رواية همسات حب تنزف الم -27
كانت بمكان ماتعرفه كان صحرى مافيها لاانسان ولاحيوان ولا مويا ولاورود ولاصوت شلالات كانت لابسة فستان اسود طويل مسبع من ورى ومن قدام وكانت فاتحة شعرها اللي واصل لنهاية ظهرها كانت واقفه قدام حبيبها وكان يقولها : انا احبك بس سامحيني ....... وهيا كانت تقولو وانا كمان احبك بس ليش اسامحك
فجئة ساب يدها وسار يبعد عنها شويا شويا ........ كانت تجري ماتباه يسيبها لوحده في المكان الغريب هاذا فجئة اختفى عن عينها سارت تبكي وتقولو : رامي الله يخليك لاتسيبني والله مااقدر اعيش من دونك .......... فجئة السما غيمت ولونها قلب للسواد ومطرت وصوت الرعد القوي اللي يخلي الانسان يهز من الخوف حطت يدها على اذنها وسارت تناديه : رامي لا تسيبني انا خايفه الله يخليك لا تسيبني
كانت تبكي بألم من اللي تشوفه كان كل خوفها انه يروح ويسيبها : رامي لاتسيبني الله يخليك
صحي على صوت بكاها كانت نايمه بحضنه وتبكي وماسكه فيه بقوة ............. خاف عليها لمن شافها تبكي ......... مايحب يشوفها تبكي او تزعل او يسرلها شي يخاف عليها من الهوا الطاير
سار يصحي فيها بس هيا بكاها كل ماله يزيد : تالا حبيبي قومي انا جنبك .......... فجئة صحيت وهيا تصرخ لاتسيبي الله يخليك والله خايفه
رامي : تالا اشبك انا ماراح اروح مكان انا على طول معاكي
لفت تالا عليه وتتكلم بترجي : رامي الله يخليك قول انك ماراح تسيبني
رامي : والله العظيم ماراح اسيبك ........ انا بس ابى اعرف ايش الافكار اللي جات على بالك فجئة
تالا ببكى : خايفه
رامي قرب منها : خايفه من ايش ياقلبي .......... مو انا قلتلك طول مانا معاكي لاتخافي
تالا هزت راسها بأيوا
رامي : طيب ليش خايفه
تالا : ماادري انا كل اللي ابغاه ماتسيبني في يوم ......... انت تدري اني مااقدر اعيش من غيرك
رامي : ولا انا انت حياتي انا مااقدر اعيش من غير حياتي ......... يلا اشوف امسحي دموعك
تالا ابتسمت ومسحت دموعها
رامي : ياناسو على قلبي وربي انك تجنني .......... وباسها على خدها
تالا ضحكت .......... رامي مايحب يشوفها تبكي فلازم يضحكها وهيا بسرعه تبكي وبسرعه تضحك
رامي : ماتبي ترجعي تنامي في حضني
تالا : لا
رامي : متأكدة
تالا وهيا قايمه : ايوا متأكدة
رامي مسكها من يدها وابتسامه الخبث على وجهه : فين رايحه
تالا : بروح المطبخ
رامي : تعالي اقعدي لسى ماشبعت منك
تالا جلست وهيا ساكته
رامي كان ماسكها من وسطها : اشبك ساكته
تالا ابتسمت : ولاشي
رامي : اكيييد
تالا : اكيدين
رامي : طيب غنيلي
تالا : طيب ايش تباني اغنيلك
رامي : اجمل احساس
تالا : طيب
اخدت نفس وبعدين بدءت تغني
اجمل احساس في الكون انك تعشق بجنون ودا حالي معاكي
خلتني اعيش ايام مليانه بشوق وغرام دوبني هواك
عشقاك بجنون روحي انا قلبي المفتون كلو منى
وياك بيعيش احلى هنا حبيبي انا ياروحي انا
ياويلي ياناري قولي ازاي اداري شوقي ولهفت قلبي في قربك
حتى واحنا سوا بتنور سنيني وبيكبر حنيني اقرب مني تعالي في حضني واملى حياتي هوا
عشقاك بجنون روحي انا قلبي المفتون كلو منى وياك بيعيش احلى هنا حبيبي انا ياروحي انا
غيرني في ثواني احساسي اللي جاني اول مرة احس الدنيا حلوة في عيني كدا
ايه اتمنى تاني فيه كل الاماني دنتا مليت الدنيا عليا بالاشواق والهنا
عشاقك بجنون روحي انا قلبي المفتون كلو منى
وياك بيعيش احلى هنا حبيبي انا ياروحي انا
اجمل احساس في الكون انك تعشق بجنون ودا حالي معاكي
خلتني اعيش ايام مليانه بشوق وغرام دوبني هواك
رامي : لا مااقدر على كذا انا
تالا:هههههههههههه
رامي وعينه بعين تالا : احبك واموت فيكي ومااقدر اعيش من دونك
تالا : وانا كمان احبك واعشقك واموت فيك وماراح اتخيل حياتي من دونك
رامي حضنها يبى يحسسها بالامان يبى يشيل عنها الخوف .......... حتى هوا كان حاسس بشي راح يخليه يبعد عن تالا ........ بس مايدري ايش
هدى كانت صاحيه تسوي الفطور لهادي .........دخل هادي وعلى وجهه ابتسامه ..... باسها على خدها : صباح الخير حياتي
هدى : صباح النور .......... يلا اجلس ثواني والفطور يكون جاهز
هادي : اوكي
هدى : انا بكرا بروح بيت عمي ابو وائل ............ تالا راح تكون هناك راح تسلم على اهلها عشان راح تسافر مع زوجها
هادي : طيب ياقلبي بس لاتتأخري
هدى : ليش
هادي قام من مكانه ومسكها من وسطها : مااحب اجي البيت ومااشوفك فيه
هدى : اها طيب ماراح اتأخر حبيبي عشانك بس
هادي باسها على خدها : حياتي انتي
رسيل جمعت البنات تبى تسوي لتالا حفلة قبل ماتروح والبنات اتحمسو معاها واستعدو انهم يسو الحفلة
في المغرب تالا تجهزت .......... اتصلت عليها امها وقالتلها انو عندهم ضيوف ........ وتالا صدقت ......... فتحت الدولاب وهيا محتارة ايش تلبس
رامي : اشبك قلبي
تالا : ماما تباني البس فستان تقول عندنا ضيوف بس محتارة ايش البس
رامي راح لعندها وسار يدورلها شي تلبسه ............. بعدين خرج فستان كان بسيط بس شكله جنان : البسي هاذا يطلع حلو عليكي وغمز لها
تالا ضحكت على حركاته : طيب ........... يلا اخرج خليني البس
رامي بأستهبال : ماينفع اقعد
تالا : لاطبعا يلا اخرج
رامي : اوكي انا استناكي .......... بس بسرعه البسي ولو دخلت وشوفتك بموقف يعجبني راح اتهور
تالا : طيب طيب
رامي : ههههههههههه يلا بسرعه
خرج رامي وتالا جلست تجهز في نفسها
لبست هاذا الفستان
كان شكلها جنان لبست عدسات زرقة وحطت ميك بلون الفستان وروج احمر وعملت شعرها الاسود كيرلي واتعطرت وخرجت
رامي كان يلعب بجواله يستناها تخرج سمع صوت الصندل الله يعزكم ........ رفع راسه ........ الولد راح فيها مسكين
تالا ببتسامه : ها ايش رايك ولفت نفسها توريه شكلها بالكامل ........
رامي صفر وابتسم وراح لعندها : توتا
تالا : عيونها
رامي : ايش رايك مانروح عند امك
تالا بخجل : لا ماينفع
رامي قرب منها وهيا ترجع على ورى لحد مالصقت في الجدر : تصدقي اليوم طالعة تجنني
تالا وجهها الوان
رامي قرب يبغى يبوسها تالا رخت نفسها وخرجت من تحت يده : ههههههههههههههههه
رامي : طيب في الليل فين راح تروحي مني
تالا : طيب يلا خلينا نمشي
رامي : لسى ماغيرت ملابسي
تالا طالعت بالساعه اللي بيدها : طيب حبيبي بسرعه لا نتأخر
رامي اوكي قلبي
رامي كان يدري بالحفلة اللي مسويها لتالا بس مابين لها ......... راح لبس بدلة رسميه سودة ومعاها كرفته حمرة كا شكله يجنن هوا الثاي واتعطر وخرج
تالا تقلده : لا مانقدر احنا
رامي : اعجبك ^_*
تالا : يلا ترى اتأخرنا
رامي : اوكي يلا
الكل حضر الحفلة كانت اغلبها بنات صحبات تالا رود وريفان وكمان دينا اللي اتخطبت لنواف بس محد يدري انها جايه الا رود وريفان ...... وملك وهدى وجمانه وتولين وكندا مافي احد ماجاه الحفله راما واختها ريما ( شخصيه متطرفه في الرواية )
كان المكان كلو بلونات حمرا ........ رسيل تدري او تالا تحب اللون الاحمر عشان كذا سوت فس اللو وطلع زي لون فستانها ....... كانت الاغاني في كل مكان تالا دوبها دخلت ورامي راح عند الشباب وكل التعليقات قالوها على البدلة الرسميه ( رامي مايحب كثير الثياب )
تالا اول مادخلت البنات يغطرفو وسلمو عليها
جات وحدة م وراها حطت يدها على عينها : مين انتي
: كانت بس تضحك
تالا على طول عرفتها من ضحكتها : دينا
دينا شالت يدها : وحشتيني وحضنتها
تالا : والله انتي اكثر ....... اخبارك
دينا رفعت يدها اليمين كانت لابسه دبله
تالا : انخطبتي
دينا هزت راسها : نواف
تالا : مبروك ياقلبي
دينا : وانتي كيفك مع رامي
تالا اتنهدت : وه ياقلبي على رامي ياناس احبه احبه
رسيل : ياعيني انا على الحب
تالا : عقبالك انتي وخلوووووووووود
رسيل تدور على القبله : ووقفت تدعي ربها بترجي ......... يارب زوجني خلوووود والله مااشوفو كثير هيا مرة وحدة في الاسبوع
البنات : ههههههههههههههههههههههه
عند الشباب
مؤيد يستهبل : ها بالله كيف الزواج
رامي : والله حلو انا ائيد كل شاب يتزوج ومايعيش العزوبيه
وائل : هههههههههههههههههه اقول ايش سويت بس الله يستر منك
رامي : لا ياشيخ وربي انت الله يعين اللي بتاخذك امها داعية عليها
وائل : بالعكس امها داعيتلها
خالد : ايش حكايتك مع البدل الرسميه انا ماشفتك بثوب الايوم زواجك
رامي : كذا انا حر بلاش لقافه
خالد : والله لاااقل لتالا
رامي : هيا جرب تتصل عليها اما وريتك
خالد : لا تتحداني
رامي : اتحداك وتشوف تالا ايش راح تسوي
خالد : طيب ............. واتصل على تالا وفتح الاسبيكر
الجوال كان مع دانا ......... دانا اول ماشافت مكتوب خالد اعطته بيزي الاخت مقهورة منه ماوداها البقاله
الشباب فقعو ضحك : ههههههههههههههههههههههههههه
رامي : ماقلتلك زوجتي ماترد على شباب
خالد : اكيد في غلط طيب ياتالا اما كسرت راسك
رامي : خلوووووووووود روق لاتخليني اخلي عينك تسير خضرة بدل ماهي زرقه
خالد : ايوا قول انك مقهور عشان ماعندك زي لون عيني
رامي كش عليه : مالت عليك اقول اقلع
وائل ومؤيد : ميتين ضحك عليهم
عند البنات فالينها ورقص وقومو تالا رقصت معاهم ........... بعدين ربطو عين تالا وجابو تورتة كبيرة كان عليها صورة تالا هيا ورامي ....... كان واقف وراها وماسكها من وسطها ومقربها لصدره ....... وتالا حاطة يدها على خده وتتطالع فيه كانت الصورة جنان ....... اول مافتحو الربطة تالا اتفاجئت بالتورتة كانت تجنن وجلست تقطع في التورتة والبنات كلهم واقفين قدامه ويصفقو لها ........ فجئة حست احد من وراها مسكها من وسطها تالا على طول لفت لقيت في وجهها رامي
ابتسمت انه معاها رامي خرج من جيبه سلسلتين قلب مقسوم بالنص نص مكتوب عليهRami والنص الثاني Tala لبسها النص اللي مكتوب عليه اسمه ولبس النص الثاني اللي عليه اسمها وباسها في راسها ............. والبنات صريخ وتصفير وتشجيع .......... فجئة اتغيرت الاغنية من شكشكة لرومانسية
حطو اغنية عبد الفتاح جريني - جنبك على طول
اوعدني جنبي تعيش ولا ليلة تنساني وليك عليا اعيش واموت ياحبيبي وانا وياك
اوعدني ماتسبنيش ولا حتى لثواني دا عمري كلو حيسوى ايه لو يوم ماكنش معاك
جنبك على طول خليني ماتغبيش في يوم عن عيني دانا لما بقول ياحبيبي قلبي بيرتاح
جنبك على طول خليني على حلم بعيد وديني حنفكر ليه في انبارح ماهو عدى وراح
تعرف بحس بأيه طول ماانت ويايه احلام حياتي بشوفها فيك حبك وخدني معاك
اقلي ماتسكنشي ياحبيبي وكفايه تفضل في حضني واعيش معاك كل اللي بتمناه
جنبك على طول خليني ماتغبيش في يوم عن عيني دانا لما بقول ياحبيبي قلبي بيرتاح
جنبك على طول خليني على حلم بعيد وديني حنفكر ليه في انبارح ماهو عدى وراح
البنات سوو صف وماسكين شموع كانت اشكالهم حلوة ويتمايلو مع الاغنيه ............ اما تالا ورامي جالسين يرقصو سلوه تالا نسيت الموجودين كلهم ماهي شايفه قدامها غير حبيبها اللي مااتمنت غيره
رامي تالا بالنسبه ليه حب حياته ورماراح يسبها في يوم
رامي همس بأذنها : احبك
تالا همست بأذنه : وانا كمان احبك
رامي بعد ماسمع الكلمه حضنها بأقوه ماعنده تالا تحس انها ماتبى تبعد عن حضنه تحس بالاما وهيا في احضانه ........... حياتها معاه كانت كلها حلوة
رامي : اوعدك ياتالا اني ماراح اسيبك في يوم
تالا : وانا كمان اوعدك ماراح اسيبك لو ايش يسير
انتهى اليوم كان من جد يجنن بالنسبه لتالا ورامي ماراح ينسو هاذي الليلة في حياتهم
في اليوم الثاني كانت رحلة رامي وتالا لباريس ........ راحت تالا ورامي سلمو على اهلهم
في بيت ابو وائل
تالا كانت تسلم على البنات وهما بس يبكو
اما عند الرجال الكل كان يوصيه على تالا ........... سلم على وائل
وائل : رامي لاااوصيك على اختي
رامي : افا عليك تالا في عيوني
خلصو سلام وراحو المطار مع خلوووووود وخالد هوا ورامي زي ناقر ونقير بس طبعا يمزحو ......... وتالا فاطسه ضحك على حركاتهم ............ وصلو المطار وركبو الطيارة وطارت تالا ورامي لباريس بلد العشاق............. كانت حياتهم حلوة مرة مع بعض
بعد شهر غزل كانت جالسه في الصاله فجئة حست بألم في بطنها بس قالت يمكن البيبي الولد رفزها
بعدين حست الالم جاه اقوه ......... صرخت م قوت الالم ......... قامت وبطنها قدامها دخلت الغرفة ومؤيد نايم ..........
غزل : مؤيد
مؤيد : هممممممممم
غزل ببكى من الالم : مؤيد الله يخليك قوم
مؤيد قام مفجوع عليها : خير اشبك تبكي
غزل : شكلي خلاص بول.......................... والا صرخت ديك الصرخه اللي خلت البيت يهتز
قام مؤيد وطار بيها على المستشفى ........... واتصل على امها وامه في المستشفى غزل جالسه على العربيه بيدخلوها غرفة العمليات
مؤيد واقف قدامها : غزل خذي نفس ويسوي شهيق زفير
وغزل مسكين تسوي زيه
دخلت غرفة العمليات ومؤيد جالس برى يستنى احد يطمنه عليها
مؤيد : يارب قومها بالسلامه يارب
جات امها وامه
ام مهند : ها كيفها ياولدي
مؤيد : لسى محد خرج طمني
ام وائل : متى دخلوها الغرفة
مؤيد : من الساعه وحدة
ام وائل : ودحين الساعه 4 لا يكون سار في بنتي شي
ام مهند : لا ان شاء الله خير
فجئة خرجت الدكتورة ........ راح مؤيد لعندها وهوا خايف : بشري يادكتورة كيف غزل
الدكتورة : مبروك جاك ولد طعمون
مؤيد : وغزل
الدكتورة : غزل حالتها شويا خطرة عندها نزيف ......... احنا راح سيطر على كل شي ان شاء الله وتخرج بالسلامه ............ انا بس بطمنك عليهم ......... ودخلت الدكتورة تشوف شغلها
مؤيد : كان شايل هم غزل حبيبته ............ يارب قومها بالسلامه
ام وائل : من وقت ماعرفت عن بنتها وهيا بس تبكي
خرجت الدكتورة بعد ساعه وعلى وجهها ابتسامه
مؤيد : كيف غزل
الدكتورة : الحمدلله قدرنا نسيطر على النزيف
مؤيد : اقدر اشوفها
الدكتورة : اكيد
مؤيد : شكرا يادكتورة
الدكتورة : العفو
وراح مؤيد يشوف غزل ........... كانت نايمه وحطينلها في حضنها ولدها ......... مؤيد عيونه دمعت على منظرهم .........كان شكلهم يجنن ........ البيبي كا صاحي اما غزل كانت نايمه وباين عليها التعب .......... مؤيد راح لعندها بهدوء عشان لاتصحى شاف الولد اتجنن عليه كان مرة صغير ولا على قد البطن ......... مؤيد حط الكرسي عند السرير وسار ماسك يد البيبي ويبوسها غزل فتحت عينها وابتسمت ......... مؤيد رفع راسه وابتسملها وسلم على راسها الحمدلله على سلامتك قلبي
غزل : الله يسلمك حبيبي ........... غزل طالعت في شكل البيبي كا مرة يجنن ........ يناسو عليه
مؤيد : شبهك
غزل : لسى ملامحه مابانت
مؤيد جلس على طرف السرير : والله خوفتيني عليكي
غزل : لاتخاف حبيبي الحمدلله انا بخير
مؤيد : الحمدلله وباسها على خدها
دخلت ام مهند وام وائل وسلمو على غزل
ام وائل اخذت الولد : بسم الله الرحمن الرحيم ماشاء الله تبارك الله
ام مهند : اعطيني الولد خليني اشوفه
ام وائل : لسى ماشبعت منه
ام مهند : راح يقعد معاكي اربعين يوم هاتي خليني اشوفه
ام وائل : سمي بالله
ام مهند : بسم الله الرحمن الرحيم والله صغنون مرة ........... ايش راح تسموه
غزل : مازن ......... وطالعت في مؤيد ....... زي ماقال ابوه راح اسميه مازن
الكل عرف انه غزل ولدت والكل زاراها وريماس ورسيل سوو حرب من تشيله اول وصوروه وارسلو لتالا صورته
بباريس تالا كانت فاتحه اللاب توب وتشوف الصورة
: يناسو عليه وربي قمر
رامي ابتسم على شكل الولد : عقبالك
تالا ابتسمت : ان شاء الله
رامي : صح اذا حملتي في بنت ايش راح تسميها
تالا : انت اختار انا اهم شي يكون عندي ولد منك
رامي مسكها من كتوفها : انا بسميها ريتاج لو كانت بنت ولو ولد
تالا : لو ولد رامي
رامي : لا لاتسميه زي ابوه
تالا : خلاص انت اختار الاسم انا ماعندي مانع
رامي بعد تفكير : نسميه رواف واذا تؤام رواد ورواف
تالا : الله تؤام مرة وحده
رامي : ان شاء الله يارب
تالا اتنهدت : ان شاء الله
غزل راحت بيت امها راح تقعد الاربعين عندها
مؤيد كان جالس وغزل تلعب في مازن : ياروح ماما انتا ومازن يضحك
مؤيد ابتسم
غزل لفت عليه : مؤيد تعال شيله
مؤيد : لا اخاف اطيحه
غزل : لاتخاف تعال
راح مؤيد وهوا متوتر
غزل : حط يدك هاذي من تحت راسه والثانية من عند ضهره ......... وسوا مؤيد زي ماقالتله غزل
مؤيد : ياقلبي عليه مرة خفيف
غزل : ايوا مرة
مؤيد جلس جنبها وحوطها وهوا ماسك مازن : احبك احبك
غزل : وانا كمان حبيبي احبك
وبعد غزل ولدت تولين واجبت بنوته حلوة وسمتها تغريد كانت مرة حلوة وكلبوزة عكس مازن كان نحفان
بعد شهرين كانت ملكت رسيل ........... خالد متحمس حماس غريب اخيرا راح يكون مع رسيل
ورسيل مرة متوترة وتدعي ربها انه خالد مايسوي شي يحرجها
رسيل كانت لابسه فستان فوشي كان شكلها جنان والميك اب نعوم زيها وعيونها العسلي لونها فتح اكثر مع الميك اب اللي يشوفها يحسبها حاطة عدسات
البنات مارحموها من التعليقات حقتهم وهيا مرة متوترة ......... غزل اعطتها الدفترتوقع
رسيل : بنات انا بطلت اتزوج
رود وبطنها كبرت : لا مو معقوله اقول وقعي لااوريكي بلاش دلع
رسيل : والله خايفه
ريفان : حبيبتي رسيل وقعي ماراح يسير شي
رسيل سمت بالله ووقعت ويدها ترجف
خرجو البنات عشان خالد يدخل ........... دخل خالد وهوا متشخص
رسيل اول مادخل وقفت
خالد وقف قدامها : سوسو
رسيل : عيونها
خالد بحماسه المعتاد : انا مبسوط مرة اي معاكي واخير حياتي وروحي معايا
رسيل : حتى انا مبسوطة اك معايا واخيرا
خالد : نفس اصرخ واقول للناس كلها اني احبك
رسيل بتريقه : اتحداك
خالد : لاتتحديني ترى اسويها
رسيل : وانا اقلك اتحداك
خالد كأنه ماصدر فتح البلكون وخرج منها وسار يصرخ ويقول : ياناس ياعالم انا احب رسيــــــــل
خلى الشباب يخرجو
مؤيد : والله مايقعل عن جنونه هاذا
وائل : مافي فايدة يلا اتزوج مجنونة زيه
مؤيد : ههههههههههههههههه والله انك صادق
رسيل : سحبته من يده ........... تعال وربي على طول صدقت
خالد : انا احبك يارسيل احبك
رسيل : بدلع حتى انا احبك واموت فيك
خالد قرب مها وباسها
رسيل ........... عارفة جرائته بس مااتوقعت انه راح يسويها من اول يوم لهم وجهها سار الوان
خالد : ههههههههههههههه مالي دخل اتعودي على كذا
رسيل : يلا المصورة تستنى
خالد عارف انه احرجها
راحو اتصورو والمصورة كلو شويا تقولهم يسوو حركة ورسيل تعارض عليها .......... وخالد مأيد الحركات
الكل عاش بسعادة لمدة سنه تالا ورامي رجعو عشان عند رامي اجازة فرجع هوا وتالا ......... تالا الحلم كل يوم تشوفه كل يوم خوفها يزيد عن اليوم اللي قبله .
في يوم من الايام كانت عند غزل ورامي في الدوام ........... كانت تحس بغثيان ماهي قادرة تتحمل
غزل: تالا اشبك
تالا : ماادري احس اني دايخه وبس استفرغ
غزل ابتسمت : لايكون
تالا : لايكون ايش
غزل :شكلك حامل
تالا : حامل
غزل : ايوا
تالا : لو كنت حامل رامي راح ينبسط هوا يستنى هاذا اليوم من زمان
غزل : طيب ايش رايك نروح المستشفى .......... ونكشف
تالا : فكرة بالمرة اسويها مفاجئة لرامي
غزل : طيب
قامت تالا ومعاها غزل وراحو المستشفى .......... كانت جالسه ومرة متوترة خايفه انها تكون ماهي حامل هيا نفسها تجيب طفل من رامي
دخلت الدكتورة وتالا مسكت يد غزل بقوة : خير يادكتورة
الدكتورة : مبروك انتي حامل
تالا كانت من جد مرة مبسوطة حضنت غزل : مبروك ياقلبي
تالا : الله يبارك فيكي
غزل : ماتبي تقولي لرامي
تالا : دحين راح اتصل عليه
اتصلت تالا على رامي اللي كان في السيارة .:هلا قلبي
تالا : رامي انت فينك
رامي : انا جاي في الطريق امرك ونروح البيت مع بعض
تالا : طيب عندي لك مفاجئة
رامي ابتسم : ايش هيا
تالا : لمن توصل اقلك هيا
رامي : اوكي انا مسافة الطريق واكون عندك
تالا : اوكي انتبي على نفسك
رامي : وانتي كمان يلا باااي
تالا بسرعه : رامي
رامي : هلا
تالا : احبك
رامي : وانا كمان ياقلبي
تالا : باي
رامي بااي حياتي
رامي دوبه قفل م تالا كان بيحط الجوال جنبه بس طاح في الارض ورن رامي نزل نفسه يجيبه ماهو لاحقه ........... فجئة مايسمع الاصوت بوري قريب منه ........... رفع راسه الا يصدم في اللوري اللي قدامه
تالا طول الطريق قلبها قابضها ماهي عارف اشبها وبس تهز برجلها
غزل بأستغراب : تالا اشبك
تالا بخوف : ماادري .......... حاسه رامي فيه شي
غزل : اتصلي عليه ان شاء الله مافيه شي
تالا اتصلت عليه بس مارد عليها : مايرد
غزل : اتصلي مرة ثانيه
اتصلت تالا مرة ثانيه من ثاني ره رد على الجوال
: الو
تالا بأستغراب : مين انت ؟
الضابط : انا الضابط حسين الـــــ
تالا وقلبها كل ماله تزيد سرعة دقاته : فين رامي
الضابط : انتي مين ؟
تالا : انا زوجته ........... فين رامي
الضابط : رامي حصل له حادث قوي دخل في لوري ......... وهوا دحين بالمستشفى
تالا ودموعها اتجمعت : بأيت مستشفى
الضابط : مستشفى الــــــ
قفلت تالا من غير ماتقول شي وقالت للسواق يروح المستشفى
غزل : خير ياتالا
تالا ببكى : رامي سرله حادث وهوا بالمستشفى
غزل : طيب اهدي انتي
اتصلت غزل على مؤيد يقابلهم في المستشفى
بالمستشفى تالا زي المجنونة ماهي عارفة ايش تسوي او تسأل مين
راحت غزل وسالت عن رامي وقالولها في غرفة العمليات
راحت هيا وتالا ........... تالا بس ترجف من الخوف ماتبى تسمع خبر راح يموتها
وقفت عند غرفة العمليات بعد ساعه خرج الدكتور
راح تالا له : دكتور في رامي
الدكتور بحزن : رامي الحمدلله بخير بس في شي سارله
تالا ببكى : ايش سار
الدكتور : رامي سار انسان مشلول
تالا بانهيار : انت ايش قاعد تقول
الدكتور : هاذا قضاء الله وقدره عن اذنك
غزل سارت تهدي عليها : خلاص ياتالا لاتبكي
تالا : غزل سمعتي ايش يقول رامي سار مشلول يعني مايقدر يتحرك
غزل سارت تبكي معاها عمرها في يوم ماشافتها بهاذي الحالة
غزل : انتي لازم تكوني اقوى من كذا عشان رامي خليه يقوم بالسلامه ويتعالج برى
تالا : غزل انا خايفه
غزل حضنتها : لاتخافي ياقلبي
الكل من سمع بحادثة رامي راحو اهلو مقطعين نفسهم بالبكى خصوصا امه
رامي فاق وماهو راضي يقابل ولا ااحد حتى تالا ماهو راضي يقابلها من بعد ماعرف انه سار مشلول
تالا كانت كل يوم بالمستشفى وعارفة انه رامي فسيته تعبانه وماكان يبى يتكلم مع احد عشان كدا عذرته
يوم الكل راح بيته ماعدا تالا للان ماهي قادرة تروح وتسيبه ........... دخلت الغرفة كانت مصرة انها تشوفه ........ كان معطيها ظهره وجالس على الكرسي المتحرك
تالا مسكت يده ونزلت نفسها له : وحشتني
رامي كان ساكت ماهو راضي يتكلم
تالا دموعها نزلت : رامي الله يخليك اتكلم لاتسكت قول اي شي
رامي بردو مارد عليها
تالا وقفت قدامه : طالع فيا رامي الله يخليك طالع فيا انا تالا ........... تالا حبيبتك ......... رامي رد عليا
رامي بهدوء : ايش تبيني اقول
تالا : رامي لاتخاف احنا راح سافر وتتعالج برى وراح ترجع زي اول واحسن
رامي : احنا ........ تالا انسيني
تالا كأنه احد كب عليها مويا بارده : رامي انت ايش قاعد تقول
رامي : بعصبيه : يعني انتي من طريق وانا من طريق
تالا ببكى : لا تقول كذا رامي انت تحبني .........ز وانا احبك كيف تباني اعيش من دونك
رامي : تالا انتي
تالا حطت يدها على فمه : لاتقولها الله يخليك لاتقولها رامي انت تدري اني مااقدر اعيش من دونك انا مستعدة اعيش معاك مهما كانت الظروف
رامي : لا ياتالا كيف راح تعيشي مع انسان مايقدر يتحرك كيف راح اشتغل واصرف عليكي انا مااقدر ياتالا روحي خلاص احنا مو لبعض
تالا نزلت لمستواه وببكى يقطع القلب : رامي الله يخليك لاتسيبني رامي انت تحبني
رامي بصراخ : انا مااحبك ............ اطلعي برى
تالا كأنه احد كب عليها مويا باردة .......... رجعت اتكلمت : لا يارامي انت تحبني ماتقدر تكذب عليا ......... انا راح اطلع بس ماراح استغنى عنك يارامي
خرجت تالا ورقعت الباب بأقوة ماعنده
رامي اول ماخرجت ........... نزلت دموعه ماكان قادر يتحمل يشوفها كذا بس لازم يسوي كذا اذا يبغاها تنساه
تالا رجعت البيت وهيا منهارة دخلت الصاله كان ابوها جالس وامها واخواتها واخوانها
وائل : تالا اشبك
تالا ماهي قادرة تتحمل جلست بالارض وسارت تبكي بهستريه : يقولي مايحبني يقولي روحي في حالك
وائل نزل لمستواها : لا تبكي ياتالا
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك