رواية ياروح الروح حبك فرضته -26
لجين:حلوه...وينها ابي اشوفها يبوها لي ...ماني قادره انطر ابي اشوفها
الكل ساكت ومحد عرف يرد عليها ...موقادرين يقولولها انه بنتج انولدت وهيا ميته
لجين الخوف تسلل لي قلبها ...حست انه فيها شي ..قلب الام:بنتي فيها شي
راشد راح وقعد عندها على الفراش وخذا راسها وحطه على صدره وماكان عارف من وين يبدي:لجون انتي بعدج صغيره والعمر جدامج
لجين اتقاطعه:بنتي فيها شي
عبدالله ماتحمل اكثر هدهم وطلع بره...طلال قعد على الطرف الثاني من السرير ومسك ايدها
راشد سكت فتره وبعدها:انتي مؤمنه وتدرين انه الموت حق ومثل ما الله يعطي اهوا الي ياخذ
لجين مومستوعبه :يعني شنو
راشد ياخذ نفس عميق:لاحول الله ...لجون انتي كنتي بين الحيات والموت وبنتج عطتج عمرها وانتي عشتي بدالها
لجين:بنتي ماتت
طلال يمسح على ايدها ودموعه تنزل:لجون انتي بعدج اصغيره واتقدرين اتيبين غيرها
لجين من الصدمه ماتكلمت ولا كلمه وحتى دمعه مانزلت
بعد سبوع لجين اطلعت من المستشفى وراحت بيت طلال وحالتها من سيأ الي اسوء ..حرارتها كله مرتفعه (اصخونة حليب)....كله ساكته ...حتى الاكل ماقامت تاكل ونومها قليل والغريبه انها من يوم اسمعت انه بنتها ماتت مانزلت لها دمعه...وكله سرحانه.... بهل وقت لجين كانت توها نايمه
مريم بصوت واطي:نامت
عبيربصوت واطي:اوووش...امشي نطلع بره ....وطلعو بره
عبير ومريم اقعدو بصاله الي قبال غرفت لجين
عاليه :ليش طلعتو من الغرفه الحين تقعد وماتلاقي احد حوالينها
عبير:لا توها نايمه
مريم:والله هل بنت ماتترقع .....يما مايصير جذي اكيد في شي
عاليه:مافيها شي بس نصيبها جذي
عبير:الا قولي عين ماصلت على النبي
مريم:لامن دراستها ولا من ريلها ولا من بنتها
عبير:ليش اهيا ماخلصت دراستها
مريم:لا وين كان عندها انذارات وايد وفصلوها
عاليه:وييييي متى
مريم:طلال امس قالي
عبير:لا حول الله
عاليه:والحل ماتقدر ترجع الجامعه الحين
مريم:لاء الا اذا بتدرس على حسابها
عبير:اي خل تدرس على حسابها مافيها شي ..بس المهم تدرس
عاليه: صج عبدالله مابين من طلعنه من المستشفى
مريم:خل يولي زين والله ان شفته ياي هني حشيت ريله
عبير:مريوم شهل كلام هذي مرته لازم اي يتطمن عليها
مريم:خالتي سكتي بس لحد يسمعج وصدق
عاليه:مريوم اشفيج قلبتي عليه مو انتي الي كنتي تقنعينها تردله
مريم:كنت غلطانه عبدالله مايستاهلها وكافي كل الي يصير لها من تحت راسه
عبير :وهوا شدخله
مريم:شلون شدخله لجون اكرهت الطلعه بسبته ...وماقامت اتروح مراجعاتها الاخيره الانه كان يلحقنا بسياره...ويدخل عليها غرفت الفحص
عبير:مافيها شي
مريم:واي انتو ليش جذي هذي مو بنتكم...ولا عبدالله ولدكم وهيا بنت الناس
عبير:مريوم حبيبتي الزواج لازم في انواع واشكال من المشاكل ومو من اول مشكله بينهم انقوله طلقها... ترى البنت مو كل يوم لها ريل
وهما يسولفون اسمعو صراخ لجين من الغرفه وراحولها ركض...عبير بطلت الباب وراحت اقعدت عندها على الفراش ولمتها
عبير:اسم الله عليج يما
لجين تبجي وتشاهق:عمتي ودوني المقبره بنتي يوعانه
عاليه :لجون حبيبتي بنتج الحين طير بالجنه
لجين:عمتي والله لحمت فيها تبجي وميته من اليوع ..وتمسك ايد عمتها عاليه...عمتي الله يخليج وديني المقبر
عبير:مريوم دقي على راشد ولا طلال بسرع
لجين تبجي وتصارخ:مابي احد ابي بنتي ودوني المقبر ليش دفنتوها تحت التراب الحين تختنق
عبير ودموعها على خدها:يما مايصير جذي استغفري ربج كلنا ماشين بهدرب ومحد فينا بضل
لجين:عمتي ابي ارضعها صدري يعورني ...عمتي بلبسها هدومها الي شريتهم...ابي العب معاها واناغيها ...ليش تروح وتخليني مو كافي امي وابوي
عبيرتبجي:بس يما بس والله قطعتي قلبي
عاليه:عبير خليها اطلع الي بقلبها مو زين تخش الحزن بقلبها اكثر من جذي
لجين:عمتي عفيه يبيها بس ابي اشوفها وبعدين ردو دفنوها عمتي الله خليج ابوس ايدج وريلج ابي اشوفها ابي المها ...تعبت والله تعبت ليش كل الي احبهم يخلوني بروحي ....ليش كل هذا يصير فيني
عبير:لجون الله اذا حب العبد ابتلاه
مريم اطلعت دقت على طلال بس مارد عليها الانه كان بالمحاضره ...ودقت على راشد ...وراشد دق على عبدالله....بعد ثلث ساعه عبدالله وصل
عبدالله:السلام عليكم
الكل :وعليكم السلام
لجين من شافت عبدالله هسترت اكثر:اطلع بره كله منك ...كل الي يصير فيني بسبتك ...برا
عبير:لجون حبيبتي هدي شوي
عبدالله كان يايب معاه ابرة مهدء:عمتي مسكي ايدها عدل لاتتحرك
عبير:انشالله
لجين:مابي ابره اذلف بره
عبدالله عطاها الابره ...وبعدها بشوي نامت
عبدالله:عمتي شلي صار
عبير:قامت من النوم تصارخ اتقول ودوني المقبره ابي ارضع بنتي
عبدالله عينه غورقت وضل يطالعها وهوه ساكت
عاليه:الله يصبرها انشالله...وعوضكم بغيرها
عبدالله بقلب مكسور:آمين
لجين ضلت على هل حاله شهر كامل كل يوم اتفز من النوم وتبجي تبي بنتها ...وعبدالله كل مابغا يشوفها منعوه الانه من اتشوفه تتعب اكثر ...وبيت طلال ماكان يخلا كلش ماكنو يقدرون يخلونها بروحها
ساره كل يوم اتي تقعد عندها ساعتين وتمشي وحنان وعبدالرحمن نفس الشي...بس اميره ماكانت اتيي الانها بدت اتغار من لجين وايد ...الانه طلال مجابلها على طول وكاشت بأميره ..والي زاد الطين بله انه طلال اجل العرس 3 اشهر
أميره اتكلم طلال بتليفون:طلال من صجك ليش اجلت العرس
طلال:حلفي والله شنو ليش اجلت العرس انتي شايفه حالت لجون كل يوم اسوء من الي قبله شلون اسوي عرس وبنت اخوي جذي
أميره:اي مافيها شي كلها ليله
طلال بعصبيه:وليله هذي مو فرح مو الكل بكون مستانس ..قالولج ماعندي قلب اسوي عرس وولجون تعبانه وحالتها حاله
أميره:طلال مايصير جذي انت 24ساعه معاها وانا ماتدري عني ...شنو اهيا ماعندها اهل غيرك
طلال بصراخ:اميره تكلمي عدل فاهمه ...وانا اول ماخطبتج حطيتلج النقاط على الحروف وقتلج لجون بحياتي خط احمر محد يقرب منها وانتي وافقتي شلي يغير الحين
اميره:طلال والله مايصير جذي ابي اشوفك اقعد معاك انا لي حق مثلها
طلال:اوووه انتي الحجي ضايع معاج احنا وين وانتي وين ...اميره انا الحين مو فاضي باي
أميره :اكيد مو فاضيلي روح روح لاتتأخر عليها ...وصكته بويها
طلال انصدم من ردت فعلها:ماتنلامين اخت الزفت عبيد
بشقة عبدالله
اميره:لاعت جبدي 24ساعه مجابلها
عبدالله:اميره هذي بنت اخوه
اميره:وانت مو ريلها ليش ماتجابلها
عبدالله :شتبين الحين خلصيني
أميره:بدال ماتقعد تتبجبج مثل الحريم روح ردها
عبدالله عطاها طراق
أميره حاطه ايدها على خدها منصدمه
عبدالله:هذا عشان تصحين شوي انا مادري شلي غيرج مو هذي لجين لي كنتي تحبينها شلي قلبج عليها
أميره:صايره مثل الشريجه ماخذه ريلي مني ماتبيني اتغير...وهدته ونزلت
نهاية البارت
البارت 43
عبدلله عطاها طراق
أميره حاطه ايدها على خدها منصدمه
عبدالله:هذا عشان تصحين شوي انا مادري شلي غيرج مو هذي لجين لي كنتي تحبينها شلي قلبج عليها
أميره:صايره شريجتي ماخذه ريلي مني ماتبيني اتغير...وهدته ونزلت
بعد ثلاث اشهر وتحديدن قبل عرس طلال بسبوع ...لجين حالتها تحسنت وايد عن قبل صارت تاكل وتنام عدل وشوي شوي بدت تطلع من البيت ...والفضل كله حق طلال وعبير ومريم ودلال ...الي ماكانو يفارقونها كلش ...اما عبدالله صارت حالته ماتسر احد ...استقال من دوامه وقعد بالبيت ...ونادر مايطلع ...كان قالب نومته طول اليل سهران وطول النهار نايم كان يتحاشى اي احد يكلمه....وكان مكبر صور لجين ملوت ملجتهم وحاطهم بكل مكان بشقه ...بغرفة النوم بصاله بالغرفه الثانيه حتى بالمطبخ كان حاط برواز صغير في صورتها ...يبي يشوفها بكل مكان وبكل لحظه وهذا الي كان متعبه اكثر....طول اليل يكون قاعد وسولف مع الصور وطلع كل الي بقلبه لي اليصير الصبح ونام وهوه لام برواز صغير في صورتها
بيت طلال الساعه 8 الصبح
دلال:صباح الخير
لجين تفرك عينها :صباح النور ..شيايبج من الصبح
دلال راحت وقعدت على السرير:عندي موعد وزيود عنده شغل قلت ماكو الا لجون حبيبت قلبي اتي معاي
لجين:واي دلول اخذي مريوم وروحي
دلال:مريوم بالجامعه ...ياالله لجون الحين اتأخر عن الموعد
لجين تبتسم:انشالله ...وقامت ادخلت تكرمون الحمام خذتلها شور على السريع وطلعت نشفت شعرها ولبست وعلى طول اطلعو
بسياره
لجين:من زمان موسايقه...احس الشارع غريب علي
دلال:هههههه جم يوم وتتعودين
لجين:اي والله
دلال:لجون ...ودي اكلمج بموضوع بس اخاف اتجعميني كل عاده
لجين تبتسم:لا ماراح اجعمج...قولي
دلال:بس ابشرط اتجاوبيني على كل اسألتي بصراحه
لجين :انشالله
دلال:ابي اعرف الاشياء الي خاشتهم بقلبج
لجين:مثل شنو
دلال:الاشياء الي احنه مانعرفها عنج وعن عبدالله
لجين:مافي شي ماتعرفونه
دلال:عيل ليش كارهته جذي
لجين:ومنو قالج اني اكره
دلال:دام تحبينه ليلحين ليش ماتردينله
لجين:دلال عبدالله الهوا الي اتفسه بس لي صارلي صعب انساه ....عبدالله ذلني وايد ...خلاني انا وبنات الشوارع واحد....وسمح حق اناس اتخرب بينا ...عبدالله ماحافظ على علاقتنه ...دلول بصراحه اخاف ارد وتعلق فيه اكثر وصير شي اكبر من جذي وانا ماني ناقصه
دلال:بس عبدالله حس بغلطته ..انتي ماشفتيه بالمستشفى وهوا يصارخ ويبجي مثل الياهل ....ماشفتيه شلون قاعد على اعصابه والله كلنا كوم وهوا كوم ثاني صج يومها قطع قلبي
لجين بستغراب:عبدالله كان يبجي عشاني
دلال :لجون والله ماجذب عليج لمن وصلت المستشفى وكان واقف يكلم الدكتوره عن بنتكم وبعدها الدكتوره ادخلت وهوا ضل واقف بره ومن سمع اصراخج وانتي تولدين صار مثل المينون ...ركض بسرعه
لجين كانت ماسكه روحها وماتبي تبجي جدام دلال:وبعدين
دلال:كنه بره نسمع صراخج وصراخه ...يحليله كان يصرخ على الدكتوره ..والله انه صوته اعلى من صوتج
لجين:ليش يصارخ
دلال:كان يقول حق الدكتوره خلصيها بسرع ...وبعدها سمعناج تصرخين وهوا رد صرخ على الدكتوره ...هذا كله كوم ولمن صار معاج النزيف كوم ثاني ...اول مره اشوف ريال يصير فيه جذي..كان يصارخ ويبجي بشي هستيري والدكاتره ماسكينه...والله صج صج بجيت على حالته عور قلبي
لجين:حتى طلال انهار
دلال:طلال على طول طاح بس عبدالله كان شايل المستشفى بصراخه وبجيه والله حتى الدكاتره كانو يبجون معاه....لجون والله يحبج
لجين:دام يحبني ليش ماي يشوفني
دلال@@:حرام عليج كل يوم اي ويطردونه
لجين:منو الي يطرده وليش
دلال:مريوم وطلال...لجون انتي صج ماتبينه يعني خلاص
لجين:اي
دلال:والله ادري انها مومن قلبج
لجين:دلال ابي ارتاح تعبت..لمن اشوفه اتذكر اشياء وايد ماحبها
دلال:لجون لاتتذكرين الاشياء السلبيه شوفي الاشياء الايجابيه الي فيه..يعني مثل الكلمات الي كان يقولها ..طيبته ..غشمرته..اي شي حلو
لجين:والله ذكرتيني بشغله غريبه صارتلنا وحنه بشاليه
دلال:شنو
لجين:كنه نايمين وطول اليل ماسكين ايد بعض ...ولمن قعدنا الصبح ايدنا كانت فيها بقع حمره ومتفوخه ويابسه
دلال:واااي ..شنو هذا
لجين كانت تتكلم وهيا تبتسم:مادري بس يومها عبدالله قالي هذا دليل على حبنا القوي وانها علامتا لجوده
دلال:وناسا شكلي بجربها مع زيود اليوم...وبعدين راحت البقع
لجين:اي راحت
بعد ماوصلو المستشفى ودخلو شافو عمار بويهم
عمار:لجين اشلونج
لجين:هلا دكتور ..انا بخير الحمدالله سارونه شلونها
عمار:الحمدالله ...خير يايه عندنا
لجين:دلال عندها موعد
عمار:امممم دام جذي ممكن اكلمج اشوي بروحنه
دلال:انا تأخرت اذا خلصتي تعالي لي
لجين:اوكي
عمار:انروح الكفتيريا ولا عندي بالمكتب
لجين:على راحتك
عمار:الانه الموضوع حساس انا افضل اتين المكتب
لجين:مومشكله
عمار ولجين راحو المكتب
عمار:بدخل بالموضوع على طول
لجين :تفضل
عمار:اول شي ابيج تعتبريني مثل اخوج الكبير الي يبي مصلحت اخته الصغيره...ابيج تسمعيني لي الاخر وبعدين اذا عندج شي قوليلي خل نتناقش بالموضوع
لجين:انشالله تفضل
عمار:شوفي بنسبه حق كل الي صار انا ماراح اتكلم الا بشغلتين مهمين ..اول وحده لو اي واحد مكان عبدالله جان سوا اكثر من جذي بوايد ...الانه الزمن الي احنا فيه زمن يخوف بصراحه ..وانا معاج انه عبدالله غلط لمن ماعطاج فرصه ادافعين فيها عن نفسج بس هم ارد واقولج لو اي واحد مكانه جان ذبح مرته او طلقها ..هذي شغله والشغل الثانيه مافي ريال يذل نفسه حق مره جذي حتى لو كان غلطان الانه كرامته فوق كل شي والمره بدالها ملون وحده الله مكثرهم ابيت اهليهم يبون بس واحد يستر عليهم
لجين:عمار كل الي تقوله معاك حق فيه بس هم انا ذليت نفسي بمافيه الكفايه ...واحنا من الاساس زواجنه كان غلط
عمار:ليش غلط
لجين:احنه مانصلح حق بعض ولاتنسى فرق السن الي بينا
عمار:موشرط وبعدين حتى انتي غلطانه انتي ماعطيتيه فرصه يقعد معاج ...وبعدين عبدالله الحين مو مثل عبدالله الي قبل عبدالله انضر اكثر منج ..انتي صج خسرتي ريلج وبنتج بس عبدالله خسر كل شي حوله ..اهله بيته بنته دوامه مستقبله صحته...كل شي عبدالله قدم استقالته وقعد بالبيت
لجين قلبها شوي ويوقف:ليش يسوي كل هذا
عمار:يعني ماتعرفين ليش
لجين اسكتت
عمار:عبدالله سوى كل هذا الانه مو قادر ينساج لحظه لجين كل الناس تغلط ولمن تدعي ربها الله يغفر لهم انتي ليش مو راضيه تغفرينله
لجين:عمار انا ماأجذب عليك انا ودي اردله اليوم قبل باجر ومستعده اخدمه طول عمري حتى لو ماكان يبيني..بس اخاف اتعلق فيه اكثر وبعدها يتخلا عني عمار ماني قادره اتحمل صدمات ثانيه بحياتي
عمار:صدقيني لو كان عندي شك واحد بالميه بس انه عبدالله مايحبج او صرتي بنسبله ماضي جان مافاتحتج بالموضوع.. ...انا متأكد من حب عبدالله لج ....وارد اقولج ترى صعب على الريال انه يذل نفسه حق المره لو منو تكون .....الانه كرامته فوق كل شي والريال مو مثل المره
لجين كان ودها تنفجر من البجي وطلع كل الي بقلبها بس كانت ماسكه روحها ماتبي تبجي جدام عمار
عمار:لجين فكري بكلامي عدل وانا متأكد انج تحبينه مثل ماأهوا يحبج وحرام كل هل حب يكون نهاية الطلاق
لجين خلاص ماقدرت تتحمل اكثر من جذي دموعها غرقت عيونها :عن اذنك
عمار:حياج
لجين قانت من مكانها وهيا بتطلع
عمار:لجين
لجين لفت:نعم
عمار:فكري بحبج ترى حرام اتضيعينه والقلب مو كل يوم يقدر يحب
لجين:انشالله...وطلعت
بيت حنان
عبدالرحمن يكلم راشد بتليفون
عبدالرحمن:يابو احمد اهما من بعد الي صار ماقعدو مع بعض بروحهم لازم يتفاهمون
راشد:يابو عبدالله كل شي انتها بينهم ولي متى بضل معلقها جذي قوله اليوم يروح يطلقها ولا بينا المحاكم
عبدالرحمن:لاحول ولا قوت الا بالله.....ياخوي انه ابغض الحلال عند الله الطلاق
راشد:جذي احسن لهم اثنينهم وانشالله عبدالله يحصله على بنت ناس..مو وحده تربيت حمد
عبدالرحمن عرف انه راشد حازه بخاطره هل كلمه:لا ياخوي شهل كلام وعبدالله ماكان يقصد واحنه وين بنحصل احسن من بنت اخوي يوسف الله يرحمه..واذا على كلمه الي قالها ترى كانت بلحظت غظب
راشد:المهم قوله اليوم ولا باجر يروح يطلق
عبدالرحمن:هذا آخر كلام
راشد:والله ماودي ياخوك بس غصبن عني ولدك ماخلا فيها كلام
عبدالرحمن:على خير انشالله ..وسامحنا اذا غلطنا بحقكم
راشد:لا يابو عبدالله طول عمرك اخو عزيز وغالي بس العيال مالهم نصيب يكملون
عبدالرحمن وهوا متضايق :خلاص الحين اقول
راشد:يالله مع السلامه
عبدالرحمن:الله يسلمك
حنان:لاتقول يبونه يطلقها
عبدالرحمن:ولدج سود ويهي
حنان:ولدي ماسود ويهك بس اهمه موراضين يعطون الريال مجال يشوف مرته كل مارح طردوه مو حاله هذي
عبدالرحمن:المهم الحين يبونه يطلق
حنان:ولجين شرايها بالموضوع
عبدالرحمن:اكيد اهيا الي طالبه هشي
حنان:استغفر الله ياربي ..والله عين وصابتهم
عبدالرحمن :روحي ناديه خل اكلمه
حنان:انشالله
حنان راحت قعدت عبدالله ونزلو تحت
عبدالله :شلونك يبا ..باس راسه وقعد
عبدالرحمن:زين تذكرت عندك ابو
عبدالله:عمري مانسيت هشي لولاك جان ماوصل الي هني
عبدالرحمن:المهم قوم الحين روح المحكمه وطلق لجين
عبدالله منصدم:جذي بدون مقدمات
عبدالرحمن بعصبيه:ليش تبيني امهدلك السالفه انشالله...راشد اليوم داق وقول لازم اطلقها ولا بينا المحاكم ...وبعدين ماتقولي لي متى البنت معلقه جذي
عبدالله:يبا اسمحلي طلاق ماني مطلق وانا ماعلقتها هذي مرتي وانا ابيها ..اهما مادري شلون صايرين مايعطوني مجال اشوفها بالمره
عبدالرحمن:دام تبيها ليش ماتفاهمت معاها
عبدالله:يبا كل مارحت بيت طلال قالولي نايمه
عبدالرحمن:قوم الحين جدامي روح طلق
عبدالله بعصبيه:يبا الله يهداك هذي مرتي ومحد يقدر يجبرني اروح اطلقها
عبدالرحمن:عبدالله البنت نفسيتها ماتتحمل اكثر من جذي
عبدالله انفجر عليهم:وانا شنو بطقاق انا الي ضاع مني كل شي .....كل الناس اتغلط مو بس انا وفي ناس اتغلط غلطات اكبر من جذي وهم يسامحونهم...انا ماسويت جريمه من احقي اغار على مرتي يبا عبالك انا كنت مرتاح من الي سويته......بس تدري انا الغلطان صح انا الغلط راكبني من راسي لي ريلي ...المفروض كنت اطلقها من زمان.....وعلى فكره مثل ماأنا غلطان هم لجين غلطانه و انانيه..عن اذنكم
حنان :وين رايح يمه
عبدالله :بروح المحكمه
بيت طلال
لجين كانت قاعده على السرير ومخليه ظهرها قبال الباب ...الباب كان امبطل شوي ...كانت ماسكه تليفونها وحاطه صورت عبدالله وتسولف
لجين:آآآآخ والله مو بس احبك والله اموت بالتراب الي تمشي عليه ...وتبوس الشاشه
طلال كان واقف عند الباب ويسمعها شتقول وضل ساكت يبي يسمع الكلام اي كانت خاشته بقلبها
لجين:عبادي مشتاقتلك وايد... ودي ارجعلك بس والله خايفه منك بشكل ماتتصور ...عبود انت مشتاقلي مثل ماأنا مشتاقتلك..احبك والله احبك
طلال كان يحاول يشوف شلي بيد لجين بس ماقدر ...راح وقرب من السرير مقعد عندها
لجين:طلال خرعتني
طلال خذا التلفون وشاف صورت عبدالله
طلال وهوه يبتسم:وانا اقولج عبدالله يموت فيج
لجين استحت ونزلت راسها...طلال حط صبعه تحت حنجها ورفع راسها
طلال:لجون ليش تكابرين دام تحبينه جذي ليش متتفاهمون
لجين:طلال انا ماابيه
طلال يقاطعها :لجون من متى تجذبين علي ترى سمعت كل شي
لجين:اخاف ارجع وهدني مره ثانيه
طلال بستغراب:ليش يهدج مره ثانيه لجون شهل تفكير
لجين:طول عمري بنظره تربيت حمد ...طلال والله اخاف باجر اتصير نجره بسيطه يقولي انتي تربيت حمد وهيني مره ثانيه وبعدها يطلقني
طلال:لجون بعد الي شفته من عبدالله بالمستشفى اقولج عبدالله يموت فيج ...عبدالله قعد يبجي مثل الياهل كان خايف يصير فيج شي ...وعلى فكره دمعت الريال ماتنزل بسهوله ...لجون صج انا عمج وسندج بدنيا بس الريل غير الريل ستر وبعدين انا مو دايملج ...سمعي نصيحتي وتفاهمي معاه
طلال ضل يسولف معاها فتره طويله وهيا ساكته وتسمع
بسيارة عبدالله
عبدالله:انا الغبي الي نطرت كل هل مده على امل انها تردلي ..بس ماأطلع عبدالله اذا ماطلقتها وتزوجت باجر
بيت طلال
طلال رن تليفونه وهوا عند لجين
طلال:هلا بالحب كله
أميره:احلف
طلال:اجذب عليج يعني
أميره:اممممم انزين منوا تحب اكثر انا ولا لجون
طلال:اموووره حبيبتي احنه شقلنا هل موضوع خط شنو
أميره بنفسيه:احمر
طلال:المهم وينج
أميره:بدوام
طلال:شرايج تنحاشين وتين نطلع
أميره:صج ...والله خوش فكره نص ساعه واكون عنك
طلال:ههههه اوكي
اميره اطلعت من الدوام وراحت بيت طلال ومن هناك طلعو بساره وحده
طلال:عندي لج خبر حلو
أميره:ادري عرسنا بعد اسبوع
طلال:لا غيره
أميره:بنسافر
طلال:لا
اميره:شنو قول
طلال:بشرط محد يدري
اميره:انشالله بس قول
طلال:لجون بترد حق عبدالله
اميره: شنو ...كلللللللللوش...والله احلى خبر سمعته واااي وناسه
طلال:وناسه على شنو بتفتكين منها ولا الانها بتتصالح مع اخوج
أميره:انا صج اغار منها بس والله احبها بذمه يعني لي متى بظلون جذي اثنينهم يتعذبون والله حرام...خل ادق ابشر عبود
طلال:احنه شقلنا
اميره:اي صح نسيت ...انشالله يارب ردون حق بعض ومايفترقون ابد
نهاية البارت
البارت 44
طلال:وناسه على شنو بتفتكين منها ولا الانها بتتصالح مع اخوج
أميره:انا صج اغار منها بس والله احبها بذمه... يعني لي متى بظلون على هل حاله .... اثنينهم يتعذبون والله حرام...خل ادق ابشر عبود
طلال:احنه شقلنا
اميره:اي صح نسيت ...انشالله يارب يردون حق بعض ومايفترقون ابد
بيت خالد ولد سالم
عايشه:خلود خلود
خلود:هلا يمه
عايشه:خلود باجر شعندج
خلود:ماعندي شي ليش يمه
عايشه:في ناس باجر بيون يشوفونج
خلود:صج والله منو ...من ولده وشسمه وجم عمره ولد حموله ولا لاء
عايشه:واااي على جيل هل وقت ...والله على ايامنا بس نسمع سيرت الخطبه ويها يقط الوان
خلود:يمه انتي قلتي قبل ...الحين الوضع يختلف ...ماقلتيلي من ولده
عايشه:ولد ال....
خلود:وناسه ...وجم عمره
عايشه:عمره 28 سنه
خلود:يعني بينه سنتين
عايشه:اي...المهم روحي السوق وخذيلج شي عدل
خلود:انتي تامرين امر
عند طلال واميره
أميره:طلال ابي اعرف السالفه بتفصيل
طلال:صج حريم اتموتون على السوالف
أميره:طلال عفيه قولي الي صار...يعني اهيا يتلك وقالتلك برجعله
طلال:لا دخلت عليها الغرفه شفتها ماسكه تليفونها وتسولف ..ولمن قربت اكثر شفتها حاطه صورت عبدالله
أميره:وبعدها قالتلك انها تبي تردله
طلال:اهيا ماقالت ابي اردله بس كلامها حسسني بهشي
أميره:شلون
طلال:اهيا تبي تردله بس خايفه يصير شي اكبر وهيا ماتقدر تتحمل اكثر من جذي وانا قتلها تفكر بالموضوع عدل الانه السالفه طولت
أميره:يعني انت حسيت من كلامها انها تبيه
طلال:اي ...امووور الله يهداج صايره محقق
أميره:طلال شسوي والله قلبي يتقطع عليهم
طلال:سلامة قلبج يابعد قلبي انتي
أميره:اكيد
طلال:اكيدين...انا جم اميره عندي
أميره:وحده بس تحب لجين اكثر منها
طلال:اوووهوووه الحين اشدخل لجون بالموضوع ....يعني كل ماقتلج كلمه حلوه قلتيلي لجون ...مو حاله هذي
أميره:هذا الصج انت اتحبها اكثر مني
طلال بعصبيه:اميره خلاص ...تدرين شلون انا الغلطان الي اقولج هل كلام
أميره:لا والله يعني ماراح اتقولي كلام حلو مره ثانيه
طلال بعصبيه:لا
أميره:كل هذا عشان لجون
طلال:اميره وبعدين ...لي متى كلمه وثانيه لجون ولجون ترا هذي بنت اخوي مو شريجتج
أميره بنفسيه:ادري
طلال:دام تدرين مو كل ماقتلج احبج قلتيلي انت اتحب لجون اكثر ...فهمي انتي غير وهيا غير
اميره:شلون غير
طلال:انتي مرتي وحبيبتي وباجر بتصيرين ام عيالي...اما لجون بنت اخوي
أميره تقاطعه:وحبيبتك وهيا خط احمر بحياتك
طلال بعصبيه:انتي ليش تحبين النكد يعني طالع معاج مشتاقلج لازم تنكدين علي صج حريم ياحبكم لنكد
بسيارة عبدالله
عبدالله كان واقف قبال المحكمه وقبل ماينزل مسك تليفونه وكتب (انا الحين رايح اطلق عشان ترتاحين مني ...والله ماكان ودي نوصل لي الطلاق بس انتي السبب بكل الي قاعد يصير كنه نقدر انصلح كل شي ونبدي صفحه يديده بس انتي انانيه ....وهذا حظي طول عمره ماكمل )وطرش المسج
بنفس الوقت لجين كانت قاعده مع مريم ودلال بصاله كانت قاعده اتسولف وتضحك
لجين:دلول كل ماأذكر سالفت الاونو اموت من الضحك هههههههه
دلال:سكتي ليلحين يعايرني فيها
لجين:هههههههههه
مريم:شنو سالفت الاونو
دلال:انتي ماتدرين
مريم:لا
لجين:عيل طافج نص عمرج ههههههههه
وصل المسج حق لجين
دلال:لجون تليفونج ولا تليفوني
لجين :لا تليفوني ...وبطلت المسج ....من قرت المسج اعتفست وعيونها غورقت
دلال:لجون شفيج
لجين:......
مريم:لجون من منوا لمسج
لجين:عبدالله
مريم بعصيبه:شيبي هذا ليش مو راضي يفهم
لجين وقلبها يتقطع:لاتخافين عبدالله رايح يطلق الحين
دلال اشهقت
مريم:احسن مابغينه نفتك منه
دلال بعصبيه:ليش اهوا ريلج ولا ريلها
مريم:اهوا سبب كل الي صار فيها
لجين :عن اذنكم وقامت اصعدت فوق واول مادخلت غرفتها امسكت تليفونها وكتبت(لاتقول الحظ عمره ماكمل قول انا حاولت بس الله ماقسم...انت مافي منك بدنيا واتستاهل وحده احسن مني )وطرشت المسج ...لجين خذت مفتاح سيارتها وبدلت ونزلت
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك