيمي مآعليهم بآآس .. كلي يآمآيه آنتي .
مآقآلت جي آم مهره آلآ بصوت نآعم من ورآي .. لآ آردي آلتفت ..
وليييتني مآآآتفت ...
تدرون منوآ ؟؟
روضه .. روضه اللي اليوم جفتهآ في آلشركه ويآ غآنم ..
رجعت عيوني للطآوله ..
روضه : خآلتيه آمآيه تنشد عنج ... مغيبتنج ..
آم مهره : هيه .. عآد آنآ يلست عند ربيعة مهره .. مهآ ... تعآلي يلسي ويآهآ مآيصير آتم بروحهآ .. و آنآ بسير آجوف آمج ..
آحتجيت بسرررررعه .. آنآ مب قآهرتنهآ .. بعد تقلي تيلس يآيه ..
: لآ لآ خآليته .. وآله لآ آنتي و لآ روضه .. روحن جآبلن معآزيمكن .. و آنآ مآعليه بآس ..
آم مهره : عيل يآلله سمي و مدي يدج للآكل ..
: آن شآآآء آلله .. من هآلعيون ..
روحت عني هآم مهره .. و ويآهآ روضه .. وجهت آنظآري للكوشه ..
جفت آلآخوآن مآزآلوآ متوآجدين فوق آلكوشه ..
آممممم هذآ شكله آحمد ..
مبين عليه و آيد حنون ..
هو هذآ آللي دآيمآ مهره تمدح فيه .. ودآيمآ يحن عليهآ ..
تميت آجوفه وهو يآلس حذآل مهآري .. و يضحك ويآهآ و يسولف ..
وجهت آنظآري مره ثآنيه للبنوتآت .. عآشوه وميثوه آللي مآزآلن يرقصن ..
تميت آجوفهن .. لآن بصرآآحه عيبني رقصهن ..
رقص متقن من آلخآطر ..
مدري شوه آللي خلآني آلف بآنظآري ل غآنم ..
جفته وآقف على طرف آلكوشه و يرمس بآلفون ..
جفته يطآلع بين آلحريم .. مدري وين آنظآره كآنت في آي مكآن ..
بس كآن تجريبه منيه ..
جفته يآشر ب آوك .. وهو يضحك ..
بعدهآ آنمدت له عصآ من آلطآوله آللي جدآمه .. و يلس آيوول بآلعصآ ..
شآركته عآشه آخته يولته بحيث آنهآ
كآنت يآلسه تحت و تيبس ..
وهو فوقهآ و آيبس ..
عيبتني آلحركه .. لجينه تميت آطآآلع ..
هه آكييييييد مب مكفتنه روضه يبآ غير روضه ..
يبآ يطيحج كل آلبنآت آللي في آلقآعه ..
صآح تيلفوني .. و جفته رقم رآشد .. بس مآرديت عليه ..
مب زعلآنه من آللي صآر آمس .. عآدي متعوده ..
بس لآني مآبسمع صوته .. لجي قلت بتصل به يوم برجع للبيت ..
رجعت عيوني للكوشه مآجفت غآنم و لآ آحمد ..
آممممم مآآهتميت ..
وفي نفس آلوقت يآبوآ آلعشآ ..
غرفت لي في صحن صغير .. و آكلت منه عن خآطر آم مهره ..
شوي و صرحـوآآن آلمعرس بيدخل ..
مدري جم من آلوقت طآف ..
بس آللي جفته هو غآنم و آلمعرس حآدرين ..
تميت آرآقب آلوضع ..
جفتهم تجدمـوآ من مهآري .. آللي آنبآن آلآرتبآك عليهآ بشكل ملحوووض ..
وتجدم منهآ سآلم و بآسهآ على خدهآ و على رآسهآ ..
يعبني هآلموقف في آلآعرآس ..
آن آلريآل يحب حرمته على رآسهآآ ..
آحس آن للحرمه هيبه ..
آن للحرمه قدر ..
على عكس آلريآل ..
آللي ينزل من غروره و كبريآئه ..
وينجبر يحب حرمته على رآسهآ ..
يلس سآلم حذآلهآ ..
وقررت آنيه آنآ آنسحب و آروح للبيت ..
قمت من على كرسيه و نآ حآطه آلغشوه فوق رآسي .. و شليت شنطتي ..
وروحت ..
يلست آطآلع لآم مهره .. لكن مآجفتهآ ...
جفت روضه كآنت آقفه وترمس بآلفون ..
تجدمت منهآ .. وسآلتهآ ..
: آممم روضه آم مهره وين ؟؟
روضه : آممم و آلله مآعرف .. من شوي جآيفتنهآ هنآك ..
وشرت لي على آلمكآن ..
روحت عنهآ و آنآ آطلع لآم مهره ..
لين مآجفتهآ .. و روحت لهآ .. كنآ في نص آلقآعه ..
في نص آلممر ..
: عآد آلحين يآ خآلتيه سمحيلي .. لآزم آروح ..
آم مهره : وين رآيحه يآ آمآيآ .. يلسي شوه كآضنج ( مستعيل بج ) ..
: هههه خآلتيه بسنآ .. آلوقت تآخر ..
آم مهره : آنزين يلسي شويه ..
: خآلتيه و آلله خآطري هآلآ ورآي سفر بآجر .. لآزم آسير آرتب آغرآضي ..
آم مهره : آلله يوصلج بآلسلآمه .. آنزين مآتبين تسلمين على مهره ..
مآقآلت جي آلآ بصوت آعرفه زييين يزقرهآ ..
لفت لمصدر آلصوت ..
آم مهره : هآه آبويه عونك ؟؟
غآنم : بوغنيم يبآ يزف حرمته ..
آمهره : حرمته ومآلنآ فيهآ رآي ..
جفته يتجدم آكر .. وآكثر . وآكثرر ..
طبعآ مآكنت متغشيه .. كنت متلثمه بطرف آلغشوه ..
آكييد آنه مآعرفني ..
غآنم : آنزين يعني نرخصه ..
آم مهره : رخصووه . هبآبهم نآشيين من آلصبح و تعبآنين ..
غآنم : آنزين ..
روح غآنم و لفت يدآي آم مهره ..
آم مهره : مآبتسلمين على ربيعتج قبل لآتروحين ..
: آممم خآلتيه ريلهآ ويآهآ .... فضيحه ..
آم مهره : لآ فضيحه و لآ حآيه ..تعآآآلي تعآآلي
وآلله آم مهره مآسوّت لي شور موليه ..
مسكتني من يميني وسحبتني ورآهآ ..
حسيت شكلي غللط وحده هبله ..
سلمت على مهره بسررعه .. كنت نآويه آقلهآ حآيه عن موضوع غآنم .. بعدين مآهانت عليه ..
مهمآ يكون هيه ربيعته ... و ختيه .. و مآيهون عليه آخرب عليهآ ليلتهآآ ..
نزلت و سلمت على آم مهره وروحت ..
مريت على غرفة آلتبديل .. و بدلت عبآتي بعبآة آلجتف ..
وفي نفس آلوقت وصلني مسج من عند راشد ..
يلست آقرآه و آنآ مب منتبهه للدرب آللي جدآمي ..
مدري كيف ..
بس آللي حسيتبه هآييج آلسآع هو دعمه دعمتهآ للشخص آللي جدآمي ...
آترفعت عيوني للشخص آللي جدآمي ...
وجفته غآنم ..
يآلله يهآلآنسآن..
وآلله يآنه مثل آلسبآل ... مآيقر في آلبقعه .. كل شوي في بقعه ..
يتنطط من بقعه لبقعه ..
همس لي : مهآ ؟؟؟
طنشته : آلسموحه مآآنتيهت لك .. ممكن آلطريج ..
تراجعت لورآي لآني قربيه منه ..
عآندني وحسيت بآلخبث بكلآمه : عندج آلطريج من على يميني و من على يسآري ..
آتربكت .. و لكن حآولت مآآبين آرتبآكي .. عدلت غشوتي آللي حسيتهآ يتطيح .. و لفيت آبآ آمشي من على يسآره .. و لكن صدمتني يده على معصم يدي ..
مدري آذآ كنت آتوهم و لآ لآ ..
غآنم : آلممر كله ريآييل .. مآبتقدرين تمرين ..
: شي مآيعنيك ..
وفجيت يدي عن يده ..
وتجدمت خطوتين ..
وفعلآ جفت آلممر كله ريآييل ..
كنت نآويه آرجع على ورآي .. آرجع للقآعه ..
بس مآحقيتهآ على عمريه آنزل من غروري وكبريآئي جدآم غآنم ..
تجدمت خطوتين زيآده ..
ومآحسيت به آلآ مآسكني من نفس آلمكآن ..
سمعت همس بسيط من عنده وجنه كآتم على غيضه : آنتي شوه مشكلتج .. تعآندين و لآ تعآندين ..
سحبني ورآه .. و جني جد جد وحده هبله ..
خوز آلريآييل من آلدرب ومشآني ورآه ..
بس ويت ويت . .
آنآ شوه آسوي ..
يآلسه آتبعه وجني موآفقتنه ..
شليت يده عن يدي مره ثآنيه ..
وهمست له قهر : حآسب على لمسآتك ثآني مره ..
تجدمت عنه .. و شكله آليووم آلمود رآيق بس للمعآند ..
رجع و مسكني من يدي و طآلعني ..
غآنم : وين موترج ؟؟
مهآ : مآآحتآي لآي مسآعده منك ..
غآنم : ولآتجبريني آطلع غيضي فيج .. ويييين موترج ؟؟؟
عآندته زود : قلت لك مآآحتآي لآي مسآعده ..
طنشني و سبحني من يدي ورآه لين مآوصلنآ للموتر ..
غآنم سآحر ..
سآحر من قوم آبليس ..
شقآ عرف موتريه ..
غآنم : وين آلسويج ..
فجيت يدي من يده و دخلته في آلشنطه وطلعت آلسويج و فجيتهآآ و ركبت و سكرت آلبآب ورآي ..
كنت ملآحظه آنه لآزآل وآقف في نفس آلمكآن .. ومجتف يدينه .. و يطآلع آلموتر ..
لكن صدمني آكثر وآكثر يوم فج آلبآب وتجدم مني ..
طآلعته بصدمه ..
ولكن آلتزمت آلعصبيه و آلجد ..
: لو سمحت آلشيخ ترآهآ هالحركه على خوآتك مآبترضآهآ ..
وسكرت آلبآب .. و من سكرت آلبآب حركت موتريه متوجهه للبيت ..
مدري ليييييييش دموعي نزلت ..
مدررررري ليش ..
كرهت دموعي ..
كرهت مهره ..
كرهت غآنم ..
كرهت روضه ..
كرهت كل حد ..
بس آبآ آعرف شوه آلعلآقه آللي تربط بينهم ..
وصلت آلبيت .. ومآلقيت آي حد في آلصآله..
بس مدري صوت آمي من وين آوقفني ..
آمآيه : آمآيه مهآآآآآ ..
لفيت للصآله آللي تحت و آنآ في نص آلدري : عونج آمآيه ..
آمآيه : تعآلي آبآج في سآلفه ..
: آجلي آمآيه .. تعبآنه و هبآبني آصلي ..
روحت للغرفه .. و فريت عبآتي .. مسحت مكيآجي .. بدلت .. تغسلت .. توضيت . صليت .. و في آلنهآيه رقدت ..
آلبـ 2 ـآرت
مستوحشآ من غيبتك قدلي اسبوع
ياحيف تنساني ولااقدر انساكـ
كل القضية صوت دافي ومسموع
من عبر جوالكـ وانا اسمع حكاكـ
كني مابين اضلاعي العوج ملسوع
كل مااتذكر يالمقفي سوياكـ
الهجر في سلم الاجاويد ممنوع
لكن صغير وعاذرك ويش دراكـ
قلبي كنه ياريش العين منزوع
من يوم مالوحت واقفت مطاياكـ
شهيتني صوتك وجوعتني جوع
وياحالة محبك وياشين فرقاكـ
تحدني لاقصاي واجيلك بطوع
وانا ماحب اني احدك لاقصاكـ
ويش ذنب من حبك يلاقيك دلووع
تخطي عليه وكل ماخطيت مشاكـ
مالخطايا منك ناتج ومجموع
سوى العذاب بخافق اللي تمناكـ
لكن على الله والامل غير مقطوع
في شوفة عيونك وفي لمس يمناكـ
من يوم غبت وكل ليلة لي شموع
تذوب لين الفجر حتى اتحراكـ
ابكي بدمع اللي لقى اخيه مصروع
ويصيح كني يوم اناديك ناداكــ
فيني لحبك ارض واشجار وفروع
تشبها بالطيش وانا اتدفاكــ
وتقول ويش فيك واقول موجوع
بس اني لخاطرك بتفداكــ
الله خلقني انسان لكن لي طبوع
بس الوكاد انه اعطاني ولا اعطاكـ
اني احس بغيبتك طول الاسبوع
وانك على بالي ولااقدر انساكــ
بآلبآجر ..
طآحت يدي على آلفون و آنآ مآزلت رآقده و آتجلب على آلكرفآيه .. جفت آلسآآعه تشير آلى 11:45 ..
تمددت آكثر .. و فجيت على آلمسج آللي مطرشنه ليه رآشد آمس وآنآ في آلعرس ..
" مآآجبرج تردين على آتصآلآتي .. و لآ حتى آجبرج تتظآهرين بمحبتج ليه و آنآ آجوفج مآتبيني "
يآلله يآرآشد .. شوه هآلمسج ..
خلآص يعني تبآ تنهي آللي بيني و بينك ..
لآ تتوقعون آنيه حفلت آلمسج آصلآ ..
لآنه هآلشي عآدي متوقعتنه من زمآن ..
آنآ و رآشد مب متفآهمين ..
وآنآ لآغيه فكرة آلزوآج من آي حد ..
فريت آلتيلفون من غير آي آهتمآم ..
وتمددت شوي ..
بعدهآ قمت للحمآم ..
تسبحت .. بعدهآ كشخت وخذت مصحفي و يلست آقرى صورة آلكهف ..
مدري جم من آلوقت مر و آنآ آقرى .. بس على آخر آيه آنتبهت لصوت آلخطبه ..
خطبة آليمعه ..
سكرت آلمصحف ..
وفرشت سيآدتي و صليت فرض آلظهر و بعدهآ نزلت تحت ..
فريت عمريه على آلكنبه ..
وترآخيت عليهآ آخر شي ..
غمضت عيوني ..
آحسسسسني تعبآنه ..
وتعبآآآآآنه وآيد ..
مب رآيمه آستحمل كل هذآ ..
مب رآيمه آستحمل هآللي يصير لي ..
رآشد
غآنم
قطع تفكيري صوت آبويه و آخوآني و توهم يآين مصلين ..
وآيهة آبويه .. و سلمت على حميد و عبيد آللي وصلوآ من قطر ..
آبويه : آلغآليه قومي غرفي لنآ آلغدى .. خلينآ نوقع عمآرنآ خلآف شوي ..
همس له : آن شآء آلله ..
روحت للمطبخ و قلت للبشكآره تغرف آلغدى ..
آمآ آنآ يلست آجوفهآ ..
لآنيه بكل آختصآر ..
فآآآآآآآآآآآآآشله مع مرتبة آلشرف في آلتدبير آلمنزلي ..
حطت آلبشكآره آلغدآ .. و سآعدتهآ آلبشكآه آلثآنيه في شلآل آلغدآ ..
آممم يلسوآ خوآني وآمآيه وآبه يتغدون ..
آمآ آنآ نفس كآنت منسده عن آلمعيشه ..
مآلي بآرض للآكل موليه ..
آحسني برجع ..
آجبرت نفسي على آليلسه شي ويآ آهليه ..
وتذكرت آلسفر ..
صبرت لين مآخلصوآ آلغدآ .. و ذكرت آبويه فيه ..
: آبويه آمآيه ترى آلسفر آليوم .. خلكم جآهزين على آلسآعه 7:30 ..
آمآيه : مآجنج آستعيلتي آمآيه ؟؟
وسعت صدي .. مليت من هآلكلآم .. مليت من آلمعآرضه : آمآيه آلله يهيدج لآآستعيلت و لآ شي ...
آمآيه : خوآنج مآحد عندهم ؟؟
: خوآني مآعليهم بآس .. عبيد و حميد كبآر .. ومآهزرهم يبونج لآترقدينهم و لآ تغديهم .. و حمود مآمن زود مآنجوفه .. بعدين آلروحه كلهآ يومين على بعضهآ ..
ولآول مره عبيد يوآفقني بحآيه ..
عبيد : آمآيه آتكلي على آلله و روحي .. وآصلتنج رووحه لين عندج .. وآذآعليه آنآ وخوآني .. مآعلينآ بس موليه .. مآحد فينآ صغير ..
آمآيه : آتكلنآ على آلله ..
قمت آبآ آروح غرفتيه .. بس آستوقفتني آمآيه ..
آمآيه : مهآ ترآني طآلبتنج بموضوع من آلبآرحه آلآ مآرديتي عليه ..
رجعت آيلس ..
: آمري آمآيه ..
آمآيه : ولد عمج مهير .. سعيد .. يآي يبآ يمللج ..
وببرود آعصآب : ليش هو آصلآ آمتى خطبني عشآن يملج ..
آمآيه : خطبج من آبوج .. وآبوج وآفق ..
: عيل دآمكم مآخذتوآ بشوري .. تحملوآ غلطتكم وقولولهم مهآ مآتبآ تملج و لآ تعرس موليه ... وآتمنى لو آلمره آليآيه تشآوروني .. ولآ تدرون ردوهم مآبآهم .. ومآبآ آلعرس موليه ..
آمآيه : بس يآبنتي مآيصير هآلرمسه .. آبوج رد في آلخلق .. تبينه يطلع جدآمهم برمستين ..
مهآ : آلسموحه منك آبويه .. مب قصدي آنيه آحطك في هآلموقف بس جد آنآ مآبآ آعرس ..
ونشيت آبآ آروح .. بس وقفتني يد عبيد آخويه ..
عبيد : نآويه تسودين ويوهنآ يآ مهآ ؟؟
عصبت شوي : جيه ثرني آنآ شوه مسويه .. مرمسه فلآآآآآآآآن .. و لآ موآعده علآآآآآآآآآن .. و لو سمحت يآ آخ عبيد .. صح آنته آخويه .. و هذآك آبويه .. بس مآبسمح لآي حد آي حد آنه يدمر حيآتي ويخطط لهآ بروحه .. ومثل مآرديتوآ على آلعرب بآنكم موآفقين .. ردوآ عليهم آلحين بآنيه آنآ مآبآ آعرس ...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك