رواية ياروح الروح حبك فرضته -21
عبدالله:لازم تاخذين على الوضع ....انا الحين ساكت الانا بشاليه بس باجر بنرد البيت وقعدلج قعده عدله
لجين:ماكو شغل
عبدالله:اي ماكو شغل ...بعدين ليش تتسبحين ولابسه الدبله
لجين:الاني احبك وماقدر افصخها ...مو كافي انت ملبسني الدبله بخليها جذي طول العمر مابي افصخها
عبدالله بصراخ: احبج والله احبج ويلمها حيل
بشاليه الثاني
عبير :بنات تعالو سوو سلطه
البنات:انشالله
طلال :الفحم زاهب وين اللحم
عاليه:عدك على الطاوله
طلال:اوكي
حنان:ساره يمه روحي نادي اخوج
ساره:شتبين فيهم خليهم متى ماياعو يبون
حنان :انزين طرشيلهم مسج
ساره:انشالله ....وطرشت حق عبدالله المسج(الحين بيشون اذا تبون عشا تعالو بس انا اقول لاتيون احسن ههههه )
بره الشاليه سعد كان واقف مع ربعه
احمد:سعد اخذ الفلوس ولاتسوي شي ...والله حرام تهدم بيتهم
خليل:وهوا صاج ليش اتسوي جذي انت ماتخوف يصير فيك شي باجر ..ترى الله يمهل ولا يهمل
سعد:وانا ماعلي والله لردله الصاع صاعين هذا يمد ايده علي
خليل:سو اي شي الا خراب البيته
سعد:خوله اتقول عبدالله كان ريل اختها وهذي باقته منى يعني تستاهل الي يبصير فيها
من بعيد
لجين وعبدالله يمشون وماسكين ايد بعض
لجين:عبادي حبيبي غنلي
عبدالله:هههههههههه صوتي مو حلو
لجين :انت كل شي فيك حلو...يالله عبادي غنلي عفيه
عبدالله:اممم بغنيلج هذا انا الانها فعلن تتكلم عني
هذا انا
يا سامعين انته معي هذا انا
ابكتب على صدر الزمان اسمك بنور
يا صوتي المشحون شجن دافي الشعور
بأوله عليك اوله على همسك اوله على لمسة ايدك
بأغني للدنيا تعال ياريحة العالم
هذا عيوني لك سكن
هذا انــــــــا
اسرح ورا فكري وش كثر محتاجك
واسري بليلي وانت بأيدي سراك
امشي على نورك يجرني شعورك
خطوه ورا خطوه الود في سورك
ابغيك تحمي الحب تحمني
وتسكن رموشي ومنزلك عيني
يا سيد الاحساس صوتك توالي الليل يناديني
اسمع نداي يللي كل لحظه انت معاي
يا كل امانيي وعمري ومناي
شوقي انا يناديك تحس الوله في الندى
ويرد علي الصدى
كلي انا ابغيك ويرد علي الصدى
يا روح الروح حبك فرضته فرض
ياروح الروح اصبحت انته النبض
آه آه يا لذيذ الهمس
انته بحياتي شمس
دنياي ما مثلها دام انته فيها وبس
لجين تصفق:فديت صوتك والله ...انت ياروح الروح وصج حبك فرضته فرض ...غصبن علي حبيتك
طلال:قيس وليلى تعالو خلصونا
لجين وعبدالله:هههههههههههه
عبدالله:يخسي قيس انا احبج اكثر من حبه حق ليلى
لجين:هههههههههه اي وهوه بنهايه جنه هد حبيبته
عبدالله:لا جنه ماتت بس صج مو كفو
لجين:ههههههههههههههه لايسمعونك الاودباء ههههههههه
حنان:انشالله اشوفكم طول العمر مستانسين جذي
عبدالله:آمين ...يمه كثري من هدعوه الحلوه
حنان:وي انشالله اشوفكم شياب مع بعض ولا يفرقكم شي ...ويبعد عنكم كل ضالم
الكل:آمين
لجين اتقطع اللحم بيدها وتوكل عبدالله:يالله حبيبي بطل
عبدالله:انتي الحين اتوكليني عشان لاتاكلين صح..عبالج ماعرف سوالفج
لجين:لا حبيبي الحين آكل...بس انا جذي مستانسه
سعد يصارج من ورا:وتوكلينه جدامي
الكل التفت
راشد:شفيه هذا من يقصد
سعد وقرب صوبهم :اقصد لجين انتي شلون توكلينه جدامي
لجين من الخوف الزقت بعبدالله وبصوت واطي:هذا شفيه وشلون عرف اسمي
عبدالله:والله لذبحه...وهوا رايح بطقه مسكو الريايل
عبدالرحمن:خير بيه فيك شي
سعد:عبدالله ماخذ حبيبتي مني قوله يطلقا
عبدالله صار مثل الصنم اطرافه كلها نشلت
طلال:احترم نفسك يا....
سعد:وانتو خليتو فيها حترام انا ابي حبيبتي احنه كنا متفقين اذا ولدت تتطلق ونزوج بس انا ماأقدر اشوفها بحظن غير واسكت
لجين:انت جذاب انا متفقه معاك انا ماعرفك
الكل كان واقف ومنصدم من الي يسمعونه ومحد قدر يتكلم
سعد:الله يالجين الحين صرتي ماتعرفيني نسيتي لمن كنتي تتشكين منه ..وانا اصبرج وقولج كلها فتره وبتصيرن زوجتي وانسيج عبدالله وطوايفه
لجين تبجي:انت جذاب ...عبدالله لاتصدقه والله جذاب
عبدالله بصراخ :كافي بس وخري عني هذا يزاتي اني حبيتج...حرام عليج اتخونيني ومع منو مع هذا
سعد:هذا الي مو عاجبك مرتك اتموت فيه
طلال ماتحمل يسمع اكثر من جذي...راح صوبه وطقه طق السنه بساعه مع مساعدت الشباب
عبدالله:وانا اقول ليش قالي متى اي دوري لمنه كنت نايم بحضنج على البحر
لجين تبجي:عبدالله والله ماعرف لاتصدقه
عبدالله بصراخ:لاتيننيني الصبي يعرف عنج كل شي اسمج وانج حامل ماتقوليلي من وين عرف
لجين:مادري والله مادري
عبدالله:ماتدرين ..ليش اتسوين فيني جذي...بس ماتنلامين تربيت حمد ....وهدها ومشى
لجين كانت اتركض وراه وتبجي :عبدالله والله ماعرفه ....حرام عليك انا احبك وماحب غيرك
عبدالله وقف ومسكها من شعرها:عشان جذي كنتي طلعين روحي عشان آخذ الي ابيه ..كنتي خايفه انج تخونينه
لجين اتهز راسها بنفي:عبدالله اكيد في انه بالموضوع والله ماعرفه
عبدالله:ذلفي عن ويهي مابي اشوفج وحمدي ربج انج حامل جان ذبحتج
عبدالله ركب سيارته وطار ...ولجين راحت حق طلال تركض...وقطت روحها بحضنه
لجين كانت تبجي بشي هستيري:طلال عفيه ودني عنده لازم يسمعني
طلال قام يبجي على بجيها:بس لجون
لجين تقاطعه وتصارخ:لا مو بس ابي عبدالله والله ماقدر اعيش بدونه ...وتروح عند عبدالرحمن...عمي والله ماعرف وراس امي وابوي ماعرف
عبدالرحمن لمها :عمي بس لاتبجي الحين اهوا معصب ومنصدم من الي سمعه وانا اكلمه بس لاتسوين بروحج جذي
لجين:عمي انت مصدقني.....عمي والله ماعرفه
ساره تصارخ:لجين بس كافي لاتبجين بطقاق الي يطقه
لجين كانت بحاله هستيريه وبجت الكل معاها:لا ساره لاتقوليج جذي ...هذي عبادي انا احبه والله احبه ولا عرف الصبي هذا
عبدالرحمن:عمي قوليلي اشلون عرف اسمج شلون عرف انج حامل
لجين:عمي والله ماعرفه والله
عبدالرحمن يقاطعها:والله مصدقج وادري موبنت يوسف الي تسوي جذي ..بس لازم انعرف من الي معطيه معلومات عنج...
لجين:مادري والله مادري
بسياره
عبدالله كان ميت بجي ودق على عمار
عمار :زين زين طرينه على بالك
عبدالله وهوا يبجي:عمار وينك
عمار مخترع:عبدالله شفيك
عبدالله:آآآآآآآآآآآآآآآخ ...ياعمار انا نخدعت فيها...اشلون كانت اتخوني ومتى
عمار:عبدالله هد اشوي انا ماني فاهم عن شنو تتكلم
عبدالله:لجين لجين اتخوني
عمار:لا يبه قول غير هل كلام ماصدق
عبدالله::يعني انا الي مصدق بس انا شفت كل شي بعيني
عمار :عبدالله انت وينك الحين
عبدالله:مادري..... آآآآآآآآآآآآآآآخ والله احبها ليش سوت فيني جذي ليش وطق ايده بقوه على السكان
عمار:عبدالله اوقف مكانك وانا الحين يايلك
بشاليه
لجين كانت ليلحين تبجي والكل يهدي فيها بس مو قادرين
دلال تبجي:لجون بس حبيبتي انتي لاتسوين جذي
لجين:دلول عفيه ابوس ايدج وريلج وديني حق عبدالله...تبجي وتشاهق... دلول عفيه قوليه اني احبه ..والله احبه
دلال تمسح على ظهرها:بس حبيبتي بس كافي والله كافي
الريايل
عبدالرحمن:طلال لازم انعرف منو ورا السالف هذي واليوم قبل باجر
راشد بصوت عالي:الياس روح يبه لي لازم اعرف السالفه منه
عبدالرحمن:راشد هد شوي
راشد:اي اهدي انت شايف حال البنت والله اخاف اتموت اليوم
عبدالرحمن:فالله ولا فالك
راشد:اموت وعرف شلون عرف اسمها
عند الحريم
عبير:لجون ماما عفيه اذا تحبيني هدي شوي
عاليه:لجون عشان الي بطنج لاتخافين عبدالله يحبج وماراح يهدج
لجين تبجي بصوت عالي:ياليت ياعمتي ياليت ...والله قلبي كان حاس بصير شي ...وتبجي وتشاهق...ليش كل الي احبهم يهدوني بروحي بدنيا...عمتي انا تعبت لاام لاابو لا ريل عمتي ظهري نكسر وقلبي تقطع
طلال قرب صوبها بلطف الجو عليها شوي:سلامتج يابعد عمري وانا وين رحت ولا ماتحبيني
لجن ارفعت راسها :انت انت الي بقيتلي بدنيا الكل تخلا عني الكل مايبيني
مريم تبجي:لجون شهل حجي كلنا نحبج وحوالينج
ساره :لجون حتى عبدالله يحبج بس اهوا الحين معصب عطيه جم يوم لين تهدا اعصابه وبعدين كل شي ينحل صدقيني
لجين:ماني قادراصبر...ابي عبدالله...طلال عفيه كلمه قوله انا ماعرفه الله يخلك اذا تحبني صج حل مشكلتي اليوم
طلال:انشالله كل شي ينحل بس انتي هدي شوي
لجين:طلال اشلون تبيني اهدا وبيتي انهدم على راسي ولاني قادره اسوي شي...طلال والله مظلومه والله العضيم مظلومه
حنان:حسبي الله ونعم الوكيل بالي كان السبب
الياس:يبا مالقيته قلبت الشاليه عليه موموجود
راشد:وين ذلف
عبدالرحمن:لو كان كل كلامه صح جان مانحاش
ليث:يبا مالقيته .....وسألت عنه قالولي طلع من الشاليه مع جم واحد
راشد:والله لوريه والله لذبحه بيدي
ساره اتساسر اميره:قلبي حاس انه الخبزه المحروقه اهيا ورا هسالفه
اميره:الخبزه المحروقه منو بعد
ساره:خلود سودت الويه بعد سالفتها اكيد بتنتقم..سود الله ويها المعفن
اميره:لا ماعتقد توصل لي هل جرئه
ساره:حبيبتي لي سوته هذيج المره ماكان جرئه ووقاحه ..بس والله اذا طلعت ايها ورا السالفه لحطها بين ريولي وطقها طق السنه بساعه
مريم:لجون صدقيني الله بياخذ حقج من الي سوا فيج جذي
لجين:انا مابي شي غير عبدالله ..وتبجي بقوه يبولي عبدالله ابي عبدالله
حنان:يمه رحمي روحج ولاتخافين كل شي بينحل
لجين تمسك ايد حنان:خالتي انتي مصدقتني صح
حنان:شلون ماصدقج يمه انا اعرفج مثل ماعرف بناتي
لجين:عيل قولي حق عبدالله اني ماعرفه اهوا يحبج ويسمع كلامج..قوليله اني احبه ..خالتي اذا عبدالله هدني والله اموت والله العظيم اموت
طلال وخرها شوي ولمها وكان يمسح على راسها لين اختفا صوتها مره وحده
طلال اخترع:ليجن لجين ..وطق على ويها...لجون ردي علي ...يصارخ ...راشد لجين ماتتحرك
نهاية البارت
البارت 38
طلال وخرها شوي ولمها وكان يمسح على راسها لين اختفا صوتها مره وحده
طلال اخترع:ليجن لجين ..وطق على ويها...لجون ردي علي ...يصارخ ...راشد لجين ماتتحرك
بعد نص ساعه
الشباب كانو يحاولون ياخذون معلومات من سيكيورتي عن سعد..بس ماكو فايده ماعطاهم شي......ولجين كان مغمى عليها من كثر البجي ... وتوها بدت اتصحصح
طلال:لجون خوفتينه عليج
لجين كانت ساكته وبس تتلفت جنها ادور عبدالله...بس عبدالله ماكان موجود
طلال:لجون تبين انرد البيت
لجين ودموعها بدت تنزل:ابي عبدالله ودوني عنده
طلال:حبيبتي خليه اليله وباجر انروحله
لجين تبجي:مابي ابي اروح الحين
طلال:لجون حتى اذا رحنا الحين ماراح يسمعج الانه تحت تأثير الصدمه والي سمع ماكان شي سهل .....خليه اليوم وباجر انروحله
لجين:عمي الله يخليك قوله لايطلقني انا احبه ومستعده اعيش طول العمر اخدمه حتى لو مايعاملني عدل
طلال تضايق وايد من الي سمع:لجون لهدرجه تحبينه
لجين:طلال عبدالله انبض الي بقلبي والدم الي يسري بشرايني
طلال:قولي آمين انشالله كل شي ينحل وابسرع وقت
الكل:آمين
أميره:لجون والله عمج صاج الحين لاتكلمينه اهوا اكيد معصب عطيه فرصه لين يطخ وبعدين انشالله كل شي ينحل
لجين:أميره طلبتج ...قوليله اني احبه قوليله ماقدر اعيش من غيره ..واذا موعشاني عشان الي بطني
أميره:انشالله بس ابيج توعديني ماتبجين
عبدالرحمن:وانا باجر ايبه لج يعتذر منج عن الي صار
لجين:عمي انا مابي يعتذر انا ابي يصدقني بس
خلال شهر من الي صار ....الكل كان يحاول يكلم عبدالله بس اهوا ماكان يسمع احد....وطلال حاول كثر مايقدر انه يلاقي سعد ...او يحل المشكله بأي طريقه بس ماكو فايده....ولجين المسكينه كل يوم اتروحله البيت تنطره عند الباب وكان يصدها وساعات يطقها بس هم مايأست كانت تبي عبدالله يسمعها بأي شكل من الاشكال وماهما الكلام الي كان يقوله لها ...لين يه اليوم الي قررت فيه اتروحله المستشفى وتكلمه ووعدت طلال انها تكون آخر محاوله
بس كل عاده عبدالله ماعطاها مجال والي صار كله بوجود عمار والحوار كان
لجين:عبدالله مابي منك شي بس اسمعني
عبدالله:مابي اسمع غصب اهوا
لجين:عبدالله الله يخليك احلفك براس امك
عبدالله يقاطعها :لاتيبين سيرت امي على لسانج لا اقصه لج فاهمه
لجين:انزين عشان الي بطني اسمعني ...والله انا مضلومه
عبدالله بصراخ:الله ياخذ الي بطنج وافتك منج ومنه
لجين طاحت على ريله وتبجي:عبدالله والله مظلومه شلون تحكم علي بدون ماتسمعني
عبدالله يرفسها بقوه:ذلفي عن ويهي... ماني ناقص فضايح انا
عمار بصوت عالي:عبدالله انت ينيت ترفسها وتدري انها شايله ولدك...حرام عليك يظالم
عبدالله:عمار لو سمحت لاتدخل....وبعدين انتي تربيت حمد الوصخه ...تبيني اصدقج
لجين:لو ماكنت مظلومه مثل ماتقول ليش اي واذل نفسي جذي...مو الاني احبك
عبدالله: اتحبيني انتي تعرفين شنو معنى الحب يابابا الحب شي اكبر منج وانتي ماذليتي نفسج الانج ماتبين تنفضحين جدام العالم او رفيجج هدج وفلستي منه وقلتي ماكو الا هل مدمغ اقص عليه
لجين:حرام عليك ....سويتني من بنات الشوارع
عبدالله:والله حتى بنات الشوارع اشرف منج
عمار:عبدالله ثمن الكلمه قبل ماتقطها
عبدالله:عبالك هذي تحس لايبه هذي عديمت احساس..ولو كان عندها ذرت كرامه ماذلت روحها جذي
لجين قامت اوقفت:الحين انا صرت جذي ...انا الي كنت احاول احافظ على حبنا صرت جذي...اسمع ياعبدالله ...الله يشهد علي اني مظلومه والي ياني منك كفايه وبعد الي سمعته منك ...اذا عرفت بيوم من الايام انتي مظلومه ويت تعتذر مالي رده لك
عبدالله بستهزاء:انتي وايد مصدقه روحج على شنو ...والله لو اتيبين الصبي يحلف على المصحف جدامي انه مايعرفج ماراح اصدقج ولا اردج ....تدرين ليش الانه تربيت حمد الوصخه
لجين:حسبي الله ونعم الوكيل بكل الي ظلمني ...وطلعت من المكتب
عمار:لا انت اكيد مينو ...انت شنو ماتحس الي ينبض بصدرك مو قلب ...ياخي اسحت على ويهك البنت ذلت نفسها بمافيه الكفايه ماتقولي ليش تركض وراك جذي اذا ماكانت اتحبك....صج انك مو كفو...انت يبيلك وحده من طقت روانو الي كانت مشيتك وراها مثل الخروف
عبدالله:عمار لو سمحت لاتتدخل بشي مايخصك
عمار :والله بيك اليوم الي بتعض اصابعك ندم
عبدالله:لاتخاف مابي
عمار هز راسه وطلع من المكتب
بشقة طلال
لجين كل مره كانت اترد البيت وهيا تبجي بس هل مره كانت ساكته
طلال:بشري انتي وعبدالله تصالحتو
لجين بحزن:وايد متفائل
طلال:اي بس انتي
لجين اتقاطعه:مليت من البجي ....طلال خلاص كل شي بينا انتها ووعدك اني ماراح ابجي بعد....كل هذا من صحتي وهوا ولا هامه ...الحين اقولك انا الي مابيه بس تعبت...ذليت نفسي وايد بس بدون فايده
طلال يسمعها وقلبه يتقطع من داخل
طلال:انتي متأكده من كلامج...يعني مالج رده له حتى اذا عرف انج مالج ذنب بالي صار
لجين من ورا قلبها: مابيه بس انا تعبت وابي انسى كل شي
طلال:يابعد عمري..والله لنسيج كل شي
لجين:الله يخليك لي ولا يحرمني منك انت الي بقتلي بدنيا
طلال:والي بطنج لاتنسينه
لجين:طلال ودي اسافر ابي اغير جو
طلال:والله خوش فكره ...بس جنه مايصير الانج حامل
لجين:مابي اقعد بهل مكان الانه يذكرني بعبدالله
طلال:امممم ..شرايج نشتري بيت
لجين:بيت ... موكبير علينا
طلال:لا موكبير باجر لي ولدتي ولدج يبيله مكان كبير يحوس فيه
لجين:طلال...ابي اطلع من هل مكان بسرعه
طلال:من عيوني باجر اروح اشوف لنا بيت على قدنا
وبهل وقت تبطل باب الشقه
مريم:صباح الخير
لجين وطلال:صباح النور
مريم:كليتو ولا بعد ترا حدي يوعانه
طلال:ههههههه شنو ابيتكم ماكو اكل كل يوم يايتنا يوعانه
مريم:والله فيه بس ماحب آكل هناك
لجين:ليش
مريم:آكل بروحي ...امي وابوي من الفير يتريقون
طلال:دام جذي امشو نتريق بره
لجين:الحين وقت غدا موريوق
طلال:ولا يهمج نتغدا بره ...بمانسبت الخبر السعيد
مريم:اي خبر
طلال:قررنا نشتري بيت ...بس ملينا من هشقه
مريم:صج والله
طلال:اي باجر ولد لجون يبيله مكان راهي يلعب فيه مو شقه
مريم:اممم...شرايك تاخذ بيت جارنا انا سمعت بيبيعه
طلال:اي جار
مريم :بيت بو علي الي مينا على طول...طلال عفيه اخذا والله وناسه كل يوم اطيح عندكم
طلال: الي يسمعج يقول مسكينه مقصره ...ماتيه عندنا كلش ...ولا جنج 24 ساعه هني
مريم:لا لي صرتو يمنا احلى حتى امي اسحبها معاي كل يوم ههههههههههه والله لخربها على ابوي
طلال:لجون شرايج انروح انشوف البيت
لجين:اي على الاقل يبت عمتي عاليه قراب مني
طلال:خلاص امشو الحين انشوف البيت.
البنات :اوكي
لجين:طلال انا ابدل وايلكم ...ثواني بس
طلال:اخذي راحتج
مريم بصوت واطي:اليوم جنها احسن
طلال:اي احسن اي بطيخ لو سامعتها توه شتقول
مريم:انشالله بعد راحت اليوم
طلال:اي ...بس مادري شصار بينهم كل الي قالته انها ماتبيه خلاص....حتى اذا عرف انها مظلومه ماراح اتردله
مريم:والله ماتستاهل كل هذا ...وهوه مو كفو اتسوي جذي بروحه عشانه
طلال:ماتنلام بيتها خترب بدون سبب ماتبينها تسوي جذي...بس انشالله الله بعوضها بالي احسن منه
مريم:آمين يارب....ويعل اشوف فيك يوم ياعبيد ياولد حنان
طلال يقاطعها :لاتدعين عليه اهوا بعد ضحيت المؤامره الي صارت
مريم:طلول بعد كل هذا اتدافع عنه
طلال :انا ماأدافع عنه بس اهوا بعد عبالج مرتاح بيته انهدم ....والكلام الي سمعه موشويه واي واحد بمكانه بسوي جذي
مريم:وشدعوا هامه
طلال:والله مادري شقول بس حسبي الله ونعم الوكيل بالي كان السبب
مريم:اي والله انشالله الله ياخذ حق هل يتيمه منه
لجين:انا خلصت
مريم:يالله يابنت جيرانه مشينا
لجين تبتسم
طلال ولجين راحو شافو البيت وعجبهم وايد ....وطلال بدون مايناقشه بسعر على طول واقف عليه كان يبي يسعد لجين بأي طريقه... بعد ماسجل البيت ......اتفق مع لجين انهم يعدلون بعض ديكورات البيت واثاثه كله...وخذا شهرين علما خلص ....لجين كانت تحاول تنسى عبدالله والحمدلله ماقامت تبجي مثل اول وكانت تدعي ليل ونهار انه الحقيقه اتبان وبسرعه ....وبهل فتره ساره انملجت على عمار
واتفقو على انهم مايسون عرس بس سوو حفله صغيره بعدها بسبوع سافرون شهر عسل وبعد ماخلص شهر العسل
لجين والبنات كانو بسوق وبنفس المكان عمار وساره كانو موجودين
عمار:سارونه هذي مو مرت عبدالله
ساره:اي والله اهيا ...بس شكلها متغير وطالع لها بطن
عمار:اكيد بيطلع لها بطن المره مابقى شي على ولادتها
ساره:ماقول الاحسبي الله ونعم الوكيل بالي فرقهم....امش انسلم عليها
عمار :اوكي
وراحو صوب البنات
عمار وساره:السلام عليكم
البنات :وعليكم السلام
ساره لمت لجين وباستها:لجون شلونج والله لج وحشه يالخايسه
لجين تبتسم:حبيبتي والله حتى انا مشتاقتلج ...والف مبروك على الزواج ولو انها متأخره وايد
ساره:ولو اني زعلانه منج بس ماعليه ..مقبوله منج....الا شلون ولدنا وتحط ايده على بطنها
لجين:الحمدالله ماشي حالها
ساره:لجون فيج بنيه
لجين:اي
ساره:وناسا...ببشر عبود والله بطير من الفرحه اذا عرف انه الفيج بنيه
لجين ويها تغير من اسمعة اسمه
عمار يغير الموضوع:وين بتولدين
لجين:انشالله بالمواساة
عمار:لا مايصير لازم اتين عندنا
لجين:لي ذاك الوقت الله كريم
ساره:لجون جم لج الحين
لجين :مادري يابثامن او بآخر السابع
ساره افهمت عليها الان البنات كانو معاها:الله يتمم عليج انشالله وتقومين لنا بسلامه
لجين:مشكوره حبيبتي والفال لج انشالله
ساره:لجون اذا يالج الطلق دقي علينا امي لازم اتكون موجوده وقت ولادتج
لجين:انشالله
ورن تليفون مريم
مريم:هذا طلال...الوووو
طلال:وينكم
مريم:بسوق وينا يعني...نشري حق زبوطة النقعا...ملابس وشباصات
طلال:هههههههههههه شباصات من الحين ...المهم قولي حق لجون غرفت بنتها وصلت
مريم:صج وناسا ...وشلون طالعه
طلال:حلوه...وينها عطيني اكلمها
مريم:اوكي...لجون طلال يبيج
لجين:هلا طلال
طلال:غرفت بنتج النزغه وصلت
لجين:يالله زين ...يالله يمدينا انرتب اغراضها
طلال:هذي ليلحين ماطلعت وغراضها ترس البيت ...باجر لي شرفت بتاخذ بيتنا وبيت عاليه
لجين:ههههههههه محتر من بنتي
طلال:اهيا ختي بس ...لشتريلها بيت بس حق اغراضها
لجين:هههههههه بيت مره وحده
طلال:اي هذي بنت الغاليه...المهم ماودكم تطلعون اليله
لجين:ماأقولك لا بس وين
طلال:مادري مشتهي زفر
لجين:لايسمعونك دلي وملي والله يفضحونك
مريم:شفيه بعد
لجين:طلال مشتهي زفر ...وين تبون
دلال:بعد ....هذا بطنه ماخاس من الزفر
مريم:قوليله انروح فش ماركت الي على البحر
دلال:تعادتي منه انتي بعد....بس عادي
مريم: هذا احسن من غيره
لجين:طلال يبون فش ماركت
طلال:اوكي متى بتروحون
لجين:امممم الحين
طلال:اوكي انا اسبقكم ...بس موتزرعوني سنه
لجين:لا الحين نطلع من المجمع
طلال:اوكي ...يالله ياحلوه باي
لجين:باي
دلال:الحين بتروحون
لجين:اي اهوا سابقنا هناك
دلال:مريوم مالقيتي الا هل مطعم لاعت جبدي منه
مريم:كيفج والله انا احبه
لجين:سارونه احنه نستأذن الحين
ساره:خلينا نشوفج
لجين :انشالله...يالله مع السلامه
عمار وساره:الله يسلمج
ساره:عمار شرايك
عمار يبتسم:مايبيله رايي من رايج الحين ادق عليه وقوله اني عازمه هناك
ساره:حبيبي تفهمها وهيا طايره
عمار :افا عليج انا حق هسوالف عند ويهج
ساره:ههههههههه ...بس انشالله قلبه يحن عليها ...والله شكلها حلو اهيا وبطنها
عمار :مابي احبطج بس اخوج مانه فود
ساره:الانه غبي
عمار:ههههههههههه ...خل ادق عليه اقوله...ودق على عبدالله
عبدالله:حيالله نسيب
عمار:الله يحيك
عبدالله بستهزاء:ها قاز مع مره ..هههههههه
عمار:تضحك نسينه ياعبيد...قبل كنت لزقه
عبدالله:الله يقطع بليسك لوعت جبدي
عمار يهز راسه:المهم وينك الحين
عبدالله:والله توني طالع من الدوام
عمار:دام جذي يعني يوعان
عبدالله:مو وايد يعني
عمار:اوكي ...انا وسارونه عازمينك على فش ماركت يالله تعال
عبدالله:يالجعص اول مره تعزمني
عمار:جب زين ...والله مايي بعينك شي
عبدالله:هههههههههههه اتغشمر والله لاتزعل
عمار:اوكي احنه انروح هناك وانت الحقنا
عبدالله:ماشي بس اروح البيت ابدل وايلكم
بالمطعم
دلال:لجون شوفي منو قبالج
طلال يلتفت وراه :منو
لجين :هذي ساره عمار ريلها
طلال:اها
مريم:اذا ماخاب ضني اهما متعمدين ايون هني
دلال: ليش مطعم بس لنا وانا مادري
لجين:ادري عنها
مريم:انزين بتشوفون الحين
طلال :شنشوف
مريم:انطر وبتشوف
وماصار ربع ساعه الا وعبدالله دخل المطعم
مريم:والله كنت حاسه
طلال لف ويها وشاف عبدالله:اشعلينا منه اهما بروح وحنا بروح
ساره وعمار كانو متعمدين يخلون الكرسي الي قبال طاولت لجين فاضي ...عبدالله سلم وقعد وعلى طول طاحت عينه عليها
عبدالله:اهيا الي قالتلكم
ساره اتسوي نفسها ماتعرف شي:منو هيا
عبدالله :لاتستعبطين لجين...اهيا الي قالتلكم ادقون علي
عمار:حشى والله البنت ماقالت شي ولا ندري عنها
عبدالله:انسدت نفسي عن الاكل
ساره:شدعوا ...عبود بلا سوالف يهال ...انت شعليك منها
عبدالله:ماحب اشوفها
ساره:لا اهيا الي ميته عليك وانا مادري
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك