رواية همسات حب تنزف الم -25
وائل ملكته بكرا ومرة مبسوط انه راح يكون مع حب حياته
كندا كانت مرا متوترة من بكرا هيا صح حبت وائل بس عمرها في يوم ماجلست لوحدها معاه
ليث يستنى الفرصه الثانيه اللي يشوف فيها جمانه
جمانه كان نفسها تشوف ليث بس ماتدري ليش
هدى اليوم فرحها كات خايفه من هادي اللي من جد غموضه غريب يدخل ساكت ويخرج ساكت
هادي ماهو عارف ليش قرر هاذا القرار هوا بأمكانه يختار اي بنت ثانيه بس مايدري ليش وافق على هدى
يوم الفرح هدى كانت متوترة مرة كانت خايفه من هاذا اليوم اللي ماكات تبغاه يجي بس خلاص جاه اليوم اللي ماتدري مصيرها كيف راح يكون مع هادي
كانت لابسه زي هاذا الفستان
وعاملة شعرها زي الصورة
والميك اب زي هاذا
وماسكة نفس هاذي المسكة
كان شكلها مرة حلو ونعوم البنات دخلو عندها
هدى : بنات سامحوني اذا في يوم غلطت عليكم
تالا : وي ايش هاذا الكلام مابيننا احنا بنات عم واخوات
غزل : كلنا مسامحينك
رسيل : اصلا محنا زعلانين عشان سامحك على شي انتي ماسويتيه
هدى حست بألم في قلبها هيا كانت ماتطيقهم خصوصا تالا بس البنات طلعو يحبوها زي اختهم هيا صح بعض الاحيان تقهر بس برضها زي اختهم
ملك طول الوقت ساكتة ماهي معاهم مسرحه تفكر بمهنا نفسها تشوفه ........... بس كرامتها واللي سواه فيها مانعتها من انه تشوفه ........ انا نازلة
غزل بحزن : طيب انتبي على نفسك
ملك : طيب ............. نزلت ملك وخرجت على الحديقة كانت تحس نفسها مخنوقه
: ملك
اشتاقت لكل شي فيه ماهي مصدقه انها شافته بس افتكرت اللي سواه فيها : نعم ايش تبغى
مهنا : ملك انا اسف وبترجي .......... الله يخليكي سامحيني ملك انتي تدري اني مااقدر اعيش من دونك
ملك : مهنا لاتحاول انا ابغاك وسكتت شويا انا ابغاك تطلقي معد ابى اعيش معاك يامهنا
مهنا: ملك انا مااقدر اسيبك ملك انتي روحي كيف تبيني اسيب روحي ملك
ملك وقفته : لا تكمل انت ماعاد تعنيلي شي بحياتي .............. وراحت وسابته قلبه مكسور يبغى يرجعلها بس ماهي راضيه
دخلت ملك وكان في وجهها تالا
تالا بأستغراب : ملك اشبك
ملك ابتسمت ابتسامه مصطنعه : لا مافيا شي
تالا : طيب تعالي هدى دحين تنزف
ملك : طيب
وراحت مع تالا ........... وهيا تتذكر اللي قالته
انزفت هدى وراحت مع هادي بيته هوا واهله وكان له جناح خاص في البيت دخلت هدى الجانح انبهرت من شكله كان من جد يدل على شخصية هادي
هادي : شوفي ياهدى انتي راح تنامي على السرير وانا راح انام على الكنبه احنا بالجاح مانعرف بعض لكن قدام اهلي لازم نمثل انا سم على عسل
هدى : طيب انت ليش اتزوجتني دام انك ماتبيني وتبغاني امثل على اهلك
هادي : هدى ماله داعي الكلام دحين .......... انا خلاص اتزوجتك واسمعي كلامي بالحرف الواحد
هدى اتنهدت : طيب
هادي : لاتخافي انا مو من الناس اللي يعامل بقسوة وراح تكوني زي اختي لمده سنه اوكي وابتسملها
هدى رفعت راسها واتمت انها مارفعتها سرحت بعينه العسلي ......... كانت ابتسامته تجن خلتها تتوتر ماهي عارفة ايش تقول
هادي : الو نص الميه كم
هدى ضحكة على حركته : هههههههههههههههههههه
هادي : يلا روحي غيري ملابسك
هدى : اوكي ........... دخلت هدى الحمام كانت خايفه من معاملت هادي لها لكن اتفاجئت من حركاته مااتوقعت انه راح يسوي معاها كذا طلع انسان شهم ويخاف عليها ولا واحد ثاني كان عاملها زي الخدامه بس هوا عاملها زي اخته
هدى بعد مادخلت الحمام هادي اخذ نفسه ( هوا مرة شكله كان يجنن بس هادي مايبين عليه حتى لو عجبه شي مايبان عليه ........... سبحان اللي خلقها انسانة محترمه بس ليش سوت في نفسها كذا ........ الله يهديها )
كانت مسدوحه على السرير اليوم مرة ماسمعت صوته وحشها بس ماتبى تكلمه هوا هاذي الفترة يتعب كثير في الدوام كانت تبغاه ينام بس هوا لازم يكلمها
دق جوالها فزت تشوف مين استغربت من المتصل في هاذا الوقت كان خالد : الو
تالا : هلا خلووووووووود
خالد : كيفك تالا
تالا : بخير الحمدلله ......... انت كيفك
خالد : تمام
تالا : ها خير اشبك متصل في هاذا الوقت
خالد : انا قررت قرار
تالا بأستغراب : ايش ؟
خالد : انا بخطب رسيل
تالا : انت من جد تتكلم
خالد : والله وبكرا بفاتح امي وابويا بالموضوع
تالا : خالد رسيل لسى ماخلصت دراسه حتى انت كيف راح تخطبها
خالد : انا راح اخطبها عشان ماتروح مني بس راح اتزوجها اول مااخلص
تالا ابتسمت : اها اذا كذا الف الف الف مبروووووووووووك مقدما
خالد : الله يبارك فيكي عقبالك
تالا : ان شاء الله
خالد : انا كنت متأكد انك تحبي رامي بس ماحبيت اضغط عليكي بالاعتراف
تالا : ودحين عرفت ايش راح تسوي
خالد : لا خلاص الولد راح يسير زوجك بعد اربع شهور
تالا : ههههههههههههههههه
خالد : يلا مااطول عليكي
تالا : اوكي بااي
خالد : باااي
دوبها قفلت من خالد الا دق جوالها مرة ثانيه ماطالعت مين المتصل على طول ردت اتوقعت انه خالد : خلوووووووود خلاص بنام
بكل عصبيه : نعم نعم
تالا : رامي
رامي وهوا معصب : ايوا ان شاء من اول جوالك مشغول قاعدة تكلمي خالد
تالا : ايوا
رامي : وان شاء الله ايش يبغى في ص الليل يكلمك
تالا ماحبت تقوله على خطبته لرسيل : والله يسلم
رامي عصب زيادة :وهوا في احد يسلم في هاذا الوقت
تالا : رامي اشبك
رامي : يعني ماتدري اشبي واحد متصل عليكي بنص الليل وتقوليلي يسلم
تالا عصبت هيا الثانية : يعني ايش قصدك انا كذابه
رامي مااتكلم
تالا : رامي ات تعرف اني انا وخالد اكثر من اخوان وهوا يحب رسيل ماتوقعت انك تكذبني يارامي على العموم هاذا الشي راجعلك ........... يلا باااي
رامي دوبه بيتكلم الا تالا قفلت في وجهه وقفلت الجوال بعدها ورمته في الدرج .......... رامي رجع اتصل لقيه مقفل اقهر انه كذبها هوا يعرف تالا انها هيا وخالد زي الاخوان بس الغيرة عمته
تالا انسدحت على السرير وهيا الاخلاق مقفله عندها تبى تنام بس ماهي قادرة تحس انها مقهورة ماتحب احد يكذبها
اليوم الثاني صحيت هدى ولبست فستان ازرق قصير وعملت شعرها كيرلي وحطت ميك اب اعم كان شكلها يجنن
هادي قام وعلى وجهه ابتسامه : صباح الخير
هدى : صباح النور
هادي : امي اتصلت
هدى : ايوا وتقولك يلا نزل الفطور
هادي : طيب انا اخذ شور على السريع استني لاتنزلي ننزل سوا
راح هادي واخذ شور ولبس بنطلون جينز وتيشرت ابيض كان شكله حلو والتيشرت ماسك عليه وبارزة عضلاته
هدى طالعت فيه وابتسمت : يلا
هادي اخذ نفس : لاتنسي زي ماقلتلك اح نسوي اننا حب بعض ومانقدر نبعد ع بعض ثانيه
هدى : طيب
خرجو من الجناح وهما نازلين بالدرج هادي ماسكها من يدها وبيده الثانيه ماسكها من وسطها ومقربها له ........ هنا هدى وجهها سار الوان ودقات قلبها كل مالها تزيد ............ اما هادي كان مرة متوتر خصوصا انها كانت مرة قربيبه منه ويحس عطرها دخل لرئته
هادي بصوت واطي : على فكرة عطرك حلو
هدى ابتسمت بتوتر : شكرا
وصلو لصاله الاكل : السلام عليكم
الكل : وعليكم السلام
ابو هادي : ياهلا والله بعروستنا الحلوة تعالي يابنتي اقعدي جنبي
هدى ابتسمت وكانت بتروح تقعد بس هادي وقفها : لا خلوها جنبي انا مااتحمل اشوفها بعيده عني
ام هادي : ههههههههههه الله يوفقكم
جلست هدى جنب هادي وهيا متوترة من حركاته ............ حتى هادي كان حاسس بتوتر قوي ....... بس لازم يسوي كذا مايقدر
تالا مانامت وحتى رامي راح الدوام مواصل كان يفكر بتالا هيا زعلت منه( انا ليش كذبتها وانا اعرف تالا عمرها ماتكذب عليا في يوم ........... مسك الجوال ورجع يتصل عليها لقي جوالها مقفل رمى الجوال ع المكتب من القهر ) واستئذن وخرج من الدوام
تالا استئذنت من امها تبى تروح مجمع العرب تبى تشغل نفسها بشي ......... اخذت معاها رسيل
راما راحت مع رامي مجمع العرب تبى تشتري اشياء من هناك
تالا هيا ورسيل ماشيي وزي ماقلتلكم متلثمين يعني مو بورقع ........ فجئة جو اثنين وكالعادة جلسو يعاكسو في تالا ورسيل
رسيل خايفه : تالا خلينا نرجع البيت
تالا : اقول امشي وانتي ساكته اذا من البداية خايفه ليش جيتي معايا
رسيل : طيب شوفي الاثنين اللي ورانا
تالا : طنشيهم
الاول : الحلو ليش مو معطينا وجه
الثاني وقف قدام تالا خلاها توقف مشي : اشبك ياعسل معصبه
تالا : اقول بعد عن وجهي لاتشوف بوكس في عينك
الا ول : هههههههههههههههه الله بوكس مرة وحده
رسيل عارفة تالا لو عصبت ترى تسويها وضربها يعور جربته كم مرة
تالا سحبت رسيل وكملت مشي
جاه الاول ومسكها من وسطها
تالا هنا خلاص وصلت معاها اعطت لرسيل الاكياس : تالا ايش تبي تسوي
تالا : امسكي وانتي ساكته
لفت تالا على الشاب : نعم ايش تبغى
الاول : ابغى الرقم
تالا ابتسمت ابتسامه جانبيه : من عيوني ماطلبت شي
راما : رامي شوف هناك في بنت كأنها تالا
رامي لف يدور بعينه على تالا بس اتفاجئ من حركتها اللي سوتها
تالا اعطت الولد بوكس كانت عند كلمتها ............. تالا كات تتابع كثير من الافلام الامريكيه زي فندام وجاكي شان وبرسلي جيتلي .......... كان تشوف حركاتهم وتطبقها وهيا صغيرة لمن تضارب مع رسيل او خالد اواولاد الجيران ولسى مانسيت الحركات الاخت
رامي مااتوقع مها هاذي الحركة
وتالا لسى : تبى واحد ثاني
الاول : لا والله بنت زيك تضربني وكان بيضربها كف على وجهها
بس مسكته يد
: انت بقد هاذي الحركة
الشاب : وليش تمد يدها عليا
تالا اتفاجئت انه كان موجود
رامي مسكه من بلوزته : اقول تعرف تنقلع وثاني مرة لا تتعدى على بنات الناس فاهم
ودفه بيده
راحو الشابين اللي ماسلمو من تالا
وقف رامي قدامها كان لابس بنطلون جينز وتيشرت اسود
تالا سحبت رسيل : امشي خلصيني
رامي راح وراها : تالا بس دقايق
تالا راخيه راسها ماتبى تطالع فيه نقطة ضعفها عيونه: نعم
رامي : تالا طالعي فيا اشبك راخيه راسك
تالا : رامي قول ايش عندك
رامي عرف اها للان معصبه منه ابتسم على حركتها : تالا تعالي معايا نقعد في مكان اعرف اكلمك فيه
راما سحبت رسيل معاها وراحو بعيد عنهم ......... راحت تالا ومعاها رامي وجلسو بمكان عشان يعرف يكلمها
تالا قاعده تلعب بأظافيرها وماتتطالع فيه : يلا قول ترى ماعندي وقت
رامي : طيب لسى زعلانه مني
تالا رفعت راسها : انت ايش شايف يارامي ليش تكذبني ترى انا اكره ماعليا احد يكذبني وانت تعرفني انا عمري ماكذبت عليك في شي .......... وتعرف خالد انه مثل اخويا مو اكثر جيب جوالك
رامي مبلوه كأنها ماصدقت فتح الموضوع انفجرت ........... اعطاها الجوال
تالا دقت على خالد اللي دوبه كان صاحي
: الو
تالا : خلوووووووووود
خالد : تالا رقم مين هاذا
: تالا مالك دخل رقم وحدة من صحباتي ووالله لو دقيت عليه راح اقل لرسيل
خالد : لا مالي دخل كله ولا سوسو
تالا فتحت الاسبيكر : خلوووود امس ليش اتصلت عليا امس باللليل
خالد : كنت بقولك اني بخطب رسيل
تالا : اها دوبي افتكرت معليش نسيت المهم انا بقفل مني فاضيه يلا باااي
من غير ماتسمع رد خالد قفلت في وجهه
خالد ابتسم على حركتها : قسم بالله مجنونة
تالا رجعت لرامي جواله : صدقت دحين .......... يلا انا رايحه دوبها بتقوم ........... الا رامي مسك يدها
تالا لفت عليه : انا اسف ........... تالا لمن شافت عينه وهوا باين عليه انه ندم على اللي سواه ماقدرت مهما كان هاذا رامي وماتقدر تعيش من دونه ............. رجعت جلست وهيا ساكته
رامي ابتسم على حركاتها : توتا لسى زعلانه
تالا : لا خلاص بس لعد تعيدها
رامي : وربي الغيرة عمتني
تالا : الله هاذي كلها غيرة
رامي : انتي ماتتخيلي انا قد ايش مااقدر اعيش من دونك وماااطيق احد يكلمك ولاياخذك مني
تالا : حتى انا لو شفتك في يوم بباريس تكلم بنت ياويلك يارامي
رامي : هههههههههههههههههه افتكر لمن ضربت الولد بوكس
تالا : اشبك ؟
رامي : بالله كيف ضربتي الولد
تالا اتفشلت انه شافها : والله قهرني عمى في عينه قليل ادب
رامي : تصدقي اول مرة اشوفك معصبه كذا
تالا : لا انا مااحب اسوي هاذي الحركات.......... بس هوا زودها
رامي : كيف يعني
تالا : مسكني من وسطي
رامي هنا طلعله عرق براسه من العصبيه وكان بيقوم يدور عليه
تالا مسكته : خلاص خليه ينقلع لا توسخ يدك في واحد مايستحي .......... رامي رجع جلس
تالا تبى تغير مزاجه : ترى وحشتني
رامي ابتسم على كلامها : ياحياتي انتي اكثر ومسك يدها وباسها
تالا : رامي ترى احنا بمكان عام محنا بباريس
رامي : ههههههههههههه يلا قومي ارجعي لرسيل
تالا قامت معاه وراحو لرسيل وراما اللي جالسين يستنو
رسيل : بدري يااختي
تالا جلست تضحك تعرف رسيل خوافه : من عمرك يلا خلينا نمشي
رسيل : بالله ايش قاعده تسوي مع رامي
تالا : جلس يتكلم معايا شويا
رسيل : والله سرتي منحرفه
تالا طالعت فيها بنظرة استهزاء : منحرفه هااااا بالله مين المنحرفه انا ولا انتي هاااا لاتنسي هرجة البلكونه
رسيل : انتي مين قلك
تالا : الطير الاخضر
رسيل : طيب امشي وانتي ساكته
وائل ملكته سارت على كندا والكل كان مبسوط له
كندا كانت جالسه تستنى وائل يدخل ومرا متوترة اول مادخل وائل كدا وقفت وراخيه راسها من الخجل
وائل راح لعندها ووقف قدامها : مبروك ياقلبي
كندا : الله يبارك فيك
وائل مسكها من دقا الصغير ورفعلها راسها : احبك
كندا وجهها سار الوان
وائل : راح اخليكي اسعد انسانة على وجه الارض انا حبيتك وماحبيت غيرك ياكندا من يوم اشفتك وانتي عقلي وقلبي معاكي
كندا مرة مستحيه ماكانت تقدر تتكلم من الحجل
وائل : كندا انتي تحبيني
كندا طالعت بعينه : انا احبك ياوائل انا من اول يوم سفتك فيه حبيتك بس عمري في يوم اتخيلت انك تحبني
وائل : لا صدقي انا احبك وماراح احب غيرك
كندا اكتفت بالابتسامه
عند ملك كانت جالسه في الليل تتفرج تلفزيون فجئة سمعت صوت انسا تعشقه كان برى بالشارع يصرخ بأسمها ........... نزلت تجري واهلها وراها ............ ملك مــــــــــــــلك انا احبك ياملك كيف تبيني اعيش من غيرك انا اسف قلتها كم مرة ملك الله يخليكي ارجع لي
ملك دموعها بس تنزل على حبيبها اللي عمرها ماشافته بهاذي الحالة ....... كان لابس بنطلون جينز وتيشرت ازرق ......... وكان يتكلم بهستريا وكأنه قاعد يبكي
مهنا : ملك الله يخليكي ارجعي معايا ملك اا احبك وزلت من عينه دمعه ملك انا مها حبيبك ملك لاتسوي فيا كذا ............ الله يخليكي
ام مهند : يابنتي سامحيه
ابو مهند راح لمهنا : ياولدي روح بيتك بعدين بكرا الصباح نتفاهم
مهنا طالع فيه ورجع وجه نظره لملك : انت ايش قاعد تقول انا ماني قادر اتحمل في كل مكان اتخيلها ياعمي انا ماني قادر اعيش من دونها........... راح لعندها ....... ملك تعالي معايا والله ماراح اسوي شي يزعلك مرة ثانيه ملك والدموع بعينها......... خلاص يامهنا اللي بينا انتهى
مهنا : لا ياملك لاتقوليها ملك اعطيني فرصه ثانيه وراح تشوفي عمري في يوم ماراح ازعلك
ملك : خلاص يامهنا ارجع البيت وورقه طلاقي توصلي بكرا
مهنا : ملك الله يخليكي افهميني وربي انا اسف .............. ملك انتي نقطة ضعفي ملك الله يخليكي ارجعي معايا
ملك دخلت هيا وامها وابوها وسكت الباب
مهنا سار يبكي بصوت هوا عمره مانزل دمعه على بنت في يوم من الايام لكن ملك غير عن كل البنات : ملك الله يخليكي سامحيني جلس في الا رض على ركبه وسار يصرخ بصوته ملك انا ماراح اسيبك تروحي مني ملك انا احبك تعرفي يعني ايش احبك
ملك كانت واقفه ورى الباب وبس تبكي نفسها تروحله وترمي نفسها بحضنه بس زي ماقلتلكم كرامتها مانعتها ( والله حتى انا احبك يامهنا بس مااقدر ارجعلك مااقدر )
مهنا نفسيته مرة تعبت ماكان متخيل انه يسير فيه كذا............. كلم تولين تكلمها بس مافي فايده ملك كانت مصره على قرارها.......... الكل كان يكلمها
يوم زواج ريفان من قصي البنات كانو متحمسين يشوفو ريفو كيف مستحيه
ريفان باين عليها التوتر : بنات وربي خايفه
تالا : ههههههههههههههه وربي شكلك تحفه وانتي مستحيه
رود : من جد
ريفان : بالله ناسيه نفسك يوم الملكة كنتي تبي غزل توقع بدلك
تالا : ههههههههههههههههههههه
رود وريفان : جاي اليوم اللي راح يسير فيكي زي ماسار فينا
تالا : وليش اخاف
رود : بعدين تعرفي
ريفان كانت لابسه زي هاذا الفستان
وعاملة شعرها زي هاذي التسريحه
والميك اب نفس اللي بالصورة
وكانت ماسة نفس هاذي المسكة
كان شكلها مرة جنان طالعه قمر
ازفت ريفان وراحت مع قصي البيت قصي اول ماوصل عند باب الغرفه : استني
ريفان وقفت
قصي بخفة شالها بين يده ودخلها
ريفان : قصي نزلني لا اطيح
قصي : ياعيون قصي انتي
نزلها ووقفها قدامه : مبروك ياحياتي
ريفان : الله يبارك فيك قلبي
قصي مسكها من وسطها وقربها نحيته
ريفان حست بتوتر كان تحس انها اسعد انسانه بما انها مع قصي
قصي : ماوحشتك
ريفان بتوتر : الا اكيد وحشتني
قصي قربها زيادة ووووو..................... ^_*
اليوم الثاني خالد صاحي من بدري ومتوتر اليوم راح يفاتح امه وابوه بموضوع رسيل ومرة خايف انه مايوافق عشان ماخلص دراسته
ابو خالد نزل : صباح الخير
خالد ابتسم : هلا والله صباح النور
ابو خالد : غريبه صاحي بدري
خالد :ماعندي نوم ........ وغير كذا بفاتحك بموضوع انت وامي
ابو خالد : خير ايش عندك
خالد : دحين امي تنزل واقولك
ابو خالد : طيب
ام خالد دوبها نازلة : صباح الخير
ابو خالد : صباح الورد والفل والياسمين
خالد ( والله ابويا طلع يعرف يدلع ) : صباح النور
ابو خالد : يلا قول ايش عندك
ام خالد : خير اشبو؟
ابو خالد : يقول عنده موضوع يبى يقولنا هوا
خالد ابتسم بتوتر وجلس يفرك يده : انا انا بخطب
ابو خالد : ياولدي انت لسى ماخلصت دراستك كيف بتخطب ومين اللي راح توافق عليك وانت لسى ماعندك شغله
خالد : انا اللي بخطبها ماابها تروح مني عشان كذا بخطبها من دحين وبعد مااخلص دراسه راح اسوي الفرح يعني دحين بس ملكة
ام خالد : ومين هيا سعيده الحظ
خالد بتوتر : رسيل
ابو خالد : رسيل ؟
خالد : ايوا
ابو خالد : بس ياولدي رسيل ماخلصت دراسه
خالد : انا بخطبها ماابى احد يخطبها قبلي والبنت تروح مني
ام خالد : انا عني ماعندي مانع بما انك راح تكون مرتاح
خالد ارتاح شويا بس لسى ابو خالد مارد له : وانت ياابويا ايش قلت
ابو خالد سكت شويا بعدين ابتسم : على خير ان شاء ياولدي انا راح افاتح عمك بالموضوع بكرا
خالد قام من الفرحه وسلم على راس ابوه : الله يخليك لنا ياغالي
ابو خالد : هههههههههههه الله يوفقك ياولدي
جوري : خلووووووووووووود وديني البقاله
خالد : ياعيون خلود انتي روحي جهزي نفسك عشان اوديكي
جوري : طيب
خالد كان مبسوط انه رسيل راح تكون له مو لاحد ثاني
مهنا جالس في مكتبه ( مهنا يشتغل بشركة كبيرة ) ماهو عارف ايش يسوي مع ملك .......... ( ملك ماراح اقدر اسيبك ياملك انتي روحي كيف اسيبك ) فجئة سمع صوت انذار الحريق .......... قام مفجوع من الصوت وهوا خارج من مكتبه قابل واحد من العمال :/ خير ايش صاير
العامل يبى يخرج بسرعه : ماادري في حريقه في المستودع اللي اسفل وفي شخص محبوس ماهو قادر يخرج
مهنا راح جري نزل عند المستودع رفز الباب برجله ولف الشماغ على راسه واتلثم بيه وسار يحاول يدخل مابين النار الشخص كانت النار مرة قويه ومهنا كل شويا يكح ماهو قادر مخنوق بس كان يحاول انه يوصل لمكان الشخص وصل للشخص اللي كان مخنوق وماهو قادر يتنفس حطه على ظهرو ومشي لحد ماوصل عند الباب رمى الشخص على برى وكان بيخرج الا طاحت خشبه من فوق المكتب كانت مرة قويه عليه بعدها مهنا مايحس بشي
( انتهى البارت )
( البارت السادس والعشرون )
كانت جالسه بالحديقه وقلبها قابضها ماتدري ليش كانت تفكر فيه تحس انه فيه شي بس ماتدري ايش ساير معاه ولا تقدر تكلمه فجئة دق جوالها ........... كانت مترددة انها ترد رجع اتصل مرة ثانيه حست انه المتصل مصر انها ترد ردت ويدها ترجف : الو
: هلا
بحزن : كيفك ؟
: تمام .......... خير ايش ساير
اتنهد : مهنا بالمستشفى بين الحيا والموت
وقفت من الصدمه : انت ايش قاعد تقول
: حصل حريق بالشركة اللي يشتغل فيها وهوا بين الحيا والموت
: هوا بأي مستشفى
: مستشفى الـــــ
: اوكي وقفلت من غير ماتسمع رد الشخص اللي كان يكلمها
راحت لبست عبايتها وهيا افكار تجيبها وافكار توديها
ركبت السيارة وراحت على المستشفى ( يارب مايسرله شي وربي انا مااقدر اعيش من دونه ودموعها بدت تنزل والله ندمت اني ماعطيته فرصه ليش ماسامحته ليش )
في مكان ثاني كانت جالسه على اللاب توب ومتحمسه وهيا تكلم صديقاتها كانت لابسة سورت وبدي ورافعه شعرها بشكل عشوائي ......... كانت في عين تراقبها بعدين جلس ع الكنبه اللي قدامها واعطاها ظهره وسرح بخياله ( يعني ياهدى لو ماسويتي اللي سويتيه كان انا وانتي اسعد الناس ...... طيب انا ليش مااعترفلها واريح نفس ........... طيب انا في البدايه قلتلها اننا زي الاخوان ودحين اغير رائي )
هدى : هادي
هادي مارد عليها كان مرة مسرح
هدى قامت بشويش وكانت ماسكه كاسه مليانه ثلج وراحت ورى هادي وسحبت التيشرت من عند رقبت وكبت الكاسه كلها بظهره هادي قام بسرعه يخرج الثلج وفسخ التيشرت شكله كان يضحك
هدى ماقدرت تمسك نفسها على شكله : هههههههههههههههههههههههههههههه
هادي لف عليها وابتسم بخبث : انتي بقد اللي سويتيه
هدى بكل ثقه : ايوا
هادي رمى التيشرت في الارض وقرب منها ............. هدى اتوترت من قربه هادي بخفه شالها........... وهيا تضرب فيه : هادي نزلني
هادي : مو انتي بقد الحركة انا لازم اوريكي ايش اسوي
دخلها الحمام وحطها في البانيو ودخل معاها وسار ماسكها بيد وحدة واليد الثانيه فتح مويا باردة عليها وعليه
هدى : لالالالالالالالالالالا
هادي : ههههههههههههه شوفتي لاتلعبي بالنار معايا
هدى لفت تبى تضارب معاه ......... بس ياليتها مالفت عليه عيونهم التقت ببعض محد منهم قدر يتكلم لغة العين هيا اللي اتكلمت ........... هادي سحبها لناحيته وحضنها .......... هدى اتبنجت ماهي قادرة تسوي شي هادي كان حاضنها بأقوة ماعنده .......... بعدين سابها وخرج ........ حس انه غلط هوا معاهد نفسه انه مايقرب منها ........ اما هدى جلست في االبانيو ماهي قادرة تتحرك والمويا مفتوحه فوقها ........... سمعت صوت الباب حق الجناح اتقفل ......... عرفت انه هادي خرج قلمت هيا الثانيه خرجت وغيرت ملابسها وجلست تفتكر اللي سار معاها
دخلت المستشفى وهيا ترجف من الخوف خايفة تسمع خبر راح تندم على اللي سوته طول حياتها سألت عن مهنا قالولها في غرفة العمليات للان ماخرج منها ........... راحت لعند غرفة العمليات كان الجو مكهرب كان مهند وتولين وام مهنا موجودين
ام مهنا ببكى : يارب لاتاخذه مني والله ولدي الوحيد انا مااتخيل اني مااشوفه يوم واحد
مهند : هدي نفسك ياعمتي ان شاء الله يقوم بالسلامه
تولين بس تبكي ومهند يهدي عليها وعلى امها .......... ماهو عارف ايش يسوس
راحت لعند مهند ومسكت يده مهند اتفاجئ مااتوقع انها راح تجي بعد المكالمه : ملك ؟
ملك : مهند فين مهنا
مهند بحزن : ادعيله يقوم بالسلامه حالته خطرة وللان الدكتور ماخرج من عنده ............ وحالته بين الحيا والموت
ملك واتجمعت بعينها الدموع : لا مهنا ماراح يموت ويسيبني مهنا يحبني يامهند لاتقول كذا
مؤيد دوبه جاه راح ملك تجري لمؤيد وجرته من يده زي الاطفال : مؤيد تعال قوله خليه يقول الحقيقه قوله مهنا مافيه شي الله يخليك قوله وسارت تبكي ........... مؤيد مايتحمل يشوف تؤامه كذا حضنها : خلاص ياملك لاتبكي
فجئة خرج الدكتور راحت ملك له تجري : كيف مهنا
الدكتور : للاسف احنا سوينا اللي نقدر عليه مهنا دخل بغيبوبه من الخبطة اللي جات على راسه كانت مرة قويه ...........وحصلت له بعد الحروق في ظهره بس بسيطة ......... وضيق بالشعب الهوائيه بسبب دخان الحريق
مهند : طيب نقدر نشوفه
الدكتور : ايوا بس واحد يدخل عشان حالته
مهند : طيب يادكتور شكرا
الدكتور : العفو هاذا واجبنا
ملك تحس نفسها مصدومه
مؤيد راح لعندها ومسكها من كتفها : ملك انتي بخير
ملك دفت يده : مؤيد مهنا مافيه شي صح
مؤيد حزن على اخته : ملك ياقلبي ادعيله يقوم بالسلامه
ملك بصراخ : انت ايش قاعد تقول يامؤيد مهنا بغيب.............. ماكملت كلمتها الا اغمى عليها
دخل وهوا مرة متوتر ماهو عارف ايش يسوي معاها بعد اللي سار ........... مالقيها بالجناح بس حس انه البلكونه مفتوحه لانه الهوا داخل من نحيتها راح لعند البلكونه ولقيها واقفه في البلكون كانت لابسه قميص نوم فوشي هيا مااتوقعت انه يجي في هاذا الوقت عشان كذا لبست قميص نوم ............ المهم وكانت فاتحه شعرها الطويل كان الجو مرة جنان والهوا يطير في شعرها
هادي : ايش قاعدة تسوي
هدى انفجعت : انت من متى هنا
هادي : دوبي جيت
هدى لفت ثاني واتنهدت
هادي راح لعندها: هدى
هدى : هلا
هادي : انا احبك
هدى : كأنه احد كب عليها مويا باردة
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك